טראמפ איבערגעלעבט אטענטאט פארזוך ביי ראלי אין באטלער, פענסילוועניע

[ניקל]

טענות אויף די סיקרעט סערוויס

IMG_20240714_040849_310.jpg (182.26 KiB) געזען געווארן 336 מאל

[פליט]

IMG_20240714_152932_177.jpg (144.55 KiB) געזען געווארן 296 מאל

[פליט]

IMG_20240714_153211_998~3.jpg (170.79 KiB) געזען געווארן 296 מאל

[פליט]

IMG_20240714_154511_634~2.jpg (47.28 KiB) געזען געווארן 287 מאל

[Spa 42]

דער איד דעילי.

► Show Spoiler

טראמפ איבערגעלעבט אטענטאט

!
פענסילוועניע – אמעריקע איז איינגעהילט אין שאק, נאכדעם וואס דער געוועזענער פרעזידענט דאנאלד טראמפ האט איבערגעלעבט א דראמאטישע אטענטאט פארזוך, ווערנדיג געשאסן און גאר לייכט פארוואונדעט ביי א קאמפיין ראלי אין פענסילוועניע.

דער אטענטאט פארזוך, און דער וועג וויאזוי טראמפ האט זיך אויפגעפירט אין די מילי-סעקונדעס הארט נאכ'ן געשאסן ווערן, האט ווארשיינליך פארזיכערט אז טראמפ וועט געווינען די וואלן אין נאוועמבער. עס האט אים צעמענטירט אלס א היסטארישער פיגור.

דער דראמאטישער אטענטאט פארזוך

דער אטענטאט פארזוך האט זיך דראמאטיש אפגעשפילט שבת נאכמיטאג, ארום זעקס אזייגער, בשעת טראמפ איז ערשינען ביי א ראלי אין באטלער, פענסילוועניע, און ער האט אנגעהויבן געבן זיין רעדע. אין די ערשטע מינוטן פון זיין רעדע האבן זיך די שאסן געהערט.

טויזנטער זענען געווען פארזאמלט ביי דער ראלי צו הערן טראמפ רעדן, און ממש 2 מינוט נאך 6:00 האבן זיך געהערט ארום פינף קוילן. דערנאך האבן די מאסן מיטגעהאלטן וויאזוי טראמפ שטעלט זיך אפ פון רעדן און כאפט זיך אן דעם רעכטן אויער.

סיקרעט סערוויס אגענטן זענען באלד ארויפגעשפרונגען אויפ'ן פאדיום און אראפגעשלעפט טראמפ אויף דער ערד, שרייענדיג "גייטס אראפ!", אין יענער סעקונדע האבן אלע טויזנטער פארזאמלטע זיך אויך געווארפן צו דער ערד, פאלגנדיג די אנווייזונגען.

סעקונדעס שפעטער האט טראמפ זיך צוריק אויפגעשטעלט און אריינגערעדט עפעס אומקלארע ווערטער אינעם מיקראפאן. די מאסן האבן זיך אריענטירט און געזען וויאזוי טראמפ שטייט, מיט א צעבלוטיגטן אויער, פאכענדיג מיט זיין האנט צו צייגן אז ער לעבט.

אט דאס בילד וויאזוי טראמפ שטייט, ארומגענומען מיט סיקרעט סערוויס אגענטן וועלכע האבן אים באשיצט מיט זייערע קערפער, און פאכעט מיט דער האנט זיגרייך, בשעת בלוט טריפט אראפ פון זיין געזיכט, איז אויטאמאטיש געווארן א בילד פאר די היסטאריע ביכער.

די קוילן פונעם שיסער האבן באטראפן דריי מענטשן וועלכע זענען געווען אנוועזנד ביי דער ראלי צו הערן טראמפ רעדן און איינער פון זיי זענען אומגעקומען. די צוויי אנדערע זענען קריטיש פארוואונדעט געווארן און ווערן באהאנדלט אין לאקאלע שפיטעלער.

ממש אין די ערשטע סעקונדעס האט זיך די סיקרעט סערוויס אריענטירט און באוויזן מיט זייערע צוגעגרייטע צילשיסער צו טרעפן פון וואו די קוילן זענען געקומען. זיי האבן געעפנט פייער אין יענער דירעקציע און אומגעברענגט דעם שיסער אויפ'ן ארט.

