באריכטן און בילדער פון אלע חצרות הקודש

[מיילעך פריילעך]

אידישע נייעס | השתדלו והרבו תחינה: האדמו"ר מסקאליע וועט היינט אריבערגיין א פינף שעה'דיגע אפעראציע: 

לקיים בנו חכמי ישראל: כ"ק אדמו"ר מסקאליע שליט"א וועט היינט אריבערגיין א פאראויס-באשטימטע אפעראציע אויף די מאגן און דער ציבור ווערט געבעטן מתפלל צו זיין לרפואתו מרן רפאל בן רייזל.

מיט פינף יאר צוריק איז דער רבי אריבער א לענגערע שווערע דורכגאנג אין געזונט, פון וואס דער רבי האט זיך בחסדי השם ערהוילט. און אצינד וועט דער רבי אויפן ראט פון די דאקטוירים אריבערגיין א 'ריקאנסטראקשע"ן' אפעראציע, אלס א המשך צו די פריערדיגע אפעראציעס וואס דער רבי איז אריבער.

נעכטן צופרי נאך שחרית בבית מדרשו אין בארא פארק, האט זיך דער רבי ארויסגעלאזט צו די 'ען. וויי. יו.' שפיטאל אין מאנהעטן, ווי דער רבי וועט היינט נאכמיטאג אריבערגיין די פינף שעה'דיגע אפעראציע. בשעת די אפעראציע וועט פארקומען א מנין תהילים אין סקאליע ביהמ"ד אין בארא פארק.

דורכאויס די קומענדיגע וואך וועט זיך דער רבי אויפהאלטן אין שפיטאל אויף אבזערוואציע און די נאכפאלגענדע וואך, וועט זיך דער רבי אויפהאלטן מחוץ לעיר אויף מנוחת הנפש.

[סאטמארע נייעס]

סאטמאר מהר''א

כ''ק רבינו הגה''ק שליט''א אויף א באזוך היינט אין מאנסי ביי כ''ק אדמו''ר מוויזניץ מאנסי שליט''א.

סאטמאר'ע נייעס
https://chat.whatsapp.com/Gihwz7EwErFEogiufB24Am

[מיילעך פריילעך]

אידישע נייעס | הוא הודה הוא זיוה הוא הדרה:

כ"ק אדמו"ר מוויזניץ שליט"א איז צוגאסט אויף דעם שב"ק בעיר האבות וויזניץ אין אוקריינע, אין ראם פון די מסע הקודש "אכסוף" אינאיינעם מיט הונדערטער תומכי המוסדות, די תפילות און טישן קומען פאר אין א ריזן אויפגעשטעלטע היכל נעבן ביתו נאוה קודש פון הרה"ק בעל צמח צדיק מוויזניץ זי"ע.

דעם שב"ק קומט פאר די גרויסע שבת חנוכת הבית אין קרית הישיבות אין נייעק, מיט די באטייליגונג פון טויזענטער וויזניצע חסידים אין שפיץ פון כ"ק אדמו"ר מוויזניץ שליט"א פון מאנסי. די תפילות קומען פאר אין די גרויסע היכל הישיבה בבנין בית נחום פון די ישיבה גדולה, און די טישן קומט פאר אינעם ריזן שאטער וואס איז געווארן אויפגעשטעלט ספעציעל לכבוד די גרויסע שבת.

שמחות בחצרות הקודש:
שמחת בית וויזניץ - ראחמיסטריווקא - קאסאני: דעם שב"ק קומט פאר די שמחת האויפרוף פון חתן כלה אייניקלעך ביי כ"ק אדמו"ר מוויזניץ שליט"א פון קייאמישע, די חתן א זון פון זיין איידעם הגה"צ ר' מרדכי פנחס טווערסקי שליט"א ראש ישיבת עסק התורה ראחמיסטריווקא, בנו הגדול פון כ"ק אדמו"ר מראחמיסטריווקא שליט"א, מיט די כלה א טאכטער פון זיין זון הגה"צ ר' יעקב יוסף האגער שליט"א, איידעם ביי כ"ק אדמו"ר מקאסאני שליט"א. - די שמחת האויפרוף קומט פאר אין ביהמ"ד הגדול ראחמיסטריווקא אין בארא פארק, דער זיידע כ"ק אדמו"ר מוויזניץ שליט"א פון קייאמישע איז צוגאסט אויף שבת אין בארא פארק לכבוד די שמחה, די אכסניא איז אין שטוב פון הנגיד החסיד ר' יעקב פעלדמאן שליט"א, די תפילות פרייטאג צונאכטס אין וויזניצע ביהמ"ד אין בארא פארק, די טיש פרייטאג צונאכטס אינאיינעם מיטן שוואגער כ"ק אדמו"ר מראחמיסטריווקא שליט"א, שלש סעודות אינאיינעם מיטן ברודער כ"ק אדמו"ר מוויזניץ שליט"א פון ירושלים.

