באריכטן און בילדער פון אלע חצרות הקודש

[מיילעך פריילעך]

אידישע נייעס | האדמו"ר מדאראג באזוכט ביי האדמו"ר מערלוי.

[מיילעך פריילעך]

צעהלים

[מיילעך פריילעך]

סאטמאר מהרא

באריכט בצל הקודש פארש נצבים וילך

זונטאג פרשת נצבים-וילך

► Show Spoiler

מרן רבינו שליט"א האט געדאווענט שחרית אין ישיבה גדולה – סניף קדושת יואל. פאר'ן דאווענען האט דער רבי שליט"א תפילין געלייגט פאר חתני הבר מצוה: הב' בן מו"ה ר' משה מנחם שלעזינגער הי"ו, הב' בן מו"ה ר' לייב ברש"א פרענקל הי"ו, הב' בן מו"ה ר' יעקב שמעון קויפמאן הי"ו, הב' בן מו"ה ר' יואל גגליק הי"ו, און הב' בן מו"ה ר' ישכר בער הירש הי"ו
נאכן דאווענען האט דער רבי שליט"א געבלאזן שופר און פארגעלערנט דעם טעגליכן תהילים שיעור אויף קאפיטל כ"ג פסוק א'. דערנאך איז פארגעקומען א לחיים מיט די בר מצוה בחורים בחדרו הפרטי.
אויך זענען אריין אל הקו''פ א קבוצה בחורים מתלמידי הישיבה אינאיינעם מיטן מנהל הרה"ג ר' קלמן האלבערשטאם שליט"א מצאנז מקבל זיין ברכות הקודש לרגל זייער נסיעה למקומות הקדושים אין אייראפע, דער רבי האט אויסגעפרעגט די פרטי הנסיעה און פארטיילט שליח מצוה געלט און מאציל געווען מברכת קדשו.
ארום 1:45 איז דער רבי אנגעקומען בהיכל המתיבתא סניף ברך משה ווי דער רבי האט פארגעלערענט דעם פיפטן סוגיא שיעור אין די סוגיא פון 'מצות לאו ליהנות נתנו' אלץ הכנה צום שבת שובה דרשה. מען האט געענדיגט ארום 2:20
ארום 4:00 נאכמיטאג איז בקודש פנימה פארגעקומען א ספעציעלע זיצונג מיט הויכראנגיקע פאליטישע באאמטע,דער מינאריטי לידער פונעם קאנגרעס, דער דעמאקראטישער קאנגרעס פירער האקים דזשעפריס, אין באגלייטונג פונעם קרית יואל באפריינדעטער קאנגרעסמאן פעט רייען, אויף א געסקעדזשולטע הויכראנגיקע שתדלנות מיטינג, אינאיינעם מיט די חברי הנהלת קרית יואל, ווי ערביי איז אויך אנוועזנד געוועןהעסקן הרב מחה אייכענטיין הי"ו אסעמבלימאן פון בארא פארק.
דער באזוך איז אראנדזשירט געווארן עפ"י בקשתו פונעם רבי'ן, האבנדיג אויפ'ן סדר היום עטליכע פלענער און בקשות, הויפזעכטליך צוויי הויפט טאפיקס, דער גזירת החינוך אין ניו יארק, און אפארדעבל האוזינג.
אויפ'ן פעלד פון חינוך איז דא פארשידענע מהלכים וועלכע ליגן אויפ'ן טיש וויאזוי דער פעדעראלער רעגירונג קען בעתיד האפנטליך שטיין צוהילף פאר די מוסדות התורה קעגן די וועלכע ווילן ארויפצווינגען סעקולארע עדיוקעישן היל"ת, א פלאן וואס דער רבי גרייט שוין צו א לענגערע צייט מיט די עסקנים אין פאל עס וועט זיך אויספעלן, אין א צייט וואס די גזירה איז ליידער שוין ממש אין אפעקט אויף פילע מוסדות וועלכע האבן שוין אויסגעוועלט א פעטוועי וויאזוי די קינדער גייען אריין אונטער גאווערמענט אויפזיכט.
ווען עס קומט צו אפארדעבל האוזינג איז דא אויפ'ן טיש פארשידענע פרטים, סיי לגבי די נייע געדאנק וואס דער רבי האט שוין גערעדט מיטן טראמפ טיעם לעצטע וואך, וועגן 'סעקשאן 8 סלאטס' פאר אונזערע אינגעלייט וועלכע זענען אינעם קאלעדזש פראגראם פון די רעגירונג אבער באקומען נישט קיין דאארמיטארי, און סיי איבער השתדלות וויאזוי צו קענען פארברייטערן די דירות סופליי אין אפסטעיט ניו יארק, און בעיקר אין עיה"ק קרית יואל, וואס קען נאר פאסירן מיט גענוג וואסער און אלע ענווייראמענטאלע אפראוועלס, וועלכע זענען אנגעוויזן אין פעדעראלע הילף, צו קענען האבן אפארדעבל האוזינג.
כלפי די האוזינג אישוס האט מען גערעדט פון מהלכים וויאזוי די גאווערמענט קען זיין בייהילפיג צו פארשנעלערן די דירות סופליי, כדי צו קענען צושטעלן אפארדעבל דירות. רעדנדיג ווי שטארק די נושא איז נוגע פאר'ן רבי'ן, האט מען דארט אנגעוויזן פאר דזשעפריס "דא זיצט מיט אונז הערי קליין" (הרבני הנכבד ר' עקיבא הערש קליין) וואס בויט א מעגא פראיעקט פון באלד 2,000 אפארדעבל דירות פאר אונזער קאמיוניטי, דאס איז נאר צושטאנד געקומען דורך הילף פון די לאקאלע קאנגרעס אפיס וואס האט ארויסגעהאלפן ווען מיר האבן גע'שתדל'ט צו קענען עפענען די ערשטע פאזע גענוג פרי טראץ אלע שוועריקייטן, און אפילו אזעלכע זאכן ווי א פארשלעפונג פון O&R צו קאנעקטן די עלעקטריק נאך חדשים ווארטן, איז אויך געווארן פארשנעלערט מיט די הילף און שתדלנות פון אונזער קאנגרעסמאן פעט רייען!
די וועלט האלט מיט די וואונדער וויאזוי דער רבי שליט"א האט באוויזן דאס אומגלויבליכע אז קרית יואל זאל ברעכן די שרעקליכע אויפשטייג אין דירות פרייזן און ברענגען א פלייץ פון אפארדעבל דירות פאר $300 א סקווער פיס. אבער יעדער פארשטייט אז כדי אנצוהאלטן די מאסיווע רעוואלוציע פון ביליגע דירות, איז מען אנגעוויזן אויף א שנעלע און ברייטע סופליי. למעשה איז יעדע דעוועלאפמענט אנגעוויזן אין גאר קאמפליצירטע ענווייראמענטאלע און אנדערע סארט אפראוועלס, און ספעציעל איז מען אנגעוויזן אז די רעגירונג זאל ארויסהעלפן מיט פארשידענע אינפראסטרוקטור הילף, אפראוועלס און פראגראמען, ווי וואסער, טרעפיק הילף, און אנדערע גרענטס און ביוראקראטישע מויער-עפענונגען כדי צו קענען אנהאלטן אפארדעבל האוזינג.
דער רבי האט שוין געטון מערערע שטילע השתדלות אין די ריכטונגען, און יעצט שטייענדיג בעפאר די וואלן איז געשטיגן די אקטיווע השתדלות מיט די האפענונג אויסצונוצן דעם ריזיגן אנ"ש בלאקוואוט צו קענען ריקן פאראויס פילע קריטישע זאכן וועלכע ליגן אויפ'ן סדר היום, והזמן גרמא צו קענען מצליח זיין בע"ה ביי ביידע פאליטישע פארטייען צוגלייך, אין א צייט וואס אלע קוקן אזוי שטארק ארויס אויף אונזער אינדארסירונג און אונזערע שטימען.
חסידי סאטמאר בפרט און יהדות ניו יארק בכלל זענען מתפלל צו השי"ת, אז אויב דער רבי שליט"א זעט פאר אזוי קריטיש וויכטיג אוועקצוגעבן פון די טייערע צייט פון חודש אלול פאר די השתדלות, ווייל מיר אלע זענען אנגעוויזן דערויף ברוחניות ובגשמיות, זאל דער אויבערשטער אודאי שיקן די ריכטיגע סיעתא דשמיא אז די ארבעט און הארעוואניע פאר כלל ישראל'ס וואוילזיין זאל מצליח זיין.
שפעטער זענען אריין אל הקו''פ הרה"ח ר' משה גאלדשטיין הי"ו און הרה"ח ר' שלמה יעקב ניישטאדט הי"ו חברי הנהלת מבצר הכוללים קרית יואל אינאיינעם מיט עסקני הכולל וועלכע האבן געברענגט פלעשער האניג וועלכע וועלן פארטיילט ווערן לכבוד יו"ט ראש השנה הבעל"ט פאר די גרעסערע תומכי הכולל, דער רבי האט מאציל געווען מברכת קדשו פאר די תומכים און פאר די עסקני הכולל.
זמני כניסה אל הקו''פ איז געווען פון 6:30 ביז 12:15 אויפדערנאכט, בביתו נאוה קודש אויף איהעל קט.
בעת די זמני כניסה איז בקו"פ פארגעקומען א מסיבת לחיים לרגל די סיום הש"ס פון החתן משה אליעזר ב"ר הערש אלימלך רובינפעלד הי"ו חתן הר"ר יואל בר"מ סימאן שליט"א (בתוך שבעת ימי משתה), עס האט זיך פארצויגן א שיינע שמועס איבער פארשידענע סוגיות הש"ס דער רבי האט געטרינקן לחיים און אנגעוואונטשן ברכת קדשו פארן חתן, מחותנים, זיידעס, און די גאנצע משפחה.
פארנאכטס האט מרן רבינו שליט"א מסדר קידושין געווען ביים חופה פון המחותנים הרה"ח ר' יואל וואלף שווארץ הי"ו, און הרה"ח ר' יוסף ליי בר"א קויפמאן הי"ו ביים זאל פון כינור דוד. דאן ביים חופה פון המחותנים הרה"ח ר' מאיר יודא פערלמאן הי"ו, און הרה"ח ר' יואל כייעם הי"ו ביים זאל פון בית רחל פאראדייס. און דאן ביים חופה פון המחותנים הרה"ח ר' משה אליעזר לאנדא הי"ו, און הרה"ח ר' יואל שטיינמעטץ הי"ו ביים זאל פון גינת קליין.
נאך די חופה אין כינור דוד האט דער רבי געדאווענט מנחה אין ביהמ"ד בית מרדכי דקהלתינו הק', און נאך אלע חופות ממשיך געווען די זמני כניסה.
באולם שעל יד ביתו נאוה קודש איז פארגעקומען די ווארט-תנאים פון המחותנים הרה"ח ר' שמואל טובי' ליכטמאן הי"ו, און הרה"ח ר' יוסף שמואל ראזענפעלד הי"ו, וואו מרן רבינו שליט"א האט געליינט די תנאים.
בעת די זמני כניסה איז כ''ק אדמו"ר מסקאליע שליט"א – 18 עוו. געווען אויף א באזוך בקו''פ לברך ולהתברך בברכת השנים, ווי עס האט זיך פארצויגן א שיינע שמועס זכרונות פון ימים נוראים ביי מרן רביה"ק בעל דברי יואל זיע''א און דער רבי האט אים מאציל געווען מברכת קדשו.
אויך איז געווען אויף א באזוך האדמו"ר מ'קאסוב לעיקוואד שליט''א, ווי עס האט זיך פארמירט א שיינע שמועס בסיפורי בית קאסוב, דער רבי האט ארויסגעברענגט דאס ידידות מיט להבחל"ח אביו כ"ק אדמו"ר מקאסוב זצ"ל, דער רבי האט אים מכבד געווען מיט לחיים און מאציל געווען מברכות קדשו, און דער קאסובער רבי האט געגעבן פארן רבי'ן דעם ספר שרגא דנהרא פון אביו זצ"ל וועלכע איז יעצט ארויסגעקומען.

