באריכטן און בילדער פון אלע חצרות הקודש

[שאינו יודע לשאול]

שמחת הבר מצוה פון אן אייניקל פון האדמו"ר מגאלאנטא.

unnamed (84).jpg (72.28 KiB) געזען געווארן 523 מאל

[שאינו יודע לשאול]

תנאים פון נכד האדמור מ'פשעווארסק שליט"א עב"ג בת ר"י קראלי.

unnamed (85).jpg (206.17 KiB) געזען געווארן 517 מאל

[ברסלב פלוס]

הגר"מ שטרנבוך בשבוע האחרון בלימוד בביתו

[Joel]

יארצייט פון הרה"ק בעל בית אהרן מקארלין זי"ע ביי האדמו"ר מפינסק קארלין

[Joel]

שמחת השבע ברכות פון החתן בן האדמו"ר מאמשינאוו ארה"ב
האדמו"ר מאמשינוב ביים שמחה

[הקוראים]

שמחת בית וואודריזש

[Joel]

חדר פירן פון אן אייניקל פון האדמו"ר מראחמיסטריווקא

[חסיד הארץ]

0003.JPG (160.78 KiB) געזען געווארן 1593 מאל

0002.jpg (125.29 KiB) געזען געווארן 1593 מאל

0001.JPG (242.94 KiB) געזען געווארן 1593 מאל

[מושי פוטערפאס]

במהלך השבוע האחרון נערך במעונו של גאב"ד ירושלים
שליט“א, מעמד ’פתיחת ’בית הוראה‘ חדש בשכונת
גוש שמונים בירושלים, על ידי מכון ’הוראה בישראל‘
בנשיאות הגאב"ד שליט“א, כאשר התאספו ובאו בזמן
אחד קרוב למניין רבנים ומורי הוראה שיענו דבר ה‘
זו הלכה בבית הוראה החדש.
במהלך המעמד קיבל הגאב"ד שליט“א בפרטות כל אחד
מהרבנים, ונשא לפניהם דברי חיזוק ועידוד להמשיך
במלאכת הקודש להעמיד רבנים בישראל.
בדבריו הקצרים הביע הגאב"ד שליט“א את רגשות
שמחתו מהצלחת המפעל הכביר ’מכון הוראה
בישראל‘ להעמיד רבנים בישראל בדרך ישראל סבא,

[דעת קדשי]

הגה''צ אב''ד מכלל יופי בשיחה עם הגה''צ אב''ד סאטמאר וומס''ב

[דבוק אין צדיק]

IMG-20240628-WA0029.jpg (138.8 KiB) געזען געווארן 1429 מאל

[שאינו יודע לשאול]

שמחת בית סקווירא - וויזניץ - ראחמיסטריווקא.

unnamed (87).jpg (278.99 KiB) געזען געווארן 1399 מאל

[בצל התומר]

בצל התומר
סאטמאר מהר״יי

מאנטאג און דינסטאג פרשת שלח בצל הקודש

► Show Spoiler

מאנטאג פרשת שלח

פארן דאווענען האט דער רבי געלייגט תפילין פאר הבחור הבר מצוה
בן הרה״ח ר׳ יושע וואלף יאקאבאוויטש הי״ו.

אום 8:30 איז דער רבי אריינגעקומען צו תפילת שחרית אין ביהמ״ד הגדול,
בעל תפילה: מו״ה משה קופטשיק הי״ו.

ביי קריאת התורה זענען נתכבד געווארן
כהן: הרה״ח הישיש ר׳ יחזקאל גליק הי״ו.
לוי: הרה״ח ר׳ יצחק שלום טירנוער הי״ו.
שלישי: הבחור הבר מצוה בן הרה״ח ר׳ יושע וואלף יאקאבאוויטש הי״ו.
דער רבי איז געגאנגען הגבה.
גלילה: הרה״ח ר׳ יושע וואלף יאקאבאוויטש הי״ו.

נאכן דאווענען אחז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

אום 8:15 איז דער רבי אריינגעקומען צו תפילת מנחה בביתו נאוה קודש, בעל תפילה איז געווען הב׳ הירצקא זופניק ני״ו.

זמני כניסה איז געווען פון 8:40 ביז ארום 11:15.

אום 9:55 איז דער רבי אריינגעקומען צו תפילת מעריב, בעל תפילה איז געווען הב׳ יעקב כ״ץ ני״ו.

נאך די זמני כניסה איז רבינו שליט״א אנגעקומען אין די פרדס פיגא זאל צום שמחות החתונה פון נכדת הרב אליעזר קעסטענבוים שליט״א רב דביהמ״ד דמשק אליעזר,
החתן בן הרב מרדכי יצחק גאלד שליט״א עב״ג הכלה בת חתנו הרה״ג ר׳ צדוק משה שטארק שליט״א,
עס האט זיך פארמירט א שיינע שמועס, דער רבי האט געטרינקען לחיים און אנגעוואונטשען ברכת קדשו, דערנאך זיך אויפגעשטעלט אין א ריקוד מיטן חתן, מחותנים און זיידעס,
אים 11:45 איז דער רבי אהיים לביתו נאוה קודש.


דינסטאג פרשת שלח בצל הקודש

פארן דאווענען האט דער רבי געלייגט תפילין פאר די בר מצוה בחורים,
בן העסקן הרה״ח ר׳ שמחה אבעלעס הי״ו.
בן הרה״ח ר׳ מענדל בר״א שווימער הי״ו.

אום 8:30 איז דער רבי אריינגעקומען צו תפילת שחרית אין ביהמ״ד הגדול,
בעל תפילה: מו״ה יואל היימאן הי״ו.

נאכן דאווענען זענען די בר מצוה בחורים אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

ארום 5:30 איז רבינו שליט״א אנגעקומען קיין בארא פארק אין שטוב פון הנגיד ר׳ חיים הערש גאלד הי״ו, עס איז פארגעקומען א מעמד חתימת שטרות ווי ר׳ חיים הערש הי״ו האט מנדב געווען די פאנטאסטישע סומע פון איבער א מיליאן דאלער לטובת המקוה טהרה דקהילתינו הק׳ וואס בויעט זיך יעצט אין בארא פארק,
ביים אנקומען האט זיך דער רבי ווארעם באגריסט מיט האדמו״ר מדושינסקיא שליט״א,
עס האט אויפגעטרעטן הגה״צ דומ״ץ דקהלתינו ב״פ שליט״א, הגה״צ אב״ד סיגוט שליט״א, דערנאך האט דער רבי משמיע געווען קורצע דברת קודש און ארומגערעדט די חשיבות פון אויפבויען א מקוה טהרה, און דערמאנט לשבח פונעם חשוב׳ן נדבן ר׳ חיים הערש הי״ו און אויסגעפירט בברכת קדשו,
דער רבי האט געטרינקען לחיים און אנגעוואונטשען פארן נדבן ובני משפחתו, דערנאך האט דער רבי מכבד געווען דושינסקיא רבי שליט״א מיט לחיים, און זיך אויפגעשטעלט טאנצן לכבוד המאורע,
נאך א קורצע הפסקה האט דער רבי געדאווענט מנחה, בעל תפילה איז געווען הרה״ח ר׳ ליפא קליין הי״ו, נאך מנחה האט זיך דער רבי ווארעם געזעגענט מיט האדמו״ר מדושינסקיא שליט״א.

