אידטיש

א גוט'ן, מיינע טייערע חשובע ידידים,

צום אלעם ערשט וויל איך אייך באדאנקען פאר'ן מיטהאלטן ביז אהער.

די לעצטע פאר וואכן איז דער מהלך פון אונזערע וועכענטליכע ארטיקלען געווען, אז איך האב גענומען א רענדאם שאלה וואס איז אריינגעקומען צו מיר אין אפיס דורכאויס די וואך, און דאס אויסגעשמועסט מיט אייך ( זעה דא).

אבער נאכדעם וואס עטליכע אירע האבן געבעטן פאר א מער מסודר'דיגע צוגאנג, כדי צו קענען אויפבויען א קלארן פארשטאנד אין די יסודות פון ביזנעס סטרוקטורן, האב איך באשלאסן צו טוישן דעם פארמאט.

און פון די וואך און ווייטער וועלן מיר בעזר ה' פארן מיט א סדר: אנהייבן מיט די אלף-בית יסודות פון די אלע ערליי ביזנעס סטרוקטורן, און צוקומען צו א פולע קלארקייט אין די גאנצע נושא.

אונזער ציל איז צו נעמען די גאנצע נושא און עס צולייגן אויף קליין געלט, שטאפל ביי שטאפל, פונעם אנהייב ביזן סוף - כדי יעדער, אפילו איינער וואס האט נישט קיין שום פריערדיגע ידיעות, זאל קענען ארויסגיין מיט א קלארע פארשטאנד.

לתועלת הענין קען זיין אז טייל פון די נקודות וואס מיר וועלן בארירן, ספעציעל אינעם אנהייב, וועלן זיין גאנץ פשוטע זאכן, אדער אזעלכע זאכן וואס מיר האבן שוין אויסגעשמועסט אין אונזער פריערדיגע ארטיקלן, פשוט וויבאלד מיר ווילן אנפאנגען פון גאנץ אונטען כדי עס זאל זיין א דבר השלם.

קראו, ותחי נפשכם!

[איך וויל אויך אויסנוצן די געלעגנהייט אייך צו מעלדן, אז איך האב נאר וואס געפאבלישט מיין נייע זייטל אויפן געוועב, אונטערן נאמען Keystone Filings (נאכנישט 100% פארטיג). באזוכט עס און לאזט מיר וויסן אייער פידבעק אויב איר טרעפט סיי וועלכע אישוס אדער אויב איר האט סיי וועלכע קאמענטארן, יישר כח]

יענץ מבין האט געשריבן: ↑זונטאג סעפטעמבער 14, 2025 3:06 pm [איך וויל אויך אויסנוצן די געלעגנהייט אייך צו מעלדן, אז איך האב נאר וואס געפאבלישט מיין נייע זייטל אויפן געוועב, אונטערן נאמען Keystone Filings (נאכנישט 100% פארטיג). באזוכט עס און לאזט מיר וויסן אייער פידבעק אויב איר טרעפט סיי וועלכע אישוס אדער אויב איר האט סיי וועלכע קאמענטארן, יישר כח]

זייער א שיינע זייטל, און א גוטע וויכטיגע סערוויס.
כ'האב שוין עטליכע מאל געזוכט אזא זאך און נישט געטראפן.

דו טוסט נישט פאר Non-for-profits?

וואוילער האט געשריבן: ↑זונטאג סעפטעמבער 14, 2025 3:16 pm

יענץ מבין האט געשריבן: ↑זונטאג סעפטעמבער 14, 2025 3:06 pm [איך וויל אויך אויסנוצן די געלעגנהייט אייך צו מעלדן, אז איך האב נאר וואס געפאבלישט מיין נייע זייטל אויפן געוועב, אונטערן נאמען KeystoneFilings.com (נאכנישט 100% פארטיג). באזוכט עס און לאזט מיר וויסן אייער פידבעק אויב איר טרעפט סיי וועלכע אישוס אדער אויב איר האט סיי וועלכע קאמענטארן, יישר כח]

זייער א שיינע זייטל, און א גוטע וויכטיגע סערוויס.
כ'האב שוין עטליכע מאל געזוכט אזא זאך און נישט געטראפן.

דו טוסט נישט פאר Non-for-profits?

שכוח פארן פידבעק!

לגבי נאן-פאר-פראפיטס, מען האלט עס אינמיטן intergrate'ן אינעם זייטל.

חלק א: די יסודות

ערשטע יסוד: די מענטש קעגן די ביזנעס

א גוט'ן, מיינע טייערע חשובע ידידים, און ברוכים הבאים צו אונזער נייע סעריע, וואו מיר וועלן אינאיינעם אויפבויען אונזער פארשטאנד אין ביזנעס סטרוקטורן, שטאפל ביי שטאפל.

איידער מיר הייבן אן רעדן וועגן די נעמען ווי LLC, S-Corp, אדער C-Corp, מוזן מיר קודם פארשטיין: וואס איז בכלל א 'ביזנעס' אין די אויגן פון די געזעץ?

א משל:

שמואל עפענט א בעיקערי, ווי ער פארקויפט קעיקס, טרינקען און סענדוויטשעס, א פולע סעלעד באר - בקיצור עס פארט א מחיה.

ויהי היום קומט אריין אן ערל און ער באשטעלט א הייסע שווארצע קאווע, נא, אז דער קאסטומער בעהט, שטעלט מען אוודאי צו, מיט אפאר מינוט שפעטער וואקט די ערל ארויס מיט זיין הייסע קאווע אין די הענט, ער זעצט זיך אריין אין קאר, שטעלט אוועק די קאווע אין די קאווע קאמפארטמענט לעבן זיין זיץ, ויסעו.

קומענדיג אן צום קארנער, פרובירנדיג צו כאפן די געלע ליכט, האט ער זיך געגעבן א שנעלע דריי איין, און די גאנצע קאווע האט זיך א גיס געגעבן אויף זיינע צוויי פיס. נו וואס טוט אן ערל אין אזא מצב? אוודאי גייט מען קלאגן.

איי, פארוואס איז עס די בעיקעריס שולד? אה, פשוט - אויפן קאפ איז נישט געשטאנען Caution: contents may be hot.

וועם וועט ער רופן אין געריכט? שמואל.
אויף וועם איז די קלאגע? אויף שמואל.
פון וואו קען מען איינמאנען געלט אויב שמואל פארלירט די קעיס? פון שמואל'ס פערזענליכע באנק אקאונט, זיין קאר און אפילו זיין הויז.

פארוואס? ווייל אין די אויגן פון די געזעץ, איז 'שמואל דער מענטש' און 'שמואל'ס בעיקערי' דער זעלבע זאך. עס איז נישט דא קיין מחיצה - קיין אפטיילונג – צווישן זיי. דאס רופט מען Unlimited Liability (אומבאגרעניצטע אחריות).

שאפן א נייעם 'לעגאלן מענטש'
דא קומט אריין די גאנצע געדאנק פון א ביזנעס סטרוקטור.

ווען איר עפנט אן LLC אדער א קארפארעישאן, טוט איר בעצם איין זאך: איר בעט די רעגירונג צו באשאפן א נייע קערפערשאפט - א באזונדערן 'לעגאלן מענטש'.

דער נייער 'מענטש' (די ביזנעס) האט אן אייגענעם נאמען, קען פארמאגן אייגענע נכסים, קען מאכן אייגענע חובות, און קען קלאגן אדער געקלאגט ווערן.

און יעצט, ווען דער קאסטומער בריהט זיך אפ, וועט ער אריין געבן א קלאגע אנטקעגן די פירמע ('שמואל'ס בעיקערי LLC') און נישט קעגן שמואל פערזענליך. מען קען נאר איינמאנען פון די נכסים וואס געהערן צו די פירמע (למשל, די ביזנעס באנק אקאונט), נישט פון שמואל'ס פריוואטע פארמעגן. דאס רופט מען אן Limited Liability (באגרעניצטע אחריות).

אין די לעגאלע וועלט רופט מען דאס א shield (= פאנצער), וויבאלד די נייע 'מענשט' שטייט יעצט פארנט פון אייך ווי א שילד, א פאנצער וואס פארזיכערט אייערע פריוואטע פארמעגן.

אבער... דער שילד איז נישט אייזן

עס זענען דא מצבים ווען דער שילד קען באקומען א לאך (piercing the shield), און א געריכט קען אורטיילן אז מען מעג איינמאנען אויך פון אייער פריוואטע פארמעגן. די צוויי הויפט סיבות זענען:

• א פערזענליכע ערבות:
  אויב די פירמע נעמט א הלואה, און די באנק פארלאנגט אז איר זאלט אונטערשרייבן אלס א פערזענליכער ערב – האט איר יעצט פרייוויליג אויפגעגעבן דעם שילד פאר יענעם חוב.
  דאס איז עפעס וואס געשעהט ווען די ביזנעס אליין איז נישט גענוג שטארק אין די אויגן פון די באנק אדער לענדלארד צו באקומען די הלואה אדער דינגען דעם פלאץ אויף איר אייגענעם אחריות. אזוי אויך וועלן רוב ביזנעס קרעדיט קארדס און SBA הלוואות, פארלאנגען פערזענליכע ערבות.

• מישן געלטער:
  דאס איז די גרעסטע טעות וואס מענטשן מאכן. אויב איר ניצט די ביזנעס באנק קארטל צו באצאלן פאר אייערע פריוואטע גראסערי, אדער איר לייגט אריין ביזנעס געלט אין אייער פריוואטע טשעקינג אקאונט, ווייזט איר אז איר אליין נעמט נישט די 'מחיצה' ערנסט.
  און אויב אייער ביזנעס קומט אן אין געריכט, קען די ריכטער זאגן: "אויב איר האט נישט באהאנדלט די פירמע ווי א באזונדערע 'מענטש,' וועלן מיר אויך נישט." דאס רופט מען 'Piercing the Corporate Veil'.

