באריכטן און בילדער פון אלע חצרות הקודש

[שאינו יודע לשאול]

אין די יעצטיגע טעג ווען כ"ק אדמו"ר מתולדות אברהם יצחק שליט"א וויילט אין קרית יואל, האט הגה"צ המקובל רבי שמואל בנימין קרויס שליט"א נשיא ישיבת תורת חסד, אפגעשטאט א באזוך ביים רבי'ן שליט"א מיט וועמען ער האלט אן א נאנטן קשר. דער רבי האט געבעטן דעם מקובל אז ער זאל אים בענטשן און דערנאך האט דער רבי געבענטשט דעם מקובל בברכת כהן.

unnamed - 2024-08-08T101526.364.jpg (346.29 KiB) געזען געווארן 791 מאל

unnamed - 2024-08-08T101528.949.jpg (272.81 KiB) געזען געווארן 791 מאל

[מיילעך פריילעך]

אידישע נייעס | הילולא קדישא:

כ"ק אדמו"ר מבאבוב שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו הרה"ק דער קדושת ציון פון באבוב זי"ע, אין ביהמ"ד הגדול אין מתיבתא קעמפ מחנה זכרון צבי דוד אין פענסילוועניע.

כ"ק אדמו"ר מבאבוב 45 שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו הרה"ק דער קדושת ציון פון באבוב זי"ע, אין ביהמ"ד הגדול אין מתיבתא קעמפ אין פארקסוויל.

כ"ק אדמו"ר מלעלוב שליט"א פון ירושלים וועט היינט אויפדערנאכט אפרעכטן שולחנו הטהור לרגל די יומא דהילולא קדישא פונעם אר"י הקדוש זי"ע, בביתם נאוה קודש פון אדמור"י בית לעלוב זי"ע אויף רחוב בוני החומה אין די אידישע קווארטל אין אלטשטאט ירושלים.

מעמדי קודש:
היינט קומט פאר די יערליכע דינער אין קרית יטב לב אין בלומינגבורג לטובת מוסדות יטב לב בעיר הקודש ירושלים, אין זאל פון עטרת פעסיל לאה בבנין המוסדות, אין שפיץ פון כ"ק אדמו"ר מסאטמאר שליט"א.

שמחות בחצרות הקודש:
שמחת בית דושינסקיא: עס איז געשלאסן געווארן די שידוך פון א אייניקל ביי כ"ק אדמו"ר מדושינסקיא שליט"א, די כלה א טאכטער פון זיין זון הגה"צ ר' יואל יעקב דושינסקיא שליט"א רב הקהילה אין לאנדאן, איידעם ביי הגה"צ ר' שלום צבי ענגלענדער שליט"א ראה"כ להוראה מאחנובקא בעלזא אין לאנדאן, זון פון הנגיד החסיד ר' אליש ענגלענדער שליט"א, און איידעם ביי כ"ק גאב"ד זכרון מאיר זצ"ל, מיט די חתן א זון פון הגה"צ ר' חיים מיכאל ביבערפעלד שליט"א אב"ד טשארטקוב לאנדאן, איידעם ביי כ"ק אדמו"ר מליעזש זצ"ל.

[מיילעך פריילעך]

אידישע נייעס | האדמו"ר מגור וועט נישט ארויספארן אויף אפרוה צוליב מלחמה אנגעצויגנקייט:

מטעם בית כ"ק אדמו"ר מגור שליט"א איז געמאלדן געווארן די לעצט מינוטיגע טויש, אז אין ליכט פון די מלחמה אנגעצויגנקייט וואס שוועבט אין ארץ ישראל, וועט דער רבי שליט"א אנדערש ווי אלע יארן נישט ארויספארן קיין צפת אויף אפרוה.
דער רבי האט געזאלט ארויספארן קיין צפת אנהייב וואך, אבער צוליב די פארשטערקערטע מצב המלחמה און סכנה וואס לויערט בפרטיות אין צפון, און עס זענען שוין געקומען צו פליען ראקעטן פון די חיזבאלא טעראר גרופע קיין צפת, האט דער רבי אפגערופן זיין נסיעה און וועט אנשטאט פארבלייבן אין ירושלים, און וויילן אויף מנוחת הנפש אין די נגידי'שע ווילא פון האחים הנגידים לבית פישער, אינעם אפרו געגנט אינעם שטעטל אורה נעבן ירושלים.

אויך מטעם בית כ"ק אדמו"ר מבעלזא שליט"א איז געמאלדן געווארן אז אנדערש ווי אלע יארן וועט דער רבי שליט"א נישט ארויספארן צו די באשטימטע מקום הנופש אין טעלז סטון, און פארבלייבן במעון קדשו אין ירושלים, צוליב'ן אנגעצויגנקייט פון די מלחמה סיטואציע.

[מיילעך פריילעך]

אידישע נייעס | האדמו"ר מבאבוב ביים יארצייט טיש לרגל די יארצייט פון אביו הרה"ק בעל דברי שלמה מבאבוב זי"ע.

