מסע הקודש פון אדמו"ר מסאטמאר (מהר"א) שליט"א קיין אייראפע

[מיילעך פריילעך]

בצל הקודש
נאך בילדער: רבינו שליט"א ביים אפשטייגן פונעם באן אין אנטווערפען, און ביים זיך אומקוקן אויף די לימודים פאר שחרית אין ביהמ"ד הגדול אין אנטווערפען.
~~

[מיילעך פריילעך]

נאך בילדער.

[מיילעך פריילעך]

כ''ק רבינו הגה''ק שליט''א ביים אראפשטייגן פונעם פריוואטע פליגער אין באניא רומעניע

סאטמאר'ע נייעס

[שאינו יודע לשאול]

כ'הער אז ס'איז געווען פראבלעמען מיט מענטשן וואס האבן נישט געהאט קיין פלאץ אויפן קאנעקטינג פלייט, און זענען געשטראנדעט אין דייטשלאנד, איינער מיט מער דיטעילס?

א חבר זאגט מיר אז זיין טאטע איז סטאק אין דייטשלאנד און מיט די שנעלסטע וועג קיין רומעניע וועלן זיי אנקומען הארט פאר שבת, ס'מיינט בעסיקלי פארפאסן די יארצייט.

אויך הער איך וועגן א מאנטריאלע קבוצה וואס איז שטעקן געבליבן ערגעצוואו, אויב איינער ווייסט עפעס מער זאל זיך אנרופן.

[מיילעך פריילעך]

בצילא דמהימנותא
=ערש"ק פרשת מטו"מ אין סיגוט רומעניע - דאנערשטאג מטו"מ ביינאכט אין ניו יארק=

היינט ארום 8:00 אינדערפרי אין סיגוט רומעניע 1:00 ביינאכט אין ניו יארק וועט פארקומען דעם מעמד הנשגב התעוררות בקשת רחמים ווען כ"ק מרן רבינו הגה"ק שליט"א וועט ארויפגיין אויפ'ן ביה"ח אין שטאט סיגוט מקום מנוחת קדשו פון מרנן רבותינו הקדושים שרפי מעלה זי"ע און אינאיינעם מיט הונדערטער אנשי שלומינו אויסזאגן דעם גאנצן ספר תהלים איינצורייסן און מתפלל זיין למען ישועות הכלל והפרט.

מ'וועט קענען מיטהאלטן א הוק-אופ אויף קול סאטמאר 13518887117

"עורי נא התעוררי נא - תהא השעה הזאת שעת רחמים"
~~

[totty2024]

בצילא דמהימנותא
=ערש"ק פרשת מטו"מ אין סיגוט רומעניע - דאנערשטאג מטו"מ ביינאכט אין ניו יארק=

היינט ארום 8:00 אינדערפרי אין סיגוט רומעניע 1:00 ביינאכט אין ניו יארק וועט פארקומען דעם מעמד הנשגב התעוררות בקשת רחמים ווען כ"ק מרן רבינו הגה"ק שליט"א וועט ארויפגיין אויפ'ן ביה"ח אין שטאט סיגוט מקום מנוחת קדשו פון מרנן רבותינו הקדושים שרפי מעלה זי"ע און אינאיינעם מיט הונדערטער אנשי שלומינו אויסזאגן דעם גאנצן ספר תהלים איינצורייסן און מתפלל זיין למען ישועות הכלל והפרט.

מ'וועט קענען מיטהאלטן א הוק-אופ אויף קול סאטמאר 13518887117

"עורי נא התעוררי נא - תהא השעה הזאת שעת רחמים"
~~

מזאגט נאר פון צ ביז ק"ז

[מיילעך פריילעך]

ביסט זיכער?
כגלייב נישט.

[בן תורה]

יא, אויך געהערט דערוועגן

[מיילעך פריילעך]

בצילא דמהימנותא
מרן רבינו הגה"ק שליט"א פארלאזט יעצט דעם ציון הק' אין שטאט סיגוט נאכ'ן פוקד זיין די ציונים פון רבותינו הק זי"ע.
~~

[מיילעך פריילעך]

ווייזט אויס אז עטס זענטס גערעכט.