צום לעצט: לעגאלע סטרוקטור נישט טעקס סטרוקטור

עס איז וויכטיג צו וויסן: אז דעס וואס מיר האבן דא מסביר געווען - אז עס איז דא כאילו א וואנט צווישן די מענטש מיט זיין ביזנעס, און אז עס איז צוויי גאנצע אנדערע זאכן - דאס איז אלץ נאר לגבי די לעגאלע סטרוקטור פון די ביזנעס, דהיינו ווי אזוי אייער ביזנעס איז לעגאל אויסגעשטעלט אין די אויגן פונעם געריכט.

אבער ווען עס קומט צו טעקס, ווי אזוי די IRS קוקט דערויף פאר טעקס צוועקן – ארבעט עס מיט אינגאנצען אנדערע כללים.

און דאס, בעז"ה, וועלן אויסשמועסן נעקסטע וואך, ווי מיר וועלן מסביר זיי די צווייטע יסוד: ווי אזוי די געלטער ווערן באשטייערט (Taxed).

הערליכע ארבעט, א דאנק.

סובסקרייבט!

צווייטע יסוד: ווער צאלט די טעקס?

אין די פארגאנגענע ארטיקל האבן מיר מסביר געוועהן, אז עס איז דא א 'מחיצה' צווישן אונז און אונזער ביזנעס, און אונזער ביזנעס האט נישט קיין שום שייכות מיט אונז פרעזענליך.

אבער כאטש די 'מחיצה' טיילט טאקע אפ די לעגאלע אחריות, טיילט עס אבער נישט אפ די פינאנציעלע רעזולטאטן. וויבאלד דער גאנצער תכלית פון די ביזנעס איז דאך נאר, אז די בעה"ב זאל סוף טאג ארויס וואקן מיט פארדינסטען - ממילא איז די IRS זייער נייגעריג צו וויסן ווי אזוי דאס געלט פליסט טאקע פון די ביזנעס צו אייך, דעם בעל הבית.

ווי אזוי באצאלט מען זיך? (געהאלט אדער פראפיט)

עס איז דא צוויי (עיקר) וועגן וויאזוי א בעה"ב קען ארויסנעמען געלט פון זיין ביזנעס:

• געהאלט (W-2):
  דאס באקומט אן איינגעשטעלטער. אויב איר ארבעט פאר אייער אייגענע קארפארעישאן, קענט איז זיך זעלבסט באצאלן א 'ריזענעבל סעלערי' פאר די ארבעט וואס איר טוט. די פירמע נעמט אראפ די Social Security און Medicare טעקסעס און גיבט אייך א W-2 פארם ביים סוף יאר, פונקט ווי יעדער איינגעשטעלטער.

• פראפיט (Dividend / Distribution):
  דאס איז אייער חלק אין די איבעריגע פראפיטס פון די ביזנעס, נאכדעם וואס אלע הוצאות (כולל אייער געהאלט) זענען באצאלט. דאס איז נישט קיין געהאלט, נאר א 'דיווידענד' פון די פראפיטן.

ביי אן S-Corp אדער ביי א Partnership ווערט דאס באריכטעט אויף א K-1 Form,
און ביי א C-Corp הייסט עס פשוט א דיווידענד.

וויאזוי ווערן די פראפיטס געטעקסט?

בדרך כלל זענען פארהאן צוויי הויפט וועגן ווי אזוי מען צאלט טעקס אויף די פראפיטס פון די ביזנעס. לאמיר עס רופן 'איין-מאל טעקס' און 'צוויי-מאל טעקס'.

וועג #1: איין-מאל טעקס (Pass Through Taxation)

דאס איז די מערסטע פארשפרייטע וועג פאר קליינע ביזנעסער (Sole Proprietors, Partnerships, LLCs און S-Corps). דער געדאנק איז זייער פשוט: די ביזנעס אליין צאלט נישט קיין פעני איינקונפט טעקס.

אנשטאט דעם, 'פליסן' אלע פראפיטן (אדער חסרונות) 'דורך' די ביזנעס, גלייך אריין אין אייער פערזענליכע טעקס ריטורן. די ביזנעס דינט סך הכל ווי א פייפ-ליין אריין צונעמען די געלטער און עס גלייך שיקן ווייטער צו אייך.

• א Sole Proprietor (איינער אליין) באריכטעט די פראפיטן אויף א פארם מיטן נאמען Schedule C.

• שותפים אין א Partnership אדער אן אייגנטומער פון אן S-Corp באקומען א פארם מיטן נאמען Schedule K-1, וואס ווייזט זיי פונקטליך וויפיל פון די פראפיט פונעם ביזנעס געהערט צו זיי.

א וויכטיגע קלארשטעלונג איבער Self-Employment Tax:
ווען איר זענט א בעל הבית אין אזא סארט ביזנעס, האט איר נישט קיין בעה"ב וואס צאלט פאר אייך Social Security און Medicare טעקס. דעריבער מוזט איר דאס אליין צאלן.

• פאר א Sole Proprietor, Partnership, אדער LLC: וועט איר צאלן Self-Employment Tax אויף די גאנצע פראפיט.

• פאר אן S-Corp: דא איז די גרויסע חילוק און מעלה. איר צאלט נאר Social Security און Medicare טעקסעס אויף אייער 'ריזענעבל סעלערי' דורך די W-2. אבער אויף די איבעריגע פראפיט וואס איר נעמט ארויס אלס 'Distribution' דורך K-1 - זענען נישט מחיוב קיין שום Self-Employment tax.

און וויאזוי צאלט מען דאס? מען צאלט די Self-Employment Tax אלס א טייל פון די פערזענליכע 1040 טעקס ריטורן, געווענליך דורך פאראויס-באצאלונגען יעדע קווארטאל (Quarterly Estimated Taxes) און נישט דורך א 1099 פארם.

וועג #2: צוויי-מאל טעקס (Corporate Taxation)

דאס איז די געווענליכע וועג פאר א (C-Corporation). דא איז די ביזנעס יא א באזונדערע שטייער-צאלער.

די פראצעדור גייט אזוי:

• ערשטע טעקס: די קארפארעישאן לאמיר זאגן מאכט $100,000 פראפיט. די קארפארעישאן אליין צאלט קארפארעט טעקס אויף דעם געלט (דערווייל 21%). עס בלייבט איבער $79,000.

• צווייטע טעקס: די פירמע באשליסט צו געבן די איבעריגע $79,000 פאר די אייגנטימער אלס א 'דיווידענד'. יעצט מוזן די אייגנטימער באריכטן די $79,000 אויף זייערע פערזענליכע טעקס ריטורנס און צאלן טעקס דערויף א צווייטע מאל.

דאס רופט זיך Double Taxation.

יעצט אז מיר פארשטייען די צוויי יסודות – דער 'שילד' (Liability) און די 'טעקס וועגן' – זענען מיר גרייט זיך צו רוקען פאראויס צום צווייטער חלק: די ביזנעס סטרוקטורן אליין און זייערע אייגנשאפטן.

חלק ב: די הויפט ביזנעס סטרוקטורן

די 'אטאמאטישע' ביזנעס ענטיטי: דער סאול-פּראָפּרייטער (Sole Proprietor)

יעצט, אז מיר פארשטייען שוין די צוויי וויכטיגע יסודות – די 'לעגאלע מחיצה'(liability) און די 'טעקס וועגן' – זענען מיר גרייט אנצוהייבן צו באטראכטן די ביזנעס סטרוקטורן אליין.

מיר הייבן אן מיט די פשוט'סטע פארעם פון א ביזנעס: דער סאול-פּראָפּרייטער (Sole Proprietor).

דער מאמענט וואס איר באשליסט צו טון ביזנעס פאר זיך אליין – איר פארקויפט קעיקס פון אייער קיך, איר טוט גרעפיק דיזיין סערוויסעס אדער סיי וועלכע אנדערע ארבעט, און איר האט נישט געפיילט קיין שום ספעציעלע פאפיר - זענט איר אטאמאטיש א סאול-פּראָפּרייטער.
[דאס מיינט אז איר זענט די ביזנעס און די ביזנעס איז אייך].

די מעלות:

• גרינג און פשוט: עס איז נישט פארהאן קיין שום ארבעט צו "שאפן" די ביזנעס. איר דארפט נישט פיילן קיין שום פאפירן - איר הייבט פשוט אן ארבעטן, און די ביזנעס עקזיסטירט. [זעה מער צום סוף פון די ארטיקל].

• אומזיסט: עס קאסט נישט קיין געלט פאר קיין לעגאלע פיילינגס דאס אויפצושטעלן.

• פשוט'ע טעקסעס: ווי מיר האבן אויסגעשמועסט, ווערן אלע פראפיטן באריכטעט אויף אייער פערזענליכע טעקס ריטורן אויף א פארם מיטן נאמען Schedule C.

די חסרונות:

• אומבאגרעניצטע אחריות (Unlimited Liability): דאס איז דער גרעסטער און געפארפולסטער חסרון. וויבאלד איר האט נישט געבויט קיין 'לעגאלע מחיצה', זענט איר און די ביזנעס לעגאל איינס און די זעלבע. ממילא, אויב די ביזנעס פאלט אריין אין חובות, איז אייער גאנצע פריוואטע פארמעגן אויפן וואגשאל, און מען קען איינמאנען פון סיי וואס - אייער הויז, קאר, באנק אקאונט אא"וו.

