אסאך ספיקערס באהאפטן איינס צום צווייטן.Glass האט געשריבן: ↑זונטאג מאי 18, 2025 3:53 pmוואס מיינט ליין עררעיר׳ יואל קליין האט געשריבן: ↑זונטאג מאי 18, 2025 3:42 pm ווילאנג מ׳גייט ניצן ליין עררעי, גייט יעדע עטליכע פיס סאונדן אנדערש. דאס איז די בדרך הטבע די מציאות וואס מ׳קען נישט טוישן.
היות די מעמד דארף אויך זיין פאר די אויגן מעכטיג, איז מען סטאק מיט אזא סיסטעם וואס זעהט אויס מעכטיג, און הערט זיך שוואך. ענדערש ווי א סיסטעם וואס הערט זיך מעכטיג און זעהט (אפשר) אויס שוואך.
יעדע ספיקער האט זיין לימיט ביז ווי הויעך עס קען גיין. וואס טוט מען ווען מ'דארף נאך מער וואליום? מ'לייגט צו נאך א ספיקער. און אויב איז די צווייטע אויך נישט געניג. לייגט מען א דריטע. און אויב איז די דריטע אויך נישט געניג? לייגט מען 10 שטיק. וויאזוי לייגט מען 10 ספיקערס? ס'איז דאך נישט פראקטיש צו שטעלן 10 סטענדס מיט 10 ספיקערס באזונדער, און אויב איז 10 אויך נישט געניג? וויאזוי באגייט מען זיך פאר א ריזיגע צאל מענטשן?
זענען די פירמעס אויפגעקומען מיט א דשיניעס געדאנק, אז זיי בויען די ספיקערס אזוי ווי לעגאוס... מ'קען עס סטעקן און לייגן איינס העכער דעם צווייטן וויפיל עס פעלט זיך אויס, און אזוי הענגט מען אויף דעם גאנצן קייט פון ספיקערס ווי איין גרויסע געהענגל. דאס הייסט בלשון ענגליש "ליין עררעי".
אזוי גוט ווי די געוואלדיגע געדאנק פון סטעקן ספיקערס וויפיל מען דארף, אזוי שלעכט זענען די פראבלעמען וואס עס ברענגט.
היות די אלע ספיקער'ס ארבייטן נישט "צוזאמען", נאר יעדער פאר זיך, וועלן זיך די סאונד כאוואליעס קלעשן און זיך שלאגן, זיך צוזאמקראכן איינס דעם צווייטן און עס מאכט א חורבן פון די סאונד וואס עס געבט ארויס. די רעזאלט וועט זיין אז עס וועט "איקוועלייזן" און פארדרייען דעם "מיקס" און שארפע חלקים וועלו זיך הערן צו שארף אדער צו נישט-שארף, און די דיקע חלקים ווי די בעיס וועט אויך ווערן געדעמעדשט, און דאס פאסירט אויך יעדע חלק פון די סאונס. היי-פריקווענסיס, מיד-פריקווענסיס לאו-פריקווענסיס און אלעס אינדערמיט.
מ'קען זיין די בעסטע אינדשעניר, און ניצן א אייגענע איקוועלייזער און פרויבירן אליין טאנען און פאררעכטן די פארדרייטע סאונד מיקס, אבער וויאזוי מ'זאל עס נאר נישט פאררעכטן, וועט עס אייביג זיין שלעכט אויף א צווייטע פלאץ! ס'איז נישט מעגליך בדרך הטבע צו האבן גוטע קלארע סאונד מיקס בשעת אלע ספיקערס רייסן זיך ארום ווי דער דור הפלגה. ס'איז נישט מעגליך צו מאכן שלום צעווישן א גאנצע ליין עררעי! גיי מאך שלום צעווישן פוטין מיט זאלענסקי... וועסט כאפן איין שטאט, וועט יענער כאפן א צווייטע שטאט... יו געט דע פוינט.
נעקסטע אישו: עס קאסט "שרעקליך טייער!" די פירמעס לאזן זיך באצאלן טייער געלט פאר יעדע איינציגע ספיקערל פון א ליין עררעי סיסטעם. צוויי ליינס מיט 40 ספיקערס, קען קאסטן העכער א האלב מיליאן טולער!
אזויפיל ספיקערס דארף אזויפיל עמפליפייערס... יעדער ווייסט אז א עמפליפייער פרעסט אסאך עלעקטריק. יעצט מולטיפליי עס צו 40 עמפליפייערס... ווי האסטו אזוי פיל פלאגס? ס'איז טאקע נישטא! מ'דארף ציען ספעציעלע לעקטער ווייערס מיט מאסיווע פאוער צו קענען איינפלאגן אזוי פיל עמפליפייערס.
אזויפיל ספיקערס וועגן עטליכע טאן! עס ווערט טעכניש קאמפלעצירט, און א ריסק צו הענגען אזויפיל טויזענטע פונטן העכער מענטשליכע קעפ.
די אלע אישוס און פראבלעמען האט א נאסא אינדשוניר און וועלט סייענטיסט מיסטער טאם דענלי אויסגעטראפן א לעזונג, ער האט געלייגט א "פאטענט" אז קיינער זאל אים נישט קענען נאכמאכן (ביז א געוויסע צאל יארן) און זיינע ספיקערס קאסטן א פערטל די פרייז, מ'דארף נישט האבן 40 ספיקערס נאר ממש עטליכע, און די עטליכע ארבייטן שיין צוזאמען, עס וועגט נישט אזוי סאך, פארלאנגט נישט אזויפיל עמפליפייערס, דארף נישט אזויפיל לעקטעריק, און א אינדשוניר קען עס מיקסן שיין און קלאר ווי איבעראל וועט מען הערן די זעלבע שיין און יעדער וועט הנאה האבן.
יעדער? נישט ממש יעדער. ווייל די וואס האבן אונזערע אויערן אין באד, זיי ווילן ענדערש ליין עררעי ווייל ס'זעהט אויס בעסער אין זייערע אויגן. און פאר זיי איז די "מצב" וויכטיגער ווי דאס אז שווערע טויזענטע אידן זאלן הנאה האבן. עס גייט זיי אויך נישט אן אז אידיש געלט גייט אין מיסט, ווייל לויט זיי איז עס נישט געלט אין מיסט, נאר אדרבה, ווי מער עס קאסט, אלץ מער מעכטיגער איז עס! דער גוי'אישע אינדשוניר מיט לאנגע געדרייטע האר און א טאטאא אויף זיין האנט, פארשטייט (לויט זיי) בעסער ווי די היימישע אינגעלייט וואס האבן עקספיריענס אין היימישע געברויכן.
