אידטיש

דאנערשטאג פרשת פקודי

פארן דאווענען האט דער רבי געלייגט תפילין פאר די בר מצוה בחורים
בן הרה״ח ר׳ יקיר דערשאוויץ הי״ו
בן הרה״ח ר׳ פנחס פיש הי״ו
ובן הרה״ח ר׳ אלי לאנדא הי״ו.

אום 8:15 איז דער רבי אריינגעקומען צו תפילת שחרית אין ביהמ״ד הגדול בעל תפילה איז געווען מו״ה יעקב פריעדמאן הי״ו

ביי קריאת התורה איז נתכבד געווארן
כהן: החור הבר מצוה בן הרה״ח ר׳ אלי לאנדא הי״ו
לוי: הבחור הבר מצוה בן הרה״ח ר׳ פנחס פיש הי״ו
שלישי: הבחור הבר מצוה בן הרה״ח ר׳ יקיר דערשאוויץ הי״ו
דער רבי איז געגאנגען הגבה
גלילה: מו״ה משה ארי טייטלבוים הי״ו

נאכן דאווענען זענען די בר מצוה בחורים אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

אום 4:45 איז דער רבי אריינגעקומען צו תפילת מנלה בעל תפילה איז געווען מו״ה שלום דוב טענענבוים הי״ו

״קול רנה וישועה באהלי צדיקים״

ארום 5:50 איז רבינו שליט״א אנגעקומען צום בנין הישיבה גדולה הישן אויף טראנטאן פלעיס, צום שמחת השבע ברכות בחצרות קדשינו צוגעשטעלט דורך תלמידי הישיבה חלק ג׳.
דער רבי האט זיך געוואשן צום סעודה, נאכן פיש האט דער רבי אנגעוואונטשען ברכת קדשו פארן גאנצן ציבור, עס האט אויפגעטרעטן די מנהל הרה״ג ר׳ נפתלי בלומענפעלד הי״ו די זיידע הגה״צ אב״ד באגאד שליט״א, און עס האט אויפגעטרעטן מיט דברי חרוזים הב׳ לייבוש שווארטץ ני״ו.
דערנאך האט דער רבי משמיע געווען לענגערע דברות קודש, דער רבי האט ארומגערעדט בעניני שמחת חתן וכלה און התחזקות בלימוד התורה און אויסגעפירט מיט ברכות לרוב פאר די מרביצי תורה און תלמידים.
דערנאך האט אויפגעטרעטן מיט דברי בדחנות הרה״ח ר׳ נחמן ליווי הי״ו, מיטן בענטשן איז נתכבד געווארן די זיידע הגה״צ אב״ד באגאד שליט״א און דער רבי האט געזאגט די שבע ברכות.
דערנאך זיך אויפגעשטעלט אין א ריקוד מיט די חתן און מחותנים, דערנאך האט דער רבי געטאנצן מיט די רמ״י הישיבה.
ארום 8:00 אזייגער האט זיך דער רבי ארויסגעלאזט אויפן וועג אהיים לביתו נאוה קודש.

זמני כניסה איז געווען פון 8:45 ביז 11:30 אויפדערנאכט.
בין הנכנסים איז אריין אל הקודש פנימה הרה״ג ר׳ שלמה שבתי קעסטענבוים שליט״א מקבל זיין ברכת הקודש לרגל די חתונה פון א קינד.

ארום 9:30 איז דער רבי אריינגעקומען צו תפילת מעריב בעל תפילה איז געווען הב׳ יעקב כ״ץ ני״ו.

~~

פרייטאג פרשת פקודי

אום 8:15 איז דער רבי אריינגעקומען צו תפילת שחרית אין ביהמ״ד הגדול בעל תפילה איז געווען מו״ה יעקב פריעדמאן הי״ו.

נאכן דאווענען האט דער רבי מנחם אבל געווען הרה״ח ר׳ חיים שמואל לעווינזאהן הי״ו וואס זיצט שבעה ע״פ אחיו ע״ה

שב״ק פרשת פקודי - שבת שבע ברכות בצל הקודש

אום 7:15 איז דער רבי אריינגעקומען אין ביהמ״ד הגדול מעוטף בטליתו צו תפילת מנחה און צוגעגאנגען צום עמוד, קבלת שבת: הרה״ח ר׳ יואל פערענץ הי״ו

נאכן דאווענען איז דער ציבור אדורך גוט שבת זאגן, מען האט געענדיגט אום 8:50.

אום 11:15 איז דער רבי אריינגעקומען און ביהמ״ד הגדול צום טיש און אנגעהויבן שלום עליכם,
מיט אשת חיל האט דער רבי מכבד געווען הרה״ח ר׳ בנציון שלמה פאללאק הי״ו משב״ק.

הגבהת הכוס צו קידוש החתן הרב יוסף מאיר בן חדב״ן הגה״צ ר׳ יצחק ראזענבערגער שליט״א.

מיט די זמירות שבת האט דער רבי מכבד געווען
כל מקדש: הרה״ג ר׳ מענדל טייטלבוים שליט״א ר״מ בישבתינו הק׳
מנוחה ושמחה: הרה״ג ר׳ שמעון יוסף שטיינמעטץ שליט״א
דער רבי האט געזאגט תורה אויף די פסוקי הפרשה

קה אכסוף: הרב יואל טייטלבוים שליט״א ר״מ בישיבתינו הק׳
קה רבון עלם: הרב יחזקאל שטיינמעץ שליט״א
לאל אשר שבת: הרב יואל לייב פעקעטע שליט״א

מיטן בענטשן האט דער רבי מכבד געווען הגה״צ אב״ד באגאד שליט״א.
מיט די שבע ברכות איז מכובד געווארן ברכות הראשונות: הרה״ג ר׳ דוד שלמה שטיין שליט״א ראה״כ ספינקא, הרה״ג ר׳ ישראל יודף לאבין שליט״א, הרה״ג ר׳ דוד הוראוויץ שליט״א ר״מ בישיבתינו, הרה״ג ר׳ אלחנן טייטלבוים שליט״א, הרה״ג ר׳ משה שטיינמעטץ שליט״א, ברכה אחריתא: דער מחותן הרה״ג ר׳ יקותיאל טייטלבוים שליט״א, נאכן בענטשן האט דער רבי פארטיילט די פירות פארן אויבנאן, דערנאך האט בדחנא דמלכה הרב שמואל ביקעל שליט״א אויסגערופן דעם רבין צום מצוה טאנץ, דער רבי האט געטאנצן לפני הכלה אנגעכאפט מיט די חתן און מחותנים, דערנאך האט דער רבי געטאנצן אין א ריקוד מיט די חתן, מחותנים און די זיידעס.
אז ביום: הרה״ח ר׳ אהרן פריעדמאן הי״ו

מען האט פארענדיגט ארום 1:40 און דער רבי איז אהיים לביתו נאוה קודש.

