totty2024 האט געשריבן: ↑מאנטאג אקטאבער 21, 2024 5:39 pm
פופציגער האט געשריבן: ↑מאנטאג אקטאבער 21, 2024 3:47 pm
איך ווייס האט געשריבן: ↑מאנטאג אקטאבער 21, 2024 3:20 pm
פארוואס נישט? וויטאמין די היילט נאך יענע מעשה פונקט ווי קימאו, און אן קיין סייד עפעקטס...
ווען דער ארגומענט ווערט ווען נישט געזאגט דורך מאנכע מיטן פולן ערנסטקייט, וואלט איך געלאכט פון דיין וויץ...
אינטערסאנט ווי אידטיש האט א חוב צי האבן כסדר אזאנע אשכולות אויפן אויבנאן אפילו אין די פארנומענע חול המועד
עס לאזט מיר טראכטן אז די פלאץ דא האט אנדערע משוגעתן פון אייוועלט אבער דארט ווי די משוגעת איז איז עס מיט א שמוץ אריבער
אויב האט מען אויפגעגעבן מיט א אשכול וואס כהאב מברר געווען די שקרים קומט מען טאג טעגליך אויף מיט מעשיות נמרצות אשר לא נבראו בכל הארץ ובכל הגוים
זאל זיין קלאר מיין מיינונג איידער איך פארלאז די אשכול און מעגליך אידטיש בכלל
זיכער אז עס איז דא ווען מדארף מעדעצין און די עקסטרעמיסטן קעגן מעדעצין ווען עס פעהלט אויס זענען רוצחים
אבער אין די זעלבע צייט הער איך נישט אויף צי זעהן די אזוי גערופענע וואס זארגן פאר כלל ישראל ווי זיי הערן נישט אויף פאכענען קעגן ווייטעמינען בכלל אפילו ווען עס איז בייהילפיג פאר סייד עפעקטס וכדומה אדער פאר א געזינטע לעבנסשטייגער בכלל
און לדעתי זענען זיי פיהל גרעסערע רוצחים ווייל לדעתי דאס וואס מהערט ליידער אזויפיל חולאים ביי אונז קומט פון נישט א געזינטע דייעטע און נישט עקסערסייז און וואלט אויך געקענט פארמינערט ווערן לכל הדיעות ווען מוואלט גענומען נויטיגע ווייטעמינען צי בלייבן געזינט
אבער די געזינטע רוצחים דא ברענגען צי דעם אז אסאך וואס איך ווייס וואס וואלטן געווען געזינט זענען ליידער נישט געזינט אדער שוין בעלמא דקשוט
דעריבער יעדע מטבע האט 2 זייטן אידן האט שכל ווערט נישט איבערגענומען פון בהלות
ווי האט נאר רבינו הקדוש געזאגט אין די נשא תורה: מזאל נישט נתפעל ווערן נישט פון די און נישט פון די...
זייט געזינט אנע רציחות פון ביידע זייטן..
אין א טונקעלן גאס, צווישן דינע צוויטשקען פון פויגל און קאלמוטנע שארכן פון טרוקענע בלעטער, קאלט און פארציטערט, פרובירנדיג צו פארמיידן א באגעגעניש מיט מיין אייגענעם שאטן, האלטנדיג דעם אטעם שטיל און די אומגערופענע הוסערייען שטילער פון די הארץ קלאפענישן, בין איך געשטאנען ווי געלעמט אונטער א דיקן בוים, די אויגן שטייף פארמאכט, פולקאם קאנצעטרירט, זיך צוהערנדיג צו קלאנגען וואס קומען ארויס פונעם דערנעבנדיגן פענסטער.
אינעם צימער איז טונקל, א ליכטל ברענט אין צענטער פונעם טישל, פארשיינענדיג שווארצע שאטנס אויף די ווענט.
די טונקלקייט אינעם צימער איז נישט געווען צוליב א מאנגל אין עלעקטעריציטעט, אין פאקט, איז דער אפיס די הויפטקווארטיר פון א גאר רייכער ארגאניזאציע וואס געלט פאר לעקטער וואלט ווייט נישט געשפילט קיין ראלע.
נאר דער ציל איז געווען צו פארמיידן אזעלכע לאנגע נעזער ווי איך, פון דערטאפן און דערגיין אז דער אפיס איז אקטיוו אין די שפעטע שעה.
איך האב עס אבער יא געכאפט, און מיט מיינע שפיאנאזש פעאיגקייטן האב איך אויף די שאטנס דערקענט דעם צווייפאכיג-שפיציגן בארד פון
@אסמכתא בעלמא מיט’ן לעד פענסיל קראצנדיג זיין אויער ווי תמיד, די לאנגע דיק געקרייזלטע פאות פון
@צייטווייליג וועלכע זיצן פארשמאכטעט אונטער די ברילן הענטלעך, די איבערמאסיגע געשטעל פון
@ווירקליך וואס גייט סינאנים מיט א טעלער ווארשטלעך וועלכע מאכן איינציגווייז דעם וועג צו זיינע געדערים, און אזוי אלע חברי המערכת.
הער איך ארויס א היציגן שמועס, א פאררויכערטע שטימע פון
@חצקל משמש וועמען איך האב פריער נישט דערקענט צוליב וואס ער זיצט אין א ווינקל און ליינט אייוועלט שטילערהייט, בורזשעט ארויס "שוין צו לאנג! מען קען נישט לאזן ווייטער אזוי!".
אסמכתא מיט זיין דינע שטימע שרייט אים איבער "לאז... מענטשן וועלן נאך כאפן אז מיר דרייען דאס אונטער".
אבער צייטווייליג געבט נישט אויף, און ווי א טיפישער מארמאראשער היציגער שרייט ער "יקוב הדין את ההר! ס’איז א לעבנס-פראגע! די סארט אשכולות מוזן בלייבן אויפן אויבערפלאך!".
@שמעלקא קומט אויף מיט א לעזונג "כ’מיין מ’זאל שיקן פופציגער אריינרעדן אזוי תמימות’דיגערהייט... קיינער וועט נישט פארדעכטיגן אז ס’קומט פון אונז".
צייטווייליג טראגט זיך אן צו שיקן א מעסעדזש פאר פופצי, און ביי דעם פונקט האט איך אפגעטראגן פון שטח, געלאפן אין אפיס אריין צו זיין גרייט צו ענטפערן דעם מעסעדזש.
און דא זעמיר.
-
אקעי אקעי אקעי... הער אויף!... כ’מאך א וויץ! ביטע! נעם מיינע ווערטער אין א לייכטע געמיט!
כמיין נאר צוזאגן, אז נישט יעדע מאל ניקס שמועסן איז עס אן אפגעשמועסטע אגענדע פון מערכת אידטיש...
-
יעצט צום פוינט.
וויטאמינען זענען וויכטיג, און א געזונטע דיעטע איז גאר וויכטיג.
עס איז לעבנסוויכטיג א מענטש זאל זיך היטן דאס געזונט, און לעבן געזונט.
אבער, ווען מענטשן ווילן ערזעצן טריטמענטס פאר שווערע קרענק, מיט וויטאמינען, איז עס רציחה ממש.
איין מאל מען איז אין פעקל רח"ל, זאל מען גיין צו געהעריגע דאקטוירים און נעמען זייערע טריטמענטס!
איך האב געשיכטעס דערצו, מיט נעמען און מקום קבורתם, טייל זענען ידועים ומפורסמים, אבער אכמ"ל.
אונטערשטע שורה: וויטאמינען זענען גוט און וויכטיג.