שמחת בית מאחנובקא בעלזא: דעם שב"ק קומט פאר די שמחת האויפרוף פון א אייניקל ביי כ"ק אדמו"ר ממאחנובקא בעלזא שליט"א, די חתן א זון פון זיין זון הגה"צ ר' שלום רוקח שליט"א, איידעם ביי הגה"צ ר' יהושע מנחם שטערן שליט"א אבד"ק ראחמיסטריווקא בני ברק, מיט די כלה א טאכטער פון הרב שמואל דוד טויב שליט"א, זון פון הגה"צ ר' יעקב שלום טויב שליט"א אב"ד עתלית, און איידעם ביי הגה"צ ר' שמואל שמעלקא ראבינאוויטש שליט"א אב"ד ביאלא בני ברק. - די שמחת האויפרוף קומט פאר אין ביהמ"ד הגדול מאחנובקא בעלזא אין בני ברק.

דעם שב"ק קומט פאר די שמחת האויפרוף פון א אייניקל ביי כ"ק גאב"ד מאקאווא שליט"א, די חתן א זון פון זיין איידעם הגה"צ ר' אהרן מענדלזון שליט"א, זון פון הגה"צ גאב"ד קוממיות זצ"ל, מיט די כלה א טאכטער פון הרב הגאון ר' יוסף טויב שליט"א דיין אין שטאט אשדוד. - די שמחת האויפרוף קומט פאר אין היכל ישיבת מאקאווא אין קרית אתא.

דעם שב"ק קומט פאר די שמחת הקידושא רבא פון א אור אייניקל ביי כ"ק אדמו"ר מסלונים שליט"א, אייניקל פון זיין זון הגה"צ ר' ברוך ברזובסקי שליט"א, א טאכטער פון זיין איידעם הרב אשר געבירער שליט"א. - די שמחה קומט פאר אין ביהמ"ד הגדול סלונים אין ירושלים.

כשהמלך בשדה:
כ"ק אדמו"ר מסאטמאר שליט"א וויילט דעם שב"ק אין קרית יטב לב אין בלומינגבורג אויף אפרוה.

כ"ק אדמו"ר מבאבוב שליט"א וויילט דעם שב"ק אין מאנסי אויף אפרוה, אין שטוב פון הנגיד החסיד ר' מענדיל בראכפעלד הי"ו.

כ"ק אדמו"ר מוויזניץ שליט"א וויילט דעם שב"ק אין שטאט ערד אויף אפרוה.

כ"ק אדמו"ר מוויזניץ שליט"א פון בית שמש וויילט דעם שב"ק אין מושב מתתיהו אויף אפרוה.

הילולא קדישא:
דעם מוצאי שב"ק ב' חשון געפאלט די יומא דהילולא קדישא פון הרה"ק בעל מקור ברוך מסערט וויזניץ זי"ע, נכדו כ"ק אדמו"ר מסערט וויזניץ שליט"א וועט אפרעכטן די יארצייט טיש מוצאי שבת קודש אין ביהמ"ד הגדול אין רמת וויזניץ חיפה. (JDN)

[מיילעך פריילעך]

אידישע נייעס | האדמו"ר מוויזניץ ביי תפילת שחרית אין די שטאט וויזניץ אין אוקריינע.

[מיילעך פריילעך]

אידישע נייעס | אב"ד טענקא פלעטבוש באזוכט ביי האדמו"ר מסקאליע.

[מיילעך פריילעך]

אידישע נייעס | האדמו"ר מקאליב ביים שמחת בית השואבה.

[מיילעך פריילעך]

אידישע נייעס | הושענא רבה בחצה"ק סערדאהעלי.

[מיילעך פריילעך]

אידישע נייעס | האדמו"ר מסערדאהעלי ביים טיש חוה"מ סוכות.
בילדער: אברהם משה ש.

[מיילעך פריילעך]

אידישע נייעס | מעמדי קודש:

היינט קומט פאר די גרויסע מעמד חנוכת הבית פאר די נייע קרית הישיבות אין נייעק, אינאיינעם מיט די מעמד הכנסת ספר תורה וואס ווערט אריינגעגעבן ברוב פאר והדר צום היכל ישיבה גדולה אמרי חיים וויזניץ, נדבת הנגיד החסיד ר' יעקב אשר פעלדמאן הי"ו פון טאראנטא, בונה ומקים קרית הישיבות, די מעמד קומט פאר אין שפיץ פון כ"ק אדמו"ר מוויזניץ שליט"א פון מאנסי.

היינט קומט פאר די גרויסע מעמד הכנסת ספר תורה בחצר הקודש בוהוש, געשריבן דורך כלל חסידי בוהוש לזכותו פון כ"ק אדמו"ר מבוהוש שליט"א, די תהלוכה גייט ארויס מביתו נאוה קודש פון כ"ק אדמו"ר מבוהוש שליט"א און די ריקודין וועט פארקומען אין ביהמ"ד בוהוש אויף רחוב חגי. די סעודה לגומרה של תורה וועט פארקומען אינאיינעם מיט די יארצייט טיש לרגל די יומא דהילולא קדישא פונעם הייליגן רוזינער זי"ע, אין ביהמ"ד הגדול מודזיץ אין בני ברק.