[מיילעך פריילעך]

אידישע נייעס | האדמו"ר מבאבוב ביי תפילת שחרית לפני התיבה און דערנאך ביים מסיבת לחיים לרגל די יארצייט פון אביו הרה"ק בעל דברי שלמה מבאבוב זי"ע.

[מיילעך פריילעך]

אידישע נייעס | האדמו"ר מבאבוב ביים עליה לציון אביו הרה"ק בעל דברי שלמה מבאבוב זי"ע, לרגל די יארצייט.

[אלס ווייסער]

אידישע נייעס | האדמו"ר מבאבוב ביים עליה לציון אביו הרה"ק בעל דברי שלמה מבאבוב זי"ע, לרגל די יארצייט.

ציבור

[אלס ווייסער]

אידישע נייעס | האדמו"ר מבאבוב ביים יארצייט טיש לרגל די יארצייט פון אביו הרה"ק בעל דברי שלמה מבאבוב זי"ע.

ציבור

[מיילעך פריילעך]

אידישע נייעס | שמחות בחצרות הקודש:

שמחת בית ראחוב - טשאקאווא - ספינקא ירושלים - בערגסאז: עס איז געשלאסן געווארן די שידוך פונעם חתן א זון פון הגה"צ ר' חיים שמואל געשטעטנער שליט"א אב"ד טשאקאווא בראכפעלד, זון פון כ"ק אדמו"ר מטשאקאווא ירושלים שליט"א, און איידעם ביי כ"ק אדמו"ר מספינקא ירושלים שליט"א, מיט די כלה עלטסטע אייניקל ביי כ"ק אדמו"ר מראחוב שליט"א, א טאכטער פון זיין זון הגה"צ ר' יצחק מרדכי ראזענבוים שליט"א, איידעם ביי כ"ק אדמו"ר מבערגסאז ב"ב שליט"א.

עס איז געשלאסן געווארן די שידוך פונעם חתן א זון פון הגה"צ ר' ישראל דוד ניישלאס שליט"א דומ"ץ ברעזנא וראה"כ קארלסבורג, זון פון הגה"צ אבד"ק ברעזנא שליט"א, און איידעם ביי כ"ק אדמו"ר מזמיגראד שליט"א פון בארא פארק, מיט די כלה א טאכטער פון הגה"צ ר' יעקב יצחק דן פרענקל שליט"א ראה"כ קראקא ב"ב, זון פון הגה"צ ר' ישעי' פרענקל שליט"א רב דקהל קדושי קראקא בני ברק, אייניקל פון כ"ק אדמו"ר מסטריקוב זצ"ל, און איידעם ביי הגה"צ ר' אליעזר דוד פריעדמאן זצ"ל אבד"ק מאחנובקא בעלזא לאנדאן.

דעם שב"ק קומט פאר די שמחת השלום זכר פון א אור אייניקל ביי כ"ק אדמו"ר מבעלזא שליט"א, אייניקל פון בנו יחידו הגה"צ ר' אהרן מרדכי רוקח שליט"א, איידעם ביי כ"ק גאב"ד מאקאווא שליט"א, בן הנולד ביי זיין איידעם הרב אברהם סאפרין שליט"א, זון פון הגה"צ ר' גדלי' משה סאפרין שליט"א אדמו"ר מקאמארנא. די שמחה קומט פאר אין די גרויסע שטוב אין קרית בעלזא ירושלים.

ניחום אבלים:
כ"ק אדמו"ר מליסקא שליט"א זיצט שבעה צו די פטירה פון אשת חבר הרבנית מליסקא ע"ה, דער רבי זיצט ביז תשעה באב בביתו נאוה קודש אויף די פינף און פערציגסטע סטריט, און תשעה באב ביינאכט און צופרי בבית מדרשו אויף די פופציגסטע סטריט אין בארא פארק.

[שאינו יודע לשאול]

האדמו"ר משבט הלוי ביים זאגן תיקון חצות.

unnamed - 2024-08-11T120600.815.jpg (54.63 KiB) געזען געווארן 1782 מאל

[Joel]

f50a57_04d706d3fea5459799634c1a5ec7350d~mv2.png (1023.42 KiB) געזען געווארן 1679 מאל

[איטשע]

שמחת בית ויז'ניץ - טעמשוואר אלעד - לעלוב

נולדה נינה להגה"צ ר"י ויז'ניץ שליט"א, נכדה לבנו הגה"צ ר' ישראל ארנסטר שליט"א, חתן כ"ק מרן אדמו"ר מלעלוב זצ"ל, בת לבנו הרה"צ ר' שמואל שמעלקא ארנסטר שליט"א, חתן כ"ק אדמו"ר מטעמשוואר אלעד שליט"א

[Joel]

הרה"ג רבי אברהם אוזבאנד שליט"א ראש ישיבת טעלז אויף א באזוך ביי כ"ק מרן פוסק הדור גאב"ד ירושלים מרא דארעא קדישא שליט”א
https://ahblicklive.com/post.php?u_id=n ... KgROgZyTgf

