סאטמאר (מהר"א): נייעסן און שמועסן בתוככי הקהלה

[מיילעך פריילעך]

בצל הקודש
רבינו שליט"א אין שטוב פון הרבני הנגיד ר' אברהם יודא מאנדל הי"ו נעכטן נאך די זמני כניסה לרגל שמחת נשואי בנו למז"ט דעם זונטאג העעל"ט.
~~

[סאטמארע נייעס]

*מעמד דרשת פתיחת הזמן* פאר די נאנט צו 1500 בחורי חמד כ"י פון די 7 סניפי המתיבתא הק' תורה ויראה, געזאגט געווארן היינט מיטאג צייט, דורך כ"ק רבינו הגה"ק שליט"א ריש מתיבתא רבתי, אין די היכלי בית המדרש הגדול בקרית מלך רב קרית יואל יצ"ו.

סאטמאר'ע נייעס
https://chat.whatsapp.com/IpFlOyC5SJ30eoFk1ggspC

[ירא השם]

רבינו הב"מ איז געווען אין ארגענטינע

להבחל"ח רבינו שליטא איז דאכט זיך געווען אין אוסטראליע איין מאל

[דער אויבערהאר]

רבינו הב"מ איז געווען אין ארגענטינע

להבחל"ח רבינו שליטא איז דאכט זיך געווען אין אוסטראליע איין מאל

כ''ק מרן רבינו שליט''א איז געווען אין מעלבארן אויסטראליע שנת תשנ''ב, דער רבי איז געקומען נאך געלט פאר די מוסדות אין קרית יואל וואס איז געווען היבש בשפל המצב, ער האט געמאכט דאכט זיך איבער 100 אלפים וואס האט געהייסן גאר שיין, די אכסניא איז געווען ביי הרה''ח ר' מרדכי יעקב ווייס שליט''א שו''ב אין מעלבארן כהיום וואוינט ער אין קרית יואל.

[אזוי וויל איך]

לפי ענ"ד נישט.

לויט מיין אינפא יא געווען, א זומער אין די נו”ן יארן, געווען אויך אין בראזיל.

געהערט פונעם משב"ק ר' יושע אז די רבי איז נאך דארט נישט געווען קיינמאל

די רבי איז יא געווען תשנ״ג
קרעדיט אייוועלט

[מיילעך פריילעך]

בצל הקודש
=מיטוואך לך=

► Show Spoiler

דער רבי האט געדאווענט שחרית אין ישיבה גדולה סניף ויואל משה.
פארן דאווענען האט דער רבי געלייגט תפילין פאר די בר מצוה בחורים,
בהרה"ג ר' סיני טייטלבוים שליט"א, בן הגה"צ רב דבית מדרשינו 15'טע עוו. ב"פ שליט"א.
ב"ר ישעי' באש הי"ו.
נאכן דאווענען האט דער רבי פארגעלערנט א תהילים שיעור אויף קאפיטל כ"ד פסוק א'.
דערנאך זענען אלע תלמידי הישיבה אריבער שלום נעמען לרגל די נייע זמן, און עס איז פארגעקומען א לחיים מיט די בר מצוה בחורים בחדרו הפרטי, און דערביי האט דער רבי געגעבן פארן בר מצוה בחור בהרה"ג ר' סיני ט"ב שליט"א א סעט פון ספרו לב אהרן - סוגיות לכבוד די בר מצוה.

