אידטיש

דיר ציבור ווערט גערופן מרבה צו זיין בתפילה און מעורר זיין רחמי שמים פאר כ"ק אדמו"ר משינאווע, "מרן אברהם מנחם מענדל בן דינא" לרפואה שלימה.

דער רבי איז אין א זייער קריטישע מצב, נאכדעם וואס ס'האט זיך געמאכט אן אינפעקציע וואס שעדיגט די בלוט פרעשור, און די דאקטוירים קענען דערווייל נישט טרעפן דעם שורש און דער מצב איז זייער שווער און קריטיש.

דאס קומט שוין נאכ'ן זיין אין שפיטאל אין א שווערע מצב פאר עטליכע וואכן, מ'האט געזען ביז אהער גרויסע חסדים, אבער יעצט מיט די פרישע אינפעקציע פלאגט מען זיך גאר שווער, און דער ציבור ווערט געבעטן לעורר רחמי שמים!

וואוינענדיג אין מאנסי קומט מיר אסאך אויס אריינצופאלן אין שינאווע שטיבל און נהנה זיין מאורו הזך, אזא דמות פונעם פאריגן דור, א קשר צו די גאליציאנע אידישקייט פון אמאל, כלל ישראל דארף האבן אזא איד.

מרן אברהם מנחם מענדל בן דינא לרפואה שלימה.

*נצחו אראלים את המצוקים: פטורה פון כ"ק אדמו"ר מ'שינאווא מאנסי זצ"ל אין עלטער פון 94 יאר*
מיט די פטורה פון רבין איז אויסגעריסן געווארן א צווייגל פון פריערדיגע צדיקים, וואס האבן נאך באלאכטן אונזער דור יתום, אבידה הוא שאין לה תמורה. פרטים איבער די לוי' וועט נאכפאלגן. וכל בית ישראל יבכו את השריפה אשר שרף ה'

.

אוי! ברוך דיין האמת!!!

יעצט דערציילט מען מיר אז שוין א האלבע שעה צוריק איז ליידער געווען יציאת נשמה, ועלתה נשמתו בטהרה!!!

א מורא'דיגע פארלוסט! אוי באשעפער, כהאב נאך אזוי געהאפט צו געבן א קוויטל לקראת א שמחה. אזויפיל אידן האבן נאך געהאפט נהנה צו זיין מאורו, ביי די זיסע תפילות, ביי די נעימות'דיגע שמועסן נאכן דאווענען, ביי די מורא'דיגע סיפורי צדיקים מוצ"ש ביי מלוה מלכה, אוי! האמיר אלעס יעצט פארלוירן.

אין לנו תמורתו. דער פריערדיגער דור ווערט נעלם. אין לנו מנחם.

דער ראקלענד דעילי זאגט אז די לויה גייט זיין 4 אזייגער ביי זיין בית המדרש אין מאנסי
פון דארט צום בית החיים אין ניו דזשערסי

.

כ''ק מרן אדמו"ר מסאטמאר שליט"א בניחום אבלים אצל כ''ק אדמו"ר משינאווא זצ"ל

דער פאטעטע מייסטער האט געשריבן: ↑מאנטאג יולי 31, 2023 11:16 am .

נאכנישט זיכער אויב פונקטליך 4, מען ווארט אויף די צוויי זון פון אנטווערפן, ווענדט זיך אין די לאנדן צייט און אין טרעפיק וכו'

גייט ליגן אין ניו דזשערזי

ויהי נועם פון רבין זצ"ל ביי חנוכה ליכט, היי יאר

https://www.dropbox.com/s/ddjsatvxs6ffp ... D.wav?dl=0

איינער האט אריינגעשיקט א גאר זיסע רעקארדירונג פון א מלוה מלכה לעצטע יאר ערגעצוואו אויף די בערג מיט'ן רבין


https://www.dropbox.com/s/9lz7ilocy1yzd ... 9.mp3?dl=0

באריכטן פון די לויה?

ווי קען מען מיטהאלטן א לייוו הוקאפ פון די לוי'? חוץ פון קול מבשר.

דריטע זון, פון אנטווערפן, ממלא מקום.

וועט לכאורה זיך אהערציען.

כ'האף נאך צו שרייבן אביסל פונעם רבי'ן, און פונעם נאסטאלגישן שוהל.

