אידטיש

באריכטן און נייעס פון די פרישע געגענט אין ענגלאנד

אבן הפינה פאר'ן מקווה טהרה

הגה"צ ר' ברוך נתן הלברשטאם רב דקהל יטב לב דסטמאר-לונדון בביקור בת"ת קענווי איילענד

באזוכנ'דיג אין די לונדונ'ער אומגעגנט עטליכע וואכן צוריק האבן מיר אויסגענוצט די געלעגנהייט, אלץ איינער וואס האט אליין ארויסגעמופט צו א נייע געגנט און איז כסדר אין פארבינדונג און אינטרעסירט אין נייע ישובים, האב איך געמוזט אפשטאטן א באזוך אינעם נייעם אויפבליענדן ישוב אין קענווי איילענד און וועסטקליף, ווי אחב"י תושבי לונדון האבן זיך באזעצט אין די לעצטערע יארן.

מיר זענען געפארן קיין קענווי פון איין מינוט צום צווייטן, במילא האבן מיר נישט באזוכט איבעראל דארט און נישט געהאט אלע אדרעסן, מיר האבן אבער יא באזוכט אינעם שיינעם גרויסן צענטראלן בית המדרש, און אזוי אויך באזוכט די גראסערי דערנעבן.

(דערנאך האבן מיר געהאט א געשמאקע שפאציר אינעם פארק גלייך נעבן דעם וואסער, ווי מיר האבן געקענט פארקירן ביי א אידישע הויז וואס איז גלייך דערנעבן און דער בעל הבית איז מקיים מצות הכנסת אורחים מיטן לאזן פארקן אויף זיין דרייוועי).

פאלגענד זענען עטליכע בילדער פונעם ביהמ"ד: