באריכטן און בילדער פון אלע חצרות הקודש

[שאינו יודע לשאול]

הגה"צ רבי אלימלך בידערמאן ביי שילוח הקן.

unnamed - 2024-08-02T124958.792.jpg (46.43 KiB) געזען געווארן 859 מאל

יארצייט פון הרה"ק משטעפינעשט זי"ע.

unnamed - 2024-08-02T125011.402.jpg (80.94 KiB) געזען געווארן 859 מאל

[מיילעך פריילעך]

אידישע נייעס | האדמו"ר ממעזיבוז באזוכט ביי האדמו"ר מפיטסבורג.

[מיילעך פריילעך]

IMG_20240804_021656_765.jpg (123.82 KiB) געזען געווארן 741 מאל

[מיילעך פריילעך]

אידישע נייעס | עורי נא התעוררי נא, לבקש רחמים:

אין ליכט פון די שווערע מצב הבריאות ביי כ"ק אדמו"ר מסקולען שליט"א, וועלכער האט זיך דערווייל ליידער נישט פארבעסערט, און דער רבי איז אנגעוויזן אויף רחמי שמים, איז פאררופן געווארן אויף היינט זונטאג ערב ראש חודש מנחם אב, אלס א יום תפילה ותחנונים אלוועלטליך, אין וואס אידישע קינדער וועלן זיך צוזאמקומען און איינרייסן וועלטן פארן רבינ'ס געזונט, אין די סקולענער בתי מדרשים אין בארא פארק און וויליאמסבורג, און אזוי אויך ביים ציון הק' פון אדמור"י בית סקולען, וועט מען אויסזאגן גאנץ ספר תהלים און תפילת יום כיפור קטן ברוב עם, אזוי אויך אין אלע אנדערע סקולענער צענטערן איבער די וועלט, און אין נאך פילע בתי מדרשים און מוסדות התורה, וועט מען זאגן פרקי תהלים און מעורר זיין רחמי שמים, לרפואת כ"ק מרן רבי ישעי' יעקב בן רייזל לרפואה שלימה. והן קל כביר לא ימאס תפילת רבים.

הוא הודה הוא זיוה הוא הדרה:
כ"ק אדמו"ר מסאטמאר שליט"א וועלכער איז צוגאסט אויף א נסיעה צו די מקומות הקדושים אין אייראפע, לכבוד די יומא דהילולא קדישא פון הרה"ק בעל ישמח משה זי"ע וואס איז אויסגעפאלן דעם שבת, וועט היינט אינדערפרי אנקומען צום שטאט אוהעל אין אונגארן, און דאווענען שחרית אינעם בנין ביהמ"ד נעבן די ציון הק'. נאכן דאווענען וועט פארקומען א מסיבת לחיים און מעמד בקשת רחמים אין א גרויסע שאטער דערנעבן, און דערנאך וועט פארקומען די מעמד עלי' לציון בהתעוררות רב. שפעטער נאכמיטאג וועט דער רבי פארזעצן די נסיעה צום שטאט צאנז אין פוילין, מתפלל צו זיין ביים ציון הק' פון הרה"ק בעל דברי חיים מצאנז זי"ע.

כ"ק אדמו"ר מתולדות אברהם יצחק שליט"א לאזט זיך היינט ארויס קיין אמעריקע, אויף א לענגערע מסע הקודש אויפצוטרייבן גרעסערע סכומים לטובת די נייע ביהמ"ד הגדול דחסידי תולדות אברהם יצחק בעיר הקודש ירושלים.

הילולא קדישא:
היינט ערב ראש חודש אב געפאלט די ערשטע יארצייט פון כ"ק אדמו"ר משאץ זצ"ל פון וויליאמסבורג, בנו יחידו ממלא מקומו כ"ק אדמו"ר משאץ שליט"א וועט ארויפגיין צום ציון הק' אויפן בית החיים אין מאנסי היינט נאכמיטאג, און שפעטער פארנאכטס אפרעכטן די יארצייט טיש בבית מדרשו אין מאנסי.

ככלות השלושים צו די פטירה פון הגה"צ ר' שמעי' גרינבוים זצ"ל בעל סייעתא דשמיא, קומט היינט פאר די צענטראלע סעודת שלושים אין זאל פון כינור דוד אין קרית יואל, נאכן מעמד עלי' לציון אויפן בית החיים אין קרית יואל.

שמחות בחצרות הקודש:
היינט קומט פאר די שמחת פדיון הבן פון א אור אייניקל ביי כ"ק אדמו"ר ממאחנובקא בעלזא שליט"א, אייניקל פון זיין זון הגה"צ ר' אהרן רוקח שליט"א, איידעם ביי הגה"צ גאב"ד ראצפערט בראזיל שליט"א, בן הנולד ביי זיין זון הרב ישכר דוב רוקח שליט"א, איידעם ביי הגה"צ ר' ישראל צבי לעמבערגער שליט"א, זון פון הגה"צ אבד"ק מאקאווא אשדוד שליט"א, און איידעם ביי הגה"צ אבד"ק סערט וויזניץ ירושלים שליט"א. - די שמחה קומט פאר אין מאקאווא ביהמ"ד אין אשדוד.

[מיילעך פריילעך]

אידישע נייעס | אייגנארטיגע מעמד נתינת ראשית הגז במעונו פון האדמו"ר מפינסק קארלין; מנת כהונה פארטיילט פאר תומכי המוסדות:

אן אייגנארטיגער מעמד נתינת ראשית הגז איז פארגעקומען בביתו נאווה קודש פון האדמו"ר מפינסק קארלין מיט די השתתפות פון די זקני החסידים ווען הרה"ח ר' ישראל אשר וואלעס די אייגנטומער פונעם בארימטן 'ציצית וואלעס' פאבריק האט איבערגעגעבן די ראשית הגז פארן כהן הגדול מאחיו די רבי שליט"א, מיט וואס מען וועט פאברעצירן א פאר ציצית וואס די רבי שליט"א וועט שענקען אלס א מתנת קודש פאר די נדיבי בעם חסידי פינסק קארלין וועלעכע וועלן ביישטייערן סכומים הגונים פארן עקזיסטענץ פון די מוסדות הקדושים פינסק קארלין בארץ הקודש.

[הקוראים]

וואודריזש
בחסדי השם קומט רבינו שליט"א צירוק צו די כוחות און די שבת איז שוין רבינו שליט"א געווען בכח אריינצוקומען אלע תפילות בבית המדרש,
און טראץ חולשת גופו הטהור זיך איבערגעשטערענגט און געפראוועט רעוא דרעוין של"ס כרגיל באש קודש.
בילד: ביים אריבערגיין וואנטשען א גוט וואך
אנ"ש זענען ווייטער מתפלל פאר א פולע ערהוילונג: כ"ק מרן יצחק בן ברכה לרפו"ש

[מיילעך פריילעך]

