אידטיש

א גוט'ן, מיינע טייערע חשובע ידידים,

צום אלעם ערשט, וויל איך אייך באדאנקען פארן אריין קומען דא, און איך האף, איר וועט הנאה האבן אי"ה.

זייענדיג אין די ליין פון עפענען און אוועקשטעלן נייע ביזנעסער (עכ"פ די לעגאלע חלק דערפון), איז א גרויס טייל פון מיין ארבעט געווידמעט אויף צו איבערשמועסן מיט אינגערלייט, סיי מיינע קליענטן און סיי מיינע פאטענציאלע קליענטן, איבער אלע זייערע שאלות און ספיקות ארום די יסודות פון אוועקשטעלן די לעגאלע סטרוקטור פון זייערע ביזנעסער אויף א אופן וואס זאל זיך לוינען דאס בעסטע פאר זיי.

דאס נעמט אריין אויסצושמועסן די חלוקים צווישן די פארשידענע סארט ביזנעס סטרוקטורס, א שטייגער ווי: LLC, C-Corp, S-Corp, DBA, Partnership, אא"וו. אזוי אויך ווי אזוי מען קען אויס נוצן די סיסטעם אויף א וועג וואס מען זאל זיך שפארן די מערסטע taxes און לעגאלע פי"ס. און צו זיכער מאכן אז די ביזנעס איז אוועגעשטעלט אויף די מערסט פראקטישע וועג שייך.

ממילא האב איך באשלאסן מיט צוטיילן מיט די עולם דא וועכענלטיך [האפענטלעך], און אויס שמועסן איינע פון די שאלות וואס זענען אריין געקומען צום אפיס טישל דורך אויס די פארגאנגענע וואך.

פילט פריי אריין צוקומען מיט אייערע פראגעס און קאמענטארן.

פרשת ראה:

וואס האט די רעגירונג דערפון?

לעצטע וואך דאנערשטאג האט א אינגערמאן אריין גערופן צו אונז אין אפיס זאגנדיג, אז היות ער פלאנט אנצוהייבן א קליינע ביזנעס, וויל ער עפענען א LLC; ער וויל נאר זיכער מאכן, אז א LLC איז טאקע די ריכטיגע זאך פאר איהם, און נישט א Corporation.

אונז זענען מיר אריין אין א שמועס איבער די חלוקים פון די צוויי, און מסביר געווען פון וועלעכע מען פארדינט מער אויף taxes, און פון וועלעכע מען פארדינט מער אויף רעגירונג פראגראמען.

אינמיטן די שמועס געבט מיר די אינגערמאן א פרעג: איך פארשטיי נישט, צו דען זוכט טאקע די רעגירונג אז איך זאל זיך קענען ארויס דרייען פון צאלן tax, אדער אז איך זאל קענען אנהאלטען מיין רעגירונג בענעפיטן? איך מיין, פארוואס האט די רעגירונג בכלל אוועק געשטעלט אלע סארטן ביזנעס סטראקטארס?
איז גייען מיר היינט פרובירן צו מסביר זיין די ציל פון די רעגירונג.

כדי בעסער צו פארשטיין, דארף מען בעצם צוריק גיין מיט אביסל מער ווי 400 יאר צוריק, ווען עס האט זיך אלץ אנגעהויבן.

• Corporation

מיט מער ווי 400 יאר צוריק האט מען אנגעהויבן גאר שטארק צו האנדלען איבערן ים; וואס דאס האט צוגעברענגט, אז עס האט זיך ציבעסליך אנגעהויבן צו שאפן ריזיגע ביזנעסער, און עס האט זיך אויסגעפעלט צו שאפן גרויסע געלטער פון א סאך שותפים צוזאמען, צו קענען פינאנצירן און אפערירן אזעלעכע ריזיגע ביזנעסער.

אבער, די פראבלעם איז געוועהן, אז מענטשן האבן מורא געהאט אריין צו אינוועסטירן זייער געלט, ווייל אויב גייט די אינוועסטמענט נישט געלאנגען, שטייען זיי אויס צו פארלירן אלע זייערע פארמעגן. דער רעגירונגען אין אירופה האבן דעריבער באשאפן די קארפאראציע [דעמאלטס האט מען עס גערופן - דזשאינט־סטאק קאמפאניעס].

די קארפאראציע איז געווארן ווי אן אייגענער "מענטש": עס האט געקענט קויפן פארמעגנס, מאכן קאנטראקטן, און קלאגן אדער געקלאגט ווערן אין געריכט, אינגאנצן אפגעטיילט פֿון די בעלי בתים; און אזוי אויך האבן די אינוועסטירער נאר געקענט פארלירן דאס געלט וואס זיי האט ארײנגעלייגט, און נישט קיין שום פריוואטע פארמעגן (Limited Liability).

