בריוון צו די בחורים אין גוואטעמאלא שעלטער

[שמועות טובות]

איז לאמיר גיין ווייטער מיט אונזער שמועס
צו רעדן צו ענק איז דאך אזוי זיס

אמאל האט צו מיר א מעשה'לע פאסירט
אבער ווי שלעכט עס איז געווען האט עס מיך בכלל נישט בארירט

איין נאכט אין א חלום א בייזן
איך נעם זיך זאגן תהלים אבער פיל מיט גרייזן

פארוואס האט דאס צו מיר אזוי ווילד געטראפן
און אפילו ווי צו לויפן האב איך דעמאלטס נישט געטראפן

האב איך באשלאסן צו זאגן ווייטער אויך אזוי
פאר א סיבה בין איך דאך א איד און נישט קיין גוי

אזוי ווייטער מיט א שטאקע אמונה
פיל מיט פרייד און פיל מיט גילה ורינה

מיינע ארומיגע זענען אינגאנצן דערשראקן
קיינער קען זיך נישט רירן און קיינער קען נישט וואקן

ביז דערווייל טרעף איך מיר אינדרויסן אליין
נישט קיין חילוק צו איך בין גרויס אדער איך בין קליין

ווייל אזוי האט מיר דער בורא געפירט
און איך קען ענק זאגן כ'האב מיך נישט אזוי שלעכט געשפירט

דאס זעלבע זאג איך פאר ענק אויך
האלטס ענק גארנישט איין נאר פילטס אן ענקער בויך

ווייל ווען מ'עסט ווייניג איז מען קיין מענטש נישט
אפילו דו האסט אפילו היינט דעם ספר תורה געקושט

האלטס ענק אונטער מיט גלעזל משקה
ענקער פיאות נעמטס שיין צוזאם און גיבטס עס נישט קיין צופאטשקע

ווייל אט אט בין איך שוין כמעט ביי ענק דא
און איך ערווארט פון ענק אלע א שיינע ברוך הבא

נישט פון קיין דארע שטעקענעס דארף איך א שמייכל א גרויסע
נאר צו זעהן ווי ברייטע אידן טאנצן צאזמען ליהודים היתה

און נאר אזוי וועלן ענק אביסל צו זיך קומען
און ענק וועלן אפילו קענען צוקומען צו די מדריגה פון וועלן גיין שווימען

א טאג וואס דער באשעפער האט אונז געגעבן
דארף מען גוט אויסנוצן און מאכן דערמיט א לעבן

סיי היינט סיי מארגן און סיי איבערמארגן
ווייל נאר אזוי וועט מען זיך פאר ענק נישט דארפן אזוי זארגן

[גרינטליך]

ברוך, גם ברוך יהיה- זאלסט זיין גיבענשט.

ווי אזוי איז אריבער די יום טוב תשעב באב?
פון זינטאג ביז שבת (ט"ו באב) אזא פרייליכע יום טוב. אה.
איך געדענק בזמן הגלות קודם שנבנתה די בית המקדש השלישי, ווי מ'האט זיך געפייניגט אין גלות.

די געדענקסט ס'געווען אין די לעצטע תקופה פאר ביאת משיח, ווי די האסט זיך געפייניגט ציזאמען מיט פישל אין די פארשאלטענער שעלטער?

פישל?
די געדענקסט ווי אזוי ביסט געבליבען מיט ברוך און משה אליין דארט?

ענק געדענקען ביידע ווי ענק האבן מורא געהאט אלץ קינדער פון דער חכם, אז עט'ס וועט שוין נעביך בלייבן אליין צווישען די גוים ביז 18 יאר אלט,
והייתם מתייאשים מן הגאולה?

אויב מ'וועט נישט זוכה זיין צי די גאולה השלימה בקרוב, וויסען זאלן ענק:

קיינער האט נישט פארגעסען פון ענק, מ'דאווענט, טוהט מצוות פאר ענקער זכות.

מטוהט ערענסטע השתדלות, ענק ארויס צי נעמען.

געב עס נאך א וואך 2 האלט אן שטארק. די ישועה איז שוין דא.

דעה וואך איז די אושפיזין פון ארויס גיין צי די פרייע וועלט, מיט כל ישראל אחיו.

"והיה עקב תשמעון"- ווי טיייטשט רש"י לויט איינער פון די וועגען? און די ענדע וועט זיין ענק וועלען ציהערין (צום באשעפער), הער שוין צי יעצט.
סוף כל סוף וועלען אלע אנזען, אז מדארף זיך צירוק אויסמישען מיט כלל ישראל, ס'וועט סייוויי געשען במוקדם או במאוחר.

איז א שאד אויס ציפאניגען זיך מיט די ווייב און קינדער, ביז מ'וועט ארויס גיין זיך צירוק פאראייניגען.

עמרם איך האב פארגעסען דיר צו באגריסען פריער, וועסט אויכעט הנאה האבן פון די דברי תורה.
מ'זאגט נאך פון איינער פון די פריערדיגע בעלזא רבי'ס, אז ווען משיח גייט קומען, וועלען די יודן בעט'ן רבוש"ע געב אונז נאך 5 מינוט גלות, דיר צי קענען מאכען נחת רוח.
ווייל איין מאל משיח קומט וועט מען שוין נישט קענען מאכען נחת רוח פאר'ן אויבערשטער אזוי ווי מיר קענען מאכן און גלות.

אזוי אויכעט זאגט די שפת אמת, אויף די גמרא (סנהדרין צ"ז.) ג' באין בהיסח הדעת... משיח מציאה ועקרב. שמועסט אויס די שפת אמת אז:

דארך דעם וואס יוד'ן וועלען אזוי שטארק אנעמען די רצון ה'.
דהיינו: אויב די באשעפער וויל מזאל זיין אין גלות, איז גלות אויכעט גוט פאר אונז, דעם ביטול צום באשעפער'ס הנהגה מיט אונז וועט ברענגען די ישועה מיט ביאת משיח.

וואס מיין איך ברידער'ליך דא צי שרייבען?
ס'דא א געוויסע נאנטשאפט צום באשעפער, וואס איז נאר דא, און שווערע מצבים, ווען מאיז אין א גרויסע צרה, מ'פילט ווער איז מחשיב, מיין זיין א ערליכע יוד.

וואס וועט דא זיין, און מגעבט א קרעכץ אויבערשטער, טאטע אין הימל העלף (איך מיין נישט דווקא כפשוטו די קרעכטס, איך רעד וועגען די הארץ קרעכטס, ע"פ רוב איז נאר

במחשבה, וואס קיין ילוד אשה, אויסער דער מענטש אליין וועט קיינמאל נישט וויסען), דער אנגעבונדען קייט.

דער נאנטשאפט,צום טאטע אין הימל איז א זאך וואס טאמער די ניצט דאס אויס ריכטיג (דהיינו ווען ס'דיר שווער געקוועטשט רעד דיך אויס צום באשעפער במחשבה אדער דיבור)

וועסטו זיך בענקען (נישט ח"ו נאך די צרה אבער יא) נאך די קירבת אלוקים.

אזוי אויכעט וואס די שפת אמת זאגט, אויב מ'וועט אנעמען אז וואס די רבונו של עולם טוהט איז גוט, וועט דאס מקרב זיין די ישועה.

אבער געדענק, די באשעפער קען מען נישט אפנארען, מ'מוז באמת זיך משכנע זיין אזוי צי פיהל'ן מיט די גאנצע הארץ.


צי ענדיגען, שרייב איך דא אפ א זיסע באמערקונג, ס'מיר אמאל איין געפאלען.
ס'דא פלעצער ווי קינדער (פאר ענק איז דאך דאס דברים פשוטים) גיין קוק'ן אויף אפאר קיעליך, שעפעליך, ציגעליך, אין אפאר סארט הינער וכדומה, צי מאל פיטערן זיי דאס אויכעט. פאר שטאט קינדער איז דאס העכטס אינטערסאנט.
על פי רוב, האבן די פלעצער אויכעט א געלעגענהייט פאר קינדער ארויף צי קריכען אויף פארשידענע סארטן טראקטור'ן וואס מען ניצט צי בארבעטען די פעלדער.
פארהאנען פלעצער ווי מלאזט אפילו, ספעציעלע נישט פארידיגע טראקטור'ן פאר דעם געביט.

איין מאל ביי מיר אין שטוב, זענען זיי געגאנגען מיט מיינע קלענער קינדער דארט אהין.
ס'געווען איין טראקטור וואס מ'האט געהאט א ארבעטער שטיין אויף די זייט, מיט א רימאט מאשין, אז ווען די קינדער האב געשלעפט א שטעקן האט זיך אויף געהויבן (אין איין פלאץ, פארשטייט זיך) די גרויסע גאפל פון די טראקטור.

מיין זון וואס איז געווען דאמאלסט 3 יאר אלט, האט ממש געלאכטן ווען ער האט מיר איבער דערציילט ווי אזוי ער האט "אליין" אויף געהויבן די גרויסע ריזיגע גאפל/לעפיל פון'ם טראקטור.
דער לימוד דערפון. וויפיהל מאל רעדען מיר זיך איין אז, איך טוה, איך גיי טוהן וכו' וכו'

אבער אונז זעמיר אזוי ווי דעם קליינע יונגעל, וואס פארבירט צי טוהן און אמת טוהט דאס די ארבייטער אויף די זייט.

דאס דערמאנט מיר א אמת'ע מעשה.

ס'געווען גאר א חשוב יוד, ארויס פון רוסלאנד אין די גאר שווערע יאר'ן אינטער די אייזינער פארהאנג, בנס נאך אדארך מאכן יארן אין סיביר, האט מען עם געקענט ארויס נעמען פון דארט ממש בניסי ניסים, נאך אלוועלטליכע השתדלות.

איך האב עם געטראפן יארן שפעטער און געשמועסט מיט עם.
האב איך עם געגעבען א זאג, ברוך ה' די אויבערשטער העלפט, און די ביסט ארויס מיט דיינע קינדער, און זיי האבן אלע געגאנגען לערנן שפעט אין יודישע ישיבות, שולעס און זיי האבן אויף געשטעלט ערליכע שיינע יודישע משפחות.

