אידטיש

דאנערשטאג וארא

רבינו שליט״א האט געדאוונט שחרית בהיכל בית מדרשינו הגדול.

ביים ליינען האט עולה געווען כהן מוה״ר יוסף כ''ץ הי״ו, לוי מוה״ר משה בנציון טירנויער הי״ו שלישי רבינו שליט״א, הגבה מוה״ר שלמה יחזקאל מייזעלס הי״ו, גלילה מוה״ר בערל שווארץ הי״ו.

אינמיטן טאג האט דער רבי טעלעפאניש מנחם אבל געווען משפחת הגה"צ רבי משה אהרן רייך זצ"ל אבד"ק פשעווארסק וויליאמסבורג.

נאכמיטאג איז דער רבי אריינגעקומען אין בית המדרש הגדול וואו מען האט געדאווענט מנחה און געליינט ויחל וואו דער רבי האט עולה געווען שלישי.

ביינאכט האט דער רבי ערשיינט צום קביעות מזוזה פון בית מדרשינו החדש נחלת יעקב שכונות וואלווארט פאר אברכי אנ״ש.
עס האט אויפגעטרעטן הרב יוסף מאיר מייזליש שליט"א, הרה״ג ר׳ הערשל לייטנער שליט״א דומ״ץ ביהמ״ד.
דער רבי האט משמיע געווען דברות קודש און האט ארום גערעדט איבער די גרויסע כוח פון טון א מצוה בציבור אז מען האט אויכט אין זיך די חלק וואס מען ברענגט צו געגעים צו טון א מצוה, און דאס איז די תכלית פון קומען דאווענען אין ביהמ"ד, ווי די רמב"ן זאגט אז עס קומט כדי מען זאל זיך צאמקומען ויודו לאל שבראם ויאמרו לפניו בריותיך אנחנו.
דער רבי האט ארויס געברענגט אז מען געבט א נאמען די ביהמ"ד נחלת יעקב נאכן אומפארגעסליכע ראה"ק הרה"ח ר' יעקב כהנא ז"ל וועלכע איז געשטאנען לימין קדשו פון רבין זי"ע בעל ברך משה און זיך אוועק געגעבן זייענדיג ראש וראשון לכל דבר שבקדושה און געשטאנען און ארויס געהאלפן בעול הקהילה.
צום שלוס האט רבינו שליט״א אויפגעפאדערט מ׳זאל געדענקען די הייליגע הנהגה, אפּהיטן דעם כבוד בית ה׳, אבאכט געבן אנצוהאלטן דאס איידלקייט וואס רביה״ק זי״ע האט אונז געלערנט, מ׳זאל נישט רעדן ביים דאווענען און היטן אויפ׳ן גאנצן בית מקדש מעט, און די זעלבע היטן אויף אידישע הייזער וואס האבן אויך א בחינה פון א בית המקדש ווען מ׳פירט זיך הייליג און ערליך, ביז מיר וועלן שוין זוכה זיין צום ״עתידין בתי כנסיות ובתי מדרשות להקבע בארץ ישראל״, בב״א.

דערנאך האט דער רבי געטרינקען לחיים און אנגעווינטשן פאר'ן ציבור און עקסטער פאר דער נדבן ביהמ"ד מוה"ר מרדכי צבי רעטעק הי"ו.

נאכ'ן מעמד איז דער רבי אריבער אין שטוב פון מוה"ר אהרן אלימלך לעפקאוויטש הי"ו וואו עס איז פארגעקומען חתימת שטרות פאר'ן נייעם בית המדרש דקהלתינו שכונות ווערנאן, עס האט אויפגעטרעטן הרה"ג ר' יהוסף שווארץ שליט"א דומ"ץ ווערנאן.

פרייטאג בא

פארטאגס איז דער רבי אריינגעקומען בהיכל בית המדרש הגדול וואו דער רבי האט זיך אומגעקוקט אויפ'ן סדר הלימוד כולל אברהם יעקב וואו הונדערטער אנ"ש ובחורי חמד זיצן און לערנען יעדע וואך לילי שישי במשך די ימי השובבי"ם
דער רבי האט געגעבן ברכת הקודש פאר'ן פטרון הכולל הרבני הנגיד ר' אברהם יעקב פריעדמאן הי"ו מגדולי עסקני קהלתינו הק'.

פארמיטאג האט דער רבי מנחם אבל געווען משפחת אלמנת הרה"ח ר' דוד מאיר ווייס ע"ה.

שבת קודש בא

בשעה 5:35 איז דער רבי אריינגעקומען בהיכל בית מדרשינו הגדול וואו דער רבי האט יורד געווען לפני התיבה צו תפילת מנחה.
קבל שבת האט געדאווענט הרבני הנגיד ר' משה שמואל זופניק הי"ו.