באריכט 'בצל הקודש' - סאטמאר מהר"א
פרשת פנחס

► Show Spoiler

זונטאג פרשת פנחס
מרן רבינו שליט"א האט געדאווענט תפלת שחרית אין ישיבה גדולה – סניף קדושת יואל. פאר'ן דאווענען האט דער רבי שליט"א תפילין געלייגט פאר חתני הבר מצוה הב' בן מו"ה ר' יחיאל יאיר ניימאן הי"ו, הב' בן מו"ה ר' חיים צבי ברא"י ווייס הי"ו, הב' בן מו"ה ר' יושע גאנז הי"ו, הב' בן מו"ה ר' מנחם מענדל סאמעט הי"ו, און הב' בן מו"ה ר' יואל ברש"ז פאלאטשעק הי"ו.
נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ב פסוק א'. דערנאך איז פארגעקומען א לחיים מיט די בר מצוה בחורים בהיכל הביהמ"ד לרגל די הילולא קדישא פונעם אור החיים הקדוש זיע''א, דער רבי האט געמאכט א לחיים און משמיע געווען סיפורי קודש א לענגערע צייט.
אין די פארמיטאג שעה'ן איז פארגעקומען א לענגערע אסיפה בביתו נאוה קודש מיט'ן וועד וואס דער רבי האט ממנה געווען צו טרעפן לעזונגען פאר די טייערע דירות פרייזן אין קרית יואל, די אסיפה איז פארגעקומען נאך העפטיגע באראטונגען און אסיפות ווי די געטרייע חברי הוועד האבן מטכס עצה געוועהן איבער פילצאליגע אפציעס אויפצוקומען מיט פארשידענע מהלכים צו אראפצוברענגן די פרייזן פון דירות אין קרית יואל. דערביי זענען אנוועזנד געווען די חברי הוועד ה"ה הרה"ח ר' יואל בערנאטה הי"ו, הרה"ח ר' ישעי' ווערצבערגער הי"ו, הרה"ח ר' חיים שלמה קרויס הי"ו, אזוי אויך איז אנוועזנד געווען דער ווילידזש אדמיניסטראטער הרה"ח ר' גדלי' סעגעדין הי"ו, און העסקן הרה"ח ר' אברהם יושע גלאנץ הי"ו.
דער רבי האט אויסגעשמועסט מיט די עסקנים א לענגערע צייט אלע פראבלעמען אין וואס זיי שטויסן זיך אהן אין זייער מיסיע, און דערביי האבן זיי פארגעלייגט אלע אפציעס און לעזונגען מיט פאקטישע פארשריט אין די נושא פון פארהאנדלען מיט די דעוועלאפערס צו האלט די פרייזן סטאביל, דער רבי האט זיי ווארעם מאציל געווען מברכת קדשו.
אין די מיטאג שעה'ן האט מרן רבינו שליט"א דורך א הוק-אפ משמיע געווען א שיעור אין די סוגיא פון 'אין שליח לדבר עבירה' פאר תלמידי ישיבתינו הק' אין בני ברק, וואס זיי לערנען יעצט, און מסיים געווען מיט קורצע דברי הדרכה און ברכת קדשו.
פארנאכטס האט מרן רבינו שליט"א מסדר קידושין געווען ביים חופה פון המחותני הרה"ח ר' יואל בר"א קויפמאן הי"ו, און הרה"ח ר' אברהם שמואל בראך הי"ו ביים זאל פון כינור דוד.
ארום 7:30 אין אווענט איז דער רבי שליט"א אנגעקומען צו די מעמד קביעות מזוזה וחנוכת הבית פונעם 27'טען ביהמ''ד דק''ק קרית יואל יצ''ו ביהמ"ד החדש 'אמרי נועם' אויף די דזשיקוב גאס בשכונת דברי יואל.
דער רבי האט קובע געווען א מזוזה, און דערנאך אריין אין ביהמ"ד און זיך אומגעקוקט אויפן גאנצן היכל, דאן איז פארגעקומען א מסיבת לחיים ווי עס האט אויפגעטרעטן הרה"ח ר' דוד עקשטיין הי"ו מראה"ק, מען האט געזינגען עטליכע ניגונים, דער רבי האט געמאכט א לחיים און ווארעם אנגעוואונטשן פאר'ן דומ"ץ הביהמ"ד הרה"ג ר' ישראל בער שטיין שליט"א, און פאר הרה"ח ר' גדלי' סעגעדין הי"ו וועלכע האט אסאך ארויסגעהאלפן צום אויפבוי פון ביהמ"ד, און פארן גאנצן ציבור.
דערנאך משמיע געווען דברות קודש איבער די חשיבות פון געבן די נעמען פון די גאסן נאך שטעט פון די אלטע היים וואס איז מעורר די זכות פון די צדיקים וואס האבן געוואוינט דארט, סיי די נאמען 'דזשיקוב' און סיי די נאמען פונעם ביהמ"ד 'אמרי נועם' וואס איז מעורר די גרויסע צדיקים לבית דזשיקוב, און אזוי אויך די נאמען פון די שכונה 'דברי יואל' לשמו ולזכרו פון מרן רביה"ק זיע''א, וואס וועט אוודאי מעורר זיין אז די מתפללי הביהמ"ד און די תושבי השכונה זאלן זיך פירן ווי עס פאסט בתורה עבודה וגמילות חסדים, און ארומגערעדט בשבח פונעם חשוב'ן דומ"ץ הביהמ"ד וואס מען האט אויפגענומען וואס שמו הולך לפניו, און געוואונטשן הצלחה בכל ענינים ושלא יצא שום מכשול מתחת ידיו, און מסיים געווען בברכת קדשו.
דערנאך האט זיך פארמירט א שיינע שמועס מיט די אנוועזנדע רבנים שליט"א און דער רבי האט ממשיך געווען מיט סיפורי קודש פון הרה''ק האמרי נועם מ'דזיקוב זיע''א. מען האט געענדיגט ארום 8:00.
זמני כניסה בקו''פ איז געווען פון 8:05 ביז 12:50 אויפדערנאכט, בביתו נאוה קודש אויף איהעל קט.
ארום 9:15 האט דער רבי געדאווענט מנחה בביתו נאוה קודש.
באולם שעל יד ביתו נאוה קודש איז פארגעקומען די ווארט-תנאים פון המחותנים הרה"ח ר' יעקב יחזקי' מארקאוויטש הי"ו פון מאנסי, און הרה"ג ר' חיים משה לעוו שליט"א מראה"כ אין ב"פ, און פון המחותנים הרה"ח ר' יוסף יואל לעווי הי"ו, און הרה"ח ר' יעקב ברי"מ פריעדמאן הי"ו, וואו מרן רבינו שליט"א האט געליינט די תנאים.
בעת די זמני כניסה איז אריין אל הקו''פ הגאון הגדול דומ"ץ קרית יואל שליט"א זיך געזעגענען לקראת דער רבי'נס אפרייזן לעיר הנופש אין ניו העמפשיר, און דערביי האט דער דיין שליט"א געגעבן א קוויטל און זיך מזכיר געווען, און געבעטן דער רבי זאל אים אינזין האבן ביים נסיעה לעיר האבות סיגוט און ביים ציון פון הגה''ק הישמח משה זיע''א ביומא דהילולא קדישא.
אזוי אויך זענען מערערע נכבדים מראשי הקהלה אריין אל קו"פ, זיך געזעגענען און איבערגעבן א קוויטל וואס דער רבי זאל מיטנעמען על ציון קדשם פון די צדיקים בעיר סיגוט איהעל און צאנז, להפקד בדבר ישועה ורחמים.
אויך איז בקו"פ פארגעקומען א מסיבת לחיים לרגל די שמחת החתונה פון הכלה בת הרה"צ ר' ישראל שמעון מאיר לייפער שליט"א מטעמעשוואר קרית יואל, עב"ג החתן בן הרה"צ ר' יצחק דוד טווערסקי שליט"א אדמו"ר מטריסק טאלנא בן האדמו"ר מטריסק לאנדאן שליט"א, ווי עס האט זיך פארצויגן א שיינע שמועס איבער סיפורים פון די צדיקים לבית טריסק, דער רבי האט געמאכט א לחיים און מאציל געווען מברכות קדשו פאר די מחותנים און זיידעס שליט''א.
דער רבי האט געדאווענט מעריב ארום 12:50.

מאנטאג פרשת פנחס
פאר'ן דאווענען איז אין ביהמ"ד הגדול פארגעקומען די ברית מילה לבן הנולד למז"ט למו"ה ר' יעקב בר"ב גלאנץ הי"ו, וואו מרן רבינו שליט"א איז געווען סנדק און מוהל.
מרן רבינו שליט"א האט געדאווענט תפלת שחרית אין ישיבה גדולה – סניף דברי יואל. פארן דאווענען האט דער רבי שליט"א תפילין געלייגט פאר חתן הבר מצוה הב' בן מו"ה ר' יונה ווייס הי"ו.
נאכן דאווענען פארגעלערנט א שיעור סוגיא בשיעורי הישיבה אין מסכת בבא מציעא פרק המפקיד דף לו: אין די סוגיא פון 'שומר שמסר לשומר' און דערביי איבערגעלאזט א קשיא אין די סוגיא פאר די תלמידים, כנהוג איידערן אוועקפארן אויף מנוחת הנפש.
נאכ'ן שיעור איז פארגעקומען א לחיים מיט'ן בר מצוה בחור בחדרו הפרטי. און דערנאך האט מען ארויסבאגלייט רבינו שליט"א בשירה וזמרה מיט 'כי מלאכיו' לרגל דאס אפרייזן אויף מנוחת הנפש.
ארום 1:20 נאכמיטאג האט מרן רבינו שליט"א פארלאזט ביתו נאוה קודש, און דערביי איז דער אנוועזנדער ציבור אריבער זיך געזעגענען פון רבי'ן שליט"א.
בעפאר'ן פארלאזן קרית יואל האט זיך דער רבי אפגעשטעלט אין ביהמ"ד טאלטשאווא ווי דער רבי האט מנחם אבל געווען הגה"צ רבי העניך מרדכי מייזליש שליט"א אב"ד טאלטשאווע וועכלער איז געזיצן שבעה ל"ע ע"פ אחיו הרה"צ רבי מיכאל שלמה דוב מייזליש ז"ל רב דקהל חברה ש"ס לאנדאן.
פון דארט איז דער רבי געפארן צום סטוארט לופטפעלד און ארום 2:30 איז דער רבי בשטומ"צ ארויסגעפלויגן מיט א פריוואטע פליגער לעיר הנופש אין ניו העמפשיר וואו דער רבי וויילט די וואכן אויף אפרוה.
ארום 3:20 האט די פליגער געלאנדעט אינעם מאונט וואשינגטאן רידזשענעל לופטפעלד אין ווייטפיעלד ניו העמפשיר, וואו עס האבן אפגעווארט עטליכע אנ"ש און שלום גענומען. דער רבי איז תיכף צוגעפארן א קורצע וועג לביתו נאוה קודש אין בעטלעהעם ניו העמפשיר.
ארום 9:00 אזייגער איז דער רבי שליט"א אריינגעקומען צו תפילת מנחה אין ארטיגן ביהמ"ד, בעל תפילה ביי די תפילות חול אין דיטעג איז געווען חדב"ן הגה"צ רב דביהמ"ד ישמח משה שליט"א. צווישן מנחה און מעריב האט דער רבי עוסק געווען בלימודו. און ארום 9:40 האט מען געדאווענט מעריב. נאך מעריב איז דער ציבור אריבער שלום נעמען.

