אין א טיפן הערמעטיש פארמאכטן בונקער ווייט פונעם מענטשליך אויג זיצן זיי אויף שפילקעס, עס פארט ציגארעטלעך איינע נאכן צווייטן... דער שפאנונג איז גרויס.
חדשים און יארן פון שפיאנאזש, הונדערטע מיליאנען אריינגעגאסן, הונדערטע טויזענטע פיילס און שטיקלעך אינפאו צוזאמגעקליבן פון אונטערגעשטעלטע שליחים איבער צפון אמעריקא, לבנון, טערקיי, סאודי אראביע, פאקיסטאן, תימן, קאטאר און איראן (מעגליך: ארגענטינא, מאדאגאסקאר און פאפוע ניו גיני אויך).
טויזענטע שעות ארבעט פון צוזאמשטעלן אימפארמאציע דורך די גרעסטע מוחין אין דעם שפיאנאזש פעלד, אומצאליגע מיליטערישע און פאליטישע מאנאוורעס געטון דורך אלוועלטליכע רעגירונגען, דירעקט און או דירעקט, איבערן באוואוסטזיין צו אונטערן באוואוסטזיין- און דא שטייט מען יעצט...
אלעס איז אויסגערעכנט און שטייט אויף איר פונקטליכער ציל ווי א פיראמיד, מען ברויך נאר דרוקן דעם "שיק"
אל בארוזש, דאהא, קאטאר:
אין טונקעלן פאררויכערטן קעלער ארום א ברעט געשטעלט אויף ציגל און מילך קעסטלעך זיצן זיי. צוזאמגעקראצט פון פילע עקן וועלט - טעראר אקצעפטירענדע לענדער, טערקיי, לבנון און נאך...
די לופט איז געשטיקט מיט וואלקענעס רויעך וואס שיטן ארויס פון די ציגארן, ציגארעטלעך און הוקא'ס, אוןדי טענער זענען ארויס פון קאנטראל... מען דאבאטירט דעם עתיד פון פאלעסטינע אלץ א פאלק, פון חאמאס אלץ א צום טויט דערווארגענעם...
אאאההההוווםםם... ווואאאההה.... אששלעםםם... אלללחחחייההה...
דער מסגד ברומט און שרייעט, זי פאדערט די גלויביגע זיך צו באטייליגן ביים מוגרב פרעפלערייען.
ווי פאלגזאמע און רעספעקטירטע גלויביגע - שטעלן זיך די פארזאמעלטע אויף פון טעפיך, שטויבן זיך אפ די פוס, פארדעקן זיך דאס קאפ מיט א רויט און ווייסער קאפפייה, וואשן זיך די הענט און פוס אין חצר און לאזן זיך ארויס צום מסג'ד צוויי הונדערט מעטער אויף מזרח זייט.
אבער נישט איידערן איבערלאזן די סאפיסטעקירטע אריינהעקלאזע ביפער סטייל טעלעפאונס אינעם שאפקעלע אין קעלער.
תל אביב, ישראל:
מוכנים? כן! עקשן? כן!
שלוש, שתיים, אחד... בום!!! פוץ!!
דער קוועטש אויפן קנעפל האט אין א מיליסעקונדע איבערגעלאזט דעם גאנצן קעלער מיט דער חצר ארום אויף א הויפן אש און פארעך, ווען וואלקענעם רויעך און שטויב פארשפרייטן זיך איבער די קאטארישע הימלען און וואלקען קראצער...
אל מאסול מסג'ד, אל בארוזש, דאהא, קאטאר.
די פרעפלערייען ווערן האסטיג צושטערט דורך אויפשאקעלנדע טרייסלערייען, די בןקנדע פרעפלער ווארפן זיך פון איין עק זאל צום צווייטן צום קול פון די העפטיגע באמבערייען...
נאך פינף מינוט קלויבן זיי זיך צוזאם,נ פארשטויבט, שמוציג, ערשיטערט אבער לעבעדיג... זיי בוקן זיך ווידער צום א-ל-ל-ה און ווערן אנטרינען צו א אומבאקאנטער לאקאל דורך אומאידענטיפיצירטע מאשינען.
עפילאג:
ווען די מוסד שפיאנאזש האט געזען די ביפערס פון די חאמאסאייסיסטישע קארפן קעפ פארזאמעלט אין איר באשטימטע לאקאל האבן זיי געדריקט דעם שיק קנעפל... פארטיליגענדיג אלע אויפאמאל....
אבער די געבעט הויז רעסעקטירענדע פרעפלער וואס האבן געלאזט די כלים אין הויף, זענען פארמיטן געווארן.
הנוגע לענינינו: ברענג נישט אריין דיין סעלפאון אין שול... ס'וועט דיך אפהיטן און פראטעקטן... און בעיקר - "ברענגען נענטער צום אויבערשטער"
► Show Spoiler