ארום 9:15 איז רבינו שליט״א אנגעקומען קיין שיכון סקווירא מלובש בבגדי שבת צום שמחת החתונה פון נכד גיסו הגה״צ אבד״ק מאקאווא זצ״ל הכלה בת חתנו הרה״ג ר׳ שמעון דוב טעווערסקי שליט״א עב״ג החתן בן הרב יעקב יוסף טעוורעסקי שליט״א נכד האדמו״ר מסקווירא שליט״א,
דער רבי האט זיך באגריסט מיט די אדמורי״ם ורבנים אויפן אויבנאן און איז געווארן אויפגענומען ביותרת הכבוד, סקווירא רבי שליט״א האט מכבד געווען דעם רבין מיט לחיים און דער רבי האט געוואונטשען ברכת קדשו, און דערנאך זיך אויפגעשטעלט אין א ריקוד מיט׳ן חתן, מחותנים און זיידעס, און אין א עקסטערן ריקוד מיט האדמו״ר מסקווירא שליט״א.

אום 10:40 ביים אנקומען צוריק קיין וויליאמסבורג האט רבינו שליט״א באשיינט די שמחת השבע ברכות ביי א אייניקל פון הרה״ח ר׳ מרדכי דוד ווידער הי״ו משב״ק החתן בן הרב משה אברהם דירעקטאר שליט״א עב״ג הכלה בת הרה״ח ר׳ משה חיים ווידער הי״ו,
דער רבי האט געטרינקען לחיים און געוואונטשען ברכת קדשו דערנאך זיך אויפגעשטעלט אין א ריקוד מיט׳ן חתן, מחותנים און זיידעס, און אין א עקסטערן ריקוד מיט המשב״ק ר׳ מרדכי דוד הי״ו.


אום 11:00 אזייגער איז דער רבי אריינגעקומען צו תפילת מעריב בביתו נאוה קודש, בעל תפילה איז געווען מו״ה שרגא פעלדמאן הי״ו.

~~

[בצל התומר]

בצל התומר
סאטמאר מהר״יי

מיטוואך און דאנערשטאג פרשת שלח בצל הקודש

► Show Spoiler

מיטוואך פרשת שלח

פארן דאווענען האט דער רבי געלייגט תפילין פאר הבחור הבר מצוה,
בן הרב חיים הערש רייז שליט״א.

אום 8:15 איז דער רבי אריינגעקומען צו תפילת שחרית אין ביהמ״ד הגדול,
בעל תפילה: מו״ה יעקב פריעדמאן הי״ו.

נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

אין די פארמיטאג שעות איז רבינו שליט״א אנגעקומען קיין בארא פארק און מנחם אבל געווען ביי משפחת שפיערער וואס זיצן שבעה ע״פ אביהם ע״ה, און ביי משפחת לעפקאוויטש וואס זיצן שבעה ע״פ הרה״ח ר׳ טובי יוסף ע״ה, און ביי הרה״ח ר׳ אביגדור בנימין ניימאן הי״ו וואס זיצט שבעה ע״פ אשתו ע״ה,
ביים אנקומען צוריק קיין וויליאמסבורג האט דער רבי מנחם אבל געווען ביי משפחת פריעד וואס זיצן שבעה ע״פ אביהם הרה״ח ר׳ אברהם יוסף ע״ה,
און ביי הרה״ח הישיש ר׳ חיים פסח גאלדשטיין הי״ו ובניו וואס זיצן שבעה ע״פ אשתו ע״ה, עס האט זיך פארצויגן א שיינע שמועס זכרונות וסיפורים פון רביה״ק זי״ע און דער רבי האט געוואונטשען ברכת תנחומין.

אום 8:15 איז דער רבי אריינגעקומען צו תפילת מנחה בביתו נאוה קודש, בעל תפילה איז געווען הב׳ הירצקא זופניק ני״ו.

זמני כניסה איז געווען פון 8:40 ביז 11:15 אויפדערנאכט.

נאכ׳ן שקיעה (צוליב כ׳ סיון ) האט דער רבי מסדר קידושין געווען ביים חופה פון החתן בן הרה״ח ר׳ יואל בר״א פריעדמאן הי״ו עב״ג הכלה בת הרה״ח ר׳ בצלאל פישער הי״ו אין די פרדס פיגא זאל,
און ביים חופה פון החתן בן הרה״ח ר׳ ברוך ארי פריעדמאן ע״ה עב״ג הכלה בת הרה״ח ר׳ ליפא שפיטצער הי״ו אין די כתר ריזל זאל.

אום 9:55 איז דער רבי אריינגעקומען צו תפילת מעריב, בעל תפילה איז געווען הב׳ יעקב כ״ץ ני״ו.

נאך די זמני כניסה איז רבינו שליט׳א אנגעקומען אין די אפעל גארדען זאל צום שמחת השבע ברכות ביי א אייניקל פון הנגיד ר׳ וואלף קויפמאן הי״ו החתן בן חתנו הרה״ח ר׳ משה לוי יקותיאל קארפען הי״ו עב״ג הכלה בת הרה״ח ר׳ דוד מינצבערג הי״ו פון ירושלים,
דער רבי האט געטרינקען לחיים און געוואונטשען ברכת קדשו, דערנאך זיך אויפגעשטעלט אין א ריקוד מיט׳ן חתן, מחותנים און די זיידעס.

פון דארט איז דער רבי אנגעקומען אין די כתר ריזל זאל צום שמחת החתונה פון החתן בן הרה״ח ר׳ ברוך ארי פריעדמאן ע״ה עב״ג הכלה בת הרה״ח ר׳ ליפא שפיטצער הי״ו,
דער רבי האט געטרינקען לחיים און געוואונטשען ברכת קדשו, דערנאך זיך אויפגעשטעלט אין א ריקוד מיט׳ן חתן, מחותנים און די זיידעס.
אום 11:50 איז דער רבי אהיים לביתו נאוה קודש.

דאנערשטאג פרשת שלח בצל הקודש

פארן דאווענען האט דער רבי געלייגט תפילין פאר הבחור הבר מצוה בן הרה״ח ר׳ יואל גרינפעלד הי״ו.

אום 8:30ֶ איז דער רבי אריינגעקומען צו תפילת שחרית אין ביהמ״ד הגדול,
בעל תפילה: מו״ה אליעזר יואל פריעדמאן הי״ו.

ביי קריאת התורה זענען נתכבד געווארן
כהן: הרה״ג ר׳ עזריאל הערמאן שליט״א.
לוי: הרב חיים יוסף אונגאר שליט״א בן האדמו״ר מנייטרא שליט״א.
שלישי: החתן אברהם אייזיקאוויטש הי״ו.
דער רבי איז געגאנגען הגבה.
גלילה: הבחור הבר מצוה בן הרה״ח ר׳ יואל גרינפעלד הי״ו.

נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

אין די פארמיטאג שעות איז פארגעקומען בקו״פ א מסיבת לחיים אינאיינעם מיט הנגידים הרה״ח ר׳ ישראל חיים שאהן הי״ו וגיסו הרה״ח ר׳ ישראל וויינגארטען הי״ו איידעמער פון הרה״ח ר׳ שלמה חיים הייזלער ע״ה ראה״ק סיגוט ב״פ, וואס זענען געקומען נאך א באזוך אינעם בנין הישיבה קטנה החדש ווי זיי האבן מנדב געווען א פאנטאסטישע סומע לטובת הבנין לע״נ חתנם ע״ה, עס איז אויך אנוועזענט געווען הגה״צ אב״ד זענטא שליט״א און די הנהלת הישיבה,
עס האט זיך פארמירט א לענגערע שמועס איבער הרה״ק מרן העצי חיים זי״ע, דערנאך האט אויפגעטרעטן הרה״ח ר׳ אהרן הערש פריינד הי״ו חבר הנהלת המוסדות, דער רבי האט געטרינקען לחיים און ווארעם אנגעוואונטשען פאר די נדבנים ובני משפחתם, און איבערגעגעבן א זילבערנע נר תמיד האלטער במתנה, און די נייע ספרי ברך משה על המועדים.

פארנאכטס האט דער רבי מסדר קידושין געווען ביים חופה פון החתן בן הרה״ח ר׳ זלמן לייב אייזיקאוויטש הי״ו עב״ג הכלה בת הרה״ח ר׳ וואלף שטיינבערג הי״ו אין די פרדס פיגא.

אום 8:15 איז דער רבי אריינגעקומען צו תפילת מנחה בביתו נאוה קודש בעל תפילה איז געווען הב׳ הירצקא זופניק ני״ו.

זמני כניסה איז געווען פון 8:40 ביז 10:30 אויפדערנאכט.
ארום 9:55 איז דער רבי אריינגעקומען צו תפילת מעריב, בעל תפילה איז געווען הב׳ יעקב כ״ץ ני״ו.

~~

[שאינו יודע לשאול]

האדמור מסאטמאר (מהרי"י) באזוכט אין מצה בעקעריי וואו מען האט שוין אנגעהויבן באקן לקראת חג הפסח תשפה.

aqCRsuf_wide_m.JPG.jpg (54.97 KiB) געזען געווארן 1179 מאל

[גמח]

בצל התומר
סאטמאר מהר״יי

מאנטאג און דינסטאג פרשת שלח בצל הקודש

ביי קריאת התורה זענען נתכבד געווארן
כהן: הרה״ח הישיש ר׳ יחזקאל גליק הי״ו.
לוי: הרה״ח ר׳ יצחק שלום טירנוער הי״ו.
שלישי: הבחור הבר מצוה בן הרה״ח ר׳ יושע וואלף יאקאבאוויטש הי״ו.
דער רבי איז געגאנגען הגבה.
גלילה: הרה״ח ר׳ יושע וואלף יאקאבאוויטש הי״ו.

ר' יחזקאל פון ק"י?

[שאינו יודע לשאול]

שמחת בית פינסק קארלין - סאסוב - קנה בושם(ר' מאיר בראנסדארפער)

unnamed - 2024-07-02T114821.748.jpg (359.63 KiB) געזען געווארן 889 מאל

[שאינו יודע לשאול]

האדמו"ר מתולדות אהרן ביים לערנען די אלף בית מיט אפשערן קינדער.

unnamed - 2024-07-02T115822.176.jpg (71.17 KiB) געזען געווארן 873 מאל

בענטשט די קינדערלעך.

unnamed - 2024-07-02T115815.382.jpg (92.67 KiB) געזען געווארן 873 מאל

[שאינו יודע לשאול]

דער ערשטער שבת ביי אב"ד אמונת ישראל.

unnamed - 2024-07-02T115846.437.jpg (57.62 KiB) געזען געווארן 869 מאל

א גוטע וואך.

unnamed - 2024-07-02T115852.280.jpg (62.75 KiB) געזען געווארן 869 מאל

[Joel]

שמחת הבר מצוה פון אן אייניקל פון האדמו"ר מתולדות אהרן בן לבנו בכורו הרה"צ ר' ישראל יוסף קאהן ראה"כ באר יוסף

[Joel]

הכנסת ספר תורה צו ביהמ"ד תולדות אהרן אין בית שמש

[Joel]

האדמו"ר מתולדות אהרן ביים לערנען די אלף בית מיט אפשערן קינדער

[Joel]

שמחת הבר מצוה פון בן הרה"ג ר' שמעון אהרן לעמבערגער ראש כוללי הארי שבחבורה בן הגה"צ אב"ד מאקווא אלעד זצ"ל וחתן האדמו"ר מנחלת אהרן

[Joel]

שמחת בית פינסק קארלין - סאסוב - קנה בושם(ר' מאיר בראנסדארפער)unnamed - 2024-07-02T114821.748.jpg

https://www.bechatzros.com/post/58765846

[מיילעך פריילעך]

בצל הקודש
באריכט פון פרשת שלח.