• די פראבלעם

די קארפאראציע איז אבער לכתחילה געבויט געווארן פאר גרויסע ביזנעסער, פון אסאך שותפים; דעריבער האט מען אריינגעשטעלט שטרענגע רעגולאציעס, א שטייגער ווי חודשליכע רעפארטס, יערליכע מיטינגס, דאבל־טעקסעשאן אא"וו.

אבער ווען איינער האט געוואלט אנהייבען אן אייגענעם קליינע ביזנעס, האט ער בעצם נישט געהאט קיין געהעריגע מהלך.

ער האט אדער געקענט אדורך שוויצען די טייערע און שווערע ביורוקראטיע [עס איז נאכנישט געוועהן קיין AI דעמאלטס], אדער האט ער געקענט דאס עפענען אויף זיין אייגענע נאמען [אדער א partnership]; אבער דאס האט געמיינט צו לייגן זיין גאנצע פארמעגן אויפן וואגשאל.

• LLC

דעריבער האט די רעגירונג געמאכט א נייע סטרוקטור די: LLC.

דער LLC האט גענומען די בעסטע פון ביידע וועלטן – עס האט סיי limited liability, ד.ה. דיינע פריוואטע פארמעגענס זענען אינגאנצען באשיצט.

און פון די אנדערע זייט, האט עס נישט די רעגיולעישינ"ס פון א קאראפציע (עס דארף נישט האבן קיין directors, annual meetings, minutes, און א גאנצע בוק-קיפינג סיסטעם).

און אזוי אויך ווערן די פראפיטס גערעכנט ווי personal income, וואס דאס נעמט אוועק די פראבלעם פון double taxation.

---

דאס איז אלעס מצד די רעגירונג, אבער אין די עולם המעשה איז דא גאר אסאך בענעפיטן פון אט די אלע סטראקטור"ס, און מיר וועלן צוריק קומען צו דעם און די צוקנופט אי"ה.

Subscribed

Thank you!

סוחר האט געשריבן: ↑מאנטאג אוגוסט 18, 2025 4:59 pm Subscribed

Thank you!

גא”מ

WOW WOW WOW
א ריזיגן דאנק פארן עפענגן אזא זאך דא,

איך האב אסאך פראגעס איבער דעם נושא

אי'ה צוביסלעך וועל דאס פרעגן

באמת א יישר כח

אסעמבלימאן האט געשריבן: ↑דינסטאג אוגוסט 19, 2025 9:09 am WOW WOW WOW
א ריזיגן דאנק פארן עפענגן אזא זאך דא,

איך האב אסאך פראגעס איבער דעם נושא

אי'ה צוביסלעך וועל דאס פרעגן

באמת א יישר כח

אדרבה, קום אריין...

יענץ מבין האט געשריבן: ↑מיטוואך אוגוסט 20, 2025 3:37 pm

אסעמבלימאן האט געשריבן: ↑דינסטאג אוגוסט 19, 2025 9:09 am WOW WOW WOW
א ריזיגן דאנק פארן עפענגן אזא זאך דא,

איך האב אסאך פראגעס איבער דעם נושא

אי'ה צוביסלעך וועל דאס פרעגן

באמת א יישר כח

אדרבה, קום אריין...

בעפאר די נייע BOI, האט די פעדעראלע דעגירונג נישט געוויסט ווער איז די פערזאן וואס מאכט אויף א ביזנעס?

מ'מאכט עס אויף עקסטער ביי די פעדעראלע רעגירונג און עקסטער ביי די סטעיט?

אויב איך טוה סערוויס אין ניו יארק און אין ניו זשערסי, דארף איך עס עקסטער עפענען ביי ביידע?

אסעמבלימאן האט געשריבן: ↑דאנערשטאג אוגוסט 21, 2025 2:05 pm

► Show Spoiler

יענץ מבין האט געשריבן: ↑מיטוואך אוגוסט 20, 2025 3:37 pm

אסעמבלימאן האט געשריבן: ↑דינסטאג אוגוסט 19, 2025 9:09 am WOW WOW WOW
א ריזיגן דאנק פארן עפענגן אזא זאך דא,

איך האב אסאך פראגעס איבער דעם נושא

אי'ה צוביסלעך וועל דאס פרעגן

באמת א יישר כח

אדרבה, קום אריין...

בעפאר די נייע BOI, האט די פעדעראלע דעגירונג נישט געוויסט ווער איז די פערזאן וואס מאכט אויף א ביזנעס?

מ'מאכט עס אויף עקסטער ביי די פעדעראלע רעגירונג און עקסטער ביי די סטעיט?

