אידטיש

נקודות טובות האט געשריבן: ↑זונטאג אקטאבער 15, 2023 12:13 am

א קלער האט געשריבן: ↑דאנערשטאג אקטאבער 12, 2023 3:52 pm

► Show Spoiler

נקודות טובות האט געשריבן: ↑דאנערשטאג אקטאבער 12, 2023 1:49 pm

סתם צו דערשרעקן דעם ציבור מיט ווערטער פון אני מתיר?? אני מתיר איז געווען דאס נעמען די מדינה. און ליידער זייט דעמאלט זענען מיר נאכנישט פטור געווארן פון דעם מרידה בד'! אבער יעצט מיט די נקמה?? אדרבה ואדרבה, ס'איז אן הלכה פסוקה אין שלחן ערוך אז מען דארף ארויסגיין אין מלחמה.

און ווי איך האב שוין געברענגט, אז די מצוה פון הריגת עמלק איז אויך נוגע בזמנינו!

איר שרייבט אנקעגן וואס שטייט אין ויואל משה, לכה''פ שרייב עס נישט אין זיין נאמען

איך האב ביז אהער מיך פראבירט צו האלטן רעלאטיוו רואיג, און אפי' אויף תגובות וואו מאנכע האבן מיך פראבירט אראפצורייסען אלץ מזרחי'סט אגודה'סט וכדו' האב איך נישט ראגירט. אלעס וויבאלד איך האב געוואלט אז דער אשכול זאל בלייבען געשמאק און רואיג, און מען זאל זיך קענען אויסשמועסען א נושא אזוי ווי עס פאסט זיך פאר אידטיש.

איך האב אויף מערערע תגובות פון געוויסע ניקס זיי געבעטן אין אישי אז זיי זאלן מעקן געוויסע שורות וואס איז נישט געווען מן הענין, צוליב דעם וואס איך האב נישט געוואלט אז די נושא זאל ווערן א פערזענדליכע נושא ווי ניקס פליקען זיך איינער דעם צווייטען.

רוב פון די ניקס דא זענען טאקע זייער פארשטענדליך, און האבן טאקע געמעקט געוויסע סטעיטמענטס וואס איז נישט געווען לצורך הענין. אבער עס זענען פארט געווען אזאלכע וואס האבן מיר קאטעגאריש אפגעווארפען, און מיר פארגעהאלטן אז וויבאלד איך פארשפרייט ציונות מיז מען מיר אטאקירן מיט די שארפסטע מיטלן. דערפאר האב איך מיך געוואנדען צו אונזער חשובע אחראי הרב @צייטווייליג , אז ער זאל אריין קומען פראבירן צו האלטן די נושא אויף די רעלסען, אן אריין פארן פערזענדליך איינער אינעם צווייטען. ותשואת חן לו.


אבער ווי מיר קענען דעם אויסדריק פונעם פייטן, האומר לים עד פה תבא!

מיר שטייען דא איבער 96 שעה פון ווען איך האב מיר געלאזט הערן מיינע מיינונגען געבויט על דברי רבינו הקדוש והטהור זכותו יגן עלינו איבער די מצב הנורא וואס שפילט זיך אפ אין ארצינו הקדושה, און קיינער האט מיר נאכנישט אפגעפרעגט מיט קיין ציטאט מדברי רבינו זכותו יגן עלינו. נאר אנשטאט דעם פארשרייעט מען מיר אלץ מזרחי וכדו', און אז איך פארשפרייט זאכן אויפן רבי'ן וואס איז קלאר נגד דעם ויואל משה.
דאס איז מיר זייער אינטערעסאנט, אויב טאקע בין איך אזוי נגד דעת רבינו פארוואס קען מען מיר נישט טרעפן קיינע לשונות רבינו פארקערט ווי מיר??? פארוואס איז די איינציגע מהלך צו שרייען בעלזא, מזרחי, רחמנא ליצלן, וכדו' ??? ברענג עפעס זאכליכע מאמרים פונעם רבי'ן מיט וואס איך בין מיך סותר!!!

דער תירוץ אויף דעם איז צוליב דעם וואס ליידער ליידער האבן רוב סאטמארע אידן נאכנישט געהאט די זכיה דורך צו לערנען די ספר הקדוש ויואל משה! נאר אנשטאט דעם איז מען פארנומען נאכצוזאגן וואס מען האט געהערט פון די מלמדים אין כתה ד' ווי זיי האבן אראפגעלייגט ציונות, וואס א גרויס חלק פון די מלמדי כתה ד' האבן נאך אויך נישט זוכה געווען צו לערנען ספרי רבינו הקדוש!

היינט איז דעם רבינ'ס שיטה רחמנא ליצלן פארוואנדעלט געווארן אין די וואנזיניגע שיטה פון די מחריבי קרתא, וועמען די רבי האט מדמה געווען צו די מזרחי נאר אויף פארקערט!