[הקוראים]

וואודריזש
היכל ביהמ״ד הגדול צוגעגרייט ערב תשעה באב

[שאינו יודע לשאול]

האדמור ממונקאטש איז מנחם אבל האדמור מליסקא וואס זיצט שבעה נאך זיין רעביצין.

unnamed (46).png (283.84 KiB) געזען געווארן 1178 מאל

[שאינו יודע לשאול]

ת"ב ביי האדמור מטשערנאביל.

unnamed - 2024-08-14T214940.370.jpg (222.3 KiB) געזען געווארן 1181 מאל

[הקוראים]

וואודריזש
היינט נאכמיטאג בשעת די זמני כניסה
האט באזוכט און מבקר חולה געווען ביי כ״ק מרן אדמו״ר שליט״א,
הגה״צ אב״ד קראסנא שליט״א פון בארא פארק.

באזוך פון האדמו"ר מקאסאן שליט"א

האדמו״ר מקיוויאשד שליט״א באזוכט במעון קדשו

[בצל התומר]

בצל התומר
סאטמאר מהר״יי

דאנערשטאג פרשת דברים בצל הקודש אין מחנה דברי יואל

► Show Spoiler

דאנערשטאג פרשת דברים בצל הקודש

פארן דאווענען האט דער רבי געלייגט תפילין פאר הב׳ הבר מצוה
בן הרה״ח ר׳ חיים בער מייזעלס ע״ה.

אום 8:45 איז דער רבי אריינגעקומען צו תפילת שחרית אין ביהמ״ד,
בעל תפילה: הב׳ מרדכי ראזענבערג ני״ו.

ביי קריאת התורה זענען נתכבד געווארן
כהן: הב׳ אהרן שמואל גליק ני״ו.
לוי: הב׳ אהרן יעקב פריעדמאן ני״ו.
שלישי: הב׳ הבר מצוה בן הרה״ח ר׳ חיים בער מייזעלס ע״ה.
דער רבי איז געגאנגען הגבה.
גלילה: הב׳ אברהם גרינוואלד ני״ו.

נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

זמני כניסה בביתו נאוה קודש איז געווען פון 5:00 אזייגער ביז ארום 6:15 נאכמיטאג.
אום 6:25 איז דער רבי אריינגעקומען אין ביהמ״ד צו תפילת מנחה, בעל תפילה איז געווען הרה״ג ר׳ דוד יואל בלום שליט״א ר״מ בישיבה.

ביים זמן ר״ת איז דער רבי אריינגעקומען צו תפילת מעריב, בעל תפילה איז געווען הרה״ח ר׳ מרדכי דוד ווידער הי״ו משב״ק.

נאך מעריב האט זיך דער רבי ארויסגעלאזט קיין קרית ייטב לב צום דינער השנתי לטובת מוסדותינו הק׳ ׳יטב לב׳ בירושלים עיה״ק, וואס איז פארגעקומען אין די עטרת פעסיל לאה זאלן,
דער רבי איז אנגעקומען אום 10:20, עס האט ממשיך געווען מיט זיין דרשה דער יו״ר הרה״ח ר׳ בנימין וואלף זילבערשטיין הי״ו און אויפגערופן דער מנהל המוסדות הרה״ח ר׳ ירמי טייטלבוים הי״ו וואס האט איבערגעגעבן א באריכט איבער די הרחבת גבולי הקדושה ובפרט מיטן אויפבוי פונעם נייעם בנין,
און דערנאך האט דער רבי משמיע געווען לענגערע דברת קודש זיך שטעלנדיג אויף די פסוקי הפרשה, און ארומגערעדט פון שטיצן אלע מוסדות עטה״ק אין ארץ ישראל וואס דאס גיבט די חיזוק אנצוגיין ובפרט צו מחזק זיין מוסדות יטב לב וואס איז נתייסד געווארן דורך רביה״ק זי״ע,
דער רבי האט דערמאנט די פילע פעולות מיט די מלחמת הציונות מיט אירע אלע מלבושים, און ארויסגעברענגט די שווערע מצב בארה"ק סיי איבער די מצב המלחמה וואס האט פארשפרייט אסאך שנאת ישראל אין די גאנצע וועלט און מען דארף מתפלל זיין עס זאל גארנישט קאסטן פאר אחינו בני ישראל יושבי ארה״ק, און סיי מיט די ביטערע גזירות גיוס בני ישיבות וואס מען דארף אסאך רחמי שמים ניצל צו ווערן דערפון,
דער רבי האט ארויסגעברענגט לשבח די בני עדת הספרדים וואס זענען געווען די נחשונים אנצונעמעם די מהלך פון זיך אינגאנצן נישט שטעלן צום לשכת הגיוס וואס דאס האט געברענגט אז עטליכע פון די ליטווישע און חסידישע קרייזן זאלן זיי נאכמאכן, און ווי מען זעהט איז דאס די איינציגסטע מהלך פטור צו ווערן פון די עוקרי הדעת, און דער רבי האט מוחה געווען און ארויסגעברענגט מיט ווייטאג ווי מען זעהט אז ׳השוחד יעור עיני חכמים׳ און עס זענען נאך דא ליידער היימישע קרייזן וואס ווערן נאכגעשלעפט און פאלן אריין אין די ביטערע גזירות היל״ת, און דער רבי האט אויסגעפירט מיט ברכת לרוב אז בזכות פון שטיצן די הייליגע מוסדות זאל מען שוין זוכה זיין צו די גאולה שלימה.
דער רבי האט געטרינקען לחיים און ווארעם אנגעוואונטשען די חברי הנהלת המוסדות און אלע משתתפים.
אום 11:45 האט זיך דער רבי ארויסגעלאזט אויפן וועג אהיים למעון קדשו אין מחנה דברי יואל.