[נארמאלע מענטש]

באריכט פון געהויבענעם באזוך פון כ'ק מרן רבינו שליט''א אין אנטווערפען


ארום 5:25 פארטאגס אמסטערדאם זייגער (11:25 ניו יארק'ער זייגער) האט די פליגער פון רבינו שליט"א געלאנדעט אינעם אמסטערדאם לופטפעלד, ווי דער רבי איז אפגעווארט געווארן דורך אן ענגע צאל ראשי ונכבדי הקהילה וועלכע האבן שלום גענומען, דער רבי איז אריבער צום באן סטאנציע אינעם לופטפעלד און עוסק געווען בלימודו באשמורת הבוקר בשעת'ן אויסווארטן אויפן באן,

ארום 6:25 איז דער רבי אויפגעשטיגן אויפ'ן שנעל-צוג באן פון וואו דער רבי איז געפארן ארום א שעה אויפ'ן וועג קיין אנטווערפן,

 "צהלי ורוני יושבת אנטווערפן"

ארום 7:30 איז די באן פון רבינו שליט"א אנגעקומען אינעם צענטראלע אנטווערפן באן סטאנציע ווי דער רבי איז אפגעווארט געווארן דורך הונדערטער תושבי העיר און צענדליגער אנשי שלומינו בראשות רבני ודייני קהילתינו הק' און דער ציבור איז אריבער שלום נעמען,

דער רבי איז תיכף צוגעפארן צום אכסניא אין שטוב פון הרבני החסיד ר' ליפא בערקאוויטש הי"ו.

פאר שחרית איז דער רבי געגאנגען אינעם פריוואטן מקוה פון הרה"ח ר' חיים יודא ווייס הי"ו.

ארום 8:50 איז דער רבי אנגעקומען אין ביהמ"ד הגדול דקהלתינו הק' אין אנטווערפן, דער רבי איז צום ערשט אריין אינעם היכל התורה 'היכל ברך משה' וואו עס איז פארגעקומען א סדר הלימוד קודם התפילה פאר די בחורים תלמידי ישיבתינו הק',
דער רבי האט זיך באגריסט מיט'ן מנהל הר"ר ישראל קליין שליט"א און דערביי געהערט א קורצע באריכט איבער די ישיבה,
דער רבי האט ארומשפאצירט צווישן די בחורים און זיך אומגעקוקט אויף די לימודים פאר א לענגערע צייט מיט גרויס קורת רוח און דער רבי האט זיך מפלפל געווען אין לערנען בשעשועי אורייתא מיט די בחורים.

ארום 9:05 איז דער רבי אריינגעקומען בהיכל הביהמ"ד צו תפילת שחרית,
דער רבי האט געלייגט טלית ותפילין אין ביהמ"ד,
פאר'ן דאווענען האט דער רבי תפילין געלייגט פאר די בר מצוה בחור בהר"ר יעקב פסח הירשלער שליט"א - ר"מ בישיבה קטנה וויזשניץ,

בעל תפילה: הב' לייביש ב"ר אנטשיל קאליש הי"ו.
ביים ליינען זענען מכובד געווארן,
פתיחה: הרה"ח ר' מאיר הירש הי"ו – מראה"ק והמוסדות ק"י,
בעל קורא: הרה"ח ר' יעקב שרייבער הי"ו
כהן: הרה"ח ר' שמואל הכהן פריעדמאן הי"ו - משב"ק,
לוי: הרה"ח ר' יצחק ב"ר חיים לעווי הי"ו - אנטווערפען,
שלישי: רבינו שליט"א, דער רבי האט געבענטשט גומל און מוציא געווען די פילע געסט, און דערנאך געמאכט א מי שברך לבת הנולדה למז"ט אצל ר' יודא אלי' ראטה הי"ו,
הגבה: הרה"ח ר' חיים שלמה פישער הי"ו - משב"ק.
גלילה: הב' המשב"ק חנני' יו"ט ליפא דייטש ני"ו.

