אומאן ראש השנה - מקורו מרבי נחמן?

[אסמכתא בעלמא]

די ענין פון קומען ראש השנה איז מער אלץ חסיד וואס פארט צו זיין רבי

איך זאג א טראפ מער ווי דאס. דער ענין פון פארן לאחמוע"ש צו א רבי'ס ציון, איז א חידוש, און האט נישט שייכות מיט רבי נחמן.

[חיליק פעלדמאן]

די ענין פון קומען ראש השנה איז מער אלץ חסיד וואס פארט צו זיין רבי

איך זאג א טראפ מער ווי דאס. דער ענין פון פארן לאחמוע"ש צו א רבי'ס ציון, איז א חידוש, און האט נישט שייכות מיט רבי נחמן.

איך הער וואס דו זאגסט און האסט א געוויסע רעכט אז עס איז א חידוש.

אבער ס'איז נישט 'אזא' חידוש, אין חז''ל זעט מען עס אין מערערע מראי מקומות, גדולים צדיקים במיתתם, ועוד ועוד. און בפרט אין די אר''י הקדוש וואו מען זעט גאר אסאך איבער די גרויסקייט פון גיין צו א ציון פון א צדיק און וויאזוי מען קען ממש באקומען גילויים און תירוצים אפילו טויזנטער יארן נאך די פטירה, כידוע די מעשה פונעם בן איש חי, און נאך. איז שוין נישט אזא חידוש אז מען קען מקבל זיין גאר אסאך ביי א קבר פון א צדיק. הגם עס איז אוודאי א חידוש די אופן פון התקשרות ממש וואס עס איז דא אין ברסלב, שוין, א צדיק האט א רעכט צו מחדש זיין.

אבער ר' נחמן האט אויך געמאכט גאר א גרויסע מצב פון זיין ציון און ער האט אסאך גערעדט דערפון בחייו מער ווי אנדערע צדיקים, כידוע די מצב ארום זיין ליגן אין אומאן, און ער האט אסאך גערעדט אז ער וויל מען זאל קומען צו זיין ציון לאחר פטירתו און עס איז נאר ווי ער גייט אריבער א צימער און מען קען רעדן ממש ווי צו איינעם אריבער די טיר, און בפרט בפרט און הבטחה פאר צוויי עדים וועגן זאגן תיקון הכללי.

[סטוצעך?]

ר׳ אסמכתא,

דו רעדסט אזוי ווייל דו ביזט נישט באהאוונט און די ווערטער פון ר׳ נחמן.

סאיז דא כמה וכמה שיחות ווי ר׳ נחמן האט קלארגעשטעלט זיין קשר מיט זיינע חסידים ביז משיח׳ס טאג, ר׳ נחמן האט קלאר געזאגט אז אנדערש ווי אסאך צדיקים וועלכע האבן שוין נישט קיין קשר מיט די וועלט לאחר פטירתם, בלייבט ער דא צווישן אונז.

ר׳ נחמן האט געזאגט אז זיין פטירה איז ווי ער גייט אריין אין א צווייטע צימער, ווען עטס וועטס שרייען וועל איך דען נישט הערן?

ר׳ נחמן האט געזאגט לגבי די וואס ווערן מקורב צו איהם, איך האב שוין איטליכער אויסגעקוקט ביז משיח׳ס טאג.

ר׳ נחמן האט געגעבן די הבטחה פון זאגן תיקון הכללי ביי זיין ציון.

מיין פייערל וועט שוין טליען ביז משיח וועט קומען.


ועוד כמה וכמה דיברום ווי ער האט קלארגעשטעלט אז ער בלייבט מקושר מיט זיינע מענטשן ביז משיח וועט קומען.

סוי, איה״נ אז לגבי ראש השנה איז נישטא קיין קלארע מימרא פון איהם, אבער לגבי קומען צו איהם לאחר פטירתו און ער וועט דארט זיין כבחייו איז יא קלאר פון ר׳ נחמן.

@חיליק פעלדמאן האקט.

[אסמכתא בעלמא]

@חיליק פעלדמאן @סטוצעך? כהאב געמאכט א קליינע טעות, קען זיין דאס מאכט ענק נישט גוט פארשטיין.

איך רעד פון "פארן אויף יום טוב".

פארן צו א ציון בכלליות? אודאי! דער יטב לב זי"ע האט געזאגט אז ער גייט זיך ווייטער אומקוקן אויפ'ן שטאט, איך גלייב ס'דא אסאך אזעלכע מימרות, און אפילו אן דעם, ס'דא גענוג מקורות אויף גיין צו ציונים. דער מדרש זאגט דאך אזוי אויף כלב! אודאי אודאי.

