אידטיש

ניקל האט געשריבן: ↑מיטוואך אוגוסט 02, 2023 1:39 am א מעגליכקייט אז די אוקריינער פלאנירן צו איינצוימען פאר ברסלב’ע חסידים פון ארץ ישראל צו קומען דעם יאר.

כ’הער אז זיי פלאנירן ליידער צו איינצוימען פאר ברסלב’ע חסידים פון ארץ ישראל צו קומען דעם יאר. טאטע זיסער העלף, ס’זאל נישט ווערן שווער פאר אידן אנצוקומען דעם קומענדיגן ראש השנה! אמן!
[end quote]

הייבטזיך נישט אן. דאס נייעס קומט פון די אוקריינישע אמבאסאדאר אין די מדינה, א באקאנטע פלוידערזאק וואס האט שוין פאראיאר עטליכע מאל ארויסגעשאסן ענליכע סטעיטמענטס אן קיין דעקונג, סאו איר קענט זיך בארואיגן...
תפילות א וודאי שאדט קיינמאל נישט

ניקל האט געשריבן: ↑זונטאג סעפטעמבער 03, 2023 4:47 pm צילוב שמועות אז אוקריינע גייט נישט אריינלאזען אידען פון ארץ ישראל זעיט זיך שוין אהן א גרויסע עולם ברסלב'ע חסידים ביי די לוד לופטפעלד אין ארץ ישראל כדי צו קענען פאהרען פריער און זיין ראש השנה אין אומן.

ניקל האט געשריבן: ↑זונטאג סעפטעמבער 03, 2023 4:47 pm צילוב שמועות אז אוקריינע גייט נישט אריינלאזען אידען פון ארץ ישראל זעיט זיך שוין אהן א גרויסע עולם ברסלב'ע חסידים ביי די לוד לופטפעלד אין ארץ ישראל כדי צו קענען פאהרען פריער און זיין ראש השנה אין אומן.

ניקל האט געשריבן: ↑זונטאג סעפטעמבער 10, 2023 9:21 pm אין א זעלטענע שריט האט אוקריינא געבעטן פון מד'י אז זיי זאלן שיקן א הונדערט פאליציאנטן צו ארויסהעלפן מיטן האלטן ארדענונג אין אומאן אויף ראש השנה.

ווער האט געשריבן: ↑מאנטאג סעפטעמבער 18, 2023 3:18 pm הומאניטארישע קריזיס אנטוויקלט זיך ביי אוקראינישע גרעניצן, וואו טויזנטער אידן ארויס פון אומאן קענען נישט אהיימפארן‎
די פּראָבלעמען ווערן געזען ביי די אוקראַינישע גרעניצן מיט פּוילן, מאָלדאָווע און אונגאַרן, און די אָרטיגע גרעניץ וועכטער איגנאָרירן די ביטעס פון די טויזנטער אידן וועלכע שטייען און וואַרטן שוין לאַנגע שטונדן, נישט האָבנדיג קיין עסן אָדער טרינקען, און ווערן געלאָזט וואַרטן אויפן גאַס. לויט א צאָל עדות אויף די סצענע, זעהט מען קלאָר א סעלעקציע, אַז די גרעניץ וועכטער לאָזן אַריבער אַזעלכע וואָס זענען פּוילישע בירגער אָדער בירגער אין אונגאַרן אָדער מאָלדאָווע, און שלעפּן אַרום מיט די פּראָצעדורן דוקא פאַר די אידן וואָס קומען פון ארץ ישראל, אַמעריקע אָדער אַנדערע פּלעצער

ברסלב פלוס האט געשריבן: ↑זונטאג יוני 30, 2024 1:56 am היה עם פיפיות שלוחי עמך בית ישראל!
היסטארישע באזוך און מאיעסטעטישע דעלעגאציע אין שפיץ פון לאנג-יעריגער שתדלן למען כלל ישראל הרה"ח ר' משה דוד ניעדערמאן שליט"א זענען די טעג אראפ געפארן צום הויפט שטאט קיעוו אוקריינא, פאר ספעציעלע היסטארישע אוידיענץ אין פרעזידענטליכע קארידארן אין אפיס פונעם אוקריינא פרעזידענט זאלענסקי, די באזוך האט נאכגעפאלגט מיט א קייט פון פילע זיצונגען מיט העכסט אוקריינא פאליטישע פירער אין מיניסטארן און הויכע רעגירונג באאמטע.