• אומפראפעסיאנאל: עס קען זיין שווערער צו באקומען גרויסע קליענטן אדער א הלואה, ווען איר אפערירט פשוט אונטער אייער אייגענעם נאמען.

• שווער צו שאפן געלט: אינוועסטירער וועלן כמעט קיינמאל נישט אריינלייגן געלט אין א סאול-פּראָפּרייטערשיפּ.

א וויכטיגע הערה:

כאטש איר דארפט נישט פיילן קיין פאפירן צו "שאפן" אייער סאול-פּראָפּרייטערשיפּ, האט אבער יעדע סטעיט זייער אייגענע רעגולאציעס. און אסאך סטעיטס פארלאנגען ארויסצונעמען געוויסע לייסענסעס צו קענען פירן א ביזנעס אין די סטעיט, אפילו אויב די ביזנעס איז אויף אייער פרעזענליכע נאמען.

אונז גייען דא פארשטייט זיך נישט אדורך גיין אלע 50 סטעיטס, אבער לאמיר יא כאפן א בליק אויף די רעגולאציעס אין ניו יארק און אין ניו דזערזי:

• ביזנעס נאמען רעגיסטראציע:
  
  אויב איר ניצט א ביזנעס נאמען וואס איז אנדערש ווי אייער פערזענליכער נאמען (למשל, 'Speedy Plumbing' אנשטאט 'Moishy Cohen'), מוזט איר דאס לעגאל רעגעסטרירן.
  
  אין ניו יארק הייסט דאס א DBA Certificate (Doing Business As) - מען פיילט דאס ביי די לאקאלע קאונטי קלוירק'ס אפיס (County Clerk’s Office).
  
  אין ניו דזשערזי הייסט דאס א Trade Name Registration - מען פיילט דאס ביי די סטעיט, ספעציפיש מיט די NJ Division of Revenue and Enterprise Services.
  
  (זעה מער איבער דעם אין אונזער ארטיקל: 'דארף איך זיך טאקע רעגיסטרירן אלץ א DBA?')

• סטעיט רעגיסטראַציע פאר שטייערן און ביזנעס (State Tax & Business Registration):
  
  אין ניו יארק, דארף מען זיך רעגיסטרירען ביי די סטעיט נאר אויב מען דארף צאלן סעילס טעקס [מען פארקויפט אייטעמס] אדער מען נעמט אויף אן ארבעטער. מען רעגיסטריט זיך מיט די NY State Department of Taxation and Finance און מען באקומט א Certificate of Authority.
  
  אין ניו דזשערזי, איז פארהאן א ברייטערער פארלאנג. אויסער די רעגיסטראציע פאר סעילס טעקס (מיט די NJ Division of Taxation), פארלאנגט ניו דזשערזי אז כמעט יעדע ביזנעס — אפילו א סאול-פּראָפּרייטער — זאל זיך רעגיסטרירן מיט די NJ Division of Revenue and Enterprise Services (DORES) און באקומען א Business Registration Certificate (BRC).

• פראפעסיאנאלע לייסענסעס (Professional Licenses):
  
  אויב איר זענט, למשל, אן עלעקטרישאן, קאנטראקטאר, ריעל עסטעיט אגענט, אדער דאקטאר, מוזט איר האבן א ספעציפישע לייסענס פון די רעלעוואנטע סטעיט באורד (state board) אין וועלכע סטעיט איר אפערירט.

• לאקאלע פערמיטן (Local Permits):
  
  צום לעצט, און דאס איז זייער וויכטיג: סיי אין ניו יארק און סיי אין ניו דזשערזי האבן רוב לאקאלע מיוניסיפּאַליטיס (שטעט, טאונס, ווילידזשעס, אדער באראס) אייגענע לייסענס פארלאנגען. למשל, אין ניו יארק סיטי דארפן אסאך סארטן ביזנעסער האבן א לייסענס פון די Department of Consumer and Worker Protection (DCWP). ס'איז קריטיש וויכטיג זיך צו מאכן די ריסוירטש, און זעהן אויב און וועלכע פערמיטן זענען נויטיג פאר אייער ספעציפישע ביזנעס.

[

• פראפיט (Dividend / Distribution):
  דאס איז אייער חלק אין די איבעריגע פראפיטס פון די ביזנעס, נאכדעם וואס אלע הוצאות (כולל אייער געהאלט) זענען באצאלט. דאס איז נישט קיין געהאלט, נאר א 'דיווידענד' פון די פראפיטן.

ביי אן S-Corp אדער ביי א Partnership ווערט דאס באריכטעט אויף א K-1 Form,
און ביי א C-Corp הייסט עס פשוט א דיווידענד.


שייך צו בעסער מסביר זיין וואס דו האסט געשריבן אין דעם שורה? וואס איז דאס א K-1? וואס איז א חילוק צו עס הייסט דיווידענד אדער אויף א K1?

אסעמבלימאן האט געשריבן: ↑פרייטאג סעפטעמבער 26, 2025 11:26 am [

• פראפיט (Dividend / Distribution):
  דאס איז אייער חלק אין די איבעריגע פראפיטס פון די ביזנעס, נאכדעם וואס אלע הוצאות (כולל אייער געהאלט) זענען באצאלט. דאס איז נישט קיין געהאלט, נאר א 'דיווידענד' פון די פראפיטן.

ביי אן S-Corp אדער ביי א Partnership ווערט דאס באריכטעט אויף א K-1 Form,
און ביי א C-Corp הייסט עס פשוט א דיווידענד.


שייך צו בעסער מסביר זיין וואס דו האסט געשריבן אין דעם שורה? וואס איז דאס א K-1? וואס איז א חילוק צו עס הייסט דיווידענד אדער אויף א K1?

לאמיר פרובירן דאס מסביר צו זיין בקיצור.

איך וועל אנהייבן מיט די C-Corp, ווען א קארפערישען פארדינט פראפיט בלייבט די געלט אין די קארפערעישען, און די קארפ דארף צאלן טעקס דערויף. נאר ווען און אויב די קארפ גייט געבן די (אדער א חלק פון די) פראפיט פאר די בעה"ב - וואס דאס - דאס איבערגעבן די געלט - ווערט אנגערופן א 'דיווידענד' - דעמאלטס דארף די בעה"ב דאס באריכטן אויף זיין פריוואטע טעקס ריטורנס - פונקט ווי סיי וועלעכע אנדערע איינקופט - און די בעה"ב וועט יעצט באצאלן פריוואטע איקאם טעקס אויף די געלטער.

משא"כ ביי S-Corp אדער ביי א Partnership ארבעט עס אז אויב די ביזנעס האט פארדינט פראפיט, ווערט עס אויטאמאטיש פארעכענט ווי א פרעזענליכע אינקאם פון די בעה"ב, אפילו אויב די געלט ליגט נאך אין די ביזנעס, און די בעה"ב דארף דאס באריכטען אויף זיין פריוואטע טעקס ריטורן, יעצט היות א פארטנערשיפ האט מער ווי איין בעה"ב, און אזוי אויך איז א קארפארעישען אויסגעשטעלט צו האבן אפאר בעה"ב, דארף די ביזנעס צושטעלן די Schedule k-1 פארם, וואז שרייבט ארויס פונקטלעך וואספארא חלק פון די עקספענסעס און אינקאם באלאנקט צו א יעדע שותף. און א יעדע פון די שותפים פיילן זייערע schedule k-1 מיט זייערע פערסענאל טעקס ריטורנס.

חלק ב: די הויפט ביזנעס סטרוקטורן

סטרוקור 2: די אלגעמיינע שותפות (General Partnership)

אין אונזער פריערדיגן ארטיקל האבן מיר באהאנדלט דעם סאול-פּראָפּרייטער. אבער זייער אפט הייבט זיך א ביזנעס אן מיט צוויי מענטשן - צוויי חברים מיט א גוטן געדאנק. זיי הייבן צוזאמען אן א ביזנעס. איז וואס איז די לעגאלע סטרוקטור דעמאלט? [אויב זיי הייבן אן אנדעם וואס זיי עפענען אויף א קארפארעישען אדער א LLC].

פונקט ווי דער סאול-פּראָפּרייטער איז די אלגעמיינע שותפות ((General Partnership די 'אטאמאטישע' סטרוקטור פאר צוויי אדער מער מענטשן וואס טוען ביזנעס אינאיינעם.
איר דארפט נישט אונטערשרייבן קיין שום פאפירן; דער מינוט וואס איר און אייער שותף הייבן אן צוזאמען ארבעטן, האט איר אוטאמאטיש געשאפן א 'General Partnership'.

עס האט די זעלבע מעלות – גרינג און ביליג – און די זעלבע חסרון פוןUnlimited Liability , ווי א סאול-פּראָפּרייטערשיפּ.

אבער דער חסרון איז דא פילפאכיג ערגער.

דער הויפט חסרון: Joint and Several Liability

דאס איז א לעגאלער טערמין. עס מיינט אז יעדער שותף איז 100% פאראנטווארטליך פאר די גאנצע חוב פון די ביזנעס – נישט קיין חילוק ווער עס האט אנגעדרייט דעם חוב.

למשל: לאמיר זאגן אז איר און ראובן זענען שותפים אין א דעליווערי ביזנעס. ראובן, גייט איין טאג און ער באשטעלט א נייעם טראק פאר $70,000 אויפ'ן נאמען פון די ביזנעס [מיט פיינענסינג].

איר האט נישט קיין אהנונג דערפון, ער האט אייך קיינמאל נישט געפרעגט צו ער זאל עס קויפן, ער האט אייך אפילו נישט מודיע געוועהן אז ער האט עס געקויפט.

