באריכטן און בילדער פון אלע חצרות הקודש

[Joel]

הרה"צ רבי אלימלך בידערמאן שליט"א ביים פראווען נעכטן די יארצייט פונעם הייליגן אור החיים הקודש זי"ע אין בית שמש..
https://jdn.news/posts/2907

[מיילעך פריילעך]

כ"ק אדמו"ר מסאטמאר מהרא שליט"א פארט היינט ארויס אין וועג קיין ניו העמפשעיר, וואו דער רבי וועט זיך אויפהאלטן די קומענדיגע זוממער וואכן אויף אפרוה.

כ"ק אדמו"ר מבאיאן שליט"א וועלכער האלט זיך אויף די טעג אין חלדודנא ענגלאנד אויף אפרוה, וועט היינט אריינפארן צום דערנעבענדיגן שטאט מאנטשעסטער, צו באשיינען די מעמד הכנסת ספר תורה און חנוכת הבית פאר די נייע טשארטקובער קלויז אין מאנטשעסטער.

הילולא קדישא:
היינט ט"ז תמוז געפאלט די יומא דהילולא קדישא פון כ"ק אדמו"ר הרה"ק רבי אברהם יהושע העשיל מקאפיטשניץ זי"ע, נכדו כ"ק אדמו"ר מקאפיטשניץ שליט"א וועט ארויפגיין צום ציון הק' אויפן בית החיים אין טבריה להיפקד בדבר ישועה ורחמים.

[שאינו יודע לשאול]

יארצייט פונעם אור החיים הק' זי"ע ביי הגה"צ רבי אלימלך בידערמאן אין בית שמש.

unnamed - 2024-07-22T103316.679.jpg (103.68 KiB) געזען געווארן 903 מאל

unnamed - 2024-07-22T103327.980.jpg (87.4 KiB) געזען געווארן 903 מאל

[שאינו יודע לשאול]

האד' מתולדות אהרן באזוכט אין קערעסטיר וויילנדיג אין אונגארן אויף אפרוה.

unnamed - 2024-07-22T105113.667.jpg (181.88 KiB) געזען געווארן 892 מאל

[מיילעך פריילעך]

אידישע נייעס | השתדלו והרבו תחינה:
די ציבור ווערט גערופן מתפלל צו זיין לרפואת האדמו"ר מקרעטשניף רחובות וועלכע איז נארוואס אריינגעפירט געווארן צום קפלן שפיטאל אין רחובות נאכן ליידן פון א לונגען אנטצינדונג, מרן מנחם אליעזר זאב בן אסתר רחל לרפו"ש.

[מיילעך פריילעך]

אידישע נייעס | תלמיד שגלה גולה הרב עמו • האדמו"ר מסלאנים פאר תלמידי ישיבתו אין שאטן פון גזירת הגיוס "איך וועל מיטגיין מיט ענק אין תפיסה":

כ"ק אדמו"ר מסלאנים שליט"א האט דעם פארגאנגענע ערב שבת באזוכט אין ישבת באר אברהם סלאנים אין אלעד, ווען נאכן דאווענען האט זיך דער רבי געוואנדן צו די בחורים זאגנדיג אז ער הערט צוריק אז עס זענען פארהאן בחורים וואס האבן מורא אז מען וועט זיי איינזעצן אין תפיסה צוליב דעם וואס זיי וועלן נישט זיך צושטעלן צום לשכת הגיוס, האט דער רבי קלארגעשטעלט: די הלכה איז אז תלמיד שגלה גולה הרב עמו, דאס זעלבע וועט זיין אויף דעם פאל טאמער די רשעים וועלן נעמען איינע פון די בחורים אין תפיסה, וועל איך מיטגיין!

[Joel]

א רירנדע מסיבת הודאה איז פארגעקומען היינט מאנטאג בביתו נאוה קודש פון כ"ק אדמו"ר מפאריסוב שליט"א, מיט די באטייליגונג פון אחיו הגדול כ"ק אדמו"ר ממשכנות הרועים שליט"א, און דעם רבינ'ס איידעם כ"ק אדמו"ר מקרעטשניף קרית גת שליט"א.

