מיליטערישע נייעס קאנאל - מיט מיליטערמאן

[מיליטערמאן]

אנאליז:

די סך הכל שאדן פאר די אמעריקאנע לופט כוחות אין די איראנע מלחמה ביז אפריל 10.

דא איז א ליסטע פון אלע עירקרעפט וואס אמעריקע האט פארלוירן.

U.S.-Aircraft-losses-During-Opeartion-Epic-Fury-by-TWZ-10-April-2026-copy.jpg (147.67 KiB) געזען געווארן 1364 מאל

און דא איז די בערך’דיגע געלט שאדן.

Breakdown Cost.png (23.2 KiB) געזען געווארן 1364 מאל

דאס קומט אויס צו ווייניגער פון 0.25% (צוויי און א האלב ’טויזנט’סטלעך’) פון די אמעריקאנע יערליכע מיליטערישע בודשעט.
(2.43 ביליאן דאלאר איז טאקע אסאך געלט אבער פאר די אמעריקאנע מיליטער איז עס א שפיי אין ים, הלוואי אויף מיר געזאגט...)
און דאס איז נאר פון די פאריעריגע 1 טריליאן דאלער’דיגע בודשעט
אבער אויב טראמפ איז מצליח מיט זיין פלאן פון א 1.5 טרילאן דאלאר בודשעט פאר די היי-יאריגע בודזשעט,
דאן איז די שאדן נאר 0.16% (איין און א האלב ’טויזנט’סטלעך) פון די מיליטערישע בודזשעט, און דאס איז נאר די בודזשעט פון ’איין’ יאר.

[בודקע]

טאקע א @מיליטערמאן!

[מיליטערמאן]

נייעס:

א KC-135 טאנקיר פליגער ווערט געזען אנקומען קיין ענגלאנד פאר פארעכטיגונגען,
נאכן ווערן געשעדיגט פון שראפנעל אין די איראנע מלחמה.

KC135-Shrapnel-UK.jpg (125.7 KiB) געזען געווארן 1157 מאל

[מיליטערמאן]

.

[מיליטערמאן]

נאך אין די אנטי דראון סעריע
נייעס:

אין א באדייטנדע פארשריט פאר די עירפארס פון דעם בריטישן מיליטער (RAF) צו קענען בעסער באקעמפן דראונס,
האט די פירמע 'BAE סיסטעמס' מיט הצלחה דורכגעפירט א טעסט-שיסעריי פון א ספעציעלע ווערסיע פון די לעיזער-גיידעד 70-מילימעטער APKWS ראקעטן,
פון א "יורא-פייטער טייפון" פייטער זשעט.
די אנטוויקלונג קומט אין א צייט וואס די בריטישע עירפארס זוכט א מער ביליגערע און עקאנאמישע לעזונג פאר'ן אראפשיסן דראונס,
בפרט נאכדעם וואס זייערע טייפון פליגערס, אינאיינעם מיט פליגערס פון אנדערע לענדער אין דעם געגנט,
זענען געווען שטארק פארנומען אין די לעצטע צייט מיט'ן אפשלאגן איראנער זעלבסטמארד-דראונס דורכאויס די קאנפליקטן מיט איראן.
דאס קומט נאכדעם וואס אמעריקאנער פייטער זשעטס ניצן שוין די סארט ראקעטן מיט גרויס הצלחה פאר א לענגערע צייט.

די פירמע BAE סיסטעמס האט באשטעטיגט אז די פראבע איז פארגעקומען ביי זייער טעסט-צענטער אין ווארטאן, לאנקאשיר, ענגלאנד.
ביי דעם טעסט האט א בריטישע טעסט-פליגער געטראפן א ציל אויף דער ערד ביי א מיליטערישע טעסט-שטח אין ענגלאנד.

נאכדעם וואס מען האט מצליח געווען צו באטרעפן דעם ציל אויף דער ערד, וועט די נעקסטע פאזע זיין אויסצופרובירן די ראקעטן קעגן צילן אין די לופט.
עס זעהט אויס אז מען וועט ניצן א ספעציעלע "FALCO" ווערסיע פון די APKWS ראקעט,
וואס איז אויסשטאט מיט א ספעציעלע "פראקסימיטי פיוז" (א פיוז וואס פלאצט ווען עס קומט נאנט צום ציל) וואס איז ספעציעל געמאכט פאר דראונס,
כאטש מען קען עס אויך ניצן קעגן צילן אויף דער ערד.
די טייפון פליגערס זענען שוין היינט צוטאגס אויסגעשטאט מיט ספעציעלע "פאדס" וואס קענען אנווייזן מיט א לעיזער אויף צילן סיי אין די לופט און סיי אויף דער ערד כדי צו גיידן די ראקעטן פונקטליך צום פלאץ.

Typhoon-With-APKWS-pods.jpg (111.52 KiB) געזען געווארן 1131 מאל

די טייפון פליגער מיט צוויי ראקעט לאנטשערס ביי ביידע זייטן.

apkws-ii-rockets-for-f-16s-in-ukraine.jpg (99.95 KiB) געזען געווארן 1131 מאל

די ראקעטן לאנטשער פון די נאנט, (אויף א אוקראינע F-16)

apkws-ii-primary-anti-drone-weapon-usaf-middle-east.jpg (81.68 KiB) געזען געווארן 1131 מאל

א אמעריקאנע F-15 מיט 6 אזאנע לאנטשערס (גענוג פאר 42 דראונס), בילד ארויסגעשטעלט דורך סענטקאם.

[מנחם קארפינקל]

אנאליז:

די סך הכל שאדן פאר די אמעריקאנע לופט כוחות אין די איראנע מלחמה ביז אפריל 10.

דא איז א ליסטע פון אלע עירקרעפט וואס אמעריקע האט פארלוירן.
U.S.-Aircraft-losses-During-Opeartion-Epic-Fury-by-TWZ-10-April-2026-copy.jpg
און דא איז די בערך’דיגע געלט שאדן.
Breakdown Cost.png


דאס קומט אויס צו ווייניגער פון 0.25% (צוויי און א האלב ’טויזנט’סטלעך’) פון די אמעריקאנע יערליכע מיליטערישע בודשעט.
(2.43 ביליאן דאלאר איז טאקע אסאך געלט אבער פאר די אמעריקאנע מיליטער איז עס א שפיי אין ים, הלוואי אויף מיר געזאגט...)
און דאס איז נאר פון די פאריעריגע 1 טריליאן דאלער’דיגע בודשעט
אבער אויב טראמפ איז מצליח מיט זיין פלאן פון א 1.5 טרילאן דאלאר בודשעט פאר די היי-יאריגע בודזשעט,
דאן איז די שאדן נאר 0.16% (איין און א האלב ’טויזנט’סטלעך) פון די מיליטערישע בודזשעט, און דאס איז נאר די בודזשעט פון ’איין’ יאר.

די געדעמעדשטע דארף מען נישט רעכענען ווי א טאטעל לאס

[מיליטערמאן]

די געדעמעדשטע דארף מען נישט רעכענען ווי א טאטעל לאס

גערעכט, די נאמבער’ס זענען נאר בערך.
(איך ווייס דאך נישט וויפיל יעדע איז געשעדיגט געווארן און וויפיל עס קאסט צו פאררעכטן)

[מיליטערמאן]

נייעס:

די פענטעגאן האט געמאלדן א 708 מיליאן דאלער’דיגע קאנטראקט מיט רעיטיאן
צו קויפן איבער 1,050 פון די GBU-53/B שטורעם-ברעכער גיידער באמבעס (GBU-53/B StormBraker, SDB II)
א 200 פונטיגע גיידעד באמבע געמאכט פאר טארגעטס וואס רוקן זיך.
די גיידענס סיסטעם ארבעט מיט א קאמבענאציע פון INS, GPS, ראדאר, לעזער, און אינפרא רעד, צו פארזיכערן אז ס’קומט אן פונקטליך אין ציל.

