אורח הכבוד האט געשריבן: ↑מאנטאג מאי 05, 2025 9:39 am
ברוך המקדש שמו ברבים!
יעצט 12:00 זונטאג אויפדערנאכט האט זיך געענדיגט די פלאמפייערדיגע דרשות אין בית המדרש הגדול דקייט''ל, (מהר''יי) ווי ס'איז געהערט געווארן דרשות נלהבות, במשנתו הטהורה פון מרן רבינו הקוה''ט זי''ע, אפצייכענדיג 77 יאר פון ווען ס'איז ליידער אויפגעשטעלט געווארן די מדינה הציונות מיט א מרידה במלכות שמים, און מיט די העברה אויף די שלש שבועות, און זיי רייסן אויס די אמונה בה' ובתורתו און זיי זענען מכריז אין לנו חלק ונחלה באלוקי ישראל, רח''ל.
געעפענט די אסיפה האט די יו''ר המעמד הרה''ג ר' יואל גוטמאן שליט''א וואס האט ארויסגעברענגעט די תכלית פון די אסיפה, און וואס די טאג פון ה' אייר באדייט, און אויסגערופן הרב הגאון המפואר רבי אהרן שפרינגער שליט''א ראש הכולל שערי טובי', ומרבני ק''ק טשערנוביל, וואס האט עלקטעריזירט דעם ציבור, און אויסגעשריגן בקול חוצב להבות אש וואס די מדינה טוט אפ טעגליך, און וואס די רדיפות הדת וואס גייט פאר אין ארץ הקודש, און האט בקול בוכים געשריגן אקעגן די משתפי הפעולה די פרומע פארטייען וואס זענען אלעס שולדיג!
די היכל הביהמ''ד איז געווארן געעפענט אלע ווענט און ס'איז געווען איבערגעפילט מקצה אל הקצה, און ס'איז געווען א מחזה הוד צוזעהן ווי זקנים עם נערים, זענען דריי שעה צוגענאגעלט און קומען זיך צוזאם לשמוע את דבר ה', מיט איין ציל מיט איין מטרה לחזור ולשנן במשנתו הטהורה, און איינחזרן די הייליגע ווערטער וואס דאס איז נר לרגלינו.
דערנאך האט די יו''ר אויפגערופן הגאון הגדול המפורסם רבי מרדכי בעק שליט''א ראש ישיבת תפארקת משה, וואס האט ארויסגעברענגט בנועם לשונו, די עצם קליפת הציונוי און וואס דאס באדייט די מרידה במלכות שמים, און נאכגעזאגט במשנתו הטהורה פונעם צדיק הדורות די רבי זי''ע וואס די העברה על השבועות באדייט, און דערנאך ארויסגעברענגט וואס מ'זעהט היינט 70 יאר שפעטער וואספארא גזירות זיי ברענגען כסדר, און דבר אחד פונעם רבין זי''ע לא נפל ארצה!
דערנאך האט אויפגעטרען מיט א רינרדע דרשה בקול ה' בכוח, אחד מנקיי הדת שבירושלים, הגאון הצדיק רבי שרגא סעמיועלס שליט''א ראש ישיבת כתרה של תורה מגדולי תלמידי מרן רבינו הקדוש זי''ע, וואס האט איבער א שעה בטוב טעם ודעת אראפגעלייגט די טומאת הציונות און וואס איז געשטעלט געווארן מיט א ציהל אקעגן דעם אייבערשטען, און מסביר געווען וואס די צדיקים האבן געזאגט אויף די קליפה און נאכגעזאגט א שלל פון תורות וואס ער האט זעלבעסט זוכה געווען צו הערן פונעם רבין זי''ע און האט אויפגעשטורעמט די ציבור איבער די גזירות וואס טוט זיך אפ אין ארץ הקודש, און געשריגן אז די ציונים שמדן טעגליך נפשות מישראל, און זיי זענען עומד ומבקש אויף אלע אופנים וואס זיי קענען טוהן אקעגן די תורה און אקעגן ערליכע אידן אין אלע הינזיכטין און געגעבן דערויעף אסאך משלים, און אזוי האט ער מסבסיר געווען באריכות איבער די מצב פון די גזירות הגיוס און געשריגן מנהמת לבו, יודן ראטוועט! און ארויסגעברענגט ווער ס'איז שולדיג דערויף די אלע פרומע פארטייען וואס נעמען א חלק אין די ממשלת השמד וואס חלק כחלק יאכלון און זיי זענען עצם מעצמי ובשר מבשרי פון די עצם רעיון הציוני השם ירחם!
נאך אריבער דריי שעה האט זיך איבערצייגט באשיירפענליך אז טויזענטער תלמידי וחסידי סאטמאר זענען לא רעב ללחם ולא צמא למים כי אם לשמוע דבר ה', טראץ די שווערע רעגענס איז געווען די היכל הבית המדרש איבערגעפילט עד אפס מקום און ס'האט זיך ארויסגעשריגן אז עוד יוסף חי, ווי די ראש ישיבת כתרה של תורה האט געשריגן ''רבינו הקדוש איז דא'' סב'אז א מורא'דיגע עת רצון אז ס'נעמען זיך צוזאם אזויפיל אידן נאר איבערצוחזרן די הייליגע וועגן, און מ'וויל זיין דבוק באילנא דחיי, און איבער חזרן די ריינע אמונה וואס די רבי האט איינגעפלאנצט, און די דורות אשר לא ידע את יוסף, וואס האבן שוין נישט געהאט די זכי' צו הערן מפה קדשו זענען אבער דבוק, ואל מקומו שואף זורח אויף די הייליגע פלאץ ווי די רבי זי''ע האט איינגעפלאנצט אין אמירקא די אמונה און קדושה וטהרה, עוד ישראל רד עם קל!!
ל''ג בעומר תשפ''ה
ל''ג בעומר תשפ''ה
סאטמאר נייעס און בילדער