הילולא קדישא:
היינט נאכט ג' חשון געפאלט די יומא דהילולא קדישא פונעם הייליגן רוזינער זי"ע, די אייניקלעך כ"ק האדמורי"ם מבאיאן, קאפיטשניץ, וואסלוי און סאדיגורא שליט"א, וועלן אפרעכטן די יארצייט טישן ברוב עם, כ"ק אדמו"ר מסאדיגורא י"ם שליט"א וועלכער געפונט זיך אין שטאט סאדיגורא אין אוקריינע וועט פוקד זיין דעם ציון הק' בעצם יומא דהילולא קדישא. כ"ק אדמו"ר מסאדיגורא לאנדאן שליט"א קומט היינט אן קיין אוקריינע צו פוקד זיין דעם ציון הק' ביומא דהילולא.

הוא הודה הוא זיוה הוא הדרה:
כ"ק אדמו"ר מנדבורנא ירושלים שליט"א פארט היינט ארויס אויף א נסיעה קיין ניו יארק, וואו דער רבי וועט וויילן די קומענדיגע צוויי וואכן בבית האכסניא ביי כ"ק אדמו"ר מדאמבראווא שליט"א אין מאנסי.

כ"ק אדמו"ר מקוידינוב שליט"א קומט היינט אן אויף א באזוך קיין באלטימאר מערילענד, לטובת מוסדותיו הקדושים. (JDN)

[מיילעך פריילעך]

IMG_20241103_125243_550.jpg (199.76 KiB) געזען געווארן 1308 מאל

אידישע נייעס | כי אורך ימים ושנות חיים יוסיפו לו:
היינט ב' חשון ווערט אפגעצייכענט ביי חסידי צאנז די צוויי און זיבעציגסטע יום הבהיר פון רבם ומאורם כ"ק אדמו"ר מצאנז שליט"א.
יאריך ימים על ממלכתו.

[מיילעך פריילעך]

אידישע נייעס | דעם פארגאנגע שבת קודש ראש חודש חשון בעפאר קריאת התורה, האט כ"ק אדמו"ר מסקולען שליט"א משמיע געווען פייערדיגע ווערטער בהיכל ביהמ"ד סקולען אין בארא פארק, ארומרעדנדיג בגודל מעלת השלום וגנות המחלוקת:

דער רבי האט אנגעהויבן מיט הארציגע ווערטער "עת צרה היא ליעקב", זאגענדיג אז מען האט ליידער דיאגנאזירט א אייניקל פונעם רבי'ן זצ"ל מיט די ביטערע מחלה ה"י, הילד "ישראל בן זיסל" וועלכער איז אנגעוויזן אויף גרויס רחמים. דעריבער דארף מען זעהן צו דאווענען און זיך אונטערנעמען קבלת טובות לרפואתו.

דער רבי האט ארומגערעדט איבער די געוואלדיגע כח השלום וואס מען האט געזעהן ביי זיין גרויסן זיידן הרה"ק בעל מאור ישראל זצ"ל, און שפעטער ביי זיין פאטער דער סקולענער רבי זצ"ל פון וועם מען שטייט נאך אצינד בשנת האבילות. דער רבי האט ארויסגעברענגט אז עס איז שוין אריבער עטליכע וואכן וואס מען פראוועט ברידער אינאיינעם דא אין ביהמ"ד, אלעס ווערט געפראוועט אינאיינעם מיט ברודער כ"ק אדמו"ר מסקולען שליט"א פון לינדען וועלכער וואוינט דערווייל אין בארא פארק, און ב"ה אז עס הערשט שלום ושלוה אהבה ואחוה, מיט א מורא'דיגע הצלחה און סייעתא דשמיא.

דער רבי האט ערווענט אז עס איז פארהאן אזעלכע וואס קוקן נישט דערויף פאזיטיוו, יעדער האט זיך אייגענע נגיעות און האט מיינונגען, אבער דאס איז אין פאקט א גרויסע מעלה וואס האט א שטארקע אפקלאנג, און מען דארף טון דערין עס זאל האבן א פיינע המשכה מיט א ריכטיגע צופרידנהייט פון יעדן איינעם.

אזוי אויך האט דער רבי ארויסגעברענגט די געוואלדיגע אינטערעסע וואס זיין פאטער דער רבי זצ"ל האט געהאט זעענדיג די הצלחה פון זיינע ברידערס כ"ק האדמורי"ם שליט"א לבית סקולען, ער פלעגט זיך שטענדיג נאכפרעגן אויף זייער וואוילזיין און די בליה און וואוקס פון אלע קהילות, און מען דארף ווייטער זעהן דאס צו שטיצן און ארויסהעלפן, און דער וואס שטערט דערצו שאפט א גרויסע צער פארן טאטן און זיידן בעולם העליון.

