פארשוין ארעסטירט פאר זיך איינברעכן אין "גרעיסי מענשאן" ניו יארק סיטי מעיאר עדעמס'ס וואוינארט אין מאנהעטן.
פּאָליציי זאָגן אַז זיכערהייט איינגעשטעלטע אין די וואוינאָרט האָבן געטראָפן דעם פּאַרשוין זיך באַהאַלטן אין איינס פון די צימערן, און ער האָט געהאַט מיט זיך א חאָגע אויסשטעל וואָס ער האָט פּרובירט צו גנב'נען. די מאָטיוון פונעם פּאַרשוין מיט די איינברעך אין די מעיאָר'ס וואוינאָרט אין מאַנהעטן'ס אַפּער איסט סייד זענען נישט קלאָר, און יענער איז ערוואַרטעט געברענגט צו ווערן אין געריכט פאַר קלאַגעס.
אויב קומט מען אריין קיין מענהעטען דורך איינס פון די 4 טאנעלען וואס קאסטען א טאל, לינקלאן, האלאנד, קערי (בעטערי), אדער קווינס מידטאון טאנעלס וועט מען באקומען א $3 הנחה דאס הייסט אז מען וועט ״נאר״ צאלן $6 דורך אויס די טאג שעות (דאס איז צוגאב צו די טאנעל טאל), און די נאכט שעות איז די פרייז די זעלבע $2.25
ס״ה אויב וויל מען פארן צו upper מאנהעטען אדער צו אפסטעיט, איז די אייציגסטע צוויי וועגן צו פארן בחנם, די ברוקלין בריק און נעמען דעם רעמפ אריין צום FDR אדער דורך קווינס, די קווינסבארא- עד קאטש - בריק דעם אויבערשטע שטאק און נעמען די 62׳סטע סט. עקזיט.
וויכטיג צו באטאנען , די איזי פעס מוז זיין גערעדשיסטערט צו די קארס לייסענס פלעיטס, אויב נישט גייט מען ווערן גערעכנט $13.50
150 דרום קארעא פאליציי אפיצירן האבן פראבירט אויסצופירן אן ארעסט אורטייל אויף זייער פרעזידענט 'יאן סוק יעל', אבער זיי האבן געמוזט אויפגעבן צוליב די מאסן פראטעסטן פארענט פון זיין פאלאץ און די ווידערשטאנד פון זיינע וועכטער.
העדזש פאנדס זאגן אז זיי האבן געהאט א גאר שטארקע יאר אין 2024, בענעפיטירנדיג פון די וואקלדיגע מארקעט אין רעזולטאט פון די ראטע טוישונגען, פרעזידענטליכע וואלן און נאך.
נאך א געריכטליכע געפעכט האט א ריכטער אין ניו דזשערסי פרייטאג געאורטיילט אין שטיצע פון די ׳קאנדזשעסשען פרייסינג׳ פלאן און עס גייט היינט מיטל נאכט אריין אין קראפט, מיט די נייע פלאן וועלן דרייווער וואס פארן אריין אין די פארנומענע טייל פון מאנהעטן באצאלן די $2.25 ביז $9 טאל אויסער עמערזשענסי אגענטורן.
דער פארזיצער פון חברה הצלה ר׳ יחיאל קאליש האט אפגעשיקט א בריוו צו הצלה מעמבערס ווי ער שרייבט אז זיי ארבעטן מיט די געזונטהייט דעפארטמענט און די עם.טי.עי. צו אויסשליסן מעמבערס פון צאלן דעם פרייז אויך ווען זיי באנוצן זיך מיט זייערע פריוואטע קארס צו גיין צו רופן.
די עס זאל אין א רעפארמער אידישע זומער קעמפ אין אונטעריא קאנאדע איז פרייטאג ארויף אין פלאמען אין א מיסטעריעזע פייער, פייערלעשער האבן שנעל פארלאשן די פייער און עס פארמיטן פון זיך פארשפרייטן צו די ארומיגע געביידעס, די פאליציי פארשט אויס די אורזאך פונעם פייער און האט אויסגעשלאסן אז עס איז בייזוויליג אונטערגעצינדן געווארן.
די יו-ען אונרא אגענטור וואס געבט זיך אפ מיט פאלעסטינער, גרייט זיך צו פארמאל ענדיגן אפעראציעס אין עזה און די מערב ברעג נאכפאלגענדיג צוימונגען וואס מדנ"י האט ארויפגעשטעלט אויף די אגענטור צוליב וואס עס האט זיך ארויסגעשטעלט אז זי ארבעט צוזאמען מיט כאמאס, לויט א באריכט פון די ניו יארק טיימס.
צוריק אין אקטאובער, האט די מדנ"י כנסת מיט א גאר שטארקע מערהייט באשטעטיגט עטליכע געזעצן צו צוימן 'אונרא' אפעראציעס. איין געזעץ וואס איז אריבער אין די כנסת 92 אקעגן בלויז 10 פארבאט די אגענטור פון אפערירן אין מדנ"י טעריטאריע, א צווייטע געזעץ פארבאט מדנ"י אויטאריטעטן פון קאאפערירן מיט אונרא אין פאלעסטינע טעריטאריע.
טראץ וואס די מדנ"י צוימונגען פארבאט נישט אונרא פון אפערירן אין עזה, וועט אונרא לויט די באריכט פארמאל ענדיגן אירע אפעראציעס.
פרעזידענט ביידען האט אין די לעצטע צייט אפגעהאלטן א הויכע-שטאפל געהיימנוספולע זיצונג מיט די נאציאנאלע זיכערהייט ראטגעבער דזשעיק סאליווען, אין וואס זיי האבן באטראכט די פלאן פון אן אמעריקאנער אטאקע אויף די איראנער נוקלעארע פראגראם, לויט א באריכט פון עקסיאס.