אבער "ארפן אויף יו"ט צו א ציון, צו א רבי וואס לעבט שוין נישט, דאס איז דער חידוש דא. און דאס זע איך נישט וואס עס זאל האבן מיט רבי נחמן זי"ע.

[גראדער מעכל]

@חיליק פעלדמאן
ביסט הייס גערעכט וויאזוי די לייגסט עס אראפ פון א ברסלב'ער בליק ווינקל, אבער ס'דא אסאך חסידות'ער וואס האבן א אנדערע קבלה אין דעם ענין לגבי די הבנת פונעם תלמוד אין די רבינ'ס תורות (די הגדרות וואס האסט אראפ געברענגט בלייבט ווייטער, ווייל אויפן רמח"ל איז אויך געווען טענות, און זיי בלייבן קדושים), אבער זאגן אז אזוי בלייבט עס און מען קען זיך נישט קריגן איז ממש נישט אזוי לויט די שיטה פון די חסידות'ן

כ'מיין צו זאגן צו מען קען זיך סומך זיין על הבנת התלמיד אויפן רבינ'ס ווערטער ווען די רבי לעבט שוין נישט

שוין געשריבן גענוג פאר אזא פארום, ודי בזה

[world champion]

@חיליק פעלדמאן שפתים יושק.

[חיליק פעלדמאן]

@חיליק פעלדמאן @סטוצעך? כהאב געמאכט א קליינע טעות, קען זיין דאס מאכט ענק נישט גוט פארשטיין.

איך רעד פון "פארן אויף יום טוב".

פארן צו א ציון בכלליות? אודאי! דער יטב לב זי"ע האט געזאגט אז ער גייט זיך ווייטער אומקוקן אויפ'ן שטאט, איך גלייב ס'דא אסאך אזעלכע מימרות, און אפילו אן דעם, ס'דא גענוג מקורות אויף גיין צו ציונים. דער מדרש זאגט דאך אזוי אויף כלב! אודאי אודאי.

אבער "ארפן אויף יו"ט צו א ציון, צו א רבי וואס לעבט שוין נישט, דאס איז דער חידוש דא. און דאס זע איך נישט וואס עס זאל האבן מיט רבי נחמן זי"ע.

שוין, דאס זעמיר שוין געבליבן פריער אז עס איז טאקע א חידוש, און עס קומט טאקע מתוך אונזער אמונה אין ר' נתן.

והכל על מקומו בא בשלום ושלוה.

[חיליק פעלדמאן]

@חיליק פעלדמאן @סטוצעך? כהאב געמאכט א קליינע טעות, קען זיין דאס מאכט ענק נישט גוט פארשטיין.
אבער "ארפן אויף יו"ט צו א ציון, צו א רבי וואס לעבט שוין נישט, דאס איז דער חידוש דא. און דאס זע איך נישט וואס עס זאל האבן מיט רבי נחמן זי"ע.

סתם פאר אינטערעסאנטקייט;

דער הייליגער בית אהרן פון קארלין פלעגט פארן יעדע שבועות קיין מעזשיבוזש צום בעש''ט'ס ציון.

[טיר]

גאנץ תורות הבעש"ט ווייסן מיר נאר פון די תלמידים א יעלה הדעת ווען די הייליגע תולדות ברענגט עפעס פון בעש"ט וועט איינער מפקפק זיין. ס'איז איז נישט געווען אזא רבי ותלמיד ווי ר'נחמן אין ר'נתן כידוע בפרט דא האבן אלע תלמידים אזוי פארשטאנען אזוי ווי יעדער פארשטייט אז 5 תלמידי בעשט וועל נאך זאגן די זעלבע זאך וועט יעדער פארשטיין אז ס'איז נישטא וואס צו מפקפק זיין. אבער דאס אמת אז די ברסלבע פארן טאקע ווי באלד זײ האָבן אמונה און ר'נתן וואס האט איבערגעבן גאנץ תורות ברסלב. בדרך אגב אין די שיחות שטייט קלאר אז ר'נחמן מברסלב האט געזאגט ווער ס'איז סר למשמעתו זאל זיין בײ אים אויף ראש השנה דאס מיינט אז נישט יעדער דארף זיין. נאר ס'קען זיין אז די ברסלבע האלטן אז יעדער דארף זיין א ברסלבע אבער ביז די ביסט נישט שטייט אז די דארפסט נישט קומען

[חיליק פעלדמאן]

אז מען רעדט שוין פון די אמונה אין ר' נתן און אין זיינע ווערטער, וועל איך זאגן א געדאנק וואס איך האב געטראכט וואו מען זעט ממש עין בעין ווי ר' נתן האט גוט געוואוסט וואס ער רעדט.. עכ''פ, אינטערעסאנט איז עס זיכער.

אלע ווייסן איבער וואס די יעב''ץ שרייבט אז די גרעסטע ראיה אויף די אמת פון כלל ישראל איז, די עצם מציאות אז כלל ישראל גייט אן נאך אזויפיל רדיפות און יארן לאנג פון גירושים און גלות'ן וכו'. די משך חכמה איז אויך מאריך אויף דעם, און יעדער וואס טראכט נאר אריין דערין קען עס אליין זען. פיל גרעסערע רעליגיעס עקזעסטירן שוין יארן נישט, אבער דוקא די עלטסטע און פון די קלענסטע רעליגיע אין די וועלט וואס איז דורך די מערסטע רדיפות גייט אן מיטן גאנצן שטארקייט פאר טויזנטער יארן. דאס איז מורא'דיג!

איז בדרך אסמכתא ומשל קען מען עס אביסל צושטעלן, צו ברסלב.

ווער עס קען אביסל די היסטאריע פון ברסלב קען גלייך זען דא עפעס מורא'דיגע ניסים אין די גאנצע מצב וואו אונז האלטן היינט. נישטא נאך א חסידות וואס האט געהאט אזויפיל רדיפות פון אנדערע ווי די ברסלב'ע. אכמ''ל כמובן, אבער דאס איז די מציאות.
ווי אויך איז ברסלב געווען פון די קלענסטע חסידות'ן אלע יארן און ע''פ דרך הטבע וואלט עס שוין לאנג געדארפט פארשוואונדן ווערן פון די מאפע, פיל גרעסערע חסידות'ן פון יענע צייטן זענען שוין נישט דא היינט. און נאך צו אלעם האבן זיי ניטאמאל קיין רבי און שלשלת הקודש וואס זאל עס אנהאלטן ווי אין אנדערע פלעצער.

און אייגענטליך איז באמת געווען צייטן ווען ברסלב איז באשטאנען קוים פון פינף מענטשן, כידוע אין די צייטן פון די גרויסע מחלוקת אויף ר' נתן, און טאקע אין יענע צייט שרייבט ר' נתן אין זיינע בריוון וואס זענען געדריקט אז עס וועט קומען א טאג וואס עס וועלן זיין טויזנטער מענטשן וואס וועלן לערנען אונזערע דיבורים און זיך מחזק זיין אין עבודת ה' דערמיט!! און די ספרים גייען נאך ווערן פארשפרייט איבער די גאנצע וועלט!!..
און ווען ער שרייבט דאס האט ער קוים פינף מענטשן וואס ווי ס'זעט דעמאלטס אויס קען ער בקרוב דאס אויך פארלירן ח''ו, און נאך אלס שרייבט ער מיט א פעסטקייט און מיט א שטארקע אמונה אז אויב ר' נחמן האט געזאגט אז 'מיין פייערל וועט שוין טליען ביז משיח וועט קומען', און נאך אזעלכע מאמרים, וועט עס זיכער געשען בלי שום ספק.

עטס כאפטס? ער האט פינף מענטשן, עס איז ניטאמאל דא א רבי אדער געהעריגע מנהיג, אבער ער גלייבט אז איין טאג וועט די גאנצע וועלט לערנען זיינע ספרים... ווער עס וואלט געזען דעם בריוו יענע צייטן וואלט נישט געקענט אויפהערן צו לאכן ח''ו פון זיין תמימות'דיגע אמונה... אבער וואס קען מען טון אז מען קוקט זיך ארום און מען זעט ער איז געווען גערעכט.

עס איז דא א באקאנטע שיחה פון ר' נתן אז עס וועט נאך קומען א טאג וואס עס וועלן זיין אזויפיל אידן ביים ציון ראש השנה אז מען וועט ממש דארפן שטעלן שומרים צו היטן אויף די סדר!
ר' יעקב מאיר שעכטער דערציילט אז ווען ער איז געווען א אינגערמאן פלעגט ער זיך ממש שעמען מיט דער שיחה און מען פלעגט חוזק מאכן פון די ברסלב'ע אז זיי זענען שוין פארטיג, מען פלעגט אים זאגן ''דו ביסט דער לעצטער ברסלב'ער אינגערמאן אויף דער וועלט''...

אבער היינט זעט מען ווי שלא כדרך הטבע ווערט אלעס מקוים ממש ממש בלי שום גוזמא, בעיקר פון יאר תשנ''א ווען די טויערן האבן זיך געפענט און ר' נחמן האט צוריקגעפענט זיינע טירן ברייט אפן, ווערט נאר יעדעס יאר מער און מער די מאסן עולם וואס קומען, און בכלל וואס ווערן נתקרב צו ברסלב.

מען זאגט נאך א מעשה, אזוי ווערט געברענגט אין 'איש הפלא', אז די שפאלער זיידע האט געזאגט פאר ר' נחמן אז די סיבה פארוואס ער איז חולק אויף אים איז וויבאלד זיין דרך איז א וועג פאר צוויי הונדערט יאר ארום!
אויב עס איז אמת דער מעשה איז זעט מען עס ממש עין בעין ווי היינט ווערט אנגענומען דער וועג גאר שטארק, און מען זעט טאקע ווי די סארט דיבורים איז מורא'דיג פראקטיש למעשה היינטיגע צייטן און עס רעדט עכט צו די היינטיגע מצב הדור, אפילו אלע פסיכילאגן און טעראפיסטן רעדן דער שפראך, די חילוק איז נאר אז ר' נחמן און ר' נתן האבן שוין גערעדט דערפון פאר צוויי הונדערט יאר צוריק ווען אלע ספרים האבן נאך גערעדט גענצליך א צווייטע שפראך. מען זעט עין בעין ווי סאטמאר רבי זי''ע שרייבט אז ר' נחמן האט פאראויסגעזען דער דור.

[תינוק הבורח]

@חיליק פעלדמאן @סטוצעך? כהאב געמאכט א קליינע טעות, קען זיין דאס מאכט ענק נישט גוט פארשטיין.
אבער "ארפן אויף יו"ט צו א ציון, צו א רבי וואס לעבט שוין נישט, דאס איז דער חידוש דא. און דאס זע איך נישט וואס עס זאל האבן מיט רבי נחמן זי"ע.

סתם פאר אינטערעסאנטקייט;

דער הייליגער בית אהרן פון קארלין פלעגט פארן יעדע שבועות קיין מעזשיבוזש צום בעש''ט'ס ציון.

עס איז דאך דער יארצייט דאן.

[טיר]

פרפראות לחכמה אויף תורה סא

IMG_20230801_214640~3.jpg (88.34 KiB) געזען געווארן 830 מאל

[טיר]

ואחר כך בראש השנה שחל אז ביום שבת קודש וביום א אמר אז מאמר תקעו תוכחה הנ''ל בלילה שאחר יום א של ראש השנה ואמרו במסירות נפש בפועל ממש כי ביום א של ראש השנה הנ''ל התגבר עליו החולאת שלו מאוד מאוד ויצאו ממנו דמים הרבה מפיו כמו קלוח מים ממש ונתמלאו כמה כלים מדמו והיו לו אז הקאות הרבה וכו' ותוקף התגברות החולאת אז היה בלי שיעור עד שכמעט שנגוע ונסתלק ונמשך כך עד כמה שעות בלילה.וכמה מאות אנשים שנתקבצו אליו ז״ל על ראש השנה הזה לבד מאנשי העיר הרבה מאוד וכולם היו עומדים ומצפים ומיחלים שיכנוס רבינו ז''ל אליהם לומר תורה ולא היה שום אופן לזה מחמת התגברות החולאת שלו.ואחר כך שלח רבינו ז''ל לקרוא להרב ר'נתן ז"ל שיכנוס אליו ודיבר עמו מזה ושאל אותו מה לעשות כי אי אפשר לו כעת לומר תורה אך שיש לו רחמנות גדול מאוד על אנשי הקיבוץ שנתקבצו אליו קיבוץ גדול כל כך ובטרחות ויגעות כאלה וכולם עומדים ומשתוקקים מאוד מאוד לשמוע דברי תורה מפיו הקדוש והבין הרב ר'נתן ז''ל שרוצנו של רבינו ז''ל הוא שיחזק אותו בענין זה שיכנוס אל בית הקיבוץ ויאמר לפניהם תורה והתחיל לחזק אותו בענין זה וכו' ענה רבינו ז''ל ואמר אם כן אמסור נפשי והרים ידיו כמדבר ואומר הרני מוכן ומזומן למסור נפשי בשביל זה לומר תורה וצוה להעמיד הכסא שלו סמוך לפתח כי אולי יהיה ההכרח להוציא באמצע חס ושלום. ואחר אמר תורה נפלאה הנ''ל בקול נמוך וכשהתחיל לומר לא היה אפשר לו לדבר כמעט אפילו דיבור אחד מעוצם חלישתו אך השם יתברך היה בעזרו וגמר כל המאמר הנ''ל

[פיי]

די ענין פון קומען ראש השנה איז מער אלץ חסיד וואס פארט צו זיין רבי

איך זאג א טראפ מער ווי דאס. דער ענין פון פארן לאחמוע"ש צו א רבי'ס ציון, איז א חידוש, און האט נישט שייכות מיט רבי נחמן.

איה"נ ס'איז דא כמה חידושים, און ר' נחמן אליינס האט געזאגט אויף זיך אז ער איז א חידוש, און גערעדט פון זיינע חידושים, און אז ער זאגט אנדערש ווי אנדערע, דא היבש זאכן אזעלכע.
אין א געוויסן זין, האט ער אליינס געזאגט אויף זיין כלליותדיגן דרך אז ער וויל מאכן א חידוש עפעס וואס זאל בלייבן, נישט א זאך וואס בלייבט נאר לשעה.
ער האט גערעדט פון א פייער ביז משיח'ס טאג, פון ממשיך זיין און קומען צו זיין קבר וואס איז א חידוש, סיי מיט קומען צו זיין קבר מהנה זיין מיט ווארימע תהלים, און פון גרויסע הבטחות און תיקונים אויף די צען קאפיטלעך ביי זיין קבר לכל באי עולם.
ער האט גערעדט פון זיך האלטן צוזאמען זיינע מענטשן נאך זיין פטירה, אז ער גייט פאר זיי, אז ער האט קובע געווען שם ברסלבע חסידים.
ס'דא אן א שיעור מימרות פון די מהלך, און א גרויס חלק איז געזאגט געווארן בשעת'ן זיך גרייטן צו גיין די וועלט מיט א קלארקייט, ער האט געזאגט שטארק אז ער גייט פון די וועלט, און א וואך צוויי פאר דעם גערעדט לאנגע תורות פון קומען צו אים און זיך האלטן.
ער האט אנגעגרייט א דרך א מהלך און אויסגעטראטן פאר די דורות העתידים פאר זיינע מענטשן.
ר' נתן האט למעשה מקיים געווען בפועל זיין חידוש בעולם, און ווי ווינדערליך דאס איז האלט עס אן הונדערטער יארן, אויף נישט טבע'דיגע אופנים, וואס אלע זענען מודה אז עפעס העכערס ליגט דא, אפילו די חולקים זעען עפעס א אור וואס לעשט זיך נישט.
קומט אויס אז ווען נישט ר' נתן ווערן אלע דיבורים פון ר' נחמן נישט מקוים למעשה, דאס אז ס'וואלט נישט געבליבן א בלעטל חידושי תורה איז א עקסטערע זאך, דאס האט אויך ר' נחמן געזאגט, אבער דאס איז לגבי די ספר אליינס, אבער דער דרך וואס ר' נתן האט אראפגעשטעלט מיט בלוט כפי הבנתו ברבו הקדוש, דאס האט מקיים געווען מער ווייניגער אלע שיחות ודיבורים פון צדיק ר' נחמן לגבי המשכתו עד ביאת הגואל, והלא דבר הוא.
די אנדערע גרויסע תלמידים וואס ר' נחמן האט געהאט, זיי האבן נישט געקענט טון וואס ר' נתן האט געטון, ר' נתן האט מפקיר געווען גופו נשמתו ביתו ובניו וכל אשר לו עד זוב דם, אבער זיי האבן געשיקט זייערע קינדער צו אים נתחנך ווערן, און די קינדער זענען געווען די אלע ממשיכי דרכי ר' נתן, ווי לדוגמא די צוויי גרעסטע, ר' אהרן דער רב, זיין ר' צבי ארי' ווי נכדו טשערינער רב שרייבט, ר' נפתלי'ס ר' אפרים, נישט שייך קיין גרעסערע הסכמה בעולם פון דעם אויף כל מעשי ר' נתן.

אגב איך וויל אריינווארפן א ווארט וואס מ'רעדט אויבן.
דאס וואס מ'זעט ר' נתן שרייבן, אז ער האט פארשטאנען כך וכך, ס'קען זיך דוכטען מ'רעדט ווי מיר שמועסן, מיר האבן די זעלבע ווארט 'הבנה' אין לעקסיקאן.
ר' נתן האט נישט געזאגט כמובן א ווארט אנדערש ווי אמת, (די רוה"ק שבר' נחמן איז אויך נאר לפי עדות הכותב, ועכ"פ נאמן בכתביו..) אז ער האט נישט געהערט פונקט האט ער געזאגט וואס ער האט געהערט.
אבער זיין הבנה איז נישט עפעס א אונזער סארט הבנה, וואס איז געבויעט אויף לופטיגע זאכן גרייט צו ווערן אפגעפרעגט און אוועקגעבלאזן, זיין הבנה איז געווען א פעסטן פעלזע הבנה עד עמקי הנפש מיטן גאנצן עיון ועמקות, מיט א מסקנה אז דאס איז עס מיט א אמת, א הבנה וואס איז קרוב לשמיעה ממש, אז ער שרייבט אז ער האט פארשטאנען איז דאס עפעס וואס לאזט נישט קיין ספקות, ס'איז אים נתברר געווארן מיט א קלארקייט בעיני השכל אז דאס איז געווען די רצון, ומי כמוהו מורה, ר' נתן חוץ וואס ער איז געווען א צדיק א איש אמת א עובד ה' מופלג א גאון וכו'. איז ער געווען דער גרעסטער און נענסטער תלמיד שלא זז מתחת ידו, און געהערט פון אים אן א שיעור וואס ער וויל, שטעל זיך פאר דער רבי ר' בער זאגט ער האט פארשטאנען דער בעל שם טוב האט געוואלט עפעס.

[טיר]

איך האב בטעות ארויפגעלייגט זייער א לאנגע טעקסט איך האב פראבירט אויסצומעקן ס'גייט מיר נישט אויב ס'שטערט ביטע חברי הנהלה אויסמעקן. שכוח

[אסמכתא בעלמא]

גאנץ תורות הבעש"ט ווייסן מיר נאר פון די תלמידים א יעלה הדעת ווען די הייליגע תולדות ברענגט עפעס פון בעש"ט וועט איינער מפקפק זיין

דער הייליגער תולדות איז אנגענומען אין די גאנצע חסידישע וועלט. דער הייליגער רבי נתן איז אנגענומען אין ברסלב.

דאס איז דער חילוק.

[אסמכתא בעלמא]

די ענין פון קומען ראש השנה איז מער אלץ חסיד וואס פארט צו זיין רבי

איך זאג א טראפ מער ווי דאס. דער ענין פון פארן לאחמוע"ש צו א רבי'ס ציון, איז א חידוש, און האט נישט שייכות מיט רבי נחמן.

איה"נ ס'איז דא כמה חידושים, און ר' נחמן אליינס האט געזאגט אויף זיך אז ער איז א חידוש, און גערעדט פון זיינע חידושים, און אז ער זאגט אנדערש ווי אנדערע, דא היבש זאכן אזעלכע.
אין א געוויסן זין, האט ער אליינס געזאגט אויף זיין כלליותדיגן דרך אז ער וויל מאכן א חידוש עפעס וואס זאל בלייבן, נישט א זאך וואס בלייבט נאר לשעה.
ער האט גערעדט פון א פייער ביז משיח'ס טאג, פון ממשיך זיין און קומען צו זיין קבר וואס איז א חידוש, סיי מיט קומען צו זיין קבר מהנה זיין מיט ווארימע תהלים, און פון גרויסע הבטחות און תיקונים אויף די צען קאפיטלעך ביי זיין קבר לכל באי עולם.

איר זאגט זייער גוט און חשוב.

אבער דאס איז נישט קיין חידוש אז א צדיר הייסט זיך ווייטער האלטן אינאיינעם, אדער אז ער הייסט ווייטער זאגן תיקון הכללי ביים ציון.

דאס קומען אויף ראש השנה פראווען דוקא אין אומאן, דאס איז א חידוש, אויף דעם האמיר דן געווען וועמענס חידוש דאס איז.

[טיר]

גאנץ תורות הבעש"ט ווייסן מיר נאר פון די תלמידים א יעלה הדעת ווען די הייליגע תולדות ברענגט עפעס פון בעש"ט וועט איינער מפקפק זיין

דער הייליגער תולדות איז אנגענומען אין די גאנצע חסידישע וועלט. דער הייליגער רבי נתן איז אנגענומען אין ברסלב.

דאס איז דער חילוק.

נישט קיין פראבלעם אבער אויב די גייסט מיט די מהלך קענסטו מער נישט גלייבן מער קיין איין ווארט וואס ר'נחמן האט געזאגט וועגן אלעס וואס אונז ווייס מיר היינט איז פון ר'נתן אנגעהויבן מיט ליקוטי מוהר"ן גאנץ ליקוטי מוהר"ן איז אנגעפילט מיט ר' נתן הבנה גענדיגט ביי די שיחות וואס איז גאנצן זיין שפראך וואס בדרך אגב פון די שיחות ברענגט די הייליגע סאטמאר רב א ממירא פון ר'נחמן דאס האט ר'נתן געשריבן ווי אזוי ער האט פארשטאנען ר'נחמן.דאס אלס איז פאר מענטשן וואס האבן קיינמאל אריינגעקוקט אין תורות ברסלב פאר מענטשן וואס יא ווייסן אז מ'קען דאס נישט אפטיילן א בחינה פון תריי רעין דלא מתפרשין. בדרך אגב איז דא אסאך פון אונזער פריעדיגע רבי'ס וואס ברעגן אראפ פון ר'נתן אליינס ליקוטי הלכות

[פיי]

איך זאג א טראפ מער ווי דאס. דער ענין פון פארן לאחמוע"ש צו א רבי'ס ציון, איז א חידוש, און האט נישט שייכות מיט רבי נחמן.