אויב איך טוה סערוויס אין ניו יארק און אין ניו זשערסי, דארף איך עס עקסטער עפענען ביי ביידע?

1. ניין, זיי האבן געוואוסט ווער עס האט געבעטן פאר די EIN (='responsible party'), אבער נישט אייביג ווער די עכטע בעלי בתים זענען. די BOI צווינגט יא צו מעלדן די עכטע בעלי בתים.

2. יא. די ביזנעס אליין מאכט מען אויף ביי די סטעיט. נאכדעם, באקומט מען א EIN פון די IRS.

3. ניין, מען עפנט עס נישט צוויי מאל. איר מאכט עס אויף אין אייער "היים-סטעיט" (למשל ניו יארק), און דערנאך רעגיסטרירט איר עס אלס אן "Out of State business" אין די צווייטע סטעיט (ניו דזשערסי).

פרשת שופטים

פארוואס זאל איך נישט פיילן מיין קארפארעישאן אין אן אנדערע סטעיט, וואו די טעקסעס זענען נידריגער? אדער אפשר גאר זאל איך יא?

א גוט'ן, מיינע טייערע חשובע ידידים,

די וואך וועלן מיר אויסשמועסן א שאלה, וואס אינגערלייט האלטן און איין פרעגן.

און די שאלה גייט בערך אזוי: פארוואס זאל איך פיילן מיין ביזנעס אין ניו יארק, ווי איך קען באצאלן אזוי פיל ווי 16 פערצענט לאקאלע tax, ווען איך קען עס ווען עפענען אין עפעס א רויטע סטעיט, וואס האט בכלל נישט קיין לאקאלע ביזנעס tax?

רוב עולם פארשטייט אליינס, אז פאר איינער וואס האט א פיזישע ביזנעס און ניו יארק, קען אזא מהלך נישט ארבעטן.

די עיקור שאלה קומט פון אזעלעכע יונגערלייט, וואס טוען אין עמעזאן אדער סיי וועלעכע אנליין ביזנעס, אדער ווערן באצאלט למשל אלץ א קאנסולטענט וכדו'. פארוואס פעלט אויס צו פיילן די ביזנעס אין ניו יארק?

איז לאמיר צוטיילן די שאלה אין צוויי.

די ערשטע חלק: וואס זאגט די געזעץ?

אין די געזעץ פון ניו יארק (אין אזוי אויך רוב אדער אלע אנדערע סטעיטס) איז דא א קאנצעפט וואס רופט זיך 'נעקסוס' (='Nexus').

די באטייט פון 'נעקסוס' (= 'א פארבינדונג') איז, אז נישט קיין חילוק אין וועלעכע סטעיט אייער ביזנעס איז רעגעסטרירט - אויב האט עס א 'נעקסוס' = 'א פארבינדונג' מיט ניו יארק, דארפט איר באצאלן ניו יארקער taxes.

וואס מיינט א פארבינדונג?

• איר וואוינט אין ניו יארק און פירט די ביזנעס פון דא (אפילו פון אייער דיינונג רום).

• איר האט אן אפיס, א געשעפט אדער א וועירהאוז דא.

• איר טרעפט זיך מיט קליענטן דא.

איז ממילא, מצד די געזעץ טוט מען זיכער גארנישט אויף מיט פיילן די ביזנעס אין א צווייטער סטעיט. און נאך מער פון דעם - עס מאכט נאר ערגער, וויבאלד איר וועט דארפן באצאלן די fees פון ביידע סטעיטס.

די צווייטע חלק: די מציאות - און... צו גייט די סטעיט בכלל וויסן, אז איך עקזעסטיר?

קודם די מציאות, איז דא אזעלעכע וואס טוען דאס? אוודאי יא! געפינט די רעגירונג אויס פון דעם? אסאך מאל יא.

לאמיר עס אביסל ברייטער אויסשמועסן: די סטעיט איז נישט בלינד. זיי האבן א סיסטעם ווי אזוי זיי קוקען נאך אזעלעכע זאכן. יעדע זאך וואס איר אדער די ביזנעס וועט טוהן אין די פינאנציעלע וועלט, וועט איבער לאזן א שטעמפל. און די סטעיט ניצט דאס צו טרעפן טאקע אזעלעכע ביזנעסער.

לאמיר זעהן די עיקור זאכן וואס די סטעיט קוקט נאך:

• 1099 פארמס: אויב איינער באצאלט פאר אייער ביזנעס מער ווי $600, מוזן זיי לעגאל געבן א 1099 פארם פארן IRS. אויף די פארם שטייט אייער נאמען, אייער ביזנעס נאמען, און אן אדרעס. אויב די אדרעס איז אין ניו יארק, האט די IRS יעצט א רעקארד, אז א ניו יארקער איינוואוינער האט באקומען געלט פון א ביזנעס. די אינפארמאציע ווערט אוטאמאטיש געשיקט צו ניו יארק סטעיט. די קאמפיוטערס פון די סטעיט וועלן באלד זוכן: "איז די קארפארעישאן רעגיסטרירט צו טון ביזנעס אין ניו יארק?"