יום שבת קודש

אום 9:30 איז דער רבי אריינגעקומען צו תפילת שחרית
פסוקי דזמרה: הרה״ח ר׳ ברוך אברהם פערלמוטער הי״ו פון מאנטריאל

דער רבי איז צוגעגאנגען צו שחרית

ביי קריאת התורה זענען נתכבד געווארן
הוצאה והכנסה: הרה״ח ר׳ יואל בר״י טירנוער הי״ו
כהן: הרה״ח ר׳ מיכל בר״מ קאהן הי״ו פון מאנטריאל
לוי: החתן בן הרה״ח ר׳ יואל טירנוער הי״ו
שלישי: החתן בן הרה״ח ר׳ שלמה יצחק ווייס הי״ו
רביעי: הרה״ח ר׳ שלמה פעדער הי״ו פון קרית יואל
חמישי: הרה״ח ר׳ חיים הערש קלאגסבאלד הי״ו
דער רבי האט עולה געווען שישי
שביעי: הרה״ח ר׳ יצחק אייזיק רייך הי״ו
הוספות: הרה״ח ר׳ דוד יודא שווארטץ הי״ו, הרה״ח ר׳ ישראל שניצער הי״ו, החתן בן הרה״ח ר׳ יואל גראס הי״ו, הרה״ח ר׳ מנחם צבי גראס הי״ו, הרה״ח ר׳ שלמה יצחק ווייס הי״ו, הרה״ח ר׳ יקיר ברוין הי״ו פון קרית יואל, הרה״ח ר׳ יעקב אליעזר שווארץ הי״ו, הרה״ח ר׳ אברהם ראטענבערג הי״ו, הרה״ח ר׳ משה לוי ברוין הי״ו.
אחרון: הרה״ח ר׳ הערשל לאנדא הי״ו
מפטיר: הרה״ח ר׳ יוסף אלי שלעזינגער הי״ו
דער רבי האט געזאגט די הפטורה פון פרשת ויקהל
הגבה: הרה״ח ר׳ יואל טובי רייך הי״ו
גלילה: הרה״ח ר׳ יואל ברמ״צ גראס הי״ו

צו מוסף איז צוגעגאנגען הרה״ח ר׳ יוסף אלי שלעזינגער הי״ו
פתיחה לאנעים זמירות: הרה״ח ר׳ משה יצחק לאנדא הי״ו

מען האט פארענדיגט ארום 1:00 אזייגער, און דער ציבור איז אדורך גיט שבת זאגן.

דערנאך איז דער רבי אריינגעקומען אין היכל ישראל דוב צו די קדישים.
הגבהת הכוס צו קידוש החתן בן הרה״ח ר׳ שלמה יצחק ווייס הי״ו דער רבי האט טועם געווען פון די מזונות, און פארטיילט שריים פאר די בעלי שמחה און אנגעוואונטשען ברכת קדשו.

מנחה ושל״ס

אום 7:15 איז דער רבי אריינגעקומען צו תפילת מנחה בעל תפילה איז געווען הרה״ח ר׳ ליפא קרויס הי״ו.
ביי קריאת התורה איז נתכבד געווארן
כהן: הרה״ח ר׳ יונה כ״ץ הי״ו
לוי: הרה״ח ר׳ יואל טירנוער הי״ו
שלישי: הרה״ח ר׳ חיים ווייס הי״ו ראה״ק דקהלתינו אין מאנטשעסטער
דער רבי איז געגאנגען הגבה
גלילה: הרה״ח ר׳ אלימלך בנציון מארקאוויטש הי״ו פון קרית ייטב לב

דער רבי האט זיך געוואשן צו של״ס און פארגעזינגען די זמירות
אודה: הרה״ח ר׳ שאול פערלשטיין הי״ו ראה״ק
שיר המעלות: הרה״ח ר׳ ישראל שמעי ראזנער הי״ו חבר הנהלת קהלתינו הק׳
דער רבי האט געזאגט תורה

ידיד נפש: הרה״ג ר׳ נחמן שטויבער שליט״א מנהל בישיבתינו הק׳
דער רבי האט געבענטשט אויפן כוס און געזאגט די שבע ברכות פאר די חתנים

נאך א קורצע הפסקה איז דער רבי אריינגעקומען צו תפילת מעריב בעל תפילה איז געווען הרה״ח ר׳ אברהם ברוין הי״ו, נאך מעריב איז דער ציבור אדורך זאגן א גוטע וואך, דערנאך האט דער רבי געמאכט הבדלה.

נאך ויתן לך האט דער רבינו שליט״א משמיע געווען דברות קודש פאר די אריבער טויזענט בחורים תלמידי הישיבה קטנות, דער רבי האט ארומגערעדט דברי הכנה ובגודל קדושת ימי הפורים הבעל״ט, דער רבי האט דערמאנט די חשובות פון ארומגיין נאך געלט ביום הפורים, און מעורר געווען אז עס דארף זיין מיט שמירת עינים, און מיטן ערליכן חסידישע לבוש ווי עס פאסט און אזא הייליגע טאג, און דער רבי האט מסיים געווען מיט ברכות לרוב אז מען זאל קענען אויסבעטן ישועת ורפואת פאר גאנץ כלל ישראל, ובפרט אז די ביטערע גזירות החינוך זאל שוין בטל ווערן במהרה.

״קול רנה וישועה באהלי צדיקים״

ארום 12:30 איז דער רבי אנגעקומען אין ביהמ״ד דקהלתינו לי גארדענס, צום שמחת השבע ברכות בחצרות קדשינו צוגעשטעלט דורך די מתפללי הביהמ״ד לכבודו פון רבינו שליט״א און הגה״צ רב הביהמ״ד שליט״א.
דער רבי האט זיך געוואשן צום סעודת מלוה מלכה, נאך די פיש האט דער רבי געוואונטשען לחיים, עס האט אויפגעטרעטן אלס יו״ר הרה״ג ר׳ ישראל שלום ווייס שליט״א און אויפגערופן די מחותן הגה״צ רב הביהמ״ד שליט״א, דערנאך האט דער רבי משמיע געווען דברות קודש און ארומגערעדט בעניני שמחת חתן וכלה און איבער קביעות עתים לתורה און אויסגעפירט מיט ברכות לרוב פאר אלע משתתפים.

עס האט אויפגעטרעטן מיט דברי בדחנות הרה״ח ר׳ יואל ברייער הי״ו, און דערנאך האט זיך דער רבי אויפגעשטעלט טאנצן, מיטן בענטשטן איז מכובד געווארן די זיידע הגה״צ אב״ד באגאד שליט״א און דער רבי האט געזאגט די שבע ברכות.
אויפן וועג ארויס האט זיך דער רבי באדאנקט און אנגעוואונטשען די עסקני הביהמ״ד, ארום 2:00 אזייגער איז דער רבי אהיים לביתו נאוה קודש.

~~

זונטאג פרשת ויקרא

אום 9:15 איז דער רבי אריינגעקומען צו תפילת שחרית אין ביהמ״ד הגדול, בעל תפילה איז געווען מו״ה יעקב פריעדמאן הי״ו.

אין די נאכמיטאג שעות איז דער רבי אנגעקומען אין שטוב פון נכדו הרב ליפא ראזענבערגער שליט״א ווי עס איז פארגעקומען א שמחת השבע ברכות צוגעשטעלט דורך די בני המשפחה, דער רבי האט זיך געוואשן צום סעודה, עס האט אויפגעטרעטן די אייניקלעך הרב חיים אלי ראזענבערגער שליט״א און הרב חיים הערש ראזענבערגער שליט״א, מען האט געזינגען ניגוני שמחה, מיטן בענטשן האט דער רבי מכבד געווען חדב״ן הגה״צ ר׳ יצחק ראזענבערגער שליט׳א, מיט די שבע ברכות איז מכובד געווארן, ברכות הראשונות: הרה״ג ר׳ אשר מאנן שליט״א דומ״ץ ביהמ״ד דקהלתינו מורטיל, הרב חיים אלי ראזענבערגער שליט״א, הרב יעקב בער ראזענבערגער שליט״א, ברכה אחריתא: כ״ק רבינו שליט״א.
מען האט געענדיגט ארום 5:00 אזייגער.

אום 5:55 איז דער רבי אריינגעקומען צו תפילת מנחה בביתו נאוה קודש בעל תפילה איז געווען הרה״ח ר׳ משה וואלף גליק הי״ו פון קרית ייטב לב.

פארנאכטס האט דער רבי מסדר קידושין געווען ביים חופה פון החתן בן הרה״ח ר׳ משה יחזקי ביקסענשפאן הי״ו עב״ג הכלה בת הרה״ח ר׳ יעקב הלוי סינאי הי״ו אין די פרדס פיגא זאל.
ביים חופה פון החתן בן הרה״ח ר׳ יואל בר״ד לאנדא הי״ו עב״ג הכלה בת הרה״ח ר׳ יצחק בער שווארץ הי״ו אין די פרדס צבי זאל.
און ביים חופה פון החתן בן הרה״ח ר׳ אלי דוד לאנדא הי״ו עב״ג הכלה בת הרה״ח ר׳ חיים יושע לעפקאוויטש הי״ו אין די כתר ריזל זאל.

