זעהנדיג אין 'דורותינו' ווי זיי צייכענען פארשידענע חילוקים פונעם ארויסגערינענעם דרעפט צום פאקטישן באשטעטיגן נוסח וואס איז אריין אין קראפט, האב איך אליין נאכגעקוקט די צוויי ווערסיעס, און איך זעה אז זיי זענען טאקע 100% פראצענט גערעכט אז עס זענען דא פארשידענע שינויים.
דאס אליין מאכט שוין אין מיינע אויגן א רויטן לעמפל, אז דער געווינס איז גארנישט אזוי גלאטיג
עפעס זאכן האט די רעגירונג נישט געוואלט בשו"א דורכלאזן, וואס ברענגט אויף פראגע צייכענעס צי דאס איז נישט געווען לטובת די עדיוקעשאן דעפארטמענט, איבערצולאזן פאר זיי פלאץ ווי זיי זאלן קענען ווייטער אריינשטעכן זייערע פינסטערע ציין און נעגל
אין די פארגאנגענהייט ביי די פעלדער אמענדמענט, איז אויך דער ציל געווען צו ראטעווען, און מיט אפאר קליינע טוישונגען אין די ווערטער איז געווארן דערפון א חורבן.
דאכטזיך מיר אז זיי האבן דעמאלס צוגעלייגט עפעס ווערטער פון 'אינקלודינג באט נאט לימיטעד', וואס דאס האט שוין אפגע'שחט'ן די גאנצע אויפטוה, וויבאלד דער קאמישאנער האט דאס אויסגעטייטש אלץ הוספה צו דעם וואס ווערט פארלאנגט צו לערנען אלע לימודים, ווי אויך אז דער קאמישאנער זאל זיין דער מכריע צי דער מוסד איז גוט אדער נישט.
יעצט ווען מען אז אין דעם אמענדמענט האבן זיי אויך עפעס משנה געווען פונעם ארגינעלן פארלאנג, וואס איז געשטאנען די ווערטער "פיינעלי דעטערמינד"
- DETERMINED.jpg (104.22 KiB) געזען געווארן 618 מאל
און זיי האבן דאס געטוישט צו "רעקאגנייזד"
- RECOGNIZED.jpg (89.89 KiB) געזען געווארן 618 מאל
לויט דעם בין איך זייער שטארק חושש זיין אז עפעס איז נישט אזוי גלאטיג מיט דעם וואס זיי האבן נישט געוואלט בשו"א דורכלאזן די ווארט "דעטערמינד"
לויט ווי איך האב געהערט פון מענטשן וואס זענען געווען אינוואלד, איז זייער מעגליך אז אין פאל די רעגירונג ווייסט זיכער אויף א מוסד אז זיי לערנען גארנישט (צי דורך א מסירה וכדו'), וועט נישט העלפן דאס וואס זיי האבן איינגעגעבן אז זיי נעמען טעסטס