האקט ער מיר איבער דער אויבערשטער העלפט נישט! איך האב געכאפט א קדוחת, און געטראכט מקען עם נעביך נישט דיין זיין, איך בין נישט אריבער קיין צענטיל וואס ער איז אריבער.
ענדיגט ער צו:
דער אויבערשטער העלפט נישט!
דער אויבערשטער טוהט!
צימאל פארביר איך ציהעלפען און איך מאך נאר קאליא"

@גרינטליך

[שמועות טובות]

א גוטע נאכט א יעדע איינציגע קינד און בחור
עס קומט שוין באלד שבת ווי מען איז מקיים דעם שמור וזכור

מיט א פרייליכע געמוט און א גוט געפיל
לאמיר נעמען א געים און געבן שנעל א שפיל

נישט טראכטן אז עס קומט נישט צו ענק קיין עק
ווייל פון ענקער שכר וועט א יעדער איינער וועלן געבן א לעק

נאר מיט א ווארעמע דאכענע דעקטס ענק צו אלע
ווייל עס קומט שוין צו גיין שבת לכה דודי לקראת כלה

א יעדע טאג וואס ענק זענען נאך דארט נישט קיין חילוק וויפיל און ווער
וועט עטס נאך איין טאג זעהן אז די גאנצע זאך איז געווען נאר א קאלאווער

די פמליא של מעלה איז יעצט אויפגעשאקלט ביז גאר
א יעדע סעקונדע וואס ענק געפונען זיך נאך דארט און דאס איז פאר יעדעם איינעם קלאר

ביים שלאפן גיין טאר מען פון קיין שלעכטס טראכטן
און זיכער נישט פון קיין מלחמות און אוודאי נישט פון קיין שלאכטן

אויב איז נעגל וואסער נעבן דיין בעט צוגעגרייט
דעמאלטס איז דער ווייסער מלאך מיט געווער א גאנצע נאכט נעבן דיר שטייט

וואגן זאל זיך נאר איינער ענק צו וועלן וויי טוהן
דער מלאך מיט א פלינקקייט אט אט קומט ער צו אים אן אהין

א פגע רע וועט אין ענקער ד' אמות זיך פארכטן אריינצוטרעטן
ווייל פונעם באשעפער האט דאס אברהם אבינו פאר זיינע קינדערליך געבעטן

יעצט קומט שוין דער זמן הגאולה און עס שפאנט שוין אט אט
און דאס איז בכלל נישט קיין שפאס און אויך נישט קיין שפאט

נאר מיט אמונה און קדושה דארף מען זיך שטארקן אזוי
ווייל אזוי קען מאכן די ברכה צופרי מיט א שמחה שלא עשני גוי

כ'מיין אז ענק זענען שוין עטוואס רואיגער פון נעכטן
ווייל ביז דערווייל איז קיינער ענק ב"ה נישט געקומען שחט'ן

ווייל דער גרויסער שטארקער בורא נעמט נישט אראפ פון ענק קיין רגע זיינע אויגן
ווייל די צרות ענקער אלע וויל ער שוין עס זאל האבן אוועק געפלויגן

א גוטע נאכט אידישע הארציגע ברודער
א זיסער חלום קען מען אויך האבן אויב מען איז זייער א מידער

א נייער טאג אויף דער וועלט עס קומט שוין כמעט אראפ
מיט פרישע גוטע גזירות וואס מען שרייבט פאר ענק די נאכט אפ

די וועלט ווערט פון פריש באשאפן א יעדן טאג עקסטער
מארגן אי"ה וועלן ענק שוין אלע באפרייט ווערן סיי דו סיי דיין ברודער און סיי דיין שוועסטער

געדענקטס גוט ווי חשוב און טייער זענען ענק
פון אראפשרייבן ענקערע חשיבות קען מען דערפון אנפילן ריזיגע שענק

אבער יעצט איז שוין צייט צו ממשיך זיין מיט מיינע ווערטער מארגן
און געדענקטס נאכאמאל אז ווי מער ענק אלע וועלן עסן וועט מען זיך פאר ענק ווייניגער דארפן זארגן

א גוף האט דער אויבערשטער געגעבן דאס אפצוהיטן ווי מען דארף
אויך דאס צו באצירן מיט מענטשליכע פאסיגע קליידונג מען זאל נישט אויסזעהן אזוי שארף

די פיאות צו לאנגע פלעגן זאגן צדיקים אז דאס איז נישט קיין גוטס
אויך מאכט דאס אויסזעהן דעם מענטש ווי ער איז אנגעפילט מיט שמוץ

א צלם אלקים טראגן ענק דאך אלע אויפן פנים עכט
און אויב דאס איז נישט שיין באצירט קען מען מיינען אז ענק זענען חלילה מיט עפעס שלעכט

אין ספרים שטייט אז פארן כבוד פונעם אויבערשטען דארף די אויסזעהן פונעם מענטש זיין ציכטיג
ווייל דורכדעם זעהט יעדער אז א צלם אלקים איז א געהויבענע זאך דעריבער איז דאס זייער וויכטיג

אנטשולדיגט איך האב ענק דא אביסל אריינגעגעבן
פון מיינע דיבורים דארפט עטס נישט קיין פלפולים וועבן

איך האב בלויז געוואלט איבערלאזן א גוט געפיל פאר ענק אלע
אבער איך בין בכלל נישט קיין דיין פון וועמען מען קען פרעגן א שאלה

א גוטע נאכט פאר ענק אלע וואונטש איך ענק זייער גערן
און פון ענקערע זיסע חלומות זאל ענק קיינער חלילה נישט שטערן

[משיח משיח]

מיינע טייערע און ליבע ברודער'לעך

איך שרייב צו אייך די ווערטער פון טיפעניש פון הארץ
איך ווייס אַז איר זייט שוין לאַנגע צייטפארשפארט ווייט פון דער היים, פון משפחה, פון חברים און פון אייער געוויינטלעכע לעבן. יעדער טאג קען זיך פילן זייער לאנג, און ס׳איז שווער צו האלטן אויס איין מינוט ווייטער.

אבער אינעם גאנצן מצב, וויל איך אַז איר זאלט וויסן – איר זייט נישט אַליין. עס זענען דא אסאך מענטשן וואָס טראכטן אויף אייך, מתפלל פאר אייך, און האלט אייך אין די טיפסטע פינות פונעם הארץ.

עטס זענטס זייער טייער. יעדער איינער פון אייך איז אַ גאנצע וועלט פאר זיך, געדאנקען, פריידן און זיסע זכרונות וואס קיינער קען קיינמאל נישט אוועקנעמען פון אייך. אפילו אין שווערסטע צײַטן קען אייער הארץ בלייבן א פלאץ פון ליכט, פון אמונה און פון תקווה. געדענקסט אַז די ליכט אינעווייניג איז אייער אמת’ער כח.

געדענקט אלעמאל: אפילו אויב עס קוקט אויס ווי די לעבן האבן זיך אפגעשטעלט, איז דאס נאר א קאפיטל אין אייער גרויסן בוך. דער קאפיטל וועט זיך ענדיגן, און עס וועט קומען דער טאג ווען איר וועט צוריקקומען אהיים – צו פרייהייט, ווארעמקייט און ליבשאפט. יעדער טאג וואָס איר האלט זיך שטארק, ווייזט איר אז איר זייט אמת’ע העלדן. איר באוויזט פאר זיך און פאר דער גאנצער וועלט, אז איר קענט האלטן דעם הארץ ריין און גוט, אפילו ווען די מצב איז שווער.

די ליבשאפט פון אייערע נאנטע ווערט נישט ווייניגער מיט צייט – סעווערט נאר גרעסער און שטארקער. ענק זענען ממש ווי אַן אוצר טייער אין הארץ. עס זענען דא מענטשן וואָס ציילן די טעג ביז איר וועט צוריקקומען, און זיי גלייבן שטארק אז עס וועט זיין באַלד.

ביז דעמאלט – האלט זיך שטארק אין תקווה, אין אמונה און אין די שיינע זכרונות. האלט איינער דעם צווייטן, רעדט צוזאַמען, געבט איינעם צום צווייטן חיזוק, זאגט וויצן, דערמאנט זיך אין די גוטע מינוטן, און געדענקט אז די תקווה איז נישט סתם – דאָס איז אייער עתיד.

מיינע טייערע קינדער, איר זייט אַ ליכט און אַ שיינקייט פאר אונז אלע. מיר שיקן אייך א ווארעמע גריס, מיר ווארטן צו זען אייך פרייליך, פריי און איינגעשלאסן אין אמת’ע ליבשאפט.

מיט פיל ליבשאפט

[פשוט און גראד]

לכבוד די טייערע אין ליכטיגע קינדער נירם יאיר

איך ווייס נישט וואס צו שרייבען, סיי ווייל מיין מח דערהייבט נישט צו טראכטען פון ענקער מצב, אין סיי ווייל איך בין נישט אזא גיטע שרייבער.

ענק מחזק צו זיין ווייס איך נישט וויאזוי, איך ווייס ממש גארנישט. מיין הארץ איז פארפרוירען, 'אבער' דאך שרייב איך, פשוט ווייל.. איך ווייס אויך נישט..

-------
יסורים,
ס'איז א מויראדיגע געלעגנהייט אויב מ'ניצט עס אויס די בעסטע שייך לפי המצב, ווי למשל זאגען די פסוק פון ראה עניי ועמלי ושא לכל חטאותי, אמונה וביטחון אפי' ווי א נאר.

מ'זעהט ביי יוסף הצדיק, ווען מ'האט איהם פארקויפט פאר א קנעכט, ווי די מסבב כל הסיבות האט געפירט אז די גרופע וואס האבען איהם געטראגען קיין מצרים האבען געהאט מיט זיך בשמים, אזוי אז ס'זאל זיין גרינגער פאר יוסף הצדיק מיט די פרט, זעהט מען די נקודה פון השגחה פרטית ווי גארנישט איז א צופאל אין אלעס האט א פינקטליכע פלאן פונעם בורא עולם אליין,

אין וואס האט זיך אויסגעשטעלט ביים סוף, אז ער איז געווען דער שפייזער פון כלל ישראל.

-------
חז"ל לערנען אינז אז דריי זאכען ווערט נקנה דורך יסורים.
תורה - ארץ ישרא' - עולם הבא. וואס דאס אלעס, בלייבט פאר אייביג לנצח נצחים.