ארום צען מינוט נאכ'ן דאווענען איז רבינו שליט"א ערשינען אין היכל הביהמ"ד צום מעמד קבלת פנים ומסיבת לחיים, ווי הונדערטער אנשי שלומינו ותושבי העיר, בראשות רבני ודייני העיר, האבן ענטפאנגען דעם רבי'ן בשירה וזמרה,
מען האט געזינגען עטליכע ניגונים,
דער רבי האט געמאכט א לחיים און דערנאך משמיע געווען דברות קודש, דער רבי האט זיך געשטעלט אויפן פסוק איש כי ידור נדר לה' וכו' לא יחל דברו, זאגט רש"י לא יעשה דבריו חולין, און דער רבי האט ארויסגעברענגט אז ביי דברים שבקדושה דארף זיין לא יעשה דבריו חולין, ער זאל נישט האלטן וואס בין איך דען און מיין עבודה איז גארנישט ווערד, נאר פארקערט ויגבה לבו בדרכי ה', מען דארף וויסן מיין תורה און מיין דאווענען איז זייער חשוב אויבן אין הימל,
און דער רבי האט ארום גערעדט בשבח הקהילה, און דערמאנט אז די קהילה איז נתייסד געווארן דורך רבינו הקוה"ט זי"ע, און אויפגעפאדערט אלע אנ"ש צו האבן א גאות דקדושה, און זיך פירן לויט זיינע הוראות אין אלע עניינים, און פאדערן פון זיך אליינס נישט נאכצולאזן כי הוא זה פון אלע ענינים וואס מען האט אונז געלערנט, סיי בעניני דיעות, און השקפה ברורה, און נישט האבן קיין התפעלות פון קיינעם, יעדער איינער זאל וויסן אז זיין עבודה איז חשוב אין הימל, מיין בלאט גמרא, פרק משניות, קאפיטל תהילים, מיין חינוך הבנים והבנות על דרך התורה והיראה, דאס איז אלעס זייער חשוב אויבן אין הימל, דורכדעם קומט מען צי צו עבודת ה' בשמחה ובהתרוממות,
דער רבי האט אויפגעפאדערט אנ"ש צו לערנען און דאווענען בהתלהבות, און זיך פירן ווי אן איש מורם מעם, א חסיד'ישער איד, יעדער זאל זיכער מאכן אויף זיך, די ב"ב, די קינדער, אלע זאלן זיין געהויבן, נישט נאכגיין נאך די גוי'אישע גאס, און אפילו נישט די אידישע גאס וואס איז שוואכער, פאדערן פון זיך איך דארף זיין בעסער שענער און העכער, מיין שטוב דארף זיין בצניעות, די מלבושים, די אשת חיל, די טעכטער, און די אייגענע התנהגות אין אלע ענינים זאל זיין ווי עס פאסט פאר תלמידי וחסידי רבוה"ק זי"ע,
באזונדער האט דער רבי ארום גערעדט איבער די נסיונות בעניני טעכנאלאגיע, און אויפגעפאדערט אנ"ש צו שטיין ווייט דערפון ווי פון פייער, און נישט אריין לאזן קיינע פון די כלים אין שטוב,
דערנאך האט דער רבי מאריך געווען בשבח הקהילה, די ביהמ"ד לתורה ולתפילה, די לימוד התורה בטהרה, די רבנים ומרביצי תורה, די מורי הוראה לשרות הציבור בלב ובנפש, די כולל אברכים וואו די אינגעלייט זענען זיך ממית באהלה של תורה, און געוואונטשן גרויס הצלחה, אבער די קרוין פון די קהילה איז די ישיבה, דער רבי האט מאריך געווען בשבח הישיבה, און שטארק אויפגעפאדערט אלע בחורים מ'זאל אויפשטיין פארטאגס לערנען פארן דאווענען, און לייגן א גרויסער דגוש אויף דעם, אזוי האבן זיך געפירט חסיד'ישע אידן אלעמאל, און אזוי פירט מען זיך אין אלע ישיבות דקהילתינו הק', און פארענדיגט בברכת קדשו מ'זאל שטייגן און וואקסן אין תורה, עבודה, דאווענען בקול ובהתלהבות, זיין ערליך און אפגעהיטן, שטייגן בתורה ויר"ש ומדות טובות, התנהגות בין אדם למקום, ולחבירו, זיין אפגעהיטן פון גאס, שמירת ענים, שמירת המחשבות, און געוואונטשן פאר די מרביצי תורה און עלטערן בכל מילי דמיטב,
דערנאך האט דער רבי בקול חנוק מדמעות פארגעזעצט אני בדרך נחני ה', מ'איז געקומען דא אויף א קורצע אפשטעל אויפן וועג צום עיר האבות סיגוט אויף שב"ק - יומדהל"ק פונעם ראש השושילתא מרן הישמח משה זי"ע, זונטאג גייט מען גיין צום ציון אין אוהעל, און דערנאך קיין צאנז צום ציון פונעם הייליגער דברי חיים זי"ע, רעדה אחזתני, אז מ'טראכט וואו מ'פארט, השי"ת זאל העלפן מ'זאל מצליח זיין, מ'פארט בשליחות פון אידישע קינדער, אידישע קינדער דארפן ישועות און רפועות אין אסאך ענינים, השי"ת זאל העלפן מ'זאל קענען מתפלל זיין ווי ס'דארף צו זיין, און פועל'ן פאר אידישע קינדער וואס זיי דארפן, ויושר יליצו בעדינו חיות אש, אלע צדיקים שרפי מעלה, כל אחד כדאי לעצמו, השי"ת זאל העלפן זכותם יגן עלינו ועל כל ישראל, מ'זאל געהאלפן ווערן בכל מילי דמיטב, דער זיידע דער ישמח משה האט דאך אזויפיל מתפלל געווען פאר די גאולה, און אוזיפיל מחכה געווען פאר די גאולה, זאל השי"ת העלפן מ'זאל פועל'ן די גאולה שלימה בביאת גוא"צ בב"א.
דערנאך זענען די תלמידי המוסדות און נכבדי אנ"ש אריבער נעמען שיריים,
נאכן מעמד האט דער רבי פארלאזט די ביהמ"ד און איז אריבער צום שטוב פון הרה"ח ר' יואל פאגעל הי"ו - מגדולי עסקני קהילתינו הק' צו פת שחרית,

