קורח איז געווען א בן מלך, א קינד פונעם אויבערשטן

[אויסגעשארפטע בליי]

עס שטייט די וואך, 'ויקח קורח בן יצהר בן קהת וכי''

עס איז דא צוויי וועגן, וויאזוי אידן קענען ווערן אנגערופן.

איינס איז בנים, רחמנו כרחם אב על בנים..
אדער עבדים, אם כעבדים ענינו לך תליות..

אין די וועלט זאגט מען, אז בנים איז אסאך א גרעסערע מדריגה ווי עבדים.
אונז זענען ממש קינדער פונעם אייבערשטן, פונעם מלך מלכי המלכים, אבער דער הייליגער בעל התניא זאגט פארקערט.

עבדים איז אסאך א גרעסערע מדריגה.
פארוואס?
ווייל א קינד פון דער קעניג וועט שטרעבן צו זיין עפעס א מיניסטער, אדער א איינגעשטעלטער, עפעס א דבר שיש בו ממש.
וואס הייסט?!
איך בין דאך א קינד פונעם קעניג, עס קומט זיך מיר.

מה שאין כן א קנעכט, איז זיך אינגאנצן מבטל פארן קעניג.
איך קען גארנישט, איך בין א קנעכט, עס קומט זיך מיר נישט.
דער קעניג, ער האלט מיר אויס, ער נעמט קער פון מיר, "ענינו לך תליות"
איך האב גארנישט, נאר דיר הייליגער באשעפער.
נעם קער פון מיר, מאך עס זאל מיר זיין גוט, ווייל די ביזט דער איינציגסטער וואס קען מיר העלפן.

דערפאר שטייט אין די תורה, "ומשה עבד השם" ער איז געווען א קנעכט.
אבער ביי קורח שטייט, בן יצהר בן קהת ער האט זיך גענומען און אריין געלייגט אין א פאזיציע ווי א קינד, עס קומט זיך מיר, ווייל איך בין א בן מלך.

[שיטתי]

פיר אויס.
וואו קומט די קעפל איבערן תורה ?

[אויסגעשארפטע בליי]

קורח האט זיך געשפירט ווי א יש, באמת איז ער געווען אויף גאר א גרויסע מדריגה.
אבער ער האט געהאלטן אז ער איז א יש, ווייל ער איז א קינד פונעם אייבערשטן. און עס קומט זיך אים צו פירן כלל ישראל. ער האט זיך נישט מבטל געווען צום אייבערשטן.

[פשוט און גראד]

שיינע געדאנק, אין נאך שענער ווען די קעפעלע טראכט פון תורה

[וואוילער]

זייער שיין!

אייגענס?

[שיטתי]

קורח האט זיך געשפירט ווי א יש, באמת איז ער געווען אויף גאר א גרויסע מדריגה.
אבער ער האט געהאלטן אז ער איז א יש, ווייל ער איז א קינד פונעם אייבערשטן. און עס קומט זיך אים צו פירן כלל ישראל. ער האט זיך נישט מבטל געווען צום אייבערשטן.

אה. די קעפל האט מיר אביסל צומישט מיין קעפל.

[אויסגעשארפטע בליי]

זייער שיין!

אייגענס?

ניין. געהערט פון א וואוילע איד

[אנדערער]

טייערע געדאנק. זיך מבטל זיין פאר דעם באשעפער און זיין תורה