די מאכטפולע היסטארישע באזוך איז צושטאנד געקומען אין דירעקטע לאנגיעריגע פעולות און מאסיווע השתדלנות פון העכסטראנגיקע קאנגרעס לייט און סענעטארן וועלכע ארבעטן צו ראטעווען אידישע בתי חיים אין היסטארישע אנגעלגנהייטן.
ארגענעזירט געווארן ע"פ בקשת ושליחות קודש פון זקני רבני מנהיגי ברסלב שליט"א, און רעזולטאט פון שאנדפולע געזעץ דורך געפירט דורך אומאן סיטי קאונסיל אין שפיץ פונעם לאקאל'ן מעיאר, נאכן אריבער פירן א געזעץ וועלכע טוהט אפמעקן די עקזיסטענץ פונעם היסטארישע אלט'ן בית החיים פון הרה"ק רבי נחמן מברסלב זי"ע מיט אירע טויזענטער קדושים, געבנדיג די מעגליכקייט עס אויפגראבן אין פארשוועכן ה"י.
דער אודיענץ האט געטראגן א ספעציעלע באדייט, צייגענדיג ספעציעלע וויכטיגקייט אינעם ענין, טראץ שווערע מלחמה אנגעלעגנהייטן און שווערע זיכערהייט מאסנאמען, איז דאס געווארן ארויף געברענגט אין אדרעסירט ביי העכסטע פירער פונעם לאנד, וועלכע האבן עס גענומען גאר ערענסט, אלס א אישו וועלכע פארפלאגט די אלגעמיינע אידישע געמיינדעס, און האבן פארשפראכן צו טוהן אלעס וואס איז אין זייער מעגליכקייט.
פרעזידענט זאלענסקי האט זיך אנגעבליך נישט געקענט באטייליגן זייענדיג אין שווייץ ביים G7 מיטונג מיט די העכסטע וועלט פירער, און האט באויפטראגט זיין פערזידענט'ליכע סטעף צו אויפנעמען די חשוב'ע דעלגאציע און זיין פערזענליכע העכסט באוואכטע פרעזידענטליכע פאלאץ, און באגלייט פערזענליך די סיטואציע און שטייט ווייטער אין פארבינדונג צו ראטעווען די בית החיים.
במשך דעם זיצונגען האט מען ארויפגעברענגט על שולחן מלכים פארשידענע נייע אספעקטן לקדם פני הרעה וויאזוי צו באשיצן די אידישע בתי חיים אין אפהיטן די היסטארישע פלעצער וועלכע טראגן א ספעציעלע באדייט פאר די אידישע וועלט, צו מאכן א אנדענק פאר פילע קדושים באצייכענען זייערע רציחות אין וועלכע זיי זענען ברוטאל אומגעקומען על קידוש ה'.
נאכן אויסהערן די רירענדע ווערטער איבער דעם שרעקליכן געפאר פארן עקזסטענץ פון בתי חיים אין אידישע אנגעלגנהייטן, זענען די געערטע באאמטע געווארן זייער איבערגענומען, עס האט געהאט א שטארקן אפקלאנג ביי די הויכע פענסטער, און האבן ארויסגעברענגט מיט גאר ווארימע ווערטער זייערע געפילן פאר די חשוב'ע דעלעגאציע בשליחות הרבנים, און האבן פארשפראכן פאר די שלוחי הרבנים זייער גרייטקייט צו ארבעטן צוזאמען מיט אלע מיטלען וואס עס וועט זיך אויספעלען זיכער מאכן אז די פינסטערע פלענער ומזימות רשע צו פארשוועכן אונזערע הייליגע בתי חיים אין אידישע היסטאריע ובפרט ערטער וועלכע טראגן א עקסטערע היסטארישע באדייט פאר די אידישע געמיינדע, זאלן ווערן אפגעהיטן אזוי ווי עס פאסט.
די באאמטע האבן אויך ארויס געברענגט זייער גרייטקייט צו אויפנעמען די טויזנטער ברסלב'ע חסידים וועלכע קומען יאר יערליך קיין אומאן אויף ראש השנה, און הייבן שוין אן די טעג אנגרייטן איינשפאנען אלע רעגירונג אפטיילונגען וועלכע פארפיגן אויף די ראש השנה, ובפרט כהיום אין צייט פון מלחמה איז דאס אסאך שווערער אין מער קאמפלוצירט, און וועלכע זיי זיצן שוין צו אלעס אוועק שטעלן על צד היותר טוב.
כלל ישראל איז מתפלל היה עם פיפיות שלוחי עמך ישראל.