טראמפ 47 אדמיניסטראציע

[פשוט און גראד]

ועוד

[ווער]

וואל סטריט האט זיך געשלאסן מיט שיינע פארדינסטן, נאכפאלגענדיג די צייטווייליגע האנדל אפמאך אויסגעהאמערט צווישן אמעריקא מיט טשיינע

[מאירוואלף]

טראמפ האט געלאנדעט איו סאודי אראביע

[מאירוואלף]

ווערט אויפגענומען דורך דעם קרוין פרינץ מוחאמאד בין סאלמאן.

[מאירוואלף]

טראמפ'ס באזוך אין סאודי אראביע - אמעריקאנער סטעיט דעפארטמענט צום סאודישן אל-שארק קאנאל: "מיר קאארדינירן מיט ריאד איבער דער פראגע פון ​​ענדיגן די מלחמה אין עזה."

[מאירוואלף]

א באריכט אין די ניו יארק טיימס: די סיבה פארוואס טראמפ האט באשלאסן אפצושטעלן די אפעראציע קעגן די האיוטי'ס איז צוליב זארגן אז די אפעראציע ברענגט נישט די געוואונטשענע רעזולטאטן, און צוליב איר שווערע עקאנאמישע קאסטן פאר די יונייטעד סטעיטס. לויטן באריכט, האבן די אינצידענטן פון די צוויי קאמפס עראפלאנען וואס האבן זיך אריינגעגליטשט אינעם רויטן ים פון דעם עירקרעפט קעריער הערי טרומאן, ווי אויך דרוק פון הויכע אדמיניסטראציע באאמטע אפצושטעלן די אפעראציע, און די פאקט אז די האיוטי'ס האבן געשטעלט אין געפאר די אמעריקאנער קאמפס עראפלאנען אינעם ראיאן, און געהאלטן אין איין אראפשיסן די טייערע אמעריקאנער דראונען, געפירט דעם פרעזידענט צו דעם באשלוס.

[מאירוואלף]

מיט אילאן מאסק.

[מאירוואלף]

.

[מאירוואלף]

אקסיאוס:
חאמאס האט זיך געוואנדן צו א פרא-טראמפ אקטיוויסט פאר געהיימע געשפרעכן וואס האט געפירט צום באפרייאונג פון עדאן אלעקסאנדער

די אונטער-טיר געשפרעכן האבן זיך אנגעהויבן מיט א מעסעדזש פון א חאמאס באאמטער צו בישארא באהבא, די אנפירערין פון "אראבישע אמעריקאנער פאר טראמפ".

חאמאס האט געזוכט א וועג צו איבערצייגן פרעזידענט טראמפ צו לייגן מער דרוק אויף מדינת ישראל, און טראמפ'ס שטאב איז געווען אנטשלאסן צו באפרייען דעם לעצטן לעבעדיגן אמעריקאנער וואס איז געהאלטן געווארן אין עזה. באהבא, א פאלעסטינער-אמעריקאנער ביזנעספרוי וואס האט געהאלפן טראמפ מאכן פארשריט מיט אראבישע וויילער אין 2024, איז געווארן די אומגערישטער פארמיטלער.

א חאמאס באאמטער אינדרויסן פון עזה האט זיך פארבינדן מיט באהבא סוף אפריל מיט די האפענונג צו עפענען א דיאלאג מיט טראמפ'ס שליח סטיוו וויטקאף.

ארום 20 מעסעדזשעס זענען איבערגעגעבן געווארן צווישן די צוויי זייטן אין טעלעפאן געשפרעכן און טעקסט מעסעדזשעס צו באהבא איבער די לעצטע צוויי וואכן. באהבא האט אויך גערעדט מיטן חאמאס הויפט פארהאנדלער חאליל על-חיה. באהבא האט זיך אפגעזאגט צו קאמענטירן.

וויטקאף, מיט הילף פון קאטארישע באאמטע און באהבא, האט ענדליך איבערצייגט די מיליטאנטישע גרופע אז באפרייען אלעקסאנדער "אומזיסט" וועט האבן א גרויסע השפעה ביי טראמפ.

ארום 10 אזייגער אין אוונט דאחא צייט זונטאג, האט חאמאס אפיציעל איינגעשטימט צו באפרייען אלעקסאנדער.

דערנאך האט וויטקאף אנגערופן אלעקסאנדער'ס עלטערן צו פארציילן די נייעס וואס זיי האבן געווארט 583 טעג צו הערן. "עס איז געווען א זייער עמאציאנעלער רוף פון ביידע זייטן," האט עדאן'ס פאטער אדי געזאגט צו אקסיאס.

מדינת ישראל האט זיך דערוואוסט וועגן די געהיימע געשפרעכן איבער אלעקסאנדער, א מדנ"י זעלנער, נישט פונעם ווייסן הויז נאר פון אירע אייגענע שפיאנאזש סערוויסעס, זאגן צוויי מדנ"י באאמטע צו אקסיאס.