מאנטאג פרשת נצבים-וילך

► Show Spoiler

פאר'ן דאווענען איז אין ביהמ"ד הגדול פארגעקומען די ברית מילה לבן הנולד למז"ט למו"ה ר' ירחמיאל ביטמאן הי"ו, ווי דער רבי איז געווען סנדק ומוהל, און לבן הנולד למז"ט למו"ה ר' משה ב"ר יחזקאל פייוול בראך הי"ו, ווי דער רבי איז געווען סנדק.
מרן רבינו שליט"א האט געדאווענט שחרית אין ישיבה גדולה – סניף דברי יואל. פאר'ן דאווענען האט דער רבי שליט"א תפילין געלייגט פאר חתני הבר מצוה: הב' בן מו"ה ר' מרדכי יעקב סאאל הי"ו, און הב' בן מו"ה ר' ישראל דוד פארקאש הי"ו.
נאכן דאווענען האט דער רבי שליט"א געבלאזן שופר און פארגעלערנט דעם טעגליכן תהילים שיעור אויף קאפיטל כ"ג פסוק א'. דערנאך איז פארגעקומען א לחיים מיט די בר מצוה בחורים בחדרו הפרטי.

ארום 1:50 איז דער רבי אנגעקומען בהיכל המתיבתא סניף ברך משה ווי דער רבי האט פארגעלערענט דעם זעקסטן סוגיא שיעור אין די סוגיא פון 'מצות לאו ליהנות נתנו' אלץ הכנה צום שבת שובה דרשה. מען האט געענדיגט ארום 2:30
זמני כניסה אל הקו''פ איז געווען פון 6:30 ביז 12:00 אויפדערנאכט, בביתו נאוה קודש אויף איהעל קט.
פארנאכטס האט מרן רבינו שליט"א מסדר קידושין געווען ביים חופה פון המחותנים הרה"ח ר' מאיר ברד"ש בערגער הי"ו, און הרה"ח ר' חיים זלמן שעהר הי"ו ביים זאל פון כינור דוד. דאן ביים חופה פון המחותנים הרה"ח ר' יוסף דערמער הי"ו, און הרה"ח ר' חיים אפרים ווייס הי"ו ביים זאל פון בית רחל פאראדייס. און דאן ביים חופה פון המחותנים הרה"ח ר' יואל ברי"ל סופר הי"ו, און הרה"ח ר' ישראל משה שטוהל הי"ו ביים זאל פון גינת קליין.
נאך די חופות האט דער רבי מנחם אבל געווען הר''ר אברהם שמחה ואחיו הר''ר אלכסנדר נחום גאטליעב שליט"א היושבים ע"פ אביהם הרה"ח ר' שלום יוסף גאטליעב ע"ה, און דערנאך ממשיך געווען די זמני כניסה.
בעת די זמני כניסה זענען אריין אל הקודש פנימה הרה"ג ר' משה לעבל שליט"א ראש ישיבת תורת חיים ומראשי קהילת אהלי יעקב אין מאסקעווע אינאיינעם מיטן הר"ר בצלאל מאנדעל שליט"א מנה"ר ת"ת ראשית חכמה, ווי עס האט זיך פארצויגן א שיינע שמועס איבער אידישקייט אין מאסקעווע, און דער רבי האט זיי מאציל געווען מברכת קדשו.
באולם שעל יד ביתו נאוה קודש איז פארגעקומען די ווארט-תנאים פון המחותנים הרה"ח ר' דוד שמואל ברמ"י גאלדבערגער הי"ו, און הרה"ח ר' חיים הערש ב"ר אלי' גאלדבערגער הי"ו, און פון המחותנים הרה"ח ר' יצחק שלמה פאלאטשעק הי"ו, און הרה"ח ר' שבתי יעקב ווערטהיימער הי"ו, וואו מרן רבינו שליט"א האט געליינט די תנאים.

