wow!ווייסע טיילס האט געשריבן: ↑מאנטאג מאי 12, 2025 7:10 pmיוסי פלוטשקין ני"ו איז געפארען קיין גוואטאמאלע וועגען אנדערע סיבות, ער איז געווען א קורצע תקופה פארדעם, ווי די השגחה עליונה האט אים געפירט קיין ירדן ביי הר ההר ווי צענדליגע אידען זענען זיך משטתח על קברו פון אהרן הכהן , אבער זיין נסיעה איז געווען באשריבען איבעראל אין אלע מאגאזינען ווי אויך אויף קול מבשר,הרב ותלמידו האט געשריבן: ↑מאנטאג מאי 12, 2025 3:59 pm דאס בילד איז פון די תקופה וואס מען האט גע'אסר'ט צו עסן מילכיגס, אייער, פיש און פלייש, און אויך פארשידענע בונדלעך און וועדשטעבל'ס און דער עולם האט ממש געהונגערט.
דעמאלסט איז העסקן ר' יעקב יוסף פליטשקין אראפגעפארן קיין בבל צו שתדלן ביים בבלי'שן קייזער (נחמן) און זיינע יועצים (הנהלה) אז מען זאל בטל מאכן די גזירה פון אייער און באנדלעך פאר די הונגעריגע אידישע קינדער ביי אים אין געטא (לב טהור)
נאכדעם איז ער געפארען קיין גוואטאמאלע, ווען ער איז דארט געווען האט ער זיך אנגעשטויסען און לב טמא מיט זייערע גרים און ער האט דערשנאפט אז עס איז דא א שפאלט צווישען די העלבראנץ משפחה נתן איז שוין נישט דארט געווען נאך א שוועסטער איז נישט דארט געווען און דאכצעך רבי שלמה'ס רביצין איז שוין אויך נישט דארט געווען,
עס איז געווען א קורצע תקופה נאכדעם וואס ר שלמה איז דערטראנקען געווארען, און די חברה דארט זענען געווען צירידערט, און סאיז געווען גרויסע שפאלטען אינדערהאלב העלבראנץ ווען וויינגארטען ראזנער נעמען נחמןס צד אזוי ווי דארט איז אלעס געגאנגען אויף זייער פערזענליכע לעוועלס נוסח ל"ט ווי יעדער זיצט אין יעדעמס טשאלענט האט נחמן אפגעמאכט וויאזוי זיין שוועסטערס שטוב (ש"ב בלע"ז) דארף ציגיין,
(היינט איז דאך שוין באקאנט דא פון וואסערע דעסיזשענס מען רעדט דא רח"ל )
דארטען פלעגט עס ציגיין כמנהג עדת המזרח אז ווען מען רעגט זיך לויפט מען אוועק ערגעץ ביז מען בלאזט זיך אויס,
סאיז דאך נישט געווען ליידער געהעריגע שוועסטערס מאמע ווי ביינונז אין אמעריקע ווי צי גיין און סעטלען,
ביי דע פאל איז געווען די אנפאנג ווי די גרופע פון נחמן, ר, וו, האבען געהאט א ווארט אויף דעם דארף,
אבער אלטס א רעביש קינד האט זי געהאט די קוראזש און אפגעטראגען צו א האטעל אין גוואטאמאלע סיטי ווי זי איז געווען איינער אליינס עלענד אין א גויאישע פרעמדע שטאט אן קיין מאן אן קיין קינדער,
קיין כנישתא חדא איז נאך נישט געווען און קיין גרים קהילה איז אויך נישט געווען, זיי האבען געטראכט אז זי וועט זיך ברעכען,
אונטער דע אומשטענדען איז יוסי ני"ו געוואר געווארען און צירוק געקומען קיין אמעריקע און אנגעפאנגען צי קוקען ווער עס קען איר העלפען און אנגעפאנגען צו רודערען א וועלט,
ביז ער האט געהערט פון צוויי אירע וואס ספאנסערען העלפען יעדער וואס גייט אוועק פון ל"ט איינע איז געווען עפעס א איזרעלי פון קאנאדא דאכצעך, וואס שלמה האט גענומען איר קרוב און זי איז געווען להשמיד,
און די צווייטע זענען נעבעך די פארווייטיגטע עלטערען פון קאשוי וואס העסקן הדגול רבי אברהם שליט"א אלטס א תלמיד מובהק האט נישט געקענט צוקוקען זייער צער און נישט געקענט אראפשלינגען די עוולות וואס שלמה האט געטון צו זיין הייליגע רביס משפחה נאכדעם וואס זיי האבען אזוי שיין מקרב געווען שלמה, און שלמה האט פשוט אפגעטראגען מיט אן איידעם מיט א היתר מאה רבנים, ווי שוין באשריבען דא
זייט דאן, ווי סאיז שוין היינט טאקע ברייט באקאנט און די נייעס, איז אברמי ראשו ורובו אריינגעטון ווי מען קען העלפען מענטשען אוועק גיין פון די כנופיה דארט,
יוסי ני"ו איז געוואר געווארען פון אברמי און האט זיך פארבינדען מיט אברמי שליט"א און מיט נתן, ער זיך נישט געפוילט און פערזענליך צירוק אראפגעפארען צי איר אין א האטעל אין גוואטאמאלע סיטי צו קאנווינסען אז ער גייט איר העלפען,
