'מאמענט' מאגאזין

[פופציגער]

לאמיר ממשיך זיין מיין שיעור כללי פון פאריגע וואך, און זיך נעמען אויפ'ן קאווער פון מירון.

לאמיר זיין קלאר, און זאגן פאר די וועלכע ווייסן אפשר נאכנישט... א מאגאזין וועט אין קיין פאל נישט אונטערנעמען א פארש פראיעקט, מיט'ן ציל, אדער מיט'ן איינרעדעניש, אז מ'גייט דא אויסגעפונען עפעס וואס די פאליציי האט נישט באוויזן צו אויסגעפונען.

ווידער עפעס וואס אונזער ציבור איז נישט אינגאנצן באהאוונט אין הלכות מאגאזינען, וואס אין די אלגעמיינע וועלט איז א דבר פשוט מאוד... א מאגאזין איז געווענליך דא פאר "ענטערטעימענט פוירפעסעס". ווען א מאגאזין פירט דורך א פארש פראיעקט, איז עס נישט א פאליצייאישע פארש פראיעקט, נאר א זשורנאליסטישע פארש פראיעקט. א זשורנאליסטישע פארש פראיעקט איז נישט געצילט צו ברענגען שולדיגע צו גערעכטיגקייט.

ווען דו זעסט א קאווער "איז סעפטעמבער 11 געווען אונטערגעשטעלט?", איז נישט פשט אז דער מאגאזין גייט דיר ענטפערן דעם תירץ, נאר געווענליך מיינט עס אז דער מאגאזין גייט דיר ברענגען די צדדים און עלאבערירן אין דעם שאלה... געוויס, פון ליינען אסאך פרטים קענסטו בויען א נאראטיוו אין דיין קאפ, אזויווי איך האב יעצט א בליק אויף די אסון מירון, וואס כהאב באפעסטיגט נאכ'ן ליינען מאמענט'ס ארטיקל פאריגע וואך... אבער דער ציל איז נישט די קאנקלוזשען. די ציל איז די ענטערטעימענט.

אודאי, אמאל איז דא א פראיעקט וואס צילט יא צו ברענגען א הלכה למעשה'דיגע קלארקייט, א שטייגער ווי מאמענט'ס "האוזינג" אויסגאבע, וואס דערפאר האט מען עס טאקע געמאכט פאר א באזונדערע אויסגאבע, ס'זאל טראגן עטוואס מער געוויכט ווי אן ארטיקל וואס מען ליינט פאר ענטערטעימענט.

אין דעם פאל, דערציילן די יודעי דבר, אז "מאמענט" האט זיך פארבינדן מיט נאנט צו פערציג מענטשן וואס האבן געהאט סאליד מיינונגען, דהיינו, אדער האט ער אליינס געזען, אדער האט ער דורכגעפירט א גרינטליכע קראנטע פארש ארבעט און ער איז געקומען צו החלטות, און נאכגעברענגט עטליכע פון זיי, די וואס האבן געלאזט שרייבן זייערע נעמען און געהאט עפעס זאכליכע שיטות.

אזא סארט פארש ארבעט איז א זעלטנהייט פאר היימישע מאגאזינען. פאר ווער ס'ווייסט, היימישע מאגאזינען גלייכן צו אפ'פטר'ן אזעלכע פראיעקטן מיט רעדן מיט אפאר היימישע אידן מיט מיינונגען... אזאנס וואס איז דא געווען, אז די רעדאקציע איז ליטערלי געזעסן אפאר טעג און ארומגעקאלט צענדליגע מענטשן פון אלע קרייזן, און דער שרייבער איז געזעסן שעות אויף שעות און שטודירט די אינפארמאציע (אין אזעלכע צייטן דארף מען אסאך פילטערן... מענטשן דמיונ'ען עכט ווען מ'איז אין כאאס), איז עפעס וואס "מאמענט" איז די איינציגע היימישע אויסגאבע וואס טוט.

נאר וואס דען? מענטשן זענען צוגעוואוינט אז מאגאזינען שטופן אגענדעס, ממילא מיינט מען שוין אז יעדע קאווער קומט מיט עפעס א פאנטש-ליין וואס מ'וויל דיר מאכן גלייבן.

צדיק, ניין, א מאגאזין איז דא סתם דו זאלסט הנאה האבן.

אמאל ענדיגט זיך דער ארטיקל מיט עפעס וואס דו קענסט ארויסנעמען אויף למעשה, און אמאל נישט. פונקט ווי א נייעס באריכט, און פונקט ווי יעדע סארט קאלום און רובריק.

