אידטיש

פליט האט געשריבן: ↑דאנערשטאג פעברואר 22, 2024 3:46 pm דער אינגל! דער אינגל! ער גייט זיך נישט פארשטעלן ווי א קאטשקע ווי זיין גאנצע משפחה, ער איז אויך נישט אזוי ווי די אנדערע אינגלעך וואס זוכן די בעסטע פארשטעלאכטס פון די פורים קעטעלאג, ניין! ער האט אנדערע פלענער! א פונקטליכע סקעטש... א גאלדענע היטל מיט לייטס, א גאלדענע נעק טיי מיט א וועסטל, ער איז שוין אויסגעוואקסן, ער איז שוין ערוואקסן! קיינער ווייסט נישט פארוואס די העל ער איז נאך א אינגל! דער איז פלעין א אלטע אינגל.. נעבעך!

כ'בין זיכער דו קענסט אזא סארט אלטע אינגל צו ס'זאל זיין א שכן, קאזין, ברודער, וכדו' אזא הויכע שמאלע אינגל, לאנגע הענט, מיט א אויסגעוואקסענע קנעפל'דיגע העמד מיט רויט און ברוינע קעסטלעך מיט גראבע שווארצע שטריכן, די ארבל קאווערט נאר פינף און זיבעציג פראצענט פון די האנט, די הויזן האט זיך סעפערעיטע''ט און פארלאנגט א גט די זאקן אבער געט נישט אויף און לויפט ארויף צום הויזן,
גראדע אויב וויל מען וויסן וויאזוי אזא סארט אינגל הייסט קוקט מען אויף די טעג וואס איז ציגעטשעפעט צום זאקן, מ'וויל דאך נישט די זאקן זאל זיך פארלירן ווייל מ'גייט דאך נישט קויפן יעצט נייע ער האט דאך בר מצוה ענ''י דע''י סאא''ן....

ער האט שוין א שאטן פון א שנויץ! יא ער איז שוין גענוג אלט, ער לאזט זיך שוין וואקסן וואנצעס, די פיאות איז אים שוין נישט מסודר, ס'געקרייזלט, אבער זייער מילד,
א אויסגעריבענע קאפל מיט לאנגע האר, מ'וועט אים שוין שערן פאר די בר מצוה שוין אט אט...

אקיצר ער איז שוין אפטודעי''ט, זיין קול איז שוין געהעריג טאטע'ריש, און טאקע ביי די בר מצוה'ס פון זיינע חברים, ווען אלע קינדער זינגען און ס'דא איין בחורישע שטימע, וואונדער'סט זיך אוואדאי פון ווי דאס קומט?! ס'איז דער אלטער אינגל!!!

אההה! ער קומט אהיים פון חדר, נאך א האלבע שעה איז ער שוין אין מתמידים, שוין יארן גייט ער צו מתמידים! ווייסט וואו מ'טרעפט אים?? און שול יעדן טאג ביי מעריב! דעיל''י בעיסע''ס!!
ער דאוונט מערב יעדן טאג מיט מנין!!..
וען ס'נישטא קיין חדר איז ער אויך און ביהמ''ד! ער דאוונט מיט א מנין! פארשטייט זיך ער האט שוין געטרונקען א קאווע.. אבער ער טרונקט שוין מיט א קאצקע צוקער אין די זייט! ער איז שוין דעי עיד''ז!!

ערב שבת איז ער אין מקוה.. מה מקוה מטהר.. אהה! ער פארשטייט שוין צי דעם, ער האט ארויס די גאנצע פיקטשער!!
שבת אפגערעדט! ער טראגט שוין א לאנגע רעקל... ס'היפש אויסגעוואקסן און אפגעריבן, ווייל ער האט שוין כמעט בר מצוה, ס'א שאד יעצט צי קויפן א נייע.. אבער וואס א חילוק.. די עיקר איז אז ווען ער זעצט זיך אראפ דארף ער שוין אנכאפן די צוויי זייטן פון אונטן און מאכן אזוי.. און אזוי.. זיכער מאכן ס'גראד איינגעקנייטשט, און יעצט קען ער זיך אראפזעצן.. בקיצר ער האט די עקספיריענס..!
ביי לכה דודי זינגט ער מיט הויעך..
ביים ליינען גייט ער ארויס אבער ער שפילט נישט גלחים, ער שטייט סתם אין א זייט און שמועסט אדער באטראכט ער דעי אינגלעך וואס שפילן קוגעלעך אין די לאבי...
ער פאסט שוין ביי א תענות!! ער דארף זיך ציגעוואוינען פאר זיין בר מצוה! פרעג אים אפ...
סוכות רוילט ער אריין מיט א לולב און אתרוג.. שלאג א בוים!
חול המועד פארט ער נישט מיט ווען זיין טאטע נעמט די קליינע קינדער.. אנשטאט מאכט ער א חברותא'שאפט מיט זיין זיידע... בכלל אין חדר איז ער נישט פון די ווילדע סארט קינדער.. ער איז לאויקי.. ער איז מער א שטילער, ביי ריסעס שטייט ער און די זייט און שמועסט, טאקע ריסעס מאכט ער זיך שוין נישט משיגע מיט באמבא אדער סופער סנעק ער ברענגט פרומע היימישע פאפקארן מיט א געשניטענע עפל און ער איז העכסט צופרידן!!!

בקיצר ער איז שוין עכט אונטערגעוואקסן! ער איז א אלטע אינגל!

מיר איז נאר א וואונדער יעדע מאל איך זעה אים 'דער האט נאכאלטס נישט בר מצוה געהאט?! ער דרייט זיך שוין אזוי יארן! על פי חשבון גייט ער שוין זיין זעכצן יאר גלייך נאך זיין בר מצוה!

שוין איך דארף גיין דאווענען מעריב.. יא! ער דאוונט דא אין מיין מנין..