איה"נ ס'איז דא כמה חידושים, און ר' נחמן אליינס האט געזאגט אויף זיך אז ער איז א חידוש, און גערעדט פון זיינע חידושים, און אז ער זאגט אנדערש ווי אנדערע, דא היבש זאכן אזעלכע.
אין א געוויסן זין, האט ער אליינס געזאגט אויף זיין כלליותדיגן דרך אז ער וויל מאכן א חידוש עפעס וואס זאל בלייבן, נישט א זאך וואס בלייבט נאר לשעה.
ער האט גערעדט פון א פייער ביז משיח'ס טאג, פון ממשיך זיין און קומען צו זיין קבר וואס איז א חידוש, סיי מיט קומען צו זיין קבר מהנה זיין מיט ווארימע תהלים, און פון גרויסע הבטחות און תיקונים אויף די צען קאפיטלעך ביי זיין קבר לכל באי עולם.

איר זאגט זייער גוט און חשוב.

אבער דאס איז נישט קיין חידוש אז א צדיר הייסט זיך ווייטער האלטן אינאיינעם, אדער אז ער הייסט ווייטער זאגן תיקון הכללי ביים ציון.

דאס קומען אויף ראש השנה פראווען דוקא אין אומאן, דאס איז א חידוש, אויף דעם האמיר דן געווען וועמענס חידוש דאס איז.

זיך האלטן מיין איך מיט זיין השארה נישט מיט פרישע אדמורים, וואס דאס איז געווען די גרעסטע זאך דעמאלט און די עיקר התנגדות
די ציון מאכן אזא שטארקע עסק פון קומען צום קבר, דאס איז איינס פון די גרויסע חידושים.

[בן שמחה]

גאנץ תורות הבעש"ט ווייסן מיר נאר פון די תלמידים א יעלה הדעת ווען די הייליגע תולדות ברענגט עפעס פון בעש"ט וועט איינער מפקפק זיין

דער הייליגער תולדות איז אנגענומען אין די גאנצע חסידישע וועלט. דער הייליגער רבי נתן איז אנגענומען אין ברסלב.

דאס איז דער חילוק.

אודאי אזוי, אבער ווי ברסלב איז אנגענומען איז ר’ נתן אויך אנגענומען, ווייל די אלע צדיקים וואס האבן געלערנט און איבערגעזאגט תורות פון ר’ נחמן האבן געוואוסט אז אלעס איז אריבער דורך ר’ נתן.

[בן שמחה]

בקיצור קוקט דא אויס אז ס'איז געווען א טיילונג צווישן די תלמידי הרה"ק רבי נחמן זי"ע, און לויט ווי תלמידי רבי נתן שרייבן האבן זיך אלע צוגעשטעלט צו אים אז מ'דשארף פארן לאחר פטירה, און זיי האלטן אז די סיבה פון רבי הירש לייב'ס פארשטיין אנדערש איז נאר ווייל ער איז נישט געווען ביים רבי'ן די לעצטע יאר.

איז דאס וואס ס'איז אזוי שטארק אנגענומען איז בעצן ווייל רבי נתן זצ"ל האט אזוי פארשטאנען, והא ראי' אז רבי נחמן איז שוין געווען אזוי שוואך די לעצטע יאר און דאך האט ער געוואלט מ'זאל קומען.

איך מאך עס נישט אוועק, אבער ממש אנדערש ווי כהאב אמאל געמיינט.

נישט געווען קיין שום טיילונג,
די אנדערע גרויסע תלמידים ווי ר’ יודל מדאשוב און ר’ שמואל אייזיק וואס בעצם האבן זיי געהאט אנדערע דרכים אין עבודת השם ווי ר’ נתן און האבן געהאט אייגענע תלמידים (כ”א כפי בחינתו כדוגמת תלמידי הבעש”ט והמגיד) האבן אויך זיך צוזאמגעקומען אויף ר”ה ווייל אזוי איז געווען פשוט ביי זיי,
ר’ אהרן דער רב פון ברסלב איז נישט געקומען ווייל ווי געברענגט אויבן האט ר’ נחמן אליינס אים געזאגט אז ער זאל נישט איבערלאזן די קהלה, אבער ער האט נישט געהאלטן אז מדארף נישט גיין, זיינע קינדער און אייניקלעך האבן דאך געפארן.