דינסטאג פרשת נצבים-וילך

► Show Spoiler

פאר'ן דאווענען איז אין ביהמ"ד הגדול פארגעקומען די ברית מילה לבן הנולד למז"ט למו"ה ר' יואל בר"ש שטיינמעטץ הי"ו, ווי דער רבי איז געווען סנדק ומוהל.
מרן רבינו שליט"א האט געדאווענט שחרית אין ביהמ"ד אמרי נועם דקיט"ל ק"י אינאיינעם מיט די תלמידי הישיבה גדולה – סניף עסק התורה מאנסי בהנהלת הרה''ג ר' ישראל מרדכי זיידענפעלד שליט"א. פאר'ן דאווענען האט דער רבי שליט"א תפילין געלייגט פאר חתן הבר מצוה: הב' בן מו"ה ר' יואל בר"ב בערקאוויטש הי"ו.
נאכן דאווענען האט דער רבי שליט"א געבלאזן שופר און פארגעלערנט דעם טעגליכן תהילים שיעור אויף קאפיטל כ"ג פסוק א', און דערנאך האט דער רבי ממשיך געווען בדברי חיזוק לרגל סיום הזמן, ווי דער רבי האט ארויסגעברענגט בדברי שבח פון די ישיבה וואס מען האט געענדיגט דאס יאר בכי טוב און דעם שם טוב וואס די ישיבה האט זיך קונה געווען, ווי מען האט דורכגעטוהן פילע מקצועות התורה און בפרט הלכות מקוואות, און מסיים געווען מיט ברכות לרוב און גוטע שידוכים פאר אלע תלמידי הישיבה.
דערנאך איז פארגעקומען א מסיבת לחיים בהיכל הביהמ"ד לרגל סיום הזמן, מען האט געזינגען עטליכע ניגונים, דער רבי האט געמאכט א לחיים און אנגעוואונטשן פאר די בר מצוה בחור און פאר די רמ"י ותלמידי הישיבה, דערביי האט הר"ר' יעקב אלי' טורנהיים שליט"א ר''מ בישיבה אויפגעטרעטן, דערנאך האט דער רבי פארטיילט ספר דברי חיים מקוואות פאר די תלמידי הישיבה און מאציל געווען מברכת קדשו.
ארום 1:50 איז דער רבי אנגעקומען בהיכל המתיבתא סניף ברך משה ווי דער רבי האט פארגעלערענט דעם זיבעטן סוגיא שיעור אין די סוגיא פון 'מצות לאו ליהנות נתנו' אלץ הכנה צום שבת שובה דרשה. מען האט געענדיגט ארום 2:30
אין די נאכמיטאג שעות איז דער רבי אריינגעפארן קיין וויליאמסבורג צו די וועכענטליכע זמני כניסה.
אנקומענדי'ג קיין וומסב"ג איז דער רבי שליט"א צוערשט צוגעפארן אויף א קורצע באזוך צו בית מדרשינו החדש 'ביהמ"ד לב אהרן' דקיט"ל אויף סאוט אכט וועלכעס איז בס"ד פראכטפול פארענדיגט געווארן און האט בשטומ"צ געעפענט אירע טויערן אויף דעם פארלאפענעם שב"ק. דער רבי האט ארומשפאצירט אינעם גאנצן בנין ביהמ"ד מיט א קורת רוח פונעם הערליכן ביהמ"ד וואס מ'האט אהערגעשטעלט און מאציל געווען מברכת קדשו פאר די הנהלת ועסקני הביהמ"ד.
זמני כניסה אל הקו''פ איז געווען פון 5:30 ביז 11:45 אויפדערנאכט, בביתו נאוה קודש אויף היוז סט.

בעת די זמני כניסה איז אריין בקו''פ הרה"ג ר' יוסף מאיער שליט''א ראש ישיבת מאור התורה לברך ולהתברך בברכת השנים, ווי עס האט זיך פארצויגן א שיינע שמועס אין די סוגיות וואס מהאט יעצט אנגעהויבן צום אלול זמן במסכת בבא בתרא, און דער רבי האט אים מאציל געווען מברכות קדשו.
אזוי אויך האט דער רבי געבענטשט פלעשלך האניג וואס איז געשיקט געווארן קיין ארה"ק, פאר די עסקנים בקרב קהלתינו הק' אין בני ברק, וואס האבן זיך אועקגעגעבן בלו"נ טעג און נעכט, אהערצושטעלן דעם פארברייטערטן היכל ביהמ"ד הגדול אין שיכון קרית יואל, ס'זאל זיין גרייט אויף די הייליגע טעג הבעל"ט לשם ולתפארת.
שפעט אויפדערנאכט נאך די זמני כניסה איז דער רבי געפארן קיין בארא פארק ווי דער רבי איז אנגעקומען אין שטוב פון הרה"ח ר' מיכאל דוב קרויס הי"ו ווי בנו הנגיד ר' אברהם בנימין אלימלך הי"ו פון קרית יואל האט מנדב געווען א גרויסן סכום לטובת מוסדות יטב לב בארה"ק.
עס האט זיך פארצויגן א שיינע שמועס איבער הגה"ק רבי דוד דייטש זצ"ל בעל אהל דוד פון וועם דער נדבן איז א אייניקל, און דער רבי האט פארציילט זכרונות פון הרה"ח ר' ישראל דוד ווייס ע"ה זיידע פונעם נדבן וועלכע האט נאך זוכה געווען להסתופף בצל קדשו פון הרה"ק ר' שלום אליעזר'ל מ'ראצפערט זצוק"ל און באקומען אן הבטחה ניצול צו ווערן פון די הענט פון די רשעים, און איבער פארשידענע זכרונות מימי רביה"ק זי"ע.
דער רבי האט אינטערגעשריבן די שטרות אינאיינעם מיטן נדבן, און געמאכט א לחיים און מאציל געווען מברכות קדשו, און פארטיילט פלעשלעך האניג פאר די בני המשפחה לכבוד ראש השנה הבעל"ט. דערנאך האט זיך דער רבי ארויסגעלאזט אויפן וועג אהיים לביתו נאוה קודש אין קרית יואל.

