אידטיש

קומט אריין די נייעס אז טראמפ רעדט פון איינפירן פופציג יעריגע מארטגעדזשעס.

דער נייעס, אויב ס’ווערט טאקע פארווירקליכט, איז א באמבע דורכברוך.

די פראגע איז צו וועלכע זייט...

שלעכטע זאך....
פרייזן פון הייזער גייען ארויף גיין.
איינער וואס נעמט ארויס א מארגעדזש ביי די 25 גייט נאך ביי זיין 70 צאלן מארגעדזש.

בפשטות מיינט עס אזוי.

די וועלכע האבן שוין יעצט געקויפטע הייזער וועלן קענען מאכן א לעבן, ריפיינענסן, צאלן קלענערע פעימענטס, און אזוי ברענגען א פרישע אינפלאציע...

די מארטגעדזש בראוקערס וועלן צוריק אנהייבן אפקויפן יעדע דריטע זכות וואס וועט זיין עוועילעבל, און די שמשים און גבאי צדקה וועלן הענגען אויף מארטגעדזש בראוקערס ווי אין די זאטע קאוויד צייטן.

די דירות פרייזן, וועלכע זענען אלעמאל ביי די העכסטע וואס מ’קען בעען, וועלן אויטאמאטיש ארויפפארן מיט א ספעיס שאטעל, ווייל לענגערע תשלומין מיינט קלענערע פעימענטס וואס מיינט מ’קען נעמען גרעסערע הלואות (קען מען דען?...)

אין קורצע ווערטער, די קומענדיגע דור איז שטייף אנגעזעצט.

זיי גייען צאלן 50 יאר די זעלבע טייערע מארטגעדזש פעימענטס וואס מיר צאלן 30 יאר, און זיי גייען נאך ירש’ענען די מארטגעדזשעס פון זייערע טאטעס וואס גייען יעצט ריפיינענסן און קיינמאל נישט ענדיגן אפצאלן דעם מארטגעדזש.

זאגט ער אזוי

אין קאנאדא איז שוין דא אזא זאך פאר commercial properties און די היימישע עולם זענען זיך מחייה מיט עס.

א 5% מארגעדש אויף א 700k פראפערטי מיט א מארגעדש פון $560,000

מען צאלט מיט 18% ווייניגער אויפן חודשליכן פעימענט, 85% מער אינטרעסט, און 50% מער אויף טאטעל פעימענטס.

הייסט אז מ’רעדט פון שפארן 18 פראצענט אויף די חודש’ליכע פעימענטס? און צוליב דעם צוצאלן?

אקעי, כלייג מיר צוריק שלאפן. ביי רובאשקין.

פופציגער האט געשריבן: ↑מוצש"ק נאוועמבער 08, 2025 8:40 pm Screenshot_20251108_203821_WhatsApp.jpg

זאגט ער אזוי

עס איז נאך מער ווי דעם, פונקט ווי א 15 יאר מארטגעדזש איז די ראטע נידריגער ווי א 30 יעריגע, וואלט א 50 יעריגע מארטגעדזש געווען העכער.

ממילא וואלט דער חילוק פער חודש געווען נאך ווייניגער.

אגד האט געשריבן: ↑זונטאג נאוועמבער 09, 2025 12:39 pm

פופציגער האט געשריבן: ↑מוצש"ק נאוועמבער 08, 2025 8:40 pm Screenshot_20251108_203821_WhatsApp.jpg

זאגט ער אזוי

עס איז נאך מער ווי דעם, פונקט ווי א 15 יאר מארטגעדזש איז די ראטע נידריגער ווי א 30 יעריגע, וואלט א 50 יעריגע מארטגעדזש געווען העכער.

ממילא וואלט דער חילוק פער חודש געווען נאך ווייניגער.

דאס טייטש אפשר אז די 30 עריגע וועלן די ראטעס פאלן

גארנישט קיין גרויסן גדולה.

מען שפארט באבקעס, מען צאלט נאך בערך 40% ריבות, און מהאט א שיעובוד פאר 50 יארע.

פופציגער האט געשריבן: ↑מוצש"ק נאוועמבער 08, 2025 8:17 pm בפשטות מיינט עס אזוי.

די וועלכע האבן שוין יעצט געקויפטע הייזער וועלן קענען מאכן א לעבן, ריפיינענסן, צאלן קלענערע פעימענטס, און אזוי ברענגען א פרישע אינפלאציע...