• באנק אקאונטס: ווען איר עפנט א ביזנעס באנק אקאונט, בעט די באנק די אדרעס פון די בעה"ב. אויב געבט איר א ניו יארק אדרעס, ווערט דאס פארצייכנט. הגם עס ווערט נישט אויטעמאטיש געשיקט צום סטעיט, איז נאכאלץ דא א מעגליכקייט אז די סטעיט זאל דאס זעהן, און נאך דערצו ביי די גרעסערע בענק.

• אייער פערזענליכע טעקס ריטורן: אויף אייער פערזענליכע טעקס ריטורן אין ניו יארק דארפט איר באריכטן אלע אייערע הכנסות. אויב קומט אריין געלט פון א קארפארעישאן [דורך dividends, Schedule K-1], וועט די סטעיט גלייך זען אז איר האט אן אינטערעס אין א ביזנעס, און זיי וועלן ווילן וויסן פארוואס די ביזנעס באצאלט נישט קיין ניו יארק טעקס.

• סעילס טעקס: אויב פארקויפט איר פראדוקטן און דארפט איינקאסירן סעילס טעקס אין ניו יארק, דארפט איר זיך רעגיסטרירן מיט די סטעיט. אבער דאס פארשטייט זיך, איז נאר נוגע פאר איינער וואס פארקויפט טאקע פראדוקטן אין ניו יארק.

און נאכדעם דארף מען זעהן וואס געשעהט ווען די רעגירונג כאפט אזא ביזנעס.

• אלע אלטע טעקסעס: די סטעיט וועט פארלאנגען, איר זאלט באצאלן אלע ביזנעס טעקסעס, וואס איר וואלט געדארפט באצאלן פון די ערשטע טאג וואס איר האט אנגעהויבן די ביזנעס.

• שטראפן און פענעלטיס: אויף די אלע אלטע טעקסעס וועט צוקומען שווערע שטראפן פאר'ן נישט פיילן אין צייט און פאר'ן נישט באצאלן אין צייט.

• אינטערעסט: די סטעיט וועט אייך טשארדזשן אינטערעסט אויף סיי די טעקס און סיי די פענעלטיס, פון די טאג וואס עס האט געדארפט געצאלט ווערן.

• פארלירן די 'Limited Liability' סטאטוס: איז אפילו אויב אייער LLC האט נישט די געלטער צו באצאלן די אלע שטראפן, קען א געריכט פסקנ'ן, אז איר זאלט פארלירן די לייעביליטי באשיצונג, אין די סטעיט וועט קענען איינמאנען אייערע פריוואטע נכסים.

איז ממילא: אויב פלאנט איר צו נוצן אייער ביזנעס פאר סיי וואספארא ערנסטע צוועק – צו נעמען אן הלואה, צו קויפן ריעל עסטעיט, אריינצונעמען שותפים אדער סתם אויפבויען א ערנסטע ביזנעס – איז נישט שייך צו טראכטן בכלל פון זיך רעגיסטרירן אין א צווייטער שטאט.

און אפילו אויב דארפט איר נאר אייער ביזנעס פאר קלייניקייטן, און איר האפט, אז קיינער וועט נישט אויפדעקן - מיט דעם אלעם קען איך נישט זעהן א פאל, ווי די פאר דאלער וואס מען שפארט זיך זאל איבערוועגן די ריזיקע פון ווערן אויפגעכאפט און דארפן באצאלן צענדליגע טויזנטע דאלארן אין טעקסעס, שטראפן און אינטערעסט.

און דאס איז חוץ פון דעם, וואס די ריכטיגע וועג איז אייביג צו טוהן וואס די געזעץ פארלאנגט - און סך הכל אויס נוצן די עקזעסטירנע געזעצן די מערסטע שייך.

1) וואס איז די חילוק פון א LLC, און א S

אויב איך מאך נישט קיין טעות גייט די ריוח פון ביידע אטאטמיטש אויף די בעה''ב אינקאם

2)פארוואס זאגט מיר מיין אקונטענעט אז איך דארף געבן א 1099 בלויז פאר פערזענליכע מענטשן וועים איך האב געגעבן העכער 600, נישט פאר ביזנעסער

די ערשטע שאלה האפן מיר נאך צירוק צוקומען מיט א לענגערע ארטיקל דערויף, אינעם צוקנופט.