זמני כניסה איז געווען פון 8:15 ביז 10:00 אזייגער אויפדערנאכט.
אום 8:55 איז דער רבי אריינגעקומען צו תפילת מעריב בעל תפילה איז געווען הב׳ הירצקא זופניק ני״ו, נאך מעריב איז דער רבי ארויסגעקומען צו קידוש לבנה פארענט פון ביתו נאוה קודש, דערנאך איז די ציבור אדורך זאגן א גוטע חודש.

״קול רנה וישועה באהלי צדיקים״

נאכן געזעגענען איז דער רבי אנגעקומען צום שמחת השבע ברכות בחצרות קדשינו צוגעשטעלט דורך די זיידע הגה״צ אב״ד באגאד שליט״א אין די עטרת אסתר זאל.
עס האט ממשיך געווען מיט זיין דרשה הרה״ג ר׳ שמעון יוסף שטיינמעטץ שליט״א, דערנאך האט דער רבי געטרינקען לחיים און אנגעוואונטשן ברכת קדשו, מען האט געבענטשט און דער רבי איז מכובד געווארן מיט די שבע ברכות, דערנאך זיך אויפגעשטעלט אין א ריקוד מיט די חתן און מחותנים און אין א עקסטערן ריקוד מיט די זיידע הגה״צ אב״ד באגאד שליט״א.

פון דארט איז דער רבי אנגעקומען צום שבע ברכות אין די בעדפארד פעראדייס זאל פון החתן בן הרב אברהם יושע אייגער שליט״א עב״ג הכלה בת הרב יושע פרץ שנעבאלג שליט״א מ׳זידוטשוב לינדען ומנכ״ל מוסדותינו הק׳ ב״פ,.
דער רבי האט זיך אויפגעשטעלט טאנצן מיט די חתן און מחותנים, דערנאך געטרינקען לחיים און אנגעוואונטשען ברכת קדשו.

דערנאך איז דער רבי אנגעקומען צום שבע ברכות אין די זאלן פון פארק מענער, פון החתן בן הגה"צ ר' מנחם מענדיל האגער שליט"א אב"ד ווישיווא, עב״ג הכלה בת הגה"צ ר' חיים מיכאל ווייסמאנדל שליט"א, בן הגה"צ ר' מנחם מאיר ווייסמאנדל שליט"א אב"ד נייטרא מאנסי, חתן הגה"צ ר' יעקב הערש פריעדמאן שליט"א זון פון הגה"צ ראב"ד דקהלתינו זצ"ל.
עס האט זיך פארצויגן א שיינע שמועס מיט די זיידעס, דער רבי האט געטרינקען לחיים און אנגעוואונטשען ברכת קדשו, דערנאך זיך אויפגעשטעלט אין א ריקוד מיט חתן, מחותנים און די זיידעס.

ארום 11:45 איז דער רבי צוריק אהיים לביתו נאוה קודש.

~~

מאנטאג פרשת ויקרא

אום 8:15 איז דער רבי אריינגעקומען צו תפילת שחרית אין ביהמ״ד הגדול בעל תפילה איז געווען הרה״ג ר׳ הערשל לויפער שליט״א.

ביי קריאת התורה איז נתכבד געווארן
כהן: מו״ה אברהם דוד קאהן הי״ו
לוי: מו״ה יצחק שלמה טירנוער הי״ו
דער רבי האט עולה געווען שלישי
הגבה: מו״ה משה הלל קאהן הי״ו
גלילה: מו״ה חיים יחיאל לויפער הי״ו.

אין די פארמיטאג שעות איז רבינו שליט״א אנגעקומען אין שטוב פון אחיו הגה"צ אב"ד זענטא שליט"א, מיט די באטייליגונג פון די חברי הנהלת המוסדות, ווי עס איז פארגעקומען א מעמד חתימת שטרות ווי דער זענטא רב שליט״א האט אפגעקויפט די זכות פונעם הויפט שער אינעם פרי-וואן-עי בילדינג נעבן דעם גיגאנטישן בנין ברכה סימא פון מוסדותינו הק׳, ע״ש פון הרבנית הצדיקת ז״ל מחברתו הטהורה פון הגה״ק מרן העצי חיים זי״ע ויקרא שמה בישראל "שער ברכה סימא".
עס האט זיך פארצויגן א לענגערע שמועס איבער'ן זיידן הגה"ק בעל עצי חיים זי"ע והרבנית הצדיקת מרת ברכה סימא ע"ה. צווישן אנדערע האט דער רבי דערמאנט זכרונות איבער די פעולות פון אביו רביה״ק בעל ברך משה זי"ע אויפצושטעלן ישיבה קטנות וצעירים. עס האט אויפגעטרעטן הרה"ח ר' אהרן הערש פריינד הי"ו יו"ר וועד קרן הבנין, וועלכער האט ארויסגעברענגט די גרויסע חשיבות פאר הנהלת מוסדותינו הק', אז דער זענטער רב שליט״א מחברי הנהלת המוסדות איז זוכה אפצוקויפן א זכות נצחי אינערהאלב מוסדותינו הק',

דערנאך האט אויפגעטרעטן הגה"צ אב"ד זענטא שליט"א זאגנדיג אז זייענדיג א חבר הנהלה קומט אים אסאך אויס מיטצוגיין צו נדיבים בעם וואס ביישטייערן זייערע נדבות לבם לטובת די מוסדות הק', און אלץ האט ער געטראכט מתי יבוא לידי ואקיימנה און ב"ה יעצט איז ער זוכה צו דעם. דער זענטער רב האט צוגעלייגט אז ער האפט בעזהשי"ת מוסיף צו זיין ברבות הימים כיד ה' הטובה עליו.

דערנאך האט דער רבי מיט אחיו הגה"צ מזענטא שליט"א אונטערגעשריבן דעם שטר וואס באשטעטיגט דעם מקח אויפ'ן 'שער ברכה סימא', און דער זענטער רב האט אויפ'ן ארט אפגעגעבען א טשעק פון די גאנצע נדבה לידו פון אחיו רבינו שליט"א, און דערביי האט דער רבי מוסיף געווען א נדבה נכבדה לטובת מוסדותינו הק׳, דערנאך האט דער רבי געטרינקען לחיים און ווארעם אנגעוואונטשען פאר אחיו הגה״צ מ׳זענטא שליט״א און פאר חברי הנהלת מוסדותינו הק׳ דערנאך האט מען זיך אויפגעשטעלט אין א טאנץ "ק-ה זכות אבות יגן עלינו".

אום 3:30 איז דער רבי אריינגעקומען צו תפילת מנחה בביתו נאוה קודש בעל תפילה איז געווען הרה״ח ר׳ נחום דאנציגער הי״ו פון מאנטשעסטער.

נאך מנחה איז אריין אל הקודש פנימה די חברי הנהלת התאחדות אבריכם פון קהלתינו הק׳ אין מאנטשעסטער און שפיץ פונעם ראה״ק הרה״ח ר׳ חיים ווייס הי״ו, מקבל זיין ברכת הקודש לקראת די מגבית וואס קומט פאר די טעג לטובת די התאחדות אבריכם, דער רבי האט באקומען א באריכט מהנעשה והנשמה פון קהלתינו הק׳, און ווארעם אנגעוואונטשען ברכת קדשו.