[מיין טעגליכע]

היינט מאנטאג אווענט איז כ״ק אדמו״ר מוואודריזש שליט"א בחסדי ה' באפרייט געווארן פון שפיטאל, נאך כמעט 2 וואכן זיין צוגעבינדן צום שפיטאל בעט,

ווי באריכטעט איז דער רבי שליט"א געווען שטארק אפגעשוואכט די לעצטערע וואכן, און נאך וואס מען האט אנדעקט א ערענסטע אינפעקציע איז דער רבי אריבער שווערע מעדעצינישע באהאנדלונגן אין קאלאמביע שפיטאל אין מאנהעטן, אין די צייט וואס גאנץ כלל ישראל האט איינגעריסן לרפואתו פונעם רבי.

יעצט מאנטאג אווענט איז דער רבי ב"ה באפרייט געווארן פון שפיטאל, און געפונט זיך שוין אונטערוועגנס צו ביתו נאוה קודש אין וואודריזש, דער רבי וועט זיך ווייטער ערהוילן אינדערהיים די קומענדיגע חדשים אונטער מעדצינישע אויפזיכט, ספעציעלע איינריכטונגען זענען איינגעשטעלט געווארן ביים רבי אין שטוב אז די רבי זאל שוין קענען זיין במעון קדשו און מיטן אויבערשטנס הילף קענען אנגיין מיט די התמדת התורה און פראווענען די דערהויבענע שבתים וקבלת קהל בקרב תלמידיו וחסידיו כרגיל,

כלל ישראל איז ווייטער מתפלל לרפואתו השלימה פונעם רבי שליט"א כ"ק רבינו יצחק בן ברכה לרפו"ש

[אנונימי]

https://www.dropbox.com/scl/fi/mo9e8vbl ... wxb3g&dl=0

[Joel]

טויזענטער אידן זענען מתפלל ביים ציון פונעם אור החיים הק' זי"ע לרגל די יארצייט
האדמו"ר מבקשי אמונה ביים מתפלל זיין

[Joel]

שמחת החתונה פון אן אייניקל פון האדמו"ר ממעליץ

[Joel]

יארצייט פון הרה"ק רבי דוד מראחמיסטריווקא זי"ע ביי האדמו"ר מראחמיסטריווקא

[Joel]

שמחת הווארט פון אן אייניקל פון האדמו"ר ממשכנות הרועים

[Joel]

מעמד חומש סעודה אין תלמוד תורה באבוב אין מאנסי בראשות כ"ק אדמו"ר מבאבוב שליט"א

[Joel]

יארצייט פונעם אור החיים הק' זי"ע ביי האדמו"ר ממבקשי אמונה

[Joel]

יארצייט פונעם אור החיים הק' זי"ע ביי האדמו"ר מקרעטשניף סיגעט

[Joel]

שמחת החתונה בבית מאקאווא - שאץ

[Joel]

שמחת החתונה בבית דברי משה - נדבורנה - שאץ וויזניץ

[Joel]

האדמו"ר מפאפא באזוכט אין די פאפא קעמפס
https://jdn.news/posts/2932

[מיילעך פריילעך]

אידישע נייעס | אסיפה פון אדמור"י ראחמיסטריווקא איבער די בית החיים פון די קהילה:

נעכטן מאנטאג איז פארגעקומען א אייגענארטיגע אסיפה בביתו נאוה קודש פון כ"ק אדמו"ר הרה"ק מראחמיסטריווקא זי"ע אין בארא פארק, מיט די באטייליגונג פון אלע ראחמיסטריווקא רבי'ס האחים האדמורי"ם, ממשיכי דרכו בקודש פונעם רבי'ן זצ"ל.
די אסיפה איז געווען קאנצענטרירט איבער די גמר המקח צו פארזיכערן א שיינע מכובד'יגע חלקה בארץ החיים ארום די מקום מנוחת הקודש פונעם ראחמיסטריווקא רבי'ן זצ"ל אויפן בית החיים הר שלום אין מאנסי. ווי באקאנט האט די ראחמיסטריווקא קהילה אפגעקויפט א אייגענע חלקה מיט עטליכע יאר צוריק און ביי א ספעציעלע מעמד פאר אלע חסידים האט מען אנגעהויבן פארקויפן חלקות פאר די חברי הקהילה.
אצינד האבן די רבי'ס זיך צוזאמגענומען אוועקצושטעלן א יסוד פאר די עתיד פונעם בית החיים, צו זיכער מאכן אז גענוג חלקות ווערן פארקויפט אז די ציון הק' זאל זיך טאקע געפונעם אין צענטער בכבוד הראוי, דערביי האבן זיך אויך באטייליגט די עסקנים פון אלע קהילות, אין בעפארברייטונג צו א ספעציעלע קאמפיין וואס וועט פארקומען אין אלע ראחמיסטריווקא צענטערן אין אמעריקע צו פארקויפן די חלקות פאר אלע חסידים פון אלע הויפן.