~~

[בצל התומר]

בצל התומר
סאטמאר מהר״יי

פרייטאג און שב״ק פרשת דברים בצל הקודש אין מחנה דברי יואל

► Show Spoiler

פרייטאג פרשת דברים בצל הקודש
אום 8:15 איז דער רבי אריינגעקומען צו תפילת שחרית אין ביהמ״ד, בעל תפילה איז געווען הב׳ ישראל מאיר עפשטיין ני״ו.

אין די פארמיטאג שעות איז אריין בקו״פ הרבני הנגיד ר׳ ראובן שרון הי״ו פון פלעטבוש אינאיינעם מיט חברי הנהלת חבורת זכרו, עס האט זיך פארמירט א שמועס איבער די גזירות ורדיפות הדת בארה״ק און איבער זיינע פעולת ארויסצוהעלפן אב״י,
דער רבי האט געטרינקען לחיים און ווארעם אנגעוואונטשען און זיך באדאנקט פאר זיינע גרויסע נדבות לטובת חבורת זכרו און פאר די קופת הצדקה פון הרבנית הצדיקת תליט״א.

שב״ק פרשת דברים - חזון בצל הקודש אין מחנה דברי יואל

אום 8:35 איז דער רבי אריינגעקומען אין ביהמ''ד היכל דברי יואל צו תפילת מנחה און איז צוגעגאנגן צום עמוד,
קבלת שבת: הרה״ג ר׳ נפתלי חיים שטיינווארצל שליט״א ר״מ בישיבה.

נאכן דאווענען איז מען אריבער גוט שבת זאגן און די געסט האבן שלום גענומען,
דערנאך איז דער רבי אריין בחדרי הפרטי שע''י הביהמ''ד און געזאגט די זוהר לליל שבת קודש,
נאך א קורצע הפסקה איז דער רבי אריינגעקומען אין גרויסן היכל אהל אלטא פיגא צום שלחן הטהור און סעודת שב''ק אינאיינעם מיט די תלמידי הישיבה און די געסט,

דער רבי האט אנגעהויבן שלום עליכם, מיט אשת חיל האט דער רבי מכבד געוועהן נכדו הבה״ח נתן נטע בן הגה״צ אב״ד ור״מ ירושלים - קרית יואל שליט״א.
הגבהת הכוס צו קידוש חדב״ן הגה״צ ר׳ יואל שמעון פריעדמאן שליט״א.
מיט די זמירות שבת האט דער רבי מכבד געווען די מנגנים,

ביי די תורה האט זיך דער רבי געשטעלט אויף די פסוקי הפרשה און ארומגערעדט אז די שבתים אין די 3 וואכן האט א גרעסערע כח ווי במשכ׳ן יאר.

מיטן בענטשן האט די רבי מכבד געוועהן הגה״צ אב״ד טשאטה - ק״י שליט״א.
נאכן טיש האט מען אהיים באגלייט דעם רבי'ן לביתו נאוה קודש, אויפן וועג האט דער רבי איבערגעשמועסט די תורה.

יום שבת קודש

אום 9:30 איז דער רבי אריינגעקומען צו תפילת שחרית
פסוקי דזמרה: הבה״ח ישעי ב״ר הערשל קויפמאן הי״ו.
צו שחרית איז צוגעגאנגען הגה״צ אב״ד טשאטה שליט״א.

ביי קריאת התורה איז נתכבד געווארן
הוצאה והכנסה: מו״ה יצחק זאב מאיער הי״ו.
כהן: הרב אברהם יצחק קאהן שליט״א נכד רבינו.
לוי: הרה״ג ר׳ יושע הערש פריעדמאן שליט״א ר״מ בישיבה.
שלישי: הגה״צ אב״ד טשאטה שליט״א.
רביעי: חדב״ן הגה״צ ר׳ אלעזר טייטלבוים שליט״א.
חמישי: הרה״ח ר׳ אליעז מאיר לעפקאוויטש הי״ו.
דער רבי האט עולה געווען שישי
שביעי: מו״ה שלמה בלומענפעלד הי״ו.
אחרון: הבה״ח יושע ב״ר יואל קארפען הי״ו.
מפטיר-חזון: הרה״ג ר׳ בנימין זאב הערשקאוויטש שליט״א ר״מ בישיבה.
הגבה: הרה״ג ר׳ יצחק יואל לאנדא שליט״א.
גלילה: נכד רבינו הב׳ דוד בן הגה״צ ר׳ אלעזר טייטלבוים שליט״א.
צו תפילת מוסף איז צוגעגאנגען הרה״ג ר׳ בנימין זאב הערשקאוויטש שליט״א.
פתיחה לאנעים זמירות:הבה״ח ישראל דוד ב״ר רפאל עקשטיין הי״ו.