״קול רנה וישועה באהלי צדיקים״

אום 5:00 אזייגער איז דער רבי אנגעקומען צום בנין הישיבה קטנה סניף הרה״ג ר׳ יואל שטעסל שליט״א, ווי עס איז פארגעקומען דעם לעצטן שמחת השבע ברכות בחצרות קדשינו, צוגעשטעלט דורך די תלמידי הישיבה לכבודו פון רבינו שליט״א און חדב״ן הגה״צ ר׳ יצחק ראזענבערגער שליט׳א ר״מ בישיבה.
דער רבי האט זיך געוואשן צום סעודה, במשכ׳ן שמחה האט אויפגעטרעטן דער מחותן הגה״צ ר׳ יצחק שליט״א, הרה״ג ר׳ יואל שטעסל שליט״א, דערנאך האט דער רבי משמיע געווען דברות קודש, און ארומגערעדט א לענגערע צייט דברי הכנה אויף יו״ט פורים הבעל״ט, און אויסגעפירט מיט ברכות לרוב פאר די מרביצי תורה און אלע תלמידים. מיטן בענטשן איז מכובד געווארן הגה״צ ר׳ יצחק שליט״א און דער רבי האט געזאגט די שבע ברכות, דערנאך זיך אויפגעשטעלט אין א ריקוד מיט די חתן און מחותנים.

מען האט געענדיגט אום 7:15 און דער רבי איז אהיים לביתו נאוה קודש.

ארום 8:00 אזייגער איז דער רבינו שליט״א אנגעקומען צום שמחת קבלת פנים פון הכלה בת המשב״ק ויד ימינו הרב שמואל טייטלבוים שליט״א עב״ג החתן בן הרב זלמן לייב טייטלבוים שליט״א אין די קאנטינענטאל זאלן.
דער רבי האט מסדר געווען די כתובה, מען האט מקבל קנין געווען, דערנאך האט דער רבי געטרינקען לחיים און אנגעוואונטשען פאר די חתן, מחותנים און די זיידעס.
דערנאך איז דער רבי אריבער צום באדעקן און געבענטשט דעם חתן, דערנאך ארויסגעקומען צום חופה ווי דער רבי איז מכובד געווארן מיט סידור קידושין, קריאת הכתובה: הגה״צ ר׳ יוסף ליפשיטץ שליט״א ראה״כ בעלזא לאנדאן, ברכות הראשונות: הר"ר משה דוד גרין שליט״א, אבד"ק צאנז קרעניץ שליט״א, אבד"ק דזשיבוי שליט״א, הר"ר ירמי' טייטלבוים שליט״א, הר"ר דוד טאמבער שליט״א. ברכה אחריתא: הר״ר מאיר טייטלבוים שליט״א.

אזוי אויך האט דער רבי מסדר קידושין געווען ביים חופה פון החתן בן הרה״ח ר׳ עזרא משה קויפמאן הי״ו עב״ג הכלה בת זלמן לייב סאנדעל הי״ו אין די כתר ריזל זאל.

זמני כניסה איז געווען פון 9:00 אזייגער ביז ארום 12:00 אזייגער.

בין הנכנסים איז אריין אל הקודש פנימה הגה"צ ר' יואל שליט"א און זיך געזעגענט לרגל דאס אפרייזן קיין ארה"ק צו פראווענען דעם יו"ט פורים הבעל"ט בקרב קהלתינו הק' אין ירושלים עיה"ק.

אום 9:45 איז דער רבי אריינגעקומען צו תפילת מעריב בעל תפילה איז געווען הב׳ יעקב כ״ץ ני״ו.

נאכן געזעגענען איז דער רבי אנגעקומען אין שטוב פון הרה״ח ר׳ יעקב פרץ בלושטיין הי״ו צום רייכן באנקעט לטובת כוללינו אין וויליאמסבורג. עס האט זיך פארצויגן א שמועס מיט די הנהלת הכולל, דער רבי האט געטרינקען לחיים און אנגעוואונטשען ברכת קדשו.

ארום 12:50 איז רבינו שליט״א צוריק אנגעקומען אין די קאנטינענטאל זאל צום שמחת החתונה פון בת המשב״ק הרב שמואל טייטלבוים שליט״א, דער רבי האט זיך באגריסט מיט די אדמורי״ם ורבנים וקרובי המשפחה, עס האט זיך פארצויגן א שיינע שמועס מיט די זיידעס און מחותנים, דערנאך האט דער רבי געטרינקען לחיים און אנגעוואנטשען ברכת קדשו פאר די חתן, מחותנים און די זיידעס. מיטן בענטשן האט דער רבי מכבד געווען אב״ד טאמאשוב שליט״א, שבע ברכות: הר"ר אלי' טייטלבוים שליט״א, הר"ר זלמן לייב ברא"ב טייטלבוים שליט״א, הגה״צ ר׳ חיים אלעזר ראבינאוויטש שליט״א ר"י מונקאטש, הר"ר יעקב טייטלבוים שליט״א, הר"ר ישכר בער טייטלבוים שליט״א. ברכה אחריתא: הגה״צ אבד"ק בית אהרן שליט״א.
דערנאך האט בדחנא דמלכה הרה״ח ר׳ נחמן ליווי הי״ו אויפגערופן דעם רבין צום מצוה טאנץ, דער רבי האט געטרינקען לחיים און אנגעוואונטשען ברכת קדשו, דער רבי האט געטאנצן די ריקודין לפני הכלה אנגעכאפט מיט די חתן און מחותנים, דערנאך און א ריקוד מיט די בני המשפחה און אין א עקסטערן ריקוד מיט׳ן משב״ק הרב שמואל שליט״א, אויפן וועג ארויס האט דער רבי אנגעוואונטשען די חתן כלה.

ארום 1:20 איז דער רבי צירוק אהיים לביתו נאוה קודש.

~~

דינסטאג פרשת ויקרא

פארן דאווענען האו דער רבי געלייגט תפילין פאר הבחור הבר מצוה בן הרה״ח ר׳ שמואל ראזענבערג הי״ו.

אום 8:15 איז דער רבי אריינגעקומען צו תפילת שחרית בעל תפילה איז געווען מו״ה משה ארי טייטלבוים הי״ו.

נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

אום 2:15 איז רבינו שליט״א אנגעקומען בביתו נאוה קודש פון רביה״ק זי״ע אויף 500 בעדפארד עוו. ווי עס איז פארגעקומען א מעמד חתימת שטרות וקנין זכות ווי הנגיד ר׳ משה שמואל זופניק הי״ו אינאיינעם מיט בנו הנגיד ר׳ יואל ישראל הי״ו, האבן אפגעקויפט דעם שם הבנין פונעם בנין החדש פון מוסדות יטב לב בירושלים עיה״ק, פאר׳ן ״סכום אדיר פון 2 מיליאן דאלער״, און דערביי איז בעצת קדשו פון רבין באשטימט געווארן צו קורא שם זיין פאר׳ן גאנצן בית חינוך לבנות פון מוסדות יטב לב בירושלים עיה״ק, מיט׳ן נאמען ״בנות ישראל - בית פיגא״, לשמה ולזכרה פון הרבנית הצדיקת ע״ה מחברתו הטהורה פון רביה״ק זי״ע.
עס האט זיך פארצויגן א שיינע שמועס מיט די הנהלת מוסדות יטב לב איבער די הרחבת גבולי הקדושה, און דאן האט דער רבי אינטערגעשריבן די שטרות, געטרינקען לחיים און ווארעם אנגעוואונטשען ר׳ משה שמואל הי״ו ובנו ר׳ יואל ישראל הי״ו און די חברי הנהלה, און עקסטער אנגעוואונטשן פאר׳ן משב״ק הרה״ח ר׳ משה פריעדמאן הי״ו וואס האט שטארק ארויסעהאלפן מיט׳ן קנין, דער רבי האט משמיע געווען קורצע דברות קודש און ארויסגעברענגט אז דאס וועט זיכער זיין די גרעסטע עלי׳ פאר די נשמה פון הרבנית הצדיקת ע״ה וואס האט זיך מוסר נפש געווען פאר אלע מוסדות פון רביה״ק זי״ע ובפרט לטובת די הייליגע מוסדות יטב לב בארה״ק, און ס׳וועט זיין א נחת רוח פאר רביה״ק זי״ע בגנזי מרומים, און אוודאי וועט דער צדיק אמת זיין א מליץ יושר פאר׳ן נדיב יבלחט״א להתברך בכל משאלות לבבו לטובה.

