אידטיש

געפאוסט: **מאנטאג פעברואר 03, 2025 6:55 pm**

די טראמפּ אדמיניסטראציע האט צוריק אנגעהויבן צושטעלן וואפנס פאר אוקראינע נאכ'ן אפשטעלן די וואפנס פאר א קורצע וויילע, צו געבן צייט פאר די טראמפּ אדמיניסטראציע צו איבערקוקן אירע פאליסיס ארום אוקראינע.

: rxNZ8N.jpeg (47.33 KiB) געזען געווארן 984 מאל

געפאוסט: **מאנטאג פעברואר 03, 2025 6:56 pm**

די טראמפּ אדמיניסטראציע האט אינפארמירט קאנגרעס איבער א וואפנס אפמאך אין וועלכע די פאראייניגטע שטאטן וועט פארקויפן פאר מדינת ישראל געווער און מיליטערישע עקוויפּמענט אין ווערט פון $1 ביליאן דאלער.

געפאוסט: **דינסטאג פעברואר 04, 2025 3:44 pm**

די נאמינאציע פון טולסי גאבארד אלס דירעקטאר אוו נעשאנעל אינטעליזשענס איז באשטעטיגט געווארן דורך די סענאט אינטעליזשענס קאמיטע, עפענעדיג די וועג פאר די פולע אפשטימונג.

געפאוסט: **דינסטאג פעברואר 04, 2025 3:46 pm**

FBI אגענטן האבן אריינגעגעבן א לאו סוט אין געריכט צו בלאקירן די טראמפ אדמיניסטראציע פון באקומען א ליסטע פון אלע אגענטן וועלכע זענען געוען פארמישט אין די JAN. 6 איבערפאל אויספארשונגען, נאכדעם וואס זיי האבן דאס פארלאנגט.

: unnamed - 2025-02-04T154435.875.jpg (156.69 KiB) געזען געווארן 899 מאל

געפאוסט: **דינסטאג פעברואר 04, 2025 3:47 pm**

אמווייניגסטנס צען זענען טויט אין א שולע שיסעריי אין שוועדן.

: unnamed - 2025-02-04T154641.435.jpg (179.36 KiB) געזען געווארן 898 מאל

געפאוסט: **דינסטאג פעברואר 04, 2025 3:49 pm**

קענעדיס נאמינאציע איז דורך דעם פאנעל און וועט פאראויסגיין צו א פולע סענאט אפשטימונג.

: unnamed - 2025-02-04T154750.830.jpg (85.05 KiB) געזען געווארן 890 מאל

געפאוסט: **דינסטאג פעברואר 04, 2025 3:54 pm**

קאנגרעס ספיקער מייק דזשאנסאן זאגט אין אן אינטערוויו אז ער איז העכסט צופרידן פון פרעזידענט טראמפ, און אז פרעזידענט טראמפ האט אויפגעטון אין די פארגאנגענע צוויי וואכן מער ווי ביידען האט אויפגעטון אין פיר יאר.

געפאוסט: **דינסטאג פעברואר 04, 2025 4:50 pm**

קאנגרעסמאן מייק לאולער האט געמאלדן אז ער גייט פארלאנגן א פעדעראלע אויספארשונג אקעגן א פלאן פון דעמאקראטן צו לאזן ליידיגע קאנגרעס זיצן.

דעמאקראטן צילן צו לאזן ליידיג די זיץ פון קאנגרעספרוי סטעפעניק, א ריפובליקאנער וועלכע איז ערווארטעט אפצוטרעטן כדי צו נעמען א פאזיציע אין די טראמפ אדמיניסטראציע, ביז די וואלן שפעטער אין יאר, און אזוי ארום פארשמעלערן די ריפובליקאנער קאנגרעס מאיאריטעט.
קאנגרעסמאן לאולער זאגט אז נעמען דעם ריכטונג ווייזט ווי קארופטירט ניו יארק איז, און עס וועט זיך פארלאנגן א פעדעראלע 'ריקאָ' אויספארשונג

: caa6076e96f50807b1bae7bd3d4349f2_0_250204044101.jpeg (37.68 KiB) געזען געווארן 838 מאל

געפאוסט: **דינסטאג פעברואר 04, 2025 5:23 pm**

א פרישע אנקעטע ווייזט אז פרעזידענט טראמפ געניסט פון א בעסערע צופרידענהייט ראטע אין ניו יארק ווי די ראטע פון גאווערנער האוקול.