טראמפ איז אוועקגעפירט געווארן פונעם ראלי פעלד, און איז אפגעפירט געווארן צו א לאקאלע שפיטאל פאר באהאנדלונג. מען האט פעסטגעשטעלט אז אויסער א בלוט וואונד אויפ'ן אויער איז ער הונדערט פראצענט אקעי און מ'האט אים באפרייט פונעם שפיטאל.

דער שיסער און די שיסעריי

מוצאי שבת שפעט ביינאכט האבן די אויטאריטעטן אידענטיפיצירט דעם שיסער אלס טאמעס מעטיו קראקס, א 20 יעריגער לאקאלער פענסילוועניע איינוואוינער. ער איז געשאסן און אומגעברענגט געווארן דורך די סיקרעט סערוויס, אבער זיינע מאטיון זענען נישט קלאר.

לויט אינפארמאציע וואס איז פובליצירט געווארן דערווייל, האט דער שיסער וואס האט פרובירט אומצוברענגען טראמפ זיך פלאצירט אויפ'ן דאך פון א מאנופעקטשורינג פאבריק וועלכע איז געווען מער ווי 130 יארדס אוועק פון דעם פאדיום וואו טראמפ איז געשטאנען.

דער פאקט אז דער קאמפיין ראלי איז פארגעקומען אונטער'ן פרייען הימל ביי דער "באטלער פארם שאו גראונדס" פארק, האט געגעבן פאר'ן שיסער א גוטע מעגליכקייט צו זען דעם געוועזענעם פרעזידענט אומגעשטערט פון וואו ער האט זיך געפונען אויפ'ן דאך.

די געביידע באלאנגט פאר די "עי-דזשי-אר אינטערנעשאנעל", א פירמע וועלכע שטעלט צו אויטאמעישאן געצייג פאר דער גלאז און פלעסטיק אינדוסטריע. די פראפערטי פון דעם פאבריק איז הארט נעבן דער פארק פונעם ראלי אפגעטיילט בלויז מיט א פשוט'ן צוים.

בעפאר די אויטאריטעטן האבן ארויסגעגעבן דעם אידענטיטעט פונעם שיסער, זענען געווען פארשידענע אנליין באריכטן, אריינגערעכנט אז דער שיסער איז א לינקער "אנטיפא" קעמפער ביים נאמען מארק ווייעלעטס, אבער עס האט זיך ארויסגעשטעלט צו זיין פאלש.

ווי ערווענט, האבן סיקרעט סערוויס צילשיסער געעפנט פייער אין ריכטונג פונעם שיסער אויפ'ן דאך פון דער פאבריק, און יענער איז אומגעברענגט געווארן אויפ'ן ארט. בילדער האבן שפעטער געצייגט וויאזוי זעלנער זענען אויפ'ן דאך נעבן דעם טויטן שיסער.

טראמפ סטעיטמענט נאך שיסעריי

א קורצע וויילע נאכ'ן אטענטאט פרואוו, האט טראמפ ארויסגעשטעלט א סטעיטמענט אין וועלכע ער האט געזאגט "איך בין געשאסן געווארן דורך א קויל וועלכע האט דורכגעלעכערט דעם אויבערשטן טייל פון מיין רעכטן אויער. איך האב גלייך געוואוסט אז עפעס איז נישט ריכטיג".

טראמפ שרייבט: "איך האב געהערט א גערודער אריבערפליען נעבן מיין אויער, דערנאך שיסערייען, דערנאך האב איך גלייך געשפירט דעם קויל דורכרייסן די הויט פון מיין אויער. אסאך בלוטן האט פאסירט, און איך האט אנערקענט וואס עס פאסירט דא".

"איך וויל באדאנקען די סיקרעט סערוויס און אלע לאו ענפארסמענט פאר זייער שנעלע רעאקציע צו דער שיסעריי. בעיקר וויל איך געבן מיינע טרייסט ווינטשן פאר דער פאמיליע פונעם פערזאן ביי דער ראלי וואס איז אומגעקומען און צו די אנדערע וואס זענען געשעדיגט געווארן".

רעאקציעס פון אנדערע פיגורן

צווישן די פארשידענע רעאקציעס צו דעם אטענטאט פארזוך, האט פרעזידענט ביידען גערעדט טעלעפאניש מיט טראמפ און אים געווינטשן. ביידען האט אויך אין א סטעיטמענט פארדאמט די שיסעריי, זאגנדיג אז אזא זאך האט נישט קיין פלאץ אין אמעריקע.