► Show Spoiler

זונטאג פרשת שלח
פאר'ן דאווענען איז אין ביהמ"ד הגדול פארגעקומען די ברית מילה לבן הנולד למז"ט למו"ה ר' משה יודא ברש"ז ווייס הי"ו, וואו מרן רבינו שליט"א איז געווען סנדק און מוהל.
מרן רבינו שליט"א האט געדאווענט תפלת שחרית אין ישיבה גדולה – סניף קדושת יואל. פארן דאווענען האט דער רבי שליט"א תפילין געלייגט פאר חתני הבר מצוה הב' בן מוה"ר ישכר דוב היימאן הי"ו, הב' בן מו"ה ר' אהרן קרויס הי"ו, הב' בן מו"ה ר' יצחק שפיטצער הי"ו, און הב' בן מו"ה ר' יקותיאל אלי' אייגנער הי"ו.
נאכן דאווענען האט דער רבי שליט"א פארגעלערנט דעם טעגליכן שיעור אויף קאפיטל כ"ב פסוק ב', דערנאך איז פארגעקומען א מסיבת לחיים מיט די בר מצוה בחורים בחדרו הפרטי.
ארום 12:45 האט זיך דער מרן רבינו שליט"א ארויסגעלאזט קיין בארא פארק באשיינען די חומש סעודה פון די תלמידי כיתה א' פון מוסדותינו הק'.
תורה צוה לנו משה מורשה קהילת יעקב: בערך אום 2:30 איז דער רבי אנגעקומען אין ביהמ"ד הגדול. ביים אנקומען אין ביהמ"ד האט זיך דער רבי באגריסט מיט גיסו הגה"צ אבד''ק מאנטרעאל שליט"א און ווארעם אנגעוואונטשן לרגל שמחת נשואי נכדתו למז"ט וואס איז פארגעקומען יענעם אויפדערנאכט אין ב"פ.
דער רבי איז ערשינען אין היכל הביהמ"ד צום מעמד ווי עס זענען אנוועזנד געווען די הונדערטער עלטערן און זיידעס פון די קינדער צווישן זיי פילע אדמורי"ם ורבנים שליט"א, ווי דער רבי האט אלעמען באגריסט.
די קינדער האבן געזינגען חרוזים לכבוד המאורע און עס האט אויפגעטרעטן הר"ר יוסף בנימין שטערן שליט"א מנה"ר, דערנאך האבן די קינדער פארגעזאגט די פסוקי חומש פון פרשת ויקרא, אנגעפירט דורכ'ן לאנגיעריגער מלמד מומחה הר"ר יודל ווערצבערגער שליט"א, דערנאך זענען אלע חתני המעמד אדורך ביים רבי'ן שליט"א כבני מרון ווי דער רבי האט פארטיילט א סידור פאר אלע קינדער.
דאן האט דער רבי שליט"א משמיע געווען קורצע דברי ברכה, און געמאכט א לחיים, און אנגעוואונטשן פאר די קינדער און זייערע עלטערן. מען האט געענדיגט ארום 3:10.
פון דארט איז דער רבי שליט"א צוגעפארן צום נייעם גיגאנטישער שטח אויף די 18טע עוו. און 53'סטע גאס, וועלכעס איז נארוואס אפגעקויפט געווארן דורך הנהלת מוסדותינו הק' צו בויען א נייעם מאיעסטעטישן בנין פאר די בית רחל הויך שולע. דערביי האט דער רבי געהערט א באריכט פונעם מנהל המוסדות הרה"ח ר' אהרן וועלץ הי"ו און הרה"ח ר' יעקב לאנדא הי"ו מראשי המוסדות, און דער רבי האט מאציל געווען מברכת קדשו.
פון דארט איז דער רבי אריבער אויף א באזוך אין שטוב פון הגה"צ רבי משה פריעדמאן שליט"א דומ"ץ דקהלתינו ב"פ לרגל שמחת נשואי בתו הצעירה למז"ט, עס האט זיך פארצויגן א הערליכע שמועס איבער פארשידענע מנהגים ביי ברית'ן און נאך פילע שאלות בהלכה בהלכות מעקה ובהלכות מקוה און נאך. דער רבי האט געמאכט א לחיים און ווארעם מאציל געווען מברכות קדשו פאר'ן דיין שליט"א ובני משפחתו.
בערך אום 4:40 איז דער רבי אנגעקומען קיין וויליאמסבורג צום מעמד יציקת הבורות אין ביהמ"ד החדש 'לב אהרן' ד'קהלתינו אין שכונת סאוט אכט סט.
צום ערשט איז דער רבי שליט"א אריין אינעם יעצטיגן ביהמ"ד אויף סאוט 8 סט. ווי עס איז פארגעקומען א מסיבת לחיים וחתימת שטרות מיט די נדבנים פונעם ביהמ''ד החדש. עס האט אויפגעטרעטן הרה"ג ר' חיים אהרן אונגאר שליט"א דומ"ץ הביהמ"ד און דערמאנט לשבח די מתפללי הביהמ''ד וואס האבן אין די לעצטע שטיק צייט אויפגעטריבן דעם אסטראנאמישע סכום פון אריבער זעקס מיליאן דאלער צו קענען ענדיגען דעם ביהמ"ד החדש, דערנאך זענען די נדבנים ארויף אויפן אויבנאן און אונטערגעשריבן די שטרות אינאיינעם מיט מרן רבינו שליט"א און דער רבי האט יעדעם באזונדער מאציל געווען מברכתו בקודש.
דער רבי האט געמאכט א לחיים און אנגעוואונטשן פאר'ן אנוועזענדער ציבור, און משמיע געווען דברות קודש אז ווען מען באנייט א ביהמ"ד פאר תורה און תפילה איז א שמחה פאר יעדעם איינעם, דער רבי האט משמיע געווען דברי הדרכה אז ווען מען איז מחנך א ביהמ''ד עס זאל זיין מיוסד אויף די סאטמאר'ע יסודות אז די ביהמ"ד זאל באלאנגען פאר די מחנה אלוקים און נישט ווערן נאכגעשלעפט פון די מחנה מגושמים, און מסיים געווען מיט ברכות לרוב פאר די חשוב'ע נדבנים, פאר'ן חשובן דיין שליט"א וועלכע איז עוסק בדבר ה' זו הלכה א גאנצן טאג, און צוגעענדיגט מיט ברכות קדשו פאר די עסקני הביהמ"ד.
פון דארט איז דער רבי אריבער צום מיעסטעטישן ביהמ"ד החדש ווי דער רבי האט באטראכט דעם שיינעם היכל, מיט די חלקים וואס וועלן גענוצט ווערן פאר די חדרי התפילה, וואס בשבתות וימים טובים וועט דאס געעפענט ווערן צו א פראכטפולער היכל פון קרוב צו 5 טויזענט ס.פ מיט הונדערטער זיצן בליעה"ר.
דערנאך איז דער רבי אראפ צו די מקוה ווי דער רבי האט געגאסן די בורות און דערנאך האט דער רבי מיט גיסן מכבד געווען בנו הגה"צ רב ד'קהלתינו וויליאמסבורג שליט"א, הרה"ג דומ"ץ הביהמ"ד שליט"א, און די נדבני הביהמ"ד, דאן איז דער רבי צוריק ארויף צום היכל הביהמ"ד ווי עס איז פארגעקומען א מסיבת לחיים לכבוד המאורע.
מען האט געזינגען עטליכע ניגונים דער רבי האט געמאכט א לחיים און אנגעוואונטשן פאר'ן גאנצן ציבור און דערביי משמיע געווען דברות קודש איבער די חשיבות ביים רבוש"ע ווען א איד וואס איז עוסק על המחיה ועל הכלכלה רייסט זיך אוועק אין ביהמ"ד צו קומען דאווענען און לערנען. דער רבי האט אנגעוואונטשן אז מען באנייט א סאטמארע ביהמ"ד זאל מען זעהן ס'זאל אנהאלטן תורה עבודה וגמ''ח, און דער רבי האט מסיים געווען מיט ברכות לרוב פאר אלע מתפללי הביהמ"ד. מען האט געענדיגט ארום 5:50.
פון דארט איז דער רבי צוגעפארן צום שטח הבני' פונעם בנין החדש והמפואר פון די ישיבה לצעירים שע''י מוסדותינו הק' אין וויליאמסבורג.
דער רבי האט זיך אומגעקוקט אויף די בוי ארבעט און דערביי געהערט א באריכט פון הרה"ח ר' אברהם בראך הי"ו יו"ר הנהלת הישיבה, דערנאך האט דער רבי געגאסן די אבן הפינה און מכבד געווען מיט'ן גיסן בנו הגה"צ שליט"א און הרה"ג ר' הערשל הורוויץ שליט"א מנהל הישיבה, און די חברי הנהלה, און דערביי געוואונטשן ברכות לרוב פאר די חברי הנהלה ועוסקים במלאכת הקודש צו בויען דעם שיינעם בנין. ארום 6:10 האט זיך דער רבי ארויסגעלאזט אויפן וועג אהיים לביתו נאוה קודש אין קרית יואל.
בערך אום 7:45 האט דער רבי געדאווענט מנחה בביתו נאוה קודש.
קול רנה וישועה באהלי צדיקים: ארום 9:10 איז דער רבי ערשינען אין ביהמ"ד אהל פיגא ד'קהלתינו צו די צענטראלע שמחת השבע ברכות לרגל השמחה בחצרות קדשינו צוגעשטעלט דורך די מתפללי הביהמ"ד לכבודו פון מרן רבינו שליט"א און חדב"ן הגה"צ רב דביהמ"ד שליט"א.
דער רבי האט געמאכט א לחיים און אנגעוואונטשן פאר'ן חתן, מחותנים, און פאר'ן גאנצן ציבור, און דאן משמיע געווען דברות קודש בדברי תורה בענין שמחת חתן וכלה, און ארומגערעדט בשבח פונע'ם חתן און פון הגה"צ רב דביהמ"ד שליט"א, און מסיים געווען בברכת קדשו פארן גאנצן ציבור.
דערנאך האט זיך דער רבי אויפגעשטעלט טאנצן אינאיינעם מיטן חתן ומחותנים שליט"א פאר א לענגערע צייט. בעפאר'ן זמן ר"ת האט מען געבענטשט, מיט'ן בענטשן האט דער רבי שליט"א מכבד געווען חדב"ן הגה"צ רב הביהמ"ד אבי החתן שליט"א און דער רבי האט געזאגט די שבע ברכות.
נאכן בענטשן האט אויפגעטרעטן הר"ר ישראל מאיר פריעדמאן שליט"א בשם די מתפלל הביהמ"ד, און דערנאך האט אויפגעטרעטן הגה"צ רב הביהמ"ד שליט"א, און דאן האט מיט דברי בדחנות משמח געווען הרה"ח ר' אלי' שווייצער הי"ו. מען האט געענדיגט ארום 10:25.
באולם שעל יד ביתו נאוה קודש איז פארגעקומען די ווארט-תנאים פון המחותנים הרה"ח ר' אברהם יואל גראסבערג הי"ו (מאנסי), און הר"ר מנחם זאב זילבערשטיין שליט"א, און פון המחותנים הרה"ח ר' יואל קרויס הי"ו, און הרה"ח ר' אלי' שטיינמעטץ הי"ו, וואו מרן רבינו שליט"א האט געליינט די תנאים.
דערנאך האט דער רבי שליט"א געדאווענט מעריב בביהמ"ד בביתו נאוה קודש, און נאך מעריב איז געווען זמני כניסה בקו''פ ביז ארום 11:45.
נאך די זמני כניסה האט דער רבי שליט"א מנחם אבל געווען משפחת הרה"ח ר' אברהם יוסף פריעד ע"ה.

