יָעִיר בַּבֹּקֶר בַּבֹּקֶר יָעִיר לִי אֹזֶן לִשְׁמֹעַ כַּלִּמּוּדִֽים

[טייפינג...]

שיין טלית'ל, ציכטיג און זויבער,

עס פּאַסט,
די אוצר טייער,
זי טוט באהאלטן,


ריין צדיק'ל, ליכטיג און לויטער,

א לאסט,
גרינג זייער,
טו איך האלטן.


--

אפגעשוירן,
ווי ניי געבוירן,
איידל און שיין,

יונג און צארט,
ארויסשטארט,
דעם אידיש חן.


--

אלף בית גימל,

עס זינגט,
און קלינגט,
די זיסע קלאנגען,


טאטע און הימל,

פארשרייב,
שטענדיג בלייב,
די שיינע געזאנגען.


--

ערוואך,
זיינע אויערן,
צו הערן,

אויפמאך,
זיינע טויערן,
צו באגערן.


--

האניג זיסע,
יעדן בעגינען,
מיט'ן צונג לעקן,

בלעותא,
אין דערינען,
זיין נשמה וועקן.

[ווירקליך]

שיין שיין, קלאר, הערליך!

[להגדיל הטראסק]

ר' טייפינג
איז אזוי מחדש
זיין ניק

מיט דערהייבונג
איז ער מקדש
ריין ווי א תינוק

[דער תהלים איד]

אזוי זאפטיג ארינגעדייווט אהער

מיט א 'טייפינג' צו יעדנס באגער

מזל טוב צו דיין אינגלס אפשערן

איך גלייב אז דאס ווילסטו אויך הערן

[טייפינג...]

אזוי זאפטיג ארינגעדייווט אהער

מיט א 'טייפינג' צו יעדנס באגער

מזל טוב צו דיין אינגלס אפשערן

איך גלייב אז דאס ווילסטו אויך הערן

ברוך תהי', אי"ה ביי אייך אויף שמחות!

[טייפינג...]

ייש"כ פאר די שיינע אויפנאמע!

[טיפע טאשן]

הערליך

[מיילעך פריילעך]

הערליך שיין
מזל טוב!!

[פליט]

הערליך שיין
מזל טוב!!

שכח פארן ארויפברענגען, קיינמאל געליינט.