אום 4:50 איז דער רבי אריינגעקומען צו תפילת מנחה בביתו נאוה קודש בעל תפילה איז געווען הב׳ חיים זאפיר ני״ו.

זמני כניסה איז געווען פון 5:30 ביז ארום 9:30 אויפדערנאכט.
בין הנכנסים איז אריין אל הקודש פנימה די גבאי הישיבה גדולה וואס זענען עומד על הפקודים צוזאמצונעמען געלט לטובת מפעל הקדוש שקל הטהור, דעם קומענדיגן יו״ט פורים הבעל״ט, דער רבי האט פארטיילט א געבענטשטע מטבעה לשמירה און אנגעוואטשען ברכת קדשו.

פארנאכטס האט דער רבי מסדר קידושין געווען ביים חופה פון החתן בן הרה״ח ר׳ שלמה יצחק ווייס הי״ו עב״ג הכלה בת הרה״ח ר׳ משה יצחק לאנדא הי״ו אין די פרדס צבי זאל.

נאכן געזעגענען איז דער רבי אריינגעקומען צו תפילת מעריב בעל תפילה איז געווען הב׳ הירצקא זופניק ני״ו.

נאך מעריב איז דער רבי אנגעקומען אין די רויעל מענער זאל צום שמחת השבע ברכות פון החתן בן הרה״ג ר' שלמה פריעדמאן שליט"א, זון פון הגה״צ ראב"ד דקהלתינו זצ"ל, און איידעם ביי מחותנו הגה״צ אב״ד בית אהרן שליט״א, עב״ג הכלה בת הרה״ג ר' יצחק צבי סופר שליט"א דומ"ץ ראחמיסטריווקא ב"פ, זון פון הגה"צ ר' יעקב יחזקי' סופר שליט"א גאב"ד טאראנטא, חתן הרה״ג ר' חיים ארי' געללער שליט"א ראש ישיבת באבוב.
עס האט זיך פארצויגן א שיינע שמועס מיט די זיידעס הרבנים שליט״א, דער רבי האט געטרינקען לחיים און אנגעוואונטשען ברכת קדשו, דערנאך זיך אויפגעשטעלט אין א ריקוד מיט די חתן, מחותנים און די זיידעס, און אין א עקסטערן ריקוד מיט מחותנו הגה״צ אב״ד בית אהרן שליט״א.

ארום 10:00 אזייגער איז דער רבינו שליט״א אנגעקומען אין די קראסנא זאל מלובש בבגדי שבת צום שמחת השבע ברכות פון הכלה בת המשב״ק הרב שמואל טייטלבוים שליט״א, צוגעשטעלט דורכ׳ן רבין, עס האט זיך אויך באטייליגט בני וחתני רבינו שליט״א, רבני ודייני קהלתינו הק׳, ראשי קהילה והמוסדות, און נאמני בית רבינו שליט״א.
דער רבי האט זיך געוואשן צום סעודה, במשכ׳ן שמחה האט אויפגעטרעטן הגה״צ אב״ד ור״מ ירושלים - קרית יואל שליט״א און א לענגערע צייט ארויסגעברענגט רגשי הכרת הטוב פאר׳ן משב״ק הרב שמואל שליט״א און ארומגערעדט איבער די גרויסע יחוס פון חתן כלה, און אז דאס גיבט די השפעה אויפצושטעלן א בית נאמן בישראל. דערנאך האט אויפגעטרעטן משב״ק ר׳ שמואל שליט״א, און מיט דברי בדחנות הרה״ח ר׳ יואל ליבערמאן הי״ו פון קרית יואל.

מיטן בענטשן האט דער רבי מכבד די זיידע הרב מאיר טייטלבוים שליט״א, מיט די שבע ברכות, ברכות הראשונות די זיידע הרב משה דוד גרין שליט״א, הגה״צ אב״ד סיגוט שליט״א, חדב״ן הגה״צ ר׳ יצחק ראשענבערגער שליט״א, הרה״ח ר׳ שאול פערלשטיין הי״ו ראה״ק, הרה״ח ר׳ משה פריעדמאן הי״ו משב״ק, ברכה אחריתא: הגה״צ אב״ד זענטא שליט״א.

נאכן בענטשן האט זיך דער רבי אויפגעשטעלט אין א ריקוד מיט׳ן חתן און מחותנים, און דערנאך מכבד געווען בניו וחתניו צו טאנצן מיטן חתן.
ארום 11:45 איז דער רבי צוריק אהיים לביתו נאוה קודש.


~~

מיטוואך פרשת ויקרא

פארן דאווענען האט דער רבי געלייגט תפילין פאר הבחור הבר מצוה בן הרה״ח ר׳ משה מנחם דאסקאל הי״ו.

אום 8:15 איז דער רבי אריינגעקומען צו תפילת שחרית אין ביהמ״ד הגדול בעל תפילה איז געווען מו״ה אליעזר זוסיא שווארטץ הי״ו.

נאכן דאווענען איז דער בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.
אזוי אויך האט דער רבי אריינגערופן עטליכע אינגערלייט חברי הכולל בוקר, ווי דער רבי האט געבעטן אז די אינגערלייט זאלן אריינברענגען גרעסערע סכומים במשך די ימי הפורים, צו קענען פארטיילן פאר עניי אנ״ש, און דערביי האט דער רבי ארומגערעדט איבער דאס חשיבות פון צדקה ובפרט פאר עניי עירינו און אויסגעפירט מיט ברכות לרוב.

אום 4:55 איז דער רבי אריינגעקומען צו תפילת מנחה בביתו נאוה קודש בעל תפילה איז געווען מו״ה שלום דוב טענענבוים הי״ו.

זמני כניסה איז געווען פון 8:30 ביז 11:00 אזייגער אויפדערנאכט.
אום 9:30 איז דער רבי אריינגעקומען צו תפילת מעריב בעל תפילה איז געווען הב׳ יעקב כ״ץ ני״ו.

נאכן געזעגענען איז דער רבינו שליט״א אנגעקומען אינעם דאבעליו מאלל ווי עס איז פארגעקומען א רייכן שמחת השבע ברכות לכבודו פונעם משב״ק הרב שמואל טייטלבוים שליט״א קאמבאנירט מיטן מעמד הכרת הטוב פאר די משמשים וגבאי קהלתינו הק׳, און די עסקני הקהילה ועסקני בצל תומר.
עס האט ממשיך געווען מיט זיין דרשה הגה״צ אב״ד סיגוט שליט׳א, דערנאך האט אויפגעטרעטן הרה״ח ר׳ שמעון ישראל פריעד הי״ו משב״ק אדמור״י בית סקולען, דערנאך האט דער רבי געטרינקען לחיים און פארטיילט שריים פאר די חברי הנהלת קהלתינו הק׳, און אנגעוואונטשען ברכת קדשו פאר די חתן, מחותנים אין פארן גאנצן ציבור.

ארום 11:30 איז דער רבי צירוק אהיים לביתו נאוה קודש.

~~

דאנערשטאג פרשת ויקרא

פארן דאווענען האט דער רבי געלייגט תפילין פאר הבחור הבר מצוה בן הרה״ח ר׳ פנחס פילאפף הי״ו

אום 8:15 איז דער רבי אריינגעקומען צו תפילת שחרית אין ביהמ״ד הגדול בעל תפילה איז געווען הרה״ג ר׳ הערשל לויפער שליט״א

ביי קריאת התורה איז נתכבד געווארן
כהן: הבחור הבר מצוה בן הרה״ח ר׳ פנחס פילאפף הי״ו
לוי: הרה״ח ר׳ ישעי קרויס הי״ו
שלישי: מו״ה מנחם יחזקאל טייטלבוים הי״ו
דער רבי איז געגאנגען הגבה
גלילה: הרה״ח ר׳ פנחס פילאפף הי״ו

נאכן דאווענען איז די בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.