דאס ווייסע הויז האט אויך געזאגט אז דער פרעזידענט איז אין קאנטאקט מיט די נאציאנאלע זיכערהייט קאונסיל צו הערן אפדעיטס איבער די אויספארשונגען ארום דעם אטענטאט. ביידען וועט זיך אויך שנעלער צוריקקערן פון זיין ענדע-וואך אורלויב אין דעלעוועיר.

פירער איבער דער גארער וועלט האבן אויך רעאגירט מיט סטעיטמענטס פון שאק און פארדאמונג, אריינגערעכנט בריטישער פרעמיער סטארמער, ארגענטינע פרעזידענט מילעי, אוקראינע פרעזידענט זעלענסקי, מדינת ישראל פרעמיער נתניהו, און יו-ען פירער גוטערעז.

פאליטישע פיגורן אין אמעריקע האבן אויך רעאגירט צו דער שיסעריי אויף טראמפ, אריינגערעכנט דעמאקראטישע פארטיי פיגורן וועלכע האבן עס פארדאמט אויף א שטארקן פארנעם. רעפובליקאנער האבן עס פארדאמט און האבן געזאגט אז זיי וועלן דורכפירן אויספארשונגען.

סעקיוריטי דורכפעלער ברענגט אויף פראגעס

דער פאקט אז עמיצער האט געקענט זיך אוועקשטעלן קנאפע 400 פיס אפגערוקט פון טראמפ'ס פאזיציע און דורכפירן א שיסעריי, און אז טראמפ האט איבערגעלעבט בלויז ווייל די קוילן האבן נישט באטראפן ערגעץ פאטאל, האט אויפגעברענגט גרויסע פראגעס.

פילע האבן ערווענט זייער אויפברויז און וואונדער וויאזוי די סיקרעט סערוויס האט נישט געקענט זען דעם פארשוין מיט א לאנגן ביקס אויפ'ן דאך פון א געביידע הארט נעבן פעלד פונעם ראלי, נאכדערצו אז אסאך אנטיילנעמער ביי דער ראלי האבן יענעם יא געזען.

עטליכע עדות, מענטשן וואס זענען געווען ביי דער ראלי, האבן געזאגט אז זיי האבן געזען דעם באוואפנטן פארשוין אויפ'ן דאך און האבן געשריגן צו די פאליציי דערוועגן, אבער די פאליציי האט גארנישט געטאן. איינער האט אפילו רעקארדירט דעם שיסער בעפאר דער שיסעריי.

די עף-בי-איי האט ביי א לענגערער פרעסע קאנפערענץ נעכטן שפעט ביינאכט אנערקענט אז עס איז טאקע א וואונדער וויאזוי די סיקרעט סערוויס האט פארפעלט אפצושטעלן דעם שיסער, און זיי האבן געזאגט אז עס וועלן זיין לאנגע מאנאטן פון אויספארשונגען.

אין קאנגרעס האבן רעפובליקאנער רעאגירט מיט אויפברויז וועגן די סעקיוריטי דורכפעלער. קאנגרעסמאן דזשעימס קאומער, פארזיצער פון איבערזיכט קאמיטע, האט שוין געשיקט א פארלאנג צו די סיקרעט סערוויס פירער צו קומען זיך לאזן פארהערן דערוועגן.

פאליטישע קאנסעקווענצן פון דער שיסעריי

עס איז נאך צו פרי צו זאגן וואס די פאליטישע קאנסעקווענצן פון דעם אטענטאט פארזוך וועלן זיין, אבער אזויפיל איז קלאר אז טראמפ איז אריין אין דער היסטאריע ביכער מיט די דראמאטישע געשעעניש, נאכדערצו דער העלדישער וועג וויאזוי ער האט רעאגירט.

דער אטענטאט פארזוך קען אויפוועקן נייע סימפאטיע פאר טראמפ צווישן מעסיגע און אינדיפענדענט וויילער, און פירן דערצו אז זיינע נומערן וועלן זיך שטארקן. אסאך האבן געזאגט נעכטן אז די שיסעריי האט פארזיגלט די יאר 24' וואלן אז טראמפ וועט זיכער געווינען.

אומבאשטעטיגטע באריכטן נעכטן האבן אנגעגעבן אז דער ביידען קאמפיין וועט סוספענדירן דערווייל אלע זייערע פאליטישע רעקלאמעס און אנדערע קאמפיין באשטאנדטיילן, אזוי לאנג ווי דאס לאנד בארואיגט זיך פון דער שיסעריי און מען קומט צו זיך עטוואס.