די היינטיגע פאלטשע סימפאטיע צו די אראבישע חאמאס רוצחים ארורים ימח שמם וזכרם, איז א דירעקטע שפיז אריין אין הארץ פון שיטת רבינו. און דאס קומט נאר ארויס פון געוויסע וואס זענען געבוירען צו סאטמארע עלטערן אלץ חסרון ידיעה!



אין א דור וואס האט געהערשט א מבול פון כפירה ומינות, ווי דער שיטה הארורה פון ציונות האט געפירט צו די השמדה פון אכציג פראצענט כלל ישראל רחמנא ליצלן. האט אונז דער אויבערשטער ברוב רחמיו וחסדיו אראפגעשיקט א נשמה קדושה וואס אזא נשמה איז נישט געווען אויך די וועלט שוין מיט יארן פריער, און דאס איז געווען דער רבן של כל בני הגולה רבינו הקדוש והטהור.

רבינו הקדוש האט מיט דברים חוצבים מלהבות אש אויסגערופען דעם דבר ד' ברמה, און האט זיך נישט געשראקען פאר קיינעם אלעס נאר מרבה צו זיין כבוד שמים אז מיר זאלן חלילה נישט פארכאפט ווערן אין די כת הארורה. און ווי אויך האט ער אונז מרשה געווען דעם ספר הקדוש ויואל משה, וואס אין דעם איז ער מבאר געוואלדיגע ביאורים אין עניני אמונות ודעות. והלכה כמותו בכל מקום וכל זמן, וכל חכמי ישראל היו לפניו כקליפות השום! (אידן וואס געהערן צו אנדערע קרייזען זאלן האלטן אז זייער רבי איז געווען די גרעסטע, אבער אזוי ווי איך געהער צו סאטמאר האלט איך אז מיין רבי איז געווען די גרעסטע הא לן והא להו, ואלו ואלו דברי אלוקים חיים)


עס איז א שאנדע און א בושה אז אידן וואס פאררופען זיך אויפן נאמען סאטמאר זאלן נאך אפילו נישט האבן דורך געלערנט דעם ספר הקדוש ויאל משה, אדער עכ''פ די לשון קדשו אויף די פרשת נשא בהעלותך שלח קרח יאר תשכ''ז! אדער כאטשיג אויסהערן די יסודית'דיגע שלש סעודות תורה'ס פון נשא בהעלותך שלח קרח!

דאס ארויסקומען היינט מיט קאמענטארן און מייניגען וואס רעפלעקטירט בכלל נישט די דעת תורה פון רבינו הקדוש, איז נאר וויבאלד א גרויס חלק סאטמארע אידן זענען פשוט נישט באקאנט מיט דעתו הקדוש!



מלחמה.
עס איז נישט דא קיין איין ציטאט פונעם רבי'ן איבער דעם אז עס זאל זיין אן איסור צו אפשלאגען אן אטקאע וואס ווערט דורך געפירט דורך די אראבישע שכנים ימח שמם, נאר דוקא להיפך ווי דער רבי זאגט קלאר אין פרשת בהעלותך בזה הלשון.
אודאי בשעת מעשה ווען ס'ברענט די שריפה און ס'ווערן נעבעך גע'הרג'עט קינדער, בשעת מעשה קען ער נישט זאגן זאלסט נישט גיין זאלסט נישט רעטן!

נאר די רבי לייגט כסדר צו אז ווען די מלחמה ענדיגט זיך זאל מען חלילה נישט משבח זיין די רשעים אז זיי זענען די וואס האבן אונז ארויסגענומען פונעם עת צר. נאר מען דארף אויף דעם דאנקען דעם אויבערשטען, און אויף די רשעים דארף מען שפייען. און אויב דורכן דאנקען דעם אויבערשטען קומט מען חלילה צו משבח צו זיין די רשעים, זאל מען נישט דאנקען דעם אויבערשטען אויך נישט!


און ווי אויך יעדע מאל וואס די רבי זאגט נאך דעם משל, גייט ער נאכאמאל מיט דעם אז מען טאר זיי נישט אנקוקען ווי די וואס ראטעווען, נאר מען דארף וויסען אז זיי זענען די וואס האבן אנגעברעגט די גאנצע פראבלעם. אבער קיינמאל האט ער נישט געזאגט אז בשעת מלחמה זאל מען נישט צוריק אטאקירן!
קיינמאל האט ער בשעת מלחמה נישט פארלאנגט אז מען זאל זויפארט צוריק געבן דאס לאנד פאר די UN. דאס איז שטותים והבלים!
ער האט קיינמאל אפי' קיין ענליכע ווערטער צו דעם געזאגט, וחס מלהזכיר!