[הקוראים]

► Show Spoiler

פחד פחדים! נאך א' סליחות געקומען צו פארן קיין וואודריזש כמידי שנה בשנה מיטהאלטן די סליחות בצל הקודש
קוים א חודש און מען איז אים מספיד

מי יתן א טייערע איד געוווען מלא מעלות ומידות נשגבות

וואודריזש
כ"ק מרן רבינו שליט"א ביים מנחם אבל זיין די קינדער פון הרה"ח ר' פישל סופר ז"ל

[מיילעך פריילעך]

אידישע נייעס | שמחות בחצרות הקודש:

שמחת בית מאחנובקא בעלזא: היינט קומט פאר די שמחת החתונה פון א אייניקל ביי כ"ק אדמו"ר ממאחנובקא בעלזא שליט"א, די חתן א זון פון זיין זון הגה"צ ר' שלום רוקח שליט"א, איידעם ביי הגה"צ ר' יהושע מנחם שטערן שליט"א אבד"ק ראחמיסטריווקא בני ברק, מיט די כלה א טאכטער פון הרב שמואל דוד טויב שליט"א, זון פון הגה"צ ר' יעקב שלום טויב שליט"א אב"ד עתלית, און איידעם ביי הגה"צ ר' שמואל שמעלקא ראבינאוויטש שליט"א אב"ד ביאלא בני ברק. - די שמחת החתונה קומט פאר אין ביהמ"ד הגדול מאחנובקא בעלזא אין בני ברק.

שמחת בית ספינקא: היינט קומט פאר די שמחת החתונה פונעם חתן א זון פון הגה"צ ר' אהרן ברוך לאבל שליט"א אב"ד נאסויד וומס"ב, איידעם ביי הגה"צ ר' עזרי' זושא פאללמאן זצ"ל מנהל מתיבתא עץ חיים ד'באבוב, מיט די כלה א טאכטער פון הגה"צ ר' ברוך הורוויץ שליט"א, זון פון כ"ק אדמו"ר מבית יצחק ספינקא שליט"א, און איידעם ביי כ"ק אדמו"ר מליטשיק שליט"א. - די שמחת החתונה קומט פאר אין קאנטינענטאל זאל אין וויליאמסבורג.

שמחת בית וויזניץ - ראחמיסטריווקא - קאסאני: היינט קומט פאר די שמחת החתן כלה פון חתן כלה אייניקלעך ביי כ"ק אדמו"ר מוויזניץ שליט"א פון קייאמישע, די חתן א זון פון זיין איידעם הגה"צ ר' מרדכי פנחס טווערסקי שליט"א ראש ישיבת עסק התורה ראחמיסטריווקא, בנו הגדול פון כ"ק אדמו"ר מראחמיסטריווקא שליט"א, מיט די כלה א טאכטער פון זיין זון הגה"צ ר' יעקב יוסף האגער שליט"א, איידעם ביי כ"ק אדמו"ר מקאסאני שליט"א. - די שמחת החתן מאהל קומט פאר אין ביהמ"ד הגדול ראחמיסטריווקא אין בארא פארק. (JDN)

[מיילעך פריילעך]

אידישע נייעס | האדמו"ר מסקולען ירושלים צוגאסט אין ניו יארק:

כ"ק אדמו"ר מסקולען ירושלים שליט"א קומט היינט אן צוגאסט קיין ניו יארק, לרגל די חתונה בבית מקורבו הנגיד ר' חיים מייזעלס הי"ו. אזוי אויך וועט דער רבי באשיינען א רייע באנקעטן לטובת מוסדות חסד לאברהם, שטייענדיג נאך די הסתלקות פון אחיו הרה"ק מסקולען זצ"ל וועלכע האט געדינט אלס נשיא המוסדות.

[מיילעך פריילעך]

אידישע נייעס | כי אורך ימים ושנות חיים יוסיפו לו:
היינט ג' חשון ווערט אפגעצייכענט ביי חסידי אלכסנדר די אכציגסטע יום הבהיר פון רבם ומאורם כ"ק אדמו"ר מאלכסנדר שליט"א,
יאריך ימים על ממלכתו.

