אידטיש

דער צדיק, יענער צדיק געווען א בעל רוח הקודש. וואס פינקטליך מיינט דאס? קען מען טאקע אלעס וויסן מיט רוח הקודש?

איך האב אמאל געזעהן אין רבנו בחיי אז רוח הקודש מיינט אז א צדיק וואס האט אויסגעארבעט זיין גוף קען זוכה זיין צו באקומען גלויים מן השמים. ווען ער זאגט עפעס קען עס זיין ווערטער וואס ער האט בכלל נישט געטראכט צו זאגן נאר די ג-טליכע גייסט וואס אוהט אויף אים לייגט אריין די ווערטער אין זיין מויל, און ס'יתכן אז ער ווייסט אפילו נישט וואס ער זאגט.

מ'גייט צו א צדיק פרעגן יא אפערירן די חולה; נישט אפערירן? די צדיק איז נישט קיין מומחה און דאקטעריי, אבער די תירוץ וואס קומט ארויס פון זיין מויל האט נישט מיט זיין קענטעניס, ס'איז מן השמים.

פאר מיר האט עס פארענטפערט אסאך קשיות וואס כ'האב געהאט.

סתם להוי ידוע, רוח הקודש האט גארנישט מיט נבואות צו טון...
רוח הקודש איז א גאר הויכע מדרגה אין רוחניות ווי עס ווערט שוין געברענגט אין גמרא. און דארט האט עס גארנישט מיט וויסן זאכן וכו'...

ס‘איז דא א באקאנטע מעשה פונעם בעל אך פרי תבואה זי"ע

ער האט געוואלט אינוועסטען זיין דמי נדן אין א געשעפט, איינמאל נאך די חתונה האט זיך איהם עפעס געפירט א געשעפט, איז ער אריין צום הייליגער ישמח משה זי"ע, האט איהם דער ישמח משה גענטפערט מיט א מאמר חז"ל וואס פון יענע חז"ל [זעהט מען צו מ‘פארשטייט אזוי בין איך נישט קלאר], אז ס‘לוינט נישט די געשעפט.

פארציילט רבי ר‘ הערשעלע זי"ע, בין איך נאך געווען אינג, האב איך געטראכט אז אויב אלס א מאמר חז"ל, איז דאך דא אן אנדערע מאמר וואס פון דארט איז א ראי‘ אז ס‘לוינט יא, האט ער למעשה גומר געווען די געשעפט, אין ער האט ביים סוף דערלייגט דאס גאנצע געלט ל"ע.

האט ער אויסגעפירט, דא ביי די מעשה, איז די רוח הקודש אז מ‘האט אריינגעלייגט די ריכטיגע מאמר חז"ל וואס ס‘איז געווען דערמאלדס אין פאר איהם נוגע.