totty האט געשריבן: ↑דינסטאג פעברואר 17, 2026 4:29 pm
איך בין נישט געהייערט דורך מסורה און נישט דורך חינוך יו קעי
וויפיל האב מברר געווען ביז אהער איז גענוג למבקשי האמת פון דא און ווייטער האבעך קלארגעשטעלט אז כבין ב"ה פארנומען און אויב וועט זיין שאלות וועט מען פרובירן מברר זיין איינמאל א וואך מערסטענס
און ניין כגיי יעצט נישט קאלן אויף לאנדאן איך האב וויכטיגערס לעת עתה
הצלחה מיט שמחה
עס איז טאקע ריכטיג אז דאס וואס איר האט מברר געווען ביז אהער איז גענוג פאר מבקשי האמת צו וויסן וויפיל ווערט עס האבן אייערע 'מסורה' בירורים, צוזעהנדיג וויפיל מאהל די ווערסיעס פון די 'מסורה' בירור האט זיך געטוישט, און וויאזוי די אלע ווערסיעס האבן זיך צום סוף אויפגעוויזן צו זיין לעכערליכקייט אדער פאלש,
איך לייג עטליכע דוגמאות אין ספוילער:
► Show Spoiler
לדוגמא, די פרשה פון די 'תועבה פענער' וואס א מוסד האט ארויסגעהאנגען בריש גלי, איז די ערשטע ווערסיע געווען 'עס איז א דמיון'... קיינמאל נישט געווען אזא זאך... דערנאך די צווייטע ווערסיע: עס איז טאקע יא געשעהן, אבער א 'שפיצל פרוי' פון די הייליגע מוסד האט געמאכט א 'שושנים פראגראם'... און געמיינט אז 'שושנים' איז טייטש 'קאלירטע פענער'... און זוכנדיג אויף עמעזאן איז פון זיך אליין ארויפגעקומען 'תועבה פענער'...
נאך א דוגמא, די ריפארטס פון די היי סקול וואס האט זיך געבראכן און אונטערגענומען צו לערנען די טריפה'נע לימודים פון 'קאנסענט שמוץ', ווען מען האט קודם גענוצט אן אלטע ריפארט (24') צו פארשטעלן אז די מוסד לערנט דאס נישט, און נאכן אויפווייזן אז די נייע ריפארט (25') זאגט קלאר אז זיי האבן זיך שוין געבראכן און אונטערגענומען צו לערנען די 'קענסענט שמוץ', דאן האבן די ווערטער פלוצלינג באקומען אן אנדערע באדייט, ואס האט ניטאמאל זיך געלייגט אויפן גראדן שכל.
און נאך איינס, בנוגע די אנגעבליכע קאורט קעיס אקעגן אפסטעד, וואס די ווערסיעס האבן זיך כסדר געטוישט פון 'גייט מען גיין אין געריכט'... (מיטוואך וארא), און 'די עסקנים האלטן אינמטן עפענען א קאורט קעיס'... (מאנטאג בא), צו 'חינוך יו.קעי. איז מיט זיי אין געריכט יעצט'... (דינסטאג בא), דערנאך 'עס איז שוין עטליכע חדשים אין געריכט'... (פרייטאג יתרו), און ענדגילטיג אז גאר דער 'געריכט געראנגעל איז געעפנט געוארן פארגאנגענעם חודש סיון תשפ"ה'... (דינסטאג משפטים)... אבער קיין קעיס נאמבער איז נישטא צום געפינען...
ווי אויך די היפאקריטיע און דאפעלטע סטאנדארטן וואס מען האט יעדעס מאהל געדרייט כחומר ביד היוצר לויטן געברויך:
אפסטעד ריפארטס וואס שטימען נישט מיט אייער אגענדע זענען פאלש... ריפארטס ווא שטימען יא מיט אייער אגענדע זענען אמת...
אין ניו יארק איז נעמען א פעטוועי צו מקבל זיין צו לערנען אלעס די ערגסטע זאך... אבער אין לאנדאן איז אריינגעבן א קוריקולום אויף טריפה'נע לימודים מותר לכתחילה...
אין לאנדאן פארקויפט מען נישט קיין לאקשן פאר די חינוך יו.קעי. רבנים... נאר אין ניו יארק פארקויפט פערל'ס לאקשן פאר זייערע רבנים...
וכהנה וכהנה נאך אסאך אסאך זאכן...
אבער סאך מער האבן זיך די מבקשי האמת איבערצייגט פון די זאכן וואס איר האט '
נישט' געוואלט\געקענט מברר זיין ביז אהער, און איר האט נאך ביז היינט נישט צוגעשטעלט די זאכען וואס מען האט אייך געבעטן צו ברענגען די פראף
1) איר האט נישט געברענגט די דאקומענטן פונעם אנגעבליכען געריכט אקעגן אפסטעד, אדער כאטש די קעיס נאמבער...
2) איר האט נישט געברענגט די 2 מחאה בריוון פון סקווירא מוסד, (וואס זאל כאטש באשטעטיגן די זינלאזע טענה אז אפסטעד האט געמאכט א פאלשע ריפארט)...
3) איר האט נישט געברענגט די געזעץ פון 14' וואס האט -לשיטתכם- פארלאנגט צו לערנען חשיבות פאר אנדערע רעליגיעס, נישט נאר פאר די מענטשן...
און יעצט פריש
4) קענט איר נישט ברענגען קיין קלארע הסבר וואס איז די שרעקליכע גזירה פון די נייע סקולס ביל...
נ.ב. די תירוצים פון יא פרעגן נישט פרעגן, איז שוין אויסגעוועפט פון צופיל נוצען,
ווען די עסקני חינוך יו.קעי. האבן וואס צו ענטפערן און שפירן אז זיי קענען עפעס איינרעדן פארן ציבור, דאן שיקן זיי פון זיך אליין פאר די 'מסורה' שרייבער אנדעם וואס ער זאל דארפן פרעגן,
זיי קענען אליין מיטהאלטן די שמועסן דא, און דארפן נישט ווארטן אז
@totty זאל זיי אנפרעגן, און אז זיי האבן נאך ביז יעצט נישט געשיקט עפעס א ווערסיע מיט א געהעריגע הסבר, קוקט אויס ווי זיי זענען נאך אין א ערנסטע פלאנטער וויאזוי צו מסביר צו די שרעקליכע גזירה פון די נייע סקולס ביל.