[נויז מאשין]

טיפיקל מאמענט צו האבן א דעקל, ווער איז דער מיסטעריעזער ביטקוין גרינדער? ערשטמאליגע אנטפלעקונג!!!

דאן זיך קומען פארענטפערן אז וועמען איז בכלל איינגעפאלן אז א מאגאזין זאל האבן תירוצים אויף א פראגע וואס קיינער ווייסט נישט, אבער מיר האבן באמת עכט נאכגעפארשט דעם גאנצע נושא

[פופציגער]

טיפיקל מאמענט צו האבן א דעקל, ווער איז דער מיסטעריעזער ביטקוין גרינדער? ערשטמאליגע אנטפלעקונג!!!

דאן זיך קומען פארענטפערן אז וועמען איז בכלל איינגעפאלן אז א מאגאזין זאל האבן תירוצים אויף א פראגע וואס קיינער ווייסט נישט, אבער מיר האבן באמת עכט נאכגעפארשט דעם גאנצע נושא

ווען ס'זאל ארויסשטיין אז דו גייסט דא ליינען אן ערשטמאליגע אנטפלעקונג, ביסטו אודאי גערעכט.

[חנן]

רעדנדיג פון דעם מירון ארטיקל, מוז איך זאגן אז דאס איז געווען גאר א שטארקער זשורנאליסטישע ארבעט, וואס מען זעט ווייניג אין דער היימישער וועלט, יא, אויך אין מאמענט... כאטש ס'איז געווען היפש מאניפולירט, ווען די באשולדיגונגען קעגן די פאליצייאישע פארנעכלעסיגונג איז זייער קלאר ארויסגעברענגט געווארן, ווידער די פארנעכלעסיגונג פון תו"א און אנדערע עסקנים איז אזוי אריינגעווארפן כמעט ברמיזה... שוין אפגערעדט די (פאָר)לעצטע פאראגראף איבער די צו ווייניג הצלה קראפט אויפן ארט, ס'איז טאקע נישט עכט עפעס וואס מ'קען איינעם באשולדיגן, אבער פארט עפעס וואס קען אויפגעברענגט ווערן.

אבער שוין, ס'איז פארט א היימישע מאגאזין... ב"ה פאר דעם.

[אהרן זאב]

האב איך געליינט דעם מאמענט פאריגע וואך, און סאיז געווען א הערליכע מאגאזין.

דער מירון ארטיקל איז געווען זייער שיין צאמגענומען די גאנצע נושא, און אסאך אומבאוויסטע און באוויסטע זאכן צוגלייך זענען געווארן דארט צולייגט, שיין און גוט מסודר.

אבער די דעקל איז פארט נישט געווען אין איינקלאנג מיט די עצם ארטיקל פון אינדערווייניג, און סאיז א שאד, זינט סהאט ארויף געהויבן די ערווארטונגען פונעם ארטיקל, א זאך וואס האט זיך שפעטער אויסגעשטעלט צו זיין אומריכטיג און די ארטיקל האט נישט דערליווערט דאס וואס סערווארט זיך פון אזא קאווער.

"פינף יאר צום שוידערליכן "אסון מירון"", ליינט זיך די הויפט קעפל, "מאמענט אין גרינטליכן פארש-פראיקעט אויף די פיל ווערסיעס".

"וואס האט טאקע פאסירט דארט?", ענדיגט זיך צו דעם רוישיגן דעקל, איבערלאזנדיג דעם נייגער געפיל אויפן העכסטן שטאפל, געבנדיג דעם שטופ צו קויפן דעם מאגאזין צו געוואר ווערן דעם ענטפער אויפן דראמאטישן פראגע: וואס האט טאקע פאסירט דארט?.

די עצם זאך אז מען פאמפט אן אייטעם אז מען זאל עס וועלן אראפ נעמען פון שעלף, איז עפעס אין וואס מען טרעפט זיך אן אויף א שטייגערליכן פארנעם, והדא הוא דכתיב: מארקעטינג. מען מארקעט א זאך אז סזאל כאפן דאס אויג, אז די הארץ זאל זיך אנצינדן און מען זאל עס וועלן קויפן.

די גרעי עריע הייבט זיך אן ווען די מארקעטינג און די עצם אייטעם זענען נישט אויפן זעלבן שטאפל, און דאן קומט דעם אנטוישונג פונעם קאסטומער וואס האט זיך געלאזט קויפן פאר אן אייטעם וואס ער האט געמיינט אז סאיז עפעס אנדערש.