בשעה 9:30 איז דער רבי אריינגעקמען צום שלחן הטהור.
מיט כל מקדש האט דער רבי מכבד געווען הרב הערשל פריעדמאן שליט"א, מנוחה ושמחה הרה"ח ר' משה ארי קארנבלי הי"ו פון לאנדאן, קה אכסוף הרה"ח ר' מרדכי גאלד הי"ו, קה ריבון הרב משה אביעזר ווייס ר"מ בישיבה, לקל אשר שבת הרה"ח ר' יואל יאזשעף הי"ו, אז ביום הרה"ח ר' אהרן פריעדמאן הי"ו.
מיט ברכת המזון האט דער רבי מכבד געווען הרה"צ רבי יואל שליט"א.

יום שבת קודש
פסוקי דזמרא האט געדאווענט פאר'ן עמוד מוה"ר יושע פעקעטע הי"ו מאנסי, און רבינו שליט"א האט יורד געווען לפני התיבה צו עד הנה.
ביים ליינען איז געגאנגען פתיחה מוה"ר יעקב עקיבא הירש הי"ו, כהן מוה"ר יעקב בר"ה רובין הי"ו, לוי בחור הבר מצוה בן מוה"ר ישעי קרויס הי"ו, שלישי הרה"ח ר' דוד שמואל גאלדבערגער הי"ו ק"י, רביעי הרה"ח ר' ברוך מרדכי אקערמאן הי"ו ק"י, חמישי הרה"ח ר' יוסף הערש לויפער הי"ו, שישי רבינו שליט"א, שביעי הרה"ח ר' חיים הערש גאלדבערגער הי"ו, הוספות הרה"ח ר' מרדכי דוד ווידער הי"ו, החתן מנחם גאלדבערגער הי"ו, העסקן מוה"ר שלמה יעקב קעסטנבוים הי"ו, הבה"ח בן מוה"ר יעקב יוסף מאשקאוויטש הי"ו, אחרון בחור הבר מצוה בן מוה"ר מרדכי זעליג מאנן הי"ו, מפטיר - הרה"ח ר' יואל רייזמאן הי"ו, הגבה הרה"ח ר' ישעי קרויס הי"ו, גלילה מוה"ר יושע באבד הי"ו.

מוסף האט געדאווענט פאר'ן עמוד הרה"ח ר' דוד שמואל גאלדבערגער הי"ו,
פתיחה אנעים זמירות הרה"ח ר' יוסף שמואל פאזען הי"ו פון מאנטריאל.

ביי שלש סעודת תורה האט דער רבי ארויס געברענגט אז שבת איז א כוח וואס בא שבת בא מנוחה, אז דער אייבישטער שיקט אראפ א כוח פון השראת השכינה, וואס דורך דעם קען מען מיט נעמען אויף די גאנצע וואך צו זען אז דער בוכ"ע שטייט מיט יעדע איד נישט קיין חילוק אין וועלכע מצב ער איז, האט ער די שם השם, און קען משפיע זיין זוכה זיין צו לימוד התורה.
נאכ'ן בענטשן האט דער רבי געזאגט שבע ברכות פאר החתן בן מוה"ר חיים הערש גאלדבערגער הי"ו עב"ג בת מוה"ר יואל רייזמאן הי"ו און החתן בן מוה"ר יששכר גוטמאן הי"ו ראש המשוררים בחצרות קדשינו עב"ג בת מוה"ר זרח רייך הי"ו.

מוצאי שבת קודש

מוצאי שבת האט דער רבי באשיינט דעם מסיבת מלוה מלכה מעמד יסוד הבנין לטובת בית מדרשינו החדש שכונות ווערנאן.
עס האט אויפגעטרעטן הרה"ח ר' יודא אליער יאקאבאוויטש הי"ו מזכיר הקהילה, דער דיין הרה"ג ר' יהוסף שווארץ שליט"א און דער רבי האט משמיע געווען דברות קודש.
דער רבי האט מיט א רגש קודש ארומגערעדט איבער די זכי' נשגבה פון בנין הבית מדרש און אז פון די מחצית השקל וואס איז געקומען פונעם גאנצן ציבור אינאיינעם האט מען געבויט די אדני המשכן וואס דאס איז דער יסוד הבנין.
און דער אנדערער האלב איז רומז אויפ׳ן בית המקדש השלישי שלמעלה, אז דורך געבן פאר׳ן בנין בית המדרש איז מען זוכה צו א נצחיות׳דיגער חלק אינעם בית המקדש השלישי, און דאס וועט אוודאי זיין דער גרעסטער זכות פאר יעדן איינעם בזה ובבא אז מ׳איז זוכה צו אזא זכות צו קויפן א הנצחה אין דעם הייליגן בנין וואס פון דא וועט ארויסגיין תורה עבודה וגמילות חסדים.
רבינו שליט"א האט גאר הערליך פארטייטשט דעם מי שברך וואס מען זאגט יעדע וואך ביים ספר תורה, ומי שבאים "בתוכם" להתפלל, דאס ווייזט אויפן אחדות און ריינע כוונה יעדער מיטן זעלבן אינטערעסע, און ארויסגעברענגט די עתידין בתי מדרשות לקבוע בארץ ישראל, אז דער בית השלישי וועט אראפקומען בנוי ומשוכלל, און די יעצטיגע בתי מדרשים זענען שוין אצינד אן אקטיווער חלק פונעם בית השלישי, דעריבער אז מען גיבט געלט פארן הקמת ביהמ"ד, בויעט מען דערמיט שטיקער בית המקדש.
דאן האט רבינו שליט״א ארויסגעהויבן מיט התרגשות ברון שיר ושבח תוקף פעולות תפארתם פונעם גאנצן ציבור וועלכע לאזן זיך קאסטן במסירת נפש ממון ודמים פאר׳ן אויפבוי פונעם נייעם בנין, און אויסגעפירט מיט ווארימע ברכת הקודש היוצאים מפורש מפי כהן גדול, אז יעדער וואס לייגט צו א האנט זאל געבענטשט ווערן ווערן בכל מילי דמיטב ושפע קודש.

