נייעס פון דער רוסלאנד-אוקראינע קריג

[Spa 42]

טראמפ באגריסט זיך מיט זעלענסקי און גיבט אים די האנט.

[בודקע]

דער אוקראַינישער פּרעזידענט זעלענסקי זאָגט אַז רוסלאַנד טוט וואָס זיי קענען נאָר, אָפּצושטעלן א זיצונג צווישן אים און פּוטין צושטאַנד צו קומען

זעלענסקי האָט גערעדט ביי א פּרעסע קאָנפערענץ מיט'ן נאַטאָ סעקרעטאַר-גענעראַל מאַרק רוטעי אין קיעוו היינט אינדערפרי, און געזאָגט אַז זיי האָבן דיסקוסירט די פאַרשידענע זיכערהייט גאַראַנטיעס וואָס אַנדערע לענדער זענען גרייט צוצושטעלן פאַר אוקראַינע. דער אוקראַינישער פּרעזידענט זאָגט אַז אויב מאָסקווע צייגט ווייטער נישט אַרויס קיין אינטערעסע פאַר שלום, דאַרפן די אַליאירטע לענדער אָנהייבן אַרויסשטעלן פרישע סאַנקציעס קעגן רוסלאַנד.

[בודקע]

א הויעך ראנגיקע 'אי-יו' דיפלאמאט: פרעזידענט פוטין לאכט פון די מערב וועלט און לייגט אראפ א נעץ אז אוקראינא זאל אויפגעבן שטיקער טעריטאריע

קאַהאַ קאַלאַס, וועלכע דינט אלץ אויסערן פאליסי טשיף פאר די אי-יו, זאגט אז מען הערט נישט אויף צו רעדן איבער זאכן וואס אוקראינא זאל אויפגעבן, אין צייט וואס רוסלאנד שלאגט נישט פאר קיין שום קאנצעסיעס און זעצט פאר מיט איר מארד מאשין. ער זאגט אז פוטין איז א מענטש וועלכע האט נאך נישט געהאלטן קיין איין צוזאג, און דאס צושטעלן פאר אים אזא סאמיט אין אלאסקא איז געווען א פראפאגאנדע געוואונס פאר די קרעמלין.

[בודקע]

אויפדעקונג: פענטאגאן בלאקירט אוקראינע פון נוצן פארגעשריטענע לאנג-שטרעקיגע מיסילס קעגן רוסישע טעריטאריע‎

די אויפדעקונג ווערט געמאכט א טאג נאכדעם וואס פרעזידענט טראמפ האט געלאזט הערן אז אוקריינע האט נישט קיין שום שאנס צו געווינען די מלחמה קעגן רוסלאנד ווילאנג זיי קענען נישט צוריקענטפערן די רוסישע אטאקעס מיט אייגענע. לויט די קוועלער, האט דער פענטאגאן בלאקירט אוקריינע פון נוצן די "עטעקעמס" מיסיל סיסטעמען וואס די ביידען אדמיניסטראציע האט צוגעשטעלט פאר אוקריינע, און דעריבער איז אוקריינע געצוימט פון נוצן פארגעשריטענע וואפנס צו אטאקירן רוסישע צילן.

[בודקע]

וויצא פרעזידענט ווענס האט אויסגעדרוקט אפטימיזעם איבער אן אפמאך צווישן רוסלאנד מיט אוקראינא, טראץ סקעפטעציזעם די לעצטע פאר טעג

ווענס זאגט אז מען האט שוין געזען ערענסטע קאנצעסיעס פון ביידע זייטן, און וואשינגטאן קוקט ארויס צו קענען שליסן אן ענדגילטיגע אפמאך. זיינע ווערטער זענען געקומען אין אן אינטערוויו אין וואס ער איז געווארן אנגעפרעגט אויב ער ברויזט אויף א רוסישע אטאקע פאריגע דאנערשטיג וואס האט באטראפן א פאבריק פון אן אמעריקאנער עלעקטאראניקס קאמפאני אין מערב אוקראינא. ווענס האט געענטפערט מיט פרווה ווערטער אז ער גלייכט עס נישט, אבער דאס איז מלחמה, און טאקע צוליב דעם וויל אמעריקא עס ברענגן צו אן ענדע.