מען האט פארענדיגט ארום 12:45, און מען איז אדורך גוט שבת זאגן.

ארום 1:15 רבינו שליט״א אריינגעקומען צום בייטאג טיש בביתו נאוה קודש.


מנחה ושל״ס

אום 8:35 איז דער רבי אריינגעקומען צו תפילת מנחה בעל תפילה איז געווען הרה״ג ר׳ ירוחם זאב דייטש שליט״א מנה״ר בישיבה.
ביי קריאת התורה איז נתכבד געווארן
פתיחה: הב׳ לוי יצחק ב״ר הערשל פעקעטע הי״ו.
כהן: הבה״ח אברהם ב״ר יואל כ״ץ הי״ו.
לוי: הבה״ח רפאל ב״ר יצחק אהרן שטערנפעלד הי״ו.
שלישי: הרב אהרן בר״א טייטלבוים שליט״א נכד רבינו.
דער רבי איז געגאנגען הגבה
גלילה: הב׳ זושא ב״ר אליעזר פריעד הי״ו.

דער רבי האט זיך געוואשן צו של״ס און פארגעזינגען די זמירות
אודה: הרה״ח ר׳ משה שמואל זופניק הי״ו נדיב המחנה.
שיר המעלות: הרה״ח ר׳ וואלף לעפקאוויטש הי״ו פון קרית יואל.
דער רבי האט געזאגט תורה.

ידיד נפש: הרה״ג ר׳ יעקב נחמן שטויבער שליט״א מנה״ר בישיבה.

נאך א קורצע הפסקה איז דער רבי אריינגעקומען צו תפילת מעריב, בעל תפילה איז געווען הרה״ג ר׳ בנימין זאב הערשקאוויטש שליט״א.
נאך מעריב איז מען אדורך זאגן א גוטע וואך, דערנאך האט דער רבי געמאכט הבדלה און געזאגט ויתן לך.


~~

[בצל התומר]

בצל התומר
סאטמאר מהר״יי

זונטאג, מאנטאג און דינסטאג פרשת ואתחנן בצל הקודש אין מחנה דברי יואל

► Show Spoiler

זונטאג פרשת ואתחנן בצל הקודש

פארן דאווענען האט דער רבי געלייגט תפילין פאר הבחור הבר מצוה
בן הרה״ח ר׳ חיים צבי וויינבערגער הי״ו.

אום 9:15 איז דער רבי אריינגעקומען צו תפילת שחרית אין ביהמ״ד, בעל תפילה איז געווען הב׳ אהרן וואלף גלויבער ני״ו.


נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

זמני כניסה בביתו נאוה קודש איז געווען פון 5:00 אזייגער ביז ארום 6:15 נאכמיטאג.
אום 6:25 איז דער רבי אריינגעקומען אין ביהמ״ד צו תפילת מנחה, בעל תפילה איז געווען הרה״ג ר׳ דוד יואל בלום שליט״א ר״מ בישיבה.

ביים זמן ר״ת איז דער רבי אריינגעקומען צו תפילת מעריב, בעל תפילה איז געווען הבה״ח יואל ברוך מארקאוויטש ני״ו,
נאך מעריב האט דער רבי ממשיך געווען אויפצונעמען דעם ציבור ביז ארום 10:45 אויפדערנאכט.



מאנטאג פרשת ואתחנן בצל הקודש

אום 8:30 איז דער רבי אריינגעקומען צו תפילת שחרית אין ביהמ״ד,
בעל תפילה: הב׳ ישראל איסר גרינפעלד ני״ו.

ביי קריאת התורה זענען נתכבד געווארן
כהן: הב׳ גדלי׳ כ״ץ ני״ו.
לוי: הב׳ הערשל יונגרייז ני״ו.
שלישי: הב׳ ישראל דוד עקשטיין ני״ו.
דער רבי איז געגאנגען הגבה.
גלילה: הב׳ גבריאל יודא אילאוויטש ני״ו.


אום 7:10 איז דער רבי אריינגעקומען צו תפילת מנחה בבית נאוה קודש בעל תפילה איז געווען הב׳ חיים זאפיר ני״ו.


אום 9:20 איז רבינו שליט״א אריינגעקומען צו תפילת מעריב אין ביהמ״ד, בעל תפילה איז געווען הב׳ אלימלך בנציון מארקאוויטש ני״ו.
נאך מעריב האט דער רבי געזאגט מגילת איכה וקינות לליל תשעה באב בבכיות עצומות, עס האט פארגעזאגט הרה''ג ר׳ נפתלי בלומענפעלד שליט״א מנהל הישיבה, מען האט געענדיגט ארום 10:40.