לגבי די צווייטע שאלה, מען דארף געבן א 1099 סיי פאר פערזענליכע מענטשן און אויך פאר LLC'ס, די איינציגסטע פאר וועם מען דארף נישט געבן א 1099 איז פאר Corporations, און די סיבה דערצו איז וויבאלד זיי האבן זייערע אייגענע גאר שטרענגע ריפארטונג געזעצן, איז ממילא מוז נישט די רעגירונג צו קומען צו דיין 1099 צו וויסן פון די Transaction.

וויכטיג צו באטאנען אז אינעם OBBB איז אריינגעלייגט א טויש לגבי 1099, אנגעהויבן 2026 למס' וועט מען דארפן גיבן נאר טאמער האט יענער פארדינט 2,000 און ארויף.

פרשת כי תצא:

די ניו יארקער 'LLC פאבלישינג געזעץ', א וויכטיגע הוצאה אדער אן אומזיסטע ביוראקראטיע?

א גוט'ן, מיינע טייערע חשובע ידידים,

איינע פון די נושאים וואס קומט אונז אסאך אויס אדורך צו שמועסן מיט אונזער קליענטן, איז די נושא פון די ניו יארקער 'פאבלישונג געזעץ'.

רוב עולם האט לכאורה שוין געהערט, אז ווען מען עפענט אויף אן LLC אין ניו יארק, איז דא א געזעץ אז מען דארף דאס 'פאבלישען'.
און מיר ווערן כסדר געפרעגט: וואס איז דאס? פארוואס דארף איך עס טון? און די וויכטיגסטע שאלה - וואס געשעט אויב איך טוה עס נישט?

איז לאמיר עס אויסקלארן.

---

וואס איז בכלל די 'פאבלישינג' געזעץ?

לויט די געזעץ אין ניו יארק, דארף יעדע נייע - LLC אין לויף פון די ערשטע 120 טעג פון איר גרינדונג – 'פאבלישען' א מעלדונג איבער איר גרינדונג אין צוויי צייטונגען.

דאס מיינט, מען מוז דרוקן א מעלדונג איבער די עקזיסטענץ פון די LLC:
• אין צוויי צייטונגען (איינס א טעגליכע און איינס א וועכענטליכע).
• פאר זעקס וואכן נאכאנאנד.
• די צייטונגען מוזן זיין באשטימט דורכן county clerk פונעם קאונטי ווי די LLC'ס אפיציעלע אפיס איז רעגיסטרירט.

נאכדעם דארף מען אריינשיקן א 'Certificate of Publication' צום New York Department of State צו באשטעטיגן אז מען האט ערפילט די פליכט.

---

פארוואס?

דער געדאנק שטאמט פון די צייטן בעפאר די אינטערנעט, ווען צייטונגען זענען געווען די איינציגסטע וועג צו לאזן וויסן די לאקאלע געמיינדע אז א נייע פירמע מיט "Limited Liability" (באגרעניצטע אחריות) איז באשאפן געווארן, און ווער די מענטשן זענען וואס שטייען אונטער דעם.

[היינטיגע צייטן האלטן רוב עקספערטן און פאליטיקאנטן אז דער געזעץ פעלט שוין בעצם נישט אויס, און דינט בעיקר אלס אן הכנסה פאר די צייטונג אינדוסטריע.]

---

איז עס טאקע וויכטיג? און וואס געשעט אויב איך פאבליש עס נישט?

איז קודם לאמיר זען וואס געשעהט נישט:

• די LLC ווערט נישט בטול. עס עקזיסטירט ווייטער.
• איר פארלירט נישט אייער "Limited Liability" שוץ. אויב עמיצער קלאגט אייך, זענען אייערע פריוואטע פארמעגן נאך אלץ באשיצט.

איז וואס געשעט יא?

די איינציגסטע דירעקטע שטראף איז אז די LLC פארלירט איר ' Authority to do business in New York'.

[דאס מיינט אז אייער LLC פארלירט די רעכט צו ניצן די געריכטן פון ניו יארק סטעיט. דאס הייסט, איר קענט נישט קלאגן א צווייטן (למשל, א קאסטומער וואס באצאלט נישט), און אין געוויסע פעלער קען עס אויך קאמפליצירן די מעגליכקייט זיך צו פארטיידיגן אין געריכט.]

---

וואס געשעהט אויב איך האב עס נישט געפאבלישט אין די ערשטע 120 טעג?

גארנישט. איר קענט עס פאבלישן שפעטער אויכעט.

נאר, אויב איר האט פארפאסט די 120 טעג, ווערט אייער רעכט צו ניצן די געריכטן סוספענדירט ביז ווען איר וועט יא פאבלישן און אריינשיקן די פאפירן. נאכדעם ווערט די רעכט צוריק אין קראפט.