[בודקע]

רוסלאנד באשולדיגט אוקראינא אויף דורכפירן א דראון אטאקע אויף א נוקלעארע פאוער פלענט אין די קורסק ראיאן

רוסישע באאמטע זאגן אז אי דראון אטאקע האט געשאפן א פייער ביי די פלענט, אבער די פייער איז שנעל פארלאשן געווארן. די 'איי-עי-אי-עי' זאגט אז די אגענטור האט ערהאלטן באריכטן איבער א פייער ביי די פלענט, אבער האט דערווייל נישט באקומען זעלבסשטענדיגע באשטעטיגונגן איבער די אינצידענט.

[בודקע]

היינט ווערט אפגעצייכנט גאנצע 34 יאר פון ווען אוקריינע איז געווארן זעלבסשטענדיג, אסאך פירער פון ארום די וועלט האבן ארויסגעשיקט וואונטשן פאר אוקריינע אריינגערעכנט פרעזידענט טראמפ, די אמעריקאנע שליח פאר אוקריינע קעטלאג איז אויך אנגעקומען אויף א באזוך אין קיעוו.

IMG_20250824_154013.jpg (37.15 KiB) געזען געווארן 872 מאל

[בודקע]

רוסלאנד'ס אויסערן מיניסטער לעווראוו זאגט אז אוקראינא האט די רעכט צו עקזיסטירן, אבער קען נישט צוריק האלטן די וועלכע ווילן זיך אפרייסן פון אוקראינא

לעווראוו'ס ווערטער זענען געקומען אין אן אינטערוויו אין וואס ער איז געווארן אנגעפרעגט איבער קאמענטארן עטליכע יאר צוריק פון פרעזידענט פוטין אז די רוסן און די אוקראינער זענען איינס. לעווראוו זאגט אז אוקראינא האט רעכט צו עקזיסטירן, אבער קען נישט צוריק האלטן די וועלכע האבן געשטימט אין רעפערענדומס זיך אפצוטיילן פון אוקראינא, זיך באציענדיג צו רעפערענדומס אין לוגאנסק, דאניעטסק, חרסון און זעפארעיזשע.

[בודקע]

רוסישער פרעזידענט פוטין וועט טרעוולען נעקסטע וואך קיין כינע פאר פיר טאגיגע באזוך, לענגסטע אויסלענדישע רייזע זינט 2014‎

פּוטין וועט אַנטיילנעמען ביי די "שאַנכאַי קאָאָפּעראַציע אָרגאַניזאַציע" סאָמיט, וואו ער וועט זיך טרעפן מיט'ן כינעזער פּרעזידענט שי דזשינפּינג פאַר וויכטיגע געשפּרעכן איבער מיליטערישע און האַנדלס קאָאָפּעראַציע. עס וועט זיין פּוטין'ס לענגסטע אויסלענדישע באַזוך זייט 2014, און ער וועט אויך אַנטיילנעמען ביי א צערעמאָניע וואו מ'וועט אָפּצייכענען די אכציגסטע יאָרטאָג פון ווען יאַפּאַן האָט זיך אונטערגעגעבן ביים וועלט קריג.

[בודקע]

רוסלאנד'ס אויסערן מיניסטער זאגט ווידער אז פוטין קען נישט אונטערשרייבן דיעל מיט זעלענסקי וועלכער איז נישט לעגיטים פירער אין אוקראינע‎

אויסערן מיניסטער סערגעי לעווראָוו זאָגט אַז פּוטין וועט נישט קענען לעגאַל אונטערשרייבן אַן אָפּמאַך מיט זעלענסקי אונטער די יעצטיגע אומשטענדן, נאָר עס וועט מוזן זיין א פּאָליטישע טויש אין אוקראַינע'ס פירערשאַפט. לעווראָוו'ס קאָמענטאַרן קומען אין א צייט וואָס די טראָמפּ אַדמיניסטראַציע אַרבעט העפטיג צו פּרובירן אַראַנדזשירן א סאָמיט צווישן פּוטין און זעלענסקי פאראויסצורוקן אַן ענדע צו די מלחמה.

[בודקע]

טראמפ האט אפגעהאלטן א פרישע טעלעפאנישע געשפרעך מיט'ן רוסישן פרעזידענט פוטין, נאכפאלגענדיג זייער לעצטע געשפרעך פאריגע וואך מאנטאג

טראמפ זאגט אז דורכאויס די פאון געשפרעך האט ער קלארגעמאכט פאר פוטין זיין אומצופרידענהייט מיט רוסלאנד'ס אטאקעס אין אוקראינא, זאגנדיג, אז יעדע געשפרעך וואס ער האט מיט פוטין איז א גוטע געשפרעך, אבער דאן טוט רוסלאנד אטאקירן קיעוו אדער אנדערע שטעט. אויף די פראגע פארוואס פוטין וויל נישט טרעפן אוקראינא'ס פרעזידענט, האט טראמפ געענטפערט אז פוטין גלייכט נישט זעלענסקי, און די זעלבע גייט אויף פארקערט אז זעלענסקי גלייכט נישט פוטין.