דינסטאג פרשת ואתחנן - תשעה באב בצל הקודש


אום 8:30 איז דער רבי אריינגעקומען צו תפילת שחרית אין ביהמ״ד,
בעל תפילה: הב׳ אלעזר שמואל הויער ני״ו.

ביי קריאת התורה זענען נתכבד געווארן
כהן: הב׳ אהרן שמואל גליק ני״ו.
לוי: הרה״ג ר׳ משה ראובן איצקאוויטש שליט״א ר״מ בישיבה.
דער רבי האט עולה געווען שלישי.
הגבה: הרה״ג ר׳ יואל פעלדמאן שליט״א מנה״ר בישיבה.
גלילה: הב׳ יעקב כ״ץ ני״ו.
דערנאך האט דער רבי געזאגט די הפטורה וברכותי',
נאכן ליינען האט דער רבי געזאגט די קינות ליום תשעה באב, עס האט פארגעזאגט הרה''ג ר' נפתלי בלומענפעלד שליט״א מנהל הישיבה,
מען האט געענדיגט ארום 1:15.

אום 6:25 איז דער רבי אריינגעקומען צו תפילת מנחה אין ביהמ״ד,
פארן דאווענען איז פארגעקומען די ברית לבן הנולד אצל הרה״ח העסקן ר׳ ישראל בער רייזמאן הי״ו ווי דער רבי איז מכובד געווארן מיט סנדקאות וקריאת השם.

דער רבי האט געלייגט תפילין אין ביהמ"ד און געזאגט די ד' פרשיות וקרי״ש, אום דערנאך געדאווענט מנחה,
בעל תפילה איז געווען הב׳ יודל הוראוויץ ני״ו.

ביי קריאת התורה זענען נתכבד געווארן
כהן: הב׳ גדלי כ״ץ ני״ו.
לוי: הרה״ח ר׳ ישראל בער רייזמאן הי״ו.
דער רבי האט עולה געווען שלישי-מפטיר.
הגבה: הגה״צ ר׳ יואל שליט״א.
גלילה: הב׳ ארי׳ האלבערשטאם ני״ו.
דערנאך האט דער רבי געזאגט די הפטורה וברכותי',
נאך מנחה האט דער רבי אנגעטוהן תפילין דר"ת בחדרו הפרטי.

ביים זמן רבינו תם איז דער רבי אריינגעקומען אין ביהמ''ד צו תפילת מעריב, בעל תפילה איז געווען הרה״ג ר׳ בנימין זאב הערשקאוויטש שליט״א.
נאך א קורצע הפסקה איז דער רבי געגאנגען אין מקוה און ארויסגעקומען צו קידוש לבנה פארענט פון ביתו נאוה קודש.


ארום 11:15 איז רבינו שליט״א אנגעקומען קיין וואודרידש אין די המספיק רעזארט זאל צום סעודת ברית לבן הנולד אצל העסקן ר׳ ישראל בער רייזמאן הי״ו,
דער רבי האט טועם געווען פון די מזונות, געטרינקען לחיים און ווארעם אנגעוואונטשען פאר דער בעל שמחה און די בני המשפחה.
דערנאך איז דער רבי צוריק אהיים למעון קדשו אין מחנה דברי יואל.

~~

[בצל התומר]

בצל התומר
סאטמאר מהר״יי

מיטוואך און דאנערשטאג פרשת ואתחנן בצל הקודש אין מחנה דברי יואל

► Show Spoiler

מיטוואך פרשת ואתחנן בצל הקודש

אינדערפרי ארום 9:15 איז רבינו שליט״א אנגעקומען אין מחנה רב טוב - בחורים קעמפ ווי דער רבי האט געדאווענט שחרית אינאיינעם מיט די תלמידי הת״ת פון כתה ז׳ ח׳ ט׳ סניף הרה״ג ר׳ יעקב הערמאן שליט״א, לרגל די שמחת הנחת תפילין פאר נכדו הבחור הבר מצוה דוד בן חדב״ן הגה״צ ר׳ אלעזר טייטלבוים שליט״א,
אזוי אויך האט דער רבי געלייגט תפילין פאר הבחור הבר מצוה בן הרה״ח ר׳ גדלי טעסלער הי״ו פון ק״י.
בעל תפילה: הב׳ אלימלך בן חדב״ן הגה״צ ר׳ אלתר גלאנץ שליט״א.


נאכן דאווענען איז פארגעקומען א מסיבת לחיים, מען האט געזינגען עטליכע ניגונים, עס האט אויפגעטרעטן דער מנהל הרה״ג ר׳ יעקב שליט״א און מקבל פנים געווען רבינו שליט״א, דער רבי האט געטרינקען לחיים און געוואונטשן ברכות קדשו פארן בר מצוה בחור און פאר אלע תלמידים, דערנאך האט דער רבי משמיע געווען דברות קודש והדרכה פאר די תלמידים און ארומגערעדט בעניני קדושת תפילין ולימוד התורה און אויסגעפירט בברכות לרוב.
מען האט געענדיגט ארום 11:45.

