באריכטן און בילדער פון אלע חצרות הקודש

[מיילעך פריילעך]

אידישע נייעס | האדמו"ר מבית חיים יהושע ביים שמחת בית השואבה.

[מיילעך פריילעך]

אידישע נייעס | הוא הודה הוא זיוה הוא הדרה:

כ"ק אדמו"ר מוויזניץ שליט"א לאזט זיך היינט ארויס ממעון קדשו אין קרית וויזניץ בני ברק, אונטערוועגנס צו די געהויבענע נסיעה "אכסוף" צום שטאט וויזניץ אין אוקריינע, אינאיינעם מיט הונדערטער אינגעלייט תומכי המוסדות.

שמחות בחצרות הקודש:
היינט קומט פאר די שמחת הבר מצוה פון א אייניקל ביי כ"ק אדמו"ר מוויזניץ שליט"א פון בית שמש, אור אייניקל פון כ"ק אדמו"ר מוויזניץ שליט"א, א זון פון זיין איידעם הגה"צ ר' שניאור זלמן ארנסטר שליט"א רב דקהל תורת מרדכי וויזניץ רמה ד' בית שמש, זון פון הגה"צ ר' דוד דוב ארנסטר שליט"א, זון פון הגה"צ ר' זאב ארנסטר שליט"א אבד"ק מאור חיים ירושלים, און איידעם ביי הגה"צ ר' נפתלי נוסבוים שליט"א ראש ישיבת חיי משה. - די שמחה קומט פאר אין ביהמ"ד הגדול וויזניץ אין בית שמש.

היינט קומט פאר די שמחת הברית פון א אור אייניקל ביי כ"ק אדמו"ר מקאפיטשניץ שליט"א, אייניקל פון בנו הגדול הגה"צ ר' אברהם יעקב פלינטנטשיין שליט"א, איידעם ביי כ"ק אדמו"ר מאלכסנדר שליט"א, בן הנולד ביי זיין זון הרב אהרן דוד פלינטנשטיין שליט"א, איידעם ביי הגה"צ ר' אפרים זלמן דוד מענדלזאן שליט"א. - די שמחה קומט פאר אין קאפיטשניצע ביהמ"ד אין ירושלים. (JDN)

[מיילעך פריילעך]

אידישע נייעס | האדמו"ר מבאבוב-45 גייענדיג אין ביהמ"ד חוה"מ סוכות.

[מיילעך פריילעך]

אידישע נייעס | האדמו"ר מבאבוב-45 ביים שמחת בית השואבה.

[מיילעך פריילעך]

אידישע נייעס | האדמו"ר מבאבוב-45 ביים טיש ליל הושענא רבה.

[מיילעך פריילעך]

אידישע נייעס | הושענא רבה בחצה"ק באבוב-45.
בילדער: אברמי בלום.

[מיילעך פריילעך]

אידישע נייעס | האדמו"ר מבאבוב-45 ביים נעילת החג טיש מוצאי שמחת תורה.

[מיילעך פריילעך]

אידישע נייעס | האדמו"ר מצאנז קלויזענבורג ביים שמחת בית השואבה.
בילדער: הלל ל"ש.

[מיילעך פריילעך]

אידישע נייעס | האדמו"ר מצאנז קלויזענבורג ביים ווארפן עפל ביים נעילת החג טיש מוצאי שמחת תורה.
בילדער: אחים לענטשעווסקי.

[מיילעך פריילעך]

אידישע נייעס | האדמו"ר מסקולען מאנסי ביים שמחת בית השואבה.

[מיילעך פריילעך]

אידישע נייעס | האדמו"ר מוויען באזוכט ביי מחותנו האדמו''ר ממונקאטש.

[סאטמארע נייעס]

סאטמאר מהר''א

*הושענא רבה - שמיני עצרת - שמחת תורה - שב''ק פרשת בראשית מברכים חודש חשון בצל הקודש פון כ''ק רבינו הגה''ק שליט''א - בקרב ק''ק קרית יואל*

*ושאבתם מים בששון ממעיני הישועה אנגעזאפט מיט השפעות של שמחה וקדושה, התרוממות הנפש וקרבת אלוקים, דאנקט מען דעם בורא כל עולמים אויף די שיינע ירושה מאבותינו ורבותינו הקדושים וואס האבן געמאכט דעם צינור ההשפעה לנו ולבנינו, "די אנדערע טעג יום טוב" וואס מיר האבן געהאט די זכיה צו מיטלעבן, צוזאמען מיט א היסטאריש-ריזן מספר פון אריבער א רבבה תלמידים וחסידים כ''י בליעה''ר מכל רחבי תבל תחת קורת גג אחד, בצל הקודש פונעם צדיק כתמר ממשיך דרכם של רבותינו הק' זיע''א וואס קומען אראפ בעולם הזה זיך באטייליגן און זיך מיט פרייען בשמחה של מצוה, די פיר געהויבענע מעת לעת - א חטיבה אחת פון התרוממות ושמחה בבחינת וגילו ברעדה, שעות ע''ג שעות וחסידים היו מרקדין מיט התעוררות וגעגועין דקדושה, אשרי עין ראתה אלה, אשרינו מה טוב חלקינו, מה נעים גורלינו ומה יפה ירושתינו*

*ובתפלה לא'ל חי, אונז זאל מיר האבן די זכיה מקבל זיין די השפעות און דאס ממשיך זיין אויפן גאנצן יאר זיך צו הייבן מעלה מעלה, מקבל זיין די הייליגע הדרכות פון רבינו שליט''א, וימים על ימי מלך תוסיף בבריות גופא ונהורא מעליא, עוד ינוב בשיבה טובה, נאך אסאך לאנגע געזונטע יארן לחסות בצל הקודש ולהתחמם לאורו הבהיר, ולאור קדושתו נסע ונלך לקראת משיח צדקינו בעגלא ובזמן קריב*

דא וועלן מיר בלויז איבערגעבן דברים כהווייתן וסדר הימים פון די געהויבענע זמני הרוממות, ויותר ממה שקראנו לפניכם כתוב כאן.

סאטמאר'ע נייעס
https://chat.whatsapp.com/IpFlOyC5SJ30eoFk1ggspC


*דינסטאג ערב הושענא רבה*

► Show Spoiler

נאכמיטאג ארום 6:15 האט רבינו שליט''א געדאווענט מנחה בביתו נאוה קודש, פארן דאווענען האט דער רבי געצינדן ליכט לרגל די יארצייט פון די באבע הרבנית הצדיקת רחל ע''ה אשת חבר פון הגה''ק הייטב לב זיע''א.
נאך מנחה זענען אריין לברך ולהתברך בקו''פ א לענגערע צייט הונדערטער געסט אנ''ש מעבר לים, וועלכע זענען געקומען צו פארן להסתופף בצל הקודש.

דער רבי האט געדאווענט מעריב ארום 8:20, אנגעטוהן מיטן ווייסן קאפטן, בביתו נאוה קודש.

*ליל הושענא רבה אושפיזא דדוד מלכא משיחא*

ארום 10:00 איז רבינו שליט''א אריינגעקומען אין ביהמ''ד הגדול צו קריאת משנה תורה און געזאגט די תפילה פארן לייענען, בעל קורא: הר''ר שלום יוסף סאמעט שליט''א. מען האט געענדיגט ארום 11:40.

נאך עטליכע מינוט איז רבינו שליט''א אריינגעקומען צום עריכת שלחן הטהור סעודת ליל הו"ר ואושפיזא דדוד מלכא משיחא, בסוכה הגדולה שע''י ביהמ"ד הגדול.

נאכן זאגן דעם סדר האושפיזין האט זיך רבינו שליט''א געוואשן צו די סעודת יו''ט. ביים לחיים נאך די זופ האט דער רבי געוואונטשן 'א גוט געבענטשט יאר'. במשך דעם געהויבענעם טיש האט מען געזונגען ניגוני ימים נוראים בהתעוררות רב בשעת רבינו שליט''א האט פארגאסן טייכן טרערען.