[מיילעך פריילעך]

אידישע נייעס | שמחות בחצרות הקודש:

שמחת בית וויזניץ - ראחמיסטריווקא - קאסאני: היינט קומט פאר די שמחת החתונה פון חתן כלה אייניקלעך ביי כ"ק אדמו"ר מוויזניץ שליט"א פון קייאמישע, די חתן א זון פון זיין איידעם הגה"צ ר' מרדכי פנחס טווערסקי שליט"א ראש ישיבת ראחמיסטריווקא, בנו הגדול פון כ"ק אדמו"ר מראחמיסטריווקא שליט"א, מיט די כלה א טאכטער פון זיין זון הגה"צ ר' יעקב יוסף האגער שליט"א, איידעם ביי כ"ק אדמו"ר מקאסאני שליט"א. - די שמחת החתונה קומט פאר אויף א ערשטמאליגע פארנעם אין קרית וויזניץ קייאמישע לעיק, די מעמד החופה פארנט פון ביהמ"ד הגדול, און די שמחת החתונה אין די גרויסע זאל שע"י בנין המוסדות אויף די רוט 42.

שמחת בית טשארנאביל: היינט קומט פאר די שמחת החתונה פון חתן כלה אייניקלעך ביי כ"ק אדמו"ר מטשארנאביל שליט"א, די חתן א זון פון זיין זון הגה"צ ר' פנחס ישראל טווערסקי שליט"א, איידעם ביי כ"ק אדמו"ר מקאסאן הילקרעסט שליט"א, מיט די כלה א טאכטער פון זיין איידעם הגה"צ ר' משה מרדכי האראנטשיק שליט"א, זון פון הגה"צ ר' יעקב אלי' האראנטשיק שליט"א מלעלוב הר יונה. - די שמחת החתונה קומט פאר אין זאל אחוזת פרידמאן אין אשדוד.

היינט קומט פאר די שמחת החתונה פונעם חתן יונגסטע קינד ביי הגה"צ ר' אליעזר ארנסטר שליט"א אב"ד מאור חיים צפת, מיט די כלה א טאכטער פון הגה"צ ר' יעקב האגער שליט"א, זון פון הגה"צ אבד"ק סערט ויזניץ ירושלים שליט"א, און איידעם ביי כ"ק אדמו"ר מפיטסבורג זצ"ל. - די שמחת החתונה קומט פאר אין זאל היכלי מלכות אין בני ברק.

היינט קומט פאר די שמחת החתונה פונעם חתן א זון פון הגה"צ ר' חיים אלי' טייטלבוים שליט"א אב"ד קאריץ, איידעם ביי הרה"ג ר' מרדכי מענדיל שווארץ שליט"א ראה"כ בראד, מיט די כלה א טאכטער פון כ"ק אדמו"ר מזוועהיל מאנסי שליט"א. - די שמחת החתונה קומט פאר אין ווילחאוויץ זאל אין מאנסי. (JDN)

[מיילעך פריילעך]

אידישע נייעס | שמחות בחצרות הקודש:

שמחת בית סאטמאר: היינט קומט פאר די שמחת החתונה פון א אייניקל ביי כ"ק אדמו"ר מסאטמאר שליט"א, די כלה א טאכטער פון זיין איידעם הגה"צ ר' יואל שמעון פריעדמאן שליט"א, זון פון הגה"צ ר' ירמי' פריעדמאן שליט"א דומ"ץ שאפראן, מיט די חתן א זון פון הגה"צ ר' יואל טייטלבוים שליט"א אב"ד תפארת מרדכי, זון פון הגה"צ אבד"ק בית אהרן שליט"א, און איידעם ביי הגה"צ אבד"ק פאיע שליט"א חבר ביד"ץ דקהל יטב לב ד'סאטמאר. – די מעמד קבלת פנים און חופה קומט פאר אין ביהמ"ד הגדול סאטמאר אין וויליאמסבורג, און די שמחת החתונה אין זאל עטרת אברהם.

שמחת בית טשערנאביל - קאסאן - פארשעי: היינט קומט פאר די שמחת החתונה פון א אייניקל ביי כ"ק אדמו"ר מטשערנאביל שליט"א, די חתן א זון פון זיין איידעם הגה"צ ר' יהוסף יחזקאל ראטטענבערג שליט"א, זון פון כ"ק אדמו"ר מקאסאן לעיקוואד שליט"א, מיט די כלה א טאכטער פון הגה"צ ר' פנחס שלום ראטטענבערג שליט"א, זון פון כ"ק אדמו"ר מפארשעי שליט"א, און איידעם ביי הגה"צ אבד"ק גלאגוב זצ"ל. - די שמחת החתונה קומט פאר אין זאל עטרת גאלדא אין בארא פארק.

שמחת בית מאקאווא: היינט קומט פאר די שמחת החתונה פון א אייניקל ביי כ"ק גאב"ד מאקאווא שליט"א, די חתן א זון פון זיין איידעם הגה"צ ר' אהרן מענדלזון שליט"א, זון פון הגה"צ גאב"ד קוממיות זצ"ל, מיט די כלה א טאכטער פון הרב הגאון ר' יוסף טויב שליט"א דיין אין שטאט אשדוד. - די שמחת החתונה קומט פאר אין זאל היכלי מלכות אין בני ברק.