ניצט אויס די מויראדיגע געלעגנהייט אויף צו קונה זיין די מויראדיגע זאגען, אוודאי זיכט זיך נישט קיינער די מיני זאכען, אבער אזוי ווי דער אייבישטער האט ענק אריינגעשטעלט אין די מצב ניצט עס כאטש אויס די בעסטע וואס ס'איז שייך. זאגטס אפי' די אלף בית, ס'וועט שפאלטען אלע הימלען. רעדט ענק אויס צום בורא כל עולמים אויף אידיש, אפי' אויף ספאניש אויב ס'איז ענק גרינגער. די עיקר איז טוהן עפעס תכלית (מיט א שמחה, נישט ח"ו מיט א אימזיסטע עול, נאר אין טאקע נאר וויפיל עטץ פילטס אז עטץ קענטסט. אין ס'זאל ענק זיין ווי א מוצא שלל רב אין גאר שטארק מחשיב זיין א יעדע גיטע מחשבה, דיבור, מעשה, אפי' וואס עטץ מיינטסט אז ס'איז א קלייניגקייט, ס'איז ווייט פונדעם ס'איז דברים גדולים מאד מאד מאד.)

אויב עטץ קענטס, האטס אינזין כלל ישראל, כלל ישראל בכל מקום שהם ברויכען רחמי שמים מרובים מאד,

געדענקטסט! ס'וועט קומען א צייט וואס יעדער וועט מקנה זיין ענקער חלק.
-------

בעט'ס ענק אויס אלעס גיטס, צו זאל עס זיין פאר גיטע קינדער צדיקים, געזונט, פרנסה בריוח גדול, וכו' אין בכלל פאר גיטע לעבען ברוחניות ובגשמיות.
-------

והעיקר, זייטס ענק מחזק אין זייטס בשמחה, ס'איז נישטא קיין אנדערע וועג - אין נישט פאר קיינעם. יעדער אין זיין אייגענע גלות, די אייגענע שמחה זאל קיינער נישט קענען פון ענק צונעמען.

פראבירט דאס בעסטע זיך צו מחזק צו זיין, די בעסטע אין די מערסטע וואס מ'קען, אפי' מיט נארישע אין קינדערישע זאכען.
--------

דאס אז ברוך השם אינז זענען אידישע קינדער, בני מלך מלכי המלכים, קען אינז קיינער נישט אוועקנעמען. נישט קיין חילוק צו די יצר הרע צו סיי וואס צו סיי ווער.

רעדן שיינע דיבורים צו זיך אליינס איז א מצווה גדולה וחשובה. זייטס נישט געפאלען ביי ענק. ה' עמכם מיט אלע פרטים.

--------

איך האף אז די דיבורים וועלן ענק מחזק זיין, ס'איז דאס בעסטע וואס איך האב יעצט געקענט, כ'האב געטראכט אז ענדערשט זאל דאס זיין ווי איידער גארנישט.

[שמועות טובות]

א גוט מארגן חשובע טייער קינדער אלע
ווי אזוי איז ענקער נאכט שלאף פאריבער דאס איז יעצט מיין שאלה

א נייעם טאג אין גואטעמאלא האט אויפגעשיינט
עס ווארט אויף ענק אלע גאר גוטע נייעס האפענטליך נאך היינט

די עסקנים זענען די נאכט נישט געשלאפן קיין טראפ
גאנץ גואטעמאלא פאר ענק האבן זיי איבערגעדרייעט אזוי ווי א טשולענט טאפ

עס רודערט זיך און עס קאכט זיך איבעראל ווי א קעסל וואס איז אזוי הייס
די גוים וואס לאזן ענק נאכנישט ארויס זענען רשעים אפילו זיי זענען נישט פון די בני חת

זיי ווערן זייער צושאקעלט און פארלוירן ביז גאר
און זיי שטייען אפילו פארגליווערט זיי רייסן זיך פון קאפ די האר

גרייטס אן פאר מיר עפעס א שיינע בילד אדער א באשרייבונג צו קענען קוקן
עפעס גאר אינטערעסאנט אז איך זאל מיך קענען דערמיט דעקוויקן

די זייגער רוקט זיך און באלד מנחה מען דארף דאווענען שוין
פארן בורא מיט זיין תורה און פאר זיין הייליגן קרוין

עס איז נישט פארפאלן און נישט צו שפעט קיינמאל
מאכטס א גוטן לעבן און לויפטס נישט ח"ו אריין אין שפיטאל

היינט י"ח אב איז די יארצייט פון א צדיק אין הימל געפינט ער זיך יעצט
רבי שלמה חנוך בן רבי יחזקאל מראדאמסק ז"ל זאל ער פאר ענק פועל'ן א ישועה צום ערשט און נישט צום לעצט

אזוי פיל טרערן פאר ענק אין הימל עס איז שוין גערינען
גרייטס ענק אלע אן אט אט גייען מיר שוין קענען מיט ענק צוזאמען בענטשן מזומן

אזא שיינע וועטער אינדרויסן איז אצינד
עס בלאזט בלויז א קליינע אבער נישט צו א גרויסע ווינט

איך האלט אן די וועטער שטארק מיט מיינע ביידע הענט
עס זאל אזוי בלייבן ביז ענק וועלן ארויס קומען פון ענקערע פיר ווענט

האטס מיר אויך אינזין ביטע א יעדער איינער פון ענק
סיי ווער עס שטייט יעצט אויף די טישן און אויך ווער עס זיצט יעצט אויף די בענק

אליהו הנביא איז יעצט זיכער מיט ענק דארט דערנעבן
געדענקטס גוט ווי אזוי ער זעהט אויס עטס זאלטס מיר דאס קענען קלאר איבערגעבן

עסטס ענק אלע גוט אן קיין שום שיעור
סיי אייער און סיי פלייש און אויך אפילו ביר

פון טרינקן איז דאך אפגערעדט אז מען טאר נישט פארגעסן דערפון
אבער נישט מער ווי איין פלאש אויפאמאל עטס זאלטס חלילה נישט אראפגיין אינגאנצן פון זין

ווען מען ווערט צו אויסגעמוטשעט נאכמיטאג כאפט מען א דרימל
אבער אנגרייטן דיינע זאכן פון פאראויס אפשר גייט שוין באפרייען און מער נישט דארפן זיצן אין די שימל

א יעדער פון ענק
מיין הארץ עס גיט א בענק
פארגעסטס נישט פון מיר איך בעט דיך

ענק זאלן שוין דא אנקומען
און אפילו אין פול קענען גיין שווימען
און א גאנץ לעבן זיך נאר געפינען אין א גוטע שטח

[גרינטליך]

מיילעך און פישל,

וואס מאכן ענק?

איך האב געדארפט ערגעטס צי גיין, א ווייטערע פלאץ.
בין איך געפארען מיט א גוי'שע פירער.

אויף די וועג האט ער געדרשנט צי מיר, ווי ער ארבייט שוין 15 יאר, אין די היימישע יודישע געגענטער, און ווי ער ווערט נתפעל פון די וועג די יוד'ן לעבען וכו'

ווארטענדיג ער זאל שוין ענדיגען דרשנן צו מיר, איך זאל קענען מקיים זיין א ביסל ובלכתך בדרך דארך לערנען א ביסל.
איז מיר איינגעפאלען, פארוואס דרש'נט דער ביליגע מעקסיקאנע גוי צי מיר?, צי וואס בארימט ער זיך צי מיר?
פארוואס בארימט ער די יוד'ן צו מיר?
וואס פעלט עם אויס מיר צי זאגן וואס א וואוילע מענטשען מיר זענען?

האב איך געטראכט:
וואס געשעט צי א וואוילע גוי, נאך זיין פגירה?
און וואס געשעט צי א גוי, וואס איז פון איין זאט געהאלפען יוד'ן און פון די אנדערע זייט זיי געמאכט שווער דאס לעבן?

דער גוי וואס האט געפאניגט יוד'ן עובר געווען אויף די ז' מצות בני נח (מצות וואס א גוי איז מחיוב אפציהטען) גייט גראד אין גיהנם לחרפות ולדראון עולם.
אבער דער וואוילע טמא'נע גוי, איז דאך משמע קלאר און די גמרא (ראש השנה י"ז.) אז זיי קריגן עפעס א סארט גן עדן.

איז מיר איין געפאלן (אולי בדרך צחות, ווייל מיר קענען נישט און ווייסן נישט חשבונות שמים), אפשר דאס די סארט גוים, וואס זענען געווען און זייער פריערדיגע גלגול, און בארירונג מיט יודן (איך ווייס ארבייטער אין די שעלטער ), וואס פון איין זייט האבן זיי עפעס באדינט אדער געהאלפען יודן, און פון די אנדערע זייט האבן זיי גורם געווען א סאך צער מיט עגמת נפש פון די יודן. און צימאל האבן זיי געמאכט ליצנות פון יודן און יודישקייט, ס'האט זיך געקענט מאכן אז זיי האבן דאס געטוהן אין די קירבת מקום צי א יוד, עם צי מאכן פילען אום אנגענעם.

דארף אראפ קומן אויף דער וועלט, צי באדינען יודן און זיך חנף'נן צי זיי.

מיינע חלומות אין א זייט געלייגט.

דער וואך איז פרשת עקב, ס'איז די פרשה פון יראת שמים, "ועתה ישראל מה ה' אלוקיך שואל ממך כי אם ליראה" ס'איז די צייט זיך אונטערגארטלען און יראת שמים (א זאך וואס מדארף שטענדיג טוהן, אבער "הקריאה מעורר הזמן").
דארט ווי א יוד איז אויכעט א חלק פון מלא כל הארץ כבודו, ולית אתר פנוי מיניה.
מען דארף געדענקען די באשעפער איז א יודע מחשבות, און ווארט צי זען ווי ענק זענען זיך מתחזק במחשבה דיבור ומעשה.

ער האט ענק ליב מער ווי די האסט זיך אליין ליב.