RTX_stormbreaker.jpg (188.58 KiB) געזען געווארן 1017 מאל

אזא באמבע קאסט 265,000 דאלאר.

[מיליטערמאן]

נייעס:

אין פרישע בילדער ערשינען זעט מען א נייע סארט ערד צו לופט מיסיל אנטוויקלט ביי אוקראינע,
די ספעציפישע טייפ פון די מיסיל איז נישט קלאר אידענטיפיצירט
אבער דאס קומט אין א צייט וואס אוקראינע ארבעט שטארק צו האבן אייגענע דיפענס סיסטעמס,
און נישט זיין אזוי אנגעוואנדן אויף אמעריקע און אנדערע אליאירטע.

Missile-Ukraine-SAM.jpg (177.17 KiB) געזען געווארן 837 מאל

[מיליטערמאן]

באריכט:

א פרישע באריכט דעקט אויף אז אינערהאלב די $1.5 טריליאן פלאן פאר פיסקאל יאר 27,
איז דא בערך $70 ביליאן דאלער בלויז צו קויפן מיסילס און אנדערע פארבינדטע זאכן,
וואס פארגרעסערט די געלטער פאר מיסיל איינקויף מיט א שטוינענדע 188%,
א שאקירנדיקע העכערונג וואס איז לויט עקספערטן העכער פון די מעגליכקייט וואס די פארטיידיגונג אינדוסטריע פארמאגט,
צו פראדוצירן אזויפיל מיסילס אין בלויז איין יאר.

די 70 ביליאן דאלער וועט לויטן פלאן זיין צוטיילט
$36.6 ביליאן דאלער פאר דער ארמיי,
$22.6 ביליאן דאלער פאר נעיווי,
און $11.3 ביליאן דאלער פאר דער עירפארס.

אין פארגלייך צו די לעצטע 2 יאר, איז די ציפערן פאר די אלע דריי אפטיילונגען צוזאמען געווען אין פיסקאל יאר 25 אביסל אונטער $20 ביליאן דאלער,
און אין פיסקאל יאר 26’ איז עס געווען 24.4 ביליאן דאלער,
וואס מיינט אז פיסקאל יאר 27'ס פארלאנג איז א 188 פראצענט שפרינג פון וואס איז באשטעטיגט געווארן פאר פיסקאל יאר 26’.

Picture3.jpg (101.98 KiB) געזען געווארן 786 מאל

א אמעריקאנע דעסטרויער ביים לאנטשן א טאמהאק קרוז מיסיל.

[מיליטערמאן]

נייעס:
אויסטראליע האט געמאלדן אז זיי האבן גענדיגט אסעמבלען לאקאל די ערשטע GMLRS ראקעט,
א אמעריקאנע ראקעט וואס פליט בערך 75 קילאמעטער ווייט, און ווערט ארויסגעשאסן פון די היימאר סיסטעם.

דאס קומט אין א צייט וואס אוסטראליע ארבעט צו קענען אליין פראדוצירן ארטילעריע,
און נישט דארפן זיין אזוי אנגעוואנדן אויף אימפארטס ווען ס’קומט צו נאציאנאלע זיכערהייט.

HIMARS_-_missile_launched.jpg (70.08 KiB) געזען געווארן 665 מאל

[מיליטערמאן]

לכבוד 1000 לייקס קומט עפעס ספעציעל, ווארטס מיט שפאנונג.

[מיליטערמאן]

נייעס:

נייע בילדער זענען ארויסגעקומען אויף סאשעל מידיא פלאטפארמעס פון די רוסישע "קוריער" (Kuryer) ראבאט-מאשין (UGV).
רוסישע בלאגערס האבן ארויסגעלייגט ווידעאוס אום אפריל 6 וואס ווייזן דעם קוריער אויסגעשטאט מיט א 82-מילימעטער אויטאמאטישע מארטער סיסטעם,
און אום אפריל 10 איז פארעפנטליכט געווארן נאך א ווידעא וואו מען זעט די מאשין שיסן מיט א 'צפון-קארעא’ 107-מילימעטער "טייפ 75" ראקעט לאנטשער.