[הקוראים]

.

[הקוראים]

[בצל התומר]

בצל התומר
סאטמאר מהר״יי

דינסטאג און מיטוואך פרשת בלק בצל הקודש

► Show Spoiler

דינסטאג פרשת בלק בצל הקודש אין מחנה דברי יואל

אום 8:15 איז דער רבי אריינגעקומען צו תפילת שחרית אין ביהמ״ד, בעל תפילה איז געווען הב׳ ישראל איסר גרינפעלד ני״ו.

במשך די פארמיטאג סדר איז דער רבי אריינגעקומען אין היכל הישיבה און זיך אומגעקוקט אויף די לימודים א לענגערע צייט.

זמני כניסה איז געווען פון 5:15 ביז 6:15 נאכמיטאג.
אום 6:25 איז דער רבי אריינגעקומען צו תפילת מנחה אין ביהמ״ד, בעל תפילה איז געווען הרה״ג ר׳ דוד יואל בלום שליט״א ר״מ בישיבה.


אום 9:45 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הב׳ יואל ברוך מארקאוויטש ני״ו,
נאך מעריב האט דער רבי ממשיך געווען אויפצונעמען דעם ציבור ביז ארום 11:30 אויפדערנאכט.

מיטוואך פרשת בלק בצל הקודש אין מחנה דברי יואל

אום 8:15 איז דער רבי אריינגעקומען צו תפילת שחרית אין ביהמ״ד, בעל תפילה איז געווען הב׳ אברהם מאיר גרינפעלד ני״ו.

זמני כניסה איז געווען פון 5:15 ביז 6:15 נאכמיטאג.
אום 6:25 איז דער רבי אריינגעקומען צו תפילת מנחה אין ביהמ״ד, בעל תפילה איז געווען הרה״ג ר׳ דוד יואל בלום שליט״א ר״מ בישיבה.


אום 9:55 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הב׳ גדלי כ״ץ ני״ו,
נאך מעריב האט דער רבי ממשיך געווען אויפצונעמען דעם ציבור ביז ארום 11:30 אויפדערנאכט.


~~

[בצל התומר]

בצל התומר
סאטמאר מהר״יי

דאנערשטאג, פרייטאג און שב״ק פרשת בלק בצל הקודש

► Show Spoiler

דאנערשטאג פרשת בלק בצל הקודש אין מחנה דברי יואל

פארן דאווענען האט דער רבי געלייגט תפילין פאר הבחור הבר מצוה
בן הרה״ח ר׳ יודא ארי גוטמאן הי״ו.

אום 8:30ֶ איז דער רבי אריינגעקומען צו תפילת שחרית אין ביהמ״ד הגדול,
בעל תפילה: הב׳ ישראל מאיר עפשטיין ני״ו.

ביי קריאת התורה זענען נתכבד געווארן
כהן: הב׳ חיים הערש ב״ר בערל ראזענבערג הי״ו.
לוי: הב׳ ישראל מענדל ב״ר יושע צבי טירנוער הי״ו.
שלישי: הבחור הבר מצוה ב״ר יודא ארי גוטמאן הי״ו.
דער רבי איז געגאנגען הגבה.
גלילה: הרה״ח ר׳ יודא ארי גוטמאן הי״ו.

נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.