[בודקע]

א פרישע אנקעטע אויף אמעריקאנער וויילער ווייזט אז א מערהייט שטיצן טראמפ'ס פרואוון צו ענדיגן דעם מלחמה צווישן רוסלאנד מיט אוקראינא

66 פראצענט אויסגעפרעגטע אין די 'העריס' אנקעטע זאגן אז זיי שטיצן טראמפ'ס פרואוון, און 52 פראצענט דרוקן אויס צופרידענהייט מיט די וועג וויאזוי טראמפ פירט די פארהאנדלונגן. אזוי אויך זאגן 57 פראצענט אז עס קומט זיך אסאך קרעדיט פאר טראמפ פאר'ן צוזאמברענגן די זיצונגן וואס ער האט פאררופן ארום די מלחמה, אפגעזען אויב ער איז סוקסעספול מיט זיין ציל פון אפשטעלן דעם מלחמה.

[בודקע]

אוקראינא האט איינגעשטעלט א טויש צו ערלויבן אינגע מענער פון 18 ביז 22 יאר אלט דורכצוגיין די גרעניץ פרייערהייט אן קיין אפשטעל

דאס איז א באדייטענדע טויש פון די לעצטע פאר יאר, ווען א מארשעל געזעץ באשטעטיגט צוליב די מלחמה האט פארבאטן מענער פון 18 ביז 60 יאר אלט ארויס צו גיין פון לאנד. אוקראינער באאמטע זאגן אז די טויש איז גילטיג סיי פאר אינגע אוקראינער וועלכע ווילן ארויס גיין פון לאנד, און די זעלבע פאר אינגע אוקראינער וועלכע געפונען זיך אין אויסלאנד און ווילן זיך אהיים קערן.

[בודקע]

סעקרעטערי אוו סטעיט רוביא רעדט מיט די אויסערן מיניסטארן פון פראנקרייך, איטאליע, דייטשלאנד, פוילן, ענגלאנד און אוקראינא צו דיסקוסירן די אפמאך

סטעיט דיפארטמענט באאמטע זאגן אז דורכאויס די פאון קאנפרענץ זענען אלע איינגעגאנגן ווייטער צו ארבייטן אויף דיפלאמאטישע פרואוון צו ענדיגן דעם מלחמה מיט א לאנג-טערמיניגע אפמאך. דאס קומט אין די זעלבע צייט וואס פרעזידענט טראמפ האט קלארגעשטעלט אז אמעריקא'ס ראלע אין צוקונפטיגע זיכערהייט גאראנטיען פאר אוקראינא וועט נישט אריין נעמען דאס אויסגעבן מער געלט, נאר אנשטאט דעם וועט עס ארבייטן אויף א וועג פון פארקויפן וואפן פאר נאטא.

[בודקע]

אן איבערוויגענדע מערהייט אמעריקאנער האלטן אז מען קען נישט געטרויען דעם רוסישן פרעזידענט וולאדימיר פוטין איינצוהאלטן א שלום אפמאך מיט אוקראינא

76 פראצענט אויסגעפרעגטע אין די 'קווינפיעק' אנקעטע זאגן אז מען קען אים נישט געטרויען, אקעגן 18 פראצענט פארקערט. קוקענדיג אויף פארטייען זאגן 91 פראצענט דעמאקראטן, 77 פראצענט אינדיפענדענטס און 62 פראצענט ריפובליקאנער אז מען קען אים נישט געטרויען.

[בודקע]

טרעזשארי סעקרעטערי סקאט בעסענט ווארענט אז אלע מעגליכקייטן ליגן אויפ'ן טיש אין רעאקציע צו די פארשטארקערטע באמבארדירונגן דורך רוסלאנד

בעסענט זאגט אז ווי איידער נאכלאזן פון די אטאקעס האט פוטין גענומען א פארקערטע ריכטונג, און ער האט פארשטארקערט די אטאקעס אויף א שרעקליכע פארנעם, דעריבער וויל ער זאגן אז אלע מעגליכקייטן ווערן גענומען אין באטראכט. בעסענט'ס ווערטער זענען געקומען אין צייט וואס די טראמפ אדמיניסטראציע טוט זיך שוין וואכן לאנג איבערקלערן אויב די פאראייניגטע שטאטן זאל ארויף שטעלן פרישע סאנקציעס אויף רוסלאנד כדי צו הייבן דעם דרוק אויף די קרעמלין.