די מארטגעדזש בראוקערס וועלן צוריק אנהייבן אפקויפן יעדע דריטע זכות וואס וועט זיין עוועילעבל, און די שמשים און גבאי צדקה וועלן הענגען אויף מארטגעדזש בראוקערס ווי אין די זאטע קאוויד צייטן.

די דירות פרייזן, וועלכע זענען אלעמאל ביי די העכסטע וואס מ’קען בעען, וועלן אויטאמאטיש ארויפפארן מיט א ספעיס שאטעל, ווייל לענגערע תשלומין מיינט קלענערע פעימענטס וואס מיינט מ’קען נעמען גרעסערע הלואות (קען מען דען?...)

אין קורצע ווערטער, די קומענדיגע דור איז שטייף אנגעזעצט.

זיי גייען צאלן 50 יאר די זעלבע טייערע מארטגעדזש פעימענטס וואס מיר צאלן 30 יאר, און זיי גייען נאך ירש’ענען די מארטגעדזשעס פון זייערע טאטעס וואס גייען יעצט ריפיינענסן און קיינמאל נישט ענדיגן אפצאלן דעם מארטגעדזש.

הקיצור @פופציגער איז אויסגעשפראכן קעגן @פופציגער מארטגעדזשעס.

שטייף.

פופציגער האט געשריבן: ↑זונטאג נאוועמבער 09, 2025 4:31 pm

אגד האט געשריבן: ↑זונטאג נאוועמבער 09, 2025 12:39 pm

פופציגער האט געשריבן: ↑מוצש"ק נאוועמבער 08, 2025 8:40 pm Screenshot_20251108_203821_WhatsApp.jpg

זאגט ער אזוי

עס איז נאך מער ווי דעם, פונקט ווי א 15 יאר מארטגעדזש איז די ראטע נידריגער ווי א 30 יעריגע, וואלט א 50 יעריגע מארטגעדזש געווען העכער.

ממילא וואלט דער חילוק פער חודש געווען נאך ווייניגער.

דאס טייטש אפשר אז די 30 עריגע וועלן די ראטעס פאלן

ניין, בפשטות וועלן די ראטעס נישט פאלן. (אויב עפעס קען גאר זיין להיפך, עס וועט ארויפגיין)

אויב די ריטורן פון א צען יעריגע טרעזשערי באנד איז 5 פראצענט אויפן יאר, וועט א 10 יעריגע מארטגעטש מוזן ברענגן מער פראצענטן. אנדערש דארף די באנק זיין משוגע צו איינגיין אויף א ריסקי אינוועסמענט, ווען ער קען פארדינען די זעלבע אויף אן אינוועסמענט מיט זיראו ריסק. א באנד טראגט נישט מיט זיך קיין ריסק, די אמעריקאנע גאווערמענט גייט נישט באנקרעטירן, און אויב יא איז סיי ווי געהאקטע צרות... קיינער אין די וועלט גייט נישט איבערלעבן אויב גייט אמעריקע דיפאלטן...

דאס איז חוץ מזה וואס א באנד קאסט נישט קיין געלט צו אויפצוהאלטן, משא"כ פריוואטע מארגעטשעס קאסט שווערע מיליאנען צו סערוויסן יאר יערליך. ואשר ע"כ מוז די רוח דערפון זיין גרעסער.

די עוורידזש לייף ספען פון א מארגעדזש איז נישט מער ווי צען יאר. די עוורידזש מארטגעדזש ביז צען יאר ווערט אדער ריפיינענסד, אדער אויסגעצאלט, אדער דיפאלט. דערפאר ווען די באנק וויל פאראויסשאצן אירע פארדינסטן וועט זי עס רעכענען קעגן א 10 יעריגע טרעזשערי.


עס זענען דא עטליכע סיבות פארוואס א 30 יעריגע מארטגעדזש איז טייערער ווי א 15.

קודם כל די פאקט אז די באנק לייגט אויס געלט און זי דארף גרייט זיין צו ווארטן דרייסיג יאר ביז זיי באקומען דאס צוריק. אה"נ די עוורידזש הלואה ווערט אפגעצאלט פריער, אבער די באנק דארף זיך רעכנען אז דאס קען זיין אינדרויסן פאר דרייסיג יאר.