מיטוואך פרשת נצבים-וילך

► Show Spoiler

פאר'ן דאווענען איז אין ביהמ"ד הגדול פארגעקומען די ברית מילה לבן הנולד למז"ט למו"ה ר' מענדל גוטמאן הי"ו פון מאנטריאל, ווי דער רבי איז געווען סנדק ומוהל.
מרן רבינו שליט"א האט געדאווענט שחרית אין ישיבה גדולה – סניף ויואל משה. פאר'ן דאווענען האט דער רבי שליט"א תפילין געלייגט פאר חתני הבר מצוה: הב' בן מו"ה ר' משה אברהם שעהנברוין הי"ו, הב' בן מו"ה ר' משה העניך פריעדמאן הי"ו, הב' בן מו"ה ר' יוסף ראזענבערג הי"ו, און הב' בן מו"ה ר' יואל פראמאוויטש הי"ו.
נאכן דאווענען האט דער רבי שליט"א געבלאזן שופר און פארגעלערנט דעם טעגליכן תהילים שיעור אויף קאפיטל כ"ג פסוק א', און דער רבי האט ממשיך געווען צו רעדן פאר די בחורים דברי הדרכה לימי בין הזמנים הבעל"ט.
דערנאך איז פארגעקומען א לחיים מיט די בר מצוה בחורים בחדרו הפרטי.
ארום 1:45 איז דער רבי אנגעקומען בהיכל המתיבתא סניף ברך משה ווי דער רבי האט פארגעלערענט דעם אכטן סוגיא שיעור אין די סוגיא פון 'מצות לאו ליהנות נתנו' אלץ הכנה צום שבת שובה דרשה. מען האט געענדיגט ארום 2:20
אין די נאכמיטאג שעות איז אריין אל קודש פנימה הגה"צ רב ד'קהלתינו וויליאמסבורג שליט"א ווי דער רב שליט"א האט איבערגעגעבן פאר'ן רבי'ן שליט"א א באריכט פון ישיבה קטנה "דרך התורה" וועלכע האט אצינד פארענדיגט די דריטע יאר מיט א אויסטערלישע הצלחה בס"ד, און גרייט זיך שוין בשעטו"מ אריין צו שיקן די תלמידים אין ישיבה גדולה.
און באזונדער האט דער רב געגעבן א גריס איבער די צווייטע סניף וואס האט אצינד געענדיגט די ערשטע יאר מיט גרויס הצלחה, דערביי האט דער רבי שליט"א קורא שם געווען פאר די ישיבה סניף ב' לקראת שנת הלימודים הבעל"ט "ישיבת בשבילי התורה".
אזוי אויך האט מען אויסגעשמועסט פארשידענע פרטים פון מוסדותינו הק', ישיבות קטנות, און ישיבה לצעירים אין וויליאמסבורג, ווי דערביי האט דער רבי ארויסגעברענגט מיט א שטארקע קורת רוח די גוטע גריסן וואס מען הערט צוריק פון אלע סניפי הישיבות נאך א שטארק מוצלח'דיגע יאר וואס איז אדורך בכי טוב בסייעתא דשמיא.
ארום 6:00 אזייגער נאכמיטאג איז בקו"פ פארגעקומען די כתיבת האותיות פאר די ספר תורה וואס ווערט געשריבן דורך הנגיד ר' חיים אברהם ב"ר ירמי' בראך הי"ו פון לעיקוואד און וועט אריינגעגעבן ווערן דעם עשי"ת הבעל"ט אין שטאט ראצפערט אונגארן.
דערביי איז אויך פארגעקומען א חתימת שטרות ווי ר' חיים אברהם הי"ו האט אפגעקויפט א זכות נכבד בבית מדרשינו הגדול אין לעיקוואד. דער רבי האט אינטערגעשריבן די שטרות אינאיינעם מיטן נדבן און ווארעם אנגעוואונטשן ברכת קדשו פאר'ן חשבו'ן נדבן.
זמני כניסה אל הקו"פ איז געווען פון 6:30 ביז 11:45 אויפדערנאכט בביתו נאוה קודש אויף איהעל קט.
פארנאכטס האט מרן רבינו שליט"א מסדר קידושין געווען ביים חופה פון המחותנים הר"ר נתן נטע הויזער שליט"א, און הרה"ח ר' אליעזר בערגער הי"ו ביים זאל פון בית רחל פאראדייס, און דערנאך ממשיך געווען די זמני כניסה.
באולם שעל יד ביתו נאוה קודש איז פארגעקומען די ווארט-תנאים פון המחותנים הרה"ח ר' יואל בר"מ ווערצבערגער הי"ו, און הרה"ח ר' דוד אונגאר הי"ו, וואו מרן רבינו שליט"א האט געליינט די תנאים.
דער רבי האט געדאווענט מעריב ארום 11:45, און נאך מעריב איז דער רבי אריבער צום בית החיים ד'קרית יואל ווי דער רבי האט זיך משתתף געווען ביים לוי' פון הרה"ח ר' טובי' שרייבער ע"ה.

דאנערשטאג פרשת נצבים-וילך

► Show Spoiler

פאר'ן דאווענען איז אין ביהמ"ד הגדול פארגעקומען די ברית מילה לבן הנולד למז"ט למו"ה ר' אברהם יקותיאל זלמן שטיין הי"ו, ווי דער רבי איז געווען סנדק ומוהל.
מרן רבינו שליט"א האט געדאווענט שחרית אין ישיבה גדולה – סניף ברך משה. פאר'ן דאווענען האט דער רבי שליט"א תפילין געלייגט פאר חתן הבר מצוה: הב' בן מו"ה ר' קלמן אליעזר בבור הי"ו.
נאכן דאווענען האט דער רבי שליט"א געבלאזן שופר און געזאגט פיפצן קאפיטלעך תהילים כנהוג אום חודש אלול.
דערנאך איז פארגעקומען א לחיים מיט די בר מצוה בחור בחדר הפרטי, ווי עס זענען אויך אריין די בחורים המצטיינים וועלכע האבן זיך געשטעלט צום פארהער אויף גאנץ מסכת בבא מציעא און דער רבי האט פארטיילט א י"ב חלה און אנגעוואונטשן ברכת קדשו.
נאך א קורצע צייט איז דער רבי צוריק אריין אין ביהמ"ד ווי דער רבי האט פארגעלערענט דעם אכטן סוגיא שיעור אין די סוגיא פון 'מצות לאו ליהנות נתנו' אלץ הכנה צום שבת שובה דרשה, און דער רבי האט ממשיך געווען מיט דברי הכנה לקראת די ימי הרחמים והרצון און מסיים געווען מיט ברכות לרוב פאר אלע בחורים.
זמני כניסה איז געווען פון 6:30 ביז 12:00 אזייגער אויפדערנאכט בביתו נאוה קודש אויף איהעל קט.
באולם שעל יד ביתו נאוה קודש איז פארגעקומען די ווארט-תנאים פון המחותנים הרה"ח ר' חיים אליעזר ווייס הי"ו, און הרה"ח ר' משה שמחה קויפמאן הי"ו, וואו מרן רבינו שליט"א האט געליינט די תנאים.
בעת די זמני כניסה האט מרן רבינו שליט"א משמיע געווען קורצע דברות קודש ודברי ברכה דורך א הוקאפ צום 'אסיפת אנ"ש' פאר אנ"ש תושבי מאנטריאל וועלכע איז פארגעקומען בהיכל בית מדרשינו הגדול אין מאנטריאל.
דערביי האט דארט צוערשט אויפגעטרעטן חדב"ן הגה"צ רב דביהמ"ד ישמח משה דקיט"ל קרית יואל שליט"א מיט א לענגערע דרשה בשליחות מרן רבינו שליט"א, און דערנאך האט דער רבי משמיע געווען קורצע דב"ק און ארויסגעברענגט אז מען גרייט זיך בעזהשי"ת צו עפענען א תלמוד תורה אויף דעם קומענדיגן ווינטער הבעל"ט, דארף מען זיך זען זיך צו האלטן צו די תקנות פון מייסד קהלתינו ומוסדותינו הק' מרן רביה"ק בעל דברי יואל זי"ע אזוי אז די מוסדות זאל זיין א שטאלץ פאר מאנטריאל אזוי ווי בית מדרשינו הגדול וואס איז א שטאלץ און א פראכט פאר די גאנצע שטאט, און דער רבי האט מסיים געווען מיט ברכות לרוב פאר די עסקנים וועלכע שטייען בראש און פארן גאנצן ציבור.

פרייטאג פרשת נצבים-וילך

► Show Spoiler

מרן רבינו שליט"א האט געדאווענט שחרית אין ביהמ"ד הגדול. פאר'ן דאווענען האט דער רבי שליט"א תפילין געלייגט פאר חתני הבר מצוה: הב' בן מו"ה ר' שמעון עוזר מיטטעלמאן הי"ו, און הב' בן מו"ה ר' אפרים יצחק אדלער הי"ו
נאכן דאווענען האט דער רבי שליט"א געבלאזן שופר און דערנאך איז פארגעקומען א לחיים מיט די בר מצוה בחורים בחדרו הפרטי.
אין די פארמיטאג שעה'ן זענען אריין אל הקודש פנימה תלמידי ישיבה קטנה סניף דרכי התורה פון מאנסי בהנהלת הר"ר שאול פערלשטיין שליט"א, דער רבי האט פארהערט די בחורים אויף די לימודים אין מסכת פסחים און דערנאך פארטיילט פאר די בחורים ספרו לב אהרן חידושי סוגיות אויף ראש השנה סוכה, און מאציל געווען מברכת קדשו.
אין די נאכמיטאג שעה'ן איז הגה"צ רב ד'קהלתינו מאנשטעסטער שליט"א וועלכער איז אנגעקומען צו וויילן אויך שבת סליחות בצל הקודש, אריין אל הקו"פ, לברך ולהתברך בפו"פ.
בערך א שעה פארן זמן הדלה"נ האט מרן רבינו שליט"א טעלעפאניש געגעבן ברכת קדשו פאר הרה"ג ר' חיים אהרן אונגאר שליט"א מו"ץ בביהמ"ד לב אהרן דקהלתינו הק' אין וומסב"ג, לרגל שבת פתיחת שערים דבית מדרשינו המפואר 'לב אהרן' בשכונת סאוט אכט אין וויליאמסבורג.