דינסטאג פרשת פנחס – שבעה עשר בתמוז
דער רבי איז אריינגעקומען צו תפילת שחרית ארום 8:40.
ביי קריאה"ת זענען נתכבד געווארן: מיט פתיחה: הרה"ח ר' ראובן יודא שימאן הי"ו (וומסב''ג), בעל קורא: ר' יוסף סימאן הי"ו (ק"י).
כהן: הרה"ח ר' ישעי' יצחק רובין הי"ו (וומסב''ג). לוי: הרה"ח ר' נחמן דוב העללער הי"ו (וומסב''ג). שלישי: רבינו שליט"א. הגבה: הרה"ח ר' מרדכי שבתי שימאן הי"ו (ב"פ). גלילה: הילד ב"ר ראובן יודא שימאן הי"ו.
נאכן דאווענען האט דער רבי אהיים שפאצירט לביתו נאוה קודש.
דער רבי איז אריין געקומען צו תפילת מנחה ארום 8:45, ביים אנקומען אין ביהמ"ד האט זיך דער רבי באגריסט מיט'ן לאנגיעריגע חברותא הגה"צ רבי יעקב אלי' אונסדארפער שליט"א אבד''ק ראשית חכמה מאנטרעאל און מיט הגה"צ רבי יוסף מענדל פאנעט שליט"א אדמו"ר מדעעש מיאמי-ב"פ.
ביי קריאה"ת זענען נתכבד געווארן: פתיחה: הגה"צ אבד''ק ראשית חכמה שליט"א. כהן: הרה"ח ר' נפתלי צבי לאנדא הי"ו (קרית טאהש). לוי: ר' מרדכי דוב בהרר"א גרובער שליט"א (וומסב''ג). שלישי - מפטיר: רבינו שליט"א. הגבה: האדמו"ר מדעעש שליט"א. גלילה: ר' ישכר בער דאווידאוויטש הי"ו (קי"י).
צווישן מנחה און מעריב האט דער רבי עוסק געווען בלימודו, און ביים זמן ר"ת ארום 9:35 האט מען געדאווענט מעריב.
נאך מעריב האט דער רבי אהיימשפאצירט לביתו נאוה קודש אינאיינעם מיט הגה"צ אבד''ק ראשית חכמה שליט"א און חדב"ן הגה"צ רב דביהמ"ד ישמח משה שליט"א, עס האט זיך פארמירט א שיינע שמועס איבער די יארצייט פון הגה"ק רבי משה דוד אשכנזי זצ"ל מטאלטשאווא וואס די יארצייט געפאלט יענעם אויפדערנאכט י"ח תמוז, און איבער זיין ספר 'תולדות אדם' וואס מרן רבינו שליט"א האט איבערגעדריקט און באקומען א שיינע הסכמה פון דודו מרן רביה"ק בעל דברי יואל זיע''א.
מיטוואך פרשת פנחס
דער רבי איז אריינגעקומען אין ביהמ''ד צו תפילת שחרית ארום 8:40. בעפאר'ן דאווענען האט דער רבי געצינדן 5 ליכט לרגל די יארצייט פון זקינו הגה"ק רבי משה דוד אשכנזי זצ"ל מ'טאלטשאווא.
נאכ'ן דאווענען איז פארגעקומען א מסיבת לחיים בהיכל הביהמ"ד לרגל די יארצייט, דער רבי האט געמאכט א לחיים און דערציילט סיפורי קודש פונעם בעל הילולא א לענגערע צייט.
דערנאך האט דער רבי אהיים שפאצירט לביתו נאוה קודש, אויפן וועג האט זיך פארמירט א שמועס איבער פארשידענע נעמען פון מטבעות בקורות הדורות.
צו תפילת מנחה איז דער רבי שליט"T אריינגעקומען ארום 8:50, צווישן מנחה און מעריב האט דער רבי עוסק געווען בלימודו. און ביים זמן ר"ת האט מען געדאווענט מעריב, נאך מעריב האט דער רבי אהיימשפאצירט לביתו נאוה קודש, ווען אויפ'ן וועג האט זיך פארמירט א שמועס איבער די נוסח און די מקור פון די לשם יחוד לפני הנחת תפילין.

דאנערשטאג פרשת פנחס
דער רבי איז אריינגעקומען אין ביהמ''ד צו תפילת שחרית ארום 8:40.
ביי קריאה"ת זענען נתכבד געווארן: פתיחה: הגה"צ אבד''ק ראשית חכמה שליט"א, בעל קורא: ר' מאיר פאשקעס הי"ו (וומסב''ג).
כהן: הרה"ח ר' ישעי' יצחק רובין הי"ו. לוי: הרה"ח ר' נחמן דוב העללער הי"ו (וומסב''ג). שלישי: רבינו שליט"א, עס איז געקויפט געווארן דורך הרה"ח ר' משה ברוך שווארטץ הי"ו (וומסב''ג) און דער רבי האט זיך באדאנקט. הגבה: הגה"צ אבד''ק ראשית חכמה שליט"א. גלילה: הרה"ח ר' טובי' גאלדשטיין הי"ו (וומסב''ג).
נאכן דאווענען האט דער רבי אהיים שפאצירט לביתו נאוה קודש, אויפן וועג האט זיך פארמירט א שמועס איבער די מנהג פון זאגן פינף קאפיטלעך תהילים נאכ'ן דאווענען.
שפעט נאכמיטאג האט דער רבי טעלעפאניש מיט געהאלטן אן אסיפה מיטן וועד וועמען דער רבי האט ממנה געווען צו טרעפן א לעזונג פאר'ן דירות קריזיס אין קרית יואל.
דער רבי האט געהערט א באריכט פון די אנטוויקלונגן אין די לעצטע 3 טאג, אראפצוברענגן די פרייזן פון דירות צו אינטער 300 דאללאר פער סקווער פוס, און האט שטארק הנאה געהאט צו הערן איבער די פארהאנדלונגן מיט די דעוועלאפערס וואס האבן שוין געחתמ'ט אראפצוברענגן זייערע פראיעקטן צו דעם פרייז. דער רבי האט זיי געגעבן הוראות וויאזוי ווייטער ממשיך צו זיין, און אויסגעדרוקט זיין האפענונג אז די עקזעסטירענדע דעוועלאפערס וועלכע האלטן שוין אינמיטן זייערע בוי פראיעקטן זאלן אויך נאכקומען צו דעם פרייז און זיך פולקאם צושטעלן לטובת הציבור, און דער רבי האט מאציל געווען מברכת קדשו פאר די עוסקים בצרכי ציבור באמונה.
דער רבי איז אריינגעקומען צו תפילת מנחה ארום 8:55. צווישן מנחה און מעריב האט דער רבי עוסק געווען בלימודו. און ביים זמן ר''ת האט מען געדאווענט מעריב, נאך מעריב האבן די געסט שלום גענומען.

פרייטאג ערש"ק פרשת פנחס
דער רבי איז אריינגעקומען אין ביהמ''ד צו תפילת שחרית ארום 8:45.
ערב שבת נאכמיטאג פאר די מקוה האט דער רבי שליט"א מנחם אבל געווען הרה"ח ר' פישל פארקאש הי"ו גבאי הביהמ"ד, היושב ע"פ אחותיו ע"ה אינעם עזרת נשים שע"י הביהמ"ד.
נאך די מקוה האט דער רבי מזכה געווען די פת פאר די עירובי חצרות פונעם עירוב ביים ביהמ"ד.
דעם פארגאנגענעם שב"ק האבן בחורי חמד תלמידי ישיבתיה"ק – סניף קדושת יואל און א חלק פון סניף ויואל משה געהאט די זכי' צו וויילן אויף שב"ק בצל הקודש אין ניו העמפשיר.
נאך ווי דער רבי האט מזכה געווען דעם עירוב האבן די מצוייני תלמידי המתיבתא איבערגעגעבן תירוצים אויף די קשיא וואס דער רבי האט איבערגעלאזט אין ישיבה, פון וועלכען דער רבי שליט"א האט געקוואלן ק שטארקע קורת רוח, הלא המה: הב' יאיר ב"ר דוד שמואל מערץ הי"ו, הב' אברהם יואל ב"ר שמעון שטערן הי"ו, הב' הערש פנחס ב"ר יחזקאל פייוויל שעהר הי"ו, הב' משה אהרן בן הרה"ג ר' יוסף שמואל ראטענבערג שליט"א, הב' יואל ברוך ב"ר משה כ"ץ הי"ו, הב' משה הערש ב"ר ברוך שווארץ הי"ו, הב' פנחס נחמן ב"ר יואל גלויבער הי"ו, הב' שמשון זעליג ב"ר יושע פישער הי"ו, און הב' שמשון ב"ר מרדכי וועבערמאן הי"ו.