נאכן דאווענען האט דער רבי מנחם אבל געווען הרה״ח ר׳ שלום בורגער הי״ו פון בארא פארק וואס זיצט שבעה ע״פ אשתו ע״ה.


אום 6:45 איז דער רבי אריינגעקומען אין ביהמ״ד הגדול צו אמירת כל ספר תהילים ווי דער רבי האט געזאגט פון קאפיטל צ׳ ביזן סוף, בעל תפילה איז געווען הרה״ח ר׳ אנשיל טירנוער הי״ו, דערנאך האט מען געדאווענט תפילת מנחה בעל תפילה איז געווען הרה״ג ר׳ הערשל לויפער שליט״א.

ביי קריאת התורה איז נתכבד געווארן
כהן: הרה״ח ר׳ נפתלי כהן הי״ו
לוי: הרה״ג ר׳ משה יודא פריעדמאן שליט״א מנהל בישיבתינו הק׳
דער רבי האט עולה געווען שלישי - מפטיר
הגבה: הר״ר זונדל שפיטצער שליט״א
גלילה: הרה״ח ר׳ שלמה מאנדל הי״ו

ביים זמן רבינו תם איז דער רבי אריינגעקומען צו תפילת מעריב, נאך מעריב איז דער רבי אהיים לביתו נאוה קודש.

~~

שב״ק פרשת ויקרא

אום 7:25 איז דער רבי אריינגעקומען אין ביהמ״ד הגדול מעוטף בטליתו צו תפילת מנחה און צוגעגאנגען צום עמוד,
קבלת שבת: הרה״ח ר׳ אברהם וואלף טירנוער הי״ו, ביי לכה דודי האט מען געזינגען דעם ניגון הידוע לפרשת זכור כנהוג.

נאכן דאווענען איז די ציבור אדורך גוט שבת זאגן, דערנאך איז דער רבי אהיים לביתו נאוה קודש.

אום 11:20 איז דער רבי אריינגעקומען און ביהמ״ד הגדול צום טיש און אנגעהויבן שלום עליכם,
מיט אשת חיל האט דער רבי מכבד געווען נכדו הבחור הרב משה בן חדב״ן הגה״צ ר׳ יצחק ראזענבערגער שליט״א.

הגבהת הכוס: הגה״צ ר׳ אהרן שליט״א

מיט די זמירות שבת האט דער רבי מכבד געווען
כל מקדש: הרה״ח ר׳ יוסף אלי שלעזינגער הי״ו
מנוחה ושמחה: הרב אהרן משה שטערן שליט״א פון ירושלים
דער רבי האט געזאגט תורה אויף די פסוקי הפרשה

קה אכסוף: הרב אהרן שפיטץ שליט״א
קה רבון עלם: הרה״ג ר׳ ישעי יעקב בירנבוים שליט״א ר״מ בישיבתינו הק׳
לאל אשר שבת: הרה״ג ר׳ גדלי טייטלבוים שליט׳א

מיטן בענטשן האט דער רבי מכבד געווען הגה״צ ר׳ אהרן שליט״א

אז ביום: הרה״ח ר׳ אהרן פריעדמאן הי״ו

מען האט פארענדיגט ארום 1:00 אזייגער און דער רבי איז אהיים לביתו נאוה קודש.

יום שבת קודש

אום 9:30 איז דער רבי אריינגעקומען צו תפילת שחרית
פסוקי דזמרה: הרב ירמי טייטלבוים שליט״א

דער רבי איז צוגעגאנגען צו שחרית ויוצר

ביי קריאת התורה איז נתכבד געווארן
הוצאה והכנסה ספר א׳: הרב זלמן לייב טייטלבוים שליט״א
הוצאה והכנסה ספר ב׳: הרה״ח ר׳ אלי דוד לאנדא הי״ו
כהן: החתן בן הרה״ח ר׳ אלי דוד לאנדא הי״ו
לוי: החתן בן הרב זלמן לייב טייטלבוים שליט״א
שלישי: החתן בן הרה״ח ר׳ יושע הערש פריעדמאן הי״ו
רביעי: הרה״ח ר׳ מנחם משה ראזענפעלד הי׳ו
חמישי: הרה״ח ר׳ חיים יושע לעפקאוויטש הי״ו
שישי: הרב שמואל טייטלבוים שליט״א משב״ק
שביעי: הגה״צ אב״ד צאנז - קרעניץ שליט״א
הוספות: הרה״ח ר׳ עקיבא ליכטמאן הי״ו, הרה״ח ר׳ מנחם משה עקשטיין הי״ו, הרה״ח ר׳ הערש אלימלך גאלדבערגער הי״ו לרגל הולדת בתו, הרה״ח ר׳ יואל ברמ״א ווייס הי״ו פון קרית יואל, הרה״ח ר׳ יושע הערש פריעדמאן הי״ו, הרה״ח ר׳ משה אהרן ווייס הי״ו, הרב משה דוד גרין שליט״א, הרה״ח ר׳ מאיר נפתלי באש הי״ו, הרה״ח ר׳ אביש וויינבערגער הי׳ו.
אחרון: הרב מאיר טייטלבוים שליט״א
הגבה: הרב יעקב טייטלבוים שליט״א
גלילה: הרה״ח ר׳ שלום יצחק יאקאבאוויטש הי״ו
דער רבי האט עולה געווען מפטיר און געליינט פרשת זכור
הגבה: הרה״ח ר׳ יחיאל האלפערט הי״ו
גלילה: הרה״ח ר׳ יודל ראזענפעלד הי״ו

צו מוסף איז צוגעגאנגען הרה״ח הישיש ר׳ יחזקאל גליק הי״ו פון קרית יואל.
פתיחה לאנעים זמירות: הרב אברהם יוסף קאהן שליט״א

מען האט פארענדיגט ארום 1:00 אזייגער און די ציבור איז אדורך גיט שבת זאגן.

נאך א קורצע הפסקה איז דער רבי אריינגעקומען אין היכל ישראל דוב צו די קדישים,
הגבהת הכוס צו קידוש החתן בן הרה״ח ר׳ יושע הערש פריעדמאן הי״ו, דער רבי האט פארטיילט שריים פאר די בעלי שמחה און אנגעוואונטשען ברכת קדשו.

מנחה ושל״ס

אום 6:55 איז דער רבי אריינגעקומען צו תפילת מנחה בעל תפילה איז געווען הרה״ח ר׳ יחזקאל שרגא רייזמאן הי״ו,

ביי קריאת התורה איז נתכבד געווארן
כהן: הרה״ג ר׳ אהרן כ״ץ שליט״א פון מאנטריאל
לוי: הרה״ג ר׳ משה יודא פריעדמאן שליט״א מנהל בישיבתינו הק׳
שלישי: הרה״ח הישיש ר׳ יחזקאל גליק הי״ו פון קרית יואל
דער רבי איז געגאנגען הגבה
גלילה: הרה״ח ר׳ פנחס שמעי שווימער הי״ו

דער רבי האט זיך געוואשן צו של״ס און פארגעזינגען די זמירות
אודה: הרה״ח ר׳ שאול פערלשטיין הי״ו ראה״ק
שיר המעלות: הרה״ח ר׳ ישראל שמעי ראזנער הי״ו חבר הנהלת קהלתינו הק׳
דער רבי האט געזאגט תורה ודברי הכנה ליו״ט פורים העעל״ט

ידיד נפש: הרה״ג ר׳ נחמן שטויבער שליט״א מנהל בישיבתינו הק׳
דער רבי האט געבענטשט אויפן כוס און געזאגט די שבע ברכות פאר די חתנים,
מען האט געענדיגט ארום 8:40.

נאך א קורצע הפסקה איז דער רבי אריינגעקומען צו תפילת מעריב בעל תפילה איז געווען הרה״ח ר׳ אברהם שטיין הי״ו, נאך מעריב איז דער ציבור אדורך זאגן א גוטע וואך.