זמני כניסה איז געווען פון 5:15 ביז 7:30 נאכמיטאג.
אום 8:30 איז דער רבי אריינגעקומען צו תפילת מנחה אין בביתו נאוה קודש, בעל תפילה איז געווען הב׳ אהרן דייטש ני״ו.


אום 9:50 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הב׳ איסר שווארטץ ני״ו.
נאך מעריב האט דער רבי ממשיך געווען אויפצונעמען דעם ציבור ביז ארום 11:15 אויפדערנאכט.

~~



פרייטאג פרשת בלק בצל הקודש אין מחנה דברי יואל


פארן דאווענען האט דער רבי געלייגט תפילין פאר די בר מצוה בחורים,
בן הרה״ח ר׳ יוסף גוטמאן הי״ו פון קרית יואל.
בן הרה״ח ר׳ בנימין קליין הי״ו.

אום 8:30ֶ איז דער רבי אריינגעקומען צו תפילת שחרית אין ביהמ״ד,
בעל תפילה: הב׳ ישראל מאיר עפשטיין ני״ו.

נאכן דאווענען זענען די בר מצוה בחורים אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.


שב״ק פרשת בלק בצל הקודש אין מחנה דברי יואל

אום 8:50 איז דער רבי אריינגעקומען אין ביהמ''ד היכל דברי יואל צו תפילת מנחה און איז צוגעגאנגן צום עמוד,
קבלת שבת: הרב אברהם יצחק קאהן שליט״א נכד רבינו.

נאכן דאווענען איז מען אריבער גוט שבת זאגן און די געסט האבן שלום גענומען,
דערנאך איז דער רבי אריין בחדרו הפרטי שע''י הביהמ''ד און געזאגט די זוהר לליל שבת קודש,
נאך א קורצע הפסקה איז דער רבי אריינגעקומען אין גרויסן היכל אהל אלטא פיגא צום שלחן הטהור און סעודת שב''ק אינאיינעם מיט די תלמידי הישיבה און די געסט,

דער רבי האט אנגעהויבן שלום עליכם, מיט אשת חיל האט דער רבי מכבד געוועהן נכדו הבה״ח נתן נטע בן הגה״צ אב״ד ור״מ ירושלים - ק״י שליט״א
הגבהת הכוס: הרה״ח ר׳ שמואל טייטלבוים הי״ו משב״ק.
מיט די זמירות שבת האט דער רבי מכבד געווען די מנגנים,

ביי די תורה האט זיך דער רבי געשטעלט אויף די פסוקי הפרשה בדרך דרוש און ארומגערעדט אז יעדע שבת ביי מנחה ווערט אנגערופן ׳רעווא דרעוון׳ ווייל במשכ׳ן וואך איז בזמן מנחה ׳דין׳ אבער שבת איז נישטא ׳דין׳ במילה איז דא דאפעלטע רחמים,
מיט דעם האט דער רבי געטייטשט אז ביי די ברכות פון בלעם איז געווען א געוואלדיגע עת רצון וויבאלד געווענליך איז ׳אל זועם בכל יום׳ אבער יעצט ווען די אויבערשטער האט נישט געצערענט איז געווען א דאפעלטע עת רצון.

פאר׳ן בענטשן האט דער געהייסן זינגען עטליכע ניגוני הודאה שטייענדיג א יאר פון די ביטערע קאר עקסידענט ווי עס איז געווען פארמישט הגה״צ ר׳ ליפא שליט״א און חדב״ן הגה״צ ר׳ יואל שמעון פריעדמאן שליט״א,
מיטן בענטשן האט די רבי מכבד געוועהן חדב״ן הגה״צ ר׳ אלטר גלאנץ שליט״א ר״מ בישיבה.
נאכן טיש האט מען אהיים באגלייט דעם רבי'ן לביתו נאוה קודש, אויפן וועג האט דער רבי איבערגעשמועסט די תורה.

יום שבת קודש

אום 9:30 איז דער רבי אריינגעקומען צו תפילת שחרית
פסוקי דזמרה: הב׳ יואל ברוך ב״ר שמואל דוד מארקאוויטש הי״ו.
צו שחרית איז צוגעגאנגען הגה״צ ר׳ ליפא שליט״א.