ארום 1:30 איז דער רבי אנגעקומען אין ביהמ"ד הגדול ווי דער רבי האט משמיע געווען די דרשת פתיחת הזמן פאר די אריבער 1,400 תלמידי המתיבתא בליעה"ר,
דער רבי האט אנגעהויבן מיט לענגערע דברי דרוש ואגדה אויף די וואכעדיגע סדרה,
דערנאך האט דער רבי ארויסגעברענגט אז מען דארף שטייגן אין ישיבה בתורה עבודה וגמ"ח, תורה: מען זאל לערנען און חזר'ן אז מען זאל קענען קונה זיין מסכת שבת גפ"ת וואס מען לערנט די יאר אין ישיבה, און אזוי אויך מיטהאלטן אלע שיעורי הישיבה הן אין גמרא און הן אין שו"ע און אזוי אויך איינהאלטן אלע זמני וסדרי הישיבה, סיי מיטן אויפשטיין פארטאגס און סיי די איבריגע סדרי הישיבה,
עבודה: די תפילות דארפן זיין ווי עס פאסט פאר א ישיבה בחור, דאווענען אויפן קול ובמקום קבוע,
גמ"ח: ארויסהעלפן איינער דעם צווייטן סיי דורך גיין נאך געלט און סיי מיט א גוט ווארט אדער לערנען מיט א בחור וכו',
און ארומגערעדט איבער די זכי' צו קענען לערנען דא אין אזא הייליגע ישיבה אוועק פון די גוי'אישע גאסן און מען זאל טאקע זען צו ממעט זיין אוועקצוגיין פון ישיבה,
און דער רבי האט ממשיך געווען און ארומגערעדט איבער די שיינקייט פון די שבתים אין ישיבה, און איבער די דערהויבענקייט פון סעודת רעוא דרעוין, און אויסניצן די מוצאי שבתים מיט לימוד התורה און סעודת מלוה מלכה, זיך אפהיטן פון די כלים, און שטארק אויפגעפאדערט נישט צו האבן קיין טעלעפאון אין ישיבה - אפילו א כשר'ע, און מחזק געווען די תקנה פון רביה"ק נישט צו גיין צו חתונות,
און דער רבי האט צוגעענדיגט מיט דברי חיזוק פאר די בחורים און ארויסגעברענגט אז מען דארף זען אויסצוניצן די ימי הבחרות, און צוגעענדיגט מיט שטארקע דברי ברכה לקראת די ווינטער זמן הבעל"ט,
דער רבי האט פארענדיגט די דרשה ארום 2:20 און אהיימשפאצירט לביתו נאוה קודש.

נאכמיטאג איז דער רבי ארויף אין ישיבה סניף קדושת יואל ווי דער רבי האט געלערנט מיט א חברותא בחדרו הפרטי.
ארום 5:20 האט דער רבי געדאווענט מנחה אין ישיבה.

פארנאכטס האט דער רבי מסדר קידושין געווען ביי די חופה פון די מחותנים הר"ר יצחק יאזשעף שליט"א און הר"ר יוסף שמואל פילאפף שליט"א אין די זאלן פון כינור דוד.
און ביי די חופה פון די מחותנים הרה"ח ר' יואל ברא"י ווידער הי"ו און הרה"ח ר' שמעון ישראל חיים ווערצבערגער הי"ו אין די זאלן פון בית רחל פאראדייס.

זמני כניסה איז געווען פון 8:00 אזייגער ביז 12:15 אויפדערנאכט בביתו נאוה קודש אויף איהעל קט.

דער רבי האט געדאווענט מעריב ארום 11:25 און נאך מעריב ממשיך געווען אויפצונעמען דעם ציבור.

א גוטע נאכט.
~~

[דער פאטעטע מייסטער]

IMG_20241107_120620_046.jpg (276.62 KiB) געזען געווארן 1069 מאל

[שבת קודש]

פארוואס האט מען אנגעהויבען צו נעמען פלייש פון אוריגעוויי? איז דא דארט מער הידורים פון די אנדערע מקומות פון ווי מ'האט גענומען ביז יעצט?

די רבי פארט יערליך באזוכן מיינט דאס אז ער גייט יערליך פארן ביז אורעגוויי?

[מיילעך פריילעך]

בצל הקודש

‏"קול רנה וישועה באהלי צדיקים"
ברכת מזל טוב להוד כבוד קדושת מרן רבינו הגה"ק שליט"א לרגל הולדת נכדו למז"ט, בן הנולד אצל הרב מרדכי יודא האלבערשטאם שליט"א בן הרה"ג רבי אברהם מאיר שליט"א - דומ"ץ בית מדרשינו 18'טע עוו. וחתן הגה"צ אב"ד סיגוט שליט"א. ‏
"שישו ושמחו בשמחת רבינו"
~~

[מיילעך פריילעך]

בצל הקודש
הגאון הגדול רבי מיכל זילבער שליט"א - ר"י זוועהיל ארה"ק אויף א באזוך ביי רבינו שליט"א היינט אין די נאכמיטאג שעות בביתו נאוה קודש.
~~