די גמרא זאגט אין סנהדרין מ"ו. ביי א יוד וואס איז נעביך מחיוב מיתת סקילה,
{אביסעל צי פארשטיין געבען וואס דאס מיינט ווי זאגט דער וועלט נאך פון קלויזענבערגער רב זצ"ל, און גאנץ ניו יארק איז נישט דא קיין יוד וואס איז חייב סקילה, ווייל די גמרא זאגט דאך, מען איז נאר מחיוב מיתה, אויב 2 עדים האבן עם געווארענט, אז ער גייט געהארגט ווערען, און לויט ר' יוסי הגלילי מיט וועלכער מיתה מ'גייט עם הרג'נען. און ער דארף ענטפערען ער זינדעגט על מנת ער גייט גע'הרג'ט ווערען, און ווער איז דען אזא רשע}

(שם) אָמַר רַבִּי מֵאִיר: בְּשָׁעָה שֶׁאָדָם מִצְטַעֵר, שְׁכִינָה מָה לָשׁוֹן אוֹמֶרֶת? ״קַלַּנִי מֵרֹאשִׁי, קַלַּנִי מִזְּרוֹעִי״. אִם כֵּן הַמָּקוֹם מִצְטַעֵר עַל דָּמָן שֶׁל רְשָׁעִים שֶׁנִּשְׁפָּךְ, קַל וְחוֹמֶר עַל דָּמָן שֶׁל צַדִּיקִים.
די שכינה האט צער ווען א יוד האט צער, איך האב געקענט א יוד וואס האט פארלוירען א ווייב מיט 7 קינדער, און אלע אלע קרובים, ער האט קיין קרוב נישט געהאט אויף דער וועלט. ער פלעגט אלעמאל זיך אינטערזינגען, און געווען ממש מלא שמחה.

האט מען עם א מאל געפרעגט, לשמחה זו מה זו עושה?
האט ער גענטפערט די דערמאנטע גמרא, און ער האט געזאגט קומט אויס אויב איך וועל נישט זיין אינגאנצען בשמחה, וועל איך מצער זיין די שכינה.
און דאס ח"ו קען איך נישט טוהן.

מקען צילייגען:
אויב ענק לאזן די צער ענק צי רירען, וועט די צער מצער זיין די רבונו של עולם.
ווידער אויב די וועסט זיין בשמחה, וועט הקב"ה צאם רופען די גאנצע פמליה של מעלה און זיי ווייזען ווי ענק פארגעסען פון ענקער אייגינער צער, און פרייען זיך מיט די שמחה פון די באשעפער. אזוי ווי כלל ישראל האט א ניגון נאך געזינגען געווארען 100ער יאר צירוק, אויף ארמיש מיט די ווערטער:
"כד יתבין ישראל ועסקין בשמחת התורה, קודשא בריך הוא אומר לפמליא דיליה, חזו בני חביבי, דמשתכחין בצערא דילהון ועסקין בחדוותא דילי"
די מקור פון די פונקטליך'ע נוסח איז נישט קלאר, אבער די געדאנק שטייט און זוהר הקדוש א סאך מאל.


ממילא זיי בשמחה, ולה' הישועה בקרוב, יודן טוהן ערענסטע השתדלות פאר ענק טאג אין נאכט

@גרינטליך

[גרינטליך]

להני תרי אחים פישל ואלימלך ברוך שליט"א

וואס טוהט זיך?
ווי אזוי גייט ענק די טעג?
די אב הרחמן אין הימל, זאגט ס'טאקע חודש אב, אבער איך בלייב ענקער טאטע, און איך זארג מיר באמת פאר ענק, אויבן איז אלעס אמת אונגאנצען-ס'דאך אן עולם האמת.

האנט בין איך ספעציעל געיאגט אין צייט דא אין אפיס, איך בין אריין געקומען ספעציעל ענק צי שרייבן, און איך מוז שוין לויפן אויף מיין וועג.

האנט האט מען גענדיגט די שיר של היום מיט די ערשטע 2 פסוקים פון לכו נרננה, ווייל אזוי ווי די הלכה איז (או"ח סימן רמ"ח) איז מען שוין מחיוב צי רעכענן חשבונות אלץ כבוד שבת. צי ביישפיל, מ'טאר נישט מפליג זיין לים אויף א שיף אויף א ווייטע נסיעה נישט לצורך מצוה, פון 3 טעג פאר שבת. ווייל די גאנצע וואך דרייט זיך ארום שבת.
3 טעג פריער און 3 טעג שפעטער.
ווען לעתיד לבוא נאך משיח גייט קומען, וועט אי"ה זיין די וועלט א יום שכולו שבת, אינגאנצען שבת'דיג.

ברויך דאך מאכן א הכנה.

איינער פון די וועגען מ'גרייט זיך צי צום הייליגע שבת, וועט געברענגט, אזא מ'מאכט זיך בשמחה, און במנוחה, אן קיין דאגות און מווארט אזוי ווי מ'ווארט אויף דעם.

דארף מען זיין בשמחה, און במנוחה, און זיך פארלאזן אויפן רבונו של עולם.

און פארשטייט זיך געדענקען צי לערנען, דאווענען, און טוהן מצות וויפיהל מקען.

אבער דער עיקר ווי מ'זאגט נאך פון גרויסע רבי'ס זצ"ל איך מיין הרבי ר' בונם פון פשיסחא זצ"ל

נישט געדאווענט נישט געלערנט אבער (=דער עיקר) ג-ט נישט דערצערענט.

מיינען צי זאגן, מזאל נישט זיין ציבראכען, אז מקען נישט לערנען דאווענען כאטש זאל מען נישט ברוגז מאכן די באשעפער דארך נישט זיין אפגעהיטען פון עבירות.

מיט שמחה, וועלען ענק אלעס אריבער גיין א סאך לאכטער ווי וויינען יעדען טאג.

מארגן וועל איך, ענק שרייבן א שיינע מעשה וועגען דעם.

@גרינטליך

[שמועות טובות]

גוט מארגן א גוט יאר זעלטענע קינדער
ווי אזוי ענק האלטן זיך אזוי שטארק איז פאר עפעס גאר א גרויסע וואונדער

אליינס מיטן באשעפער פון די גאנצע וועלט
דאס איז א זאך מ'קען נישט אפקויפן מיט קיין געלט

כאפטס אריין ענק האבן יעצט א עת רצון אזוי זעלטן
נאר פאר אונז זייטס מתפלל אונז זאלן קענען זוכה זיין צו ביידע וועלטן

אוי ווי מקנא גאנץ כלל ישראל איז ענק איצטער
און פאר ענקער וואויל זיין לויפט יעדער ארום א פארשוויצטער

אזא זיסן טאג אין שעלטער דארט
ענקער באן איז שוין כמעט אנגעקומען צום פארט

זיך נישט דערשרעקן פון קיין שמועות
ווייל נאר איין באשעפער ווייסט פונקטליך אלע ידיעות

מיטן תהלים'ל זיך באהעפטן און נישט נאכלאזן קיינמאל
דאס ברענגט זיכערע ישועות פאר ענק אלע אן א צאל

הייבטס אן דעם טאג מיט גרויסע האפענונג
ווייל וואס עס גייט היינט זיין האט קיינער נישט קיין אהנונג

א סדר היום אנגעפילט מיט אמונה און בטחון
הלואי איך זאל יעצט קענען זיין ענקער שכן

כלל ישראל איז אויף ענק באזארגט אזוי שטארק
סיי דער וואס זיצט אין בית המדרש און סיי דער וואס גייט ארויס אין מארק

מען רודערט אויף די וועלט מיט אזא גרויסן פאוער
ענקער גאולה זאל שוין אנקומען ענק זאלן שוין קענען אין שאויער

ווי איך גיי און איך שטיי קיינער קיין מנוחה האט
פאר ענקער וואוילזיין איז יעדער מתפלל צום גרויסן גאט

האב שוין רחמנות אויף דיינע בעסטע וואס דו פארמאגסט
און אונז גלייב מיר באמונה אז צו זייער באפרייאונג זייער שטארק דו יאגסט

אוי טאטע אין הימל אונז קענען פון זיי נישט פארגעסן
זעה כאטש אז יעצט זאלן זיי האבן געהעריג צו עסן

דעם תהלים'ל מיר פארגיסן טרערן אן א שיעור
ווייל א יעדן טאג וואס עס גייט אדורך איז דאס נאך שווערער פון פריער

קינדערלעך טייערע גייטס אן מיטן טאג
אן קיין דאגות און אן קיין שום פלאג

גוטע בשורות עס ווארט ענק אלע אי"ה אפ
שערטס ענק אפ ווי עס פאסט און לאזטס ענק נישט וואקסן א טשאפ

[אהא]

לכבוד די טייערע בחורים
פישל און אלימלך ברוך העלבראנץ
מיין הארץ ווייטאגט םון די צער און פיין וואס איר זענט אריבער און גייט אריבער
איך בין זיכער אז עס איז שווערער מיט דעם וואס ביז נישט לאנג זענט איהר געווען א קבוצה און יעצט זענט איהר געבליבען נאר צוויי
אבער ערשטנס קענט איהר זיך מחזק זיין אז איהר זענט צוויי צוזאמען און ליידער אייער חבר וואס איז ארויס איז איינער אליין צווישען גויים
נישט אז מדארף זיך פרייען אויף יענעמס צער אבער מקנא זיין ווייס איך נישט צו סאיז דא אויף וואס
מיר בעטן און האפן אז אין גיכן זאלוען מיר הערן די גוטע בשורה אז איר זענט באפרייט פון גוואטעמאלא און זענט ארויס אינגאנצען פון דעם
און ביז די גוטע בשורה ווינטשט מען איר זאלט זיך קענען שטארקען און מחזק זיין איינער די צווייטע
און עס זאל אינגיכן מקויים ווערן די ווערטער פון די וואכעדיגע הפטרה "כי־כה אמר יהוה, גם־שבי גיבור יוקח, ומלקוח עריץ, יימלט; ואת־יריבך אנוכי אריב, ואת־בנייך אנוכי אושיע. כו והאכלתי את־מונייך את־בשרם, וכעסיס דמם ישכרון; וידעו כל־בשר, כי אני יהוה מושיעך, וגואלך, אביר יעקוב" אמן

[שווערמער]

טייערע ברודער, פישל און אלימלך

איז איינס פון ענק געגאנגען פריי, זענען ענק געבליבן צוויי.