שב"ק פרשת נצבים-וילך

► Show Spoiler

אום 7:15 איז מרן רבינו אריינגעקומען אין ביהמ"ד הגדול מעוטף בטליתו און צוגעגאנגען צו תפלת מנחה אנהויבנדיג מיט א ברען 'הודו לה' כי טוב'.
מיט קבלת שבת איז נתכבד געווארן הרה"ג ר' הערשל הורוויץ שליט"א מנהל ישיבה לצעירים וומסב''ג. מ'האט געענדיגט דאווענען בשעה 8:50, נאכ'ן דאווענען איז דער ציבור אריבער זאגן 'גוט שבת'.
שולחן הטהור
בשעה 9:25 איז מרן רבינו שליט"א אריינגעקומען צום 'שולחן הטהור' אין היכל השולחנות אינאיינעם מיט די תלמידי ישיבה לצעירים פון וויליאמסבורג, דער רבי שליט"א האט אנגעהויבן כדרכו בקודש 'שלום עליכם' מיט אן אש להבה. מיט 'אשת חיל' האט דער רבי שליט"א מכבד געווען נכדו הב' ישכר בער טייטלבוים ני"ו בן חדב"ן הגה"צ רב ביהמ"ד ויו"מ-ברך משה ק"י שליט"א.
פאר די פיש האט דער רבי משמיע געווען דברות קודש פאר די בחורים אויפן פסוק 'אתם נצבים היום' און דערציילט א מעשה פונעם הייליגן צאנזער רב זיע''א וואס האט געזאגט אז טראץ וואס במציאות דאווענט ער אין א שפעטע שעה, איז זיין עבודה שוין פון גאנץ פרי מיט א הכנה דרבה און איז מתפלל אז ער זאל קענען דאווענען, כדי צו קענען ריכטיג מתפלל זיין ראש השנה דארף מען שוין יעצט מאכן א הכנה מיט תפילה ולימוד התורה.
מיט'ן זמר 'כל מקדש' האט דער רבי שליט"א מכבד געווען הרה"ג ר' משה דוד הורוויץ שליט"א רב ביהמ"ד ברך משה ד'קהלתינו ב"פ – בן הגה"צ רב ד'קהלתינו מאנטשעסטער שליט"א, און מיט'ן זמר 'מנוחה ושמחה' הרה"ח ר' מנחם יודא שלעזינגער הי"ו פון וויליאמסבורג.
דער רבי שליט"א האט משמיע געווען דברי תורה אויפ'ן פסוק 'אתם נצבים היום' און געטייטשט בדרך דרוש אין די סוגיא פון מצות לאו ליהנות ניתנו.
מיטן זמר 'י-ה אכסוף' האט דער רבי שליט"א מכבד געווען הרה"ג ר' אליעזר הערש הורוויץ שליט"א בן הגה"צ רב ד'קהלתינו מאנטשעסטער שליט"א, מיט ברכת המזון האט דער רבי שליט"א מכבד געווען הגה"צ רב ד'קהלתינו מאנטשעסטער שליט"א שליט"א.
עובדות וסיפורים האט דער רבי שליט"א דערציילט איבער הרה"ק רבי מיכל'ע מ'זלאטשוב זי"ע וואס די הילולא איז געפאלן שב"ק כ"ה אלול.
מיטן זמר י-ה רבון עלם האט דער רבי שליט"א מכבד געווען הר"ר הערשל טעללער שליט"א פון וויליאמסבורג. ביי די פירות זענען די חתנים אריבער נעמען שיריים. מיטן זמר אז ביום השביעי האט דער רבי שליט"א מכבד געווען הרה"ח ר' מרדכי דוד עסטרייכער הי"ו פון וויליאמסבורג, מ'האט געענדיגט דעם טיש אום 12:05.
וביום השבת קודש
שב"ק אינדערפרי איז דער רבי שליט"א אריינגעקומען צום דאווענען אום 9:40, מיט ברכות ופסוקי דזמרה איז נתכבד געווארן הרה"ג ר' משה דוד הורוויץ שליט"א, מרן רבינו שליט"א האט יורד געווען לפני התיבה צו תפלת שחרית כנהוג.
מיט הוצאה והכנסה איז נתכבד געווארן הרה"ח ר' אברהם זמחה פריעדמאן הי"ו, און מיט פסוקי שמע ישראל הרה"ח ר' אהרן קויפמאן שליט"א פון מאנטריאל.
עליות
כהן: הרה"ח ר' ישראל לייב כהן הי"ו; לוי: הרה"ח ר' דוד יערמיאש הי"ו; שלישי: הגה"צ רב ד'קהלתינו מאנשטעסטער שליט"א; רביעי: החתן ב"ר יוסף דערמער הי"ו; חמישי: החתן ב"ר יואל וואלף שווארץ הי"ו, שישי: מרן רבינו שליט"א, דער רבי שליט"א האט קורא שם געווען לבתו הנולדה למז"ט למו"ה ר' זלמן לייב ברש"מ פריעדמאן הי"ו, לבתו הנולדה למז"ט למו"ה ר' יושע ברנ"ה פריעדמאן הי"ו, לבתו הנולדה למז"ט למו"ה ר' משה הלל ברמ"ד עסטרייכער הי"ו, און לבתו הנולדה למז"ט למו"ה ר' חיים הערש ברי"ל מארקאוויטש הי"ו.
שביעי: הרה"ח ר' מאיר יעקב אינדיג הי"ו; אחרון: הרה"ח ר' יוסף פנחס סטרולאוויטש הי"ו - דער רבי שליט"א האט קורא שם געווען לבתו הנולדה למז"ט; מפטיר: הרה"ח ר' בערל פאלאטשעק הי"ו. הגבה: הרה"ח ר' מענדל עקשטיין הי"ו; גלילה: הרה"ח ר' יוסף דערמער הי"ו (מאנסי).
מיט תפלת מוסף איז נתכבד געווארן הרה"ח ר' מאיר יעקב אינדיג הי"ו. מיט פתיחת הארון פאר אנעים זמירות איז נתכבד געווארן הרה"ח ר' חיים אפרים ווייס הי"ו.מען האט געענדיגט ארום 12:25.
שב"ק נאכמיטאג ארום 6:30 איז דער רבי אראפגעקומען אינעם זאל בביתו נאוה קודש ווי די קאפעליע האט כנהוג פארגעזינגען די נייע ניגונים וואס זענען פארפאסט געווארן לקראת די ימים נוראים הבעל"ט, דער רבי האט זיך צוגעהערט צו די ניגונים און אנגעוואונטשן ברכה והצלחה לרומם דעם כבוד פון הייליגן באשעפער און ממליך זיין שמו בעולם.
רעווא דרעווין
אום 7:15 אזייגער איז דער רבי שליט"א אריינגעקומען צו מנחה ושל"ס, עס איז נתכבד געווארן צו דאווענען פאר'ן עמוד הרה"ח אלחנן טויב הי"ו, מיט הוצאה והכנסה איז נתכבד געווארן הרה"ח ר' מענדל גרינפעלד הי"ו (מאנסי); כהן: נכד רבינו הרה"ג ר' יואל הכהן גלאנץ שליט"א מו"ץ ב'קהלתינו הק' וומסב"ג; לוי: הרה"ח ר' חיים מענדל פריעדמאן הי"ו; שלישי: הרה"ח ר' פישל שאפפער הי"ו (וומסב''ג); גלילה: הרה"ח ר' מנחם יודא שלעזינגער הי"ו.
מיט'ן זמר 'אודה' האט דער רבי שליט"א מכבד געווען הרה"ח ר' נח גפן הי"ו, און מיט 'שיר המעלות' הרה"ח ר' משה גאלדשטיין הי"ו.
דער רבי שליט"א האט משמיע געווען דברות קודש אויפן פסוק 'אתם נצבים היום' און געטייטשט אז אפילו ווען אידן זענען ח"ו אין א נידריגע מדריגה זענען אידן זוכה צו א התעוררות תשובה, דורך דעם וואס דער באשעפער קוקט זיך אים אויף אידישע קינדער און מיט דעם בליק ווערט מען נתעורר צו תשובה און אידן ווערן געבענטשט בכל טוב.
מיטן זמר ידיד נפש האט דער רבי שליט"א מכבד געווען הרה"ח ר' מענדל עקשטיין הי"ו (וומ"ס), און מיט'ן זמר קל מסתתר הרה"ח ר' משה שווארץ הי"ו. דער רבי האט געבענטשט על הכוס און געזאגט שבע ברכות.
צו תפלת מעריב איז צוגעגאנגן הרה"ח ר' יעקב מיטטעלמאן הי"ו. און דאן האט דער רבי שליט"א געמאכט הבדלה. נאך הבדלה איז דער ציבור אריבער זאגן א גוטע וואך.מען האט געענדיגט ארום 9:30.