שבת קודש פרשת פנחס
אום 9:00 איז מרן רבינו אריינגעקומען אין ארטיגן ביהמ"ד מעוטף בטליתו און צוגעגאנגען צו תפלת מנחה אנהויבנדיג מיט א ברען 'הודו לה' כי טוב'.
מיט קבלת שבת איז נתכבד געווארן הגה"צ ר' קלמן האלבערשטאם שליט"א אב"ד צאנז ק"י ומנה"ר דישיבתיה"ק – סניף קדושת יואל. מ'האט געענדיגט דאווענען בשעה 10:10, נאכ'ן דאווענען איז דער ציבור איז אריבער זאגן 'גוט שבת' און שלום נעמען, און דער רבי איז אריין לחדרו הפרטי.
בשעה 11:05 איז מרן רבינו שליט"א אריינגעקומען צום 'שולחן הטהור' אין היכל השולחנות אינאיינעם מיט די תלמידי המתיבתא, און פולע געסט. דער רבי שליט"א האט אנגעהויבן כדרכו בקודש 'שלום עליכם' מיט אן אש להבה. מיט 'אשת חיל' האט דער רבי שליט"א מכבד געווען נכדו הב' בנימין חיים מייזליש ני"ו בן חדב"ן הגה"צ רב דביהמ"ד ישמח משה שליט"א. מיט הגבהת הכוס איז נתכבד געווארן הגה"צ אבד"ק ראשית חכמה שליט"א.
מיט'ן זמר 'כל מקדש' האט דער רבי שליט"א מכבד געווען הגה''צ ר' שמחה שלום שטיינבערגער שליט"א רב דביהמ"ד דברי חיים ק"י ור"מ בישיבה, און מיט'ן זמר 'מנוחה ושמחה' הרה"ג ר' לוי יצחק בארזעסקי שליט"א מנהל דישיבתיה"ק סניף ויואל משה.
דער רבי שליט"א האט משמיע געווען דברי תורה אויפ'ן פסוק 'ושם האיש ישראל זמרי בן סלוא' און געטייטשט בדרך דרוש אין די סוגיא פון טענת מודעא רבה לאורייתא.
מיטן זמר 'י-ה אכסוף' האט דער רבי שליט"א מכבד געווען הרה"ג ר' יואל יצחק שטערןשליט"א ר"מ בישיבה ודומ"ץ ביהמ"ד דינוב ק"י ומו"ץ ב'קהלתינו, מיט ברכת המזון האט דער רבי שליט"א מכבד געווען נכדו הגה"צ אבד"ק ראשית חכמה שליט"א.
עובדות וסיפורים האט דער רבי שליט"א דערציילט פון זקינו מרן הרה"ק הישמח משה זי"ע זיע''א וואס זיין יארצייט איז פאלט אויס די וואך שב"ק.
מיטן זמר י-ה רבון עלם האט דער רבי שליט"א מכבד געווען הרה"ח ר' חיים אליעזר גראס הי"ו פון וויליאמסבורג.
ביי די פירות זענען די חתנים אריבער נעמען שיריים. דאן האט הרה"ח ר' משה זושא ניישטאדט הי"ו אויפגעגעבן בונדלעך לרגל די שלום זכר פון אן אייניקל. מיטן זמר אז ביום השביעי האט דער רבי שליט"א מכבד געווען הר"ר אהרן יקותיאל בערקאוויטש שליט"א פון מאנסי. מ'האט געענדיגט דעם טיש אום 1:20.
וביום השבת קודש
שב"ק אינדערפרי איז דער רבי שליט"א אריינגעקומען צום דאווענען אום 9:35, מיט פסוקי דזמרה איז נתכבד געווארן הרה"ג ר' יצחק שלום פריעדמאן שליט"א מו"ץ ב'קהלתינו ור"מבמתיבתא, מרן רבינו שליט"א האט יורד געווען לפני התיבה צו תפלת שחרית כנהוג.
מיט הוצאה והכנסה איז נתכבד געווארן הרה"ח ר' הערשל בר"ז ניישטאדט הי"ו פון ב"פ, און מיט פסוקי שמע ישראל הר"ר מענדל פריעדמאן שליט"א פון מאנסי.
דער בעל קורא איז געווען: הבה"ח בצלאל ב"ר משה בראך הי"ו (וומסב''ג).
עליות
כהן: הרה"ג ר' לוי יצחק בארזעסקי שליט"א; לוי: החתן בן הרה"ח ר' שמחה ישראל אפפעל הי"ו (ק"י); שלישי: הגה"צ ר' קלמן האלבערשאם שליט"א; רביעי: הגה"צ אבד"ק ראשית חכמה שליט"א; חמישי: חדב"ן הגה"צ רב ביהמ"ד ישמח משה ק"י שליט"א; שישי: מרן רבינו שליט"א - דעם רבי'ןס עלי' איז געקויפט געווארן דורך הרה"ח ר' יוסף הערש גרינפעלד הי"ו פון מאנטרעלא, דער רבי האט געזאגט א יישר כח און געהייסן מאכן א מי שברך; שביעי: הרה"ג ר' יואל יצחק שטערן שליט"א; הוספות: הרה"ח ר' יוסף הערש גרינפעלד הי"ו; הרה''ח ר' חיים אליעזר גראס הי''וה הרה"ח ר' אהרן צבי מיטטעלמאן הי"ו (ב"פ); הר"ר אהרן יקותיאל בערקאוויטש שליט"א; הרה"ח ר' יצחק יוסף גראד הי"ו (וומסב''ג) ; הר"ר בעריש גראס שליט"א (מאנטרעאל) ; הר''ר יוסף מאסרי שליט''א משגיח בישיבה; הרה"ח ר' שלמה ניימאן הי"ו (ק"י) ; הרה"ח ר' חיים אליעזר בר"ה ווייס הי"ו (ק"י) ; הרה"ח ר' עזרא דייטש הי"ו (מאנטרעאל) ; הרה"ח ר' לוי פארגעס הי"ו (מאנטרעאל) ; אחרון: הגה''צ ר' שמחה שלום שטיינבערגער שליט"א;
מפטיר: הרה"ח ר' מרדכי לייב מארקאוויטש הי"ו (ק"י); הגבה: הרה"ח ר' שמעון בארזעסקי הי"ו (ק"י); גלילה: הב' משה שמחה ב"ר פישל ריספלער הי"ו.
דער רבי איז צוגעגאנגען צום עמוד צו תפילת מוסף לקראת די יארצייט פון אמו הרבנית ע"ה וועלכע איז געפאלן דעם מאנטאג כ"ג תמוז. מיט פתיחת הארון פאר אנעים זמירות איז נתכבד געווארן הר"ר שלמה סעקולא שליט"א (מאנסי) ר"מ בישיבה. מען האט געענדיגט ארום 12:50.
ארום 2:40 איז רבי אריינגעקומען אין ביהמ''ד צו זמירות ודברי תורה. מען האט געזינגען ניגוני גלות וגאולה, און דער רבי האט טועם געווען חלה און קוגל און געוואונטשן לחיים.
מיטן זמר ברוך ה' יום יום האט דער רבי שליט"א מכבד געווען הר"ר משה יוסף אשכנזי שליט"א (מאנסי) ר"מ בישיבה, און מיט ברוך קל עליון הר"ר חיים בנימין כהנא שליט"א מספינקא קר"י ור"מ בישיבה.
דער רבי האט געזאגט תורה אויפ'ן פסוק 'פנחס בן אלעזר בן אהרן הכהן השיב את חמתי מעל בני ישראל' און געטייטשט בדרך דרוש אין די סוגיא פון מצוות לאו להנות ניתנו.
מען האט ממשיך געווען מיט עטליכע ניגונים, און פאר ברכת המזון האט דער רבי פארציילט סיפורי קודש פון זקינו הגה''ק הישמח משה זיע''א.
מיט ברכת המזון האט דער רבי שליט"א מכבד געווען חדב"ן הגה"צ רב דביהמ"ד ישמח משה שליט"א. מען האט געענדיגט ארום 3:30.
רעווא דרעווין
אום 8:45 אזייגער איז דער רבי שליט"א אריינגעקומען צו מנחה ושל"ס, עס איז נתכבד געווארן צו דאווענען פאר'ן עמוד הר"ר חיים בנימין כהנא שליט"א, מיט הוצאה והכנסה איז נתכבד געווארן הרה"ח ר' יעקב יצחק הורוויץ הי"ו; כהן: הרה"ח ר' שמואל הכהן פריעדמאן הי"ו משב"ק; לוי: הגה''צ ר' שמחה שלום שטיינבערגער שליט"א; שלישי: הרה"ח ר' משה זושא ניישטאדט הי"ו (וומסב"ג); הגבה: מרן רבינו שליט''א - עס איז געקויפט געווארן דורך ר' חיים אלעזר בר"מ שווארטץ הי"ו (ק"י) און דער רבי האט געזאגט ייש"כ. גלילה: ר' חיים אלעזר בר"מ שווארטץ הי"ו.
מיט'ן זמר 'אודה' האט דער רבי שליט"א מכבד געווען הרה"ח ר' משה זושא ניישטאדט הי"ו, און מיט 'שיר המעלות' הרה"ח ר' אהרן צבי מיטטעלמאן הי"ו.
דער רבי שליט"א האט משמיע געווען דברות קודש אויפן פסוק 'פנחס בן אלעזר בן אהרן הכהן השיב את חמתי מעל בני ישראל' און געטייטשט בדרך מוסר אז מען היט זיך די אויגן איז די תורה הקדושה מאיר עינים און איז מציל פונעם יצר הרע, משא''כ אויב היט מען זיך נישט די אויגן איז נישטא די עצה.
מיטן זמר ידיד נפש האט דער רבי שליט"א מכבד געווען הרה"ח ר' דוד ראזענבערג הי"ו (מאנטרעאל), און מיט'ן זמר קל מסתתר הרה"ח ר' לוי פארגעס הי"ו. דער רבי האט געבענטשט על הכוס.
צו תפלת מעריב איז מרן רבינו שליט"א צוגעגנאגען צום עמוד לקראת די יארצייט פון אמו הרבנית הצ' ע"ה, און דאן האט דער רבי שליט"א געמאכט הבדלה. נאך הבדלה איז דער ציבור אריבער זאגן א גוטע וואך, און עס איז אנשטאנען א שמועס מיט תלמידי הישיבה וועלכע האבן איבערגעשמועסט די תורה פון ליל שב"ק.מען האט געענדיגט ארום 11:20.