געלט וואס ליגט אינדרויסן פאר דרייסיג יאר, טראגט מיט זיך זייער א גרויסע ריסק. ס'קען זיין אז דער לוה גייט גיין דיפאלט אויפן הלואה און דאס נישט קענען באצאלן. עס קען זיין אז די מארקעט פרייז גייט פאלן. וכו' וכו'. משא"כ ווען די געלט ליגט אינדרויסן פאר 15 יאר, איז די ריסק מיט פופצן יאר קורצער, און א קורצערע ריסק קומט מיט קלענערע אינטרעסט.

צווייטענס, בדרך כלל איינער וואס נעמט אן הלואה אויף 15 יאר, איז פשט אז ער קען זיך ערלויבן מער ווי דער וואס נעמט אויף 30 יאר, אנדערש וואלט ער עס דאך צוטיילט אויף דרייסיג יאר. דאס איז נאך א סיבה פארוואס די ריסק איז קלענער, ווייל ווען דו דיעלסט מיט א בעל פרנסה האסטו נישט אזוי מורא אז יענער זאל נישט באצאלן.

דריטענס, איז די פחד פון אינפלאציע. אינפלאציע איז א זאך וואס קיינער קען נישט פאראויסשאצן. קיינער ווייסט נישט יעצט ווי אזוי אינפלאציע וועט אויסזעהן אין 15 יאר פון יעצט.
ואסביר.

ווען מען קוקט צוריק די לעצטע דרייסיג יאר, שטייט די עוורידזש אינפלאציע יאר צו יאר ביי 2.5 פראצענט. דאס מיינט אטאמאטיש אז א מיליאן דאלער היינט, וועט אין פופציג פון יעצט זיין ווערד ארום 477,000. פשט איז אז די געלט האט פארלירן מער ווי האלב פון איר ארגינעלע ווערד. אביסעל מער ווי 52 פראצענט.

לויט די חשבון פון 2.5 פראצענט אינפלאציע אויפן יאר, וועט אויסקומען אז אין דרייסיג יאר פון יעצט וועט מען דארפן באלד 2.1 מיליאן צו קענען קויפן א הויז וואס פארקויפט זיך היינט פאר א מיליאן דאלער. און דאס ברענגט אז אויב געבט די באנק ארויס א מארטגעדזש פאר אונטער 5.5 פראצענט אינטרעסט, פארלירט די באנק געלט. (ס'איז נישט ממש אזוי אויף למעשה, וויבאלד די באנק האלט נישט די הלואות, זי פארקויפט עס פאר Fannie Mae & Freddie Mac און פון דארט פאר אינוועסטארס ואין כאן המקום להאריך. און ווי אויך באקומט נישט די באנק צוריק דאס געלט נאך דרייסיג יאר, נאר די באנק באקומט דאס צוריק אין פעימענטס דורכאויס די 30 יאר. מיין משל איז נאר לשבר את האוזן)

משא"כ א פופצען יעריגע מארגעטש וואס די באנק לייגט נאר אויס דאס געלט פאר פוצען יאר, איז די אינפלאציע אסאך ווייניגער, וממילא דארף די פראצענט אינטרעסט אויך זיין ווייניגער.

(איי וועסטו פרעגן אויב די אינפלאציע ראטע איז 2.5 פראצענט, פארוואס דארף די אינטרעסט ראטע זיין 5.5 פראצענט. דאס איז וויבאלד אינפלאציע גייט מיט compound, דהיינו די ערשטע יאר ווערט פון 100 דאלער 102.5 דאלער, די צווייטע יאר ווערט פון 102.5 דאלער 105.0625. יעדע יאר קומט צו אינפלאציע אויף די געלט פון פאר א יאר. משא"כ די אינטרעסט ראטע גייט אויפן ארגינעלן מיליאן דאלער פון דרייסיג יאר צוריק.)

יעצט אויב מיט די עוורידזש אינפלאציע דארף מען האבן א 5.5 פראצענט אינטרעסט, וואס וועט זיין אויב עס קומט אן אינפלאציע שפרינג דוגמת קאוויד אינפלאציע? דאן וועלן די בענק אפילו מיט 5.5 פראצענט אינטרעסט דערלייגן געלט. יעצט מאך די אליינס די פשוטע חשבון, וויפיל ריסק איז דא אז ערגעץ וואו דורך די 15 יאר זאל זיין אן אינפלאציע שפרינג, און וויפיל ריסק איז דא דורך אויס 30 יאר. די ריסק איז פי כמה. וואס דאס צווינגט די באנק צו בעטן מער אינטרעסט.