שוין פריער אין מארטש האט דער רוסישער מיניסטעריום פון דעפענס ארויסגעגעבן א ווידעא אויף טעלעגראם וואו מען זעט ווי דער קוריער פירט דורך לאגיסטישע ארבעט,
און ברענגט סופלייס פאר טרופן אוקראינע.
אין די ווידעא זאגט דער אפעראטאר פונעם ראבאט, אז די מאשין האט א כח צו טראגן ביז 440 פונט.

דאס קומט נאך וואס פריערדיגע בילדער פון דעם קוריער וואס זענען ארויסגעקומען אין יאר 2025,
האבן געוויזן די מאשין ווען זי איז אויסגעשטאט מיט אכט באמבעס,
אדער א 12.7 מילימעטער מאשין-גאן,
אדער ספעציעלע עקוויפמענט פארן לייגן מינעס אדער רייניגן מינעס פון פעלד.

06523_c_Archiv.jpg (278.04 KiB) געזען געווארן 594 מאל

06522_c_Archiv.jpg (109.11 KiB) געזען געווארן 594 מאל

[מיליטערמאן]

א גרויסן ש'כח פאר @חצקל משמש פארן מסדר זיין די טעמע.

[מיליטערמאן]

די פארשווינדענע MQ-4 דראון
אפדעיט:
אפריל 14. די נעווי האט באשטעטיגט אז די דראון האט געקראכט 5 טעג צוריק אין די פערסישע גאלף,
די סיבה פון די קראך איז נאכנישט קלאר, און איז קאטאגאריזירט אלס א מיסהעפ.

usn-class-a-mishaps-260414.jpg (105.45 KiB) געזען געווארן 496 מאל

[מיליטערמאן]

נייעס:

די אמעריקאנער ארמיי האט געמאלדן אז זיי געבן דעם נאמען פאר'ן נייעם MV-75 טילט-ראוטער פליגער די ’שייען 2’ (Cheyenne II)
די נאמען איז געגעבן געווארן נאך די דער אלטע לאקהיד מארטין AH-56 ’שייען’ העליקאפטער פון די קאלטע קריג יארן,
וואס טראץ אלע שוועריגקייטן וואס עס האט געהאט, איז עס געווען איינע פון די מערסט פארגעשריטענע פליגערס אין יענע צייטן.
די אויסערגעוויינליכע שנעלע ספיד און מאדערנע אויסזען האבן אינספירירט די אמעריקאנער ארמיי צוריק אויפצולעבן דעם נאמען פאר'ן נייעם "MV-75" טילט-ראוטער פליגער, וואס ווערט יעצט אפיציעל גערופן די "שייען 2".
מיט'ן אויסקלויבן דעם נאמען האלט די ארמיי אן זייער אלטע טראדיציע צו געבן נעמען פאר העליקאפטערס נאך באקאנטע אינדיאנער שבטים,
פונקט ווי ביי די באקאנטע אפאטשי, טשינוק, און לעקאוטע העליקאפטערס.

MV75-Cheyenne.jpg (163.19 KiB) געזען געווארן 451 מאל

פאר מער נייעס איבער די MV-75 Cheyenne ll דרוקט דא און דא

[מיליטערמאן]

די MV-75 Cheyenne II

mv-75-render (1).jpg (57.72 KiB) געזען געווארן 389 מאל

אנאליז:

אזוי ווי באריכטעט האט די אמעריקאנער ארמיי היינט געמאלדן אז זיי געבן דעם נאמען פאר'ן נייעם "MV-75" טילט-ראוטער פליגער די ’שייען 2’ (Cheyenne II).