ווען דער רעכטער האנט פון פרעמיער מיניסטער בנימין נתניהו, רון דערמער, איז געווען אין וואשינגטאן לעצטן דאנערשטאג, האבן זיינע אמעריקאנער קאלעגעס איהם נישט דערציילט איבער די געהיימע געשפרעכן. דערמער האט עס אליין געמוזט אויפברענגן מיט וויטקאף.

וויטקאף האט באשטעטיגט צו דערמער אז געשפרעכן גייען אן, אבער האט קלאר געמאכט אז מדינת ישראל וועט נישט ברויכן געבן גארנישט אין אויסטויש פאר אלעקסאנדער'ס באפרייאונג, און אז חאמאס האט נאכנישט געזאגט יא.

אלעקסאנדער'ס באפרייאונג איז שוין פון פריער געווען אין צענטער פון די דירעקטע פארהאנדלונגען צווישן טראמפ'ס שליח אדאם בעהלער און די חאמאס פירער אין קאטאר אין מערץ.

די מדנ"י רעגירונג האט זיך דאן אויך נאר דערוויסט וועגן די געשפרעכן פון אירע שפיאנאזש סערוויסעס, וועלכע האבן שפיאנירט אויף חאמאס.

אין יענער צייט האט טראמפ געזוכט אן אפמאך צו באפרייען אלעקסאנדער איידער זיין "סטעיט אוו די יוניאן" רעדע, און חאמאס האט געפאדערט די באפרייאונג פון 250 ארעסטאנטן וואס ווערן געהאלטן אין מדינת ישראל אין אויסטויש.

די געשפרעכן זענען געגאנגן פייפן דריי שעה איידער טראמפ'ס רעדע. ביזן היינטיגן טאג גלייבן טראמפ'ס ראטגעבער אז נתניהו'ס געהילפן האבן עס ארויסגעליעקט צו די פרעסע כדי עס צו סאבאטאזשירן.

וויטקאף האט פארגעשטעלט אן ענליכן פארשלאג דריי וואכן שפעטער, לויט וועלכן חאמאס וועט באפרייען אלעקסאנדער און טראמפ וועט אפן רופן פאר א צייטווייליגע פייער אפשטעל און געשפרעכן איבער אן אויספירליכן אפמאך. חמאס האט עס אפגעזאגט.

איבער די קומענדיגע פאר וואכן, האט מדינת ישראל ביסלעכווייז פארברייטערט אירע אפעראציעס אין עזה, און פארגרעסערט אירע לופט-אטאקעס און ווייטער בלאקירט דאס אריינגאנג פון אלע הומאניטארישע הילף.

דעם 22סטן אפריל האט דער קאטארישער פרעמיער מיניסטער מוכאמאד בין אבדול רחמאן אל-טהאני באזוכט דעם ווייסן הויז און זיך געטראפן מיט וויטקאף און טראמפ.

ער האט פארגעשטעלט א פארשלאג, וואס חמאס האט געשטיצט, פאר אן אויספירליכן אפמאך צו באפרייען אלע משכונות און ענדיגן דעם קריג, אבער די אמעריקאנער מעסעדזש איז געווען אז א קורץ-טערמיניגער טיילווייזער אפמאך איז די איינציגסטע זאך וואס מען קען טון.

ווען ער איז צוריקגעקומען קיין דאחא, האט אל-טהאני דאס געזאגט פאר חאמאס און האט זיי געמוטיגט צו מאכן א גוטע צייכן פאר טראמפ וואס קען נאכדעם טוישן זיין שטעלונג, האבן די באאמטע געזאגט.

טעג שפעטער האט דער חאמאס באאמטער זיך פארבינדן מיט באבהא.

זונטאג, בשעת ער האט אפגעהאלטן געשפרעכן מיט איראן'ס אויסערן מיניסטער אין מוסקאט איבער א מעגליכע נוקלעארן אפמאך, האט וויטקאף אויך געארבעט אויף די טעלעפאנען מיט קאטאר'ס פרעמיער מיניסטער צו דרוקן אויף חמאס צו פארזיכערן דעם אפמאך.

לויט א פאלעסטינער באאמטער, האט די טראמפ אדמיניסטראציע געזאגט פאר חאמאס אז אויב אלעקסאנדער ווערט באפרייט, וועט די יונייטעד סטעיטס דרוקן אויף א 70 ביז 90-טאגיקן שטילשטאנד – לענגער ווי די פריערדיגע אנבאטן – אין אויסטויש פאר דער באפרייאונג פון 10 משכונות.