[מיילעך פריילעך]

IMG_20241107_171702_804.jpg (124.88 KiB) געזען געווארן 857 מאל

[מיילעך פריילעך]

בצילא דמהימנותא
דאנערשטאג פרשת לך:

=יהדות בוינעס איירעס ארגענטינע לבשו בגדי תפארתיך - הנה מלכך באו לך=

מטעם קהל חרדים בונעס איירעס ארגענטינא איז געמאלדן געווארן די בשורה מרנינה אז נאך לענגערע הפצרות ובקשות פון די ראשי קהילה און פון די מרא דאתרא הגה"צ ר' פייבל סופר שליט"א - גאב"ד בוינעס איירעס צו האבן די זכי' אז די רבן של כל בני הגולה מרן רבינו שליט"א זאל אפשטאטן א ביקור חיזוק בקרב די חרדי'שע קהילה אין ארגענטינע, מחזק צו זיין די ארטיגע קהילה און מוסדות, איז נארוואס באשטעטיגט געווארן אז הוד כ"ק מרן רבינו הגה"ק שליט"א איז נעתר געווארן לבקשתם און וועט אי''ה אפשטאטן א קורצע ביקור חיזוק בקרב הקהילה והמוסדות, דעם קומענדיגן דינסטאג וירא הבעל"ט.

לויט'ן פלאן וועט דער רבי זיך ארויסלאזן פון קרית יואל דעם קומענדיגן מאנטאג פארנאכט'ס אויפן וועג קיין באונעס איירעס א לענגערע וועג פון ארום צעהן שעה,
דינסטאג אינדערפרי װעט דער רבי דאווענען תפילת שחרית אינאיינעם מיט די הונדערטער בני הקהילה אינעם ארטיגן ביהמ"ד,
נאכ'ן דאווענען וועט פארקומען א מסיבת לחיים ומעמד קבלת פנים וואו דער רבי וועט משמיע זיין דברות קודש ודברי הדרכה פאר די חברי הקהילה,
אזוי אויך וועט פארקומען עטליכע מסיבות לטובת די ארטיגע קהילה והמוסדות.

דערנאך וועט דער רבי צופארן צום שטאט מאנטעווידעא אינעם דערנעבענדיגע לאנד אורגווי, וואו עס געפינט זיך דעם ריזן פלענט וואו קהילתינו הקדושה וועט אנהייבן שחט'ן די גסות,
דער רבי וועט זיך אויפהאלטן דארט א טאג צייט, און דורכגיין יעדן פרט אינעם פלענט זיכער צו מאכן און זעהן פון די נאנט די פילע חמרות והידורים וואס דער רבי האט אראפגעשטעלט.

מיטוואך אויפדערנאכט וועט זיך דער רבי ארויסלאזן אויפן וועג צוריק אהיים קיין קרית יואל, דער רבי איז ערווארטעט אנצוקומען אהיים דאנערשטאג פארמיטאג.

די נסיעה ברענגט ארויף נאסטאלגישע זכרונות ביי תושבי בוינעס איירעס ארגענטינע וואס געדענקען נאך ווען רבינו שליט"א האט אפגעשטאט א ביקר קודש לחיזק עדת ה' בשנת תשנ"ד, נאך דאן אלס קרית יואל'ער רב, בשליחות הקודש פון מר אביו הגדול עטרת תפארת ישראל רבן של כל בני הגולה מרן רביה"ק בעל ברך משה זצוק"ל, ווי די נסיעה האט איבערגעלאזט הויפענעס חיזוק און אלע אפטיילונגען פון די קהילה מוסדות ישיבת כוללים די כשרות וכל דבר שבקדושה, און ערווארטעט יעצט אויך צו איבערלאזן פילע הויפענעס פון חיזוק והדרכה וואס וועט באגלייטן די תושבי העיר פאר לענגערע יארן.

"צהלו ורוני יושבת ארגענטינא כי גדול בקרבך קדוש ישראל"
~~

[דעת קדשי]

של''ס בצל הקודש

[מיילעך פריילעך]

.