[מיילעך פריילעך]

אידישע נייעס | הילולא קדישא:

היינט ראש חודש אב געפאלט די יומא דהילולא קדישא פון הרה"ק רבי שלמה מבאבוב זי"ע, בנו כ"ק אדמו"ר מבאבוב שליט"א וועט ארויפגיין צום ציון הק' אין די פארמיטאג שעה'ן בראש קהל חסידיו אויפן באבובער בית החיים אין ניו דזשערזי, און שפעטער פארנאכטס אפרעכטן די יארצייט טיש און סיום הש"ס אין ביהמ"ד הגדול אין בארא פארק.

היינט ראש חודש אב געפאלט די יומא דהילולא קדישא פון הרה"ק רבי שלמה מבאבוב זי"ע, נכדו כ"ק אדמו"ר מבאבוב 45 שליט"א וועט ארויפגיין צום ציון הק' ארום דריי אזייגער נאכמיטאג בראש קהל חסידיו, און שפעטער פארנאכטס אפרעכטן די יארצייט טיש און סיום הש"ס אין ביהמ"ד הגדול אין בארא פארק.

הוא הודה הוא זיוה הוא הדרה:
כ"ק אדמו"ר מוויזניץ שליט"א וועלכער וויילט די טעג אין חלדודנא ענגלאנד אויף אפרוה, וועט היינט אנקומען אויף א באזוך בקרב חסידיו אין מאנטשעסטער לכבוד ראש חודש, דער רבי וועט דאווענען שחרית בבית מדרשו אין מאנטשעסטער, און דערנאך אפרעכטן שולחנו הטהור לכבוד ראש חודש.

כ"ק אדמו"ר מוויזניץ שליט"א וועלכער האט געוויילט אויף שבת אין סקווירא שטעטל, וועט היינט אנקומען אויף תפילת שחרית בבית מדרשו אין מאנסי, שפעטער ביינאכט וועט דער רבי ארויספארן אויפן וועג צוריק קיין מאלויע שווייץ, וואו דער רבי האלט זיך אויף אין לויף פון די זוממער וואכן.

שמחות בחצרות הקודש:
היינט קומט פאר די שמחת פדיון הבן פון א אור אייניקל ביי כ"ק אדמו"ר מסקווירא שליט"א, אייניקל פון זיין זון הגה"צ ר' יצחק טווערסקי שליט"א, איידעם ביי כ"ק אדמו"ר מוויזניץ שליט"א, בן הנולד ביי זיין איידעם הרב שלום גראס שליט"א, זון פון הגה"צ ר' אברהם משה גראס שליט"א אבד"ק קערעסטיר בערבעשט. - די שמחה קומט פאר אין די גרויסע שאטער אין סקווירא שטעטל.

היינט קומט פאר די שמחת הבר מצוה פון א אור אייניקל ביי הגה"ק מצאנז קלויזענבורג זי"ע בעל שפע חיים, אייניקל פון הגה"צ ר' אפרים פישל מוטצען שליט"א גאב"ד קרית הבעש"ט פתח תקוה, א זון פון זיין זון הרב אברהם חיים יצחק מוטצען שליט"א, איידעם ביי הגה"צ ר' מנחם מענדיל פאנעט שליט"א, זון פון כ"ק אדמו"ר מדעעש ירושלים זצ"ל, און איידעם ביי הגה"צ אבד"ק פאפא ירושלים שליט"א. - די שמחה קומט פאר אינעם גרויסן זאל היכל ראזענבערג אין קרית צאנז נתני'.

שמחת בית מאחנובקא בעלזא: עס איז געשלאסן געווארן די שידוך פון א אייניקל ביי כ"ק אדמו"ר ממאחנובקא בעלזא שליט"א, די חתן א זון פון זיין איידעם הגה"צ ר' אלטר משה טווערסקי שליט"א אב"ד ראחמיסטריווקא רמה ד' בית שמש, מיט די כלה א טאכטער פון הגה"צ ר' אביגדור פאללאק שליט"א אב"ד קהל חסידים בית שמש, זון פון כ"ק אדמו"ר מבערעגסאז שליט"א, און איידעם ביי כ"ק אדמו"ר מנחלת אהרן שליט"א.

ובראשי חדשיכם:
כ"ק אדמו"ר מטאהש שליט"א וועט היינט נאכמיטאג אפרעכטן שולחנו הטהור לכבוד ראש חודש, אין ביהמ"ד הגדול אין קרית טאהש.

[מיילעך פריילעך]

אידישע נייעס | כ"ק אדמו"ר מבאבוב-45 שליט"א איז נארוואס אנגעקומען צום בית החיים אין ניו דזשערסי פוקד זיין די ציון הק' פון זקינו הרה"ק רבי שלמה מבאבוב זי"ע, לרגל די יארצייט.

[הקוראים]

וואודריזש
שַׁבָּת הִיא מִלִּזְעֹק
רבינו שליט״א היינט ביי שחרית ביי זיין גאנץ יעריגע מנין כרגיל טראץ חולשת גופו הטהור, נאך עטליכע וואכן אפשניט וואס די רב איז נישט געווען בכח כמעט צו גיין אין ביהמ״ד,
אונטערשטע בילד: בחדרו הפרטי לפני תפילת שחרית

[פופציגער]

וואודריזש
בחסדי השם קומט רבינו שליט"א צירוק צו די כוחות און די שבת איז שוין רבינו שליט"א געווען בכח אריינצוקומען אלע תפילות בבית המדרש,
און טראץ חולשת גופו הטהור זיך איבערגעשטערענגט און געפראוועט רעוא דרעוין של"ס כרגיל באש קודש.
בילד: ביים אריבערגיין וואנטשען א גוט וואך
אנ"ש זענען ווייטער מתפלל פאר א פולע ערהוילונג: כ"ק מרן יצחק בן ברכה לרפו"ש

"רבינו שליט"א" איז דער אפיציעל אנגענומענער טיטל צווישן מעריציו?

[מיילעך פריילעך]

אידישע נייעס | שמחות בחצרות הקודש:

שמחת בית טשערנאביל: עס איז געשלאסן געווארן די שידוך פון א אייניקל ביי כ"ק אדמו"ר מטשערנאביל שליט"א, די חתן א זון פון בנו הגדול הגה"צ ר' מרדכי טווערסקי שליט"א, איידעם ביי כ"ק אדמו"ר מראחמיסטריווקא זצ"ל, מיט די כלה א טאכטער פון הגה"צ ר' ישראל שניאורסאן שליט"א, זון פון הגה"צ ר' יוסף משה שניאורסאן שליט"א ראש ישיבת טשעבין, און איידעם ביי הגה"צ ר' נחום שניאורסאן שליט"א נשיא ישיבת טשעבין.

היינט קומט פאר די שמחת הבר מצוה פון א אייניקל ביי כ"ק אדמו"ר מוויזניץ שליט"א פון וויליאמסבורג, א זון פון בנו יחידו הגה"צ ר' חיים מאיר האגער שליט"א אב"ד וויזניץ בלומינגראוו, איידעם ביי כ"ק אדמו"ר מוויזניץ שליט"א פון בית שמש, איידעם ביי כ"ק אדמו"ר מוויזניץ שליט"א. - די מעמד הנחת תפילין קומט פאר היינט צופרי אין ישיבה גדולה תורת מרדכי וויזניץ אין בלומינגראוו קרית יואל, און די סעודת הבר מצוה שפעטער פארנאכטס אין די נייע היכל ביהמ"ד אין מחנה אהבת ישראל וויזניץ אין ליבערטי.

היינט קומט פאר די שמחת הבר מצוה פון א אייניקל ביי כ"ק אדמו"ר מסערדאהעלי שליט"א, א זון פון זיין זון הגה"צ ר' שלמה זלמן כ"ץ שליט"א. - די מעמד הנחת תפילין קומט פאר אין היכל הישיבה אין מחנה סערדאהעלי אין מאנטיסעלא, און די סעודת הבר מצוה שפעטער פארנאכטס אין זאל מאנטי מענאר אין מאנטיסעלא.

