אידטיש

זונטאג פרשת יתרו

פארן דאווענען האט דער רבי געלייגט תפילין פאר הבחור הבר מצוה בן הרה״ח ר׳ מרדכי טובי גדלי בראווער הי״ו

אום 9:15 איז דער רבי אריינגעקומען צו תפילת שחרית אין ביהמ״ד הגדול בעל תפילה איז געווען מו״ה יעקב פריעדמאן הי״ו

נאכן דאווענען איז די בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

ארום 3:30 איז דער רבי אריינגעקומען צו תפילת מנחה אין ישיבה גדולה בעל תפילה איז געווען הב׳ בן הרה״ג יעקב יצחק טייטלבוים שליט״א,
נאך מנחה האט דער רבי פארהערט די למודים פון עטליכע כתות תלמידי חלק א׳ בחדרו הפרטי.


פארנאכטס האט דער רבי מסדר קידושין געווען ביי די חופה פון החתן בן הרה״ח ר׳ יעקב יוחנן לעפקאוויטש הי״ו עב״ג הכלה בת הרה״ח ר׳ מנחם יודא גאלדנבערג הי״ו און די פרדס פיגא זאל.

אום 8:00 אזייגער איז דער רבי אריינגעקומען צו תפילת מעריב בעל תפילה איז געווען הב׳ יעקב כ״ץ ני״ו.

זמני כניסה איז געווען פון 8:30 ביז ארום 12:00 אויפדערנאכט.

~~

מאנטאג פרשת יתרו

פארן דאווענען האט דער רבי געלייגט תפילין פאר הבחור הבר מצוה בן הרה״ח ר׳ מרדכי טענענבוים הי״ו

אום 8:15 איז דער רבי אריינגעקומען צו תפילת שחרית אין ביהמ״ד הגדול בעל תפילה איז געווען מו״ה אהרן צבי קעסטענבוים הי״ו

ביי קריאת התורה איז נתכבד געווארן
כהן: הרה״ח ר׳ יחזקאל גליק הי״ו
לוי: מו״ה יעקב פריעדמאן הי״ו
שלישי: הבחור הבר מצוה בן הרה״ח ר׳ מרדכי טענענבוים הי״ו
דער רבי איז געגאנגען הגבה
גלילה: הרה״ח ר׳ מרדכי טענענבוים הי״ו

נאכן דאווענען איז די בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו.

ארום 12:00 האט דער רבי פארלאזט ביתו נאוה קודש אויפן וועג צום טערי-בארא לופטפעלד, אין לופטפעלד האט זיך דער רבי באגריסט מיט הגה״צ אב״ד סיגוט שליט״א, הרבני הנגיד ר׳ ישראל דוב הי״ו ובנו ר׳ אברהם יודא גאלדבערגער הי״ו, ארום 1:15 האט זיך געהויבן די פריוואטע פליגער אויפן וועג קיין נארט מיאמי פלארידא,

די פליגער האט געלאנדעט אינעם מיאמי עקזעקטיוו לופטפעלד ארום 4:00 אזייגער, און דער רבי איז צוגעפארן לביתו נאוה קודש.

ארום 6:50 איז דער רבי אריין געקומען צו תפילת מנחה אין ביהמ"ד קהל חסידים, נאך מנחה איז די ציבור אדורך שלום נעמען פון רבין, ביים זמן ר"ת האט דער רבי געדאווענט מעריב.

~~