נאך א נקודה איז דא. אויב איז דא א שפרינג אין אינפלאציע, איז פשט אז די אינטרעסט ראטעס גייען ארויפגיין. יעצט וואס טוט די באנק ווען זי האט פארבארגט א מיליאן דאלער אויף 5.5 פראצענט אינטרעסט, ווען א יאר שפעטער קען זי די זעלבע מיליאן דאלער פארבארגן פאר 7 פראצענט? זי פארלירט ווייטער געלט. ווייל די אינטרעסט אויף די הלואה וואס זי האט שוין ארויסגעגעבן איז פארשפארט ביי 5.5. וואס דאס איז נאך א סיבה פארוואס די ריסק פון א 30 יעריגע מארטגעדזש איז גרעסער ווי א 15 יעריגע.

(די שאלה איז נאר פארוואס ביי קאוויד האט מען געקענט באקומען פאר שפאט ביליג, כאטש וואס יעדער האט געוויסט אז עס גייט קומען א שווערע אינפלאציע שפעטער. די פשוטע תירץ איז אז די פעדרעל רעזירוו האט אפגעקויפט די הלואות פון די בענק, און זיי האבן טאקע פארלוירן טריליאנען דאלערן צוליב דעם.)


עכ"פ מען קען רעדן און רעדן טעג און וואכן, די מציאות איז אז די אינטרעסט ראטעס לויפן מיט א פונקטליכע חשבון. מיטן צולייגן אן אפציע פון א 50 יעריגע מארטגעדזש, גייט נישט די סיבה אוועקגיין.


אבער חוץ מזה, מיין טענה דא איז אז די חלומות פון ריפיינענסען וואס דו האסט אויפגעברענגט זענען נישט ריכטיג. אנשטאט צאלן די אינטרעסט די ערשטע צען יאר, גייט מען עס צאלן די ערשטע צוואנציג יאר. עס גייט נעמען אסאך לענגער פאר די הויז צו באקומען equity. מען וועט דארפן ווארטן צוואנציג יאר כדי צו קענען ריפיינענסן. (פארשטייט זיך מען גייט קענען ניצן די 4.5 פראצענט וואס ריעל עסטעיט ווערט מער מער פער יאר, אדער אין די היימישע גאס אביסעל מער. אבער די קעש גייט מען נישט קענען ארויסזעהן)

פופציגער האט געשריבן: ↑מוצש"ק נאוועמבער 08, 2025 8:40 pm Screenshot_20251108_203821_WhatsApp.jpg

זאגט ער אזוי

אביסעל היפאקריטיש דאס.

קודם כל, פארוואס איז מען סטאק מיט שכונת ויואל משה? (איך ווייס אז די NERD וואוינט נישט אין קרית יואל) אבער אז איינער וויל קויפן א הויז אין די סיטי, און אויף א מיליאן דאלער וועט ער צאלן 5,275 אנשטאט 6,000, איז דאס נישט קיין געווינס? 725 דאלער א חודש איז נישט קיין געלט? (שוין אפגערעדט וואס לויט די ביכער דארף מען פארדינען דאפעלט ווי די חודש'ליכע פעימענט כדי צו קוואלעפיצירן פאר א מארטגעדזש, וואס דאס מיינט אז מען קען פארדינען 1,550 ווייניגער, און נאך אלץ זיין קוואלעפעצירט פאר א מארטגעדזש)

(און אויב וועט ער נאך מצליח זיין צו שניידן די ראטעס, און עס וועט פאלן צו 5 פראצענט, וועט עס מיינען איבער אכט הונדערט דאלער א חודש)

דאס איז חוץ מזה וואס קיינער צווינגט נישט צו בלייבן מיט די 50 יעריגע. נאך 10 יאר קען ער עס ריפיינסען און "נישט" ארויסנעמען קיין קעש, און מאכן א 15 יעריגע מארטגעדזש פאר די פרייז פון 10 יאר פריער.

דאס איז חוץ המעשה וואס איך האלט אז דאס איז די מערסט פערדישע וועג פון קוקן אויף א מארטגעדזש. די עוורידזש וואוקס פון ריעלעסטעיט איז 4.5 פראצענט א יאר. קענסט מיר אויסרעכענען וויפיל א 400,000 דאלערדיגע הויז גייט זיין ווערד אין 50 יאר פון יעצט? מער ווי דאפעלט פון די גאנצע מארטגעדזש מיטן אינטרעסט. ס'איז עפעס א מין בהמה'שע וועג פון טראכטן. איי דאנט געט איט. מען קוקט אויף די מאנטלי פעימענטס, נישט אויף די סך הכל פון סוף פון די לאון.