~~

מוצש״ק ליל פורים

נאך מעריב ארום 9:40 איז רבינו שליט"א ארויף אויף די בימה מעוטף בטליתו של רביה״ק זי״ע געברענגט דורך הרה"ח הישיש ר' יחזקאל גליק הי"ו, מען האט אויסגעשפרייט די מגילה כאגרת כנהוג, דער רבי האט געזאגט דעם לשם יחוד, און געמאכט די ברכות און פארגעליינט די מגילה בהתעוררות רב, מען האט געענדיגט אום 10:35, מען האט געזאגט די ברכת הרב את ריבנו, אשר הניא, שושנת יעקב, ואתה קדוש און עלינו, און דער רבי איז אהיים לביתו נאוה קודש.

ארום 11:30 איז רבינו שליט''א אריינגעקומען צום שלחן הטהור אין ביהמ״ד ברך משה שע״י ביתו נאוה קודש, אויף א פריוואטן פארנעם מיט די בני המשפחה, דער רבי האט זיך געוואשן צום סעודה און במשך די סעודה האט מען געזינגען מערערע ניגוני שמחה און געטאנצן לכבוד פורים, און זמירות מלוה מלכה.

מיט ברכת המזון האט דער רבי מכבד געווען הגה״צ אב״ד ור״מ ירושלים - קרית יואל שליט״א,
מען האט געענדיגט ארום 1:00 אזייגער.

זונטאג פרשת צו יום הפורים

אום 8:15 איז רבינו שליט״א אריבער אין ויואל משה זאל צום חברת תהילים מיט די הונדערטער תשב״ר ווי דער רבי האט מיטגעזאגט תהילים מיט די קינדער, מען האט געענדיגט ארום 9:20.

ארום 10:20 איז דער רבי אריינגעקומען אין ביהמ''ד הגדול צו תפילת שחרית, בעל תפילה איז געווען הרה״ח ר׳ נטע פירטה הי״ו פון קרית יואל.

ביי קריאת התורה איז נתכבד געווארן
כהן: הרה״ח ר׳ יוסף בירנבוים הי״ו
לוי: הרה״ח ר׳ ליפא קרויס הי״ו
דער רבי האט עולה געווען שלישי
הגבה: הרב שמעון מייזליש שליט׳א נכד רבינו
גלילה: הרה״ג ר׳ יואל מארקאוויטש שליט״א פון מאנטריאל

נאך קריאת התורה איז דער רבי אריין בחדרו הפרטי און אנגעטוהן תפילין ר''ת, און דערנאך ארויף אויפן בימה, און געזאגט דעם לשם יחוד און מקיים געווען מנהג מחצית השקל, און דערנאך ארום 11:40 געזאגט דעם לשם יחוד און די ברכות פון קריאת המגילה און פארגעליינט די מגילה, מען האט געענדיגט ארום 12:30.

בביתו נאוה קודש האט רבינו שליט"א מקיים געווען די מצוות היום משלוח מנות ומתנות לאביונים, אזוי אויך האט דער רבי ממנה געווען שליחום צו פארטיילן משלוח מנות פאר פילע אדמורי״ם ורבנים שליט״א אין שטאט, און רבני ודייני קהלתינו הק׳, און זיך געוואשן צו די ערשטע סעודה בחדרו הפרטי, דער רבי האט טועם געווען פון די קינדל כנהוג.

נאכמיטאג פון 3:00 אזייגער האט רבינו שליט''א אנגעהויבן אויפנעמען דעם ציבור לברך ולהתברך ביום הפורים, ווי עס זענען אריבער לאנגע ליניעס פון אנ"ש זקנים עם נערים, און קבוצות בחורי ישיבתינו הק׳ ווי דער רבי האט יעדעם אנגעווינטשן און געבענטשט בברכת הקודש.

אום 5:30 האט דער רבי געדאוונט מנחה בביתו נאוה קודש, בעל תפילה: הרה״ג ר׳ דוד צבי גראס שליט״א ר״מ בישיבתינו הק׳ ב״פ.

שלחן הטהור

נאך מנחה איז רבינו שליט''א אריבער אין ביהמ''ד הגדול און אום 7:30 אריינגעקומען צום סעודת משתה היין, און זיך געוואשן צו די סעודת היום, נאכן עסן א כזית האט דער רבי געטרונקען דעם ערשטע כוס וויין און געוואונטשן לחיים, נאך די פיש האט דער רבי געטרינקען דעם צווייטן כוס און געוואונטשן לחיים, מיט די זופ האט מען אויפגעגעבן קרעפלעך כנהוג.

רבינו שליט''א האט משמיע געווען זעקס מאל דברות קודש, און במשך דעם גאנצע טיש האט מען געזינגען ניגוני שמחה, דביקות והתעוררות.

דער רבי האט געטרינקען א כוס און געוואונטשן לחיים לכל הקהל הקודש, און ביי די ערשטע תורה האט דער רבי ארום גערעדט בגדלות היום פון די ימי הפורים בעצם, ובפרט היי יאר ווען עס געפאלט תיכף נאך שבת קודש.

ביי די צווייטע תורה אויפן פסוק חייב איניש לבסומי בפוריא, האט דער רבי מאריך געווען איבער די חיוב דביקות בד' אלקי ישראל וואס ליגט אויף יעדע מענטש, צו לעבן מיט'ן שויתי ד' לנגדי תמיד און בכל דרכיך דעהו.

ביי די דריטע תורה האט דער רבי זיך געשטעלט אויף די תפילה וואס מען זאגט פאר הדלקת נירות חנוכה, פון הרה״ק הבני יששכר זי״ע, ואזכה לראות בנים ובני בנים עוסקים בתורה ומצות, דער רבי האט נאך געזאגט דעם קדושת לוי אז די ענין פון הדלקת הנירות, סיי חנוכה און יעדע שבת, און נירות בית הכנסת איז א מעין פון די עבודה פון הדלקת המנורה וואס מען האט געטון בזמן שבית המקדש היה קיים, און עס איז געמאכט מעורר צו זיין די כיסופין פונעם אייבישטען אז ער זאל זיך צוריק דעמאנען די תענוג וואס די בוכ"ע האט געהאט פון די עבודה אינעם בית המקדש און זאל שוין אראפ ברענגן די בית השלישי, דער רבי האט צו דעם משלב געווען דאס וואס דער רבי זי"ע האט געזאגט אז די עבודה פון מחנך זיין די תשב"ר גייט צוריק אויפן אויסטרעטנעם וועג ביז וויאזוי ר' יהושע בן גמלא האט עס מתקן געווען, און אז די עבודה וואס איז געווען ווען ירושלים איז געשטאנען על תילה בנויה האט מען ארויף געטראגן די קינדער קיין ירושלים אז זיי זאלן זען מיט די אויגן ווי אזוי די כהנים טוען די עבודה, און מיט דעם איז נתקדש געוען די אויגן פון די קינדער און אז מען האט הייליגע אויגן קען מען זוכה זיין צו די והאר עינינו בתורתיך.

דער רבי האט אויסגעפירט בדמעות שליש אז אונז זעמיר מתפלל עשה למען תינוקות של בית רבן, אז די בוכ"ע זאל העלפן אז מען זאל קענען ריכטיג מחנך זיין די קינדער ווייטער אן קיין שום שטערונגען און אלע גזירות רעות זאלן בטל ווערן, וכל הרשעה כלה כעשן תכלה. און אז מען זאל האבן די זכי' לעבן מיט א אמתדיגע שמירת וקדושת העינים, און ווייטער קענען מחנך זיין על דרך רבותינו הק׳.

