אידטיש

א שיך וואס האט געפירט אימיגראנטן נעבן איטאליע האט זיך איבערגעדרייט. זיבן מענטשן זענען שוין געראטעוועט געווארן, און איין און צוואנציג ווערן נאך געזוכט.

א מאראטאן טשעמפיאן אין אוגאנדע איז געשטארבן נאכן ווערן באגאסן מיט א קאנע געזאלין און אינטערגעצינדן דורך א קאלעגע ספארטלער.

די איסלאמיסטישע טאליבאן רעזשים אין אפגאניסטאן האט פארבאטן פרויען פון רעדן/זינגען פארן פובליק.

כינע וועט אפהאלטן א דריי טאגיגע זיצונג מיט העכער פופציג אפריקאנע לענדער אין א פארזוך אויסצושפרייטן איר מאכט און איינפלוס אין יענעם ראיאן.

שאינו יודע לשאול האט געשריבן: ↑דאנערשטאג סעפטעמבער 05, 2024 3:23 pm א שיך וואס האט געפירט אימיגראנטן נעבן איטאליע האט זיך איבערגעדרייט. זיבן מענטשן זענען שוין געראטעוועט געווארן, און איין און צוואנציג ווערן נאך געזוכט.unnamed - 2024-09-05T152142.989.jpg

די שיף האט לויט באריכטן געפירט פליטים פון ליביע.

אין א צייכן אז אייסיס גרופירט זיך צוריק אין איראק, זענען זיבן אמעריקאנע טרופן פארוואנדעט געוארן אין א צוזאמשטויס מיט אייסיס קעמפער, כאטש 14 טעראריסן זענען אומגעברענגט געווארן.

ווייניגסטנס 129 זענען אומגעקומען אין קאנגאו, ווען דער גרעסטע טורמע אין לאנד טורמע איז אויפגעבראכן געווארן און ארעסטאנטן האבן פרובירט צו אנטלויפן.

טשיינע וועט אפהאלטן מיליטערישע דרילס מיט רוסלאַנד שפעטער און חודש

47 ארעסטאנטן זענען אנטלאפן פון א מאקסימום זיכערהייט טורמע אין ליבעריע, א מאסיווע זוכעריי איז געלאזט געווארן אין גאנג.

סעמסאנג פלאגט זיך צו אנגיין מיט פראדוקציע בשעת הונדערטער ארבעטער ביי א וויכטיגע פלענט אין אינדיע זענען אויף סטרייק.

די נייע איראנער פרעזידענט איז אנגעקומען אויף א באזוך און איראק

שווערע פאליצייאישע קרעפטן אין פאקיסטאן זענען איבערגעפאלן די ארטיגע פארלאמענט און ארעסטירט אמווייניגסטנס צען געזעצגעבער וועלכע זענען אפיליאירט מיטן געוועזענעם פריים מיניסטער אימראן קאהאן, וועלכער איז ארעסטירט געווארן דורך די מיליטער א צייט צוריק.

מעקסיקאנע געזעצגעבער האבן באשטעטיגט א קאנסטיטוציאנאלע אמענדמענט וואס וועט דראמאטיש טוישן די וועג וויאזוי ריכטער אין לאנד ווערן געשטעלט אויפן אמט. די געזעץ פארשלאג איז אויסגעשטאנען היציגע פראטעסטן איבערן לאנד, אבער די שטיצער דערפון זאגן אז דאס וועט אויסראטן קארופציע אין די געריכט הייזער.

נאך א לענגערע צייט וואס ס'האט אויסגעזען אז פאקיסטאן איז אויפן וועג צו אויסראטן פאליא אין לאנד, פלאגט זי זיך אצינד מיט א פרישע גרעסערע אויסברוך.

אמעריקע, קאנאדע, און ענגלאנד באשולדיגן די רוסישע אלוועלטליכע מידיע נעץ RT אז זי אפערירט ווי א לאנגע ארעם פון די רוסישע שפיאנאזש, און האבן ארויפגעלייגט סאנקציעס אויף די פירמע.

פיר הויכראנגיגע אייסיס פיגורן, אריינגערעכנט איינס פון זייער גרעסטע באמבע פראדוצירער זענען אומגעברענגט געווארן אין א אקציע דורך אמעריקאנע און איראקע טרופן פריער אין יאר, לויט ווי די פענטאגאן זאגט יעצט. די אקציע האט איבערגעלאזט זיבן אמעריקאנע סאלדאטן פארוואונדעט.

כינעזע שיפן האבן פארטריבן פיליפינע שיפן פון חלקים פונעם כינעזע ים אויף וועלכע זיי האבן דערקלערט קאנטראל. דאס איז נאך איינס אין די רייע קאנפראנטאציעס צווישן די צווייי לענדער אין דעם וואסער וועלכע האט שוין געשעדיגט עטליכע פיליפינע שיפן און פארוואונדעט עטליכע מאטראזן דורכאויס די פארגאנגענע מאנאטן.

גאר שווערע רעגנס וועלכע האבן איבערגעפולט פילע טייכן אין אייראפע האבן געצוואונגען טויזנטער צו עוואקואירט ווערן, די ערגסטע איז קאזאכסטאן באטראפן געווארן.

ווענעזועלעס דיקטאטור מאדורא האט ארעסטירט זעקס אויסלענדישע בירגער אריינגערעכנט א אמעריקאנע נעווי סיעל אויף באשולדיגונגען אז זיי האבן פלאנירט צו 'דעסטאביליזירן' די לאנד. אין לויף פון די אקציע האבן אגענטן אויך קאנפיסקירט ארום פיר הונדערט גאנס. אמעריקאנע באאמטע זענען ארויסגעקומען שארף לייקענען אז ס'איז געווען סיי וועלכע פלענער צו אומווארפן מאדורא.

מאסיווע פארפלייצונגען האבן היינט פארשוועמט גאסן און, פוילן, רומעניע, און מאלדאווע

א 5.2 ערדציטערניש האט געטרייסעלט איראן

6 מענטשן זענען אומגעקומען און פארפלייצונגן וואס האבן באטראפן יאפאן

אינדיע'ס גרעסטע אינשורענס פירמע 'סטאר העלט' האט אריין געגעבן קלאגעס קעגן טעלעגראם פארן ערלויבן העקערס צו נוצן די פלאטפארמעס 'באטס' צו גנב'נען פריוואטע מעדיצינישע אינפארמאציע פון פאציענטן.

סטאקס וועלכע זענען פארבינדן מיט כינע זענען די וואך שיין געוואקסן, נאכפאלגענדיג כינע'ס גרעסטע סטימולוס פעקל זינט קאוויד.

די כינעזער רעגירונג האט ארויס געשיקט א פרישע סטימולוס פעקל כדי צו באזיגן די 'דעפלאציע' וואס פלאגט שוין דאס לאנד א שטיק צייט.