דער "וואל סטריט זשורנאל" עדיטאריעל באורד האט נעכטן אין אן עדיטאריעל ערווענט די מעגליכקייט אז דער אטענטאט פארזוך זאל ברענגען א טויש און בארואיגונג אין פאליטישע רעטאריק, אדער גאר א פארערגערונג און אז עמיצער זאל זוכן נקמה אין טראמפ'ס נאמען.

דערווייל ווארט מען אויף די לאו ענפארסמענט באאמטע ארויסצוגעבן מער דעטאלן און מער אינפארמאציע, סיי איבער'ן שיסער און איבער זיינע מאטיוון, און סיי איבער די זיכערהייט דורכפעלער, און אויך איבער די שריט אויף ווייטער וויאזוי דער וואל סעזאן וועט צוגיין

[פליט]

IMG_20240714_154859_481.jpg (33.04 KiB) געזען געווארן 285 מאל

[פליט]

לארענס זשאונס פון פאקס האט גערעדט היינט מיט די פרעזידענט און אים געפרעגט וואס ער קען איבערזאגן פאר זיינע וויאערס.

פרעזידענט טראמפ: "זאג זיי אז איך האב זיי ליב!"

[פליט]

IMG_20240714_161153_405.jpg (118.78 KiB) געזען געווארן 275 מאל

[פליט]

IMG_20240714_161721_653.jpg (130.78 KiB) געזען געווארן 272 מאל

[פליט]

פאליציי פארשן אויס א ווען מיט אויסלענדישע לייסענס פלעיטס אויף לאראנס עוועניו אין באטלער, פענסילוועיניע, נעבן די סצענע פון א פרישע שיסעריי וואס איז אונטער 2 מייל פון די טראמפ ראלי.
די באמבע סקוואד איז אויף די סצענע, אבער עס איז אומקלאר אויב די געשעניש איז פארבינדן מיט די טראמפ אסאסאנעישן.

[פליט]

IMG_20240714_162408_631~2.jpg (116.22 KiB) געזען געווארן 262 מאל

לצים האבן נישט געהאט וואס צו טון...

[פליט]

IMG_20240714_162852_687~2.jpg (276.76 KiB) געזען געווארן 261 מאל

[פליט]

IMG_20240714_170348_767.jpg (165.2 KiB) געזען געווארן 233 מאל

[פליט]

IMG_20240714_170647_759.jpg (81.71 KiB) געזען געווארן 233 מאל

[פליט]

IMG_20240714_170802_005~2.jpg (127.51 KiB) געזען געווארן 230 מאל

[פליט]

IMG_20240714_171748_630.jpg (43.29 KiB) געזען געווארן 213 מאל

רעיגען האט געוואונען מיט 525 עלעקטאורעל, א לענדסלייט, נאך וואס ער איז דערשאסן געווארן.

דעם נאוועמבער....

[פליט]

IMG_20240714_172751_600.jpg (136.35 KiB) געזען געווארן 203 מאל

IMG_20240714_172751_230.jpg (58.95 KiB) געזען געווארן 203 מאל

טראמפס ווייב.

[פליט]

IMG_20240714_173100_258.jpg (95.26 KiB) געזען געווארן 197 מאל

פאקטן איבער פרעזידענטליכע אסאסינאציעס.

[פליט]

img_7277-600x360~2.jpg (57.17 KiB) געזען געווארן 196 מאל

די שיסער אין בעסערע צייטן...

[פליט]

IMG_20240714_173636_467.jpg (60.44 KiB) געזען געווארן 195 מאל

[שאינו יודע לשאול]

IMG_20240713_231305_773.jpg

IMG_20240713_231706_469.jpg

IMG_20240714_061824_495~2.jpg
CNN headline

איז דאס עכט?

יא. דאס איז די ערשטע באריכטן, דערנאך האבן זיי עס געהעריג געמאלדן.

קודם גייט מען קרום...

[פליט]

IMG_20240714_175647_878.jpg (209.51 KiB) געזען געווארן 182 מאל

[פליט]

עקספלויזשען דעווייסעס געטראפן אינעם שיסערס קאר.

[פליט]

די גאן איז געווען זיין פאטער'ס.

[פליט]

נתניהו: דאס איז געווען אן אטאקע אויף אמעריקע.