צוויי בחורימ'לעך הייליג און טייער, זענען זיך מחזק יעדן טאג. בלויז פון אזויפיל חיזוק און רעדן אמונה און בטחון, קען מען ווערן א בעל מדרגה. עטס וועטס ארויסקומען און נישט פארשטיין פארוואס אידן ארבעטן בכלל, מ'קען דאך האבן בטחון...

ענק טוען יעדן טאג א גרויסע עבודה, עבודה שבלב, וואס זעלטן וואס א איד איז זוכה צו אזא נסיון. שכרכם הרבה מאד.

[העלפן א איד]

לכבוד מיין טייערער ברודער פישל
לכבוד מיין טייערער ברודער אלימלך ברוך

איך שרייב דעם בריוו צו דיר פערזענליך. איך שרייב גראדע דעם זעלבן בריוו אויך צו דיין ברודער אבער דאס נעמט גארנישט אוועק פון דיר


מען שטייט יעצט אין די וואכן פון נחמה מעג מען נאך דערמאנען דעם חורבן אביסל. ספעציעל אז מ'וויל ארויסברענגן דעם נחמה פונעם עצם חורבן. וויל איך נאכברענגען א טייער ווארט וואס ר' בערל טויבער האט נאכגעזאגט פונעם הייליגן חתם סופר


עס ווערט געברענגט (אין א מדרש אפשר) אויף די ערשטע פסוקים פון פרשת דברים

עס איז געווען אמאל א מלך וואס האט געוואלט שרייבן א צוואה אבער האט מורא געהאט אז שפעטער וועלן מענטשן זאגן אז ער איז שוין געווען צו אלט און נישט געווען אינגאנצן קלאר ביי זיך

האט ער געזאגט פאר זיינע נאנטע מענטשן, פרעגט מיך אויס איבער וואס גייט פאר. האבן זיי אים געפרעגט וואו איז מען יעצט? וואס זענען געווען די לעצטיגע מלחמות? וויאזוי איז די מצב אין לאנד

נאכדעם וואס ער האט אויף אלעס געענטפערט ריכטיג האט ער זיי געזאגט, יעצט קען יעדער זען קלאר אז איך בין 100% ביים קלארן דעת וויל איך זאגן מיין צוואה

די זעלבע זאך, משה רבינו שמועסט אויס אחרי הכותו וגו' בעבר הירדן וכו'. אזויווי יענעם קעניג, האט ער אויסגעשמועסט די מצב עס זאל זיין קלאר אז ער איז 100 פראצענט אין די כלים און ווייסט פונקטליך וואס גייט פאר

איז שווער א מורא'דיגע קשיא. די תורה זאגט עדות אז משה רבינו איז געווען פריש ביז די לעצטע מינוט. פארוואס האט אויסגעפעלט פאר משה רבינו צו ווייזן אז ער איז נישט צומישט?

מען קען ענטפערן אז מ'זעט אז ווען ירמי' הנביא האט פארשריבן די דאטומען האט ער זיך טועה געווען ווייל ער איז געווארן צו שאקעלט פון די צרות וואס אידן האבן געליטן און משה רבינו וואס דער באשעפער האט אים געוויזן אלעס עד סוף כל הדורות קען מען טראכטן אז ער איז זיכער געווארן צומישט נאכ'ן זעהן די אלע גליות וואס אידן גייען מיטמאכן. דערפאר האט ער זיך באווארענט

פרעגט זיך א קשיא. נו טאקע וויאזוי האט משה רבינו געקענט אויסהאלטן די צער

ענטפערט דער הייליגער חתם סופר אז משה רבינו האט אויך געזען די טובה דערפון, ער האט געזעהן די שטארקייט פון די שפעטערע דורות, ער האט געזעהן אז זיי גייען ביישטיין אזעלכע ביטערע שווערע נסיונות וואס די תנאים און אמוראים וואס האבן געקענט מחי' מתים זיין האבן נישט געוואלט געפריווט ווערן מיט אזעלכע נסיונות און ענדערש געוואלט שטארבן בעפאר



דו טוסט זייער זייער א שווערע ארבעט פאר גאנץ כלל ישראל און געדענק אז גאנץ כלל ישראל קוקט ארויס אויף דיין גאולה

עס גייט נישט אדורך אפאר שעה איך זאל נישט טראכטן איבער דיר און מתפלל זיין פאר דיר דו זאלסט ארויסקומען פון דארט ווי שנעלער און ביז דעמאלטס זאל עס דיר זיין די לייכטסטע וואס מעגליך



ר' שלום מרדכי רובאשקין איז געווארן ארעסטירט אין חודש חשון תשס"ט און געווארן פאראורטיילט צו 27 יאר תפיסה

זאת חנוכה תשע"ז האט אים דער אמעריקאנער פרעזידענט באפרייט פון איין מינוט אויף די צווייטע. אידן האבן געטאנצן אין די גאסן און אין די הייזער. מען האט געזאגט אז אזוי וועט זיין ווען משיח וועט קומען במהרה בימינו אמן



אז איך שרייב שוין, אין אמעריקע זיצט גאר א טייערער חשוב'ער איד, נחמי' צבי בן דינה אין תפיסה צוליב א בלבול וואס מען האט אויף אים געמאכט. די משנה זאגט ווער עס דאווענט פאר יענעם אין א זאך וואס ער דארף אליינס ווערט זיין תפילה געענטפערט ערשט

וואלט אפשר געווען א גוטע געדאנק דו זאלסט מתפלל זיין פאר אים און ער זאל מתפלל זיין פאר דיר אזוי וועלן ענק ביידע געהאלפן ווערן


איך האף אז ביי די צייט וואס דו וועסט קענען באקומען דעם בריוו וועסטו שוין זיין אינדרויסן

[גרינטליך]

פישל'ע און מיילעך ברוך'ל.
האנט וועל איך אייך שיקען א אימייל מיט מיין בריוו.
און איך וועל אייך דארט מגלה זיין מיין נאמען אויכעט.

איך וויל דיר נאר זאגן איין זאך וואס איז מיר איינגעפאלען אין קאפ

די השגחה עליונה האט נעכטן צי געפירט איך זאל מקיים זיין די מצוה פון זען וועלעכע בהמות זענען יא טהור און וועלעכע נישט
= דאס מיינט איך האב גענומען קליינע קינדער צו א' זאה= ס'דא דארט לייבן, טיגערס, בער'ן, עלעפאנטן ג'יראפעס, זיבראס.
זעה איך דארט ווי צוויי לייבן זיצ'ן אין זייער ריזיגע שטייג, און קלאצן טוהן גארנישט.
זיי קוקן נישט אפילו אויף די 10'ליגע מענטשען וואס באקוקן זיי, און אויך נישט אויף די הערשן וואס זענען און דערנעביגדע שטייגן פון ביידע זייטן.
זיי קלאצן אין די וועלט אריין.
איז מ'דענמאלסט איין געפאלן, זיצען 2 ברידערס אין א שטייג, וואס מרופט דאס א שעלטער, פארווארפען צווישען די גוים.
אבער זיי זענען 2 לייבן וואס שטארקן זיך אויף די יצר הרע בכלל, און פון יצר הייאוש בפרט, און פירען זיך אויף הייליג בקדושה ווי ערליכע יודעש לייבן, חז"ל רופן עטליכע מאל די נאמען אריות=לייבן אויף תלמידי חכמים. און מדריקט זיך אויס אויף שבט יהודה אריות שבשבט יהודה.
די משנה אין אבות זאגט, הוו גיבור כארי. און די שלחן ערוך אין סימן א' הייבט זיך אהן יתגבר כארי לעבודת הבורא.
דאס קען מען נאר טוען מיט שמחה.

שפעטער האב איך געטראכט, די לייבען פון אויווען אויף זענען ענדליך מיט נאך א זאך, זיי ביידע עסען שלאפן, א מאל א קליין שפאציר אין זייער שטייג (וואס פאר א גרויסע בעל חיה, איז דאס ממש קליין) און ליגען זיך אראפ קלאצען נאך אסאך.
איז פון איין זאט קען מען זאגן מייליך ברוך'ל מיט פישל זיצן און קלאצען מיט גארנישט צי טוען.
אבער ס'בכלל נישט אזוי, יעדער מינוט וואס ענק האלטען זיך שטארק, און ערליך און פארבירען צי זיין בשמחה טוהט'ס א געוואלדיגע נחת רוח פאר'ן רבונו של עולם עד אין לתאר ואין לשער, און ענק וואקסען אין ענקער מענטשליך און יודישע גייסט מער און מער

יא איך ווייס אז ס'שווער, און ענק פאלען א אפילו פון מאל צי מאל אדארך אבער די פסוק זאגט אין משלי, "כִּי שֶׁבַע יִפּוֹל צַדִּיק וָקָם וּרְשָׁעִים יִכָּשְׁלוּ בְרָעָה.”. אז אפילו א מענטש פאלט א דארך 7 מאל נאכאנאנד, אבער וקם ער נעמט זיך צירוק מיט די גאנצע פעסט קייט אבער א רשע יכשלו ברעה, איין מאהל ער פאלט א דארך זאגט איך קען נישט מיר.

פישל'ע מייליך'ל האלטס ענק אן שטארק, די האסט נישט קיין אנונג ווי מדרייט איבער וועלטן ענק צי ראטעווען, די ישועה קומט שוין אט אט.

איך וועל ענק אי"ה שרייבען שפעטער נאך א בריוו אויף אימייל ווי איך וועל ענק זאגן מיין נאמען.