פארוואס איז עס גרעי און נישט שווארץ? זינט מארקעטינג איז אלס באזירט אויף ארויס צו קאלירן פונעם באקס און גיין עטוואס ווייטער פונעם אמת'ן מציאות, און ווען דער קליענט זעט דעם מארקעטינג ווייסט ער אויך אין הארץ אז סאיז נישט עכט אזוי, סאיז סך הכל מארקעטינג.

משל למה הדבר דומה, צו א שידוך. ווען מען פרעגט זיך נאך אויף א מדובר צו א מדוברת וועט מען אלס זאגן מער ווי דער אמת, וויבאלד דער וואס באקומט די אינפארמאציע ווייסט אויך צו דורכזיפן די אינפארמאציע און עס עטוואס מינימיזירן אז די מעלות זענען נישט פונקט אזוי ווי מען זאגט אויף אים. סאיז אלס קלאר אז די פעקעדשינג איז מער ווי די עכטע אמת פון אינדערווייניג.

דא קומט אבער אריין די טאלאנט פונעם מארקערטער צו פארשטיין ווי ווייט מען קען גיין, און דערוועגן ווערט עס אנגערופן 'גרעי עריע', וויבאלד סאיז נישט שווארץ אדער ווייס. מען דארף דא ניצן דעם אינערליכן אינטואציע צו פילן ווי ווייט מען קען גיין מיטן מארקעטינג אז דער קאסטומער זאל עס וועלן קויפן, אבער נאכאלס געדענקען נישט צו גיין צו ווייט אז דער קאסטומער זאל ווערן אנטוישט און דיסעפוינטעט אז ער זאל עס נישט וועלן קויפן נאכאמאל וויבאלד ער וועט זיך פילן אויסגעשפילט.

און דא איז די שמאלע ליניע וואס טיילט אפ צווישן די פאקט אז דער קאסטומער פארשטייט אז מארקעטינג איז מער פון די אמת, און די עכטע אייטעם איז נישט אזוי ווי מען האט עס געמארקעט, צו די פלאץ וואו דער קאסטומער וועט פילן אז דער אדווערטייזמענט האט אים אויסגע'נער'ט און די אייטעם איז ווייט נישט ווי די מארקעטינג דערפון.

סאיז א דינע ליניע, וצדיקים ילכו בם ורשעים יכשלו בם. (קלארשטעלונג: די מליצה איז פאר אילוסטראציע.)

און דאס אפעלירט צום מאמענט'ס דעקל. סיי פון די מירון'ער ארטיקל און סיי פון א וואך בעפאר איבער די סאטמערע ירושה.

@פופציגער טענהעט אז דער עולם פארשטייט נישט אז ווען א מאגאזין קומט ארויס מיט א גרינטליכע אויספארשונג איבער א ספעציפישע געשעעניש, באדייט דאס נישט אז סאיז א געריכטליכע פעסטגעשטעלטע אויספארשונג וואו מען גייט פאר'משפט'ן דעם שולדיגן, נאר בלויז א זשורנאליסטישע ווערק וואס נעמט צאם די געשיכטע, און דערוועגן ערלויבט זיך מאמענט צו שרייבן אין גרויס "וואס האט טאקע דארט פאסירט?" מיטן געדאנק אז דער עולם וועט שוין פארשטיין אז מען רעדן דא נישט פון א עכטע תשובה צום פראגע, נאר סך הכל אן ארום נעמנדע באשרייבונג.

און דא געשעט די בראך. דער אלגעמיינע באפעלקערונג איז זייער באוויסטזיניג, לויט פופציגער, אז א מאגאזין ברענגט נאר זשורנאליסטישע ארום נעמנדע ווערק, און דערוועגן ערלויבן זיי זיך צו מאכן די מארקעטינג דערפאר עטוואס מער ארויס פונעם באקס, ווייל זיי פארלאזן זיך אז די קליענטן וועלן שוין אליינס פארשטיין אז א מאגאזין וועעט נישט עכט ברענגען א געריכטליכע אויספארשונג, און אז סשטייט אין גרויס "וואס האט דארט פאסירט?" וועט מען נישט ערווארטן מער ווי אן ארום נעמנדע פארש פראיעקט.

אונזערע היימישע באפעלקערונג איז צום באדויער נישט באוויסטזיניג דערצו, און ווען זיי זען אין גרויס אויפן דעקל "וואס האט דארט פאסירט?" צינד זיך אן א שטארקע נייגער צו וויסן די ענטפער אויפן פראגע וואס עגבערט אים שוין פאר די לעצטע פינף יאר, און ער קויפט עס מיט איין אטעם ווארטנדיג געוואר צו ווערן וואס האט דארט פאסירט, און דאן ווערט ער ביטערליך אנטוישט זיך אנטרעפענדיג מיט עטליכע ווערסיעס איבער די געשיכטע און קיין שום מסקנא קומט נישט ארויס דערפון, און א תשובה אויף זיין פראגע באקומט ער נישט.