בלויז 31 פראצענט אויסגעפרעגטע ניו יארקער זאגן אז זיי ווילן זען גאווערנער האוקול פאר נאך א טערמין, אקעגן 57 פראצענט וועלכע ווילן זען א צווייטן. ווען עס קומט צו די צופרידענהייט פון איר ארבייט זענען 44 פראצענט צופרידן, אין צייט וואס 46 פראצענט זענען צופרידן פון טראמפ'ס ארבייט. טראמפ'ס גינסטיגע ראטע אין די סטעיט ווערט טיילווייז געטריבן מיט זיין שטייפע אימיגראציע שטעלונג, וואס מען זען פון דעם וואס 79 פראצענט וויילער שטיצן זיין פארזיך צו דעפארטירן אומלעגאלע אימיגראנטן.

: cf5013f57a4e44c29f92c80e32625e7elarge16x9_480074906.jpg (55.84 KiB) געזען געווארן 808 מאל

געפאוסט: **דינסטאג פעברואר 04, 2025 7:50 pm**

סאודי אראביע און די פאראייניגטע אראבישע עמיראטן ווערן באטראכט צו זיין די לענדער צו אקאמאדירן רוסישער פרעזידענט וולאדימיר פּוטין און פרעזידענט דאנעלד טראמפּ.

געפאוסט: **דינסטאג פעברואר 04, 2025 7:50 pm**

א מאן האט פרובירט איבער צו קריכן דעם צוים ארום דעם ווייסן הויז, אבער האט אויפגעגעבן אינמיטן און איז צוריק אראפ צו די פאליציי וועלכע איז אינצווישן אנגעקומען.

: MUM32K.jpeg (73.24 KiB) געזען געווארן 778 מאל

געפאוסט: **דינסטאג פעברואר 04, 2025 7:55 pm**

אין רעאקציע צו א פראגע פון א פאקס ניוז רעפארטער אינעם ווייסן הויז, וואס וועט זיין אויב איראן וועט זיין סוקסעספול אין זייערע פראבעס אים צו עלימינירן. זאגט טראמפ אז ער האט איבערגעלאזט אנווייזונגען פאר אזא פאל, "איראן וועט ווערן פארניכטעט" "עס וועט גארנישט איבער בלייבן"

: טטט.PNG (753.03 KiB) געזען געווארן 772 מאל

געפאוסט: **דינסטאג פעברואר 04, 2025 8:03 pm**

ביי א פרעסע קאנפרענץ אינאיינעם מיט מדנ"י פרעמיער האט טראמפ געלאזט הערן א געדאנק וואס מען האט ביז היינט נאכנישט געהערט.

טראָמפּ האָט גערעדט ביי א פּרעסע קאָנפערענץ מיט מדינת ישראל פּרעמיער מיניסטער ביבי נתניהו, זאָגנדיג אַז אַמעריקע וועט איבערנעמען עזה און וועט אַרבעטן צו פאַרניכטן אַלע פאַרבליבענע באָמבעס און וואָפנס, דערנאָך אָפּרייניגן אַלע איינגעפאַלענע געביידעס, און עס אַנטוויקלען אין אַן עקאָנאָמישע זאָנע. ער האָט ווידערהאָלט נאָכאַמאָל אַז אַלע פּאַלעסטינער דאַרפן ווערן אַרויסגעפירט פון עזה, און דאַרפן ווערן פּלאַצירט אין אַנדערע לענדער

: TMXWRBZNZJIE7FFLVNL45LW76U_0_250204074022.jpg (96.99 KiB) געזען געווארן 747 מאל

געפאוסט: **דינסטאג פעברואר 04, 2025 8:04 pm**

ניו יארק סיטי מעיאר עדעמס האט ווידעראמאל נישט גענומען די ליניע פון די דעמאקראטישע פארטיי, ווען ער האט זיך אנטזאגט פון קריטיקירן די טאריפס.