[פערזשוך]

unnamed.png (292.72 KiB) געזען געווארן 970 מאל

[שמואל פוקס]

נו, וואס האב איך אייך געזאגט?

עס קומט א חידוש דאס יאר בנוגע דער קיטל פון מרן בעל אהב"ש.

לויטן נייעם אפמאך פון דאס יאר, גייט די קיטל גענצליך אריבערגיין צו ויז'ניץ מכרז - אלע פרטים איז נאכנישט באקאנט.

(כל זה לפי השמועה ממקור ראשון, אבער ס'מוז נאכאלס נישט זיין אמת...)

שום דבר עדיין לא ברור, כל זה שמעתי מפי השמועה ממקור ראשון שמעורב קצת בתוך הענינים, אבל זה עדיין לא אומר שזה אמת, אלא קרוב הדבר להיות אמת.

עומדים לערוך הסכם על זה. הרבי מקבל הקיטל תמורת כמה דברים חשובים:

• הרבה כסף.

• שקט בטחוני וד"ל, וכן כמה פעולות להרבות השקט והשלום בין החצרות.

• להוריד פרופיל בענין השוואנצנות.

גם הוסכם שאחרי מאה ועשרים של מר"ש, יתנו חלק מהקיטל בתוך הקבורה.

[דער אויבערהאר]

נו, וואס האב איך אייך געזאגט?

עס קומט א חידוש דאס יאר בנוגע דער קיטל פון מרן בעל אהב"ש.

לויטן נייעם אפמאך פון דאס יאר, גייט די קיטל גענצליך אריבערגיין צו ויז'ניץ מכרז - אלע פרטים איז נאכנישט באקאנט.

(כל זה לפי השמועה ממקור ראשון, אבער ס'מוז נאכאלס נישט זיין אמת...)

שום דבר עדיין לא ברור, כל זה שמעתי מפי השמועה ממקור ראשון שמעורב קצת בתוך הענינים, אבל זה עדיין לא אומר שזה אמת, אלא קרוב הדבר להיות אמת.

עומדים לערוך הסכם על זה. הרבי מקבל הקיטל תמורת כמה דברים חשובים:

• הרבה כסף.

• שקט בטחוני וד"ל, וכן כמה פעולות להרבות השקט והשלום בין החצרות.

• להוריד פרופיל בענין השוואנצנות.

גם הוסכם שאחרי מאה ועשרים של מר"ש, יתנו חלק מהקיטל בתוך הקבורה.

געהערט גאר קראנט פון איינע פון די גרויסע עסקנים בחצה''ק מרכז חסידי וויזניץ אז נאר אז די קיטל בלייבט ביי זיי און די איבריגע זאכן איז נישט אמת

[מיילעך פריילעך]

אידישע נייעס | שמחות בחצרות הקודש:

היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון זיין איידעם הגה"צ ר' אלטר גלאנץ שליט"א, זון פון הגה"צ אבד"ק סאדילקוב שליט"א, בן הנולד ביי זיין איידעם הרב שמעון מייזליש שליט"א, זון פון הגה"צ ר' פנחס מרדכי מייזליש שליט"א דומ"ץ קהל יראים סיגעיט. – די שמחה קומט פאר אין ביהמ"ד הגדול דקהל יטב לב ד'סאטמאר אין וויליאמסבורג.

עס איז געשלאסן געווארן די שידוך פונעם חתן א זון פון הגה"צ ר' עקיבא עהרנפעלד ז"ל, זון פון הגה"צ גאב"ד מאטערסדארף זצ"ל, און איידעם ביי הגה"צ ר' שלמה פרישוואסער שליט"א אב"ד סאסוב לאנדאן וראש ישיבת חיי עולם, אייניקל פון הרה"ק בעל קדושת ציון מבאבוב זי"ע, מיט די כלה א טאכטער פון הגה"צ ר' ארי' לייב טייטלבוים שליט"א אב"ד סלאטפינא לינדען, איידעם ביי הגה"צ ר' אלישע חיים הורוויץ שליט"א אב"ד אגודת אחים לאורענס, איידעם ביי כ"ק אדמו"ר מנאוואמינסק זצ"ל.

הילולא קדישא:
כ"ק אדמו"ר מזוועהיל שליט"א וועט היינט אויפדערנאכט אפרעכטן די יארצייט טיש לרגל די יומא דהילולא קדישא פון זקינו הרה"ק רבי מרדכי מזוועהיל זי"ע, אין ביהמ"ד הגדול זוועהיל אין ירושלים. (JDN)

[מיילעך פריילעך]

אידישע נייעס | האדמו"ר מאמשינוב אויס געפאסט נאך 60 שעה פון עבודת הקודש אום יום כיפור:

כ"ק אדמו"ר מאמשינוב שליט"א איז געווען שרוי בתענית פון יום כיפור גאנצע 60 שעה, און האט צום ערשט אויסגעפאסט נעכטן מאנטאג 6:00 אזייגער פארטאגס נאך הבדלה. 
די סדר היום פונעם רבי'ן שליט"א אום יום כיפור איז געווען ווי פאלגענד, דער רבי איז ערשינען צו כל נדרי אום 2:30 פארטאגס און עס האט זיך געצויגן ביז 6:00 אזייגער פארטאגס דערנאך האט דער רבי פארגעלערנט א שיעור אין משניות מסכת יומא און מיטגעהאלטן די תפילות פונעם ציבור ביז נאך נעילה און מיטגעזאגט געוויסע שטיקלעך פון די סליחות. נאך וואס די מתפללים האט געענדיגט נעילה האט זיך דער רבי געשטעלט אינעם פריוואטע צימער אויף תפילת מוסף וואס האט אנגעהאלטן פאר אכט שעה, דערנאך האט מען אין שטוב ממשיך געווען מיט תפילת מנחה, נעילה, און מעריב ביז נאך הבדלה און דאן האט דער רבי אויסגעפאסט נאך א צייט אפשניט פון 60 שעה פון איין קייט פון עבודת הקודש אהן א אפשטעל.
די טיש פון מוצאי יום כיפור האט זיך אנגעהויבן היינט דינסטאג 3:00 אזייגער פארטאגס ארטיגע זייגער ווי הונדערטער אידן זענען געקומען אריינכאפן די קדושה פון יום כיפור שטייענדיג איין טאג פאר ערב סוכות.