אויפן וועג אהיים קיין מחנה דברי יואל האט זיך דער רבי אפגעשטעלט אין מחנה ישיבה קטנה סניף הרה״ג ר׳ יואל יאקאבאוויטש שליט״א ווי עס איז פארגעקומען די ברית מילה לבן הנולד אצל הרה״ג ר׳ יעקב יושע ווייס שליט״א ר״מ בישיבה, ווי דער רבי איז מכובד געווארן מיט סנדקאות וקריאת השם,
נאכן ברית האט דער רבי געטרינקען לחיים און אנגעוואונטשן די בעל שמחה אין די זיידעס.

אין די פארמיטאג שעות איז פארגעקומען בקו״פ די שמחת החאלאקע פון נכדי רבינו שליט״א אייניקלעך פון הגה״צ אב״ד סיגוט שליט״א, הילד בן חתנו הרב יעקב שרגא מייזליש שליט״א, און הילד בן חתנו הרב אברהם שלום פנחס ראטענבערג שליט״א,
דער רבי האט אפגעשניטן עטליכע האר און אנגעטוען די קאפל און ציצית, געטרינקען לחיים און ווארעם אנגעוואונטשען ברכת קדשו פאר די בעלי שמחה און די זיידעס,
דערנאך איז דער רבי אריבער אין ת״ת שע״י מחנה נחלת יעקב אין כתה פון הר״ר סנדר היימליך שליט״א ווי די קינדער האבן געלעקט די האניג און געזאגט די א׳ ב׳ כנהוג.


זמני כניסה בביתו נאוה קודש איז געווען פון 5:00 אזייגער ביז ארום 6:15 נאכמיטאג.
אום 6:25 איז דער רבי אריינגעקומען אין ביהמ״ד צו תפילת מנחה, בעל תפילה איז געווען הרה״ג ר׳ דוד יואל בלום שליט״א ר״מ בישיבה.

״קול רנה וישועה באהלי צדיקים״

ארום 10:30 איז רבינו שליט״א אנגעקומען קיין וואודרידש אין די המספיק רעזארט זאלן צום שמחת הבר מצוה לנכדו הבחור הרב דוד בן חדב״ן הגה״צ ר׳ אלעזר טייטלבוים שליט״א.
דער רבי האט זיך געוואשן צום סעודה, נאך די פיש האט דער רבי געוואונטשען לחיים פארן גאנצן ציבור, און משמיע געווען קורצע דברות קודש,
דער ציבור איז אדורך וואונטשען לחיים און דער בר מצוה בחור האט געזאגט די פשעטיל, און דערנאך האט הגה״צ אב״ד בית אהרן שליט״א און הגה״צ ר׳ אלעזר שליט״א אויפגעטרעטן לכבוד די שמחה, מיטן בענטשן האט דער רבי מכבד געווען דער בר מצוה בחור,
נאכ׳ן בענטשן האט דער רבי געדאווענט מעריב אין זאל, בעל תפילה איז געווען הרב דוד האלבערשטאם שליט״א,
מען האט געענדיגט אום 11:45 און דער רבי איז צוריק אהיים לביתו נאוה קודש.


דאנערשטאג פרשת ואתחנן בצל הקודש

אינדערפרי איז רבינו שליט״א אנגעקומען אין מחנה כונת הלב ווי עס האלט זיך אויף די תלמידי הישיבה קטנה בהנהלת הרה״ג ר׳ יואל אשכנזי שליט״א, ווי דער רבי האט געדאווענט תפילת שחרית אינאיינעם מיט די תלמידי הישיבה,

אום 8:45 איז דער רבי אריינגעקומען צו תפילת שחרית, בעל תפילה איז געווען הרה״ג ר׳ משה ארי ווייס שליט״א.

ביי קריאת התורה זענען נתכבד געווארן
פתיחה: הרה״ג ר׳ עזריאל הערמאן שליט״א ר״מ בישיבה.
כהן: הגה״צ אב״ד פריימאן שליט״א.
לוי: הב׳ משה ב״ר יואל טירנוער הי״ו.
דער רבי האט עולה געווען שלישי.
הגבה: הרה״ג ר׳ יואל אשכנזי שליט״א מנהל הישיבה.
גלילה: הב׳ משה בן הגה״צ אב״ד ור״מ ירושלים - קרית יואל שליט״א.