[בודקע]

דער רוסישער פרעזידענט וולאדימיר פוטין זאגט אז ער איז קיינמאל נישט געווען אקעגן דעם געדאנק פון לאזן אוקראינא זיך אנשליסן אין די אי-יו

פוטין זאגט אז ער האט נישט קיין שום פראבלעם אז אוקראינא ווערט א חלק פון די אי-יו, אבער ווען עס קומט צו נאטא איז עס עפעס וואס מאסקאווא איז נישט גרייט צו אקצעפטירן. זיינע קאמענטארן קומען אין צייט וואס דערווייל זעט מען נישט קיין שום פארשריט אין ריכטונג פון צוזאמברענגן פוטין מיט זעלענסקי פאר א זיצונג איבער אויסהאמערן א שלום אפמאך.

[בודקע]

טראמפ האט געלאזט פאלן ווערטער איבער פרישע שריט אין די קומענדיגע טעג אויב די פרעזידענטן פון רוסלאנד מיט אוקראינא זעצן זיך נישט, טראמפ זאגט אז ער איז לעצטענס געוואויר געווארן פארשידענע אינטערעסאנטע זאכן, און ער גלייבט אז מענטשען וועלן הערן דערפון אין די קומענדיגע טעג. ער זאגט אז אויב אזא זיצונג קומט נישט פאר וועט מען זען קאנסעקווענצן, אבער ער איז נישט אריין אין דעטאלן איבער וואס די קאנסעקווענצן וועלן זיין.

IMG_20250902_190852.jpg (21.5 KiB) געזען געווארן 408 מאל

[בודקע]

רוסישער אויסערן מיניסטער לעווראָוו זאָגט אַז רוסלאַנד האָט נישט אויפגעגעבן אויף די געשפּרעכן, אָבער ער פאָדערט אַז אוקראַינע זאָל נעמען אין באַטראַכט טעריטאָריע טוישונגען אין סיי וועלכע אָפּמאַך. דער רוסישער אויסערן מיניסטער זאָגט אַז אויב וויל מען אַז שלום צווישן רוסלאַנד און אוקראַינע זאָל אָנהאַלטן א לענגערע צייט, וועלן מוזן אַנערקענט ווערן נייע טעריטאָריע ריאליטעטן, און ס'מוז אַריינגעשטעלט ווערן אין אינטערנאַציאָנאַלע לעגאַלע טערמינען.

IMG_20250903_002751.jpg (14.57 KiB) געזען געווארן 364 מאל

[בודקע]

טרעזשארי סעקרעטערי בעסענט האט סיגנאליזירט אז אמעריקא איז גרייט צו ארבייטן מיט אייראפעאישע לענדער פאר מער סאנקציעס אויף רוסלאנד, בעסענט זאגט אז אמעריקא איז גרייט צו הייבן דעם דרוק, אבער דארף האבן די הילף פןו אירע אייראפעאישע מיטארבייטער. ער זאגט אז מען איז יעצט אין א פארמעסט צווישן ווי לאנג די אוקראינער מיליטער קען אנגיין און ווי לאנג די רוסישע עקאנאמיע קען אנגיין. ער זאגט אז אמעריקא מיט די אי-יו קענען ארויס שטעלן מער סאנקציעס אויף לענדער וועלכע קויפן רוסישע אויל, און דורך דעם וועט די רוסישע עקאנאמיע צוזאמפאלן און דאס וועט ברענגן פוטין צום פארהאנדלונגס טיש.

[בודקע]

פרעזידענט טראמפ האט געזאגט פאר ריפארטער אז ער איז גרייט פאראויס צו גיין מיט א פרישע רונדע סאנקציעס אקעגן רוסלאנד, נאכדעם וואס רוסלאנד האט אטאקירט אוקראינא מיט די גרעסטע לופט אטאקע זייט די מלחמה האט זיך אנגעפאנגן. טראמפ זאגט אז ער איז גרייט פאראויס צו גיין צו די צווייטע שטאפל סאנקציעס, אן אריין גיין אין מער דעטאלן. וואכן צוריק, בעפאר עס איז פארגעקומען די סאמיט מיט פרעזידענט פוטין, האט טראמפ געסטראשעט מיט סאנקציעס און טאריפס אקעגן לענגער וועלכע טוען אימפארטירן רוסישע אויל, א שריט געצילט אויסצוטרוקענען א שליסל געלט קוואל פון די רוסישע רעגירונג.