עכט?..
קוקט אויס ווי א ליצנות.
נישט די פאנט מאכט סענס, די ספעלינג איז גאר שוואך..

► Show Spoiler

נעקסטיים לייג כאטש סאטמארע נייעס לאגא...

[מיילעך פריילעך]

בצילא דמהימנותא
יעצט בעת די זמני כניסה איז אנגעקומען אויף א באזוך ביי רבינו שליט"א ש"ב הרה"צ ר' יעקב יוסף טווערסקי האגער שליט"א בן כ"ק אדמו"ר מוויזניץ מאנסי שליט"א איינצולאדענען צום שמחת החתונה פון בנו החתן ני"ו וואס קומט פאר קומענדיגע וואך אין שיכון סקווירא.
~~

[שאינו יודע לשאול]

.

עכט?..
קוקט אויס ווי א ליצנות.
נישט די פאנט מאכט סענס, די ספעלינג איז גאר שוואך..

► Show Spoiler

נעקסטיים לייג כאטש סאטמארע נייעס לאגא...

ס'איז בפשטות א בחוריש ארבעט.

[מיילעך פריילעך]

.

עכט?..
קוקט אויס ווי א ליצנות.
נישט די פאנט מאכט סענס, די ספעלינג איז גאר שוואך..

► Show Spoiler

נעקסטיים לייג כאטש סאטמארע נייעס לאגא...

ס'איז בפשטות א בחוריש ארבעט.

איך אלס בחור פלעג מאכן א בעסערע ארבעט...
זייער לאו קוואלעטי דעיס...

[מיילעך פריילעך]

בצל הקודש
הרה"ג רבי יעקב יוסף האגער שליט"א בן כ"ק אדמו"ר מוויזניץ מאנסי שליט"א וחתן כ"ק אדמו"ר מסקווירא שליט"א ביים איינלאדענען און אפנעמען ברכת הקודש פון רבינו שליט"א לרגל שמחת נשואי בנו למז"ט וועלכע קומט פאר דעם קומענדיגן מאנטאג וירא הבעל"ט.
~~

[נויז מאשין]

.

פאלשע צעטיל פארשטייט זיך

[כלל ישראל]

בצילא דמהימנותא
יעצט בעת די זמני כניסה איז אנגעקומען אויף א באזוך ביי רבינו שליט"א ש"ב הרה"צ ר' יעקב יוסף טווערסקי האגער שליט"א בן כ"ק אדמו"ר מוויזניץ מאנסי שליט"א איינצולאדענען צום שמחת החתונה פון בנו החתן ני"ו וואס קומט פאר קומענדיגע וואך אין מאנסי אינעם גיגאנטישער RCC זאל
~~

[חסיד הארץ]

בצילא דמהימנותא
יעצט בעת די זמני כניסה איז אנגעקומען אויף א באזוך ביי רבינו שליט"א ש"ב הרה"צ ר' יעקב יוסף טווערסקי האגער שליט"א בן כ"ק אדמו"ר מוויזניץ מאנסי שליט"א איינצולאדענען צום שמחת החתונה פון בנו החתן ני"ו וואס קומט פאר קומענדיגע וואך אין מאנסי אינעם גיגאנטישער RCC זאל
~~

ווי קען מען זיך אויפסיינען אויף דעם בצילא דמהימנותא?

[קוקן פאזיטיוו]

דעי בצילא דמהימנותא איז נאר א פנימי זאך אין די בצל הקודש מערכת

[מיילעך פריילעך]

בצילא דמהימנותא
פרייטאג לך:

ארום 9:50 איז דער רבי אנגעקומען אין ביהמ"ד אמרי נועם וואו דער רבי האט געדאווענט תפילת שחרית אינאיינעם מיט די תלמידי ישיבה קטנה מעיין התורה דמוסדותינו הק' ב"פ.

ביים אנקומען האט זיך דער רבי אומגעקוקט אויף די לימודים אין ביהמ"ד וואו די בחורים זענען געזיצן און עוסק געווען בתורה שעפנדיג גרויס קורת רוח,
נאך תפילת שחרית איז פארגעקומען א לחיים בהיכל הביהמ"ד.