ער פילט זיך אויסגעשפילט. וויאזוי קען מען שרייבן אויפן דעקל אז מען גייט זאגן וואס האט דארט פאסירט, וואס דערוועגן האב איך עס געקויפט ווייל איך וויל וויסן די ענטפער דערויף, און ווען סקומט למעשה איז נישטא קיין ענטפער דערויף. ער פילט זיך באעוולט.

וואלט זיך ווען די מאגאזין פארקויפט פארן אלגעמיינעם באפלעקערונג וואלט יעדער געווען צופרידן, זינט די ערווארטונגען וואלטן געווען היבש נידעריגער. פארקויפט זיך עס אבער פארן היימישן באפעלקערונג, שטאפלט זיך עס אן מיט גרויסע אנטוישונג, זינט די ערווארטונגען זענען פיל העכער.

די מארקערטינג פונעם מאגאזין איז זייער גוט, אבער סאיז נישט דעזיגנירט פארן קליענטל וואס קויפט עס. אויף דעם איז געזאגט געווארן אז די אפעראציע איז געלונגען אבער די פאציענט איז געשטארבן.

דער ארויסגעבערס פונעם מאגאזין דארפן געדענקען ווער איז זייער קליענטל און וועלכע קאסטומער ווילן זיי האבן, אלגעמיינע אדער היימישע. אויב היימישע, ברויך די מארקעטינג זיין דעזיגנירט צום קליענט.

[פופציגער]

@אהרן זאב זאגסט זייער גוט.

מיין נקודה איז אבער געווען אביסל אנדערש ווי די האסט פארשטאנען. נעשט אז אונזער ציבור כאפט נישט און מאמענט נעמט עדווענטעדזש, נאר אונזער ציבור איז ניי צו די וועלט פון מאגאזינען, און מאמענט, מיט יעדע טריט פאראויס, זענען דא מענטשן וואס סנעמט זיי צייט צו כאפן דעם סגנון פון א מאגאזין.

[אהרן זאב]

איך פארשטיי דיין פוינט, אבער ווילאנג זיי פארשטייען נאכנישט דערצו איז מאכן אזעלכע דעקלעך אן אומריכטיגע באשלוס.

[יאנטשי]

למעשה טוט דאס שוין מאמענט פאר יארן, אבער דאך האט נאך קיינער נישט געכאפט אז "דאס' איז א אריגינעלע מאגאזינישע שטיק, אנדערע מאגאזינען האבן עס כמעט נישט נאכגעטון (א בליק יא אמאל אמאל) און די עולם בלייבט אנטוישט יעדע מאל פון פריש.

עס איז נישט די זעלבע ווי אלעס אנדערש וואס @פופציגער האט אויסגערעכנט אז מאמענט איז געווען דער ערשטער עס אריינצוברענגען צווישן די היימישע מאגאזינען, יענץ זענען פאקטישע זאכן וואס גייט אריין אינעם מאגאזין, ווער עס וויל נישט ליינט עס נישט און אויב האט די עולם הנאה טוען עס אנדערע נאך, משא"כ דאס לאזט יעדע מאל באזונדער א עולם מיטן צינג אינדרויסן.

אבער באמת איז עס ווי @אהרן זאב זאגט, פשוט מארקעטינג, ממילא איז נישט ערווארטעט אז מאמענט זאל עס אויפהערן טון ווען זיי האבן א געלעגענהייט.

[פופציגער]

מאמענט טוט "דאס"? האסט אלטע קאווערס?

[גד'ל]

@אהרן זאב זאגסט זייער גוט.

מיין נקודה איז אבער געווען אביסל אנדערש ווי די האסט פארשטאנען. נעשט אז אונזער ציבור כאפט נישט און מאמענט נעמט עדווענטעדזש, נאר אונזער ציבור איז ניי צו די וועלט פון מאגאזינען, און מאמענט, מיט יעדע טריט פאראויס, זענען דא מענטשן וואס סנעמט זיי צייט צו כאפן דעם סגנון פון א מאגאזין.

עס איז נישט דא איין מהלך אין די אלגעמיינע וועלט וואס א מאגאזין איז, די מאמענט און באלייכטונגען איז קיין איין נישט מער מאגאזין וואו די צווייטע ביי די וועלט עס איז דא צענדליגער אנדערע סארטן מאגאזינען

[פופציגער]

@אהרן זאב זאגסט זייער גוט.

