אבער די עולם דארף כאפן די מעסעדזש. גערעכט. אבער א ניק נעמט צייט עס זאל באקומען א געשעצטע פנים צעווישן מיינע ניק חבירים, סתם לייגען די גאנצע ארבעט אין גארבידזש אזוי בידים?!?
ווי אזוי וועט מיר @דער תהלים איד אנקוקן? (אוי פארגעסן ער איז שוין נישט אקטיוו...) וועט נאך @נקודות טובות לייקן מיין טייערע פאוסטס??
אבער סתם לאזן די פעין אין זיך וועט עס נאר ערגער מאכן...
ווינטעלע האט געארבעט שווער צי אנקומען צי די אקטיווע באניצער ראנג אזוי ווי דיך, אבער כבין יעצט אויפן וועג אלעס צי לייגן אין גארבידזש.
וואזשע דעיע לאנגע אריינפיר דא? כציטער פלעין צי קומען צים ווארט...
יאלא
המממ
עם, יא.
לאמיר ציקנייטשן יעצט מיין שיינעם ניק ציזאמען מיט מיין ווייטאג!
1 2 3
"ווינטעלע איז נאך א בחור"! בום!!!
ווא??? יע!!!
כאב חבירים וואס זענען פון אונזער פארברענגערס דא אויפן טישעל, שיינע אינגעלייט וואס פראווענען שיינע שמחות ב"ה,
דער א קידוש, דער האט שוין א שער-מאשין פאר זיין זיסע אינגעלע ב"ה.
דערנאך קען איך א בחור וואס טראגט די זעלבע מאסק אויף זיין פנים ווי מיר, .(ווי מיר ביז יעצט)
גראדע קען איך אויך אפאר פון די גרויסע ניקס אויפן אנדערע סייט, וואס שפילן אויך דעם געים, מיז ביזי שרייבן פאוסטס איבער די געקרוינטע ווייב, אז קיינער זאל חס ושלום נישט קענען פראבירן צי טראכטן אז מרעדט דא פון איינער וואס האט נאכנישט געטראפן זיין באשערטע.
פארוואס דארפן אזעלכע באטראפענע זיך טרעפן באטראפן?!
סדא א ראש חודש אשכול, א ליל שישי אשכול, א מאנסי אשכול, כמיין איך עפן א בחורים אשכול...
שוין די ווייטאג איז ארויס געקומען אן רשות.
מיין נאמען געב איך דיר נישט, אבער מיט מיין לעבן בין איך שטאלץ אפילו אונטער א ניק.
אויב די ביסט גוט, ביסטו גוט מיט א ווייב אדער אן.
מקען ברענגן די קאווערס פון די נייע צייטונגן אפילו מהאט נישט קיין ווייב. און
דער אינגערמאן וואס האט די טאלאנט פון שרייבן, האט עס נישט באקומען אונטערן חופה.
איך קען מארגן אריין וואקן מיט א נייע ניק אין שפילן טאטי. (כאשוין א איידיע פון א פאוסט איבער מיין ווייב)
אבער איין קשיא. פארוואס???
(מיין משגיח קומט איך דארף לויפן...
)הצלחה!