מיט די שיר המעלות האט רבינו שליט''א מכבד געווען:
הרה''ג ר' דוד פערל שליט''א מגי''ש בקהלתינו.
הרה''ג ר' דוד גרינפעלד שליט''א מו''ץ.
הרה''ח ר' דוד עקשטיין הי''ו.

רבינו שליט''א האט געזאגט תורה אויפן פסוק 'קויתי ה' קותה נפשי' און געטייטשט אז דורך מצוות מילה קומט אראפ די ערלת הלב און די תשובה קומט פון פנימיות הלב.

ברכהמ''ז: חדב''ן הגה''צ רב דביהמ''ד אהל פיגא שליט''א. מען האט געענדיגט 1:00.

נאכן טיש איז רבינו שליט''א אריינגעקומען אין ביהמ''ד ברוב עם צו אמירת תהילים. בעל תפילה: הרה''ח ר' אשר יעקב עקשטיין הי''ו, ביי יעדן ספר האט מען געזאגט דעם יהי''ר להושענא רבה און קדיש. מען האט געענדיגט בערך 2:50 און רבינו שליט"א איז אהיים לביתו נאוה קודש, ווי ער האט געבינדן די הושענות פאר זיך און פאר הרבנית הצ' תחי'.

*יום הושענא רבה*

הו''ר אינדערפרי ארום 11:10 איז רבינו שליט''א אריינגעקומען אין ביהמ''ד מעוטף אינעם טלית, קאפל, קיטל פון רביה''ק בעל דברי יואל זיע"א, און אינטער דעם די ווייסע סטראקעס בעקיטשע.

פארן דאווענען איז פארגעקומען די ברית'ן.
לבן הנולד אצל ר' ישראל דוד קאפעל הי"ו, ווי דער רבי איז געווען סנדק ומוהל.
לבן הנולד אצל ר' שלמה בר''נ קליין הי"ו, ווי דער רבי איז געווען סנדק.

רבינו שליט"א איז צוגעגאנגען צו ברכות, פסוקי דזמרה און שחרית און אויסגעלאזט בנוסח ימים נוראים, און הלל הגדול און די שירה געזאגט פסוק בפסוק.
ביי הלל האט רבינו שליט''א מאריך געווען עבודת קדשו ביי די נענועים ברגש קודש, בדביקות ובהתעוררות רב, ווען דער גאנצער ציבור פון אלופי אלפי ישראל זינגן מיט די ניגוני קודש בדמעות שליש.

נאך הלל האט משב''ק הרה''ח ר' יושע מענדלאוויטש הי''ו אראפגענומען די רינגעלעך פונעם לולב.

אום 1:50 האט רבינו שליט''א אנגעהויבן די פייערדיגע 'דרשת הושענא רבה' מיטן משל הידוע מרגלא בפומי' פון רבותינו הקדושים זיע''א, און מאריך געווען מיט שטורעמישע בכיות ודמעות, וואס האט מיטגעשלעפט דעם גאנצן ביהמ''ד בבכיות נוראות.

דערנאך האט דער רבי ממשיך געווען באריכות מיט געהויבענע בחינות און דברי התעוררות בבכיות לכבוד היום:
*הושענא למענך אלוקינו:* דורך די ד' מינים וואס איז מרומז אויף אחדות ישראל ווערט נתעורר מדות הרחמים אני ה', און איז שוין נישט שווער די קשיא אי מלכא אנא, און די תשובה ווערט נתקבל.
*למענך אלוקינו, אופן ב':* דורך די ד' מינים א גאנץ יו''ט וואס איז מדרבנן איז מען זוכה צו שכר בעולם הזה וואס איז מגין מען זאל נישט נכשל ווערן בחטא און מען זאל קענען מתפלל זיין און עס זאל נישט פארשפארט ווערן די טיר אויף אידישע בקשות.
*הושענא למענך בוראנו:* דורך מדות הרחמים ווערט באשאפן אויפן מענטש א פרישע צלם אלוקים און דורך דעים ווערט נתקבל די תפילות, מען איז עקסטער מתפלל זיין אז עס זאל חלילה נישט אפגעטוהן ווערן דעם צלם אלוקים פון אונז און פון די קינדער, און איינגעריסן בבכיות מען זאל זוכה זיין צו ערליכע אידישע קינדער.
*הושענא למענך גואלינו:* בשעת גאולת מצרים איז נתעורר געווארן די זכות פון אברהם אבינו וואס האט נישט געפרעגט קיין קשיות בשעת די עקידה.
*הושענא למענך דורשינו:* עס איז דא דריי יוד''ן דער שם הוי''ה, ישראל און ירושלים מען איז מתפלל עס זאל נתמלא ווערן דעם סגול דער יו''ד פון ירושלים.
*הושענא למען אמיתך:* גדולה תשובה שמגעת עד כסא הכבוד, אבער א שקרן וואס קען נישט מקבל זיין פני השכינה קען נישט תשובה טוהן משא''כ אידישע קינדער וואס זענען דבוק במדת האמת.
*הושענא למען בריתך:* על כל פשעים תכסה אהבה, מצוות מילה איז משפיע אהבת ה' דורך דעים ווערן די עבירות צוגעדעקט און די חיצונים פארכאפן נישט די מצוות, און מען דארף נישט זארגן מען זאל חלילה נישט פארווארפן ווערן צו די חיצונים.
*הושענא למען גדלך ותפארתך:* דורך די צ' נענועים איז מען מעורר די זכות פון משיח צדקינו, דער רבי האט מסיים געווען די דרשה מיט ברכות לרוב.

מען האט געענדיגט די דרשה בערך 2:50, און מ'האט אנגעהויבן מקיף צו זיין דעם ביהמ''ד, רבינו שליט"א האט פארגעזאגט די הושענות בהתעוררות רב, צווישן די הקפות האט געבלאזן שופר הגה''צ אבד"ק וומסב''ג שליט''א כנהוג, נאכן ארומגיין האט מען געזאגט די פיוטים, און נאך קדיש תתקבל האט דער רבי געקלאפט די הושענות 5 מאל און געזאגט דעם יהי''ר כנהוג.

מען האט געזאגט אתה הראית י''ג מדות רבש''ע און שיר המעלות פון עשי''ת כנהוג.
הוצאה והכנסה: הר''ר נפתלי הורוויץ שליט''א(לאנדאן).
בעל קורא: הרה"ח ר' יעקב משה מיטטעלמאן הי"ו.

עליות. כהן: הרב שמואל הערש כהנא שליט"א (מאנסי). לוי: הר''ר יודל וואזנער שליט''א (מאנטשעסטער) - ער האט געמאכט א ברכת הגומל און מוציא געווען די פרישע הונדערטער געסט אנ"ש מעבר לים. שלישי: הרה"ג ר' אברהם שלום פריעדמאן שליט''א מראשי הכוללים. רביעי: רבינו שליט"א. הגבה: נכד רבינו הר''ר בעריש גראס שליט"א (מאנטרעאל). גלילה: הרה"ח ר' משה יצחק שטערנליכט הי"ו (לאנדאן).

מוסף: הרב הגאון ר' מענדל ווערצבערגער שליט''א דומ''ץ קהלתינו מאנטרעאל. די כהנים האבן גע'דוכנ'ט, תיכף נאך מוסף האט מען געדאווענט מנחה, בעל תפילה: הרה"ג ר' אשר חיים ווייזער שליט"א מו"ץ בקהלתינו ב"פ. מען האט געענדיגט ארום 4:45.