מיין נקודה איז אבער געווען אביסל אנדערש ווי די האסט פארשטאנען. נעשט אז אונזער ציבור כאפט נישט און מאמענט נעמט עדווענטעדזש, נאר אונזער ציבור איז ניי צו די וועלט פון מאגאזינען, און מאמענט, מיט יעדע טריט פאראויס, זענען דא מענטשן וואס סנעמט זיי צייט צו כאפן דעם סגנון פון א מאגאזין.

עס איז נישט דא איין מהלך אין די אלגעמיינע וועלט וואס א מאגאזין איז, די מאמענט און באלייכטונגען איז קיין איין נישט מער מאגאזין וואו די צווייטע ביי די וועלט עס איז דא צענדליגער אנדערע סארטן מאגאזינען

ב'דא א חילוק צווישן א צייטונג, גליון, אויסגאבע, און מאגאזין. זיכער.

[יאנטשי]

מאמענט טוט "דאס"? האסט אלטע קאווערס?

איך בין נישט פון די פארשער שטאב, איך קען דיר נאר זאגן מיין עקספיריענס און וואס איך הער פון אנדערע, שוין יארן.

איין משל וואס איך געדענק אויפן מינוט איז די קעפל "צו דארף א טעראפיסט זיין לייסענסד" און אינעם פראיעקט זעלבסט איז די קעפל געווען "פארוואס דארף א טעראפיסט זיין לייסענסד" מיט אפאר אפיניענס מיט לייסענסד נפשי שטאב ...

אדרבה, ווען 'דאס' זאל ווען זיין די פארגעטראטענע מהלך א ריכטיגע מאגאזין נעמט, וואלט מען דאך יעדע וואך געמאכט אזאנע קאווערס, נאר היות עס איז בלויז מארקעטינג צו ריקן סחורה לייגט מען אוועק די שטיק פאר טעמעס וואס ציט א גרעסערע אינטערעסע.

[פופציגער]

מאמענט טוט "דאס"? האסט אלטע קאווערס?

איך בין נישט פון די פארשער שטאב, איך קען דיר נאר זאגן מיין עקספיריענס און וואס איך הער פון אנדערע, שוין יארן.

איין משל וואס איך געדענק אויפן מינוט איז די קעפל "צו דארף א טעראפיסט זיין לייסענסד" און אינעם פראיעקט זעלבסט איז די קעפל געווען "פארוואס דארף א טעראפיסט זיין לייסענסד" מיט אפאר אפיניענס מיט לייסענסד נפשי שטאב ...

אדרבה, ווען 'דאס' זאל ווען זיין די פארגעטראטענע מהלך א ריכטיגע מאגאזין נעמט, וואלט מען דאך יעדע וואך געמאכט אזאנע קאווערס, נאר היות עס איז בלויז מארקעטינג צו ריקן סחורה לייגט מען אוועק די שטיק פאר טעמעס וואס ציט א גרעסערע אינטערעסע.

דער משל וואס דו ברענגסט איז ממש פארקערט... א פראגע אויפן קאווער, און אן ענטפער אינעם פראיעקט...

און קוק... ביסט ווייטער נישט צופרידן...

ומהאי טעמא איז מאמענט די איינציגע אידישע מאגאזין...

[בודקע]

מאמענט פרשת בה"ב.

Moment Magazine 587 Cover.jpg (517.03 KiB) געזען געווארן 712 מאל

Moment Plus 587 Cover.jpg (418.6 KiB) געזען געווארן 712 מאל

[רב הכולל]

שכח מאמענט פארן שרייבן ווער ר' דוב וואס על שמו נקרא שביל ר' דוב איז

קיינמאל געוויסט

[פופציגער]

IMG-20260507-WA0188.jpg (60.04 KiB) געזען געווארן 444 מאל

[בודקע]

IMG-20260507-WA0188.jpg

א נייע קאלום?

[פופציגער]

IMG-20260507-WA0188.jpg

א נייע קאלום?

יא

[אהרן זאב]

קען איינער קאנפירמען צו די נפשי ביילאגע איז אפיציעל פארמאכט?

[בודקע]

מאמענט פרשת במדבר.

Moment Magazine 588 Cover.jpg (488.8 KiB) געזען געווארן 123 מאל

Moment Plus 588 Cover.jpg (457.55 KiB) געזען געווארן 123 מאל

[בודקע]

YoilishGeredt - New Column Starting This Week.jpg (170.08 KiB) געזען געווארן 122 מאל