וכבוד גדול עשו לו במותו:
פילע אידן האבן נעכטן נאכמיטאג באגלייט למנוחת עולמים אחר מיטתו פון האי גאון וצדיק פאר מקדושים, כ"ק אדמו"ר משינאווא זצ"ל מזקני האדמו"רים ומפארי העיר מאנסי, וועלכער איז נפטר געווארן אין הויכן עלטער פון פיר און ניינציג יאר. די מסע הלוויה איז פארגעקומען נעכטן נאכמיטאג בהיכל בית מדרשו אין מאנסי, וואו עס זענען געהערט געווארן הארצרייסנדע הספדים פון די חשובע קינדער ממשיכי דרכו און אדמורי"ם ורבנים, פון דארט איז די לוויה אנגעקומען צום וואשינגטאן בית החיים אין ניו דזשערזי, וואו דער רבי זצ"ל איז געקומען לקבורה בחלקת אבותיו הקדושים, עדי יעמוד לתחיה בביגו"צ.
די קינדער פון רבי'ן זצ"ל זיצן שבעה בהיכל בית מדרשו אויף נעשער קאורט אין מאנסי, בנו הגה"צ ר' יחזקאל וואגשאהל שליט"א פון אנטווערפען, בנו הגה"צ ר' יוסף נפתלי וואגשאהל שליט"א איידעם ביי כ"ק אדמו"ר מפשעווארסק שליט"א, בנו הגה"צ ר' אליעזר שלום וואגשאהל שליט"א, בנו הגה"צ ר' חיים מאיר וואגשאהל שליט"א, בנו הגה"צ ר' דוד וואגשאהל שליט"א, בנו הגה"צ ר' אלטר יעקב יצחק וואגשאהל שליט"א מנהל תלמוד תורה קאלאשיץ, און די טעכטער הרבנית אשת הגה"צ ר' לייבוש טייטלבוים זצ"ל דומ"ץ ויואל משה סאטמאר וומס"ב, און אשת הגה"צ ר' ישראל שמעון מאיר ראזענבערגער שליט"א מסוליצא.

יישר כח פאר די אלע רעקארדינגס אויבן
זייער הארציג. רעביש.

א מצוה טאנץ. הייליג.

https://www.dropbox.com/s/ndier65wtr6oo ... 5.MP4?dl=0

אסמכתא בעלמא האט געשריבן: ↑דינסטאג אוגוסט 01, 2023 2:21 pm א מצוה טאנץ. הייליג.

https://www.dropbox.com/s/ndier65wtr6oo ... 5.MP4?dl=0

פחד פחדים

זייענדיג ביי די לוי' צו באגלייטן דעם אדם גדול, מוז איך זאגן אז ס'איז ממש א זעלטנהייט דאס אזוי וויינען מיט בכיות ביי א לוי' פון א 94 יעריגער איד.

דער ציבור איז געשטאנען אין אזא שוויצעניש, די שווייס האט זיך געמישט מיט די טרערן! ס'איז געווען אין די לופט אזא בכי', די קינדער ווער עס האט געהערט זייערע הספדים, אמת'ע אמת'ע בכיות, ס'האט זיך דערקענט אז דא רעדט זיך פון אן אבידה וואס מ'האט פארלוירן. א פארלוירנקייט!

.

יום טוב האט געשריבן: ↑דינסטאג אוגוסט 01, 2023 2:30 pm

אסמכתא בעלמא האט געשריבן: ↑דינסטאג אוגוסט 01, 2023 2:21 pm א מצוה טאנץ. הייליג.

https://www.dropbox.com/s/ndier65wtr6oo ... 5.MP4?dl=0

פחד פחדים

אזוינע יאמרליכע בכיות מתוך שמחה איז נישט עפעס וואס מ׳זעט געווענליך, א גרויסע פאלוסט!

אסמכתא בעלמא האט געשריבן: ↑מאנטאג יולי 31, 2023 2:23 pm ויהי נועם פון רבין זצ"ל ביי חנוכה ליכט, היי יאר

https://www.dropbox.com/s/ddjsatvxs6ffp ... D.wav?dl=0

די פרישקייט חיות און געשמאק וואס ער האט פארמאגט ביי דעם עלטער

דאס קלארקייט דאס ווארימקייט גייט אריין בפנימיות הנפש