דערנאך האבן זיך די בחורים געשטעלט צום פארהער ביי רבינו שליט"א אויף מסכת בבא קמא וואס איז געלערנט געווארן די פארגאנגענעם יאר,
דער רבי האט פארהערט די בחורים פאר א לענגערע צייט, און דערנאך זענען די בחורים אריבער מקבל זיין ברכת קדשו, דערביי האט דער רבי פארטיילט פאר די בחורים דעם ספר דרשות חתם סופר,
דער רבי האט פארלאזט דעם ביהמד אום 11:45.
~~

[מיילעך פריילעך]

IMG_20241108_121510_037.jpg (276.22 KiB) געזען געווארן 406 מאל

[מיילעך פריילעך]

בצל הקודש
=דאנערשטאג לך=

► Show Spoiler

פארן דאווענען איז פארגעקומען די ברית לבן הנולד אצל ר' יצחק חיים שאלילאף הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף ברך משה.
פארן דאווענען האט דער רבי געלייגט תפילין פאר די בר מצוה בחורים,
בהרה"ג ר' הערשל אשכנזי שליט"א - מנה"ר ישיבה קטנה סניף באר התורה וומ"ס.
ב"ר יואל לעפקאוויטש הי"ו.
ביים ליינען איז דער רבי געגאנגען הגבה.
נאכן דאווענען האט דער רבי פארגעלערנט א סוגיא שיעור בשיעורי הישיבה אין מסכת שבת.
דערנאך זענען אלע תלמידי הישיבה אריבער שלום נעמען לרגל די נייע זמן, און עס איז פארגעקומען א לחיים מיט די בר מצוה בחורים בחדרו הפרטי.

אין די פארמיטאג שעות איז דער רבי געווען אויף די וועכענטליכע באזוך אינעם בית השחיטה המהודרת.
דערנאך איז דער רבי אריבער אויף א באזוך אינעם מצה בעקערי דקהלתינו הק'.

אין די נאכמיטאג שעות ארום 3:15 איז געקומען אויף א באזוך בביתו נאוה קודש הגאון הגדול רבי מיכל זילבער שליט"א - ר"י זוועהיל בארה"ק,
עס האט זיך פארצויגן א לענגערע שמועס, צום ערשט בדברי תורה און דערנאך איבער די חרדישע ישוב אין טבריה, און איבער די גזירה פון גיוס בני ישיבות בארה"ק,
דער רבי האט מכבד געווען מיט לחיים און ווארעם אנגעוואונטשן ברכת קדשו, דערביי האט דער רבי געגעבן ספרו החדש לב אהרן - סוגיות און עס האט זיך פארצויגן א לומדישע שמועס בדברי פלפול, און דער רבי האט ארויסבאגלייט ביזן גאס.

ארום 5:20 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים הרה"ח ר' יואל הערש פויגעל הי"ו און הרה"ח ר' ישכר דוב מאירוביץ הי"ו אין די זאלן פון בית רחל פאראדייס.

זמני כניסה איז געווען פון 8:20 ביז 11:25 אויפדערנאכט בביתו נאוה קודש אויף איהעל קט.

ארום 10:00 אזייגער האט דער רבי געליינט די תנאים פון די מחותנים הרה"ח ר' יואל ברש"ד מארקאוויטש הי"ו און הרה"ג ר' יצחק שלום פריעדמאן שליט"א - מו"ץ, אין די תנאים זאלן בביתו נאוה קודש.

בעת די זמני כניסה איז אריין בקודש פנימה הרה"ג רבי יעקב יוסף האגער שליט"א בן כ"ק אדמו"ר מוויזניץ מאנסי שליט"א וחתן כ"ק אדמו"ר מסקווירא שליט"א אינאיינעם מיט בנו החתן ני"ו איינצולאדענען און אפנעמען ברכת הקודש לרגל די שמחת החתונה וועלכע קומט פאר דעם קומענדיגן מאנטאג וירא אין מאנסי,
עס האט זיך פארמירט א שיינע שמועס איבער מנהגי נשואין בבית וויזניץ און דער רבי האט ווארעם אנגעוואונטשן ברכת קדשו פארן רב שליט"א און פאר בנו החתן ני"ו.

דער רבי האט געדאווענט מעריב ארום 11:25.

א גוטע נאכט.
~~