היינט קומט פאר די שמחת הבר מצוה פון א אייניקל ביי כ"ק אדמו"ר מתולדות צבי ספינקא שליט"א, א זון פון זיין זון הרב נפתלי הירצקא הורוויץ שליט"א, איידעם ביי הגה"צ ר' נפתלי הורוויץ שליט"א אב"ד זכרון נפתלי, זון פון כ"ק אדמו"ר ממעליץ שליט"א. - די שמחה קומט פאר אין ספינקא ביהמ"ד אויף פענן סטריט אין וויליאמסבורג.

עס איז געשלאסן געווארן די שידוך פונעם חתן א זון פון כ"ק אדמו"ר מזוטשקא אמסנא שליט"א, איידעם ביי הגה"צ אבד"ק מאקאווא ב"ב זצ"ל, מיט די כלה א טאכטער פון הגה"צ ר' יצחק דוד טווערסקי שליט"א אדמו"ר מטריסק טאלנא, זון פון הגה"צ ר' מנחם מענדיל מתתיהו טווערסקי שליט"א מטריסק לאנדאן, און אייניקל פון כ"ק אדמו"ר מזידטשויב זצ"ל. - די שמחת התנאים קומט פאר היינט אויפדערנאכט אין זאל פון ישיבת וויזניץ אויף עישעל לעין אין מאנסי. (JDN)

[מיילעך פריילעך]

אידישע נייעס | האדמו"ר מוויזניץ וועט וויילן אין נתניה אויף קומענדיגע תקופה:

צוליב די געזונט צושטאנד ביי מרן אדמו"ר מוויזניץ שליט"א לרפו"ש, וועט זיך דער רבי אויפהאלטן די קומענדיגע חדשים אין שטאט נתני', ווי דער רבי וועט אריבערגיין ווייטערדיגע מעדיצינישע באהאנדלונגען. דורכאויס די תקופה וועט נישט זיין קיין זמני קבלת קהל ביים רבי'ן שליט"א, און צו די מניני התפלות וועלן משלים זיין א גרופע בחורים פון די דערנעבנדיגע צאנז'ע ישיבה.

[מיילעך פריילעך]

אידישע נייעס | שמחות בחצרות הקודש:

עס איז געשלאסן געווארן די שידוך פונעם חתן א זון פון הגה"צ ר' יוסף חיים לייפער שליט"א ר"ם בישיבת סאטמאר, זון פון כ"ק אדמו"ר מנדבורנא ב"פ שליט"א, און איידעם ביי הגה"צ ר' בנימין לאנדא שליט"א דומ"ץ טאהש ב"פ, מיט די כלה א טאכטער פון הגה"צ ר' יעקב בער לייפער שליט"א, זון פון הגה"צ ר' יחיאל לייפער שליט"א אבד"ק בני יששכר, און איידעם ביי הגה"צ ר' חיים ברוך אייזיקאוויטש שליט"א.

הילולא קדישא:
כ"ק אדמו"ר מביאלא שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון די זיידעס הרה"ק רבי נתן דוד משידלאווצא זי"ע, און הרה"ק רבי ירחמיאל צבי משעדליץ זי"ע, אין ביהמ"ד הגדול ביאלא אין ירושלים.

כ"ק אדמו"ר מבישטינא שליט"א קומט היינט אן קיין ניו יארק לרגל א משפחה שמחה.

[מיילעך פריילעך]

אידישע נייעס | האדמו"ר מסקולען פון לינדען וועט פראווענען ערשטע שבת אין לינדען:

בשמחה ובצהלה האבן תושבי לינדען אויפגענומען די פרייליכע בשורה אז עס איז נארוואס באשטעטיגט געווארן די פלענער פאר די ערשטע שבת בצל הקודש פון כ"ק אדמו"ר מסקולען שליט"א פון לינדען, דעם שבת קודש פרשת לך לך הבא עלינו לטובה.

די גרויסע שבת הכתרה וועט געפראוועט ווערן אין די פראכטפולע זאל פון מוסדות באבוב אין לינדען, וואס וועט ווערן אויסגערישט אויף א ספעציעלע פארנעם צו קענען אקאמאדירן דעם ריזן ציבור חסידים וואס איז ערווארטעט מיטצוהאלטן די ערשטע שבת וואס דער רבי וועט פראווענען נאכן איבערנעמען די כתר האדמורו"ת.