ביי קריאת התורה איז נתכבד געווארן
הוצאה והכנסה: מו״ה יצחק מאיר פעלדמאן הי״ו.
כהן: הרב נפתלי שלום גלאנץ שליט״א.
לוי: הרב אברהם שלום פנחס ראטענבערג שליט״א נכד רבינו.
שלישי: חדב״ן הגה״צ ר׳ יואל שמעון פריעדמאן שליט״א.
רביעי: הגה״צ ר׳ ליפא שליט״א.
חמישי: הבה״ח משה ב״ר בנציון שווארץ הי״ו.
דער רבי האט עולה געווען שישי
שביעי: הבה״ח יחזקאל מנחם בהה״ג ר׳ שמעון ישראל פאזען שליט״א.
אחרון: הרב חיים טייטלבוים שליט״א בן הגה״צ אב״ד סיגוט שליט״א.
מפטיר: הרה״ג ר׳ יעקב נחמן שטויבער שליט״א מנה״ר בישיבה.
הגבה: מו״ה פייוול רובין הי״ו.
גלילה: מו״ה משה קלמן פריעדמאן הי״ו.

צו תפילת מוסף איז צוגעגאנגען הרה״ג ר׳ יעקב נחמן שטויבער שליט״א.
פתיחה לאנעים זמירות: הב׳ מרדכי שלמה ב״ר יואל פיש הי״ו.

מען האט פארענדיגט ארום 12:45, און מען איז אדורך גוט שבת זאגן.

נאכ׳ן דאווענען איז דער רבי אהיים לביתו נאוה קודש ווי עס איז פארגעקומען א קידוש אינאיינעם מיט בני וחתני ונכדי רבינו שליט״א במקום סעודת הודאה אפצייכענדיג א יאר פון די קאר עקסידענט ווי עס זענען געווען פארמישט הגה״צ ר׳ ליפא שליט״א און חדב״ן הגה״צ ר׳ יואל שמעון פריעדמאן שליט״א,
הגבהת הכוס: הגה״צ אב״ד סיגוט שליט״א.
דער רבי האט ארומגערעדט א לענגערע צייט עניני הודאה און פארציילט סיפורי צדיקים פון די יארצייטן פון די וואך,
דערנאך מכבד געווען הגה״צ ר׳ יואל שמעון פר״מ שליט״א און הגה״צ ר׳ ליפא שליט״א וואס האט אויפגעטרעטן ברגשי לבבו איבער די נסים וואס מען האט זוכה געווען, און דערביי זיך באדאנקט פאר רבינו שליט״א און פאר די בני המשפחה וואס האבן ארויסגעהאלפען במשך יענע תקופה.

נאך א קורצע הפסקה איז רבינו שליט״א אריינגעקומען צום בייטאג טיש און געפראוועט אויף פריוואטע פארנעם מיט די אייניקלעך,
מיטן בענטשן האט דער רבי מכבד געווען נכדו הרב אברהם יצחק קאהן שליט״א


מנחה ושל״ס

אום 8:45 איז דער רבי אריינגעקומען צו תפילת מנחה בעל תפילה איז געווען הרה״ג ר׳ ירוחם דייטש שליט״א מנה״ר בישיבה.
ביי קריאת התורה איז נתכבד געווארן
פתיחה: הב׳ לוי יצחק פעקעטע ני״ו
כהן: הרב אברהם יצחק קאהן שליט״א נכד רבינו.
לוי: הב׳ אשר זעליג ב״ר זיידא ישראל חיים קרויס הי״ו.
שלישי: הרב שמעון מייזליש שליט״א נכד רבינו.
דער רבי איז געגאנגען הגבה
גלילה: הב׳ הלל ב״ר שמעון כ״ץ הי״ו.

דער רבי האט זיך געוואשן צו של״ס און פארגעזינגען די זמירות
אודה: הרה״ח ר׳ משה שמואל זופניק הי״ו נדיב המחנה.
שיר המעלות: הרה״ח ר׳ וואלף לעפקאוויטש הי״ו פון קרית יואל.
דער רבי האט געזאגט תורה און ארומגערעדט וואס שטייט אז בלק האט געזעהן העמיד משה החמה און דאס האט אים געמאכט מורה האבן פון די אידן, און נאכגעזאגט פון ישמח משה אז די שמש גייט אלץ אקעגן די גלגל און טוט פארקערט ווי עס ציט איר, אלץ כדי צו טוהן די רצון השם, די זעלבע איז צדיקים ׳ואוהביו כצאת השמש בגבורתו׳, זיי רייסן פון זיך זייערע רצונות צוהט זיי, אלעס כדי צו מקיים זיין רצון הבורא.