IMG_20250908_093326.jpg (35.57 KiB) געזען געווארן 296 מאל

[בודקע]

אוקראינא'ס פרעזידענט זעלענסקי האט אפגעווארפן אן אנבאט פונ'ם רוסישן פרעזידענט וולאדימיר פוטין צו קומען קיין מאסקאווא פאר געשפרעכן, זעלענסקי זאגט, אז אויב פוטין איז ערענסט גרייט צו פארהאנדלן דאן זאל ער קומען קיין קיעוו. זעלענסקי זאגט אז עס איז אומריכטיג נאכצוגעבן פוטין'ס פארלאנגן אין צייט וואס רוסלאנד זעצט פאר מיט איר אגרעסיע אקעגן אוקראינא. זעלענסקי'ס אליאירטע אין אייראפע שטיצן אים, זאגענדיג, אז פוטין'ס שריט זענען נישט מער ווי פראפאגאנדע אין צייט זיינע קרעפטן זעצן ווייטער פאר מיט זייערע אטאקעס.

IMG_20250908_093519.jpg (49.66 KiB) געזען געווארן 295 מאל

[בודקע]

רוסלאנד האט דורכגעפירט א מאסיווע לופט אטאקע אויף אוקראינא, אטאקירענדיג צווישן אנדערע די הויפט רעגירונג געביידע אין קיעוו, דערלאנגענדיג דערמיט א סימבאלישע קלאפ פאר א גוט-באשיצטע חלק פון די הויפטשטאט, ווי אוקראינא'ס עיר פארס געט איבער האבן די רוסן געשאסן גאנצע 805 דראונס, וואס פון דעם זענען 751 דראונס געווארן אראפ געשאסן, און אזוי אויך האבן די רוסן געשאסן 13 מיסעלס, וואס פון דעם זענען 4 מיסעלס געווארן אראפ געשאסן. פרעזידענט זעלענסקי האט שארף פארדאמט די רוסישע אטאקעס, זאגענדיג, אז דאס איז א שרעקליכע פארברעך וואס קומט פאר אין צייט וואס מען וואלט שוין לאנג געדארפט אנפאנגן עכטע דיפלאמאטיע צו ענדיגן דעם מלחמה.

IMG_20250908_093725.jpg (39.7 KiB) געזען געווארן 295 מאל

[בודקע]

זעלענסקי זאגט אז זעכציג פראצענט וואפנס גענוצט אויפן פראנט ווערן פראדוצירט דורך אוקראינע אליינס‎, זעלענסקי זאָגט אַז לעצטיגע אַנטוויקלונגען אין אייגענע פּראָדוקציע נעמט אַריין נייע באַליסטישע מיסילס און לופט פאַרטיידיקונגס סיסטעמען פון "פייער פּוינט", וואָס איז אוקראַינע'ס ערשטע דראָון פּראָדוקציע קאָמפּאַני באַזירט אין דענמאַרק. די אוקראַינישע רעגירונג האָט אַוועקגעשטעלט א 1.3 ביליאָן דאָלער בודזשעט ספּעציעל געצילט אויסצוברייטערן אייגענע וואָפנס פּראָדוקציע, מער נישט צו זיין אַזוי אָנגעוויזן אויף אַנדערע לענדער.

IMG_20250908_093913.jpg (33.07 KiB) געזען געווארן 296 מאל

[בודקע]

אוקראינא באשולדיגט אז עלטערע מענטשען זענען אומגעקומען פון א רוסישע באמבע אטאקע ביים שטיין אין א שורה צו באקומען זייער חודש'ליכע פענסיע, לויט ווי אוקראינער באאמטע געבן איבער זענען ווייניגסטענס 24 מענטשען אומגעקומען און נאך 19 אנדערע זענען פארוואונדעט געווארן ווען א גלייד באמבע האט באטראפן מענטשען אין א שורה פאר פענסיע געלטער אין א שטעטל ארום 6 מייל ווייט פון די פראנט ליניע אין די דאניעטסק ראיאן. פרעזידענט זעלענסקי זאגט אז די וועלט טאר נישט שטיין גלייכגילטיג נאך אזא אטאקע, און אמעריקא מיט אייראפע מוזן רעאגירן דערויף.