ביי די פערטע תורה האט דער רבי מאריך געווען אז מען זאגט נישט עד דלא יֵדַע בלשון עתיד, נאר בלשון עבר, אז מען דארף כסדר עולה זיין מעלה מעלה און טון בעבדות השם אויף א העכערע מדריגה ווי וואס איז געווען פארדעם, אזוי אז מען זעט כסדר אז מען האט אמאל נישט געוויסט.

ביי די פונפטע תורה האט דער רבי ארום גערעדט די חיוב העבודה וואס ליגט צו זען און יעדע ריר די פילע טובות און חסדים וואס די אייבישטער טוט על נסך ונפלאותיך שבכל עת.

ביי די זעקסטע תורה האט דער רבי מאריך געווען אויפן פסוק חייב אדם לבסומי בפוריא וכו׳ און ארומגערעדט אז אונזער גאנצע עבודה וואס מיר לעבן אויף די וועלט איז בלויז צו אראפ ברענגן א כבוד שמים און מפרסם זיין כבוד שמו יתברך. און דערנאך האט דער רבי אויסגעפירט מיט לענגערע ברכת הקודש פארן גאנצן ציבור, און זיך אויפגעשטעלט טאנצן.

מיטן בענטשן האט דער רבי מכבד געווען נכדו הרב אברהם יצחק קאהן שליט״א.

מען האט געענדיגט ארום 1:00 אזייגער, נאך א קורצע הפסקה איז דער רבי אריינגעקומען צו תפילת מעריב בעל תפילה איז געווען הרה״ח ר׳ אברהם שטיין הי״ו, נאך מעריב איז דער רבי אהיים לביתו נאוה קודש.

שושן פורים

אום 9:45 איז דער רבי אריינגעקומען צו תפילת שחרית אין ביהמ''ד הגדול, בעל תפילה איז געווען מו״ה משה קוביטשיק הי״ו.

ביי קריאת התורה זענען נתכבד געווארן
כהן: הרה״ח ר׳ יחזקאל גליק הי׳ו
לוי: הרה״ח ר׳ חיים שלמה זלמן מאנן הי״ו
דער רבי האט עולה געווען שלישי
הגבה: מו״ה משה לויפער הי״ו
גלילה: מו״ה יעקב פריעדמאן הי״ו

זמני כניסה איז געווען פון 4:30 ביז ארום 6:15 בביתו נאוה קודש.
בין הנכנסים זענען אריין בקו״פ א קבוצה בחורים תלמידי ישבתינו הק׳ אין לאנדאן וואס האבן געוויילט בצל הקודש דעם יו״ט פורים, ווי זיי האבן איבערגעגעבן פארן רבין א משלוח מנות ווי די תלמידי הישיבה האבן געלערנט טויזענטער שעות רצופות במשך די פארגאנגענע ימי השובבי״ם, דער רבי האט זיך באדאנקט און ווארעם אנגעוואונטשען ברכת קדשו.

אום 6:30 איז דער רבי אריינגעקומען צו תפילת מנחה בעל תפילה איז געווען הב׳ אברהם שלמה ברשמ״י פריעדמאן הי״ו.

ארום 7:15 איז רבינו שליט''א אריינגעקומען אין ביהמ"ד הגדול צום שלחן הטהור לכבוד היום, און זיך געוואשן צום סעודה, במשך די סעודה האט מען געזינגען ניגוני שמחה ודביקות.

דערנאך איז פארגעקומען א פורים שפיל און עס האט אויפגעטרעטן דער פ״ר הרב שלמה יואל גאלדשטיין שליט״א מיט דברי בדחנות לכבוד היום, מיטן בענטשן האט דער רבי מכבד געווען אחיו הגה״צ אב״ד זענטא שליט׳א, מען האט געענדיגט ארום 9:30.

נאכן טיש האט דער רבי געדאווענט מעריב בחדרו הפרטי בעל תפילה: הב׳ ב״ר יואל בר״מ פריעדמאן הי״ו.

נאך מעריב האט דער רבי מנחם אבל געווען הרה"ג ר׳ שמואל דוד טויב שליט״א אב״ד בריד ור״מ בישיבתינו הק׳ ובניו, וואס זיצט שבעה ע״פ בתו ע״ה.

דערנאך איז דער רבי אהיים לביתו נאוה קודש.

~~

דינסטאג פרשת צו

אום 8:15 איז דער רבי אריינגעקומען צו תפילת שחרית אין ביהמ״ד הגדול, בעל תפילה איז געווען מו״ה חיים כתריאל פירטה הי״ו.

אין די פארמיטאג שעות איז רבינו שליט״א אנגעקומען קיין בארא פארק ווי דער רבי האט מנחם אבל געווען האחים הנגידים ר׳ יצחק זאב הי״ו ור׳ ישראל וויינשטאק הי״ו וואס זיצן שבעה ע״פ אמם ע״ה אשת הרה״ח ר׳ מנחם צבי וויינשטאק ז״ל, עס האט זיך פארצויגן א לענגערע שמועס סיפורים וזכרונות פון רביה״ק זי״ע און רביה״ק בעל ברך משה זי״ע, דערנאך האט דער רבי געוואונטשען ברכת תנחומין.

אום 4:55 איז דער רבי אריינגעקומען צו תפילת מנחה בביתו נאוה קודש, בעל תפילה איז געווען מו״ה שלום דוב טענענבוים הי״ו.

זמני כניסה איז געווען פון 8:15 ביז 10:30 אויפדערנאכט.
בין הנכנסים זענען אריין די אינגערלייט חברי הכולל בוקר ווי זיי האבן איבערגעגעבן פארן רבין די געלט וואס מען האט צוזאמגעשטעלט במשך די ימי הפורים העעל״ט כפי בקשת רבינו שליט״א, דער רבי האט זיך באדאנקט און אנגעוואונטשען ברכת קדשו.

אום 9:30 איז דער רבי אריינגעקומען צו תפילת מעריב, בעל תפילה איז געווען הב׳ אברהם אייזיקאוויטש ני״ו.

נאך די זמני כניסה איז רבינו שליט״א אנגעקומען אין פרדס פיגא זאל, מלובש בבגדי שבת צום שמחת החתונה פון נכד גיסו הגה״צ ר׳ יחיאל לייפער שליט״א אב״ד בני יששכר, החתן בן הרב יחזקאל שרגא נפתלי לייפער שליט״א עב״ג הכלה בת הרב אלכסנדר חיים פריעדמאן שליט״א.
דער רבי האט געטרינקען לחיים און אנגעוואונטשען ברכת קדשו, דערנאך זיך אויפגעשטעלט אין א ריקוד מיט די חתן, מחותנים און די זיידעס, און אין א עקסטערן ריקוד מיט גיסו הגה״צ אב״ד בני יששכר שליט״א.

דערנאך איז דער רבי אנגעקומען אין די קאנטינענטאל זאל צום שמחת החתונה פון החתן בן הרה״ג ר׳ שלום יחזקאל שרגא וויינבערגער שליט״א מו״ץ בקהלתינו הק׳ זוהן פון הגה״צ אב״ד פאיע וחבר הביד״ץ שליט״א חתן הגה״צ ר׳ לייבוש פריעדמאן שליט״א דומ״ץ ביהמ״ד הגדול, עב״ג הכלה בת הרב יעקב פייוויל זינגער שליט״א זוהן פון האדמו״ר מאלכסנדר -ב״פ שליט״א חתן הרה״ג ר׳ יקותיאל טייטלבוים שליט״א ראה״כ בכוללינו.
עס האט זיך פארצויגן א שיינע שמועס מיט די זיידעס, דער רבי האט געטרינקען לחיים און אנגעוואונטשען ברכת קדשו, דערנאך זיך אויפגעשטעלט אין א ריקוד מיט די חתן, מחותנים און די זיידעס, און אין א עקסטערן ריקוד מיט די זיידעס הגה״צ אב״ד פאיע וחבר הביד״ץ שליט״א און הגה״צ דומ״ץ ביהמ״ד הג׳ שליט״א.

אום 11:15 איז דער רבי צירוק אהיים לביתו נאוה קודש.

~~