@גרינטליך

[שמועות טובות]

א גוט מארגן אלימלך און פישל
קומטס אהער לאמיר זיך צוזאמען זעצן צום טישל

מיט א שטארקייט קוקטס ארויס צום גרויסן בורא
ער וועט ענק באפרייען שוין יעצט מיט זיין הייליגע תורה

געווען אמאל א איד נעבן וואסער געשטאנען אליין
נישט געהאט קיין כח צו זיצן און זיכער נישט צו שטיין

פלוצלינג ער געבט א קוק עס וואונדערט אים אזוי
עס קומט צו אים א איד צו גיין ער האט געמיינט אז דארטן איז נאר דא א גוי

שטייט אין ספרים אז צו גילוי אליהו קען נאר זוכה דער זיין
דער וואס שפירט דעם צער השכינה און עס גייט אין זיינע ביינער אריין

דעריבער נוצטס אויס דארט יעדע מינוט ווייל דאס איז טייערער ווי גאלד
די טייערע מינוטן וועלן שוין קיינמאל נישט צוריק קומען עס וועט ווערן געלייגט אויף האלד

איך פארשטיי זייער גוט און איך שטעל זיך באמת פאר יעצט
פון זיצן אין שעלטער אזוי לאנג און איינזאם קען מען באמת ווערן צוזעצט

אבער וויסן זאלן ענק קליפ און קלאר דאך
אז יעדער וויל אזוי שטארק אריינקוקן צו ענק דורך א לאך

כלל ישראל איז אין אנגסט און אין שאק קיינער האט נישט קיין מנוחה קיין מינוט
מען שטורעמט וועלטן מען דרייעט איבער שטעט אז פאר ענק זאל שוין ווערן גוט

עס רורדערט זיך עס ווארפט זיך עס שאקלט זיך פון הימל ביז ערד
אסאך מער ווי ענק ווייסן און יעדער ווייסט און מען שלעפט זיך דערפאר די בערד

עס שוימט עס רעש'ט עס פליט עס רייסט עס גרודערט אזוי שטארק
מען רוהט נישט קיין מינוט און נישט קיין סעקונד ביז מען זעהט ענק ארויס פון די דארק

גייטס אהן מיט א פרישקייט און זעהטס צו מאכן פרייליך אלע אידן
א תפלה פון ענק צום בורא אז פאר אונז זאל שוין אויך אייביג זיין פרידן

נעמטס א תהלים'ל מיט א סידור'ל און שרייטס אריין דערין
און נאך א קליין ביסל מיר וועלן זיך שוין טרעפן אויף דערפריי אונטער א שיינעדיגע זון

[שמועות טובות]

גוטע נאכט רבי פישל מיט רבי אלימלך
עטס זעהטס היינט אויס צו זיין עפעס מורא'דיג פרייליך

אפשר טיילט עטס פון ענקער שמחה אביסל פאר מיר מיט
כ'גיי דאס חלילה נישט אוועק כאפן נאר צו פרייליך מאכן אויך מיין בלוט

ווי אזוי גרייט מען זיך דארטן צו שבת צו
עס קומט דאך צו ענק זעכער אליין דער קודשא בריך היא

פון ענקער אפיקומן לייגט פאר מיר אויך אוועק
כ'וואלט כאטש געוואלט קענען האבן דערפון אפילו נאר א לעק

ענקער גן עדן בין איך מקנא ביזן הימל
כ'וואלט דאס ווען אסאך ענדערש גענומען ווי איידער צו כאפן א דרימל

כ'האף אז פאר ענק איז שוין א פיינע טשולענט צום שבת צוגעגרייט
פאר דעם דארף מען זיך שוין אביסל יאגן ווייל די צייט איז שוין טייט

משלוח מנות פאר א יעדעם איינעם פארינגטס אויך אביסל ביטע
מען שטייט און מען ווארט שוין אויף ענק א יעדער איינער מיט א גאנצע סוויטע

ליל שישי בלייבטס נישט אויף דער אויבערשטער וויל ענק זעהן אויסגערוהט
פון די שבת'דיגע זופ כאפטס נישט מיט ענקער הענט ווייל מ'קען זיך האבן אפגעבריט

שבת נאכמיטג ביים אריינבייסן האטס מיר אויך אינזין
ווייל פאר ענקער שכר אפילו איך ווי הונגעריג איך בין

שפרייטס אויס ענקערע ציינער
פאר די פיש מיט ביינער
און מיט דארשט דעם וויין שלינגטס

דעם רעקל טוטס אן
און נישט וויי טוהן ענקער צאן
און ענקער קול אין הימל קלינגטס

דער שבת וועט ענק מאכן פארגעסן פון אלעס וואס גייט פאר
עטס וועטס נישט געדענקן קיין צער און נישט קיין ענגשאפט עס וועט אלעס זיין זייער קלאר

מוצאי שבת ביי הבדלה
רופטס נישט קיין הצלה
ווייל אליהו הנביא צו ענק ער שפאנט

אפילו עטס זעהט אים נישט
די זמירות שנעל מען מישט
און זיך אנלאהנען רואיג אויפן וואנט

[שמועות טובות]

רבותי עס קומט שבת שוין
טוטס ענק אן א גאלדענעם קרוין

אזא שבת וואס ענק גייען דארטן פראווען
און ווער רעדט נאך ביי די סעודא רעוא דרעוין

כ'בעט ענק לייגטס אוועק א פלאץ פאר מיר
כ'וויל פלעין קענען דארט זיין כ'דארף נישט קיין גלעזל ביר

אלע מלאכי מעלה פונעם גלענסטן ביז גרעסטן
גייען זיך וועלן ביי ענק אריינשטופן סיי אין היצן און סיי אין פרעסטן

אלימלך און פישל נישט קיין חילוק ווער פון ענק
וועלן ביידע זיין געזונט און שטארק און נישט האבן קיין שום קרענק

אנגעהויבן פון יום השישי ביז ידיד נפש און אלעס אינדערמיט
די ביימער וועלן זיך ווארפן און די ימים וועלן רעש'ן עס וועט זיין אזוי גוט

די גראזן די בלומען די שטיינער פון פעלזן וועלן מיט זינגען אויך
די הימל די ערד און אלע וועלטן וועלן אויף ענק גוטע השפעות באגיסן מיט א שלויך

וועקטס ענק אויף גאנץ כלל ישראל וויל דאך אזוי שטארק זיין מיט ענק דארט
מען דארף נישט קיין שיירים מען דארף נישט קיין פלעשער אפילו נישט קיין קווארט

בליצן און דינערן אין אלע הימלען אוי ווי עס ברימט
אלע שרייען אז ענקער באפרייאונג אלס שנעלער עס קומט

די בורא דער הייליגער ער איז ענקער שומר און נישט דער גוי ביים טויער
ער זארגט זיך פאר ענק ער באוואכט ענק ער איז בעל הבית ענק דארפן אפילו נישט קיין לויער

ארבעטס אריין
עס וועט ענק גוט זיין
אויף די וועלט און אויך אויף יענער

ענקער שכר האט נישט קיין שאץ
מען קען דאס נישט אראפגעבן אין קיין זאץ
עס ווערט א יעדע רגע גרעסער און קיינמאל נישט קלענער

גוט שבת

[גרינטליך]

פישל היינט רעד איך ערשט צי מיילעך ברוך, און נאך דעם צו דיר.
ממילא הייב איך אן מיין בריוו אזוי:
אלימלך ברוך לעבען, רוף צו דיין ברידער פישעלע לעבען.

איך האב א בריוו פאר ביידע פון ענק.

ציערשט וויל איך מקדים זיין,
איך בין היינט געקומען צו פיס און די היץ, ספעציעל ענק צו שרייבן א וועג פון 2 מייל וואס איז נאנט צי 3 ק"מ.
און איך בין קיינמאל נישט געוואוינט אין גוואטימאלע, בין איך נישט צי געוואוינט צי די דרום אמעריקאנע היצן.

ענק זאלן נישט מיינען, אז איינער האט חלילה פון ענק פארגעסען.

א גוט'ן ערב שבת, דער וואך איז די פרשה פון מורא האבן פון די רבונו של עולם, די מצוה פון יראת שמים.

מ'פארציילט א מעשה פון די הרה"ק ר' אורי פון סטרעליסק זצ"ל, ער האט א מאל געפרעגט א חסיד די האסט מורא פון מיר? צי די האסט מיר ליב?

האט דער חסיד געזאגט איך האב מורא צי פארלירן מיין אהבה.
האט ער אויסגעשמועסט אז דאס מיינט יראת שמים, אז מ'האט מורא צי פארלירן די ליבשאפט צום באשעפער, ווייל ווען א מענטש היט זיך נישט אפ צי זיין הייליג, און פאלגן די תורה ומצות, און האלט נישט זיין גאנצע קערפער הייליג, פארלירט ער פשוט די אהבה צום אויבערשטער.

היינט בין איך געמוסט זיין מיט איינער ביי א דאקטער אין מאנהעטען(= פון די שמוציגסטע פלעצער אויף די וועלט, ממש דור המבול).
איז מען געפארען אויף די זייט פון די שטאט אויף א הויף שאסיי וואס פארט פון אונדרויסען פון די שטאט אליין.
פון איין זייט איז דא די הויכע בניינים שפיטעלער מיט אלעס פון די אנדערע זייט, אוז דא א טייך מיט א שיינע פאר בריקען מיט בריקעלעך, גרעסערע און קלענערע שיפן, און אויכעט א פאר פלעצער ווי ס'הייבן זיך און גייען אראפ ט הליקאפטערס, ווער פארט געווענליך אויף די העליקאפטערס?
גרויסע (בעיקר גוי'שע און פרייע יודן) עשירים, וואס יעדער מינוט איז זיי וויכטיג.
על כל פנים אזוי רעדען זיך זיי אן. ווי זאגט די וועלט א איינרעדינעש איז ערגער ווי א קרענק.
אדער ווייל ס'זיי באקוועמער צי קענען הוליאווען מער צייט און פארן ווייניגער צייט, אדער ווייל מדארף מאכן אויף אנדערע א איינדרוק פון א אדם חשוב.

האב איך מיר געטראכט א קל וחומר (דאס מיינט אוודאי און אוודאי א הארבע זאך פון א לייכטער זאך)
אויב דער פארגרעבטע גוי, דארף זיין באקוועם, און דארף אן קומען שנעל און גיך בכבוד'יגע אהייט, צי זיין באגעגעניש, אדער צי זיין פרעסעריי און הויליעריי.

ווי חשוב איז די מינוט פון א אידיש קינד?