[מיילעך פריילעך]

אידישע נייעס | פטירה פון לעגענדארער משב"ק פון אדמור"י צאנז קלויזענבורג:

הונדערטע אידן האבן זיך נעכטן באטייליגט ביים מסע הלויה פון הרה"ח ר' יצחק שמעון שימון ז"ל לאנגיעריגער משב"ק ביי הרה"ק בעל שפע חיים מצאנז קלויזענבורג זצ"ל און שפעטער ביי בנו כ"ק אדמו"ר מצאנז קלויזענבורג שליט"א. די לויה איז ארויס מאנטאג נאכמיטאג פארנט פון ביהמ"ד הגדול צאנז קלויזענבורג אין בארא פארק און ער וועט קומען לקבורה ביים אוהל הק' אין קרית צאנז נתני'.

[מיילעך פריילעך]

אידישע נייעס | ערשטע טיש פון האדמו"ר מסקולען לינדען:

מיט גרויס פרייד האבן סקולענ'ע חסידים אויפגענומען די בשורה, אז כ"ק אדמו"ר מסקולען לינדען שליט"א וועט צום ערשטן מאל פראווענען א טיש דעם קומענדיגן זונטאג א' דחוה"מ אינעם גרויסן סוכה אין חצר פון ביהמ"ד באבוב אין שטאט לינדען.
​​​​​​​אין ליכט פון דעם ערשטן טיש ביים רבי'ן, איז געמאלדן געווארן אז אחיו הגדול כ"ק אדמו"ר מסקולען ב"פ שליט"א, וועט יענעם נאכט 'נישט' פראווענען א טיש, נאר וועט זיך אויך קומען באטייליגן ביים טיש פונעם יונגערן ברודער אין לינדען.

[מיילעך פריילעך]

אידישע נייעס | האדמו"ר מטאלנא ביי תשליך.

[מיילעך פריילעך]

אידישע נייעס | יום כיפור ביי הגה"צ ר' יצחק משה ערלאנגער.

[פערזשוך]

נו, וואס האב איך אייך געזאגט?

עס קומט א חידוש דאס יאר בנוגע דער קיטל פון מרן בעל אהב"ש.

לויטן נייעם אפמאך פון דאס יאר, גייט די קיטל גענצליך אריבערגיין צו ויז'ניץ מכרז - אלע פרטים איז נאכנישט באקאנט.

(כל זה לפי השמועה ממקור ראשון, אבער ס'מוז נאכאלס נישט זיין אמת...)

שום דבר עדיין לא ברור, כל זה שמעתי מפי השמועה ממקור ראשון שמעורב קצת בתוך הענינים, אבל זה עדיין לא אומר שזה אמת, אלא קרוב הדבר להיות אמת.

עומדים לערוך הסכם על זה. הרבי מקבל הקיטל תמורת כמה דברים חשובים:

• הרבה כסף.

• שקט בטחוני וד"ל, וכן כמה פעולות להרבות השקט והשלום בין החצרות.

• להוריד פרופיל בענין השוואנצנות.

גם הוסכם שאחרי מאה ועשרים של מר"ש, יתנו חלק מהקיטל בתוך הקבורה.

גם הוסכם שיתנו חלק מהקיטל בתוך הקבורה.

חוץ פון די איין שורה איז אלעס פאנטאזיעס

[פערזשוך]

נו, וואס האב איך אייך געזאגט?

עס קומט א חידוש דאס יאר בנוגע דער קיטל פון מרן בעל אהב"ש.

לויטן נייעם אפמאך פון דאס יאר, גייט די קיטל גענצליך אריבערגיין צו ויז'ניץ מכרז - אלע פרטים איז נאכנישט באקאנט.

(כל זה לפי השמועה ממקור ראשון, אבער ס'מוז נאכאלס נישט זיין אמת...)

שום דבר עדיין לא ברור, כל זה שמעתי מפי השמועה ממקור ראשון שמעורב קצת בתוך הענינים, אבל זה עדיין לא אומר שזה אמת, אלא קרוב הדבר להיות אמת.

עומדים לערוך הסכם על זה. הרבי מקבל הקיטל תמורת כמה דברים חשובים:

• הרבה כסף.

• שקט בטחוני וד"ל, וכן כמה פעולות להרבות השקט והשלום בין החצרות.

• להוריד פרופיל בענין השוואנצנות.

גם הוסכם שאחרי מאה ועשרים של מר"ש, יתנו חלק מהקיטל בתוך הקבורה.

גם הוסכם שיתנו חלק מהקיטל בתוך הקבורה.

חוץ פון די איין שורה איז אלעס פאנטאזיעס

אגב די שטיקל האט מען שוין אראפגענומען פאר צוריק געבן

[מיילעך פריילעך]

הקפות_יצא_לאור![1].png (459.04 KiB) געזען געווארן 408 מאל

[מיילעך פריילעך]

אידישע נייעס | צום ערשטע מאל נאך דריי און צוואנציג יאר - האדמו"ר מוויזניץ דערמאנט ברבים איבער די אכצן יאר וואס דער רבי איז געווען פארטריבן מבית אביו:

אלפי חסידי וויזניץ זענען דעם ערשטן נאכט יו"ט ביים עריכת שלחן הטהור פון מרן אדמו"ר מוויזניץ שליט"א איבעראשט געווארן ווען אין אן ערשטמאליגן היסטארישן שריט האט צום ערשטן מאל אין די היסטאריע די וויזניצע רבי שליט"א דערמאנט זיינע שווערע יארן די באקאנטע 18 יאר וואס דער רבי איז געווען פארטריבן מבית אביו פון שנת תשמ"ב ביז שנת לייל ערב סוכות תשס"ג.
דער רבי האט דאס משלב געווען מיט זיין יעצטיגן מצב הבריאות נאכדעם וואס דעי וואך איז די רבי אריינגעפארן אין שפיטאל פאר באהאנדלונג, די רבי האט געזאגט אז ער איז צוריק געקומען צום טאטן ווען ער איז אלט געווען 57 יאר און יעצט איז ער געווען אין שפיטאל 57 שעה, און דערציילט אז בשעתו האבן אים מענטשען געבעטן צו עפענען אליינס א קהלה אין מוסדות אבער ער האט נישט געוואלט נאר זיך מחזק געווען אז איין טאג וועט ער נאך צוריק קומען קיין וויזניץ און כך הוה און דאס איז נאר געשעהן מיט אמונה ובטחון, דערביי האט די רבי מחזק געווען דעם ציבור זאגנדיג אז נאר מיט אמונה וועט ער זיך ארויס דרייען פוענעם יעצטיגן מצב.
צווישן אנדערע האט די רבי פארציילט אז אין יענע יארן איז גאנץ בית וויזניץ געווען אין א סכנה און ער איז געווען דעם קרבן ציבור, אויך האט די רבי פארציילט אז ער איז זייער דאנקבאר דעי וואס האבן אים דעמאלטס זייער ארויס געהאלפן די שוואגער'ס האדמורי"ם מסאטמאר און בעלזא שליט"א, און אזוי אויך סאטמארער חסידים, גערע חסידים, בעלזא חסידים, וויזניץ מאנסי חסידים, פשעווארסקע חסידים, און טאהשע חסידים, דער רבי האט דערביי געהייסן פון די חסידים אז די אלע וועלכע האבן נאך פאשקעווילן פון יענע צייטן זאלן עס פארברענען ווייל עס איז נישט כדאי צו דערמאנען די עוונות הראשונים, און אזוי אויך דערציילט נאך זכרונות פון יענע ימי קדם.