למעשה איז די ביזנעס ליידער צופאלן און פארלוירען דאס גאנצע פארמעגן. קען דער בעל חוב [די קאר דילערשיפ] אינגאנצן איגנארירן ראובן און גיין גלייך צו אייך פערזענליך, און איינמאנען די גאנצע $70,000 פון אייער פריוואטע פארמעגן.

די (טיילווייזע) לייזונג: ספעציפישע תקנות אינעם שותפות'דיגן אפמאך – Partnership Agreement

ווי אזוי קען מען זיך באשיצן פון אזא מצב?

די לייזונג ליגט אין אויסארבעטן ספעציפישע תקנות (clauses) אינעם שותפות'דיגן אפמאך איידער מען הייבט אן. למשל:

• תקנה אויף הוצאות און בארעכטיגונג (Spending Limits & Authority Clause):
  מען קען אריינשרייבן אינעם אפמאך אז קיין שום שותף האט נישט די רעכט צו ספענדען אדער נעמען א הלוואה העכער א געוויסע סומע (למשל $5,000) אן די חתימה און הסכמה בכתב פון אלע שותפים.

• Indemnification Clause:
  דאס מיינט אז אויב איין שותף טוט עפעס וואס איז קעגן דעם אפמאך (ווי קויפן דעם טראק אליינס) און עס ברענגט א פינאנציעלן שאדן פאר'ן צווייטן שותף – איז דער שולדיגער שותף מחויב צוריק צוצאלן פאר'ן אומשולדיגן שותף יעדע דאלאר פונעם שאדן, אריינגערעכנט לעגאלע קאסטן.

א וויכטיגע הבהרה: דער חילוק צווישן אינערליכע און דרויסנדיגע שוץ

געדענקט: די לייזונג איז בלויז אן אינערליכע וואפן. דער שותפות'דיגער אפמאך איז א קאנטראקט צווישן די שותפים – עס האט נישט קיין שום תוקף קעגן א דרויסנדיגן בעל חוב.
אין אונזער משל, אפילו מיט די בעסטע אפמאך, קען די טראק דיעלערשיפּ נאך אלץ קומען צו אייך און איינמאנען די גאנצע $70,000.

אבער נאכדעם וואס איר האט עס באצאלט, גיט אייך דער אפמאך די לעגאלע קראפט און די רעכט צו קלאגן ראובן אין געריכט (אדער דין תורה) צוריק צו באקומען אייער געלט, וויבאלד ער האט צעבראכן די אפמאך.

________________________________________

דער שותפות'דיגער אפמאך (Partnership Agreement): פארוואס עס איז וויכטיג

עס איז גאר וויכטיג אז פאר מען לאזט זיך אריין אין סיי וועלכע שותפות זאל מען אויסארבעטן און אונטער שרייבן א Partnership Agreement.

דער אפמאך איז דער "בלופרינט" פון אייער שותפות – עס לייגט אראפ די כללים פון די שותפות, די אופן וויאזוי מען צעטיילט די געלט, און פיל מער.

א גוטע אויסעגארבעטע אפמאך פארמיידט מחלוקת און גיט א קלארן וועג ווי אזוי צו האנדלען ווען עס קומען אונטער פראגעס אדער קריגערייען.

7 נקודות וואס מוזן זיין אין א שותפות'דיגן אפמאך:

פארשטייט זיך אז צו אויסארבעטן אזא קאנטראקט פארלאנגט זיך א פראפעסיאנאל, אבער פאר אינפארמאציע צוועקן וועל איך דא ארויסברענגען די עיקור 7 קריטישע פונקטן:

• קאפיטאל אריינברענג (Capital Contributions): ווער ברענגט אריין וויפיל געלט, און ווער ברענגט אריין סחורה אדער עקספערטיז?

• פראפיט און פארלוסט צעטיילונג (Profit/Loss Distribution): טיילט מען 50/50, אדער לויט וויפיל געלט / ארבעט יעדער האט אריינגעלייגט?

• ראולס און פאראנטווארטליכקייטן (Roles and Responsibilities): ווער איז אחראי אויף סעילס? ווער אויף פינאנצן? אא"וו

• מאכן החלטות (Decision-Making): דארפן ביידע צושטימען צו יעדע החלטה? ווער האט דאס לעצטע ווארט ביי א קריגעריי?

• ארויסגיין פונעם שותפות: (Exit Strategy / Buy-Sell): וואס פאסירט אויב איינער וויל ארויסגיין, שטארבט, אדער ווערט קראנק? ווי אזוי רעכנט מען אויס די ווערט פון זיין חלק?

• קריגערייען לייזונג (Dispute Resolution): אויב מען קריגט זיך – גייט מען גיין צו א בורר? אויב יא, וויאזוי גייט מען אויסקלויבן צו וועם צו גיין? אדער גייט מען גיין צו א דין תורה?

• צומאכן די ביזנעס (Dissolution): ווי אזוי צעטיילט מען די נכסים און חובות ווען מען מאכט צו די ביזנעס?

א ווארט וועגן באצאלונגען:

אמאל, ווען איין שותף ארבעט פיל מער ווי דער צווייטער, איז אנשטאט צו אויפקומען מיט קאמפלעצירטע חשבונות ווי אזוי צו איינטיילן די שותפות, קען מען אים געבן ' Guaranteed Payments' – וואס דאס איז ווי אזא סארט געהאלט וואס ווערט באצאלט פאר מען צוטיילט די איבעריגע פראפיטס.

חלק ב: די הויפט ביזנעס סטרוקטורן

סטרוקטור 3: LLC – Limited Liability Company

אין אונזערע פריערדיגע ארטיקלען האבן מיר באהאנדלט די 'אטאמאטישע' סטרוקטורן – דער סאול-פּראָפּרייטער און די שותפות.

ווי מיר האבן אויסגעשמועסט, אז כאטש זיי האבן די מעלה אז זיי זענען גרינג אנצוהייבן, האבן זיי אבער א גאר שטארקע חסרון – מיט דעם וואס זיי האבן אומבאגרעניצטע אחריות (Unlimited Liability). עס איז נישטא קיין שום מחיצה צווישן די מענטש און דעם ביזנעס.

די וואך קומען מיר אן צו די ערשטע און פאפולערסטע אמת'ע לייזונג: די Limited Liability Company, אדער אין קורצן – די LLC.

די מושג פון א LLC איז א לעצטיגער זאך; עס האט זיך אנגעהויבן ס"ה מיט אומגעפער 50 יאר צירוק (פון די 1970'ער יארן) און עס איז מיט די צייט אויסגעשטיגן אלץ די סטאנדארד פאר רוב קליינע ביזנעסער.

פארוואס? ווייל עס איז א 'הייבריד' – צווישן די שותפות און די קארפארעישען – עס נעמט די בעסטע פון ביידע וועלטן:

פון די קארפארעישאן נעמט עס די לעגאלע מחיצה (Limited Liability), וואס באשיצט אייערע פריוואטע פארמעגנס. פון די שותפות נעמט עס די פשטות און גרינגקייט עס צו עפענען און פירן.

און אזוי אויך איז עס זייער פלעקסיבעל ווען עס קומט צו טעקסעס.

די הויפט מעלות פון אן LLC:

• די לעגאלע מחיצה (Limited Liability):
  
  אויב די LLC ווערט געקלאגט אין געריכט אדער זאמעלט זיך אהן מיט חובות, קענען די בעלי חוב נאר צו נעמען די נכסים פון די ביזנעס. אייער פריוואטע הויז, קאר, און באנק אקאונט זענען באשיצט.

• טעקס פלעקסיביליטי:
  
  די IRS האט נישט קיין ספעציעלע טעקס פארם פאר אן LLC. אנשטאטס דעם דארף די אייגנטימער אויסוועלן ווי אזוי צו ווערן געטעקסט:
  
  איין אייגנטימער (Single-Member LLC) ווערט אוטאמאטיש באהאנדלט ווי א סאול-פּראָפּרייטער (Schedule C).
  
  צוויי אדער מער אייגנטימער (Multi-Member LLC) ווערט אוטאמאטיש באהאנדלט ווי א שותפות (Form 1065, K-1s).
  
  אבער אויב איר ווילט, קענט איר אויסוועלן צו ווערן געטעקסט אזוי ווי א C-Corp אדער אזוי ווי א .S-Corp (מיר וועלן אי"ה רעדן מער איבער דעם אין אונזער קומענדיגן ארטיקל).

אפאר וויכטיגע כללים:

• דער אפערירן אפמאך (Operating Agreement):
  
  דאס איז די 'קאנסטיטוציע' פונעם ביזנעס. עס באשטימט ווער האט אריינגעלייגט וויפיל געלט, ווי אזוי טיילט מען פראפיטן, ווער מאכט די החלטות, און וואס פאסירט אויב א שותף וויל ארויסגיין.
  
  (אין ניו יארק סטעיט איז דאס לעגאל פארלאנגט. און הגם עס ווערט נישט אינפארסירט, גייט אבער דאס נישט האבן א אפמאך, צוברענגען אז ביי א קריגעריי צווישן די שותפים גייט די געריכט ניצן די סטאנדארטע סטעיט געזעצן – אן זיך רעכענען מיט וואס די שותפים האבן פריוואט געהאט אפגעמאכט. און אזוי אויך קען דאס גענוצט ווערן אלס איין טייל פון אן ארגומענט צו פרובירן שוואכער צו מאכן אייער liability protection).

• ווער פירט די ביזנעס (Member-Managed vs. Manager-Managed)?
  
  געפירט דורך די אייגנטימער (Member-Managed): דאס איז די סטאנדארטע וועג. יעדער אייגנטימער (member) האט א רעכט אריין צורעדן אין די טאג-טעגליכע החלטות.
  