---

און יעצט צו די שאלה, 'צו איז עס וויכטיג'?


קודם כל, לויט די געזעץ מוז מען עס טון.

אבער אויף למעשה:

• אויב ניצט איר די LLC פאר אן עכטע, אקטיווע ביזנעס - איז קלאר אז עס לוינט זיך נישט צו נעמען די ריזיקע. פאר א ביזנעס וואס האנדלט מיט קאסטומערס, סופלייערס, אדער האט איינגעשטעלטע, איז אייביג דא די מעגליכקייט אז מען וועט דארפן ניצן די געריכט סיסטעם. די קאסטן פון פאבלישען די LLC איז א קליינע [אבער וויכטיגע] אינוועסמענט קעגן די חורבן וואס קען ארויסקומען איינמאל איר קומט אן אין געריכט.

• אבער אויב דיין LLC איז נישט פאר אן אקטיווע ביזנעס (למשל - עס האלט בלויז א שטיקל ריעל עסטעיט, אדער עס איז נאר א וועג ווי אזוי אייער בעה"ב באצאלט אייך, און האנדלט נישט מיט דעם פובליק) - אין אזא פאל זענען פארהאן אסאך מענטשן וואס באשליסן צו שפארן דאס געלט און נישט פאבלישען. און אפילו אויב שפעטער באשליסט איר יא צו נוצן די LLC פאר אן אקטיווע ביזנעס, קענט איר אייביג דעמאלטס דאס פאבלישן.

--------

לאמיר אויסשמועסן נאך איין נקודה:

די "אפסטעיט" לעזונג - לעגאל אדער נישט?

מען הערט אסאך מאל אז מען קען עס פאבלישן 'אפסטעיט' פאר אסאך ביליגער. וואס מיינט דאס, און איז עס לעגאל אויסגעהאלטן?

ווי געשריבן, די געזעץ פארלאנגט אז מען זאל עס פאבלישען אין דעם 'קאונטי' ווי די LLC'ס אפיס געפונט זיך. די קאסטן אין די סיטי קענען זיין זייער הויעך [אפטמאל איבער $1,000]. משא"כ, אין אנדערע קאונטיס - ווי למשל אלבאני קאונטי - קען עס קאסטן אונטער $200.

ממילא איז דא א פשוטע עצה: ווען מען פיילט ביי די סטעיט די נייע LLC, אנשטאט אריינלייגן אייער אדרעס אין ברוקלין אלס די אפיציעלע אפיס, ניצט די פירמע וואס עפנט אייך די LLC א 'Registered Agent' אין אן אפסטעיט קאונטי.

היות די LLC איז אפיציעל רעגיסטרירט אין יענעם אפסטעיט קאונטי, קען מען דארט פאבלישן אין צוויי ביליגע, לאקאלע צייטונגען. און נאכדעם וואס די זעקס וואכן פראצעדור איז פארטיג און די באשטעטיגונג איז אריינגעשיקט, קען מען טוישן די אדרעס פון די LLC צו אייער עכטע אדרעס אין ברוקלין.

איז עס 100% אויסגעהאלטן?

עס איז א ברייט אנגענומענע טאקטיק וואס כמעט אלע גרויסע סערוויס פירמעס ווי (Legal Zoom) און אנדערע ניצן.

למעשה, הגם עס פאלגט נאך די פאקטישע ווערטער פונעם געזעץ ('The Letter of the Law'), גייט עס אבער אנטקעגן דעם ארגינעלן געדאנק פונעם געזעץ'('The Spirit of the Law') - וואס איז געווען צו אינפארמירן די לאקאלע געמיינדע. ממילא איז נאך אלץ מער פארזיכערט צו עס פאבלישען און די קאונטי ווי די ביזנעס געפונט זיך באמת.

[אבער, מיט דעם אלעם, ווערט די טאקטיק גאר ברייט באנוצט און ווערט פאררעכנט אלס א לעגיטימע וועג זיך צו האלטן צום געזעץ און אויסמיידן די אסטראנאמישע פרייזן אין ניו יארק סיטי. נאכן מאכן ריסוירטש דערויף, האב איך נישט געטראפען קיין איין קעיס, ווי א ריכטער אין נ.י. זאל האבן אפגעווארפן א קעיס, וויבאלד מען האט עס געפאבלישט אפסטעיט.]

פרשת כי תבא:

דארף איך זיך טאקע רעגיסטרירן אלץ א DBA?

א גוט'ן צו אייך, מיינע טייערע חשובע ידידים,

די נושא פון DBA (אדער ווי עס הייסט אפיציעל אין נ.י. – Certificate of Assumed Name) איז עפעס וואס דער עולם איז גאנץ אומוויסענד און זייער פארנאכלעסיגט דערוועגן. איז לאמיר אויסשמועסן די נושא מיט א ברייטקייט און זעהן: וואס דאס איז, ווען איז עס וויכטיג און ווען נישט.