ביים אדרעסירן די מעגליכקייט פון טאריפס, האט עדעמס געזאגט וואסעריגע ווערטער אז מען דארף זען צו טרעפן דעם ריכטיגן באלאנץ, און דערביי איבערגעגעבן אז זיין בודזשעט דירעקטער גייט דורכפירן אן אנאליז צו זען וואספארא אפעקט ניו יארק סיטי קען האבן דערפון.
ער האט דערנאך אנגעפאנגן רעדן איבער גרעניץ זיכערהייט, זאגענדיג, אז האבן פארזיכערטע גרעניצן איז וויכטיג פאר אזא שטאט ווי ניו יארק וועלכע איז א הויפט ציל פאר טעראריסטן.

געפאוסט: **מיטוואך פעברואר 05, 2025 4:01 pm**

דער אינטערעסאנטע סצענע ווי פרעזידענט טראמפּ שטופט אריין דער בענקל פארן מדינת ישראל פריים מיניסטער אין ווייסן הויז

: z98Mxg (1).jpeg (135.91 KiB) געזען געווארן 641 מאל

דערמאנונג

געפאוסט: **מיטוואך פעברואר 05, 2025 4:05 pm**

נאכפאלגנדיג די פאראייניגטע שטאטן, מעלדט ארגענטינע אז זי וועט זיך אויך ארויסציען פון די וועלט'ס געזונטהייט ארגענעזאציע.

: aEY1CU.jpeg (51.82 KiB) געזען געווארן 633 מאל

געפאוסט: **מיטוואך פעברואר 05, 2025 4:09 pm**

די אמעריקאנער פאסט אגענטור יו-עס-פי-עס האט נעכטן געשאפן א כאאס אין דער ביזנעס ווען ווען זיי האבן געמאלדן אז זי וועט סוספענדירן סערוויסעס פון פעקלעך פון כינע און האנג קאנג,אבער היינט האבן זיי צוריק געצויגן דערפון צו דער אפ-אטעמונג פון פילע קאמפעניס וואס זענען טעגליך אנגעוויזן דערויף.

: יו-עס-פי-עס.PNG (95.28 KiB) געזען געווארן 630 מאל

געפאוסט: **מיטוואך פעברואר 05, 2025 7:22 pm**

שינאווער האט געשריבן: ↑דינסטאג פעברואר 04, 2025 8:03 pm ביי א פרעסע קאנפרענץ אינאיינעם מיט מדנ"י פרעמיער האט טראמפ געלאזט הערן א געדאנק וואס מען האט ביז היינט נאכנישט געהערט.

טראָמפּ האָט גערעדט ביי א פּרעסע קאָנפערענץ מיט מדינת ישראל פּרעמיער מיניסטער ביבי נתניהו, זאָגנדיג אַז אַמעריקע וועט איבערנעמען עזה און וועט אַרבעטן צו פאַרניכטן אַלע פאַרבליבענע באָמבעס און וואָפנס, דערנאָך אָפּרייניגן אַלע איינגעפאַלענע געביידעס, און עס אַנטוויקלען אין אַן עקאָנאָמישע זאָנע. ער האָט ווידערהאָלט נאָכאַמאָל אַז אַלע פּאַלעסטינער דאַרפן ווערן אַרויסגעפירט פון עזה, און דאַרפן ווערן פּלאַצירט אין אַנדערע לענדער

TMXWRBZNZJIE7FFLVNL45LW76U_0_250204074022.jpg

די טאליבאנער רעגירונג אין אפגאניסטאן טוען פארדאמען פרעזידענט טראמפּ'ס געדאנק צו איבערנעמען די עזה-פאס און דאס צו אויפבויען.

געפאוסט: **מיטוואך פעברואר 05, 2025 7:24 pm**

א פליגער פון יאפאן לופטליניע האט אריינגעקראכט אין א פליגער פון דעלטא לופטליניע אין די לופטפעלד אין סיעטל.

: קראך.PNG (402.39 KiB) געזען געווארן 579 מאל

געפאוסט: **מיטוואך פעברואר 05, 2025 7:24 pm**

רוסישער פרעזידענט פוטין זאגט אז דייטשע בירגער זאלן אויפהערן שפירן שולדיג איבער וואס זיי האבן געטון דורכאויס דער צווייטער וועלט קריג, זאגנדיג אז די יעצטיגע און צוקונפטיגע גענעראציעס האבן זיך נישט פארוואס צו אנטשולדיגן.

פון איינעם האב איך דעיס שוין געהערט לעצטנס...