  געפירט דורך א מענעדזשער (Manager-Managed): דא באשטימען די אייגנטימער איין מענטש (אדער א גרופע פון מענטשען) צו פירן די ביזנעס. דאס טוט מען בדרך כלל אויב עס איז דא שטילע שותפים (silent partners) וואס ווילן נאר אינוועסטירן געלט, אבער נישט פירן די טאג-טעגליכע אפעראציעס פון די ביזנעס.

• באשיצונג דורך א טשארדזשינג ארדער (Charging Order Protection):
  
  דאס מיינט אז אויב איין שותף ווערט פערזענליך אנגעקלאגט פאר עפעס וואס האט גארנישט צו טון מיט די ביזנעס (למשל, א קאר עקסידענט), אדער פאר סיי וועלכע פריוואטע חובות, קען דאס געריכט נישט צונעמען זיין טייל אין די LLC און אויך נישט איבערגעבן די בעלות פון די ביזנעס פאר'ן בעל חוב.
  
  דער בעל חוב קען בלויז ווארטן און באקומען א טייל פון די פראפיטן אויב און ווען די פירמע באשליסט זיי אויסצוטיילן. דאס באשיצט די ביזנעס פון די פריוואטע פראבלעמען פונעם בעל הבית אדער איינעם פון די שותפים.
  
  דאס איז אנדערש ווי ביי א קארפארעישאן – וואו דאס געריכט קען ממש פארקויפן זיין חלק אין די ביזנעס (וויבאלד עס ווערט אנגעקוקט ווי ער האט פשוט 'סטאקס' פון די ביזנעס) כדי צו באצאלן דעם חוב.

________________________________________

די ניו יארקער 'פאבלישינג' געזעץ:

מיר האבן שוין ברייט אויסגעשמועסט דעם ענין דא, אבער לאמיר עס פארט אנרירן נאכאמל בקיצור. ניו יארק איז איינע פון דריי סטעיטס מיט אן אלטמאדישן געזעץ וואס פארלאנגט אז יעדע נייע LLC מוז "פאבלישן" א מעלדונג איבער איר גרינדונג אין צוויי צייטונגען פאר זעקס וואכן נאכאנאנד, און דאס דארף געטוהן ווערן אין די ערשטע 120 טעג נאך דער גרינדונג פון די LLC.

די פראבלעם: אין ניו יארק סיטי קענען די קאסטן דערפון זיין זייער הויעך, אפטמאל איבער $1,000.

די אפסטעיט עצה: א לעגאלע און אנגענומענע וועג ארום דעם איז ווי פאלגנד: ווען מען פיילט די LLC ניצט מען א Registered Agent סערוויס וואס האט אן אדרעס אין אן אפסטעיט קאונטי, ווי למשל אלבאני. היות די LLC'ס אפיציעלע אדרעס איז אין אלבאני, קען מען דארט פאבלישן אין צוויי ביליגע, לאקאלע צייטונגען פאר א סך הכל קאסט פון ארום $200.
נאכדעם וואס די פאבלישינג פראצעדור איז פארטיג, טוישט מען צוריק די אדרעס פון די LLC צו אייער עכטע אדרעס אין ברוקלין.

יענץ מבין האט געשריבן: ↑מיטוואך אקטאבער 29, 2025 1:20 pm
אפאר וויכטיגע כללים:

► Show Spoiler

• דער אפערירן אפמאך (Operating Agreement):
  
  דאס איז די 'קאנסטיטוציע' פונעם ביזנעס. עס באשטימט ווער האט אריינגעלייגט וויפיל געלט, ווי אזוי טיילט מען פראפיטן, ווער מאכט די החלטות, און וואס פאסירט אויב א שותף וויל ארויסגיין.
  
  (אין ניו יארק סטעיט איז דאס לעגאל פארלאנגט. און הגם עס ווערט נישט אינפארסירט, גייט אבער דאס נישט האבן א אפמאך, צוברענגען אז ביי א קריגעריי צווישן די שותפים גייט די געריכט ניצן די סטאנדארטע סטעיט געזעצן – אן זיך רעכענען מיט וואס די שותפים האבן פריוואט געהאט אפגעמאכט. און אזוי אויך קען דאס גענוצט ווערן אלס איין טייל פון אן ארגומענט צו פרובירן שוואכער צו מאכן אייער liability protection).

• ווער פירט די ביזנעס (Member-Managed vs. Manager-Managed)?
  
  געפירט דורך די אייגנטימער (Member-Managed): דאס איז די סטאנדארטע וועג. יעדער אייגנטימער (member) האט א רעכט אריין צורעדן אין די טאג-טעגליכע החלטות.
  
  געפירט דורך א מענעדזשער (Manager-Managed): דא באשטימען די אייגנטימער איין מענטש (אדער א גרופע פון מענטשען) צו פירן די ביזנעס. דאס טוט מען בדרך כלל אויב עס איז דא שטילע שותפים (silent partners) וואס ווילן נאר אינוועסטירן געלט, אבער נישט פירן די טאג-טעגליכע אפעראציעס פון די ביזנעס.

• באשיצונג דורך א טשארדזשינג ארדער (Charging Order Protection):
  
  דאס מיינט אז אויב איין שותף ווערט פערזענליך אנגעקלאגט פאר עפעס וואס האט גארנישט צו טון מיט די ביזנעס (למשל, א קאר עקסידענט), אדער פאר סיי וועלכע פריוואטע חובות, קען דאס געריכט נישט צונעמען זיין טייל אין די LLC און אויך נישט איבערגעבן די בעלות פון די ביזנעס פאר'ן בעל חוב.
  
  דער בעל חוב קען בלויז ווארטן און באקומען א טייל פון די פראפיטן אויב און ווען די פירמע באשליסט זיי אויסצוטיילן. דאס באשיצט די ביזנעס פון די פריוואטע פראבלעמען פונעם בעל הבית אדער איינעם פון די שותפים.
  
  דאס איז אנדערש ווי ביי א קארפארעישאן – וואו דאס געריכט קען ממש פארקויפן זיין חלק אין די ביזנעס (וויבאלד עס ווערט אנגעקוקט ווי ער האט פשוט 'סטאקס' פון די ביזנעס) כדי צו באצאלן דעם חוב.

פשוט אויסצוקלארן, דאס קען מען מאכן נאר ביי א llc מיט מער ווי איין אייגענטומער, אויב אבער די LLC האט נאר איין אייגענטומער (Single-Member LLC) דאן איז דאס נישט רעלעוואנט.
פונקט ווי די ערשטע צוויי כללים,וועלכע זענען אויך נאר ביי א מולטי מעמבער LLC.

ריכטיג?

ChatGPT האט געשריבן: ↑מיטוואך אקטאבער 29, 2025 2:44 pm

יענץ מבין האט געשריבן: ↑מיטוואך אקטאבער 29, 2025 1:20 pm
אפאר וויכטיגע כללים:

► Show Spoiler

• דער אפערירן אפמאך (Operating Agreement):
  
  דאס איז די 'קאנסטיטוציע' פונעם ביזנעס. עס באשטימט ווער האט אריינגעלייגט וויפיל געלט, ווי אזוי טיילט מען פראפיטן, ווער מאכט די החלטות, און וואס פאסירט אויב א שותף וויל ארויסגיין.
  
  (אין ניו יארק סטעיט איז דאס לעגאל פארלאנגט. און הגם עס ווערט נישט אינפארסירט, גייט אבער דאס נישט האבן א אפמאך, צוברענגען אז ביי א קריגעריי צווישן די שותפים גייט די געריכט ניצן די סטאנדארטע סטעיט געזעצן – אן זיך רעכענען מיט וואס די שותפים האבן פריוואט געהאט אפגעמאכט. און אזוי אויך קען דאס גענוצט ווערן אלס איין טייל פון אן ארגומענט צו פרובירן שוואכער צו מאכן אייער liability protection).

• ווער פירט די ביזנעס (Member-Managed vs. Manager-Managed)?
  
  געפירט דורך די אייגנטימער (Member-Managed): דאס איז די סטאנדארטע וועג. יעדער אייגנטימער (member) האט א רעכט אריין צורעדן אין די טאג-טעגליכע החלטות.
  
  געפירט דורך א מענעדזשער (Manager-Managed): דא באשטימען די אייגנטימער איין מענטש (אדער א גרופע פון מענטשען) צו פירן די ביזנעס. דאס טוט מען בדרך כלל אויב עס איז דא שטילע שותפים (silent partners) וואס ווילן נאר אינוועסטירן געלט, אבער נישט פירן די טאג-טעגליכע אפעראציעס פון די ביזנעס.

• באשיצונג דורך א טשארדזשינג ארדער (Charging Order Protection):
  
  דאס מיינט אז אויב איין שותף ווערט פערזענליך אנגעקלאגט פאר עפעס וואס האט גארנישט צו טון מיט די ביזנעס (למשל, א קאר עקסידענט), אדער פאר סיי וועלכע פריוואטע חובות, קען דאס געריכט נישט צונעמען זיין טייל אין די LLC און אויך נישט איבערגעבן די בעלות פון די ביזנעס פאר'ן בעל חוב.
  
  דער בעל חוב קען בלויז ווארטן און באקומען א טייל פון די פראפיטן אויב און ווען די פירמע באשליסט זיי אויסצוטיילן. דאס באשיצט די ביזנעס פון די פריוואטע פראבלעמען פונעם בעל הבית אדער איינעם פון די שותפים.
  
  דאס איז אנדערש ווי ביי א קארפארעישאן – וואו דאס געריכט קען ממש פארקויפן זיין חלק אין די ביזנעס (וויבאלד עס ווערט אנגעקוקט ווי ער האט פשוט 'סטאקס' פון די ביזנעס) כדי צו באצאלן דעם חוב.