יעצט האט ער שוין אויך געהאט הרב נתן מיט זיך וואס זאל איר מחזק זיין און איבערלאזען איר מאן און אנדערע ברודער ביז זיי ברעכען זיך, און אויך וועט מען מען פאר איר ארויסכאפען אירע קינדער פון די הענט פון די פירערשאפט וואס איר מאן איז שוין היינט ציטאגס געווען דיין און ליידער א חלק פון, און זי וועט קענען קומען קיין אמעריקע און אנפאנגען א נייע לעבען,
יוסי איז אראפגעפארען אפאר מאל יעדעס מאל מיט אנדערע אינגעלייט זאלען אים העלפען איבערדרייען דארטען ביז ער וועט קענען לייגען א הענט אויף מיס טעללערס קינדערלעך,
פון אים קומט די באקאנטע קליפ "ארויס פון בבל",
ער האט באוויזען אנצידרייען א גרויסע עסקן וואס איז גוט מיט לאטישע זשעימס זאל אראפקומען אז ער זאל מאכען קאנעקשענס און עפענען די אויגען פאר די גוואטאמאלע אויטעריטעטען די שרעקליכע עוולות וואס דארט גייט פאר אויך האט ער אראפגעברענגט דיסטריקט לידער פון בארא פארק הרב דוד שווארץ שליט"א און אויך סתם געטרייע אינגעלייט וואס האבען יארען געהערט און געליינט איבער וואס גייט פאר און ל"ט און באשלאסען צו גיין מיט אן אש קודש איבערדרייען דאס איזאלירטע בבל ביז די מאמע וועט קענען צירוק האבען אירע טייערע קינדערלעך און איינוועגס גוט אנשייגעצען און פנים אריין די חברה דארטען,( זיי זענען נאך געגאנגען מיט געהעריגע הוטען און רעקלעך דאן קוקט אויס אז די מעשה האט זיי גענצליך צירודערט נאכדעם וואס ביז דאן האט זיך קיינער געטרויט אזוי אריינצורייסען ביי זיי און בבל)
רוב בילדער און קליפס קומען פון אים דעמאלטס און עס האט אנגעפאנגען פריש אויפצישאקלען די וועלט וואס גייט פאר דארט מיט די אזוי גערופענע חבורה ווי מען האט געזען אז זיי שלאפען אין צילעכטערטע גארביטש טענטס מיט ציגעלעך און אוועקאדאו אין מעראסטיגע פארעמעס
נאך אפאר מאל צירוק פארען קיין גוואטאמאלע האבען די מהומות און פולע אקציעס עושה רושם געווען און די כנופיה האט פארלוירען "קאנטראל" ווי די קארופטירטע באאמטע און פאליציי האבען זיך נישט אנגענומען געהעריג פאר זיי, אויב עפעס איז געווען פארקערט,
יוסי מיט נתן האבען געלייגט א האנד אויף אירע קינדער און מען האט שנעל אפגעטראגען פון דארטען קיין אמעריטשקע ווי אברמי האט אויפגענומען די פליכטלינגען אין עליס איילענד דוויליאמסבורג,
בשעת זיי זענען נאך געזיצען און גוואטאמאלע האט נחמן געבעטען פון יוסי אז ער וויל פארהאנדלען מיט אים,
ער האט געהאפט אז ער וועט אים קענען איבעררעדען צירוק צי געבען די קינדער פאר די טאטע (וואס מיינט פאר אים)
יוסי האט מסכים געווען זיך צו טרעפען מיט אים און זיכער געמאכט אז סאיז דא אלע פאני בילדער ווי זיי דרייען זיך צוזאמען, ער האט אים אפילו געלאזט אנדייטען אז ער וויל זיך אליינס אנשליסען און ל"ט (פון דארטען קומען ווארשיינליך אלע שמועות אז פלוטשקין האט מיט לב טהור) וואס נחמן האט אפגעזאגט און געזאגט אז זיין עולם הבא קומט אויב ער וועט צירוק ברענגען די קינדער פון די ערב רב צום טאטען,
שפעטער האט נאך יוסי שליט"א אים גענומען אויף א רייד א שטיק צייט,
פון יענע מעשה איז ארויס געקומען די קידנעפינג ווי די טאטע מיט נחמן זענען געקומען צירוק כאפען די קינדער און סאיז געווען די ערשטע מאל געהעריג פראוו און קרימענאלע קלאגעס קעגען די חברה דארטען - ווי אנדערע האבען שוין געשריבען דא- איז פון דא ארויס געקומען די ישועה ווי מען האט געקענט איינזעצען די פירערשאפט פאר שווערע קידנעפינג קלאגעס,
די אויבענדערמאנטע בילד קומט פון יענע פרייטיג ווי יוסי האט גענומען די פירער פון לב טמא אויף א רייד
זייער קלאר און שיין געשריבן.
קיינמאל נישט געהערט די חלק פון די מעשה.