[מיילעך פריילעך]

אידישע נייעס | תורה תורה חגרי שק – הגה"צ אב"ד האמאראד זצ"ל:

מיט צער און טרויער ווערט אויפגענומען די שווערע בשורה איבער די פטירה פון הגה"צ ר' עמרם ראטה זצ"ל אבד"ק האמאראד, בנו חביבו פון כ"ק הגה"צ גאב"ד קארלסבורג זצ"ל, און איידעם פון הגה"צ ר' נתן יוסף מייזעלס זצ"ל אבד"ק אבני שלמה און לאנגיעריגער ריש מתיבתא בישיבה גדולה ד'סאטמאר.
דער רב זצ"ל איז געווען פון די חשובע רבנים אין בארא פארק, מזה בן מזה א גרויסער גאון און פוסק בדרכי אביו הגדול, ער האט אנגעפירט א שיינעם בית המדרש לתורה ולתפילה און משפיע געווען פאר אידישע קינדער תורה וחסידות און יראת שמים. אזוי אויך איז ער געווען א באקאנטער בעל מכשיר און גאון בתורה והוראה וואס האט אוועקגעשטעלט פילע תלמידים און אויפגעטון אסאך אין דעם כשרות געביט.
די לעצטע תקופה איז ער געווען זייער נישט געזונט, נאכן ליידן פון די ביטערע מחלה ה"י, דעם יום טוב סוכות די ערשטע נאכט איז ער נפטר געווארן לחיי העולם הבא, איבערלאזנדיג א שיינעם דור בליעה"ר, חשובע קינדער און איידימער זרע ברך ה'. די לוויה קומט פאר יעצט מוצאי שבת בבית מדרשו אין בארא פארק, אויפן וועג קיין ארץ ישראל למנוחת עולמים.

[מיילעך פריילעך]

אידישע נייעס | זונטאג חול המועד סוכות בחצרות הקודש:

היינט וועט פארקומען אין ירושלים עיה"ק א גרויסע מעמד קבלת פני רבו ברגל, אין שפיץ פון הגאון הגדול פוסק הדור מרא דארעא קדישא שליט"א וועלכער וועט אויפטרעטן לכבוד החג, אין די גרויסע סוכה פון היכל התורה אור חיים אויף רחוב שטראוס.

היינט וועט כ"ק אדמו"ר מסקולען שליט"א פון לינדען אנקומען קיין לינדען און פראווענען די ערשטע טיש מעמד שמחת בית השואבה ברוב עם הדרת מלך, אין די גרויסע סוכה נעבן ביהמ"ד באבוב אין לינדען.

[מיילעך פריילעך]

אידישע נייעס | גלה כבוד מישראל • פארלוסט פאר עדת חסידי באיאן מיט פטירה פון הגאון ר' צבי שרייבער זצ"ל רב חסידי באיאן:
 
א וואלקן פון טרויער האט זיך אראפגעלאזט אויף חסידי באיאן מיטן אנקום פון די ביטערע בשורה מיט די פטירה פון האי גאון וצדיק חסידא ופרישא, הגאון החסיד רבי צבי שרייבער זצ"ל רב חסידי באיאן, וועלכער איז נפטר געווארן דעם מוצאי יום טוב ראשון א קורצע צייט נאכן זמן, אין עלטער פון זעקס און זיבעציג יאר.
מיט די פטירה פונעם רב זצ"ל איז אוועקגעריסן געווארן דער עמוד ההוראה וההלכה בחצר הקודש באיאן מרא דכולא תלמודא מורה ודאין, וועלכער האט פאר איבער פערציג יאהר משמש געווען אלס רב ומורה צדק אין די באיאנער קהילה און געפסקנט שאלות להורות דבר ה' זו הלכה.
די לעצטע תקופה איז די רב ליידער געלעגן על ערש דווי בעת חסידי באיאן בתוך כלל ישראל האבן מתפלל געוועהן לרפואתו, ליידער זענען אבער די שערי רחמים געווען פארשלאסן, און דעם מוצאי יום טוב ראשון זמן שמחתינו האט ער צוריקגעגעבן זיין ריינע נשמה ליוצרה, לדאבון לב אלפי חסידי באיאן וכל בית ישראל. מיטן אנקום פון די בשורה לא טובה האט כ"ק אדמו"ר מבאיאן שליט"א איבערגעגעבן די הוראת הקודש מבטל צו זיין די מעמדי שמחות בית השואבה וואס האבן געזאלט פארקומען לרגל אושפיזא דיצחק אין אלע באיאנער קהילות, אלס אבילות נאך די שווערע פארלוסט וואס האט באטראפן עדת חסידי באיאן אלוועלטליך.
טויזנטער חסידי באיאן פון נאנט און ווייט זענען געקומען צו פארן צום מסע הלוי', און אפצוגעבן דעם כבוד האחרון פאר האי גאון וצדיק. על פי הוראת הקודש פון כ"ק אדמו"ר מבאיאן שליט"א זענען אלע חסידים פון אלע שטעט ארויסגעקומען באוויינען די שווערע אבידה.
מוצאי יום טוב איז ארויס די לוי' פונעם בית הלויות שמגר אין ירושלים, דורכן קלויז הגדול דחסידי באיאן ווי עס זענען שוין געווען פארזאמלט טויזענטער אידן אין די גאסן ארום די גרויסע באיאנער קלויז ווי בראש המלוים האט זיך אנגעזעהן כ"ק אדמו"ר מבאיאן שליט"א, און נאך פילע אדמורי"ם ורבנים דייני ורבני הקהילה חסידים ואנשי מעשה, צווישן זיי האדמורי"ם מראחמיסטריווקא, ביאלא, קאפיטשניץ, סטריקוב ירושלים און נאך.
צוערשט האט בנו הגדול הגאון רבי אשר שרייבער פארגעליינט די צוואה פונעם רב זצ"ל, דערנאך האט מספיד געווען בקול בוכים ראש ישיבת באיאן הגאון רבי צבי ראבינאוויטש בשליחות הקודש פונעם באיאנער רבי שליט"א ארויסברעגענדיג די געוואלדיגע השפעה פונעם רב זצ"ל אויף קהל עדת חסידי באיאן, ווי ער האט אוועקגעשטעלט הונדערטער תלמידים דיינים ומורי צדק אין די קהילה וואס פסקענען שאלות על פי הוראותיו ודקדוקי הלכה פונעם רב זצ"ל, דערנאך האבן די קינדער געריסן קריעה און געזאגט קדיש.
דערנאך האבן די מאסן באגלייט די מיטה אראפ די גאס מיט פארוויינטע אויגן, און פון דארט איז מען געפארן צום הר המנוחות, וואו דער רב איז געקומען לקבורה אויפן חלקת הרבנים, כ"ק אדמו"ר מבאיאן שליט"א האט מיטגעהאלטן די גאנצע לוי' און אויסגעווארט ביז נאך סתימת הגולל.

[מיילעך פריילעך]

אידישע נייעס | האדמו"ר מוויזניץ ביים שמחת בית השואבה.
בילדער: שוקי לרר.

[מיילעך פריילעך]

אידישע נייעס | האדמו"ר מזוטשקא ביים שמחת בית השואבה.
בילדער: שוקי לרר.

[איטשע]

המוני בית ישראל צפויים להשתתף במעמד הגדול סיום שס משניות במיזם "דף היומי משניות", ראשי הארגון בראשות הרב שמואל הלפרין עלו לגודלי ישראל להזמינם למעמד

unnamed.jpg (77.54 KiB) געזען געווארן 126 מאל

[איטשע]

ראש ישיבת גרודנא באר יעקב הגר"צ דרבקין בביקור חג בסוכתו של הגרב"ד אלישיב

unnamed.jpg (51.32 KiB) געזען געווארן 126 מאל

[איטשע]

היום בברכת הכהנים בכותל: הראשל"צ הגר"ד יוסף והמועמד לתפקיד הרה"ר הגר"מ הלוי בשיחה עם מנכ"ל הרבנות הראשית יהודה כהן

unnamed.jpg (44.55 KiB) געזען געווארן 126 מאל

[איטשע]

ח"כ מאיר פרוש מתברך ע"י כ"ק האדמו"ר מויז'ניץ בשמחת בית השואבה המרכזית בחצר החסידות

unnamed.jpg (54.05 KiB) געזען געווארן 126 מאל