פשוט אויסצוקלארן, דאס קען מען מאכן נאר ביי א llc מיט מער ווי איין אייגענטומער, אויב אבער די LLC האט נאר איין אייגענטומער (Single-Member LLC) דאן איז דאס נישט רעלעוואנט.
פונקט ווי די ערשטע צוויי כללים,וועלכע זענען אויך נאר ביי א מולטי מעמבער LLC.

ריכטיג?

בנוגע די charging order זענט איר מער וויייניגער גערעכט, הגם ווי איך פארשטיי ווענדט זיך עס אין וועלכע סטעיט אין אויך אין די ריכטער אויף די קעיס.

לגבי די operating agreement איז געזעצליך נישטא קיין שום חילוק, און אין א געוויסע וועג איז עס נאכמער וויכטיג, וויבאלד אויב עס קומט אן אין געריכט, איז די ערשטע זאך וואס איר גייט דארפן אלץ א ראיה אז עס איז א לעגיטימע LLC און נישט סתם א שםיל, וועט זיין די operating agreement, משא"כ ביי א מולטי-מעמבער LLC זעהט עס אויס סאך מער ליגיט אפילו אן א operating agreement.

לכבי די צווייטע כלל [ווער פירט די ביזנעס] איז נישט קיין שום נפק"מ און דאס איז עפעס וואס מען דארף אריין שרייבן אין די 'גרינדונג דאקומענטן'.

חלק ב: די הויפט ביזנעס סטרוקטורן

סטרוקטור 4: S-Corporation

צום אלעם ערשט דארף איך אויסקלארן, אז די קעפל איז נישט אינגאנצען ריכטיג, וויבאלד אן S-Corp איז נישט קיין ביזנעס סטרוקטור. עס איז סך הכל א טעקס סטאטוס, וואס איר קענט אויסוועלן פאר אייער עקזעסטירנדער ביזנעס ענטיטי.

דהיינו, קודם דארף מען עפענען א לעגאלע סטרוקטור – געווענליך אן LLC אדער א C-Corp – און דערנאך פילט מען אויס א ספעציעלע פארם (Form 2553) מיט די IRS וואו איר בעט זיי צו באהאנדלען אייער LLC ווי א S-Corp פאר טעקס צוועקן.

וואס איז די אויפטוה פןון ווערן געטעקסט ווי א S-Corp?

די ענטפער ווענדט זיך אין אייער ארגינעלע סטרוקטור:

• פאר אן LLC איז די הויפט מעלה זיך צו שפארן געלט אויף סעלף-אימפלוימענט טעקס (Self-Employment Tax).

• פאר א C-Corp איז די הויפט אויפטוה צו אויסמיידן Double Taxation. א נארמאלע C-Corp צאלט קודם 21% טעקס אויף פראפיט, און דערנאך צאלט דער בעל הבית נאכאמאל טעקס ווען ער נעמט ארויס די געלט אלס א דיווידענד. משא"כ ביי א S-Corp גייט די פראפיט גלייך צום בעה"ב, און די פראפיט ווערט געטעקסט נאר איין מאל ביים בעל הבית.

וויבאלד רוב קליינע ביזנעסער הייבן אן אלס אן ,LLC וועלן מיר זיך יעצט פאקוסירן אויף די סעלף-אימפלוימענט טעקס מעלה.

איז לאמיר צוריקגיין צו אונזער צווייטן יסוד:

ווען איר זענט א סטאנדארטע LLC (אדער סאול-פראפרייטער), צאלט איר Self-Employment Tax – דאס איז Social Security און Medicare (בערך 15.3%) – אויף די גאנצע פראפיט וואס די ביזנעס פארדינט. אויב די ביזנעס פארדינט $100,000 פראפיט, צאלט איר 15.3% אויף די גאנצע $100,000.

די S-Corp סטאטוס:

די S-קארפ ערלויבט אייך צו צעטיילן די פראפיט פון אייער ביזנעס אין צוויי חלקים:

1. א ריזענעבל סעלערי (Reasonable Salary): איר מוזט זיך באצאלן א געהעריגע געהאלט (W-2) פאר די ארבעט וואס איר טוט. אויף דעם געהאלט, צאלט איר יא די 15.3% FICA טעקס (וואס איז די זעלבע ווי סעלף-אימפּלוימענט טעקס) אזוי ווי יעדע W-2 employee.

2. די איביריגע פראפיטס (Distributions): אלע פראפיטן וואס בלייבט איבער נאכן באצאלן אייער געהאלט, קענט איר ארויסנעמען אלס א Distribution אויף א K-1 פארם. אויף דעם טייל צאלט איר נאר איינקונפט טעקס (Income Tax), און נישט די 15.3% סעלף-אימפלוימענט טעקס!

למשל:

לאמיר זאגן אייער LLC וואס איז יעצט א S-קארפ פארדינט $120,000 פראפיט.

• איר באשליסט (נאכן עס איבער שמועסן מיט אייער אקאונטענט) אז א "ריזענעבל סעלערי" פאר אייער ארבעט איז $70,000, וועט איר זיך אליין צאלן א געהאלט פון בערך $5,800 א חודש, און אויף דעי געלט וועט איר צאלן די 15.3% טעקס.

• די איבעריגע $50,000 נעמט איר ארויס אלס א Distribution, וואס אויף דעם צאלט איר נאר income tax און נישט self employment tax (וואס וואלט געוועהן בערך $7,650).

די חסרון פון אויסוועלן די S-Corp סטאטוס:

איר מוזט אן פירן אן אפיציעלע פעיראל סיסטעם צו באצאלן אייער חודשליכע געהאלט – וואס קאסט געלט און לייגט צו פאפיר ארבעט.

IRS כללים:

די IRS האט געוויסע כללים כדי צו קענען אויסוועלן די S-Corp סטאטוס:

• עס מוז זיין אן אמעריקאנער פירמע.

• די אייגנטימער (shareholders) מוזן זיין אמעריקאנער בירגער אדער רעזידענטס.

• עס קען נישט האבן מער ווי 100 אייגנטימער.

• עס קען נישט זיין אונטער אן אנדערע קארפארעישאן.

________________________________________

איז א S-קארפ פאר מיר? – א שנעלע טשעקליסט

אויב איר קומט נאך די פאלגענדע 3 תנאים, איז שטארק מעגליך אז עס לוינט זיך פאר אייך צו פיילן פאר S-Corp סטאטוס.

• 1. אייער ביזנעס פארדינט גענוג.
  אייער ביזנעס פארדינט גענוג פראפיט, און עס בלייבט איבער א שיינער סכום נאכדעם וואס איר באצאלט זיך א געהעריגע געהאלט.
  [אויב נישט, וועט אייער reasonable salary אויפעסן די גאנצע פראפיט, און די קאסטן פון פעיראל וועלן איבערוועגן די שפארונגען.]

• 2.אייער פראפיט איז סטאביל.
  א S-Corp איז א סטאטוס פאר'ן לאנגע טערמין. אויב איר האט א סטאבילע, וואקסנדיגע ביזנעס, איז עס א קלארע מעלה.
  [אויב אייער הכנסה שפרינגט ארויף און אראפ, קען די צוגעלייגטע קאמפליצירטקייט נישט זיין ווערט די ארבעט.]

• 3. איר קומט נאך די IRS פארלאנגען.
  אייער ביזנעס איז צוזאמגעשטעלט פון 100 אדער ווייניגער אמעריקאנער שותפים.

@יענץ מבין : סעלף עמפלויד טעקס (Self Employed Tax) איז די זעלבע שטייער ווי דאס וואס מיר רופן FICA?
(פארשטייט זיך אז עס ווערט באצאלט אנדערש)

ChatGPT האט געשריבן: ↑דינסטאג נאוועמבער 04, 2025 1:46 pm @יענץ מבין : סעלף עמפלויד טעקס (Self Employed Tax) איז די זעלבע שטייער ווי דאס וואס מיר רופן FICA?
(פארשטייט זיך אז עס ווערט באצאלט אנדערש)

יא

חלק ב: די הויפט ביזנעס סטרוקטורן

סטרוקטור 5: C-Corporation


די וואך וועלן מיר ארום רעדן איבער די עלטסטע און מערסט פארמאלע סטרוקטור: די C-Corporation.

עס איז וויכטיג צו פארשטיין, אז פאר 95% פון פשוט'ע קליינע ביזנעסער איז אן LLC אדער S-Corp פיל גרינגער און בעסער. אבער די C-Corp האט אפאר גאר שטארקע מעלות - בעיקור פאר גרויסע סטארט אפס - אבער עס האט אויך געוויסע מעלות פאר קליינע ביזנעסער.

________________________________________

די סטארט-אפ מעלות

דאס זענען די הויפט סיבות פארוואס פראפעסיאנאלע אינוועסטירער (Venture Capitalists) וועלן כמעט נאר אינוועסטירן אין א C-Corp.

• פארשידענע סארטן Stocks:
  א C-Corp קען ארויסגעבן Preferred Stock פאר די אינוועסטירער - דאס מיינט, אז אויב די פירמע ווערט פארקויפט אדער גייט באנקראט, שטייען זיי ערשט אין די רייע צוריק צו באקומען זייער געלט - און דער גרינדער באקומט נאר Common Stocks, וואס מיינט אז ער באקומט געלט נאר נאכדעם וואס זיי זענען באצאלט.

• איינגעשטעלטע (Stock Options):
  די C-Corp איז די גרינגסטע און די סטאנדארטע וועג צו קענען געבן "סטאק אפשענס" פאר וויכטיגע איינגעשטעלטע.
  