דערנאך איז דער ציבור דורך איבערגעבן די שטרות וואס מען האט זיך אונטערגענומען לטובת דאס בית המדרש החדש און אויפן פלאץ איז אריינגעקומען 45 פראצענט פון די געלט וואס מען דארף האבן צו בויען די ביהמ"ד.

זונטאג בא

רבינו שליט"א האט געדאווענט שחרית בהיכל בית מדרשינו הגדול.
פאר'ן דאווענען האט דער רבי געלייגט תפילין פאר הבחור בן מוה"ר ישעי' קרויס הי"ו, הבחור בן מוה"ר אהרן מאנדעל הי"ו.
ביינאכט בשעת קבלת קהל איז אריין בקודש הפנימה הגה"צ רבי משה קרעמער שליט"א מברסלב.
עס איז פארצויגן געווארן א לענגערע שמועס ווי הגה"צ רבי משה שליט"א האט זיך באדאנקט פאר'ן רבי פאר די שטענדיגע חיזוק וואס מען באקומט פון רבינו שליט"א.

מאנטאג בא
דער רבי האט געדאווענט שחרית בהיכל בית מדרשינו הגדול.
פאר'ן דאווענען האט דער רבי געלייגט תפילין פאר הבחור בן מוה"ר יואל אלי' קארנבלי הי"ו, הבחור בן מוה"ר יצחק אייזיק שווארץ הי"ו, הבחור בן מוה"ר יחיאל צבי פעדער הי"ו.
ביים ליינען האט עולה געווען כהן מוה"ר שמעלקא כ''ץ הי"ו, לוי מוה"ר יעקב פריעדמאן הי"ו, שלישי הבחור בן מוה"ר יחיאל צבי פעדער הי"ו, הגבה רבינו שליט"א גלילה הבחור בן מוה"ר יואל אלי' קארנבלי הי"ו.

ביינאכט בשעת קבלת קהל איז אריין בקודש הפנימה האדמו"ר מסקולען וויליאמסבורג שליט"א לרגל שמחת החתונה פון בנו למזל טוב.

דינסטאג בא

רבינו שליט"א האט געדאווענט שחרית בבית מדרשינו אהל פיגא סאוט 8.
נאכ'ן דאווענען איז פארגעקומען די ברית לרך הנימול בן העסקן מוה"ר שלמה יעקב קעסטענבוים הי"ו וואו רבינו שליט"א איז מכוכד געווארן מיט סנדקאות און ברכות.
ביינאכט איז דער רבי געפארן קיין בארא פארק וואו דער רבי האט באשיינט דעם מסיבת לטובת מוסדות יטב לב ירושלים אין שטוב פון הרה"ח ר' געציל בערגער הי"ו.

מיטוואך בא

רבינו שליט"א האט געדאווענט שחרית בבית מדרשינו הגדול.
נאכ'ן דאווענען איז די רבי אריבער אין שטוב פון מוה"ר פישל שווארץ הי"ו וואו עס איז פארגעקומען די ברית לבנו וואו רבינו שליט"א איז מכובד געווארן מיט סנדקאות און ברכות.

ביינאכט האט דער רבי באשיינט די שמחת החתונה פון החתן בן הרב יואל טייטלבוים שליט"א בן הגה"צ ר' שמואל זצ"ל ראה"כ מעורר השחר חתן האדמו"ר מחרדים זידיטשוב שליט"א עב"ג בת הרב יואל פילאף שליט"א בן הרב מנשה חתן הגה"צ אבד"ק קהלתינו לאנדאן שליט"א.

דערנאך איז רבינו שליט"א געפארן קיין בארא פארק וואו דער רבי האט באשיינט די שמחת החתונה פון ש"ב החתן בן הרב יצחק שמואל אפספעלד שליט"א חתן הרב אברהם יושע לעוו שליט"א פון לאס אנדשעלעס נכד מרן הגה"ק בעל עצי חיים זי"ע מיט הכלה בת הרב שמואל דוב הורוויץ שליט"א וואו דער רבי האט געוואונטשן לחיים פארן חתן און מחותנים און זיידעס דערנאך האט דער רבי געזאגט די שבע ברכות און דער בדחן מוה"ר שלמה יעקב וועבער הי"ו האט אויסגערופן רבינו שליט"א צו מצוה טאנץ דערנאך האט דער רבי געטאנצן לפני הכלה מיטן חתן און מחותנים און א עקסטערע ריקוד מיטן הרב אברהם יושע לעוו שליט"א.