צוריק אין יאר 2022 האט די ארמיי אויסגעקליבן א דעזיין פון די באקאנטע "בעל" פירמע, וואס איז באזירט אויף זייער "V-280 וועלאר" מאדעל,
אלס דער געווינער פונעם פארמעסט פאר די נעקסט זשענערעישן לאנג-רעינדזש אטאקע העליקאפטערס (די FLRAA פראגראם).
און דעם יאנואר האט די ארמיי געמאלדן אז זיי פלאנירן צו פארשנעלערן די צייט-פלאן פונעם MV-75 מיט עטליכע יאר,
מיט'ן ציל עס זאל זיין גרייט צום באנוץ שוין אין יאר 2027, אנשטאט צו ווארטן ביז 2031.

די אפיציעלע מעלדונג פון די נאמען איז פארגעקומען ’היינט’ ביי א גרויסע קאנווענשאן פון די ארמיי לופט כוחות אפטיילונג אין נעשוויל, טענעסי.
און רעדנדיג צו זשורנאליסטן פאר די איווענט, האט Maj. Gen. Clair A. Gill דער קאמאנדיר פונעם ארמיי אוויאציע צענטער מסביר געווען,
אז דאס געבן דעם נאמען נאך די שייען שבט פאר די MV-75 באדייט פיל מער ווי סתם א אנדענק פאר די אינדיאנע שבט
נאר עס שטעלט מיט זיך פאר מיט זיך א גאנצע אידענטיטעט,
פון פיר הונדערט יאר וואס די שייען שבטים האבן געוואוינט אין די 'גרעיט פלעינס' געגנטער, וואו זיי זענען געווען באוויסט אלס גאר פראפעסיאנעלע יעגער,
און זייער לעבנסשטייגער האט פארלאנגט כסדר'דיגע טוישונגען אין זייער וואוינארט זייענדיג קאנצענטרירט ארום נאכיאגן באפעלאוס,
וואס דאס האט זיי ערמעגליכט גאר שנעל אויפצושטעלן און צענעמען זייערע געגנטער און זיך שנעל אריבערציען לויט ווי די ארומיגע אומשטענדן האבן פארלאנגט.
מיט דעם האט ער ערקלערט פארוואס די נייע העליקאפטער האט באקומען די נאמען דווקא פון דעם ספעציפישן שבט,
ווייל אין פילע הינזיכטן שפיגלט די MV-75 העליקאפטער אפ די זעלבע כח פון שנעלע דעפלוימענט, טוישן פאזיציעס, און שנעל נאכיאגן די פיינט.
די גענעראל האט ווייטער ארומגערעדט דארט א גאנצע דרשה איבער זייער היסטאריע און זייערע מלחמות, וואס איך גלייב נישט אז איינער דא איז אינטערעסירט צו ליינען.

ווי אויך האט ער ארויסגעברענגט אז ווען מ'האט ערשט אנגעהויבן פלאנירן די AH-56 שייען אין די 1960'ער יארן, איז עס געווען א רעוואלוציע אין טעכנאלאגיע.
ווייל ס'איז געווען אין א צייט וואס מ’האט נאך געלערנט די חכמה און קאנצעפט פון העליקאפטער-פליען
און נאך דעמאלטס איז די שייען געווען עפעס אויסערגעווענליך, ווען ס’האט באוויזן צו פליען שנעלער ווי סיי וועלכע העליקאפטער ביז דעמאלטס.

די AH-56 Cheyenne

Lockheed_AH-56_Cheyenne.jpg (36.84 KiB) געזען געווארן 389 מאל

און די זעלבע איז מיט די איבערגאנג פון אונזערע היינטיגע העליקאפטערס וואס נוצן נאך טעכנאלאגיע פון די 60'ער און 70'ער יארן,
צו דעם וואס מיר האבן היינט די 'טילט-ראוטאר' (tiltrotor) טעכנאלאגיע.
ווייל די נייע טעכנאלאגיע גיבט דאפלט די רענדזש און דאפלט די שנעלקייט
און עס קען זיך הייבן גלייך ארויף אין די לופטן (vertical takeoff), און דאך פליען שנעל ווי אן עראפלאן.
בקיצור די פארגלייך צווישן די AH-56 פון די שפעטע 60'ער יארן און די היינטיגע MV-75 איז זייער ענדליך, זכה לו...