לענ"ד איז עס א גרויסע טובה פאר יעדן מענטש וואס קויפט א הויז פאר זיך אליין, א דירה פאר זיין משפּחה, און נישט אלס אינוועסטמענט, ס׳איז בעסער ער זאל קענען נעמען א לענגערן מארגעדש טערמין, ביז פופציג יאר, כדי די חודשלעכע פעימענטס זאלן ווערן בעסער, און גרינגער אינעם טעגליכן לעבן, איך רעד דא פון די סתם מענטשן, נישט קיין רייכע מענטשן וואס קענען זיך בארגן מיט גרויסע פעימענטס אן קיין חשבון.

שטיינזאלץ האט געשריבן: ↑מיטוואך נאוועמבער 12, 2025 9:37 pm לענ"ד איז עס א גרויסע טובה פאר יעדן מענטש וואס קויפט א הויז פאר זיך אליין, א דירה פאר זיין משפּחה, און נישט אלס אינוועסטמענט, ס׳איז בעסער ער זאל קענען נעמען א לענגערן מארגעדש טערמין, ביז פופציג יאר, כדי די חודשלעכע פעימענטס זאלן ווערן בעסער, און גרינגער אינעם טעגליכן לעבן, איך רעד דא פון די סתם מענטשן, נישט קיין רייכע מענטשן וואס קענען זיך בארגן מיט גרויסע פעימענטס אן קיין חשבון.

אויבן אויף ביסטו גערעכט, אבער ווי גערעכט דו זאלסט זיין גייט דאס נישט פאסירן.

ס'דא צוויי זאכן וואס וויפיל מען פראבירט ביי דעם צו אויפטוהן, מאכט עס גאר ערגער. 1) מאכן דאס לעבן עפארדעבל. 2) זיך רעכענען מיט די וואס קומען שפעט שבת אינדערפרי.

וויפיל מען זאל נאר פראבירן רוקן די זמן שחרית שבת, וועט יעדער ממילא קומען די זעלבע צייט וואס ער קומט. דער וואס איז דארט ביי ברכות וועט זיין ביי ברכות אפילו 8:30, און דער וואס קומט אן צו שמונה עשרה וועט נישט העלפן זיך צו שטעלן 10:30. די זעלבע איז מיטן אויסציען די פסוקי דזמרה עס זאל געדוירען 40 מינוט. אין חלום ווילסטו אז דער וואס שפעטיגט זאל זיך קענען מיטכאפן, אבער צום באדויער בלייבט ער שמועסן אינדרויסן פאר נאך פינף מינוט, ווייל עס איז נאך דא צייט....


די איינציגע וועג צו מאכן הייזער עפארדעביל, איז מיט'ן גיין קאמיוניסטיש ווי אין קרית יואל. ווילסט א פערמיט? בסדר, אבער דו מעגסט נאר מאכן כך וכך פראפיט! דאס קען אבער נאר ארבעטן אויף א קליינע פארנעם א שטייגער ווי קרית יואל. אויף א נאציאנאלע פארנעם קען דאס נישט ארבעטן, וויבאלד די אמעריקאנע עקענאמיע איז געשטעלט אויף קאפעטעליזם. און הגם וואס קאמיוניזם קען ארבעטן, האט עס אין היסטאריע כמדומה נאך קיינמאל נישט געארבעט.

עס איז א דבר ברור אז פרייזן גייען ארויפגיין. עט די ענד אויף די געים גייען די חודש'ליכע פעימענטס זיין די זעלבע ווי ביז היינט. הייזער גייען ארויפגיין מיט 10 פראצענט.

דאס איז חוץ מזה וואס אלע טשארטס און חשבונות זענען נאר אויפן חשבון אז עס בלייבט די זעלבע אינטרעסט ראטעס. משוגע דארף אבער די באנק זיין צו געבן 30 יעריגע און פוציג יעריגע אויף די זעלבע ראטעס. בקיצור, ס'איז פיינע חלומות.

נקודות טובות האט געשריבן: ↑דינסטאג נאוועמבער 11, 2025 11:26 pm

פופציגער האט געשריבן: ↑מוצש"ק נאוועמבער 08, 2025 8:40 pm Screenshot_20251108_203821_WhatsApp.jpg

זאגט ער אזוי

אביסעל היפאקריטיש דאס.

