► Show Spoiler
אלזא ווען האקעלע נקודות ווערן באהאנדלט אין פארעם פון ניגונים, אין פארעם פון לייכטזיניגע דרשות און באשרייבונגען, נישט פון די סארט אידן וועם אונז וואלטן געווען באקוועם אז אונזערע קינדער זאלן זיך דרייען מיט זיי, ווען סענסיטיווע ענינים וואס ווען רבנים און די עיני העדה דארפן רעדן דערפון גרייטן זיי זיך צו דערצו מיט א פחד אז עס זאל נישט ארויסקומען די אומריכטיגע מעסעדזש, ווען דאס ווערט ארויסגעברענגט מיט א טאן וואס ברענגט לאו דוקא ארויס יראת שמים וכובד ראש, דאן איז דאס א שרעקליכע סכנה אז די שוואכערע במחנינו, אדער אפילו די שטארקערע במחנינו וועלכע געפונען זיך אין א שוואכע מינוט, זאלן זיך ארויפכאפן אויף די סארט ווערטער וועלכע וועט זיי אראפפירן אין אפגרינד, זיי וועלן אויפכאפן וואס זייערע שוואכע אינסטינקן ווילן אז זיי זאלן אויפכאפן, נישט וואס דער משפיע האט געוואלט אז זיי זאלן דערהערן... ביי קאוויד האט דער רבי זז"ג שטארק גערעדט איבער זיין פחד וועגן די חרבנות וואס , די ניגון פון בעקישע ספעציפיש: די ניגון האט צוויי חלקים, עס האט איין חלק וואס זאגט איך דארף נישט דיין בעקישע, און עס האט א צווייטע חלק וואס זאגט פאזיטיוו, דהיינו איך דארף דיך, די מעסעדזש וואס די ניגון דארף אפיציעל ארויסברענגען איז אז אויב דו געפונסט זיך אין אן אונס אז דו האסט נישט קיין בעקישע, צו זאל דאס זיין א טעכנישע אונס אז דיין בעקישע איז געבליבן סטאק אין עירפארט א שעה פארן זמן, צו דיין בעקישע איז צוריסן געווארן און האסט נישט קיין ערזאץ אויף ביז נאך שבת, דאן זיי נישט צושאסן און צובראכן שפירנדיג ווי א דורכפאל ווייל כ'האב נישט קיין בעקישע, כ'האב נישט יוצא געווען כלפי שמיא ווייל כ'האב נישט קיין בעקישע, קומט דער ניגון און איז אים מחזק, מיין טייערער איד! דער באשעפער דארף פנימיות! דער באשעפער דארף טאקע דיין בעקישע! אבער דער תכלית פון א בעקישע איז נישט קיין בעקישע! דער תכלית פון בעקישע איז אז זאלסט זיך אויפפירן ווי א חסידישע איד! זאלסט זיך פירן איידל און דערהויבן! עס זאל דיר ברענגען יראת שמים און א ווארעמקייט וואס חסידישע בכבודיגע בגדים ברענגען אויף א מענטש! דער אמורא וואס האט אנגערופן זיינע קליידער מכבדותא, ווייל די בגדים ברענגען רעספעקט אויף א מענטש! אבער דו וואס דו האסט נישט קיין בעקישע אבער דו פירסט זיך העכער! דיין בעקישע איז טאקע נישטא, אבער דיין יראת שמים! דיין צובראכן הארץ! דיין פינטעלע איד! דיין עצם זיין מזרע אברהם יצחק ויעקב! דער גרעניצלאזע אהבה פון אייבערשטן צו יעדן איד אין יעדן מצב! דאס איז קאי וקיימא! קיין איין בעקישע איז נישט קיין תנאי דערצו! גייט מיר אן יא בעקישע נישט בעקישע, דאס אלעס גייט אן אן קיין בעקישע אויכעט! צו זאל עס זיין א מצב ווען א איד האט ל"ע געגליטשט, ער האט זיך פארשמירט, ער האלט שוין ליידער ביי אזא נידריגע מצב אין אידישקייט אז ער גייט שוין נישט מיט א בעקישע!!! ער טראכט זיך איבער און ער איז צופיצלט און צושאסן, קוק מיך אן נעבעך... איך האב שוין ליידער נישט קיין בעקישע... דער מנגן שיסט אים אריין א דאזע חיזוק! דער אייבערשטער איז מיט דיר!!! דו גייסט נאך אמאל אנטון א בעקישע ווי עס פאסט! אבער יעצט באשר הוא שם, זאגט דער אייבערשטער, דער בעקישע איז מיר יעצט נישט קיין אפהאלט! דו ביסט מיינער אפגעזעהן אין וועלכע לבוש דו גייסט! דו קענסט האבן א כתובת קעקע ל"ע און זיין מיינער! די רגע וואס דו באשלוסט צוריקצוקומען צו מיר, אפגעזעהן צו עס זעהט זיך שוין פונדרויסן, אבער איך נעם דיר אויף מיט ברייטע ארעמעס! קום צוריק, און מוזט נישט צוריקקומען דייקא מיט א בעקישע! קענסט צוריקקומען מיט דזשינס הויזן אויכעט! דו וועסט זיך נאך צוריקכאפן!!! אויב מיינסטו עס אמת'דיג דאן וועסטו נאך צוריקזיין א פייערדיגע ערליכע חסידישער איד!!!=============== דער ניגון ברענגט אומדירעקט אויך א שארפע מעסעדזש צו די פראסטאקעס באיצטלא דרבנן, די פרומע פויערן, דו מיינסט אז דו קענסט טון אלע עבירות שבתורה ווייל דו האסט א חסידישע בעקישע? דו מיינסט אז ווייל דיין זיידע איז געווען א רבי ביסטו שוין מושל בכיפה און יעדער מוז זיך בוקן צו דיר? דו מיינסט אז ווייל דו רופסט זיך חסידישער פרומער איז יעדע רשעות קעגן די אנדערע אן אזעלכע בעקישעס בארעכטיגט? דנאכן הערן דעם ניגון באקומען אונז חיזוק צו אנטון א בעקישע? אדער באקומען אונז בארואיגונגס פילן אז אין א שוואכע מצב זאלן אונז נאכלאזן אין דעם ענין פון בעקישע? די ניגון ברענגט ארויס עטליכע נקודות קאנטשעסלי און סוב קאנטשעסלי, איין נקודה וואס דאס איז אויבנאויף די מערסט ריכטיגע נקודה, און די הכשר אויף די ניגון, אז ווען דו געפונסט ז