בנוגע דעם היסטארישן פארגייער, דער AH-56 'שייען',
איז עס געווען אן ערשטע-דזשענערעישאן אטאקע העליקאפטער,
וואס איז דעוועלאפט געווארן דורכאויס די וויעטנאם קריג.
און גאר אינטערעסאנט פאר יענע צייטן,
האט עס געקענט פליען מיט א שנעלקייט פון 224 מייל א שעה און אפילו אנציען ביז 240 מייל א שעה,
ווען אפי’ די היינטיגע בלעק-האק העליקאפטערס (וואס די MV-75 וועט ריפלעיסן) פליט נאר ארום 174 מפ’’ש.
ווי אויך איז עס געווען געטריבן דורך א מאטאר פון כמעט 4,000 HP (פערדן קראפן)
און א פראפעלער אויפן הינטערשטן טייל, צו שטופן די העליקאפטער פאראויס,

א בילד ווי מען קען זען קלאר די פראפעלער אויפן אינטערשטן טייל.

gaijin-pls-the-ah-56-cheyenne-for-the-u-s-tech-tree-v0-qisemza9vli31.jpg (41.89 KiB) געזען געווארן 389 מאל

כאטש עס האט געהאט מורא'דיגע מעלות און פארגעשריטענע פיטשערס,
איז למעשה ד AH-56 שייען פראגראם געווארן אפגעשטעלט, צוליב אסאך פראבלעמען,
אריינגערעכנט די הויכע קאסטן, טעכנישע פראבלעמען, שוואכע פירערשאפט פונעם פראגראם, און טוישונגען אין די ארמיי'ס פריאריטעטן,
און פיינעלי א טויטליכע קראך אין 1969 וואס האבן געברענגט דערצו אז מ'זאל אינגאנצן אפשטעלן די פראגראם.
פונדעסטוועגן, אפילו עס איז קיינמאל נישט אריין אין באנוץ, האט די דיזיין פון די AH-56 געהאט א שטארקע השפעה
אויף וויאזוי מ'האט שפעטער דיזיינט אטאקע-העליקאפטערס.

פון די אנדערע זייט, איז אבער יא דא אפאר היסטארישע חילוקים צווישן די AH-56 און די MV-75,
למשל אין די סארט מיסיעס וואס זיי דארפן אויספירן, די AH-56 איז געווען א אטאקע העליקאפטער אין די MV-75 איז מולטי ראל,
ווי אויך אז זיי זענען געבויט געווארן דורך אנדערע קאנטראקטארס, די AH-56 דורך לאקהיד מארטין און די MV-75 דורך בעל און באואינג,
און בעיקר אז די ארמיי האפט זיכער אז זייער גורל וועט זיך אויסלאזן אנדערש...

און א אנדערע דרשה דארט, איבער די מעלות פון די MV-75 האט Brent G. Ingraham זיין אפציעלע טיטל פאר ווער ס’איז נייגעריג, איז,
the Assistant Secretary of the Army for Acquisition, Logistics, and Technology
בקיצור, האט ער ארויסגעברענגט אז די MV-75, איז א זשענערעישן טויש אין די ארמיי,
און אזא טויש וועט ממש טוישן די גאנצן יסוד וויאזוי קאמאנדירן קוקן אן דיסטאנץ, צייט, און מאנעוורעס אויפ'ן שלאכטפעלד.
וויבאלד דאס שטעלט צוזאם די 'ווערטיקאל ליפט' מעגליכקייט פון א העליקאפטער אינאיינעם מיט די שנעלקייט און רעינדזש פון אן עראפלאן,
און דאס ערלויבט די מיליטער צו שיקן סאלדאטן זיכערערהייט גאר ווייט אריינצודרינגען טיפער אין פיינטליכע געגנטער,
און אפליפערן סאלדאטן פונקטליך וואו מ'דארף זיי, מורא'דיג שנעל.