ידיד נפש: הרה״ג ר׳ יעקב נחמן שטויבער שליט״א מנה״ר בישיבה.

נאך א קורצע הפסקה איז דער רבי אריינגעקומען צו תפילת מעריב, בעל תפילה איז געווען הרה״ג ר׳ יעקב נחמן שטויבער שליט״א מנה״ר בישיבה.
נאך מעריב איז מען אדורך זאגן א גוטע וואך, דערנאך האט דער רבי געמאכט הבדלה און געזאגט ויתן לך.

~~

[בצל התומר]

בצל התומר
סאטמאר מהר״יי

זונטאג פרשת פנחס בצל הקודש

► Show Spoiler

זונטאג פרשת פנחס בצל הקודש אין מחנה דברי יואל

פארן דאווענען האט דער רבי געלייגט תפילין פאר די בר מצוה בחורים,
בן הרה״ח ר׳ יואל אביגדור ווייס הי״ו.
בן הרה״ח ר׳ נתן נטע בראדי הי״ו.
בן הרב יעקב בער שפיטץ שליט״א.

אום 8:30ֶ איז דער רבי אריינגעקומען צו תפילת שחרית אין ביהמ״ד,
בעל תפילה: הב׳ אלימלך בנציון מארקאוויטש הי״ו.

נאכן דאווענען זענען די בר מצוה בחורים אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

אום 3:30 איז רבינו שליט״א אנגעקומען ביים ביה״ח דקהלתינו הק׳ אין קרית יואל ווי דער רבי האט זיך משתתף געווען ביים לויה פון הרה״ח הישיש ר׳ משה וועבערמאן ע״ה,
דער רבי האט משמיע געווען דברי הספד און בקול בוכים דערמאנט די פעולות לטובה פונעם נפטר ע״ה בעניני פדיון שבוים און דערביי געבעטן ער זאל זיין א מליץ יושר אויף זיין זוהן ר׳ נחמי צבי בן דינה הי״ו שיצא מאפילה לאורה במהרה,
נאכ׳ן קבורה האט דער רבי אינאיינעם מיט הגה״צ אב״ד סיגוט שליט״א מנחם אבל געווען הרה״ח ר׳ נחמי צבי וועבערמאן הי״ו און די בני המשפחה.

דערנאך האט דער רבי מנחם אבל געווען הגה״צ ר׳ העניך מרדכי מייזליש שליט״א אב״ד טאלטשעווא בבית מדרשו, וואס זיצט שבעה ע״פ אחיו הגה״צ ר׳ שלמה ז״ל רב ביהמ״ד חברה ש״ס - לאנדאן,
עס האט זיך פארצויגן א שיינע שמועס און דער רבי האט געוואונטשן ברכת תנחומין.


זמני כניסה בביתו נאוה קודש איז געווען פון 5:15 ביז 6:15 נאכמיטאג.
אום 6:25 איז דער רבי אריינגעקומען צו תפילת מנחה אין ביהמ״ד, בעל תפילה איז געווען הרה״ג ר׳ דוד יואל בלום שליט״א ר״מ בישיבה.


אום 9:45 איז דער רבי אריינגעקומען צו תפילת מעריב אין ביהמ״ד, בעל תפילה איז געווען הרה״ג ר׳ גרשון קליין שליט״א ר״מ בישיבה.
נאך מעריב האט דער רבי ממשיך געווען אויפצונעמען דעם ציבור ביז ארום 11:00 אויפדערנאכט.
בעת די זמני כניסה האט דער רבי מנחם אבל געווען דורכ׳ן טעלעפאן משפחת ליפשיץ וואס זיצן שבעה ע״פ אביהם הרה״ח ר׳ יצחק ליפשיץ ע״ה.

~~