היינט קומט פאר די שמחת הברית פון א דאפלטע אור אייניקל ביי כ"ק אדמו"ר מסקווירא שליט"א, אייניקל פון זיין איידעם כ"ק אדמו"ר מראחמיסטריווקא מאנסי שליט"א, בן הנולד ביי זיין זון הרב יוחנן טווערסקי שליט"א, איידעם ביים רבינ'ס זון הגה"צ ר' אהרן מענדיל טווערסקי שליט"א. - די שמחה קומט פאר אין ביהמ"ד הגדול אין שיכון סקווירא.

היינט קומט פאר די שמחת הברית פון א אייניקל ביי כ"ק אדמו"ר מווערדאן שליט"א פון בארא פארק, בן הנולד ביי זיין זון הרב גבריאל יודא לייפער שליט"א, איידעם ביי הגה"צ ר' פנחס שלום ראטטענבערג שליט"א מקאסאני, אור אייניקל פון הגה"צ גאב"ד יעמערינג שליט"א. - די שמחה קומט פאר אין ביהמ"ד ווערדאן אין פלעטבוש.

הילולא קדישא:
היינט ב' אב געפאלט די צווייטע יארצייט פון כ"ק הגה"ק גאב"ד ירושלים זצ"ל בעל שערי טוביה, פילע אידן גייען ארויף צום ציון הק' אויפן הר הזיתים, א גרויסע יארצייט סעודה קומט פאר אינעם גרויסן היכל אויף רחוב אדוניהו הכהן ביים וויזניצער בית המדרש קהל תורת חיים, אין שפיץ פון די שרי התורה חברי הביד"ץ העדה החרדית.

[מיילעך פריילעך]

אידישע נייעס | כ''ק אדמו''ר מסערדאהעלי שליט''א באזוכט אין די גאנץ יעריגע מוסדות התורה אין מאנטיסעלא:

מיט א דערהויבנקייט האבן די קינדער פון די גאנץ יעריגע מוסדות התורה אין מאנטיסעלא געהאט די זכיה דעם זונטאג צו מקבל פנים זיין כ''ק אדמו''ר מסערדאהעלי שליט''א, וואס איז אריבערגעקומען אויף א באזוך אין די מוסדות. מיט א התרגשות האבן די קינדער אויפגענומען די רבי מיט פאסיגע דברי שירה וניגוני צפיה לגאולה, און דערנאך האט די רבי משמיע געווען דברות קודש פאר די תשב"ר.
די רבי איז דאן אריבער אין די יונגערע קלאסן, און ארויסגעברענגט מיט התפעלות אז מען זעהט אז די קינדער ווערן נתחנך אפגעזונדערט פון די רוישיגע גאס. די רבי האט גאר שטארק מחזק געווען און ווארעם געוואונטשען די עסקנים פונעם ישוב.

[Joel]

כולל פון הגה"צ רבי עמרם בלוי זצ"ל "מתורתו של רבי עמרם" ביי כ"ק מרן פוסק הדור גאב"ד ירושלים מרא דארעא קדישא שליט"א לרגל די יארצייט פון רבי עמרם זצ"ל ידידו של להבחל"ח מרן פוסק הדור גאב"ד ירשלים מרא דארעא קדישא שליט"א
https://ahblicklive.com/post.php?u_id=W ... 5Ho3FoA9no

[מיילעך פריילעך]

אידישע נייעס | מעמדי קודש:

היינט קומט פאר די גרויסארטיגע כינוס כללי פאר תלמידי וחסידי תולדות אברהם יצחק בארה"ב, מקבל צו זיין את פני הקודש פון כ"ק אדמו"ר מתולדות אברהם יצחק שליט"א בבואו לחון את פני העיר, און צו אנטקעגן קומען דעם רבי'ן מיט סכומים אדירים לטובת די אויפבוי פונעם נייעם גרויסן ביהמ"ד דחסידי תולדות אברהם יצחק בירושלים עיר הקודש, די מעמד קומט פאר אין די וואלי טערעס זאל אין ישיבה ספרינג וואלי אין מאנסי אין שפיץ פונעם רבי'ן שליט"א.

הוא הודה הוא זיוה הוא הדרה:
כ"ק אדמו"ר מוויזניץ שליט"א פון בית שמש וועלכער האט געוויילט די לעצטע וואך צייט אין ניו יארק לרגל די שמחת הבר מצוה פון א אייניקל, וועט זיך היינט ארויסלאזן אין וועג קיין ענגלאנד, וואו דער רבי וועט וויילן די קומענדיגע צוויי וואכן אויף אפרוה אין שטעטל חלדודנא, בצל הקודש פונעם שווער כ"ק אדמו"ר מוויזניץ שליט"א.

הילולא קדישא:
היינט נאכט ד' אב געפאלט די יומא דהילולא קדישא פון כ"ק אדמו"ר מלעלוב ירושלים זצ"ל, בנו ממלא מקומו כ"ק אדמו"ר מלעלוב ירושלים שליט"א וועט אפרעכטן די יארצייט טיש היינט נאכט אין לעלובער ביהמ"ד אין די בית ישראל געגנט אין ירושלים, און מארגן דאנערשטאג ארויפגיין צום ציון הק' במרומי הר הזיתים.

שמחות בחצרות הקודש:
היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון זיין איידעם הגה"צ ר' דוד דוב דושינסקיא שליט"א אב"ד אהל פיגא קרית יואל, זון פון כ"ק אדמו"ר מדושינסקיא שליט"א, בן הנולד ביי זיין איידעם הרב ברוך רוקח שליט"א, זון פון הגה"צ אבד"ק קארוב שליט"א. - די שמחה קומט פאר אין ביהמ"ד אהל פיגא אין קרית יואל.

היינט קומט פאר די שמחת פדיון הבן פון א אייניקל ביי כ"ק אדמו"ר מראחוב שליט"א, בן הנולד ביי זיין זון הרב ישעי' ראזענבוים שליט"א, איידעם ביי הרה"ג ר' משה שמואל שווארץ שליט"א אב"ד מגדלי שאול. - די שמחה קומט פאר אין די טרייפוס זאל אין גבעת שאול געגנט אין ירושלים.

עס איז געשלאסן געווארן די שידוך פונעם חתן א זון פון הגה"צ ר' חיים שלמה מיללער שליט"א אב"ד נייטרא וומס"ב, זון פון הגה"צ אבד"ק אייזענשטאט שליט"א, און איידעם ביי הגה"צ אבד"ק דושינסקיא וומס"ב זצ"ל, מיט די כלה א טאכטער פון הגה"צ ר' שלמה יודא זלמן לייב שנעעבאלג שליט"א אב"ד קנין תורה אין עירמאונט, זון פון הגה"צ ר' חיים פייוויל שנעעבאלג שליט"א אב"ד קהל אברכים מאנסי, און איידעם ביי כ"ק אדמו"ר מלויעוו טשערנאביל פארשעי שליט"א.

[מיילעך פריילעך]

אידישע נייעס | האדמו"ר מסאדיגורה איז עוסק בלימוד התורה וויילענדיג אויף אפרו אין שווייץ.

[מיילעך פריילעך]

אידישע נייעס | האדמו"ר מצאנז אדערסירט יערליכע 'יום עיון' פאר צענדליגער מנהלים פון היימישע סעמינארן אין ארץ ישראל‎:

נעכטן מאנטאג פארמיטאג איז כ"ק אדמו"ר מצאנז שליט"א אנגעקומען צו די 'גלי צאנז' האטעל אין קרית צאנז וואו עס איז אפגעהאלטן געווארן די יערליכע די 'יום עיון' פאר מנהלים פון די היימישע סעמינארן אין ארץ ישראל אראנזשירט דורך 'איגוד הסמינרים העולמי' בית יעקב, ווי די רבי שליט"א האט משמיע געווען דברות קודש און איבערגעגעבן הדרכות ישרות בעניני חינוך הבנות פאר די מנהלים.

[מיילעך פריילעך]

אידישע נייעס | טראגעדיע: הרבנית הצ" מליסקא ע"ה אשת יבלחט"א האדמו"ר מליסקא פלוצלינג נפטר געווארן:

ברוך דיין האמת: מיט גרויס טרויער ווערט יעצט פארמיטאג אויפגענומען די ביטערע בשורה איבער די פלוצימדיגע פטירה פון הרבנית הצדיקת מליסקא, מרת מלכה פריעדלאנדער ע''ה, אשת חבר פון יבלחט''א כ''ק אדמו''ר מליסקא שליט''א וועלכער איז נפטר געווארן אין עלטער פון זיבן און זיבעציג יאר.

נעכטן דינסטאג האט די רעבעצין געליטן פון א מאסיווע הארץ אטאקע און איז אפגעפירט געווארן אין שפיטאל אין א קריטישן צושטאנד בעת כלל ישראל איז מעתיר לרפואתה השלימה, יעצט אינדערפרי האט די רעבעצען ליידער צוריקגעגעבן איר נשמה ליוצרה.