ווי אויך האט ער מסביר געווען אז פאר די סאלדאטן זעלבסט מיינט דאס,
טראנספארט- צוריקצושטעלן די מעגליכקייט פון אריינפירן א גאנצע גרופע (סקוואד) אויף גאר ווייטע שטרעקעס,
מעדיוועק- אויסברייטערן די 'מעדיקעל הילף פיל ווייטער ווי די היינטיגע מעגליכקייטן,
אטאקע- און דורכפירן גרויסע לופט אטאקעס אויף ווייטע פלעצער אין א גאר קורצע צייט.

בקיצור, ס’וועט אינגאנצן טוישן מלחמה לאגיסטיקס ספעציעל פאר צוקונפטיגע אפעראציעס אינעם אינדא-פאסיפיק ראיאן - אין א מעגליכע צוקונפטיגע קאנפליקט מיט טשיינע - וואו די לאקאציעס און די צילן זענען גאר ווייט און צושפרייט איינס פונעם אנדערן און ס’איז דא זייער ווייניג מעגליכקייטן זיך אפצושטעלן אינדערמיט.

אויך האט ער באשטעטיגט א שנעלערע צייט-פלאן פאר'ן אריינברענגען די העליקאפטער’ס אין באנוץ,
זאגנדיג אז די ערשטע 'שייען 2' איינהייט וועט זיין פולקאם אויסגעשטאטעט ביז סוף 2029.

ווי אויך האט ער אונטערגעשטראכן, אז שנעלקייט איז א הויפט פריאריטעט אין די פראגראם נישט נאר ווען ס’קומט צו די ספיד פון די MV-75,
נאר אויך אינעם גאנצן פראצעס פון איינקויפן און אריינברענגען די העליקאפטערס אין באנוץ.
און אז מ’וועט דא באווייזן דורך שטארקע שותפות'ן אין די גאנצע דעפענס אינדוסטריע, די פלאנירונג גרופעס, און די פעקטאריס,
און אויך נעמט עס אריין אפעראציאנילע יוניטס ווי למשל די 101'סטע עירבארן דיוויזיע – וואס ווערט פאררעכנט אלס די סאמע בעסטע לופט-אטאקע איינהייט פון די ארמיי און זיי זענען די ערשטע וואס גייען באקומען די נייע MV-75 העליקאפטערס, (זיי האבן שוין אנגעהויבן טרענירונג ווי געמאלדן דא)
און די מהלך פון ארבעטן אינאיינעם האט זיכער געמאכט אז די העליקאפטער זאל נישט נאר זיין טעכנאלאגיש פארגעשריטן,
נאר אויך פראקטיש און נוצבאר פאר די ארבעט גלייך פונעם סאמע אנהייב.

און ער האט אויסגעפירט אז פאר א העליקאפטער פראגראם וואס לייגט אן עקסטערן דגש אויף שנעלע אנטוויקלונג, איז דער נייער נאמען "Cheyenne II" באזונדער פאסיג.

און איך קענען נאר אויספירן אז ס’איז נאר געבליבן צו האפן אז די שנעלע אנטוויקלונג וועט נישט ענדיגן מיט דעם זעלבן גורל ווי זיין עלטערע ברודער...

[מיליטערמאן]

נייעס:

אין פרישע בילדער ארויסגעשטעלט דורך נארטראפ גראמאן,
איז צום ערשטן מאל געווארן אויפגעדעקט בילדער פון די B-21 רעידאר
ווי מ’זעט די עראפלאן פון אויבן.

די בילדער זענען גענומען געווארן בשעת ריפיולינג טרענירונגען/טעסטס.

B21-Raider-overhead.jpg (172.32 KiB) געזען געווארן 368 מאל

מערקט די חילוק אין די ענגל פון די ענזשין עפענונג צווישן די B-2 און די B-21.

B21-Raider-Close-Up.jpg (131.75 KiB) געזען געווארן 368 מאל

8134871-copy.jpg (84.81 KiB) געזען געווארן 368 מאל

אויב די בי-2 איז א מאנסטער, איז די B-21 א UFU...