עטליכע מינוט נאך מנחה איז רבינו שליט''א אריינגעקומען צום טיש לכבוד היום אין די סוכה הגדולה און געזאגט דעם סדר האושפיזין, ביי די לחיים נאך די פיש האט דער רבי געוואונטשן 'א גוט געבענטשט יאר'. מיט די זופ האט מען אויפגעגעבן קרעפלעך כנהוג, בעלי אושפיזין האבן געברענגט קיגלען און מען האט געזונגען ניגוני יו''ט.

מיט די זמירות האט דער רבי מכבד געווען: הרה''ח ר' חיים הערש גאלד הי''ו (וומסב''ג). ברכהמ''ז: נכד רבינו הרב דוד טייטלבוים שליט''א, מען האט געענדיגט 5:20.

בביתו נאוה קודש איז דער רבי געגאנגען אין מקוה לטהר עצמו ברגל לכבוד יו"ט.

*ליל שמיני עצרת זמן שמחתינו*

► Show Spoiler

ארום 8:40 איז רבינו שליט''א אריינגעקומען אין ביהמ''ד מעוטף בטלית שאולה, מערבית: הגה''צ ר' משה פריעדמאן שליט''א דומ''ץ קהלתינו ב''פ.

אום 9:10 האט רבינו שליט''א אנגעהויבן אתה הראת בהתלהבות אש קודש וואס האט נאכגעפאלגט מיט א הימלישע געשריי פון רבבות אלפי ישראל זקנים עם נערים, פתיחת הארון: הרה''ח ר' רפאל פערלמוטער הי''ו מראה''ק מאנסי.

מען האט אריינגעברענגט די ספרי תורה, דער רבי איז ארויף אויף די בימה און געזאגט דעם לשם יחוד און די משוררים האבן אהנגעהויבן צו זינגן דעם למנצח.
*מגדל עוז שם ה' בו ירוץ צדיק ונשגב* בערך 9:15 האט רבינו שליט"א אנגעהויבן עבודת קדשו טאנצן די געהויבענע הקפות בהתלהבות ורשפי אש קודש, בראש קהל קדושים רוגשים, די אריבער א רבבה תלמידים וחסידים שעות ע''ג שעות בשמחת התורה, אשרי עין ראתה אהלינו בשמחת קהלינו.

ביי די פערדע הקפה האט מען מכבד געווען די געסט מארצינו הקדושה מיט א ספר תורה.

ביי די זיבעטע הקפה נאכן ארומטאנצן דעם ביהמ''ד בעוז ותעצומות איז רבינו שליט''א כדרכו בקודש ארויף אויף די בימה און ממשיך געווען מיט די ריקודין ביתר שאת וביתר עוז.
נאך די הקפות האט דער רבי פארגעזאגט לדוד מזמור, און נאך עלינו געוואונטשן במאור פניו גוט יו''ט, פארן גאנצן ציבור אין אלע זייטן פון ביהמ''ד. מען האט געענדיגט 11:50.

ארום 1:45 איז רבינו שליט''א אריינגעקומען צום ערשה"ט בהיכל השלחנות.
במשך דעם טיש האט מען געזינגען ניגוני שמחת תורה ברוב שמחה.
מיט די זמירות האט דער רבי מכבד געווען. הרב מאיר יוסף גראס שליט''א (וומסב''ג).

רבינו שליט''א האט געזאגט תורה אויפן פסוק 'והיית אך שמח' און געטייטשט אז דורך די 15 סעודות פון יו''ט סוכות און שמיני עצרת ווערן אידן געפטר'ט פון אלע צרות.

ברכהמ''ז: נכד רבינו הרב ישראל דושינסקיא שליט''א בן הגה''צ רב דביהמ''ד אהל פיגא שליט''א. מען האט געענדיגט 2:40.

*יום שמיני עצרת*

► Show Spoiler

שמיני עצרת אינדערפרי ארום 11:10 איז רבינו שליט''א אריינגעקומען אין ביהמ''ד. פסוקי דזמרה: הגה''צ ר' מאיר צוויבל שליט''א מרבני קהלתינו הק' וומסב''ג, צו שחרית והלל איז דער רבי צוגעגאנגען.

הוצאה והכנסה: הרה''ג ר' אברהם וואלף שנעבאלג שליט"א מו''ץ בקהלתינו וומסב''ג און הר''ר סיני טייטלבוים שליט''א בן הגה''צ רב דקהלתינו ב''פ 15 שליט''א.
פסוקי שמע ישראל: הגה''צ ר' יואל האלבערשטאם שליט''א רב דביהמ''ד בית שמואל שכונת דברי חיים בקר''י.

עליות. כהן: הרה''ח ר' יואל ברא''י קאהן הי"ו (וומסב''ג). לוי: הגה"צ אבד''ק מאנסי שליט"א. שלישי: הגה"צ אבד''ק וומסב''ג שליט"א. רביעי: ר' ישראל חיים גליק הי''ו - דער רבי האט קורא שם געווען לרגל הולדת בתו למז''ט. חמישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
ר' קלמן אליעזר סאפדי הי''ו.
ר' אייזיק כהן הי''ו.
ר' משה ברא''ש סטראלאוויטש הי''ו.
ר' קלמן אליעזר רובינשטיין הי''ו.
ר' מרדכי ברי''ה שווארץ הי''ו.
ר' שמעון ברנ''ד שווארץ הי''ו.
ר' יואל ברש''י רייך הי''ו (דזשערסי סיטי).

הגבה דעם ערשטן ספר: הרה''ח ר' ישעי' ווערצבערגער הי''ו. גלילה: הרה"ח ר' יואל בר''י בערנאטה הי"ו.
מפטיר: הרה"ח ר' פישל ריספלער הי"ו (וומסב''ג). הגבה דעם צווייטן ספר: הרה"ח ר' אלעזר גרובער הי''ו. גלילה: הרה"ח ר' חיים שלמה קרויס הי''ו.

צוליב די גרויסע געדרענג פון די שווערע טויזענטער אנ''ש ביים אריינקומען נאך יזכור איז דער רבי ארויסגעגאנגן אנצוטוהן דעם קיטל צו תפילת גשם נאך פאר יזכור.
אויך איז אהערגעשטעלט געווארן אזוי ווי יו''ט שבועות א נייע סדר בהסכמת רבינו שליט''א, און איז אויסגעשפרייט געווארן ספעציעלע מחיצות אויף אלע פליגלען און ביי די דרום און צפון זייט פון ביהמ''ד צו פארמיידן סכנות נפשות ווען אזויפיל טויזענטער אידן גייען ארויס און אריין אויפאיינמאל.

רבינו שליט''א איז צוגעגאנגען צום עמוד און געזאגט די תפילה פאר גשם, לדוד מזמור און קדיש, משמש הרה''ח ר' יואל קויפמאן הי''ו האט אויסגערופן משיב הרוח ומוריד הגשם.
רבינו שליט''א האט געבענטשט גשם מיט גרויס התעוררות.

פתיחה צו גשם: הרה''ח ר' משה גאלדשטיין הי''ו, צו קוה איז צו געגאנגען הרה''ח ר' יצחק ערענפעלד הי''ו, פתיחה לאנעים זמירות: הרה''ג ר' עזרא דוד כאירה שליט''א דומ''ץ קהל חרדים ארגענטינע. מען האט געענדיגט ארום 3:00.


נאך עטליכע מינוט איז רבינו שליט''א אריינגעקומען צו קידוש אין די סוכה הגדולה כנהוג. דער רבי האט קידוש געמאכט און האט טועם געווען פון מזונות קינדל און פיש.

רבינו שליט''א האט געזאגט תורה אויפן פסוק 'וביום השמיני עצרת תהיה לכם' שמיני עצרת איז מיוחד צו מתפלל זיין אויף צרכי עצמו, צרכי עצמו איז נאר אזאך וואס בלייבט איבער פאר א מענטש אויף שפעטער, פארדעם איז עס מסוגל פאר פרנסה פאר אידישע קינדער וואס ניצן די געלט אויף צרכי רחניות. מען האט געענדיגט ארום 3:30.