וואס מיינט א DBA?

DBA איז די ראשי תיבות פון 'Doing Business As' (טון ביזנעס אונטער'ן נאמען פון...). עס איז בעצם א 'ניקנעים' פאר אייער ביזנעס. עס איז נישט קיין באזונדערע לעגאלע פירמע ווי אן LLC אדער א קארפארעישאן, נאר פשוט אן אפיציעלע רעגיסטראציע אז איר (אדער אייער LLC/קארפארעישאן) אפערירט אונטער א צווייטע נאמען.


פארוואס דארף מען פיילן פאר א DBA?

די רעגירונג פארלאנגט צו פיילן א DBA כדי עס זאל זיין א פובליק רעקארד ווער עס איז לעגאל פאראנטווארטליך פאר'ן ביזנעס - און אזוי צו באשיצן דעם קאנסומער, און אויך צו פארזיכערן פינאנציעלע און לעגאלע אקאונטעביליטי.


ווי פיילט מען עס?

(איז בעצם האט יעדע קאונטי אנדערע הלכות אויף דעם; ממילא איז זייער שווער צו ענטפערן בכלליות, אבער לאמיר עכ"פ אויסשמועסן ווי אזוי עס ארבעט אין נ.י.)

• פאר אן איינצעלער אייגנטימער (Sole Proprietor) אדער שותפות:
  אויב איר אפערירט אליין אדער מיט שותפים (און זענט נישט קיין קארפארעישאן), דארפט איר פיילן דעם DBA דירעקט אין די קאונטי קלוירק'ס אפיס פונעם קאונטי ווי אייער ביזנעס ווערט געפירט.

• פאר א קארפארעישאן אדער אן LLC:
  אויב אייער ביזנעס איז שוין אן LLC אדער קארפארעישאן, דארפט איר עס פיילן דירעקט מיט'ן ניו יארק דעפארטמענט אוו סטעיט. זיי וועלן אייך בעטן סיי אן אפצאל (fee) פאר די סטעיט, און סיי א באזונדערע אפצאל פאר יעדע קאונטי ווי איר פלאנט צו טון ביזנעס. דערנאך וועט שוין די סטעיט אליין איבערגעבן די אינפארמאציע פאר די ריכטיגע קאונטיס.

דארף איך עס האבן?

איז ווי אונזער ליינער ווייסען שוין לכאורה ביי יעצט - אין די ביזנעס וועלט דארף מען קוקן סיי אויף די לעגאלע חלק און סיי אויף די מציאות הדברים.
מצד די געזעץ:

לויט'ן טרוקענעם געזעץ, דארפט איר זיך רעגיסטרירן אלץ א DBA אויב:

• איר זענט אן איינצעלנער (Sole Proprietor) און איר ניצט א ביזנעס נאמען. למשל, אייער נאמען איז 'חיים פרידמאן', אבער איר ווילט עפענען אן אפיס און זיך רופן 'Fast Tax help'. כדי צו לעגאל ניצן דעם נאמען פארלאנגט די רעגירונג אז איר זאלט זיך רעגיסטרירן אלץ א DBA.

• איר האט שוין אן LLC אדער א קארפארעישאן, אבער איר ווילט ניצן א צווייטן נאמען. למשל: איר האט אן LLC מיט'ן נאמען 'MK management LLC', און איר באשליסט אז איר ווילט אויך אנהייבן פארקויפן פראדוקטן אנליין אונטער'ן נאמען 'Best Products'. אנשטאט צו עפענען א נייע LLC, קענט איר פשוט פיילן א DBA פאר אייער עקזיסטירנדע LLC.

אבער בעצם גייט עס ווייטער ווי דעם: אפילו אויב איר האט זיך רעגעסטרירט אלץ 'MK Management LLC', אבער פאר'ן גאס - ווי למשל אויף אייער טראק און אויף אייער וועבסייט - ווילט איר זיך פשוט רופן 'MK Management', דארפט איר פיילן א DBA צו פארבינדן MK Manegement מיט אייער אפיציעלע קאמפעני MK Management LLC.


און יעצט אויף למעשה:

למעשה, זענען פאראן זייער אסאך מענטשן וואס נוצן נישט זייער פולן, רעגיסטרירטן נאמען, און מיט דעם אלעם פיילן זיי נישט קיין DBA. הגם דאס איז לעגאל נישט אויסגעהאלטן (און פארשטייט זיך אז מיר רעקאמענדירן עס נישט), איז דער מציאות אז אסאך מאל קען מען זיך טעכניש באגיין אן א DBA.