קודם כל, פארוואס איז מען סטאק מיט שכונת ויואל משה? (איך ווייס אז די NERD וואוינט נישט אין קרית יואל) אבער אז איינער וויל קויפן א הויז אין די סיטי, און אויף א מיליאן דאלער וועט ער צאלן 5,275 אנשטאט 6,000, איז דאס נישט קיין געווינס? 725 דאלער א חודש איז נישט קיין געלט? (שוין אפגערעדט וואס לויט די ביכער דארף מען פארדינען דאפעלט ווי די חודש'ליכע פעימענט כדי צו קוואלעפיצירן פאר א מארטגעדזש, וואס דאס מיינט אז מען קען פארדינען 1,550 ווייניגער, און נאך אלץ זיין קוואלעפעצירט פאר א מארטגעדזש)

(און אויב וועט ער נאך מצליח זיין צו שניידן די ראטעס, און עס וועט פאלן צו 5 פראצענט, וועט עס מיינען איבער אכט הונדערט דאלער א חודש)

דאס איז חוץ מזה וואס קיינער צווינגט נישט צו בלייבן מיט די 50 יעריגע. נאך 10 יאר קען ער עס ריפיינסען און "נישט" ארויסנעמען קיין קעש, און מאכן א 15 יעריגע מארטגעדזש פאר די פרייז פון 10 יאר פריער.

דאס איז חוץ המעשה וואס איך האלט אז דאס איז די מערסט פערדישע וועג פון קוקן אויף א מארטגעדזש. די עוורידזש וואוקס פון ריעלעסטעיט איז 4.5 פראצענט א יאר. קענסט מיר אויסרעכענען וויפיל א 400,000 דאלערדיגע הויז גייט זיין ווערד אין 50 יאר פון יעצט? מער ווי דאפעלט פון די גאנצע מארטגעדזש מיטן אינטרעסט. ס'איז עפעס א מין בהמה'שע וועג פון טראכטן. איי דאנט געט איט. מען קוקט אויף די מאנטלי פעימענטס, נישט אויף די סך הכל פון סוף פון די לאון.

איך ווייס נישט אויב ס'איז דא דא איינער וואס גלייכט צו ליינען נאמבערס, אבער איך וועל אביסל מרחיב זיין מיינע ווערטער און אויב וועט עס איינער ליינען, קענען מיר צוזאמען אריינקריכן טיפער.

די צוויי עיקר סיבות "פינאנציעל" פארוואס א מענטש זאל קויפן א הויז ווי איידער דינגען איז.
1) די מארטגעדזש פעימענטס בלייבן די זעלבע פאר דרייסיג יאר, משא"כ רענט גייט ארויף יעדע יאר.
2) די געלט וואס דו באצאלסט פארן לענדלארד, גייסטו מער קיינמאל נישט צוריקזעהן. משא"כ ווען דו קויפסט א הויז, איז יעדע דאלער וואס דו צאלסט אריין קענסטו שפעטער ארויסנעמען.
(פארשטייט זיך אז די מעלה פון קויפן איז זיין די אייגענע בעל הבית, און נישט ריזיקירן מיט'ן זיך טרעפן אויף די עלטער אן א דאך איבער'ן קאפ. איך רעד דא נאר "פינאנציעל")

ווען איינער זאל מיר ווייזן אזא טשארט, וואלט איך גאנץ מעגליך אים ג'עצה'ט צו נעמען די 50 יעריגע אפציע. די עיקר זאך וואס מען דארף קוקן ביים קויפן א הויז איז אויף די חודש'ליכע פעימענטס. מען דארף קוקן וויפיל איז די חודש'ליכע פעימענט, און וויפיל וואלט אויסגעקומען די רענט ווען דו דארפסט יעצט דינגען א דירה. און לויט דעם זעהט מען צו עס לוינט.


א געווענליכע הויז “אין די היימישע געגענטער” וועט די רענט פרייז היטן די מארטגעדזש פרייז נאך ארום פינף-זעקס יאר. דהיינו, די זעלבע הויז וואס דו האסט געקויפט אין 2020 (און אראפגעלייגט עכטע 20 פראצענט אן קיין דריידלעך...) און דיינע חודש'ליכע פעימענטס זענען 5,000 דאלער, קענסטו היינט ארויסשטעלן פאר רענט און באקומען דערפאר 5,000. (פארשטייט זיך אז ס'איז נישט קיין כלל, אבער ע"פ רוב וועט עס נעמען ארום 5-6 יאר אין די היימישע געגענטער)