ארום 2:20 איז פארגעקומען בבית האכסניא א מסיבה לטובת די ישיבה קטנה אינאיינעם מיט די הנהלת הישיבה און די נדיבי ותומכי הישיבה,
דער רבי האט געהערט א באריכט פון די הנהלה,
דער רבי האט געמאכט א לחיים און ווארעם אנגעוואונטשן פאר די נדבנים און פאר די הנהלת הישיבה.

ארום 3:00 איז דער רבי אנגעקומען אין ביהמ"ד הגדול וואו הונדערטער אנשי שלומינו תושבי העיר האבן געהאט די געלעגנהייט אריין צו גיין בקודש פנימה מיט א קוויטל להיפקד בדבר ישועה ורחמים,

בעת די זמני כניסה זענען אריין בקודש פנימה א קבוצה בחורים מתלמידי ישיבתינו הק', וועלכע האבן זיך געשטעלט צום פארהער אויף גאנץ מסכת פסחים גפ"ת,
דער רבי האט פארהערט די בחורים פאר א לענגערע צייט מיט א קענטיגע קורת רוח, און פארטיילט פאר די מצטיינים א געבענטשטע זיידענע גארטל במתנה.

נאך די זמני כניסה ארום 4:45 איז דער רבי ארויפגעגאנגען צום היכל הישיבה קטנה,
דער רבי האט צום ערשט געדאווענט תפילת מנחה אינאיינעם מיט די תלמידי הישיבה,
בעל תפילה: הב' אליעזר שטערן הי"ו.

דערנאך איז פארגעקומען א מסיבת לחיים מיט די בחורים,
דער רבי האט געמאכט א לחיים און אנגעוואונטשן פאר די ראשי ורמ"י הישיבה און דערנאך געוואונטשן לחיים פאר די תלמידי הישיבה און פארן גאנצן ציבור,
דערנאך האט דער רבי משמיע געווען א טיפזיניגע סוגיא שיעור בשיעורי הישיבה, דערביי האט דער רבי איבערגעלאזט א קשיא פאר די בחורים און געבעטן די בחורים מברר צו זיין די סוגיא על בורי',

דער רבי האט פארלאזט דעם בנין הישיבה אום 5:15 אויפ'ן וועג צום לופטפעלד אין אנטווערפען, וואו דער רבי איז ארויס באגלייט געווארן דורך הונדערטער אנ"ש תושבי העיר, און בחורי חמד וילדי תשב"ר וועלכע האבן באגלייט דער רבי בשירה וזמרה,
ארום 6:35 נאכמיטאג אין אנטווערפען האט זיך געהויבן די פריוואטע פליגער פון רבינו שליט"א אויפן וועג צום לופטפעלד אין באניע, א וועג פון ארום צוויי שעה,

(קרעדיט בצל הקודש)

[מיינע פאעזיעס]

שכח @נארמאלע מענטש
דו ביסט דארט?

[מיילעך פריילעך]

בצל הקודש
רבינו שליט"א ביים פוקד זיין די ציונים הקדושים פון רבותיה"ק העצי התמרים זי"ע בעיר האבות סיגוט יע"א היינט פאר תפילת שחרית.
~~

[מיילעך פריילעך]

בצל הקודש
רבינו שליט"א ביים פוקד זיין די ציונים הקדושים פון רבותיה"ק העצי התמרים זי"ע בעיר האבות סיגוט יע"א היינט פאר תפילת שחרית.
~~
נאך בילדער.