מיר דארפען וויסען אז מפני פיקוח נפש ווערט אין שלחן ערוך הלכות שבת און ווי אויך אין הלכות תענית גע'פסק'ענט אז אויב גוים זענען נאר אפילו נעבן די די שטאט, נישט אויב זיי האבן בפועל אטאקירט, נאר אפי' אויב זיי זענען נעבן שטאט איז דא חיוב צו מחלל שבת זיין און צוזאמען נעמען א מיליטער צו גיין קעמפען די גוים מפני פיקוח נפש! מי הוא זה ואיזה הוא אשר מלאו ליבו צו גיין קעגן דעם פסק השלחן ערוך און זאגן ניין, אז מען זאל גיין צו די UN ????

@בן תורה ווי לאנג חאמאס עקזעסטירט איז דאס א סכנה, און דאס איז וואס שטייט אין שלחן ערוך עיר שהקפיהו.

מען דארף געדענקען אז די רבי האט גערעדט בזמן ווען ער האט באמת געהאלטען אז די ציונים זענען די וואס האבן אנגעברענגט די מלחמה, א שטייגער ווי די מלחמת ששת הימים וואס איז בכלל נישט געווען וויכטיג צו אריינגיין אין מלחמה, נאר די ציונים האבן געוואלט ווייזען מאכט און כוחי ועוצם ידי האבן זיי געשטיפט די מלחמה. אזוי ווי דער רבי איז מבאר מערערע מאל.

אבער אין אזא מצב ווי מען האנדעלט איבער חיות טורפות וואס אפי' אין די אראבישע וועלט זענען זיי נישט אקצעפטירט, קיינער וויל זיי נישט. נישט מצרים וויל וויסען פון זיי, נאר זיי האבן א גרעניץ וואס איז נאך מער פארשלאסען פאר די עזה'נער ווי די ארץ ישראל'דיגע גרעניץ. נישט די איראנער וואס שטיצען זיי מיליטעריש. און נישט קאטאר. קיינער וויל זיי נישט, יעדער האט פון זיי מורא! קיינער זוכט נישט אנצוברענגען טעראר ביי זיי אין לאנד! זיי ווערן אנגעקוקט ווי טעראריסטען אפי' צווישען די פראי אדם!

ס'איז נישט קיין שאלה אז מען דארף זיי אפווישען גענצליך, אזוי ווי מיר זעהען אין שלחן ערוך אויף עיר שהקפיהו גוים. זיי זענען א סכנה פאר אידישע קינדער ווי לאנג זיי עקסעסטירן!


און דאס וואס מאנכע זאגן אז שלום גייט קיינמאל נישט ארבעטן זאלן קודם קודם געבן א קוק וויפיל אראבישע מדינות האבן שוין יא נארמאלעזירט באציענגען מיט מדינת ישראל. און ווי אויך זענען די וואס זאגן אזוי ווייטער פארקראכען פון שיטת רבינו אלץ חסרון ידיעה!
אין פרשת שלח סימן ע''ה זאגט די רבי אזוי.
קומט אויס לפי זה לויט די צוויי זוהר'ס וואס שטייט אז ישמעאל וועט גיין און אזוי זיי וועלן גיין אז דעמאלטס וועלן זיי מאכן שלום! ...מיר האף מיר בקרוב וועלן זיי מאכן שלום מיט די אראבער!...נו מוזן זיי דאך מאכן שלום זיי וועלן מאכן שלום!


ומאוד מאוד יש להאריך בדבר.

@א קלער דו זאגסט אז איך בין מחולק מיטן ויואל משה? איז דא בכלל א ספק אויב מחיית עמלק איז א מצוה וואס איז נוהג בזמן הזה?
@ירחמיאל מאניש אפשר זאגסטו מיר וואס מיינט התגרות באומת? מיינט עס דען דעם הבא להורגךל השכם להרגו? וועלכע רבינ'ס תורה'ס האסטו געהערט? פון וועמען ביסטו מקבל די גדרים התגרות באומת ???


ניסים.
דאס וואס דער עולם זאגט מיט א פשטות אז עס קען נישט זיין קיין ניסים דורך די ציונים, דארף מען וויסען אז עס איז זייער נישט קלאר די גדרים אין דעם.
די רבי זאגט עטליכע מאל אז איך האב זייער מורא אויף די טאג וואס וועט זיין ניסים!!!
בהעלותך סימן ל''ט.
איך האב נאך מורא חלילה פאר ניסים איך האב דאס געזאגט נאך פאר צעהן יאר חס ושלום חס ושלום ווען ס'נאך ניסים נעבעך איז א ביטער פורעניות לישראל.
און אזוי זענען דא אן א שיעור מאל וואס די רבי האט קלאר יא געהאלטען אז עס קען געשעהן ניסים. (פארשטייט זיך פון די ס''ם)
און אדרבה, אפשר לייגט מיר איינער אראפ די ניסים פון די מלחמת יום כיפור, ובפרט די האר אויפשטעלנדע געשיכטע פון אביגדור קהלני?

עכ''פ, עוד חזון למועד.