מאנטאג פרשת שלח
פאר'ן דאווענען איז אין ביהמ"ד הגדול פארגעקומען די ברית מילה לבן הנולד למז"ט למו"ה ר' משה יודא ניימאן הי"ו, וואו מרן רבינו שליט"א איז געווען סנדק און מוהל.
מרן רבינו שליט"א האט געדאווענט תפלת שחרית אין ישיבה גדולה – סניף דברי יואל. פארן דאווענען האט דער רבי שליט"א תפילין געלייגט פאר חתן הבר מצוה הב' בן מו"ה ר' יודא ווערצבערגער הי"ו.
נאכן דאווענען פארגעלערנט דעם טעגליכן תהילים שיעור אויף קאפיטל כ"א פסוק ג'. דערנאך איז פארגעקומען א לחיים מיט'ן בר מצוה בחור בחדרו הפרטי.
אין די נאכמיטאג שטונדן האט מרן רבינו שליט"א געלערנט מיט א' מתלמידי הישיבה אין חדרו הפרטי פון ישיבה גדולה סניף דברי יואל.
פארנאכטס האט מרן רבינו שליט"א מסדר קידושין געווען ביים חופה פון המחותנים הרה"ח ר' אלי' צבי משה גאלדבערגער הי"ו, און הרה"ח ר' נפתלי יעקב דרעזדנער הי"ו ביים זאל פון קרן ויואל משה. און ביים חופה פון המחותנים הרה"ח ר' אברהם יושע לאנדא הי"ו, און הרה"ח ר' שמואל ברא"מ גאלדשטיין הי"ו ביים זאל פון בית רחל פאראדייס. און דאן ביים חופה פון המחותנים הרה"ח ר' ברוך יצחק ווייס הי"ו, און הרה"ח ר' משה לעווינגער הי"ו ביים זאל פון גינת קליין.
נאך די חופות ארום 8:15 איז דער רבי שליט"א אריבער צום נייעם שטוב פון העסקן הדגול ר' משה יוסף ברא"ש פריעדלענדער הי"ו, ווי דער רבי האט קובע געווען א מזוזה און געמאכט א לחיים, דערביי איז פארגעקומען די חאלאקע פון בנו ני"ו, דער רבי האט אפגעשניטן האר אנגעטוהן א קאפל און ציצית און מאציל געווען מברכת קדשו.
ארום 8:30 האט דער רבי געדאווענט מנחה בביתו נאוה קודש אויף איהעל קט. און דערנאך איז געווען זמני כניסה בקו''פ ביז 1:30 אויפדערנאכט.
באולם שעל יד ביתו נאוה קודש איז פארגעקומען די ווארט-תנאים פון המחותנים הרה"ח ר' יואל ברי"י רובין הי"ו, און הרה"ח ר' מאיר פייערשטיין הי"ו, וואו מרן רבינו שליט"א האט געליינט די תנאים.
בערך אום 12:45 האט דער רבי האט געדאווענט מעריב און דערנאך ווייטער ממשיך געווען אויפנעמען דעם ציבור.
נאך מעריב איז בקודש פנימה פארגעקומען א מסיבת לחיים לרגל די חתונה פון החתן יחזקאל שרגא בן העסקן הדגול איש המעש הרה"ח ר' יואל ברמ"ד לאנדא הי"ו עב"ג הכלה בת הרה"ח ר' יואל משה ציק הי"ו (מאנטרעאל). עס האט זיך פארמירט א שיינע שמועס איבער קהלתינו הק' אין מאנטרעאל און איבער דעם הערליכן נייעם פלייש געשעפט אין בארא פארק וואס שטייט אינער די פירערשאפט פונעם מחותן ר' יואל. דער רבי האט געמאכט א לחיים און ווארעם אנגעוואונטשן פאר'ן חתן, מחותנים, און זיידעס, און באזונדער א ברכת הצלחה פארן מחותן ר' יואל וכל מי שעוסקים בצרכי ציבור באמונה הקב"ה ישלם שכרם.