נאכמיטאג ארום 6:15 איז רבינו שליט''א אריינגעקומען צו מנחה אין ביהמ''ד הגדול. בעל תפילה: משב''ק הרה''ח ר' שלמה זלמן שטיין הי''ו.

נאך מנחה איז רבינו שליט''א אריינגעקומען אין די סוכה הגדולה זיך געזעגענען פון די סוכה.
מען האט געזינגען ניגוני יו''ט, דער רבי האט געטרינקן לחיים און אנגעוואונטשן פאר די חברה קדישא כנהוג און דעם גאנצן ציבור אלפי אנ''ש, און געמאכט א ברכה אויף א עפל.

מען האט ממשיך געווען בנגוני התעוררות און הגלה נא.
רבינו שליט''א האט געזאגט תורה אויפן חרוז 'הגלה נא' מצוות סוכה איז משפיע רחמים וחסדים מגולים מען זאל עס זעהן מיט די אויגן, מען דארף אריינברענגן די קדושה פון מצוות סוכה אין שטוב אריין, און דערמאנט מען דארף געבן א שבח והודאה פארן אייבערשטן עס איז ב''ה געווען א שיינע יו''ט מען האט געקענט עסן און שלאפן אין סוכה בלי הפסק אזוי זאל זיין א גאנץ יאר חסדים בלי הפסק און מסיים געווען בברכות לרוב.

נאך די תורה האט רבינו שליט''א געווארפן עפל א לענגערע צייט, כמנהג רביה''ק בעל ברך משה זיע''א ולמעלה בקודש מרן הדברי חיים זיע"א, און דערנאך געזאגט ברגש די תפילה כשיוצאים מן הסוכה און די יהי''ר, דער רבי האט זיך אויפגעשטעלט און פארגעזאגט לשנה הבאה בירושלים באש קודש, און זיך ארויסגעלאזט אין א פייערדיגע טאנץ בשמחה של מצוה זיך צו געזעגענען פון יו''ט סוכות.

דער רבי איז ארויס פון די סוכה ברקודי קודש און אריין אין ביהמ''ד און ארומגעטאנצן דעם ביהמ"ד עטליכע מאל, אנגעליינט אויף הגה''צ אבד''ק מאנסי שליט''א און הגה''צ אב''ד סיגוט שליט''א. מען האט געענדיגט ארום 7:20, און דער רבי איז אהיים לביתו נאוה קודש.

*ובכן צדיקים יראו וישמחו וישרים יעלוזו - ליל שמחת תורה*

► Show Spoiler

ארום 12:20 איז רבינו שליט''א אריינגעקומען אין ביהמ"ד צו תפילת מעריב ברוב עם הונדערטער חסידים ואנשי מעשה, בעל תפילה: נכד רבינו הרה''ח ר' יואל ברח''ב פילאפף הי''ו. נאך מעריב איז דער רבי געגאנגען אין מקוה.

אום 1:25 איז רבינו שליט"א אריינגעקומען אין ביהמ''ד מעוטף בטלית שאולה צו אתה הראית, פתיחת הארון: הרה''ח ר' יעקב הערש היימאן הי''ו (וומסב''ג).

אום 1:40 האט רבינו שליט''א אנגעהויבן טאנצן די געהויבענע הקפות.
רבינו שליט"א האט געזאגט פינעף מאל תורה אינמיטן די הקדמה.
ערשטע תורה: אויפן חרוז *'ידיד נפש אב הרחמן'*, דורך ריקודין של מצוה ווערט די פיס נתקדש בקדושה עליונה און עס ווערט נתפשט די קדושה אינעם גאנצן גוף.
צווייטע תורה: אויפן חרוז *'הדור נאה'* דער שם א'ל איז שם החסד דורך דעם בארגט השי''ת אויס חסדים ורחמים, יעצט בשעת די הקפות איז די זמן וואס מען קען אויסבעטן אלעס גוטס און מען איז זיך מקבל אז מען וועט שפעטער באצאלן.
דריטע תורה: אויפן חרוז *'הגלה נא'* אין די פסוקים חג הסוכות תעשה לך און והיית אך שמח איז מרומז שמות מסוגל אויף קינדער געזינט און פרנסה.
פערטע תורה: פאר קל מסתתר אויפן פסוק *'וידבר משה את מועדי ה''* אפילו מען זאגט מחשבה טובה הקב''ה מצרף למעשה נאר ביי צדיקים אבער מען זאגט אויך ביי די וואס זענען זיך מסתופף בצל הצדיקים, פארדעם שיקט מען אראפ די צדיקים הקודמים ביי די הקפות כמובא בזוה"ק ומקובל מרבותיה"ק כדי מען זאל זיך קענען פרייען אויפ'ן עתיד, די צדיקים וואס דער ציבור האט זיך מסתופף געווען בצילם דער טאטע ז''ל און דער פעטער ז''ל צו מען זעהט זיי יא, צו מען זעהט נישט, גלייב מיר אונז אז זיי זענען דא און זענען משפיע אלעס גוטס, וזאת הברכה אשר ברך משה דער טאטע ז''ל קומט איז עס נישט קיין ביאה ריקנות נאר ער בענטשט יעדעם איינעם.
פונפטע תורה: אויפן חרוז *'בראשית תורתך הקדומה'* דורך תקיעת שופר און מצוות לולב ווערט נתעורר די זכות פון אברהם אבינו בשעת די עקידה, אפילו עס איז דא קשיות אויף אידישער קינדער זאל מען נישט פרעגן נאר אך טוב וחסד ירדפוהו כל ימי חיינו.

מען האט געענדיגט די הקדמה ארום 4:10.
ביי די דריטע הקפה האט מען מכבד געווען די אלע וואס האבן די זכיה צו זיין מלמדי תורה לעמי ישראל פון מוסדותינו הק' איבער די וועלט צו קומען נעמען א תורה, און ביי די פערטע הקפה אלע אייניקלעך פון רביה''ק בעל ברך משה זיע''א.

נאך די הקפות האט רבינו שליט''א פארגעזאגט שמע ישראל ה' מלך און די אנדערע פסוקים, פסוקי שמע ישראל ובעל קורא: הרה''ח ר' ברוך שטערן הי''ו (וומסב''ג).
עליות. כהן: הרה"ח ר' אלי' שאול כץ הי"ו (ב''פ). לוי: הרה"ח ר' משה ישעי' ווערצבערגער הי"ו מראה''ק מאנטרעאל. שלישי: רבינו שליט"א. הגבה הפוכה: הרה"ג ר' הלל ראבינאוויטש שליט"א (מאנסי). גלילה: הרה"ג ר' יואל ברמ''א פריעדמאן שליט''א מו''ץ בקהלתינו מאנסי. מען האט געענדיגט 5:35, דער רבי האט געוואונטשן גוט יו''ט פארן גאנצן ציבור.

רבינו שליט''א איז אהיים לביתו נאוה קודש און תיכף קידוש געמאכט און אפגעראכטן די סעודת יו''ט אויף א פריוואטן פארנעם מיט עטליכע אייניקלך און באי ביתו, בשעת די סעודה האט האט זיך פארמירט א שמועס במנהגי ישראל ביום שמח"ת ביי רבותיה"ק זיע"א, און ביי גדולי ישראל בשנים קדמוניות.
מיט די זמירות האט דער רבי מכבד געווען: הרה"ח ר' יואל ווידער הי"ו. און מיט ברכהמ''ז: הרה"ח ר' נפתלי הירצקא שטיין הי"ו.