[בן שמחה]

סתם אביסל קלאר צו מאכן וואס מיינט ”פארשטאנען פון ר’ נחמן צו קומען לאחר פטירתו”,
מען קען נישט אריינדייוון ביי דעם ענין אין מסורת ברסלב און נאכדעם אנהייבן מאכן מסקנות,
ר’ נחמן האט אסאך קלארגעשטעלט אז ער וויל נישט קיין ממשיך, און ער וויל עס זאל גיין תלמידים ביז משיח’ס טאג, אויך האט ער גערעדט קלאר אז ער גייט אייביג זיין ביי זיין קבר און צוגעזאגט זיין הבטחה, אזוי אויך האט ער גערעדט אז מזאל קומען ר”ה און אפי’ די לעצטע יאר האט ער עס געזאגט, האט מען אזוי פארשטאנען.
אבער נישט פונקט אויף דעם איז איינגעפאלן אז עס גייט אן לאחר פטירתו.
אגב אויף די אלע זאכן און אזוי אויך וועגן ר”ה איז אויך דא א חיי מוהר”ן פון ר’ נפתלי בכת”י.

[חיליק פעלדמאן]

בן שמחה שרייבט זייער גוט.

און איך וויל נאר צולייגן וואס איך האב שוין פריער געשריבן אז נישט נאר וואס אונז גלייבן אז ר נתן האט געוואוסט וואס ער רעדט, נאר אונז זעהען עס אויך בחוש הראיה...

נישטא קיין שום טבע אין דער וועלט אז ברסלב זאל נאך היינט זיין בכלל אויפן ארענע, און זיכער נישט די גרעסטע חסידות אין דער וועלט! נאך אן קיין שום רבי און ממשיך השושלת, נאר רובא דרובא זענען מענטשן וואס זענען אליין געווארן מקורב יעדער דורך א אנדערע מעשה און יעדער מיט זיין אייגענע מציאות החיים, טויזנטער מענטשן שפירן פלוצלינג אז דא איז דא א צדיק וואס רעדט צו אים, דא איז דא א וועג פאר אים צו באמת נתקרב ווערן צום אייבערשטן אין זיין תורה, אזאנס האט נישט קיין שום הסבר ע''פ דרך הטבע רק אצבע אלקים הוא.

און נאכדערצו אז ר' נחמן און ר' נתן האבן דאס שוין אלעס פאראויסגעזען מיט 200 יאר צוריק, מען קען מעתיק זיין צענדליגע שיחות און מאמרים וואס זענען שוין געווארן געדריקט פאר 200 יאר צוריק בשעת וואס ברסלב איז געווען די קלענסטע חסידות אין אוקריינע אז איין טאג וועלן טויזנטער מענטשן זיך מחיה זיין מיט די ספרים און דער וועג.. וכך הוי...

[אסמכתא בעלמא]

זעמיר דערווייל קלאר אזוי:

- ביי ברסלב'ע חסידים איז רבי נתן דער וואס איז מנחיל רבי נחמן'ס ירושה, און אז ער האט פארשטאנען מ'זאל ווייטער קומען אויף ראש השנה, קומט מען.

- ביי אלגעמיינע חסידישע אידן וואס פארן צו ציונים הק' נישט דוקא פון זייער גזע/קרייז, און זיי האבן מקבל געווען אז רבי נחמן איז געווען א קדוש עליון, איז זיין ציון אודאי א מקום גדול לתפילה.

- ביי די לעצט-דערמאנטע אלגעמיינע כלל ישראל, צו גיין אויף אומאן ראש השנה, האט נישט א פשט.

- צי א קארלינער/סאטמארער וכו' זאל יעצט ווערן א ברסלבער און ממילא למפרע יא אננעמען בנוגע ר"ה, דאס איז שוין א נושא בפנ"ע בנוגע חסידות'ן, נישט דאס איז די שמועס.

[חיליק פעלדמאן]

זעמיר דערווייל קלאר אזוי:

-
- ביי די לעצט-דערמאנטע אלגעמיינע כלל ישראל, צו גיין אויף אומאן ראש השנה, האט נישט א פשט.

זייער קלאר.

ר' נחמן אליין האט דאך געזאגט:

כל מי שסר למשמעתי יבא אלי על ראש השנה.