דינסטאג פרשת שלח
מרן רבינו שליט"א האט געדאווענט תפלת שחרית אין ישיבה גדולה – סניף עצי חיים. פארן דאווענען האט דער רבי שליט"א תפילין געלייגט פאר חתני הבר מצוה הב' בן מו"ה ר' מרדכי שעהר הי"ו, הב' בן מו"ה ר' צבי אילאוויטש הי"ו, הב' בן מו"ה ר' יחזקאל שרגא הירש הי"ו, , הב' בן מו"ה ר' דוד מרדכי איידליס הי"ו, , הב' בן מו"ה ר' שמואל יודא בערקאוויטש הי"ו, און הב' בן מו"ה ר' נפתלי הירצקא ווייס הי"ו.
נאכן דאווענען האט דער רבי שליט"א פארגעלערנט דעם טעגליכן שיעור אויף קאפיטל כ"ב פסוק א'. דערנאך איז פארגעקומען א מסיבת לחיים מיט די בר מצוה בחורים בחדרו הפרטי.
אין די נאכמיטאג שטונדן האט מרן רבינו שליט"א געלערנט מיט א' מתלמידי הישיבה אין חדרו הפרטי פון ישיבה גדולה סניף דברי יואל. און ארום 5:45 האט דער רבי געדאווענט מנחה אין ישיבה.
פארנאכטס איז מרן רבינו שליט''א אריינגעפאהרן קיין וויליאמסבורג צו די וועכענטליכע זמני כניסה.
ביים אנקומען אין וומסב''ג איז דער רבי שליט"א אריבער צו באשיינען די שמחת השבע ברכות פון הכלה בת הרה"ג ר' אהרן מייזליש שליט"א רב דביהמ"ד ברך משה ב"פ, בן הגה"צ גאב"ד ד'קהלתינו מאנטרעאל שליט"א, וועלכעס איז פארגעקומען בבית בנו הרב מרדכי דוב מייזליש שליט"א. עס האט זיך פארצויגן א לענגערע שמועס בתולדות רבותינו הק' לבית העצי התמרים, דער רבי האט געמאכט א לחיים און ווארעם אנגעוואונטשן פארן חתן און מחותנים, פאר גיסו הגה"צ מאנטרעאלער רב שליט"א, און פאר אחותו הרבנית ממאנטרעאל תחי'.
די זמני כניסה איז געווען פון 9:00 ביז 12:15 אויפדערנאכט בביתו נאוה קודש אויף היוז סט.
ארום 11:20 האט דער רבי שליט"א געדאווענט מעריב און דערנאך ווייטער ממשיך געווען אויפנעמען דעם ציבור.
נאך די זמני כניסה איז דער רבי שליט"א אריבער לביתו החדש פון האברך הנגיד ר' יחזקאל שרגא בראך הי"ו בן הרה"ח הנדיב מוה"ר אברהם הי"ו מגדולי תומכי קהלותינו ומוסדותינו הק', ווי דער רבי האט קובע געווען א מזוזה, געמאכט א לחיים, און עס האט זיך פארצויגן א שיינע שמועס בקורות גדולי ישראל. דער רבי האט מאציל געווען מברכת קדשו פאר ר' יחזקאל שרגא הי"ו און פאר אביו הרה"ח ר' אברהם בראך הי"ו, און לרגל שמחת הבר מצוה פון בנו למז"ט האט רבינו שליט"א געגעבן א מתנה פאר'ן בר מצוה בחור ספרו לב אהרן על מס' פסחים.
דערנאך איז דער רבי אריבער אין שטוב פון הרה"ח ר' שלום יצחק יאקאבאוויטש הי"ו מגדולי תומכי קהלותינו ומוסדותינו הק' לרגל שמחת נישואי בנו למז"ט, ווי ס'איז אויך אנוועזנד געווען הגה"צ ר' יהודא דייטש שליט"א מעיה"ק ירושלים ת"ו, עס האט זיך פארצויגן א שיינע שמועס און דער רבי האט מעיין געווען פאר א לענגערע צייט אינעם נייעם הערליכן ספר אוצר גנזי ש"י וואס דער חשובער מחותן האט ארויסגעגעבן לכבוד די חתונה, ווי עס זענען געדרוקט געווארן פילע כתבי ידות פון גדולי ישראל צדיקים הקודמים און דאס מעתיק געווען במילואו, דער רבי האט פארציילט גאר אינטערעסאנטע געשיכטעס בשייכות מיט עטליכע פון די כתבי ידות, דאן האט דער רבי האט געמאכט א לחיים און מאציל געווען מברכת קדשו פארן חתן און מחותנים.

מיטוואך פרשת שלח
מרן רבינו שליט"א האט געדאווענט תפלת שחרית אין היכל המתיבתא – סניף ויואל משה. פארן דאווענען האט דער רבי שליט"א תפילין געלייגט פאר חתני הבר מצוה הב' בן מו"ה ר' יעקב נפתלי קאסירער הי"ו, און הב' בן מו"ה ר' זאב דוב וויזענפעלד הי"ו.
נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל כ"ב פסוק א'. דערנאך איז פארגעקומען א לחיים מיט די בר מצוה בחורים בחדרו הפרטי.
ארום 4:00 נאכמיטאג איז האדמו"ר מ'דושינסקיא שליט"א אנגעקומען אויף א באזוך צו מחותנו מרן רבינו שליט"א בביתו נאוה קודש ווי עס האט זיך פארצויגן א שיינע שמועס איבער פארשידענע מנהגים פון ירושלים עיה"ק, אזוי אויך האט דער דושינסקיא'ר רבי שליט"א איבערגעגעבן א גרוס פון די ישיבה גדולה שיעור ד' ווי דער רבי שליט"א האט געדאווענט תפילת שחרית פארגאנגענע וואך, דער רבי האט אים מכבד געווען מיט לחיים און ווארעם מאציל געווען מברכת קדשו.
אין די נאכמיטאג שטונדן האט מרן רבינו שליט"א געלערנט מיט א' מתלמידי הישיבה אין חדרו הפרטי פון ישיבה גדולה סניף ברך משה.
ארום 8:00 האט דער רבי געדאווענט מנחה בביתו נאוה קודש אויף איהעל קט. און דערנאך איז געווען זמני כניסה בקו''פ ביז 12:45 אויפדערנאכט.
פארנאכטס – נאך די שקיעה (צוליעב כ' סיון) האט מרן רבינו שליט"א מסדר קידושין געווען ביים חופה פון המחותנים הר"ר אברהם יושע בר"מ ווערצבערגער שליט"א, און הר"ר יואל פאסטערנאק שליט"א ביים זאל פון כינור דוד. און ביים חופה פון המחותנים הרה"ח ר' אברהם גאלדבערגער הי"ו, און הרה"ח ר' מאיר שאול יחזקאל העכט הי"ו ביים זאל פון בית רחל פאראדייס. און דאן ביים חופה פון המחותנים הרה"ח ר' טובי' גדלי' פאשקעס הי"ו, און הרה"ח ר' מענדל הערש ראזענבערג הי"ו ביים זאל פון גינת קליין.
באולם שעל יד ביתו נאוה קודש איז פארגעקומען די ווארט-תנאים פון המחותנים הרה"ח ר' שמעון הערשקאוויטש הי"ו, און הרה"ח ר' יואל ברמ"ש ווייס הי"ו, וואו מרן רבינו שליט"א האט געליינט די תנאים.
דער רבי האט געדאווענט מעריב ארום 12:45.