  סטאק אפשענס זענען נישט קיין shares זעלבסט - נאר ס'איז א קאנטראקט וואס געבט רעכט פאר די ארבעטער צו קויפן סטאקס אין די צוקונפט פאר א ביליגע פרייז. אויב די פירמע איז סוקסעספול און די ווערט גייט ארויף, קען ער איינטוישן זיין אפשען און מאכן גרויס געלט דערויף. דאס האלט די אנגעשטעלטע געטריי צו די פירמע.

• נאך בענעפיטן:
  אזוי אויך איז דא נאך מעלות א שטייגער ווי
  • עס האט נישט קיין באגרעניצונג אויף די שותפים [די צאל, אויסלאנד, אנדערע פירמעס קענען זיין שותפים].
  • מען באצאלט נישט קיין טעקס אויף fringe benefits [העלט אדער לייף אינשורענס].
  • מען קען אליינס באשליסן ווען די fiscal יאר זאל זיך ענדיגען.

די קליינע ביזנעס מעלות

די C-Corp איז די איינציגסטע סטרוקטור וואס שאפט א פולע און אמת'דיגע מחיצה צווישן די בעה"ב און די ביזנעס – סיי פאר לעגאלע צוועקן און סיי פאר אינקאם און טעקס צוועקן.
די פירמע'ס געלט איז די פירמע'ס, און אייער געלט איז אייערס.

דאס פירט צו צוויי גאר פראקטישע מעלות

• די שטייער מעלה:
  ווילאנג איר לאזט די פראפיטס פון די ביזנעס אין די פירמע, וועט עס ווערן געטעקסט נאר אויפ'ן נידריגערן קארפארעט ראטע (פון 21%).
  
  משא"כ ביי א LLC ווערט עס אויטעמאטיש געטעקסט לויט אייער הויכע פערזענליכע ראטע.
  
  [הגם אז אין נ.י. (און אזוי אויך אין אנדערע ליבעראלע שטעט), ווי עס קומט צו הויעכע סטעיט און סיטי שטייערן קען די קארפערעט שטייער ראטע זיין היבש הויעך (אין נ.י. איז עס ביי א מינומים פון בערך 35%). וועט עס נישט דוקא אויסקומען ביליגער ווי די פרעזענליכע שטייער ראטע וואס איר וואלט באצאלט ביי א LLC.]

• די פראגראם מעלה (צעטיילן די הכנסה):
  רוב רעגירונג פראגראמען (מעדיקעיד, פוד סטעמפס, אא"וו) קוקן נאר אויף אייער פערזענליכע איינקונפט.
  
  איז ממילא אויב די C-Corp פארדינט $100,000 פראפיט א יאר. געהערט די פראפיט נאר צו די פירמע, און נישט צו די בעה"ב, איז אויב איר באשליסט זיך צו באצאלן נאר א קליינע, ריזענעבל געהאלט פון לאמיר זאגן, $40,000 וועט די איבעריגע $60,000 בלייבן אין די פירמע'ס באנק אקאונט צו וואקסן.
  
  און ווען די רעגירונג וועט קוקן אויף אייער פערזענליכע הכנסה, זעען זיי נאר $40,000. און איר קענט מעגליך בלייבן אויף די פראגראמען בשעת די ביזנעס בויעט זיך אויף.
  
  משא"כ ביי א S-Corp אדער ביי א LLC ווערט די גאנצע $100,000 באריכטעט אויף אייער פערזענליכע טעקס ריטורן, אפילו אויב די פראפיט בלייבט אין די ביזנעס. און די רעגירונג וועט עס אנקוקן ווי אייער פריוואטע אינקאם פון $100,000, און איר וועט גלייך פארלירן אייערע בענעפיטן.
  
  א וויכטיגע הערה: די פראגראמען האבן אויך כללים וועגן נכסים (assets), און די IRS האט אויך כללים וועגן א פירמע וואס האלט צופיל געלט (Accumulated Earnings Tax). איז מאכט זיכער אז איר רעדט זיך אדורך מיט אייער אקאונטענט פאר איר נעמט אזא מהלך.

________________________________________

די גרויסע חסרון: צוויי-מאל טעקס

די אלע מעלות קומען אבער מיט א פרייז.

א C-קארפ איז אן אייגענער שטייער-צאלער, און דאס פירט אז איר וועט דארפן באצאלן Double Taxation ווען איר וועט ארויסנעמען די פראפיטס פון די ביזנעס.

• ערשטע טעקס: די פירמע מאכט פראפיט און צאלט קארפארעט טעקס.

• צווייטע טעקס: ווען די פירמע טיילט אויס די איבערגעבליבענע פראפיטס פאר אייך אלס א דיווידענד, מוזט איר פערזענליך צאלן טעקס אויף דעם געלט א צווייטע מאל.

________________________________________

נאך איין נקודה: QSBS - Qualified Small Business Stock

פאר די סטארט-אפ גרופע, איז דא נאך א גרויסע מעלה.
און 1993 האט די רעגירונג אריינגעלייגט אין די געזעץ א provisionוואס רופט זיך: Qualified Small Business Stock

אין פשוט'ע ווערטער מיינט דאס אז אויב איר באקומט אייערע סטאקס ביים גרינדן די C-Corp און איר האלט זיי פאר מינימום 5 יאר און די פירמע האלט זיך צו געוויסע כללים, איז נאך 5 יאר אויב די פירמע איז מחליט זיך צו פארקויפן קענט איר מעגליך באצאלן $0 פעדעראלע טעקס אויף די ערשטע 10 מיליאן דאלאר פראפיט. די געדאנט דערפון איז צו מאטאוויזירן מענטשן צו נעמען די ריזיקע און אינוועסטירן אין די אמעריקאנע עקאנאמיע.

סטרוקטור 6: Non-Profit

נישט יעדע סטרוקטור ווערט באשאפן מיטן ציל צו מאכן געלט.

אלץ אידן זענען מיר פארנומען טאג-טעגליך מיט עפעס העכערס: ישיבות, שוהלן, און חסד ארגעניזאציעס. היות דער ציל פון די אלע איז נישט צו פארדינען קיין געלט, זענען זיי נישט מחיוב צו צאלן קיין טעקס.

נאך מער: אין 1917 האט די רעגירונג באשטעטיגט א געזעץ אז סיי וועלעכע נדבה צו א נאן-פראפיט ארגעניזאציע קען מען אראפרעכענען (deduct) פון די אינקאם פון די נדבן, און ער באצאלט נישט קיין טעקס אויף די געלטער.

אבער כדי צו קענען האבען אט די בענעפיטן, מוז מען זיך רעגיסטרירן מיט די IRS אונטער איינע פון די 501(C) סארטן ענטיטי'ס. די מערסט באקאנטע דערפון איז די 501(c)(3).

חלק א: די לעגאלע סטרוקטור

איידער מען גייט צו די IRS, מוז מען קודם עפענען א לעגאלע ענטיטי ביי די סטעיט. געווענליך איז דאס א Nonprofit Corporation.

די הויפט חילוקים צווישן א נאן-פראפיט און א רעגולער ביזנעס:

• ביי א נאן-פראפיט עקזיסטירן נישט קיין סטאקס און עס פארמאגט נישט קיין אייגנטומערס.

• די נכסים זענען פארשפארט (Asset Lock): אין די By-Laws מוז מען אריינשרייבן א Dissolution Clause, ווי עס שטייט קלאר ארויסגעשריבן אז אויב די ארגעניזאציע מאכט זיך אמאל צו, קענען די נכסים נישט צעטיילט ווערן צווישן די גרינדער, נאר די נכסים מוזן איבערגעגעבן ווערן צו אן אנדערע טעקס-עקזעמפט ארגאניזאציע.

• Board Governance: עס מוז געפירט ווערן דורך א Board of Directors. אין ניו יארק מוז מען האבן א מינימום 3 אומאפהענגיקע (unrelated) דירעקטארס. (ביי א שוהל (Congregation) ווערט עס גערופן Trustees).

חלק ב': די 501(c)(3) אפליקאציע

נאכדעם וואס די פירמע עקזעסטירט שוין ביי די סטעיט, דארף מען באקומען די אפראוועל פון די IRS. דאס איז א פראצעס וואס קען נעמען חדשים.

• פאר גרעסערע ארגעניזאציעס (Form 1023): דאס איז א לאנגע אפליקאציע וואו מען מוז אראפלייגן די פונקטליכע בודזשעט, פלענער, און Conflict of Interest Policy.

• פאר קלענערע ארגעניזאציעס (Form 1023-EZ): אויב די ארגאניזאציע ערווארט צו האבן אונטער $50,000 הכנסה יערליך, פאר די ערשטע 3 יאר, קען מען פיילן די EZ ווערסיע. עס איז ביליגער און שנעלער, אבער מען דארף וויסן אויף זיכער אז מען איז קוואליפיצירט.

• ספעציעלע אויסנאם: שוהלן און קהילות (Congregations). א שוהל האט אויטאמאטיש דעם 501(c)(3) סטאטוס ווי נאר מען עפנט עס, און מען איז לעגאל נישט מחויב צו פיילן די אפליקאציע (הגם רוב שוהלן טוען עס יא כדי צו באקומען דעם Determination Letter וואס פילע פאנדס - ווי OJC און Pledger - און נדבנים פארלאנגען).

די רעגולאציעס פון א Non-profit organization

• פריוואטע בענעפיטן: קיין שום טייל פון די Net Earnings טאר נישט גיין צו א פריוואטע מענטש. מען מעג פארשטייט זיך צאלן א געהאלט פאר איינגעשטעלטע און פירער, אבער עס מוז זיין א Reasonable Compensation.
  אויב די אדמיניסטראטער פון די מוסד נעמט א געהאלט וואס איז פיל העכער ווי די מארקעט-פרייז, קען די IRS ארויפלייגן א 225% שטראף [אויף די חלק וואס איז העכער פון די מארקעט פרייז].

