אידטיש

איז דא איינער וואס קען מיר מסביר זיין פאר א גוט יאר, וואס איז דא אין אריזאנע מער ווי אין בלומינגראוו/בלומינגבורג/מאנטיסעלא/דזשערזי סיטי/לינדען/לעיקוואד/טאמס ריווער/מאנטעבעלא?

לאמיר זאגן אז די הייזער זענען אביסל ביליגער און טעקס איז אביסל ביליגער, מאכט עס סענס וועגן דעם צו גיין וואוינען בארץ לא זרועה, ווייט ווייט פון די משפחה, חברים, באקאנטע, חסידות און אלעס היימיש?

ס'קומט ימים טובים, פורים, ימים נוראים, פון אלעם וואס איז איינגעגעסן אין קאפ אלס טייל פונ'ם יו"ט וועט בלייבן וואלקנס פון נאסטאלגיע, זאל עס זיין לעבעדיגע פורים גאסן, טישן, בתי מדרשים מיט פילצאליגע מתפללים, הדלקות ל"ג בעומר (להנוהגים..), שלעכטע טראנספארטאציע... אלעס.


שוין נישט רעכענענדיג געלט פאר טיקעטס הין און צוריק כסדר, טייערערע גראסעריס און הייסע זומערס אין אריזאנע און שטיקיגע וועטערס רוב יאר אין לעיקפראנט.


איך צאל טייער פאר מיין דירה? ממש נישט. איך צאל פאר מנינים 24 שעה א טאג, פאר געשעפטן לאקאל, פאר משפחה שמחות, פאר א מקוה אין אדד זמנים, פאר גרויסע סופערמארקעטס מיט אלעם גוטן, פאר'ן ביהמ"ד וואס איך גלייך, פאר'ן אנדערן ביהמ"ד ווען כ'האב נישט קיין נערוון צום ערשטן ביהמ"ד, פאר אן אויסוואל פון חברים און מענטשן מיט וועמען צו פארברענגען, פאר הוט, שיך, קלאודינג, דזשולערי און ספרים געשעפטן לאקאל מיט קאנקורענץ, פאר די מוסדות, ישיבות, בוטשערס און פיל מער.



דאונט געט מי ראנג, איך פארשטיי דאס געפיל פון וועלן זיין א פיאנער, אבער ס'מאכט מיר נערוועז ווי מ'הערט נישט אויף האקן מיט ביליגע דירות און נאך ביליגערע דירות, איי מיען, כ'קען גיין וואוינען אין אמאזאן דזשונגל בחינם. מ'איז נישט געקומען אויף דער וועלט צו קויפן די ביליגסטע דירה...

נישט אלעס איז ביליגע דירות, דאס אז דיין ב"ב העט נישט האבן וואס צו טון, דיינע קינדער וועלן זיך בענקען צו זייערע חברים, דו וועסט פארלירן אלע באקאנטע בין ליל, און דער מצב מיט קליינטשיגע מוסדות און צעטיילטע קהילות איז אויך ווערד אפאר טאלער.

סארי אז כ'האב מיך דא אויסגעגעבן, כ'וויל נישט גיין אין די אפיציעלע אריזאנע טעמעס אראפרייסן, און דאס מאכן אן עסק כאילו אין גאנץ ניו יארק וניו דזשערזי איז נישטא וואו צו וואוינען מאכט מיר נערוועז, און בעיקר: ס'איז א פערטל נאך צוויי ביינאכט...