דאנערשטאג פרשת שלח
מרן רבינו שליט"א האט געדאווענט תפלת שחרית אין ישיבה גדולה סניף – ברך משה. פארן דאווענען האט דער רבי שליט"א תפילין געלייגט פאר חתן הבר מצוה הב' בן מו"ה ר' אברהם בראך הי"ו.
נאכן דאווענען פארגעלערנט דעם טעגליכן תהילים שיעור אויף קאפיטל כ"ב פסוק א'.
נאך עטליכע מינוט איז דער רבי אריינגעקומען בהיכל הביהמ"ד צום מסיבת לחיים לרגל שמחת קישור החיתון פון נכדו החתן הרב דוד דוב מייזליש שליט"א ממצייני תלמידי הישיבה, בן חדב"ן הגה"צ רב דביהמ"ד ישמח משה שליט"א, מען האט געזינגען ניגוני שמחה, דער רבי האט געמאכט א לחיים און אנגעוואונטשן פאר'ן חתן, פאר'ן בר מצוה בחור, און אלע תלמידי הישיבה, און עס האט אויפגעטרעטן דער מנהל הרה"ג ר' הלל ראבינאוויטש שליט"א.
דאן האט דער רבי שליט"א משמיע געווען דברות קודש בדברי אגדה בעניני נישואין און מסיים געווען בברכות לרוב, און דערנאך האט דער חתן געזאגט די פשעטיל און מען האט אריינגעזינגען כנהוג, און דער רבי האט זיך אויפגעשטעלט טאנצן אינאיינעם מיט'ן חתן.
נאכמיטאג איז פארגעקומען די ברית מילה לבן הנולד למז"ט למו"ה ר' חיים הערש בהר"ר יעקב ווייס שליט"א, וואו מרן רבינו שליט"א איז געווען סנדק און מוהל, דערנאך איז פארגעקומען א מסיבת לחיים בהיכל הביהמ"ד אינאיינעם מיטן בעל ברית.
פארנאכטס האט מרן רבינו שליט"א מסדר קידושין געווען ביים חופה פון המחותנים הרה"ח ר' יואל מאיר פריעדמאן הי"ו, און הרה"ח ר' אלי' מרדכי בראך הי"וא ביים זאל פון כינור דוד. און ביים חופה פון המחותנים הרה"ח ר' יואל פריינד הי"ו, און הרה"ח ר' ישראל אברהם פעדער הי"ו ביים זאל פון בית רחל פאראדייס. און דאן ביים חופה פון המחותנים הרה"ח ר' יואל בר"ב באכנער הי"ו, און הרה"ח ר' נתנאל יאזשעף הי"ו ביים זאל פון גינת קליין.
ארום 8:20 האט דער רבי געדאווענט מנחה בביתו נאוה קודש אויף איהעל קט, און דערנאך איז געווען זמני כניסה בקו''פ ביז 10:30 אויפדערנאכט. אום 9:50 האט דער רבי האט געדאווענט מעריב און דערנאך ווייטער ממשיך געווען אויפנעמען דעם ציבור.
באולם שעל יד ביתו נאוה קודש איז פארגעקומען די ווארט-תנאים פון המחותנים הרה"ח ר' יואל ברמ"ש איידליס הי"ו, און הרה"ח ר' זאב שערצער הי"ו, וואו מרן רבינו שליט"א האט געליינט די תנאים.
נאך די זמני כניסה איז דער רבי אנגעקומען אין ביהמ"ד בית שמואל ד'קהלתינו בשכונת דברי חיים צו די שמחת התנאים בחצרות קדשינו פון נכדו החתן הרב דוד דוב מייזליש שליט"א בן חדב"ן הגה"צ רב דביהמ"ד ישמח משה שליט"א, עב''ג בת הגה"צ ר' יואל האלבערשטאם שליט''א רב דביהמ"ד בית שמואל.
עס האבן אויפגעטרעטן די מחותנים שליט"א, און דאן האט דער רבי מסדר געווען דעם תנאים, און מכבד געווען דעם זיידן הגה"צ גאב"ד ד'קהלתינו ב"פ שליט"א צו ליינען די תנאים, אלץ עדות האבן געדינט הרה"ח ר' הערשל לעווי הי"ו און הרה"ח ר' יצחק עקשטיין הי"ו, ערב קבלן: הרה"ח ר' יואל עפשטיין הי"ו, הרה"ח ר' מאיר הכהן גראס הי"ו.
דער רבי האט געטרינקן לחיים און אנגעוואונטשן פארן חתן, מחותנים, און פארן גאנצן ציבור, און משמיע געווען דברות קודש בעניני נישואין, און ארויסגעברענגט די שמחה אז מען איז זיך משדך מיט אן אייניקל פון מר אביו רביה"ק בעל ברך משה זיע''א און מסיים געווען מיט ברכות לרוב.
דערנאך האט דער חתן געזאגט די פשעטיל און מען האט אריינגעזינגען כנהוג, מען האט געזינגען ניגוני שמחה און דער גאנצער ציבור איז אריבער וואונטשן מזל טוב פאר מרן רבינו שליט"א. מען האט פארענדיגט ארום 12:00, אויפן וועג ארויס האט דער רבי אנגעוואונטשן פאר די כלה.

פרייטאג פרשת שלח
מרן רבינו שליט"א האט געדאווענט תפלת שחרית אין ישיבה גדולה סניף – דברי יואל.