*יום שמחת תורה*

► Show Spoiler

שמחת תורה צופרי ערש"ק, ארום 11:05 איז רבינו שליט''א אריינגעקומען אין ביהמ''ד.
פסוקי דזמרה און שחרית האט מען געדאווענט במהירות כנהוג, בעל תפילה: הר''ר יואל בר''ש ווערצבערגער שליט''א, ביי נשמת האט מען געזאגט האל, המלך און שוכן עד, בנוסח יו''ט, ימים נוראים ושבת כנהוג. די כהנים האבן געדוכענט, און רבינו שליט''א האט גענומען אינטערן טלית עטליכע יתומים ממשפחת אנ''ש, כדרכו בקודש. מען האט געענדיגט ארום 12:30.

ארום 1:00 איז רבינו שליט''א אריינגעקומען אין ביהמ''ד צו אתה הראית, פתיחה: הרה''ח ר' יצחק וואלף פילאפף הי''ו (וומסב''ג).

ארום 1:15 האט רבינו שליט''א אנגעהויבן טאנצן די הייליגע הקפות. מען האט געענדיגט די הקדמה בערך 3 אזייגער.

רבינו שליט''א האט געזאגט 4 מאל תורה, צויי מאל ביי די הקדמה און פאר די פערטע און זעקסטע הקפה.
ערשטע תורה: אויפן חרוז *'ידיד נפש'*, אפילו מען טוהט נאר א תנועה קלה אין עבודת ה' איז עס אין הימל זייער חשוב.
*אופן ב'* דער אייבערשטער האט אריינגעלייגט אין די טבע א מדה פון השתוקקות נישט זיין צופרידן פון וואס מען האט, און גשמיות דארף מען טאקע ניצן די מידות הסתפקות, אבער ברוחניות דארף מען זיין בבחינת הולך זיך הייבן העכער פון די יעצטיגע מדריגה, מען רעדט נישט פון די וואס לערנען נישט נאר די וואס לערנען יא זאלן לערנען מיט מער הבנה, התמדה וביגיעה.
צווייטע תורה: אויפן חרוז פון *'הגלה נא*' פון סוכה זעהט מען דעם נחת רוח פון דינען דעם אייבערשטען מיט צרכי גשמיות און די ריבוי כבוד שמים ווען אידן וואס זענען טרוד על המחיה ועל הכלכלה זענען עוסק אין תורה נאך מער ווי יושבי אוהל.
*אופן ב'* אפילו שכר מצוה בהאי עלמא ליכא, דורך מוסיף זיי מחול אל הקודש איז יא דא שכר, דארף מען ארויסברענגן לשבח פון אידן וואס זיצן יעדע וואך שב''ק מוסף צו זיין, מען אנטלויפט נישט פונעם שבת, אויף דעם איז דא שכר בהאי עלמא, בפרט מען האלט יעצט קרוב צום אלף השביעי יום שכלו שבת איז די זמן פון הוספה מחול אל הקודש. יעצט ערש"ק דארף מען צואיילן די הקפות נישט מכח עצלות ח''ו נאר מכח קדושת השבת, וועט בשכר זאת נשפע ווערן, דער כח פון שבת, הוספה מחול אל הקודש, פאר א גאנץ יאר אז עס איז דא שכר בהאי עלמא.
די תורה פאר די *פערטע הקפה* - הקפה פון משה רבינו, אויפן פסוק 'בראשית ברא אלוקים': דורך די תורה ווערט בטל די טענה פון די מלאכים אתי למחטאי קמך, און מעורר געווען יעדער לפי מדרגתו מקבל זיין און מוסיף זיין בלימוד התורה.
די תורה פאר די *זעקסטע הקפה* - הקפה פון יוסף הצדיק: די צ''א נענועים זענען מסוגל משפיע זיין פרנסה, פארדעם איז מנהג אבותינו ורבותינו הקדושים צו מאכן די נענועים מיט די ספר תורה ביי די זעקסטע הקפה וואס איז די מדה פון קדושת יוסף וואס איז משפיע פרנסה, בשעת די זעקסטע הקפה איז מען זיך מקבל נזהר זיין בקדושה בדיבור מעשה ובמחשבה ובפרט פון די טעכנאלאגישע כלים.

צווישן די הקפות האט מען געזונגען די פיוטים פונעם חרדים, בהתעוררות רב, כנהוג.
במשך די הקפות האט מען מכבד געווען די הונדערטער אויסלענדישע געסט.

ביי די זעקסטע הקפה האט רבינו שליט''א געמאכט די נענועים מיט די ספר תורה בהתרוממות ובדביקות כמנהג רבותינו הק'.
ביי די זיבעטע הקפה שוין בלויז אויף די בימה צוליב די שפעטע שעה לקדושת השב"ק הממשמש ובא, האט דער רבי איבערגענומען די אייגענע ספר תורה און געטאנצן די ריקודין ברוב חביבות והתרוממות בשמחה עילאה.

ביים ענדיגן בערך 4:45 האט דער רבי געזאגט ויאתיו, און פארגעזאגט לדוד מזמור פסוק בפסוק.

ביים ליינען האבן עולה געווען די משמשים בקודש. כהן: הרה''ח ר' שמואל הכהן פר"מ הי''ו. לוי: הרה''ח ר' יואל יודא רובינפעלד הי''ו (וומסב''ג). שלישי: הרה''ח ר' יושע מענדלאוויטש הי''ו. רביעי: הרה''ח ר' חיים שלמה פישער הי''ו. חמישי: רבינו שליט"א.

מען איז תיכף אריבער בחדרי הפאליש צום ליינען.
מען האט געליינט און געדאווענט די תפילות מיט א שנעלקייט מפני קוצר הזמן.
משמש הרה''ח ר' יואל קויפמאן הי''ו האט פארגעזאגט דעם רשות חתן תורה, און רבינו שליט''א האט עולה געווען און געליינט בהתעוררות רב מעונה.
הגבה אויפן ערשטן ספר: הרה''ח ר' משה אהרן שטיינבערג, גלילה: הרה''ח ר' יואל ברמ''ב ווידער הי''ו.

*חתן בראשית:* הרה''ח ר' אליעזר לעוו הי''ו (לאנדאן), מען האט אויסגעשפרייט א טלית ווי א חופה, כנהוג.
הגבה אויפן צווייטן ספר: הרה''ח ר' יואל ווערטהיימער הי"ו, גלילה: הב' המשב''ק שניאור זלמן עקשטיין הי''ו.
*חתן מפטיר:* הרה''ח ר' נפתלי הירצקא שטיין הי''ו.
הגבה אויפן דריטן ספר: ר' יעקב ברמ''ח הכהן פריעדמאן הי''ו, גלילה: הבחור מרדכי בן הר''ר חיים אליעזר דאווידאויטש שליט''א.

מוסף האט געדאווענט פארן עמוד הרה''ח ר' אברהם משה לעבאוויטש הי''ו, מען האט פרייליך געמאכט כנהוג. מען האט תיכף געדאווענט מנחה. מען האט געענדיגט 5:30.

רבינו שליט''א איז אהיים לביתו נאוה קודש באגלייט בשירה ובזמרה און תיכף קידוש געמאכט 5 מינוט צום זמן הדלה"נ, און זיך געוואשן צו די סעודת יו''ט און בוצע געווען אויף לענגלעכע חלה, מען האט אריינגעברענגט מאכלי יו''ט און קרויט כנהוג.
רבינו שליט''א האט געזינגען שישו ושמחו און געבענטשט אויפן כוס. מ'האט געענדיגט בערך 6:35, און דער רבי איז געגאנגן אין מקוה לקראת שב"ק, בביתו נאוה קודש.

*שב''ק פרשת בראשית*

► Show Spoiler

פארנאכטס ארום 7:10 איז דער רבי אריינגעקומען אין ביהמ''ד בביתו נאוה קודש, קבלת שבת: הרה"ח ר' נפתלי הירצקא שטיין הי"ו. מען האט געזאגט מזמור לדוד הבו לה' פסוק בפסוק. מען האט געענדיגט ארום 7:40. דער ציבור איז אריבער זאגן גוט שבת.

ארום 11:05 איז דער רבי אריינגעקומען במאור פנים צום שלחן הטהור בהיכל השלחנות און אנגעהויבן שלום עליכם כדכו בקודש ברגש ובנעימה ביז מלך תמים דרכו.
הגבהת הכוס: נכד רבינו הרב דוד טייטלבוים שליט''א.

מיט די זמירות האט רבינו שליט''א מכבד געווען. כל מקדש: הר"ר אברהם דוד וואגשאהל שליט"א (מאנסי). מנוחה ושמחה: הרה''ג ר' מנחם זאב שטערן שליט''א מו''ץ בקהלתינו וומסב''ג.

רבינו שליט''א האט געזאגט תורה אויפן פסוק 'בראשית ברא אלוקים' און געטייטשט אז דורך זיך הייבן בריקודין של מצוה בשמחת התורה ווערט מען נקנה בקנין הגבהה לעבד ה' און מען קען זאגן אנא עבדא דקוב''ה, און מאריך געווען ברגשי הלב פון די ריקודין של מצוה ביי די הקפות.

נאך די תורה האט מען געזינגען אנא עבדא דקוב''ה דער רבי האט זיך אויפגעשטעלט טאנצן באש קודש.

קה אכסוף: הר"ר ליפא הורוויץ שליט"א נכד הגה"צ רב דקהלתינו ב''פ 15 שליט"א. ברכת המזון: הרב חיים מייזליש שליט"א בן הגה''צ אבד''ק מאנטרעאל שליט''א.

עובדות וסיפורים די וואך האט רבינו שליט''א דערציילט פון הרה''ק הקדושת לוי זיע''א, וואס די יארצייטן געפאלן זונטאג כ'''ה תשרי.

קה רבון עלם: הר''ר נפתלי הורוויץ שליט''א (לאנדאן). די פרישע חתנים זענען אריבער נעמען פירות און עס איז פארגעקומען א שלום זכר ביי ר' יחזקאל ברמ''ש ווערצבערגער הי"ו. אז ביום השביעי: הרה''ג ר' עזרא דוד כאירה שליט''א מען האט געענדיגט ארום 1:15.

*וביום השבת קודש*

שב''ק אינדערפרי איז דער רבי אריינגעקומען אין ביהמ''ד ארום 10:10. ברכות ופסוקי דזמרה: הרה''ג ר' הלל ראבינאוויטש שליט''א צו שחרית איז דער רבי צוגעגאנגען.

הוצאה והכנסה: הרב מרדכי יודא בן הרה''ג ר' יואל העניך הורוויץ שליט''א. פסוקי שמע ישראל: הר"ר חיים בן הגה''צ ר' אברהם מאיר האלבערשטאם שליט''א.

עליות. כהן: נכד רבינו הרה''ג ר' יואל גלאנץ שליט''א לוי: ר' יחזקאל ברמ''ש ווערצבערגער הי"ו. שלישי: הרה''ג ר' בעריש קאהן שליט''א ראה''כ אנטווערפן. רביעי: הרב מאיר יוסף גראס הי''ו. חמישי: הרה"ח ר' אליעזר ווייס הי"ו. שישי: רבינו שליט''א.

נאכ'ן עולה זײן האט דער רבי קורא שם געווען לרגל הולדת הבת אצל ר' אביעזר פריעדמאן הי''ו

שביעי: הרה"ח ר' משה אברהם לעפקאוויטש הי''ו (וומסב''ג). אחרון: הרה''ח ר' זלמן לייב גליק הי''ו (וומסב''ג). מפטיר: הרה''ח ר' נפתלי הירצקא שטיין הי''ו. הגבה: הר''ר נפתלי בן הרה''ג ר' יואל העניך הורוויץ שליט''א. גלילה: הר''ר הלל בן הגה''צ ר' אברהם מאיר האלבערשטאם שליט''א

רבינו שליט''א האט ראש חודש געבענטשט מיט גרויס התעוררות.

מוסף: הרה"ח ר' אליעזר ווייס הי"ו. פתיחה צו אנעים זמירות: הרב יושע גאנץ הי"ו (ב"פ). מען האט געענדיגט ארום 12:55.

*רעוא דרעווין - שלחן הטהור נעילת החג - מעמד ברכות הקודש*

► Show Spoiler

ארום 7:40 איז רבינו שליט''א אריינגעקומען אין ביהמ''ד. מנחה: הרה''ח ר' יוסף משה אונגאר הי''ו (מאנסי). כהן: הרה''ח ר' יוסף אהרן הכהן רובין הי''ו. לוי: הרה''ח ר' חיים העללער הי''ו. שלישי: הרה''ג ר' יוסף לייב קאהן שליט''א. הגבה: רבינו שליט''א. גלילה: ר' שלמה יואל פריעדמאן הי''ו (ב''פ).

זמירות ביי של''ס האט דער רבי מכבד געווען. אודה: הרה''צ ר' הערשל ווייס שליט''א אב''ד אוהעל ב''פ. שיר המעלות: הרה''ג ר' אברהם וואלף שנעבאלג שליט''א מו''ץ בקהלתינו וומסב''ג. ידיד נפש: הרה''ג ר' בעריש קאהן שליט''א. קל מסתתר: הרה''ח ר' יעקב הערש פריעדמאן הי''ו.

מען האט מאריך געווען מיט ניגוני יו''ט לכבוד נעילת החג. און ניגונים פונעם הייליגן קדושת לוי וואס די יומא דהילולא פאלט אויס א טאג נאך אסרו חג, פארגעזונגען דורך הרב ר' הערשל קאהן שליט''א.

רבינו שליט''א האט געבענטשט אויפן כוס און געזאגט ברוך המבדיל, און משמיע געווען דב"ק אויף א מייק.

רבינו שליט''א האט געזאגט תורה אויפן פסוק 'בראשית ברא אלוקים' און געטייטשט אז די פריעדיגע צדיקים האבן אויפגעבויט די צנור המשפיע פאר די שפעטערדיגע דורות אפילו מען וועט שוין נישט זיין ווערד זאל מען קענען צוקומען צו די השפעות אזוי ווי אמאל, און דאס איז אונזער ירושה פון אבותינו ורבותינו הקדושים בפרט די טעג פון שמחת תורה ווען אזויפיל אידן האבן מיט א בחינה פון וגילו ברעדה געפראוועט שעות אריכות אנגעהויבן פון הושענא רבה שמיני עצרת און שמחת תורה ווי מען האט זיך געמיזט צואיילן מפני קדושת שבת דערנאך שב''ק, דאס אלעס איז צ''ו שעות *אין צ''ו אלא לשון זירוז מיד ולדורות* און וועט אוודאי משפיע זיין כל טוב, און מסיים געווען ברוב ברכות.

דערנאך האט דער רבי פארגעלערנט די גמרות בבלי וירושלמי אין מס' ברכות און געטייטשט שיינע רמזים.

נאכן טיש האט זיך רבינו שליט''א אויפגעשטעלט טאנצן און פארגעזאגט 3 מאל לשנה הבא בירושלים.

מעריב מוצאי שב''ק: חדב''ן הגה''צ רב דביהמ''ד ישמח משה שליט''א, נאך מעריב האט דער רבי געמאכט הבדלה.

נאך א קורצע צייט איז דער רבי ארויסגעקומען בחצר ביהמ"ד הגדול צום מעמד ברכות הקודש במעמד אלופי אלפי ישראל לכל העם הנאספים סיי פאר די עזרת ישראל און סיי פאר די עזרת נשים.