ווען מען נעמט דאס אין באטראכט זעהט מען, אז די אינטרעסט וואס מען באצאלט פאר די באנק, איז נאר די ערשטע 5-6 יאר. ווייל איינמאל די רענט פרייז ריטשט די מארטגעדזש פעימענטס, צאלסטו שוין גארנישט ארויס פון טאש. די הויז דעקט זיך אליינס. וויבאלד דיין הויז ברענגט דיר שוין יעצט די רוח פון די גאנצע מאנטלי פעימענט.
(איך רעד נישט פון מעינטענעס, טעקס, און אונשורענס וכדו'. איך רעד נאר פון רענט ווערסעס מארטגעדזש. דו קענסט דאס נישט אנקוקן ווי דיין געלט גייט פאר אינטרעסט/גארבידזש, וויבאלד דו קענסט שוין יעצט ארויסקעשן די גאנצע. אויב איז דאס אן אינוועסמענט, דאן מאכסטו דאס דורך רענט. און אויב וואינשטו אליינס דארט, וואלסטו דאך דאס געצאלט פאר רענט.)

אויב פאר א 30 יעריגע מארטגעדזש געדויערט 5-6 יאר אז די רענט זאל היטן די מארטגעדזש, איז זעלבסט פארשטענדליך אז די 50 יעריגע גייט היטן שנעלער. פשוט וויבאלד די חודש'ליכע פעימענט איז קלענער. דהיינו חוץ פון די פאקט אז דו גייסט שפארן עטליכע הונדערט דאלער אויפן מארטגעדזש יעדן חודש, גייסטו נאך קענען ארויסנעמען פראפיט אויפן חודש שנעלער. דהיינו, אויב קויפטסו דאס פאר אינוועסמענט וועט די הויז זיך אליינס דעקן אין בלויז 4-5 יאר. (אבער פארשטייט זיך אז ווען מען רעדט פון אינוועסמענט דארף מען נעמען אין באטראכט טעקסעס, מעינטענענס, און אונשורענס וכדו'...)



יעצט לאמיר קוקן פון נאך אן ענגעל. די עוורידזש ריעל עסטעיט וואוקס יאר צו יאר איז 4.5 פראצענט. ווען דו מאכסט די חשבון וועסטו זעהן, אז א מיליאן דאלער ריעל עסטעיט היינט, וועט זיין ווערד אין דרייסיג יאר פון יעצט 3,740,000.

ווען איינער נעמט א מארטגעדזש אויף א מיליאן דאלער מיט א 5 פראצענט ראטע, און ער גייט באצאלן פאר דרייסיג יאר חודש'ליך 5,368.22. וועט אויסקומען אז אין טאטעל נאכן באצאלן פאר דרייסיג וועט ער האבן געצאלט principal and interest 1,932,557. און אויב רעכענט מען די ווערט פון זיין הויז יעצט וואס שטייט ביי 3,740,000 קעגן די 1,932,557 וואס ער האט אינוועסטעט, קומט דאס אויס א RETURN פון בערך 93-94 פראצענט. (פארשטייט זיך איך רעכען אינטרעסט אויך)

אויב זאל מען קוקן אויף די פופציג יעריגע מארטגעדזש, און אויסרעכענען די ריטורן נאך 35.5 יאר. וועט זיין הויז דעמאלטס ווערד זיין ארום 4,930,000. וואס דאס איז מיט ארום 1.2 מיליאן דאלער ריטורן מער ווי ביי די 30 יעריגע מארטגעדזש. דהיינו, ביידע צאלן אריין די זעלבע סכום געלט, און דער וואס צוטיילט עס און נאך 5.5 יאר מאכט אסאך א גרעסערע ריטורן!! (איך זאג 35.5 יאר וויבאלד די אויסגעצאלטע חלק פון די מארטגעדזש וועט דעמאלטס האלטן ביי 1,932,557, וואס דאס איז פונקט די זעלבע סכום ווי ווען ער ענדיגט ביי די 30 יעריגע)

דאס איז חוץ מזה וואס ביי די 50 יעריגע מארטגעדזש, וואס הגם ער האט איבערגעצאלט א געוואלד מיט אינטרעסט, וועט די ריטורן נאך פופציג יאר זיין מיט איבער 230 פראצענט!! זיין הויז וועט זיין ווערד ארום 9 מיליאן דאללער!! וואס אויב (ווער עס דארף) זאל מען קענען שפארן 7-8 הונדערט דאלער א חודש אויף פעמענטס, איז דאס ממש א ישועה!! יעצט זאג דו מיר, איז דער בעל הטשארט נישט קיין היפאקריט? ווער קוקט אויף די ענדגילטיגע אינטרעסט? מען קוקט אויף די ענד ריטורן! ווער עס האט אים אויסגעלערנט רעכענען, זאל שוין רעזיגנירן!!