[מיילעך פריילעך]

נאך בילדער.

[מיילעך פריילעך]

בצל הקודש
רבינו שליט"א אויפן וועג פונעם בית החיים צום שוהל הויף בעיר האבות סיגוט יע"א.
~~

[מיילעך פריילעך]

בצל הקודש
רבינו שליט"א אויפן וועג פונעם בית החיים צום שוהל הויף בעיר האבות סיגוט יע"א.
~~
נאך בילדער.

[מיילעך פריילעך]

IMG_20240802_101637_414.jpg (140.95 KiB) געזען געווארן 611 מאל

IMG_20240802_101637_580.jpg (148.31 KiB) געזען געווארן 611 מאל

IMG_20240802_101637_241.jpg (134.59 KiB) געזען געווארן 611 מאל

[מיילעך פריילעך]

נאך בילדער.

[מיילעך פריילעך]

בצל הקודש
רבינו שליט"א ביי תפילת שחרית אין ביהמ"ד עצי התמרים אינעם שוהל הויף בעיר האבות סיגוט יע"א.
~~

[מיילעך פריילעך]

נאך בילדער פון תפילת שחרית .

[מיילעך פריילעך]

אידישע נייעס | ערשטע בילד: האדמו"ר מסאטמאר ביים צינדן ליכט ביי די קברי אבותיו אין שטאט סיגוט.

[מיילעך פריילעך]

בצל הקודש
=פרייטאג מטו"מ=

~המשך הנסיעה הרוממה לעיר האבות סיגוט יע"א לרגל די יומדה"ק פון ראש השושלתא מרן הגה"ק בעל ישמח משה זי"ע~

ארום 7:00 אזייגער איז דער רבי געגאנגען אין מקוה און דערנאך צוריק אריין בחדרו הפרטי בביתו נאוה קודש אינעם שוהל הויף.

ארום 7:50 איז דער רבי ארויף צום בית החיים בעיר האבות סיגוט פוקד צו זיין די ציונים הקדושים פון רבותיה"ק העצי התמרים זי"ע אינאיינעם מיט הונדערטער אנשי שלומינו איינצורייסן למען הכלל והפרט פאר אלע אנשי שלומינו להפקד בדבר ישועה ורחמים,
ביים אנקומען אינעם בית החיים האט דער רבי געמאכט די ברכת מחיה המתים,
דער רבי איז אריין אינעם אהל בהתעוררות ובפחד גדול און געצינדן פינף לעכט ביי די ציונים פון מרן הגה"ק הייטב לב זי"ע, מרן הגה"ק הקדושת יו"ט זי"ע, און ביי מרן הגה"ק העצי חיים זי"ע, און אויך ביים ציון פון הרה"ק רבי משה יוסף אוהעל'ער זצ"ל,
דערנאך איז דער רבי צוריקגעגאנגען צום ציון פונעם הייליגן ייטב לב זי"ע און מען האט געזינגען ניגוני התעוררות,
דער רבי האט געזאגט די תפילה פון שלום עליך רבי ומורי פונעם הייליגן ישמח משה זי"ע מיט בכיות עצומות,
דערנאך האט מען געזאגט די קאפיטלעך תהילים פון ספר רביעי פון צ' ביז ק"ז,
דער רבי האט אויסגעלאזט די קאפיטלעך און דערנאך געזאגט די יהי רצון מיט בכיות פאר א לאנגע צייט, און דער רבי האט געזאגט קדיש,
דערנאך האט דער רבי געליינט קוויטלעך פאר א לאנגע צייט בשעת וואס מען זינגט מערערע ניגונים מבית מדרשו פון רבותיה"ק זי"ע,
דערנאך האט דער רבי זיך משתטח געווען אויפן ציון הק' פאר א לענגערע צייט,
דערנאך איז דער רבי צוגעגאנגען צום ציון פונעם הייליגן קדושת יו"ט זי"ע ווי דער רבי האט געליינט קוויטלעך און זיך משתטח געווען אויפן ציון הק', און דערנאך ביים ציון פונעם הייליגן עצי חיים זי"ע,
ביי אלע דריי ציונים הק' האט דער רבי איבערגענומען קוויטלעך פון די אנוועזנדע אנשי שלומינו און עס געליינט און אראפגעלייגט ביים ציון הק',
דער רבי האט פארלאזט די אהל הק' ארום 9:15 און זיך געוואשן די הענט און שפאצירט צוריק צום שוהל הויף.