נאך עטליכע ניגונים בתופים ובמחולת האט דער רבי האט געוואונטשן די ברכות הקודש מען זאל מיטנעמען די מצוות סוכה אין שטוב אריין, די קדושת הסוכה און די השפעות קדושות אויף א גאנץ יאר און געוואונטשן ברכות לרוב, מען האט ממשיך געווען מיט עטליכע ניגונים, מען האט געענדיגט ארום 10:15.

נאכן מעמד האט דער רבי מנחם אבל געווען ביי הרה''ח ר' מרדכי יודא שווארץ הי"ו ובניו ע"פ אשתו/אמם ע"ה אין שטוב פון הרה''ח ר' בנציון קליין הי''ו.

בביתו נאוה קודש האט רבינו שליט''א געזעגנט א לענגערע צייט די הונדערטער געסט מעבר לים.

אויך איז פארגעקומען א סיום כתיבת האותיות פאר די ס''ת וואס ווערט געשריבן דורך משפחת הרה"ח ר' הלל יושע קליין ע"ה, דער רבי האט אריינגעשריבן די אותיות און מאציל געווען מברכות קדשו.

*יהי''ר מען זאל האבן געפועלט אלעס גוטס, מיט אלע השפעות וישועות פאר יעדן איינעם, בביאת משיח צדקנו*

*אשרי העם שככה לו אשרי העם שה' אלוקיו*

סאטמאר'ע נייעס

[מיילעך פריילעך]

אידישע נייעס | האדמו''ר ממונקאטש ביים טיש חוה"מ סוכות.
בילדער: אייזיק י.

[מיילעך פריילעך]

אידישע נייעס | האדמו"ר ממונקאטש ביים שמחת בית השואבה.
בילדער: אחים לענטשעווסקי.

[מיילעך פריילעך]

אידישע נייעס | הושענא רבה בחצה"ק מונקאטש.

[מיילעך פריילעך]

אידישע נייעס | האדמו"ר ממונקאטש ביים נעילת החג טיש מוצאי שמחת תורה.

[פערזשוך]

הושענא רבה

[הקוראים]

וואודריזש
סוכות
https://ahblicklive.com/post.php?u_id=Y ... dLK7Z8RU7H

[ווער]

יום טוב סוכות בצל הגה"צ רבי זלמן לייב פילאפף שליט"א אבד"ק מכלל יופי

unnamed - 2024-10-30T102905.929.jpg (275.87 KiB) געזען געווארן 818 מאל

[הקוראים]

וואודריזש
ליל שמחת תורה איז אריבערגעברענט געווארן מבית גנזיו פון הרה"צ ר' חנני' גרויס שליט"א מקערעסטיר די ס״ת וואס הרה״ק מריזון זי"ע האט געלאזט שרייבן פאר איינע פון די קינדער זיינע הגאוה"ק זי"ע, ווי די רבי שליט"א האט געטאנצט דערמיט און פארגעזאגט די פיוטי הקפות באש קודש דערנאך איז געגעבן געווארן א גלעגנהייט פאר אינג און אלט א קוש צו טוהן די ספר תורה

[מיילעך פריילעך]

אידישע נייעס | שמחות בחצרות הקודש:

היינט קומט פאר די שמחת התנאים פון די כלה א טאכטער פון כ"ק אדמו"ר מקאליש שליט"א פון פלעטבוש, מיט די חתן א זון פון הגה"צ ר' יחזקאל שרגא טייטלבוים שליט"א, זון פון הגה"צ אבד"ק נירבאטור שליט"א, און איידעם ביי הגה"צ אבד"ק סאלקא שליט"א. - די שמחה קומט פאר אין ביהמ"ד קאליש אין פלעטבוש.

עס איז געשלאסן געווארן די שידוך פונעם חתן א זון פון הגה"צ ר' חיים מאיר ארנסטר שליט"א אב"ד וויזניץ מאנטשעסטער, זון פון הגה"צ ר' מנחם ארנסטר שליט"א ראש ישיבת וויזניץ, און איידעם ביי כ"ק אדמו"ר מזידיטשויב שיקאגא זצ"ל, מיט די כלה א טאכטער פון הגה"צ ר' מרדכי אהרן טווערסקי שליט"א, איידעם ביי כ"ק אדמו"ר הרה"ק מראחמיסטריווקא זצ"ל. -  די שמחת הווארט קומט פאר היינט נאכט אין ביהמ"ד הגדול ראחמיסטריווקא אין בארא פארק.

עס איז געשלאסן געווארן די שידוך פונעם חתן א זון פון הגה"צ ר' יוסף כ"ץ שליט"א אבד"ק דושינסקיא וומס"ב, איידעם ביי כ"ק אדמו"ר מחוסט שליט"א פון בארא פארק, מיט די כלה א טאכטער פון הגה"צ ר' ישעי' יחיאל אלטר לאבין שליט"א, זון פון כ"ק אדמו"ר מבאלחוב שליט"א, און איידעם ביי כ"ק אדמו"ר מבורשטין שליט"א.

כ"ק אדמו"ר מוויזניץ שליט"א פון קייאמישע וועט היינט אנקומען קיין מאנסי אויפצונעמען דעם ציבור לקראת די שמחת החתונה במעון קדשו, די ערשטע חתונה וואס וועט געפראוועט ווערן אין קרית וויזניץ קייאמישע לעיק די קומענדיגע וואך, היינט אויפדערנאכט וועט פארקומען די ארומע סעודה אינאיינעם מיט די יארצייט טיש לרגל די יארצייט פון הרה"ק בעל צמח צדיק מוויזניץ זי"ע, אין זאל פון 35 לינאר אין מאנסי.

שישו ושמחו בשמחת התורה:
היינט קומט פאר די מעמד סיום סדר מועד והתחלת סדר נשים במסגרת הלימוד באר חיינו דחסידי סלאנים, עס קומט פאר אויף א גרויסע פארנעם אין זאל די סיטי אין מישור אדומים נעבן ירושלים עיה"ק, אין שפיץ פון כ"ק אדמו"ר מסלאנים שליט"א.

היינט קומט פאר די מעמד סיום מסכת סוכה במסגרת הלימוד יודעי תורתך דחסידי מודזיץ, אין די גרויסע עטרת זאל אויף רחוב עזרא אין בני ברק.

היינט קומט פאר די מעמד סיום כתיבת ספר תורה פאר די ספר תורה וואס ווערט געשריבן דורך כלל חסידי בוהוש, לזכותו פון כ"ק אדמו"ר מבוהוש שליט"א, די מעמד קומט פאר אין ביהמ"ד הגדול בוהוש אין בני ברק.

היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד התאחדות אברכים זופניק דקהל יטב לב ד'סאטמאר אין וויליאמסבורג, לזכר נשמת הגה"צ ר' יונה פילאפף זצ"ל ר"מ במתיבתא תורה ויראה ד'סאטמאר.

לקיים בנו חכמי ישראל:
כלל ישראל ווערט געבעטן צו מתפלל זיין לרפואת כ"ק הגה"צ גאב"ד טענקא שליט"א וועלכער איז געפאלן ל"ע און געפונט זיך אין שפיטאל, דער רב שליט"א איז ערווארטעט אריבערצוגיין היינט אן אפעראציע, הגה"צ רבי חיים אלעזר בן גיטל לרפואה שלימה. (JDN)

[מיילעך פריילעך]

אידישע נייעס | האדמו"ר מטאהש ביים באגלייטן מוצאי שמחת תורה.

[סאטמארע נייעס]

סאטמאר מהר''א

אין ווייטערדיגע מאסיווע השתדלות-מיטינגען פון כ"ק רבינו הגה''ק שליט"א פאר'ן קאמף קעגן דעם גזירת החינוך, ולמען הכלל והפרט פאר אחב''י, איז היינט פארגעקומען א זיצונג מיט הויכראנגיקע פאליטישע באאמטע לרגל די בעפארשטייענדע וואלן.