[מיליטערמאן]

נייעס:
ביי די אויבערדערמאנטע ארמיי אוויאציע סאמיט אין נעשוויל טענעסי,
האט באואינג ארויסגעשטעלט א ווידעא פון א ספעציעלע ווערסיע פון די CH-47 טשינאק העליקאפטער
ווי ס’שיסט ארויס א כוואליע פון קאמיקאזי דראונס.

CH47-drone-launcher.jpg (98.66 KiB) געזען געווארן 349 מאל

[מיליטערמאן]

נייעס:

די עיר-נעשענעל גארד פון 20 סטעיטס האבן געשיקט א בריוו פאר קאנגרעס,
ווארענענדיג צוצושטעלן מער פאנדיג צו קויפן כאטש צווישן 72 און 100 פייטער זשעטס א יאר,
צו קענען ריפלעיסן זייער פארעלטערטע פלאטע,
און אז די עירפארס זאל קענען אנהאלטן זייער אויבערהאנט קעגן טשיינע.

דאס קומט אין א צייט וואס טשיינע פראדוצירט אויף א ראטע ארום 70 פרישע פייטער דזשעט פער יאר.

א F-16C פון אין א עיר-נעשענעל גארד באזע אין ארעגן.

211020-Z-UT528-1046.jpg (123.01 KiB) געזען געווארן 329 מאל

[מיליטערמאן]

נייעס:

די דייטשע ארמיי האט דורכגעפירט טעסטס,
ווי זיי האבן אראפגעווארפן מיט פאראשוטס,
זייער קליינע Wiesel פערסענאל קעריער, טאנק.

REAR-RAMP.png (159 KiB) געזען געווארן 321 מאל

געלאנדעט.

cage-landed.png (446.62 KiB) געזען געווארן 321 מאל

די Wiesel טאנק.

wiesel-11.jpg (207.02 KiB) געזען געווארן 326 מאל

[מנחם קארפינקל]

די גענעראל האט ווייטער ארומגערעדט דארט א גאנצע דרשה איבער זייער היסטאריע און זייערע מלחמות, וואס איך גלייב נישט אז איינער דא איז אינטערעסירט צו ליינען.

ס'וואלט מיר יא געווען אינטערעסאנט..

[מיליטערמאן]

נייעס:
טראמפ האט געמאלדן אז ס’וועט געבויעט ווערן א ריזיגע אונטערערדישע מיליטערישע קאמפלעקס,
אינטער די נייע 400 מיליאן דאלער’דיגע באל רום וואס מ’בויעט יעצט צו, צו די ווייסע הויז.
ווי אויך האט ער געזאגט אז די באל רום וועט זיין א פאנצער פאר וואס ס’וועט זיין באגראבן אינטער דעם.
BALLROOM-5.png
א סקיצע פון די באל-רום ארויסגעשטעלט דורך די ווייסע הויז.

IMG_8163.jpeg (277.5 KiB) געזען געווארן 256 מאל

[מיליטערמאן]

באריכט:

א פרישע באריכט גיבט אן אז די פארגאנגענע אוגוסט ווען ס’איז פארגעקומען א אלטוועלטליכע קורצשלוס פון סטארלינק,
זענען טעסט דראון שיפלעך פון די אמעריקאנע נעווי געבליבן געשטראנדעט אין די קאליפארניע וואסערן,
נאכדעם וואס זיי האבן קאמיוניקירט דורך די סטארליק סעטעלייט סיסטעם,
דאס ווייזט אויף די פראבלעמען וואס קענען זיך מאכן פאר די פענטאגאן אין אלגעמיין, אויב זיי זענען צופיל אנגעוואנדן דערין.

gettyimages-74065771-612x612.jpg (69.51 KiB) געזען געווארן 226 מאל

[מיליטערמאן]

עקסקלוסיוו: לכבוד מיין 1000’סטע לייק

ווען א פייער שטורעם באקומט פליגלען

ליינט און האט הנאה.