ווי עס הייסט וועט דער רבי שליט"א אריינקומען צום טיש פרייטאג צונאכטס פאר שלום עליכם, און פראווענען שולחנו הטהור בדרך אבותיו הקדושים לבית סקולען, בשירות ותשבחות לקל חי. די עסקנים ארבעטן אויס פלענער צוצושטעלן הכנסת אורחים פאר די פילע געסט וואס זענען ערווארטעט אויף שבת. (JDN)

[מיילעך פריילעך]

IMG_20241107_131737_141.jpg (153.24 KiB) געזען געווארן 497 מאל

IMG_20241107_131730_947.jpg (184.6 KiB) געזען געווארן 497 מאל

IMG_20241107_131746_204.jpg (161.92 KiB) געזען געווארן 497 מאל

אידישע נייעס | הונדערטער חסידי צאנז קלויזענבורג ביי לוי' פון הרה"ח ר' יצחק שימאן ז"ל משב"ק אדמור"י בית צאנז קלויזענבורג: 

מיט פארווייטאגטע געפילן האבן פילע חסידי צאנז קלויזענבורג באגלייט למנוחת עולמים אחר מיטתו פון הרב החסיד המפואר ר' יצחק שימאן ז"ל, וועלכער האט זוכה געווען צו זיין משמש בקודש פאר קרוב צו זיבעציג יאהר פון אדמור"י בית צאנז קלויזענבורג, אנגעהויבן ביי הרה"ק בעל שפע חיים מצאנז קלויזנבורג זי"ע און דערנאך ביי בנו יבדלחט"א כ"ק אדמו"ר מצאנז קלויזנבורג שליט"א און האט אויסגעהויכט זיין טייערע נשמה אין עלטער פון צוויי און אכציג יאהר לדאבון לב חסידי צאנז קלויזענבורג וכל יודעיו ומכיריו.
די לוי' איז ארויס פארנט פון ביהמ"ד הגדול צאנז קלויזענבורג אין בארא פארק די מיטה איז ארויסגעפארן צום לופטפעלד אויפן וועג קיין ארץ ישראל ווי די נפטר איז געקומען לקבורה אויפן בית החיים אין נתניה סמוך ונראה צום ציון הק' פון רבו הרה"ק מצאנז קלויזנבורג זי"ע.
בילדער: אחים לענטשעווסקי.

[מיילעך פריילעך]

אידישע נייעס | שמחת הווארט פון החתן בן האדמו"ר מפיטסבורג און אייניקל פון האדמו"ר מקרעטשניף.
בילדער: שלומי טריכטער.

[מיילעך פריילעך]

אידישע נייעס | ועידת הנאמנים סערט וויזניץ אין מארינבאד:

נגידי ותומכי מוסדות סערט וויזניץ גרייטן זיך מיטצוהאלטן א היסטארישע נסיעה 'ועידת הנאמנים' צו די שטעט מארינבאד און טשעכיי, ווי עס וועלן אפגעהאלטן ווערן עלגאנטע באנקעטן לטובת המוסדות פון מאנטאג ביז מיטוואך וירא צוזאמען מיט רבם כ"ק אדמו"ר מסערט וויזניץ שליט"א.

[מיילעך פריילעך]

אידישע נייעס | האדמו"ר מקאפיטשניץ ערווארטעט אין ניו יארק:

כ"ק אדמו"ר מקאפיטשניץ שליט"א איז ערווארטעט צו אנקומען קיין ניו יארק דעם קומענדיגן מאנטאג וירא לרגל די חתונה פון אן אייניקל. שבת וירא וועט דער רבי פראווענען בבית מדרשו אין סטעטן איילענד און די נאכפאלגנדע שבת חיי שרה וועט דער רבי פראווענען בבית מדרשו אין לעיקוואוד.

[מיילעך פריילעך]

אידישע נייעס | שמחות בחצרות הקודש:
שמחת בית סקווירא - וויזניץ - קאסאני: היינט קומט פאר די שמחת החתן מאהל פונעם חתן א זון פון הגה"צ ר' יעקב יוסף האגער שליט"א, בנו הגדול פון כ"ק אדמו"ר מוויזניץ שליט"א פון מאנסי, און איידעם ביי כ"ק אדמו"ר מסקווירא שליט"א, מיט די כלה א טאכטער פון הגה"צ ר' פנחס שלום ראטטענבערג שליט"א אב"ד קאסאן מאנסי, זון פון כ"ק אדמו"ר מקאסאני שליט"א, און איידעם ביי כ"ק אדמו"ר משאץ זצ"ל. - די שמחת החתן מאהל קומט פאר אין ביהמ"ד הגדול אין שיכון סקווירא.

שמחת בית ביאלא: היינט קומט פאר די שמחת החתונה פון א אייניקל ביי כ"ק אדמו"ר מביאלא זצ"ל בעל מבשר טוב, די כלה א טאכטער פון זיין יונגסטע זון הגה"צ ר' אברהם משה ראבינאוויטש שליט"א רב חסידי ביאלא אין מעלה עמוס, מיט די חתן א זון פון הרב ישראל סאבינער שליט"א. - די שמחת החתונה קומט פאר אין ביהמ"ד הגדול ביאלא אין ירושלים.