דאס איז חוץ מזה וואס מענטשן האבן עפעס א מיקאנסעפשען ווען עס קומט צו אינטרעסט. מען קוקט אן אינטרעסט כאילו מען ווארםט געלט אין גארבעדזש. עס זענען דא אסאך וועגן ווי אזוי דאס צו פראווען ראנג, אבער איך וועל נעמען אן אינטערעסאנטע דוגמה.

ווען איינער קויפט א הויז פאר 1,200,000 ער לייגט אראפ 20 פראצענט. די איבריגע אכציג נעמט ער ארויס א מארטגעדזש מיט א 5 פראצענט ראטע. צען יאר שפעטער פארקויפט ער דאס פאר 1,861,200 דאלער. (גענוי ווי די עוורידזש ריעלעסטעיט וואוקס.) האט ער געמאכט געלט אויף די געשעפט, אדער נישט? בפשטות וועט מען ענטפערן יא, אודאי, אז ער פארקויפט פאר 1,861,200 עפעס וואס ער האט געצאלט 1,200,000 האט ער פארדינט א שיינע פראצענט פראפעט.

טראכטענדיג טיפער זעהט מען אבער אז נישט. וויבאלד מען דארף דא אויך נעמען אין באטראכט די אינטרעסט וואס יענער האט געצאלט די אלע יארן, די קלאוזינג קאסט וכדו'. די אינטרעסט אליינס קומט אויס צו 457,500, וואס אינאיינעם מיט די קלאוזינג קאסט קומט אויס אז ס'איז כמעט נישט דא קיין פראפיט.

אבער ווען מען טראכט אריין נאך טיפער, זעהט מען אז יענער האט יא געמאכט שיין געלט. ווייל ןןאס זאל זיין ווען יענער זאל נישט קויפן די הויז דעמאלטס, נאר אנשטאט דעם זאל ער דינגען. וואלט ער דאך אראפגעפלאשט חודש'ליך טויזענטער דאלער'ס פאר רענט. די מציאות איז אז נאך 10-12 יאר צאלן מארטגעדזש, ברעיקט מען איווען מיט וויפיל מען האט אינוועסטירט. דהיינו די ערשטע 5-6 יאר יאר צאלט מען איבער, אבער די צווייטע 5-6 יאר צאלט מען אונטער. ווען מען נעמט דאס צוזאמען ברעיקט מען איווען נאך 10-12 יאר.

יעצט ווען דער אינגערמאן פארקויפט זיין הויז פאר 1.8, איז ער נאך געבליבן מיט א חוב פארן באנק פון 813,000 דאללער. וואס דאס באדייט אז ער שלעפט ארויס כמעט א מיליאן דאלער פון דעם. איז אודאי האט ער געמאכט געלט! איי רוב פון די געלט איז געלט וואס ער האט אריינגעלייגט? אמת, אבער כאטש האט ער עס, ווען ער צאלט ווען רענט בלייבט ער מיט זיין ארגינעלע 200,000 דאלער.

די סך הכל איז, אז אינטרעסט געלט גייט נישט אין גארבידזש. דו פארדינסט אויף די אינטרעסט פונקט ווי אויף די פרינסעפל.


די זעלבע איז אויך ווען מען קויפט א בילדונג פאר אינוועסמענט. אויב קומט אריין יעדע חודש רענט, פארדינט מען גענוג אויף די רענט צו קאווערן די אינטרעסט אפילו אויב די וועליו גייט נישט ארויף אזוי ווי געפלאנט. און מען קען דאס אלעמאל ארויסנעמען.

בסך הכל דארף מען אייביג קוקן אויף די חודש'ליכע פעימענטס, און דאס איז טאקע די סיבה פארוואס די פעד שפיעלט זיך מיט די ראטעס. דאס איז אויף וואס אינוועסטערס קוקן. נאר אויף די פעימענטס. די דאון פעימענט איז א צווייטע מסכתא.

עכ"פ, איך ווייס נישט אויב דער עולם איז נייגעריג אין די מינע חשבונות, ממילא שטעל איך מיך אפ דא.

@נקודות טובות

שפתיים יושק!!

ערשט יעצט באמערקט