ארום 11:00 איז אנגעקומען צו רבינו שליט"א אין די מאנסי אכסניא בבית הרה''ח ר' אברהם יקותיאל יערמיאש הי"ו דער הויכגעשעצטער קאנגרעס ספיקער מייק דזשאנסאן אינאיינעם מיט'ן קאנגערסמאן מייק לאולער וועלכע פארטרעט מאנסי און לויפט פאר ווידערוויילונג, אין באגלייטונג פון די ראשי והנהלת העיר קרית יואל הרה"ח ר' גדלי סעגעדין הי"ו, וראשי קהלתינו הק' אין מאנסי, מען האט א לענגערע צייט ארומגערעדט איבער דעם גזירת החינוך אין ניו יארק, און וואס זיי קענען ארויסהעלפן מיט אלעם וואס איז בידם, אזוי אויך אנדערע נושאים לטובת הכלל, און זיי האבן פארשפראכן צו מיטארבעטן מיט אלע זאכן וואס וועלן אויפגעברענגט ווערן אנבאלאנגט דעם פראבלעם פון חינוך און אלע אנדערע ענינים, און רבינו שליט"א האט זיי מאציל געווען מברכת קדשו לרגל די בעפארשטייענדע וואלן.
(בילדער קרעדיט: מאנסי-סקופּ)

סאטמאר'ע נייעס
https://chat.whatsapp.com/IpFlOyC5SJ30eoFk1ggspC

[מיילעך פריילעך]

אידישע נייעס | הילולא קדישא:

היינט כ"ט תשרי געפאלט די יומא דהילולא קדישא פון הרה"ק בעל צמח צדיק מוויזניץ זי"ע, נכדו כ"ק אדמו"ר מוויזניץ שליט"א וועלכער איז אנגעקומען אויף א מסע הקודש קיין אוקריינע אינאיינעם מיט הונדערטער תומכי המוסדות, וועט היינט פוקד זיין דעם ציון הק' אין שטאט וויזניץ להיוושע בכל מילי דמיטב, דערביי וועט אויך פארקומען די מעמד חנוכת האוהל החדש וואס איז געבויעט געווארן אויפן ציון הק' אין וויזניץ, נאכגעפאלגט מיט די סעודת הילולא בעיר האבות וויזניץ.

שישו ושמחו בשמחת התורה:
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד אמרי חיים וויזניץ אין בארא פארק, נדבת הרה"ח ר' אליעזר משה שווארץ הי"ו, אין שפיץ פון כ"ק אדמו"ר מוויזניץ שליט"א פון ירושלים.

היינט קומט פאר די מעמד הכנסת ספר תורה וואס ווערט אריינגעגעבן צום נייעם ביהמ"ד לב אהרן דקהל יטב לב ד'סאטמאר אין וויליאמסבורג, נדבת הרה"ח ר' יעקב צבי היימאן הי"ו.

היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד נדבורנא אין ירושלים, לע"נ הרה"ח ר' ישראל גיבערשטיין ע"ה, אין שפיץ פון כ"ק אדמו"ר מנדבורנא ירושלים שליט"א.

מעמדי קודש:
כ"ק אדמו"ר מראחמיסטריווקא שליט"א וועט היינט אויפטרעטן מיט די דרשת פתיחת הזמן פאר די בחורי הישיבות, איינס אזייגער מיטאג אין ביהמ"ד הגדול ראחמיסטריווקא אין בארא פארק.

כ"ק אדמו"ר מטשערנאביל שליט"א וועט היינט אויפטרעטן מיט די דרשת פתיחת הזמן פאר די בחורי החסידות, צען אזייגער אויפדערנאכט אין טשערנאבילער בית המדרש אין בארא פארק.

שמחות בחצרות הקודש:
שמחת בית פיטסבורג - קרעטשניף: עס איז געשלאסן געווארן די שידוך פונעם חתן א זון פון כ"ק אדמו"ר מפיטסבורג שליט"א, איידעם ביי כ"ק אדמו"ר מקרעטשניף שליט"א, מיט די כלה א טאכטער פון הגה"צ ר' אהרן אויערבאך שליט"א, זון פון הגה"צ ר' מרדכי אויערבאך שליט"א אבד"ק אביר יעקב תל אביב, און איידעם ביי הגה"צ ר' אליהו שטערנבוך זצ"ל ראב"ד אנטווערפן.

היינט קומט פאר די שמחת הבר מצוה פון א אייניקל ביי כ"ק אדמו"ר מקיוויאשד שליט"א, א זון פון זיין איידעם הרב יוחנן טווערסקי שליט"א, זון פון הגה"צ אבד"ק ראחמיסטריווקא מאנסי שליט"א. - די שמחה קומט פאר אין זאל פון ישיבת וויזניץ אויף 20 עישעל אין מאנסי. (JDN)

[מיילעך פריילעך]

אידישע נייעס | יהדות ניו יארק וועט מקבל זיין האדמו"ר מתולדות אהרן אויף א לענגערע באזוך לרגל די חתונה פון אן אייניקל: 

מיט גרויס התרגשות און ערווארטונג רישן זיך חסידי ומעריצי בית תולדות אהרן און בכלל חסידים ואנשי מעשה אין ניו יארק צו מקבל זיין פני כ"ק אדמו"ר מתולדות אהרן שליט"א וואס וועט אונטערנעמען א לענגערע ביקור הוד אין ניו יארק לכבוד די חתונה פון אן אייניקל, החתן הרב אברהם יצחק בן לחתנו הרה"צ ר' אליהו גינזבערג שליט"א בן כ"ק אדמו"ר מחוסט שליט"א פון בארא פארק מיט די כלה א טאכטער פון הגה"צ ר' משה טייטלבוים שליט"א רב ביהמ"ד בית שמואל בנימין קרית יואל בן הגה"צ ר' אריה לייביש זצ"ל דומ"ץ קרית ויואל משה מאנטיסעלא און אן איידעם ביי הגאון הגדול דומ"ץ קרית יואל שליט"א בעל אגלי דבש.

דער רבי שליט"א וועט פארוויילן גאנצע פיר וואכן אין אמעריקע, אויסצונוצן די געלעגנהייט אויפצוטרייבן געלטער לטובת די הייליגע אימפעריע פון מוסדות תולדות אהרן בארה"ק, און צו שאפן די נויטיגע פאנדן פאר הקמת ביהמ"ד הגדול תולדות אהרן אין ירושלים עיה"ק.

דער רבי שליט"א וועט לאנדן אין ניו יארק קומענדיגן מיטוואך וירא צופרי, שבת וירא וועט געפראוועט ווערן די שבת עלי' לתורה אינעם שאלעי האטעל אין פאלסבורג, וואס ווערט צוגעשטעלט בנדיבת לב דורכ'ן אייגנטומער הנגיד ר' יוסף יצחק ראזענבוים פון לעיקוואד מגדולי תומכי בית תולדות אהרן. דער שבת של שמחה וועט גלייכצייטיג דינען אלס גייסטרייכע שבת התאחדות פאר כלל חסידי תולדות אהרן פון אלע שטעט וואס וועלן האבן די זכי' לחסות בצל רבם ומאורם אויף א געהויבענעם פארנעם. די חתונה הגדולה וועט פארקומען דינסטאג חיי שרה אין שטאט קרית יואל, נאכגעפאלגט מיט די קייט פון שבעת ימי המשתה.

אין די נאכפאלגנדע דריי שבתים, חיי שרה, תולדות און ויצא, וועט דער רבי וויילן אין שטאט מאנסי, וואו עס וועט במשך די פאר וואכן אפגעהאלטן ווערן א רייע מיט מסיבות און באנקעטן פאר די נדיבים בעם, און עס וועט זיין א געלעגנהייט פאר'ן ציבור אריינצוגיין לעצה ולברכה און מיטהאלטן די ווארעמע תפילות און מעמדים בצל הקודש.