געפאוסט: **מיטוואך פעברואר 05, 2025 10:49 pm**

די צוויי אידישע דזשורנאליסטן אינעם ווייסן הויז ביים אויסניצן די צייט צווישן איין איבערקערעניש און די צווייטע.
יעצט איז אלעס געשטארבן, נישטא קיין טראמפ, נישטא קיין נייעס, נישטא קיין פאליטיק, ס'עקזיסטירט נישט גארנישט. יעצט לערנט מען!!

"מי כעמך ישראל"

: 4981139135750319786_121.jpg (192.32 KiB) געזען געווארן 545 מאל

געפאוסט: **דאנערשטאג פעברואר 06, 2025 12:58 am**

באריכטן עס איז אנגעבליך געפונען געווארן א שידוך פאר די טראמפ פלאן.

מאראקא, פאנטלאנד, סאמאלילאנד. זענען די 3 לענדער וואס זענען אנגעבליך גרייט אריינצונעמען די עזה איינוואוינער.

מאראקא וועט שטארק בענעפיטירן וויבאלד זייער עקענאמיע איז טיף באגראבן.

פאנטלאנד מיט סאמאלילאנד צוויי פראווינצן פון סאמאליע דארפן צוקומען צו אמעריקאנע אנערקענונג אין זייער לאנד.

שיהא בשורות טובות.

געפאוסט: **דאנערשטאג פעברואר 06, 2025 3:17 pm**

כאאס האט אויסגעבראכן אינערהאלב די אפיסעס פון די לינק-גענויגטע 'פאליטיקא נייעס' פירמע פאריגע ענדע וואך, ווען ארבעטער האבן געפונען אז זייערע געהאלט טשעקלעך פעלן, אנגעבליך צוליב א 'טעכנישע פראבלעם' וואס האט זיך געשאפן אין די דייטשלאנד-באזירטע מידיע פירמע.

אצינד שטייענדיג עטליכע טעג נאך וואס די געהאלט פון די ארבעטער איז מיסטעריעז געווארן אפגעשטופט, ווערט באריכטעט אז פאליטיקא האט אין די פארגאנגענהייט באקומען העכער 200 מאל פינאנציעלע טראנזאקציעס פון די יו-עס-עי-איי-די, די אמעריקאנער רעגירונג'ס הילף קאסע פאר אויסלענדישע לענדער וואס זענען אריבער א קאטאסטראפע, און 'דאדזש' אונטער די פירערשאפט פון אילאן מאסק האבן די לעצטיגע טעג אנגעהויבן איבערקוקן די היסטאריע פון די אגענטור, און דאס האט אויפגעברענגט שפעקולאציעס אז דאס איז פארבינדן צום אפגעשטופטע געהאלט באצאלונגס פון פאליטיקא.

: unnamed (51).jpg (113.75 KiB) געזען געווארן 371 מאל

געפאוסט: **דאנערשטאג פעברואר 06, 2025 3:49 pm**

סעקרעטערי אוו סטעיט מארקא רוביא האט געמאלדן אז ער וועט זיך נישט באטייליגן ביים היי יעריגן דזשי 20 סאמיט און סאוט אפריקע, זאגנדיג אז סאוט אפריקע ניצט אויס די סאמיט פאר זאכן וואס זענען נישט אין אמעריקאנע אינטערעסן ווי למשל קלימאטן טויש און DEI (דאס איז א סיסטעמאטישע סיסטעם אנצונעמען איין געוויסע ראסע מער ווי א צווייטע אין פארשידענע פלעצער).

ער פירט אויס "מיין ארבעט איז צו אויספירן אמעריקע'ס אינטערעסן נישט צו אויסניצן דיין טעקס פאר אנטי אמעריקאניזם".

: T9h7Is.jpeg (65.75 KiB) געזען געווארן 354 מאל

געפאוסט: **דאנערשטאג פעברואר 06, 2025 4:44 pm**

פרעזידענט טראמפ האט זיך אויסגעדרוקט אין א רעדע, אז ער וויל צוריק ברענגען רעליגיע אין אמעריקע, ער זאגט אז רעליגיע, דאס הייסט "גלייבן", מאכט א מענטש פרייליך און צופרידן, און אז ער גלייבט באמת אין ג-ט, און ער קען נישט פארשטיין וויאזוי מען קען האבן א גליקליכע לעבן אן קיין גלויבונג.

אידטיש

בולעטין נייעס — קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף

Re: בולעטין - נייעס! קורץ און שארף