ארום 10:15 איז דער רבי אריינגעקומען אין ביהמ"ד צו תפילת שחרית,
פארן דאווענען האט זיך דער רבי באגריסט מיט הגה"צ אב"ד דקהלתינו הק' לאנדאן שליט"א,
דער רבי האט געלייגט טו"ת בהיכל הביהמ"ד,
בעל תפילה: הרה"ח ר' עקיבא הירש הי"ו - וומ"ס.
נאכן דאווענען איז דער גאנצער ציבור אריבער שלום נעמען און דער רבי איז אראפ לביתו נאוה קודש אינעם שוהל הויף.

א גוט שבת.
~~

[דער תהלים איד]

כ'הער אז ס'איז געווען פראבלעמען מיט מענטשן וואס האבן נישט געהאט קיין פלאץ אויפן קאנעקטינג פלייט, און זענען געשטראנדעט אין דייטשלאנד, איינער מיט מער דיטעילס?

א חבר זאגט מיר אז זיין טאטע איז סטאק אין דייטשלאנד און מיט די שנעלסטע וועג קיין רומעניע וועלן זיי אנקומען הארט פאר שבת, ס'מיינט בעסיקלי פארפאסן די יארצייט.

אויך הער איך וועגן א מאנטריאלע קבוצה וואס איז שטעקן געבליבן ערגעצוואו, אויב איינער ווייסט עפעס מער זאל זיך אנרופן.

כוועל ציטירן פון א ידיד וואס איז פון די 40 אידן וואסז האבן געהאט די געקענסלטע קאנעקטינג פלייט, +++... ער איז פון די אונטער 10 וואס האבן ניש געהאט קיין פלאץ אויפן טשארטער און גענומען די וועג קיין בודאפעסט:

ב"ה פאר דעם

מיר זענען געווען פונקטליך 40 אידן וועלכע האבן געזאלט נעמען א קאנעקטינג פלייט קיין קלוזש.

אונזער פליגער פון נוארק האט געשפעטיגט מיט ארום 2 שעה, שוין אויסער די האלבע שעה וואס זיי האבן עס לכתחילה אפגעשטופט. וואס איז נישט געווען געפערליך, ווייל מיר האבן געזאלט ווארטן אין מינכען 4.5 שעה.

נאכ'ן ווארטן א שטיק צייט האבן זיי קודם געזאגט אז מ'האט עס אפגעשופט מיט א שעה, דערנאך געמאלדן אז ס'איז געקענסעלט. קודם האבן זיי געזאגט עפעס א תירוץ וועגן וועטער, שפעטער האט מען עפעס געזאגט אז ס'איז דא סטרייק ערגעץ (בודאפעסט?).

עטליכע אידן פון אונזער נוארק פליגער זענען געפארן מיט אנדערע וועגן. די 40 אידן האבן געווארט אין לופטפעלד פאר לאנגע שעה'ן, מ'האט אפילו אריינגעכאפט א שיעור אין אמונה ובטחון ווי אויך איבער גיין צום ציון פןן א צדיק, פון הגה"צ רב ביהמ"ד בית ברוך שליט"א.

למעשה האט זיך דער עולם מסדר געווען. רוב עולם איז געפארן מיט א טשארטער, דער איבריגער עולם געפארן מיט א פליגער קיין בודאפעסט, און פון דארט נעמען א ווען קיין סיגוט. בס"ד.

פרישע אפדעיט: פליגער קיין בודאפעסט איז געווארן געקענסעלטץ
אידן וואס האבן געזאלט פארן קיין בודאפעסט: 8

דאס איז געווען נעכטן.

היינט האבן די 8 אידן באקומען א וועג קיין באניע, און פון דארט גענומען א קאר, און זיי האבן אויך מיטגעברענגט די פעקלעך פאר אלע 40 אידן פונעם טשארטער...

כ'האף זיי זענע ןאנגעקומען בשלום בעפאר'ן זמן.

[דער תהלים איד]

אפדעיט:

די 8 וואס האבן זיך מתנדב געווען נישט צו נעמען דעם 32-פלעצער טשארטער כדי די איבריגע זאלן קענען פארן, זענען למעשה אנגעקומען צום זמן אין סיגוט ב"ה.

צווישן זיי ציילט זיך די וואס איך ווייס: מו"ה חיים שלמה קרויס, מו"ה משה יואל ווייס, מו"ה חיים שאול קאהן, און נאך.