שבת קודש פרשת שלח - מבה"ח תמוז
אום 9:10 איז מרן רבינו אריינגעקומען אין ביהמ"ד הגדול מעוטף בטליתו און צוגעגאנגען צו תפלת מנחה אנהויבנדיג מיט א ברען 'הודו לה' כי טוב'.
מיט קבלת שבת איז נתכבד געווארן מוה"ר אשר זעליג בלייך הי"ו. מ'האט געענדיגט דאווענען בשעה 10:35, נאכ'ן דאווענען איז דער ציבור איז אריבער זאגן 'גוט שבת'.
שולחן הטהור
בשעה 11:00 איז מרן רבינו שליט"א אריינגעקומען צום 'שולחן הטהור' אין היכל השולחנות אינאיינעם מיט די תלמידי המתיבתא, דער רבי שליט"א האט אנגעהויבן כדרכו בקודש 'שלום עליכם' מיט אן אש להבה. מיט 'אשת חיל' האט דער רבי שליט"א מכבד געווען נכדו הב' ישכר בער טייטלבוים ני"ו בן חדב"ן הגה"צ רב דביהמ"ד ויו"מ-ברך משה שליט"א. מיט הגבהת הכוס איז נתכבד געווארן נכד רבינו מוה"ר יוסף לייב יאקאב הי"ו פון ירושלים.
מיט'ן זמר 'כל מקדש' האט דער רבי שליט"א מכבד געווען מוה"ר יוסף לייב יאקאב הי"ו, און מיט'ן זמר 'מנוחה ושמחה' הרה"ח ר' יואל ישראל וואגשאהל הי"ו פון מאנסי.
דער רבי שליט"א האט משמיע געווען דברי תורה אויפ'ן פסוק שלח לך אנשים און עס אויסגעטייטשט בדרך דרוש אינעם סוגיא פון אין עשה דוחה לא תעשה ועשה.
מיטן זמר 'י-ה אכסוף' האט דער רבי שליט"א מכבד געווען הרה"ח ר' ירמי' דושינסקיא הי"ו פון ירושלים, מיט ברכת המזון האט דער רבי שליט"א מכבד געווען נכדו החתן הרב דוד דוב מייזליש שליט"א בן חדב"ן הגה"צ רב דביהמ"ד ישמח משה שליט"א.
עובדות וסיפורים האט דער רבי שליט"א דערציילט פון זקינו הרה"ק רבי מיכל מ'קירמא זי"ע וואס זיין יארצייט איז אויסגעפאלן די וואך.
מיטן זמר י-ה רבון עלם האט דער רבי שליט"א מכבד געווען הרה"ח ר' מרדכי מיטטעלמאן הי"ו פון וויליאמסבורג.
ביי די פירות זענען די חתנים אריבער נעמען שיריים. מיטן זמר אז ביום השביעי האט דער רבי שליט"א מכבד געווען הר"ר מאיר סימאן שליט"א, מ'האט געענדיגט דעם טיש אום 1:35 אזייגער.
וביום השבת קודש
שב"ק אינדערפרי איז דער רבי שליט"א אריינגעקומען צום דאווענען אום 9:40, מיט פסוקי דזמרה איז נתכבד געווארן הרה"ח ר' יואל מאיר פריעדמאן הי"ו, מרן רבינו שליט"א האט פאהרגעזאגט וכרות און יורד געווען לפני התיבה צו תפלת שחרית כנהוג.
מיט הוצאה והכנסה איז נתכבד געווארן הרה"ח ר' יושע ארי' גרינוואלד הי"ו און מיט פסוקי שמע ישראל הרה"ח ר' טובי' שרייבער הי"ו.
עליות
כהן: הרה"ח ר' יואל ברי"ש קאהן הי"ו - באווארפן; לוי: הרה"ח ר' משולם איסר לעווי הי"ו; שלישי: החתן אלעזר ני"ו בן הרה"ח ר' ליפא שפילמאן הי"ו; רביעי: החתן ליפא ני"ו בן הרה"ח ר' יואל מאיר פריעדמאן הי"ו; חמישי: החתן שמואל מאיר ני"ו בן הרה"ח ר' יחזקאל משולם גלויבער הי"ו; שישי: מרן רבינו שליט"א, דער רבי שליט"א האט קורא שם געווען לבתו הנולדה למז"ט למו"ה ר' אשר זעליג בלייך הי"ו, לבתו הנולדה למז"ט למו"ה ר' יואל בר"א אקער הי"ו און פאר בתו הנולדה למז"ט למו"ה ר' אהרן בר"י זילבערשטיין הי"ו; שביעי: הרה"ח ר' יואל בר"ש לאנדא הי"ו, דער רבי שליט"א האט קורא שם געווען לבתו הנולדה למז"ט; אחרון: הרה"ח ר' יואל עזרא לעווי הי"ו; מפטיר: הרה"ח ר' חיים קארנבלי הי"ו; הגבה: הרה"ח ר' אהרן שמואל שרייבער הי"ו; גלילה: הרה"ח ר' אלי' מרדכי בראך הי"ו.
נאכן ליינען האט רבינו שליט"א ראש חודש געבענטשט מיט גרויס התעורורות.
מוסף: מיט תפלת מוסף איז נתכבד געווארן הרה"ח ר' שלום יצחק שעהר הי"ו, מיט פתיחת הארון פאר אנעים זמירות איז נתכבד געווארן הרה"ח ר' יעקב יצחק ווינקלער הי"ו פון וומסב"ג.
נאכן דאווענען איז פאהרגעקומען די ברית מילה לבן הנולד למז"ט למו"ה ר' צשולם איסר לעווי הי"ו. מען האט געענדיגט ארום 12:45.
נאכן דאווענען איז פארגעקומען די ברית לבן הנולד אצל ר' משולם איסר לעווי הי"ו ווי דער רבי איז געווען סנדק ומוהל, וואו מרן רבינו שליט"א איז געווען סנדק און מוהל. מען האט געענדיגט ארום 12:45.
רעווא דרעווין
אום 9:00 אזייגער איז דער רבי שליט"א אריינגעקומען צו מנחה ושל"ס, עס איז נתכבד געווארן צו דאווענען פאר'ן עמוד הרה"ח יוסף משה גלאנץ הי"ו, מיט הוצאה והכנסה איז נתכבד געווארן הרה"ח ר' בצלאל משה גאלדבערגער הי"ו; כהן: הרה"ח ר' יוסף לייב סאנדער הי"ו פון וויליאמסבורג; לוי: הרה"ח ר' ישראל שמחה לאנדא הי"ו; שלישי: הרה"ח ר' משה דוד גוטמאן הי"ו פון וויליאמסבורג; גלילה: הרה"ח ר' אברהם שמואל וויינבערגער הי"ו.
מיט'ן זמר 'אודה' האט דער רבי שליט"א מכבד געווען הרה"ח ר' שלמה צבי בר"מ עקשטיין הי"ו, און מיט 'שיר המעלות' הרה"ח ר' משה גאלדשטיין הי"ו.

דער רבי שליט"א האט משמיע געווען דברות קודש אויפן פסוק 'והתחזקתם ולקחתם מפרי הארץ' שטייט אין ספה"ק אז 'פרי הארץ' איז בגי' 'שופר', און דער רבי האט ארויסגעברענגט אז בזכות וואס כלל ישראל האט אמונה אין ביאת המשיח און מען זאגט לשנה הבאה בירושלים יעדע יאר טראץ וואס מען איז נישט געהאלפן געווארן די פארגאנגענע יאר, אין דעם זכות נעמט הקב"ה אהן די הרהור תשובה וואס יעדער איד האט אין די הייליגע טעג טראץ וואס מען האט שוין א יאר צוריק אויך צוגעזאגט אז מען גייט זיין בעסער און מען איז געבליבן די זעלבע, דערפאר בלאזט מען שופר ראש השנה ווי רבי סעדי' גאון ברענגט צען טעמים צווישן אנדערע 'לעורר לתשובה', 'חורבן ביהמ"ק', און 'ביאת המשיח', ווייל עס איז תלוי איינס אינעם צווייטן.
דער רבי האט מעורר געווען אז מען האט היינט געבענטשט ראש חודש תמוז וואס דורשי רשומות זאגן אז תמוז איז ר"ת ז'מני ת'שובה מ'תקרבין ו'באין, און געזאגט אז טראץ מען גייט יעצט אריין אין די חדשי הקיץ וואס די מנהג העולם איז אז מען לאזט נאך פארשידענע זאכן דארף מען האלטן פאר די אויגן אז עס גייט קומען א יום הדין און מען גייט דארפן אפגעבן א דין וחשבון אויף יעדע דיבור, מעשה, און מחשבה, און דאס זאגט אונז משה רבינו די וואך 'והתחזקתם ולקחתם מפרי הארץ'.
מיטן זמר ידיד נפש האט דער רבי שליט"א מכבד געווען הרה"ח ר' יעקב יושע פריעדמאן הי"ו פון וומסב"ג, און מיט'ן זמר קל מסתתר הרה"ח ר' שמואל לייב בראך הי"ו פון וומסב"ג. דער רבי האט געבענטשט על הכוס. און דערנאך האט דער רבי געזאגט שבע ברכות.
מיט תפלת מעריב איז נתכבד געווארן הרה"ח ר' יצחק שלום פריעדמאן שליט"א מו"ץ ב'קהלתינו. און דאן האט דער רבי שליט"א געמאכט הבדלה. נאך הבדלה איז דער ציבור אריבער זאגן א גוטע וואך. מען האט געענדיגט ארום 11:20.
ארום 12:30 איז פארגעקומען בביתו נאוה קודש א כתיבת האותיות פאר די ספר תורה וואס ווערט געשריבן דורך הרה"ח ר' חיים אברהם ווייס הי"ו און ווערט אריינגעגעבן דעם היינטיגן דאנערשטאג אין ביהמ"ד בית ברוך ד'קהלתינו אין קרית יואל.
דער רבי האט אריינגעשריבן עטליכע אותיות און געמאכט א לחיים און אנגעוואונטשן פאר הרה"ח ר' חיים אברהם הי"ו און זיין משפחה.