• Conflict of Interest: אין ניו יארק איז דא א שטרענגע געזעץ (The Non-Profit Revitalization Act) יעדע נאן-פראפיט מוז האבן א געשריבענע פאליסי וויאזוי מען באהאנדלט א מצב וואו א בארד מעמבער האט א ביזנעס נגיעה (למשל, די ישיבה וויל דינגען דעם קעיטערער וואס איז די ברודער פונעם פרעזידענט).

• פאבליק רעקארד (Form 990): א נאן-פראפיט צאלט טאקע נישט קיין טעקס, אבער מען מוז נאך אלץ פיילן א יערליכע Information Return (Form 990). די Form 990 איז א פובליק דאקומענט. וואס מען קען אויפזיכען אויף וועבזייטלעך ווי Guidestar און זען פונקטליך וויפיל געלט עס איז אריינגעקומען, וויפיל מען האט באצאלט פאר די העכסטע איינגעשטעלטע, און ווער די בארד מעמבערס זענען. (א שוהל/קהילה דארף נישט פיילן קיין 990.)

• The Charities Bureau: אין ניו יארק מוז כמעט יעדע צדקה ארגעניזאציע זיך רעגיסטרירן ביים Attorney General's Charities Bureau און פיילן יערליכע באריכטן (CHAR500).

@יענץ מבין איר זענט פיינע נייעס. איך באלעק מיר מיט יעדן ארטיקל באזונדער. יישר כח!!

לאקאלער רב האט געשריבן: ↑מיטוואך דעצעמבער 10, 2025 4:42 pm @יענץ מבין איר זענט פיינע נייעס. איך באלעק מיר מיט יעדן ארטיקל באזונדער. יישר כח!!

שכוח! דאס געבט געזאלין צו אנגיין ווייטער!

גא''מ לדברי לאקאלער רב.

יענץ מבין האט געשריבן: ↑מיטוואך דעצעמבער 10, 2025 1:44 pm

• פאבליק רעקארד (Form 990): א נאן-פראפיט צאלט טאקע נישט קיין טעקס, אבער מען מוז באך אלץ פיילן א יערליכע Information Return (Form 990). די Form 990 איז א פובליק דאקומענט. וואס מען קעו אויפזיכען אויף וועבזייטלעך ווי Guidestar און זען פונקטליך וויפיל געלט עס איז אריינגעקומען, וויפיל מען האט באצאלט פאר די העכסטע אנגעשטעלטע, און ווער די בארד מעמבערס זענען. (א שוהל/קהילה דארף נישט פיילן קיין 990.)

דא קען מען טרעפן די פיילינגס.
מקען כאפן א בליק אויף (טייל) פון די געהאלט ביי די גאר-גרויסע היימישע נאן-פאר-פראפיט ארגענעזאציעס.

@יענץ מבין

איר זענט קוקו

וואט א אשכול!!

צום זאך. גאלדענע שפראך (העי ס‘גראמט בערך)

טענקס טאנס!!

פשוט און גראד האט געשריבן: ↑מיטוואך דעצעמבער 10, 2025 5:21 pm @יענץ מבין

איר זענט קוקו

וואט א אשכול!!

צום זאך. גאלדענע שפראך (העי ס‘גראמט בערך)

טענקס טאנס!!

וואף!! אויף אזאנס האב איך מיך גענצליך נישט געראכטען...

שכוח!!

חלק ב: די הויפט ביזנעס סטרוקטורן

סטרוקטור 7: PLLC און PC

ספעציעלע כללים פאר לייסענסד פראפעסיאנאלס

ביז יעצט האבן מיר גערעדט וועגן סתם עמך יודען, דער ביזנעסמאן, דער ארבעטארער, דער עמעזאן פארקויפער. אבער עס איז פארהאן א געוויסע גרופע מענטשן וואס פאר זיי זענען די כללים אנדערש.

איך רעד פון די לייסענסד פראפעסיאנאל'ס.

דאס נעמט אריין:
דאקטוירים,
אדוואקאטן (Lawyers),
אקאונטענטס (CPAs),
ארכיטעקטן,
סאשעל ווארקערס (LCSWs),
און נאך.

אין רוב סטעיטס טארן די מענטשן נישט עפענען קיין פשוט'ע LLC אדער Corporation. די רעגירונג פארלאנגט פון זיי צו עפענען א ספעציעלע ענטיטי.
זיי מוזען עפענען איינע פון די צוויי סארטן ענטיטס:

• אנשטאט א LLC עפענט מען א PLLC (Professional LLC).

• אנשטאט א Corp עפענט מען א PC (Professional Corporation).

פארוואס?

און איין ווארט איז עס כדי צו באשיצען די קאנסומער פון Malpractice (פראפעסיאנאלע פארנאכלעסיגקייט).

ביי א רעגולערע ביזנעס, באשיצט די קארפארעישאן דעם בעל הבית פון אלעס. אויב אן איינגעשטעלטער, אדער איינע פון די בעה"ב, מאכן א טעות - ווערט די פירמע געקלאגט, נישט דער בעל הבית.

ביי א דאקטער אדער אדוואקאט איז עס אנדערש. היות ער האט א לייסענס אויף וואס ער טוט, דארף ער קענען נעמען פרעזענליך די אחריות אויף זיין ארבעט, און ער קען זיך נישט באהאלטן אונטער א פירמע.

דערפאר איז די באשיצונג פון א PLLC/PC אביסל אנדערש:

• וואס עס באשיצט נישט:
  • די אייגענע טעותים: אויב א פראפעסיענאל מאכט א טעות ביי אן אפעראציע, אדער גיבט א שלעכטע עצה אלס אקאונטענט, און דער קליענט קלאגט איהם אין געריכט פאר Malpractice - קען די PLLC איהם נישט באשיצן. ער איז פערזענליך פאראנטווארטליך. (דערפאר מוז ער האבן Malpractice Insurance).

• וואס עס באשיצט יא: אלעס אנדערש.
  • ביזנעס חובות: אויב די אפיס צאלט נישט רענט, אדער מען קלאגט די פירמע פאר א Slip and Fall (איינער האט זיך אויסגעגליטשט), זענען אלע פריוואטע נכסים יא באשיצט - פונקט ווי ביי א LLC.
  • שותפים: אויב עס זענען דריי דאקטוירים אין איין אפיס, און איין שותף מאכט א טעות און הרג'עט א פאציענט, זענען די אנדערע שותפים באשיצט! מען קען נישט צונעמען זייערע הויז פאר יענעמ'ס טעות. (אין א פשוט'ע Partnership וואלטן אלע שותפים געווען פולקאם פאראנטווארטליך פאר די טעות פון איין שותף).

די טעכנישע כללים

ניו יארק

עפענען א PLLC אדער PC אין ניו יארק איז שווערער און טייערער ווי א רעגולערע LLC.

• די באורד: איר קענט נישט גיין גלייך צו די סטעיט. איר מוזט קודם באקומען א Certificate of Authority פון די סטעיט באורד וואס גיבט אייך די לייסענס (למשל, די Education Department פאר אקאונטענטס/טעראפיסטן). זיי מוזן באשטעטיגן אז אלע אייגנטומער האבן טאקע גילטיגע לייסענסעס.

• נאר לייסענסד שותפים: איר קענט נישט נעמען אייער פעטער וואס האט געלט, אלס א שותף אין אייער דענטאל אפיס. יעדער אייגנטימער פון א PLLC מוז האבן א לייסענס אין יענעם פעלד.
  די סיבה דערצו איז אז די רעגירונג וויל פארמיידן א מצב וואו א ביזנעסמאן זאגט פארן דאקטער וואס צו טון. די רעגירונג וויל אז אלע החלטות זאלן קומען פון די פרעספעקטיוו פון א פראפעסיענאל, און נישט פון איינעם וואס זיין איינציגע ציל איז צו פארדינען געלט.

ניו דזשערזי:

אין ניו דזערזי איז עס פיל גרינגער.

• רעגולער LLC: אין ניו דזשערזי עקזיסטירט נישט קיין באזונדערע PLLC ענטיטי מען קען עפענען א געהעריגע LLC (אדער א PC).

• פרי-אפרווואל: ביי רוב קאטעגאריעס דארף מען נישט קיין פרי-אפרווואל. נאר מען קען פיילן די פאפירן גלייך ביים Division of Revenue, אזוי ווי א געהעריגע ביזנעס.
  נאר וואס יא - איינמאל די ביזנעס עקזעסטירט שוין, דארף מען עס אפראווען ביי די דעזיגנירטער סטעיט באורד, צו וויסן אז אלעס פירט זיך כדת וכדין און מען קומט נאך אלע סטעיט פארלאנגען, אבער מען דארף נישט ווארטן אויף א צעטל פון זיי כדי צו קענען עפענען.

• די שותפים: פונקט ווי אין ניו יארק, מוזן אלע אייגנטימער זיין לייסענסד פראפעסיאנאלן.

@יענץ מבין, לויט אייער מבינות, איז שייך אזא זאך צו עפענען א קארפ. אין נ"י אויף צוריקצווועגס?

דהיינו, איך האב געפירט א קליינע ביזנעס אין יארע '25, יעצט קומט צו פיילן טעקסעס האב איך נישט קיין קארפ. און איך וויל עס נישט פיילן אלץ סעלף-אימפלויד.

איז דא אזא זאך ווי עפענען יעצט און זאגן עס זאל זיין אפפעקטיוו פון א יאר אדער עטליכע חדשים צוריק?

יישר כחכם.