נאכ׳ן דאווענען איז פארגעקומען א מסיבת לחיים, עס האט אויפגעטרעטן דער מנהל הרה״ג ר׳ יואל שליט״א און מקבל פנים געווען דעם רבי׳ן,
מען האט געזינגען עטליכע ניגונים און דער רבי האט געטרינקען לחיים און ווארעם אנגעוואונטשען פאר די הנהלת ורמ״י הישיבה און די תלמידים.
דערנאך האט דער רבי משמיע געווען לענגערע דברות קודש ודברי הדרכה ווי דער רבי האט ארומגערעדט בשבח הישיבה און ארומגערעדט אז די נחמה וואס די אויבערשטער האט געגעבן פאר אידישע קינדער איז די תורה הק׳ און לערנען די תורה גיבט חיזוק אויף עבודת השם, און מסיים געווען בברכת קדשו.
נאך די דב״ק זענען אלע תלמידים אריבער נעמען שריים, מען האט געענדיגט ארום 11:15.

דערנאך איז דער רבי אריבער אויף א באזוך ביי הגה״צ אב״ד כונת הלב שליט״א,
עס האט זיך פארצויגן א שיינע שמועס בדברי תורה וסיפורי צדיקים און דער רב שליט״א האט איבערגעגעבן א גריס פון די תלמידי הישיבה ווי ער פארהערט די לימודים, דער רבי האט געטרינקען לחיים און ווארעם אנגעוואונטשען ברכת קדשו.

דערנאך איז דער רבי אריבער אויף א באזוך ביי הרה״ג ר׳ יחזקאל מייזעלס שליט״א רב ביהמ״ד משנת יחזקאל ב״פ, עס האט זיך פארצויגן א שיינע שמועס איבער די קשר פון אביו הגה״צ ר׳ נתן יוסף מייזעלס ז״ל צו רביה״ק זי״ע, דער רבי געטרינקען לחיים און אנגעוואונטשן ברכת קדשו.

זמני כניסה בביתו נאוה קודש איז געווען פון 5:15 ביז 6:15 נאכמיטאג.
בעת די זמני כניסה איז אריין בקו״פ הרה״ח ר׳ יושע לעפקאוויטש הי״ו, ווי עס איז פארגעקומען די כתיבת האותיות אויפן ספר תורה וואס ווערט געשריבן דורך ר׳ יושע הי״ו,
דער רבי האט אריינגעשריבן עטליכע אויתיות, דערנאך געטרינקען לחיים און ווארעם אנגעוואונטשען פאר ר׳ יושע הי״ו און די בני המשפחה.
אזוי אויך איז האט באזוכט ביי רבינו שליט"א ברוקלין בארא פרעזידענט, ער איז געקומען מקבל זיין ברכת הקודש אינאיינעם מיט הרה"ח העסקן ר' משה דוד נידערמאן הי"ו מען האט ארומגערעדט איבער פארשידענע דברים העומדים על הפרק, דער רבי האט זיך באדאנקט פאר זיין שטענדיגע הילף לטובת קהלתינו ומוסדותינו הק׳ און ווארעם אנגעוואונטשן ברכת קדשו.

אום 6:25 איז דער רבי אריינגעקומען צו תפילת מנחה אין ביהמ״ד, בעל תפילה איז געווען הב׳ אלימלך בנציון מארקאוויטש ני״ו.

ארום 9:45 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הב׳ מרדכי יודא דייטש ני״ו,
נאך מעריב האט דער רבי ממשיך געווען אויפצונעמען דעם ציבור ביז ארום 10:45 אויפדערנאכט.


~~

[שאינו יודע לשאול]

בחצרות
בָּנֹה בָנִיתִי בֵּית זְבוּ"ל, שָׂשׂוֹן וְשִׂמְחָה יִמָּצֵא בָהּ! מיט אויסטערלישע פריידיגע געפילן האבן חסידי זוועהיל אויפגענומען די בשורה טובה ומרנינה איבער די שמחה בבית צדיקים, די שידוך שליסן פון כ"ק אדמו"ר מזעווהיל שליט"א פון אמעריקא, וועלכער איז אין א מזל'דיגע שעה א חתן געווארן שטייענדיג ארום צוויי יאר נאך פטירת רעיתו, בת כק אדמור מסקווירא שליטא, מיט די הכלה החשובה שתחי' טאכטער פון הגה"צ רבי לייבוש ראבינאוויטש שליט"א אבד"ק שערי מרדכי אין מאנטשעסטער בנו בכורו פון כק אדמור מביאלע זצ"ל, איידעם ביי הרה"ג ר' אלי' שטערנבוך זצ"ל ראבד מאנטשעסטער.

[שאינו יודע לשאול]

הגה"צ רבי יעקב מאיר שעכטער רעכט אפ מיט מנין מקובלים "פדיון הרש"ש" לרפואת האד' מסקולען

unnamed (48).png (439.25 KiB) געזען געווארן 959 מאל

[Joel]

כ"ק מרן פוסק הדור גאב"ד ירושלים מרא דארעא קדישא שליט”א בתפילת שחרית ובמסירת שיעור לבני ישיבות במעונו

[שאינו יודע לשאול]

מוצאי שבת נחמו אין חצר הקודש סקולען ירושלים

unnamed - 2024-08-19T100431.148.jpg (133.64 KiB) געזען געווארן 733 מאל

unnamed - 2024-08-19T100433.293.jpg (115.92 KiB) געזען געווארן 733 מאל