בעיקור ווענדט זיך עס ווי אזוי איר פירט אייער ביזנעס. עס זענען דא פעלער ווי איר וועט מוזן פיילן פאר א DBA, און אנדערע פעלער ווי איר קענט זיך טעכניש באגיין אן דעם.

ווען וועל איך מוזן פיילן פאר א DBA?

• עפענען א באנק אקאונט: צו עפענען א באנק אקאונט אויף אייער ניק נאמען קען די באנק אסאך מאל פארלאנגען צו זעהן די DBA סערטיפיקעט.

• אננעמען טשעקס: כדי צו קענען דעפאזיטען טשעקס וואס זענען אויסגעשריבן צו אייער ביזנעס ניק נאמען, דארף דער נאמען זיין אנגעבינדן צו אייער אקאונט. (עס זענען פאראן בענק וואס זענען גרינגער, אבער געווענליך איז עס א פראבלעם).

• אקצעפטירן קרעדיט קארדס: פירמעס וואס פראצעסירן קרעדיט קארדס קענען פארלאנגען באווייז פון אייער ביזנעס נאמען.

• ארויסנעמען לייסענסעס און פערמיטס: די רעגירונג וועט אפטמאל פארלאנגען א DBA כדי ארויסצוגעבן א לייסענס אדער פערמיט.

• ניצן דעם געריכט סיסטעם: אויב איר דארפט אמאל קלאגן א קליענט אדער ווענדאר, קענט איר דאס נישט טון אונטער א נאמען וואס איז נישט לעגאל אייערס.

ווען קען איך זיך טעכניש באגיין אן א DBA:

• איר דארפט נישט קיין באזונדערע באנק אקאונט: אייערע קליענטן שרייבן ממילא דעם טשעק צו אייער פערזענליכן נאמען אדער צו אייער פולן לעגאלן ביזנעס נאמען.

• איר ניצט עס נאר פאר מארקעטינג: איר רופט זיך 'Best Products', אבער אלע אפיציעלע דאקומענטן – ווי קאנטראקטן, אינוואויסעס, און שטייער פאפירן – ניצן דעם פולן לעגאלן נאמען 'MK Management LLC'.

• אייערע קליענטן קענען אייך פערזענליך: זיי האנדלען מיט 'חיים פריעדמאן', און עס גייט זיי נישט אן אונטער וועלכן נאמען די פעימענטס גייען.

וויכטיגע הערה:

מען דארף אבער געדענקען, אז אפילו אין די פעלער וואו מען קען זיך טעכניש באגיין אן א DBA, איז אבער דאס עצם נישט פיילן פאר א DBA נאך אלץ פארבונדן מיט געוויסע ריזיקעס.

• די סטעיט קען ארויפלייגן פינאנציעלע שטראפן פארן אפערירן אונטער אן אומ-רעגיסטרירטן נאמען.

• דערצו, פאר אן LLC, קען דאס ניצן א נאמען אן די צוגעלייגטע 'LLC' צום סוף - און אן א רעגיסטרירטע DBA - גענוצט ווערן אין א לעגאלע קעיס אלס א טייל פון אן ארגומענט אז איר האלט נישט אן די נויטיגע פארמאלע צעשיידונג צווישן אייך און די פירמע, וואס קען פאטענציעל שטעלן אין געפאר די פערזענליכע לעגאלע באשיצונג (Limited Liability) סטאטום פון אייער פירמע.

@יענץ מבין בנוגע א DBA, ווען עס איז קומט צו לימיטעט לייעביליטי ווערט דאס פארעכנט ווי א חלק פון די פריוואטע נכסים פונעם מענטש (אדער CORP), ריכטיג?

לאקאלער רב האט געשריבן: ↑דינסטאג סעפטעמבער 16, 2025 6:55 pm @יענץ מבין בנוגע א DBA, ווען עס איז קומט צו לימיטעט לייעביליטי ווערט דאס פארעכנט ווי א חלק פון די פריוואטע נכסים פונעם מענטש (אדער CORP), ריכטיג?

יא, ריכטיג. די DBA אליינס שאפט נישט קיין לימיטעט ליייעביליטי, און נעמט דאס אויך נישט אוועק.

דאס הייסט, אויב איר האט נאר א DBA און נישט קיין שום LLC אדער CORP גייט די געלט ווייטער גיין צו אייך פריוואט און איר וועט נישט האבן קיין לימיטעט לייעבעליטי.
אבער אויב איר האט יא א LLC אדער CORP און איר ווילט אז די LLC אדער CORP זאל טוהן ביזנעס אינטער א DBA, וועט איר ווייטער האבן די לימיטעט לייעביליטי.