Hypochondria,) health anxiety (HA), Illness anxiety disorder (IAD))
ברוכים הבאים!
לזכות את הרבים וועלן מיר אויסשמועסן דא די סימפטאמען פון די אויבנדערמאנטע, כדי די וועלכע ליידן דערפון זאלן וויסן עס איז א שווערעקייט וועלכע האט א נאמען און מען קען זיך גיין העלפן דערפון, און נישט לעבן אין פחדים און ליידן שטילערהייט.
''געזונהייט ענקזייעטי'' איז ווען א מענטש טוט זיך זארגן מער ווי מען דארף איבער געזונטהייט, און לעבט מיט די יזכיר לו יום המיתה רעגלמעסיג, ער זעט זיך שוין ביי די קלענסטע ווייטאג מיט די ערגסטע מחלות רח''ל.
עס קען אריינעמען איינ'ס, עטליכע, אלע פון די פאלגענדע, אדער אפילו גאר מער פון דעם:
1) זיך זארגן כסדר אז מען האט אדער מען גייט חלילה באקומען ערנסטע קרענק אדער דיזיזעס ה''י.
2) ביי יעדע קליינע מיחוש אינעם גוף זיך זארגן אז עס קומט פון א ערנסע מחלה ל''ע.
3) נאך א באזוך ביים דאקטער וועלכע באשטעטיגט מען איז יא געזונט, אדער נעגעטיווע טעסט רעזולטאטן, נאכאלץ נישט זיין בארואיגט.
4) כסדר באקוקן דעם גוף פאר אלע סארט מחלות ל''ע.
5) כסדר זוכן אויף די אינטערנעט איבער אלע סארט סימפטאמען און זייער באדייט.
6) אפטע באזוכן ביים דאקטער אדער אין עמערדזשענסי רום זיך צו בארואיגן פון סימפטאמען.
7) כסדר זיך זארגן אז אפשר האט די דאקטער פארזען די אמת'ע דייעגנאז.
8) ליינען ביי יעדע מעדיצין אלע מעגליכע סייד עפעקטס און זיך צומאל צוריקהאלטן פון עס נעמען צוליב זיי.
9) נאך נעמען מעדיצין זיין פארנומען א שטיק צייט נאכדעם קוקן אויב ער באקומט נישט די זעלטענע זייט ווירקונגען.
10) ישמע פחדן ויסיף נופח מדיליה.
דאס איז די א''ב פון די פראבלעם.
המשך יבוא בעזר הבורא.