שמחת בית ראחמיסטריווקא - וויזניץ - קאסאני: היינט קומט פאר די שמחת השבע ברכות פון א אייניקל ביי כ"ק אדמו"ר מראחמיסטריווקא שליט"א, די חתן א זון פון בנו הגדול הגה"צ ר' מרדכי פנחס טווערסקי שליט"א ראש ישיבת עסק התורה ראחמיסטריווקא, מיט די כלה א טאכטער פון הגה"צ ר' יעקב יוסף האגער שליט"א, זון פון כ"ק אדמו"ר מוויזניץ שליט"א פון קייאמישע, און איידעם ביי כ"ק אדמו"ר מקאסאני שליט"א. - די שמחת השבע ברכות קומט פאר אין ביהמ"ד הגדול ראחמיסטריווקא אין בארא פארק.

שמחת בית סערדאהעלי - בורשטין: היינט קומט פאר די שמחת השבע ברכות פון א אייניקל ביי כ"ק אדמו"ר מסערדאהעלי שליט"א, די חתן א זון פון זיין זון הגה"צ ר' ישכר דוב כ"ץ שליט"א, איידעם ביי הגה"צ אבד"ק בעסערמין זצ"ל, מיט די כלה א טאכטער פון הגה"צ ר' אלטר יעקב יצחק טייטלבוים שליט"א, זון פון הגה"צ ר' לייבוש טייטלבוים זצ"ל דומ"ץ ויואל משה ד'סאטמאר, און איידעם ביי כ"ק אדמו"ר מבורשטין שליט"א. - די שמחת השבע ברכות קומט פאר אין ביהמ"ד סערדאהעלי אין בארא פארק.

עס איז געשלאסן געווארן די שידוך פון א אייניקל ביי כ"ק אדמו"ר מלויעוו טשערנאביל פארשעי שליט"א, די חתן א זון פון זיין איידעם הגה"צ ר' יעקב יוסף הירשלער שליט"א, זון פון הגה"צ מגיד מישרים ר' שמעון הירשלער שליט"א פון לאנדאן, מיט די כלה א טאכטער פון כ"ק אדמו"ר מיאמפאלא שליט"א, זון פון כ"ק אדמו"ר ממעליץ שליט"א פון אשדוד, און איידעם ביי הגה"צ אבד"ק חוליוב שליט"א. - די שמחת התנאים קומט פאר היינט אויפדערנאכט אין זאל בית יוסף מאיר אויף אלימפיע ראוד אין מאנסי.

עס איז געשלאסן געווארן די שידוך פונעם חתן א זון פון הגה"צ ר' אלטר יעקב יצחק וואגשאהל שליט"א, זון פון כ"ק אדמו"ר משינאווא זצ"ל, און איידעם ביי הגה"צ ר' חיים משה לויפער זצ"ל, מיט די כלה א טאכטער פון הגה"צ ר' ישראל יוסף לאבין שליט"א, זון פון כ"ק אדמו"ר מזידטשויב חרדים שליט"א, און איידעם ביי הגה"צ ר' יהושע ראזענבערגער שליט"א גאב"ד קרית הרמ"א בית שמש.

עס איז געשלאסן געווארן די שידוך פונעם חתן יונגסטע קינד פון כ"ק אדמו"ר מבערעגסאז בית שמש שליט"א, מיט די כלה א טאכטער פון הגה"צ ר' משה שלום בידערמאן שליט"א, אייניקל פון כ"ק אדמו"ר מלעלוב ירושלים זצ"ל.

עס איז געשלאסן געווארן די שידוך פונעם חתן א זון פון הגה"צ ר' אהרן צבי קליינמאן שליט"א אבד"ק מארגערעטען, איידעם ביי הגה"צ ר' מאיר שטערן שליט"א גאב"ד גבעת שאול, מיט די כלה א טאכטער פון הגה"צ ר' מנחם ווארפמאן שליט"א דומ"ץ בוטשאטש, זון פון הגה"צ ר' ישראל דוב מרדכי ווארפמאן שליט"א דומ"ץ במאנטשעסטער.

הוא הודה הוא זיוה הוא הדרה:
כ"ק אדמו"ר מבאבוב שליט"א וועלכער וויילט די טעג אין מאנסי אויף אפרוה, וועט היינט אנקומען אויף תפילת שחרית אין ביהמ"ד באבוב אין מאנסי, לרגל די שמחת הברית פון א אייניקל ביים שוואגער הגה"צ ר' בנציון בלום שליט"א דומ"ץ באבוב לאנדאן.

כ"ק אדמו"ר מבוהוש שליט"א לאזט זיך היינט ארויס אויף א נסיעה קיין פוילין אינאיינעם מיט די נגידי ותומכי המוסדות.

מעמדי קודש:
היינט קומט פאר בחצר הקודש תולדות אהרן די מעמד סיום מסכת בבא קמא און התחלת מסכת בבא מציעא אין ראם פון סדר לימוד תורתך שעשועי, עס קומט פאר אין זאל שמחת ירושלים אויף רחוב פישל, געאייגענט פאר די צעירי האברכים, אין שפיץ פון כ"ק אדמו"ר מתולדות אהרן שליט"א. (JDN)