פארהאנדלונגען איבער אן ענדגילטיגן אפמאך וועלן זיך אויך אנהייבן בשעת ​​דעם שטילשטאנד, און די יונייטעד סטעיטס, קאטאר און מצרים וועלן גאראנטירן אז דער קריג וועט נישט ווידער אנגעהויבן ווערן אזוי לאנג ווי זיי וועלן אנהאלטן די תנאים, האט דער באאמטער געזאגט וועגן דעם אנבאט.

ווען חאמאס האט איינגעשטימט צו באפרייען אלעקסאנדער, האט וויטקאף אנגערופן נתניהו און דערמער אין צוגאב צו אלעקסאנדער'ס פאמיליע.

[מאירוואלף]

אמעריקאנער אינפלאציע איז אומגערישט געפאלן צו 2.3% אין אפריל, די נידריגסטע אין איבער פיר יאר, טראץ פאראויסגעזעענע פרייז העכערונגען פון נייע טאריפן.

[ווער]

דער סירישער פרעזידענט אכמאד אל שארא האט פארגעשלאגן אז פרעזידענט טראמפ זאל בויען א טראמפ טאוער אין דמשק.

[מאירוואלף]

לעבאנעזישער אל-מאיאדין קאנאל פון זיינע קוועלער: יאסיר אראפאט'ס אלמנה, סוהא, האט געשפילט א ראלע אין פארמיטלען צווישן חאמאס און די יונייטעד סטעיטס.

[מאירוואלף]

בלומבערג: סאודי אראביע ווערט ערווארטעט צו באשטעלן 30 באואינג 737 עראפלאנען בשעת ​​טראמפ'ס באזוך.

[מאירוואלף]

דער סירישער פרעזידענט וועט אנקומען אין סאודי אראביע מארגן בשעת פרעזידענט טראמפ איז דארט.

[מאירוואלף]

די טראמפ אדמיניסטראציע קוקט אריין אין די מעגליכקייט צו ערלויבן פאר די פאראייניגטע אראבישע עמיראטן צו קויפן איבער א מיליאן פארגעשריטענע Nvidia טשיפס.

[מאירוואלף]

די טראמפ אדמיניסטראציע שניידט נאך 450 מיליאן דאלאר אין גרענטס צו הארווארד יוניווערזיטעט.

[מאירוואלף]

דער סירישער פרעזידענט וועט אנקומען אין סאודי אראביע מארגן בשעת פרעזידענט טראמפ איז דארט.

טראמפ האט זיך געטראפן מיט על דזשאלאני פון סיריע.

[מאירוואלף]

א מדנ"י קוואל האט געזאגט פאר די AP אז נתניהו האט געבעטן טראמפ בעת זיין לעצטיגן באזוך אין וואשינגטאן נישט צו אראפנעמען די סאנקציעס אויף סיריע. אבער טראמפ האט עס מיט דעם אלעם געמאלדן נעכטן.

[מאירוואלף]

דער סירישער פרעזידענט וועט אנקומען אין סאודי אראביע מארגן בשעת פרעזידענט טראמפ איז דארט.

טראמפ האט זיך געטראפן מיט על דזשאלאני פון סיריע.

ארדואן פון טערקיי האט זיך משתתף געווען ביי די זיצונג אויפן טעלעפאן.

[מאירוואלף]

סאודיער קרוין פרינץ צו טראמפ ביים גאלף סאמיט: מיר שטרעבן מיט אייך און אין קאאפעראציע מיט אונזערע ברידער אין גאלף צו אפשטעלן די עסאקאלאציע אין דער ראיאן, ענדיגן די מלחמה אין עזה, און ברענגען אן אלגעמיינע און שטענדיגע לייזונג צו דער פאלעסטינער פראגע באזירט אויף דער אראבישער שלום איניציאטיוו און אינטערנאציאנאלע רעזאלוציעס.

[מאירוואלף]

טראמפ ענדיגט זיין באזוך אין סאודי אראביע און גייט ווייטער קיין קאטאר

[ווער]

פרעזידענט טראמפ קריטיקירט ווידעראמאל דעם פעדעראל רעזערוו טשערמאן פאועל איבער אינטערעסט ראטעס‎

[ווער]

טראמפ אינדארסירט דזשעק טשיאטארעלי אלס רעפובליקאנער גאווערנאר קאנדידאט אין ניו דזשערסי‎

[מאירוואלף]

באריכט אויף דער וועבזייטל Amwaj.media: איראן האט פארגעשלאגן פאר די יונייטעד סטעיטס אין די ערשטע צוויי רונדעס פון די נוקלעארע געשפרעכן צו אויפשטעלן א געמיינזאמע אוראניום-בארייכערונג פאסיליטי אויף איר טעריטאריע מיט סאודי אראביע און די פאראייניגטע אראבישע עמיראטן.

[ווער]

אייער פרייזן זענען געפאלן 12.7% אין די מאנאט פון אפריל, די גרעסטע טראסקע זינט יאר 1984.