די לוי' גייט ארויס היינט 1:00 מיטאג פון ליסקא בית מדרש אויף 1449-50 סט. אין בארא פארק, אויפן וועג צום בית החיים הר שלום אין עירמאנט ווי די רעבעצען ע"ה וועט קומען לקבורה.
שנשמע ונתבשר בשורות טובות.

[Joel]

שמחת הווארט פון א אור אייניקל ביי כ"ק מרן פוסק הדור גאב"ד ירושלים מרא דארעא קדישא שליט"א
ביים אויפטרעטן מיט דברת קודש
https://ahblicklive.com/post.php?u_id=4 ... YYWEriGIc3

[Joel]

f50a57_1fdd9dda7d3f403898f465f64a0e56be~mv2.jpg (142.04 KiB) געזען געווארן 1038 מאל

[מיילעך פריילעך]

אידישע נייעס:

ברוך דיין האמת – הרבנית מליסקא ע"ה

מיט צער און טרויער איז אנגעקומען די ביטערע בשורה איבער די פטירה פון הרבנית הצדיקת מליסקא, מרת מלכה פריעדלאנדער ע"ה, אשת חבר כ"ק אדמו"ר מליסקא שליט"א, וועלכער איז היינט צופרי נפטר געווארן אין עלטער פון 77 יאר, נאכן ליידן א הארץ אטאקע נעכטן נאכמיטאג.
די רעבעצין ע"ה איז געווען א טאכטער פון הרב החסיד ר' יעקב יצחק שטערנבערג ז"ל פון ירושלים, און פאר לאנגע יארן געשטאנען לימין הקודש פון איר חשובער מאן כ"ק אדמו"ר מליסקא שליט"א, אנצופירן די עדה הקדושה און ממשיך זיין די שלשלת הקודש לבית ליסקא וואס ציהט א המשכה צו פריערדיגע צדיקים וקדושים.
נעכטן נאכמיטאג זייענדיג אין שפיטאל פאר א רוטינע אונטערזוכונג, האט די רעבעצין פלוצלינג געליטן פון א הארץ אטאקע רח"ל, און טראץ אלע פרואוון איר צו האלטן ביים לעבן, איז זי היינט צופרי נפטר געווארן לחיי העולם הבא, איבערלאזנדיג איר חשובער מאן דער רבי שליט"א, קינדער און אייניקלעך א דור ישרים יבורך.
די לוויה איז פארגעקומען היינט מיטאג איינס אזייגער ביי ביהמ"ד ליסקא אויף די פופציגסטע סטריט אין בארא פארק, און שפעטער נאכמיטאג איז זי געקומען לקבורה אויפן בית החיים הר שלום אין מאנסי.

[הקוראים]

וואודריזש
היינט נאכמיטאג בשעת די זמני כניסה
האט באזוכט און מבקר חולה געווען ביי כ״ק מרן אדמו״ר שליט״א,
הגה״צ אב״ד קראסנא שליט״א פון בארא פארק.

באזוך פון האדמו"ר מקאסאן שליט"א

[בצל התומר]

בצל התומר
סאטמאר מהר״יי

שבת קודש פ׳ מטו״מ בצל הקודש אין מחנה דברי יואל

► Show Spoiler

שב״ק פרשת מטו״מ - שבת מברכים חודש אב - שבת הילולא קדישא של הרה״ק הישמח משה זי״ע בצל הקודש אין מחנה דברי יואל

אום 8:40 איז דער רבי אריינגעקומען אין ביהמ''ד היכל דברי יואל צו תפילת מנחה און איז צוגעגאנגן צום עמוד,
קבלת שבת: הרב אליעזר זוסיא מאסקאוויטש שליט״א נכד רבינו.

נאכן דאווענען איז מען אריבער גוט שבת זאגן און די געסט האבן שלום גענומען,
דערנאך איז דער רבי אריין בחדרי הפרטי שע''י הביהמ''ד און געזאגט די זוהר לליל שבת קודש,
נאך א קורצע הפסקה איז דער רבי אריינגעקומען אין ביהמ"ד תורה ויראה צום שלחן הטהור און סעודת שב''ק אינאיינעם מיט די תלמידי הישיבה חלק ד׳ און די געסט,

דער רבי האט אנגעהויבן שלום עליכם, מיט אשת חיל האט דער רבי מכבד געוועהן נכדו הב׳ אלעזר בן הגה״צ ר׳ ליפא שליט״א.
הגבהת הכוס צו קידוש מו״ה נפתלי איצקאוויטש הי״ו.
מיט די זמירות שבת האט דער רבי מכבד געווען די מנגנים,

ביי די תורה האט זיך דער רבי געשטעלט אויף די פסוקי הפרשה און ארומגערעדט איבער די יארצייט פון זקינו הרה״ק הישמח משה זי״ע און איבער די תשובה פונעם חתם סופר זי״ע צום הייליגן ישמח משה זי״ע איבער די חילוק פון נוסח ספרד ואשכנז און אז כישוף גייט דורכן פארדרייען די כחות הקדושה און שבת איז נישטא קיין כח פאר כישוף, און דער רבי האט פארציילט איבער די קמיעות פונעם הייליגן ישמח משה זי״ע.

מיטן בענטשן האט די רבי מכבד געוועהן הרה״ג ר׳ יודא לייב מינצבערג שליט״א ר״מ בישיבה.
נאכן טיש האט מען אהיים באגלייט דעם רבי'ן לביתו נאוה קודש, אויפן וועג האט דער רבי ארומגערעדט עובדות והנהגות פון הייליגן ישמח משה זי״ע

יום שבת קודש

אום 9:30 איז דער רבי אריינגעקומען צו תפילת שחרית
פסוקי דזמרה: הב׳ אלימלך הוראוויץ ני״ו.
דער רבי איז צוגעגאנגען צו שחרית.

ביי קריאת התורה איז נתכבד געווארן
הוצאה והכנסה: הרב בעריש פאנעט שליט''א
כהן: הרה״ח ר׳ בנציון שלמה פאללאק הי״ו משב״ק.
לוי: מו״ה נתן טייטלבוים הי״ו.
שלישי: הרה״ג ר׳ לייבוש טייטלבוים שליט״א מנה״ר בישיבה.
רביעי: הב׳ ישראל יעקב ב״ר שמואל ט״ב הי״ו משב״ק.
חמישי: הרה״ג ר׳ יודל פאזען שליט״א מנה״ר בישיבה.
דער רבי האט עולה געווען שישי
שביעי: הרה״ח ר׳ אפרים אביגדור היימאן הי״ו פון קרית יואל.
אחרון: הרה״ח ר׳ שמואל טייטלבוים הי״ו משב״ק.
מפטיר: הרב יחיאל מנחם מייזליש שליט״א נכד רבינו.
הגבה: מו״ה יואל היימאן הי״ו.
גלילה: הב' משה בן הגה"צ אב"ד ור״מ ירושלים - קרית יואל שליט''א.

דער רבי האט איבערגענומען די ספר תורה און ראש חודש געבענטשט בהתעוררות רב,
צו תפילת מוסף איז צוגעגאנגען הגה״צ אב״ד סיגוט שליט״א.
פתיחה לאנעים זמירות: הרה״ח ר׳ אברהם שלעזינגער הי״ו.

מען האט פארענדיגט ארום 12:45, און מען איז אדורך גוט שבת זאגן.

נאכ׳ן דאווענען איז דער רבי אריבער אין ביהמ"ד אוהל יששכר ווי עס איז פארגעקומען א קידוש אינאיינעם מיט בני וחתני רבינו שליט״א און די תלמידי הישיבה חלק ד',
הגבהת הכוס: הרה״ח ר׳ שמואל טייטלבוים הי״ו משב״ק.
דער רבי האט א לענגערע צייט פארציילט סיפורים, עובדות והנהגות פון זקינו הרה״ק הישמח משה זי״ע, און עטליכע ענינים אויפן פרשת השבוע.

דערנאך איז רבינו שליט״א אריינגעקומען צום בייטאג טיש בביתו נאוה קודש,
במשכ׳ן טיש האט דער רבי ארומגערעדט איבער די נסיעות צו קברי צדיקים פון רביה״ק בב״מ זי״ע.

מיט׳ן בענטשן האט דער רבי מכבד געווען הרב יעקב בער לעמבערגער שליט״א


מנחה ושל״ס

אום 8:45 איז דער רבי אריינגעקומען צו תפילת מנחה בעל תפילה איז געווען הרה״ג ר׳ ירוחם דייטש שליט״א מנה״ר בישיבה.
ביי קריאת התורה איז נתכבד געווארן
כהן: הב' העניך בן הגה"צ ר' אלטר גלאנץ שליט''א חדב"ן,
לוי: הב׳ בהה״ג ר׳ אהרן ווייס שליט״א.
שלישי: מו״ה שמואל גרין הי״ו.
דער רבי איז געגאנגען הגבה
גלילה: מו״ה משה בר״א פריעדמאן הי״ו.