פון איין זאט וויפיהל מדארף איין ראסען בתפילה מיט שתדלנות ארויס צי זען מיינע 2 ידידים פישעלע מיט מיילעך ברוך'ל (האי ביי די האנטיגע בריוו דארף זיין פארקערט אלימלך מיט פישל, פיין איך האב פאראכטען, עפעס מוז מ'דאך פארדרייען די יוצרות, ס'זאל נישט זיין א בחינה פון ממעטין בשמחה נאך תשעב באב , נחזור לעניינו)
פון דארט ווייל יעדער מינוט א אידישע קינד פאניגט זיך איז א וועלט.
פון די אנדערע זייט וויפיהל איז עס אונז מחייב, יעדער מינוט פון א יוד, קען ווערען אויסגעניצט, פאר גוט'ס אין יעדע מצב מגעפינט זיך נארלמשל, איך בין זיכער ענק האבן נסיונות פון זיין ציבראכען, און ממילא נישט אכטינג געבען אויף שמירת עינים, אדער די מחשבות, וואס דאס ברענגט א געוויס, נישט שפירען ס'מאכט נישט אזא חילוק, ווי אזוי מיינע ברכות, דאווענען, (פאר פישל הנחת תפילין), צי אלע אנדערע מיינע מצות זעהן אויס.
ווער רעט נאך אז איך האב דאך נישט קיין קאפ, צי גארנישט, איך האב שוין אפגעמאכט ביי מיר, ווען איך קום ארויס, דעמאלסט וועט מען אנהייבן א נייע לעבען, אבער ביז דעמאלסט, איך האב שוין נישט קיין כח און געדולט, אודאי עבירות חס ושלום וועל איך נישט טוהן, אבער לערנען א ביסל תורה ווי ווייט איך קען!?!?!
דאס איז גוט פאר ווען איך וועל זיין אין אמעריקה, יעצט וואס איך טוה איז גוט, ס'נישט דא אין די גאנצע וועלט נאל אידישע קינדער וואס מאכן יעצט דארך מיין נסיון, ווי קען מיר איינער אפילו פארשטיין און אודאי נישט דן זיין.

הערט זיך א גוט'ע תירוץ אויב מהאלט נישט דערביי? אודאי הערט זיך עס זייער שטארק, און קיינער קען ענק טאקע נישט דן זיין.
אבער די אמת? ס' איז אלעס עצת היצר הרע, ווייל א יוד אין יעדער מצב, קען מקדש שם שמים זיין בסתר (אפילו אין די מחשבה) ובגלוי.
און די שכר אויף די שווערער נסיונות זיין 1000 מאל גרעסער.
אבער, ממוז וויסען מגעבט נישט קיין מענטש אין די גאנצע וועלט א נסיון ער קען נישט ביי שטיין, נישט נאר דעם אז ער קען דאס ביישטיין.

נאך מעהר, אויב פון הימל האט מען דיר אריין געלייגט אין דעם נסיון, קען זיין דאס איז געווען די גאנצע מטרה פון דיין אראפקומען אויף דעם וועלט.

צי קעניגן די באשעפער ווען ענק זענען אונגאנצען אליין צווישען גוים.

און אויף א זיסערע וועג, אויב ענק וועלן זיך האלטן פעלזן פעסט מיט אלע זאכן א יוד דארף טוהן, ווען ענק וועלען אנקומען צי אמעריקה, וועט ענק זיין פיהל פיהל לייכטער

אם נדחת עד קצה השמים משם יקבצך ה' אלוקיך, דייקא אין די ווייטערניש, אין די טיפסט פינסטערניש- בעמק הבכא, דארט וועלען ענק שעפען כוחות צי בויען אי"ה ענקער גאנצע עתיד.

האלטס ענק בשמחה, מיר רייסן איין וועלטן פאר ענק, און די שתדלנות גייט אן מיט שטערקסטע קראפט

א לעכטיגע פרייליכע שבת

@גרינטליך
נ.ב איך האב ענק נעכטן געשיקט א אימייל אויכעט איך וויייס נישט אויב ס'שוין אנגעקומן צי נישט.

[משיח משיח]

איין טאג וועט מען נאך מאכן א בוך פון די אלע הארציגע בריוו'עלעך
דאנק ר'@גרינטליך

[על פי תורה]

אזוי אליין. אזוי עלנד. אזוי איינזאם שפירן ענק מיינע טייערע ברודער הינטער גראטעס צווישן די גוים. אבער וויסן זאלן ענק אז ענק זענען אין פאקט נישט אליין, ווייל כלל ישראל טראכט אסאך פון ענק. איר זענט נישט עלנד, ווייל כלל ישראל טוט פאר ענק. און איר זענט נישט איינזאם ווייל כלל ישראל קען נישט ווארטן אייך צו געבן די האנט אויף די פרייע וועלט אינטער רואיגע און ערליכע אומשטענדן.

שטארקט אייך. די ישועה איז נאנט מיטן אויבערשטנס הילף.

ב. ז.
פה קרית יואל יצ''ו

[על פי תורה]

א בריוו פון א משפחה אין מאנסי

[גרינטליך]

פישל'ע, אלימלך ברוך.

די גאנצע וועלט ווארט אויס אויף גיטע נייעס, מ'הערט ס'דארף זיין א קאורט בקרוב, ענק זאלן שוין קענען ארויס גיין אויף די פרייע פון די שעלטער.

ווי אזוי איז אריבער די שבת?

ווילסט הערן עפעס אינטערסאנט? ס'נישט דער סארט מעשה וואס די וועסט זיך רישן, אבער גאר אינטערסאנט.

גייענדיג ערב שבת א פאר שעות פאר שבת אין שוהל, (כדי צי לערנען א פאר שעה פאר שבת קודש, דארך דעם מאכן א ריכטיגע הכנה דרבה פאר דעם הייליגע גאסט שבת קודש).

זעה איך אויף די גאס א שגץ'ל שלעפען שווערע קאסטענעס פון ווער ווייסט וואס, און ער זאגט מיר אויף אנגליש "היי ראביי", ענטפער איך עם צירוק "היי" און איך גיי מיר ווייטער מיין וועג.
זאגט ער מיר ראביי די האסט א מינוט? ס'ווערט מיר שווארץ פארן אויגן, איך טראכט מיר וואס וואל דער פאר'רוצט'ע גוי פון מיר?! ער וויל מ'סתם איך זאל עם העלפן שלעפען זיין לאסט.
און איך פארשטייט זיך האלט נישט דערביי, טראכט איך צי מיר, איך זיי עם זאגן איך יאג מיר שטארק, און פארטיג.

זאגט ער מיר, אנגליש געמישט מיט לשון קודש'דיגע און אידישע ווערטער, אזוי ווי חרדי'שע יודן רעדען.

ער זאגט מיר ער העלפט צי אן ארגינזאציע וואס טיילט פאר משפחות פון חולי ישראל, און זיי שיקן יעצט פאר משפחות וואס ס'דא איינער אין שפיטאל, שטעלען זיי צי די הייסע ווארעמע עס'ן שבת, יו''ט, און נאכטמאל יעדער טאג.

ער טראגט יעצט די קאסטענעס ארויף צי 2 משפחות רח"ל מיט קינדער וואס שלאגען זיך פאר זייער לעבען, און די עלטערן זענען פארנומען לויפ'ן און ברענגען פון דאקטער צום שפיטאל, וכו' וכדומה, ביידע ליידער אויף איין גאס.

פרעג נעם איך פון איהם אראפ א קאסטען און איך בין מקיים דעם עזוב תעזוב עמו, אין איך גיי מיט איהם, און ער רעט מיט מיר, ווי א ערליכע יוד.
ער האט הנאה איז ער זעט מ'גייט לערנען פאר שבת, און אפשר זאל ער אנהייבען אזוי טוהן.
אין איך זעה ער יאגט זיך אויכט באמת שוין פון לאנג א היים, זיך ציגרייטן פאר די הייליגע גאסט שבת קודש.
ווען איך האב דאס געזען פרעג איך עם איידעלער אהייט. זאג נאר די גייסט אן א קאפל, זעסט אויס ווי א ריכטיגע שגץ, און די רעדסט אזוי ערליך?
איך בין ממשיך און זאג עם, ציערשט האב איך געמיינט אז די ביסט א גוי, דארנאך א אפגעפארן יונג, און נאך דעם א בחור וואס גליטשט רח"ל אין אידישקייט, אבער פארט זיין אידישע הארץ צוהט איהם צי העלפן אנדערי יודן, און יעמט זעה איך גאר אז די ביסט א ערליכער בעל משפחה, און איך האב באמערקט ווען איך האב איהם געזען אראפ לייגן די קעסטעלעך מיט די מטעמים לשבת ביי די טירן ווי ער נעמט ארויס א כשר'ע טלפון צי רופ'ן זאג'ן אז ער איז דא.
זאגט ער מיר, ווארט צי 2 מינוט און די וועסט אלעס פארשטיין.

בין איך געגאנגען און דער ווייל צי דער 2 אדרעס אראפ געלייגט די קאסטן פאר די טוהר, און געזען פון די ווייטענס ווי ביי די 1'טע משפחה עפענט די טיר א קליין קינד.
ער זאגט א פרייליכע גוט'ן ערב שבת,און גייט אריין, ער קומט ארויס 2 מינוט שפעטער.
נאך די טוהר פארמאכט זיך קומט ער אראפ צי גאס און זאגט ער מיר אזוי:

איך גיי שוין יארן יעדער וואך טיילן עסען.
די סדר איז אויף ערבי שבתות, אז אויב די עלטערן זענען נישט בנמצא אדער זענען פארנומן ווען מקומט אן צי א טיר מיט די עסי'ן אויף די אקסעל, גייט מען אריין און מאיז מסדר די בלעך און משטעלט ארויף אויף די בלעך די מאכלים וואס דארף זיין הייס.
דאס וואס מדארף, און מלייגט אריין אין פריגעדיר דאס וואס מדארף דארט אריין לייגן, אויב ס'דא עפעס פאר די פריזער לייגט מען דאס דארט.
און דערנאך לייגט ער א צעטל מיט אלעס וואס ער האט געברענגט, אויף די טיש און ווי ער האט אלעס געלייגט און ער גייט ארויס.
פרעג איך איהם, אבער פארוואס זעסט די אויס ווי ט א גוי? די גייסט דאך מיט א היט'ל אן מזאל זעהן דיין קאפל.