דער רבי האט זיך געוואשן צו של״ס און פארגעזינגען די זמירות
אודה: הרה״ח ר׳ משה שמואל זופניק הי״ו נדיב המחנה.
שיר המעלות: הרה״ג ר׳ סנדר פרענקל שליט״א ר״מ בישיבה.
דער רבי האט געזאגט תורה אויף די פסוקי הפרשה און געטייטשט אז אין די מסעות פון די אידן איז מרומז די זמני הגליות און אין יעדע זאך ליגט א ניצוץ אלוקת און מיט די כח פונעם אויבערשטן קען מען זיך שטארקן אויף די נסיונת אין גלות, און דאס האט דער אויבערשטער צוגעזאגט פאר משה רבינו.

ידיד נפש: הרה״ג ר׳ יעקב נחמן שטויבער שליט״א מנה״ר בישיבה.
נאך א קורצע הפסקה איז דער רבי אריינגעקומען צו תפילת מעריב, בעל תפילה איז געווען מו״ה חיים לעפקאוויטש הי״ו.
נאך מעריב איז מען אדורך זאגן א גוטע וואך, דערנאך האט דער רבי געמאכט הבדלה און געזאגט ויתן לך.


מוצאי שבת קודש

ארום 12:30 איז רבינו שליט״א אנגעקומען צו די זומער הויז פון הרבני הנגיד ר' משה נתן בראווער הי"ו אין פילבאבס קאלאני, ווי עס איז פארגעקומען די יערליכע מסיבה של מצוה לטובת דעם כולל אברכים פון וויליאמסבורג,
עס האט זיך פארצויגן א שיינע שמועס מיט הרה״ג ר׳ משה ארי ליבערמאן שליט״א דומ״ץ המחנה און הגה״צ אב״ד בראד שליט״א,
דער רבי האט געטרינקען לחיים און ווארעם אנגעוואונטשען פאר הרה״ח ר׳ משה נתן הי״ו און אלע משתתפים.
אום 1:00 אזייגער איז דער רבי צוריק אהיים למעון קדשו אין מחנה דברי יואל.

~~

[בצל התומר]

בצל התומר
סאטמאר מהר״יי

זונטאג און מאנטאג פרשת דברים בצל הקודש

► Show Spoiler

זונטאג פרשת דברים בצל הקודש אין מחנה דברי יואל

אום 8:30 איז דער רבי אריינגעקומען צו תפילת שחרית אין ביהמ״ד,
בעל תפילה: הב׳ אלימלך הוראוויץ ני״ו

אום 2:30 איז רבינו שליט״א אנגעקומען אינעם נייעם פראכטפולן סאטמאר פלייש געשעפט לאקאל אין ווייט לעיק,
דער רבי האט ארומשפאצירט און באטראכט די גאנצע געשעפט מיט די פילע חומרות והידורים בכשרות הבשר, און געהערט א באריכט פון די רבני וועד הכשרות און די עוסקים במלאכת הקודש, דער רבי האט קובע געווען א מזוזה ביים הויפט אריינגאנג, און מאציל געווען מברכות קדשו פאר אלע אנוועזנדע, און מכבד געווען צו קלאפן א מזוזה בניו הגה״צ אב״ד ור״מ ירושלים - קרית יואל שליט״א און הגה״צ ר׳ אהרן שליט״א ורבני וועד הכשרות דקהלתינו הק׳.

אום 6:25 איז דער רבי אריינגעקומען צו תפילת מנחה אין ביהמ״ד, בעל תפילה איז געווען הב׳ ישעי שווימער ני״ו.

אום 9:45 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הב׳ אברהם אייזיק יאקאבאוויטש ני״ו.
נאך מעריב האט דער רבי ממשיך געווען אויפצונעמען דעם ציבור ביז ארום 11:45 אויפדערנאכט.


מאנטאג פרשת דברים - ראש חודש אב בצל הקודש אין מחנה דברי יואל

אינדערפרי איז רבינו שליט״א אנגעקומען אין מחנה ישיבה קטנה סניף הרה״ג ר׳ משה יודא פריעדמאן שליט״א, ווי דער רבי האט געדאווענט תפילת שחרית אינאיינעם מיט די תלמידי הישיבה,
פארן דאווענען האט דער רבי געלייגט תפילין פאר הבחור הבר מצוה
בן הרב יואל לעמבערגער שליט״א.

אום 8:45 איז דער רבי אריינגעקומען צו תפילת שחרית, בעל תפילה איז געווען הב׳ הלל וואלף שטערן ני״ו.

ביי קריאת התורה זענען נתכבד געווארן
כהן: הב׳ יחזקאל בהה״ג ר׳ נחמן כהנא שליט״א.
לוי: הרה״ג ר׳ משה יודא פריעדמאן שליט״א.
שלישי: הבחור הבר מצוה בן הרב יואל לעמבערגער שליט״א.
דער רבי האט עולה געווען רביעי.
הגבה: הרב יואל לעמבערגער שליט״א.
גלילה: הב׳ פנחס אלעזר דייטש ני״ו.
צו תפילת מוסף איז צוגעגאנגען הב׳ נפתלי צבי לאבין ני״ו.

נאכ׳ן דאווענען איז פארגעקומען א מסיבת לחיים לכבוד ראש חודש,
עס האט אויפגעטרעטן דער מנהל הרה״ג ר׳ משה יודא שליט״א און מקבל פנים געווען דעם רבי׳ן,
מען האט געזינגען עטליכע ניגונים און דער רבי האט געטרינקען לחיים און ווארעם אנגעוואונטשען פאר די הנהלת ורמ״י הישיבה און די תלמידים.
דערנאך האט דער רבי משמיע געווען לענגערע דברות קודש ודברי הדרכה ווי דער רבי האט ארומגערעדט בשבח הישיבה און ארומגערעדט בעניני חודש אב, און אז לימוד התורה בהתמדה איז מחזק און דאס האלט כלל ישראל אין די גלות, און מסיים געווען בברכת קדשו.
נאך די דב״ק זענען אלע תלמידים אריבער נעמען שריים, מען האט געענדיגט ארום 11:15.


זמני כניסה בביתו נאוה קודש איז געווען פון 5:15 ביז 6:15 נאכמיטאג.
אום 6:25 איז דער רבי אריינגעקומען צו תפילת מנחה אין ביהמ״ד, בעל תפילה איז געווען הב׳ אלימלך בנציון מארקאוויטש ני״ו.
אום 9:45 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הב׳ מרדכי יודא דייטש ני״ו,
נאך מעריב האט דער רבי ממשיך געווען אויפצונעמען דעם ציבור ביז ארום 10:45 אויפדערנאכט.

~~

[בצל התומר]

בצל התומר
סאטמאר מהר״יי

דינסטאג און מיטוואך פרשת דברים בצל הקודש

► Show Spoiler

דינסטאג פרשת דברים בצל הקודש אין מחנה דברי יואל

פארן דאווענען האט דער רבי געלייגט תפילין פאר הבחור הבר מצוה
בן הרה״ח ר׳ יעקב שווימער הי״ו.

אום 8:30 איז דער רבי אריינגעקומען צו תפילת שחרית אין ביהמ״ד, בעל תפילה איז געווען הב׳ אברהם מאיר גרינפעלד ני״ו.

נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

זמני כניסה בביתו נאוה קודש איז געווען פון 5:00 אזייגער ביז ארום 6:15 נאכמיטאג.

אום 6:25 איז דער רבי אריינגעקומען אין ביהמ״ד צו תפילת מנחה, בעל תפילה איז געווען הרה״ג ר׳ דוד יואל בלום שליט״א ר״מ בישיבה.

ביים זמן ר״ת איז דער רבי אריינגעקומען צו תפילת מעריב, בעל תפילה איז געווען הבה״ח יחזקאל מנחם שטויבער ני״ו,
נאך מעריב האט דער רבי ממשיך געווען אויפצונעמען דעם ציבור ביז ארום 10:45 אויפדערנאכט.


מיטוואך פרשת דברים בצל הקודש אין מחנה דברי יואל

אום 8:30 איז דער רבי אריינגעקומען צו תפילת שחרית אין ביהמ״ד, בעל תפילה איז געווען הב׳ יודל פאזען ני״ו.

זמני כניסה בביתו נאוה קודש איז געווען פון 5:00 אזייגער ביז ארום 6:15 נאכמיטאג.
אום 6:25 איז דער רבי אריינגעקומען אין ביהמ״ד צו תפילת מנחה, בעל תפילה איז געווען הרה״ג ר׳ דוד יואל בלום שליט״א ר״מ בישיבה.

ביים זמן ר״ת איז דער רבי אריינגעקומען צו תפילת מעריב, בעל תפילה איז געווען הבה״ח אהרן טייטלבוים ני״ו,
נאך מעריב האט דער רבי ממשיך געווען אויפצונעמען דעם ציבור ביז ארום 11:15 אויפדערנאכט.
בין הנכנסים איז אריין בקו״פ הרב יעקב יוסף טעווערסקי שליט״א בן האדמו״ר מסקווירא שליט״א מקבל זיין ברכת הקודש לרגל שמחת נשואי בנו למז״ט, עס האט זיך פארצויגן א שיינע שמועס און דער רבי האט ווארעם אנגעוואונטשען ברכת קדשו.


~~