ענטפערט ער מיר אזוי.
איך גיי אלעמאל מיט די גאנצע יודישע טראגע, (ער איז א ליטווישער יונגערמאן, אבער מאכט גאר א ערליכער רושם), ער זאגט מיר זיין נאמן, און כאפ איך קען דער נאמען פון ערגעטס. פרעג איך עם, פון ווי קען איך דיין נאמען, בקיצור דער יוד איז א יונגער ראש כולל, און א גרויסע ערליכער תלמוד חכם. די תמיהה האלט און איין גרעסער ווערען.

איך פלעג גיין מיט די גאנצע היימישע טראגע ווען איך האב דאס געטוען, און נישט איין מאל און נישט צוויי מאל, זענען די טאטע אדער מאמער אן געקומען און מיטן מיין מסדר זיין זייער צרכי שבת, און זיי האבן זיך גאר שטארק געשעמט.
נישט קענען ציקוקען זייער זיך שעמען, אז א צווייטע יונגערמאן שטייט און פארעוועט זיך ביי זיי אין קאך. האט ער מחליט געווען, זעך מבזה זיין אנשטאטס די משפחות פון חולי ישראל.
יעדער ערב שבת נאך מיטאג, נישט מער נישט ווייניגער טוהט אן היטל אויפן קאפ פארשטעקט זיין ציצית אונטער די העמד, און טון אן א קאלירט העמד ווי די ערלים, אדער אפגעפארענע וואלטן געגאנגען, אנגעשטוהן. שעמען זיך שוין נישט די עלטער'ן און זיי זאג'ן עם א גוט ווארט איהם "מקרב צי זיין".

מאכט זיל אליין אן א ים פון בזיונות, כדי נישט מבייש זיין א צווייטער יוד.

אזוי ווי ער ענדיגט מיר דאס זאגן (ער האט עס מיר געזאגט אזוי בדרך אגב'דיגע אינמיטן צי לויפן צי די אנדערע טוהר, ווי איך האב אראפ געלייגט די אנדערע קאסטען, ס'האט מיר אויסגעזען ווי ער זעט נישט די גדלות און זיך מבזה זיין אזוי שטארק, למנוע ביוש פון א אנדערע יוד.

האב איך איהם געבעטען א ברכה פאר מיינע 2 פארשטעקט ידידים פישל'ן און מיילעך'ן און פאר נאך א חולה וואס איז זקוק לרחמי שמים. האט ער ערשט געטענה'ט ער דארף גאר א ברכה פון ענק, האב איך געזאגט קען זיין, אבער ער זאל ענק אויכט אנווינטשען און דאווענען פאר ענק, האט ער אראפ גענומען ענקער נעמען און געזאגט ער וועט דאווענען פאר ענק.

אבער וואס איך האב מיר געלערנט פון די מעשה איז
1.מען טאר קיינמאל נישט דן זיין א צווייטער יוד, אפילו ווען מ'זעט און ווייסט קלאר די עוולה וואס יענער טוהט. ווייל מ'ווייסט באמת נישט, מ'מיינט אז מ'ווייסט.
2. ווי מ'דארף זארגן נישט מצער זיין אן אנדערע יוד
3.אז בזיונות אויב מ'נעמט דאס ריכטיג איז גאר א גוט'ע זאך פאר א מענטש, ס'נעמט אווער א סאך צרות וואס א מענטש דארף אריבער גיין קען ער פטר'ן מיט די בזיונות.
איך בין זיכער אז ענק ביידע טראכטן א סאך ווען אונז גיין ארויסגיין גייט די גאנצע וועלט וויסן אלעס וועגען מיר, און איך קען זיין וועל איך פירן צימאל אביסל מבוזה. זאלן ענק געדענקען בזיונות האט אין אירע אינהאלט 2 גרויסע מעלות. 1 אויב ס'באשערט יסורים זאל די בזיונות די מכפר זיין 2, ס'לערנט דיר אויס נישט נתפעל ווערען פון וואס יעדער זאגט, און זיין שטארק ביי זיך אפילו צווישען אנדערע מענטשן וואס זיין היימישע יוד'ן, נישט פוהלן געפאלען ביי זיך.
4. דער יוד איז שוין גלייך געווען פארנומן אויס רעכענן ווי לאנג ס'וועט עם געדוירען זיך גרייטן צי קענען גיין ווי שנעלער און בית מדרש לערנען זיך ציגרייטן דארך די הייליגער תורה פאר די שבת קודש המשמש ובא. דהיינו מדארף נישט מורא צי אנעמען א גוט'ע זאך ער האט געזען ביי א צווייטע יוד אפילו ער איז ממש א עוסק במצוה.

די עיקר סיבה איך שרייב דאס צי ענק, כדאי ענק זאלן האבן עפעס צי ליינען, אבער ס'דא אין דעם א פאר שיין זאכן צי נעמן פון דעם.

למעשה, לאמיך רעדן צי ענק מיינע טייערע ברידער, ענק מסתמא פיהלן א ביסל ציבראכן ביי זיך, אז ענק עלטערע ברידער ידידיה האט אפגעפוצט קיין אמעריקה מיט זיין 3 קינדערליך. ווייל ענק שפירן אז ענק בלייבן מער און מער אליין.
די אמת איז, אז ס'פונקט פארקערט, די מציאות איז, אז יעדער וואס גייט ארויס, מאכט מבית ומבחוץ א משונה'דיגע פרעשור ענק ארויס צי לאזן.
ציערשט די ריגירונג וויל שוין זעהן די פרשה דערנאך, און יעדער קינד וואס גייט ארויס ווערען זיי מער און מער נאכגיבעדיג צי די עסקנים וואס ארבעטען ענק צי ארויסזיין פון דעם קאשמאר.
און די עסקנים פון די אנדערע זייט שפירן ווי מ'מוז מער איין רייסען מיט שתדלנות.
און אזוי אויכעט דער צד וואס האלט צירוק זעט געצווינגענערהייט מער און מער די פאקט, אז אפילו ידידיה איז שוין געגאנגען קיין אמעריקה וואוינען.

ובעיקר, אז כלל ישראל שפירט מער און מער ענקער וויי געשריי, און דאווענעט צי בורא כל עולמים פאר ענק.

איין מער זאך האב איך געוואלט זאגן אלימלך ברוך (פישל ששש....הער נישט צי ס' א סוד פאר מייליך'ן אליין די מעגסט נאר ליינען )

ווען איך בין געווען יענער דאנערשטיג אין די זוי איך האב ענק פארציילט וועגען. האב איך אויכעט געזען 2 בת היענה'ס איך קען נישט א נאמען דעראויף אין אידיש, אויף ספאניש רופט מען דאס א "אוועסטרוז" און אנגליש א "אסטריטש", האב איך געזען ווי זיי דרייען זיך ארום אהין און צירוק, ציזעמען מיט די ג'יראפעס.
אין איך טראכט מיר, וויפיהל מאל דרייט זיך מיילעך ברוך ארום בחוסר מעש, אהין און צירוק, ווייל ער איז פארשלאסן אין א שעלטער אזוי ווי און א שטייג?
(פישל, איז 2 יאר גרעסער און דרייט זיך אויכט ארום, אבער ער טאר נישט הערען דעם בריוו נאר ליינען האב איך אנגעכאפט מיילעך ברוך )
שפעטער האב איך געזעהן ווי מ'ווארפט זיי ספעס אריין צי עס'ן האבן זיי ביידע אהין געפלויגן מיט די גאנצע קראפט מיט א שנעלע פלינקייט צי כאפן די עסן.

טראכט איך צי מיר, פישל'ע מיט אלימלך'ל ברוך'ל דער מינוט זיי גיין ארויס גיין וועלען זיי אויף שיינען און בליען אזוי שיין.
אבער זיי זענען אסאך קליגער ווי די בת היענה, און זיי האבן יא א תכלית אין לעבן, און זיי ברענגן אריין די באשעפער דארט ביי די גוי'שע שעלטער, און זיי ווייסן אז יעדער מינוט דארט איז א הכנה צי די ישיבות זיי וועלען בעזרת ה' אנקומען בקרוב צו. מיר אלע ווארטן אויף ענק. איך קען שוין קוים ווארטן צי הערין אז ענק זענען אויף דא קיין אמעריקה


@גרינטליך

[גרינטליך]

איין טאג וועט מען נאך מאכן א ביך פון די אלע הארציגע בריוו'עלעך
דאנק ר'@גרינטליך

ס'שוין יעצט דא א בוך גאר א גרויסע, ס'הייסט "כל מעשיך בספר נכתבים"

[שמועות טובות]

בחורים טייערע כ'האב שוין לאנג פון ענק גארנישט געהערט
א גרויסן ברוך הבא פאר ענק וויל יעדער מאכן דאס איז דאך אלעס ווערט

א איד אליין
האט א זעלטענעם חן
מען ווערט צום אויבערשטען ספעציעל באליבט

צו מישן איין בלעטל
אויפן תהלים'ל געבן א גלעטל
ארויף ביזן כסא הכבוד גראד עס פליט

איך הער זאגן פון מענטשן
עס ווארט ענק גרויסע עטענטשן
ענקער פסק ווערט שוין אנגעגרייט צום גוטן

א ישועה ווי א בליץ
אן קיין שום קריץ
עס פליט צו ענק שנעל ווי א שליטען

נסים גרויסע
ליהודים היתה
פון ענקערע שונאים וועלן אלע בלוטן

קודש ישראל כלה קריאה
פאר יעדעם וועט עטס ווייזן דעם אויבערשטענס בריאה

נאר ענק אליין
וועלן זוכה זיין
צו א עתיד אזוי זעלטן

אויף ענק וועט יעדער קוקן
מען וועט ווארפן פון איבעראל בליקן
ווי שטארק ענק טוען בליהען און אלע שונאים וועלן שעלטן

א לעבן א זיסן
פון דעם קענט עטס שמועסן
ווייל צו ענק וועט יעדער וועלן רעדן

שיינע דורות אויפשטעלן
פיל אידיש נחת קוועלן
עס וועט ארויסוואקסן א בוים וואס קיינער קען נישט שרעדן

[אורך ימים]

מ'מעג דא קאפיען פון אנדערע סייט'ס?

[על פי תורה]

מ'מעג דא קאפיען פון אנדערע סייט'ס?

פעלט נישט אויס צו קאפיען, אלעס קומט פון דא