אידטיש

און טראץ דער לאנגער תשובה, טוט דער בד"ץ העדה החרדית אזויווי דערמאנט, אז מ'גלייכט יא אויס דעם דינעם חלק און מ'בויערט אויס א לאך דערינען און מ'עפענט אביסל ביים עק אז מ'זאל קענען אריינבלאזן. איינער ווייסט פארוואס? איינער האט שוין אמאל געהערט פון די ווא"וו שופרות?

א געהעריגע שופר מיט בד"ץ הכשר.

א שופר פון אוישוויץ אן אנטיק שופר פון אירופה א שופר פון די מלחמה יארן

א היינטיגן שופר פונעם מאראקאנעם אידנטום

א געווענליכער היינטיגער שופר

א רעפליקא פון א מוזעאיק מימי בית שני, אויף וואס ס'ווערט געזען א מנורה מיט א שופר.

וואס איז די לעצטערע גערעדעכץ אז די שופרות אינעם מארק כהיום זענען פון אזעלכע אילים וואס ווערט געשאכטן פאר חגאות פון ישמעאלים, איז דא איינער וואס שרייבט דערויף בהלכה ערגעצווי

NO IDEA. סענס מאכט עס, ווייל רוב הערנער קומען פון מאראקא. אבער ס'איז תקרובת עבודה זרה? האלטסט אז בד"ץ ווייסט נישט דערפון?

אן עטיאפישער איד בלאזט שופר (אין זיין ארבעטספלאץ).

דאס איז לכאורה דער יעל (יעלי סלע, שטיינבאק) וואס ווערט דערמאנט אין דער משנה, אלס א שופר "פשוט", א גלייכער שופר, וואס איז אנדערש ווי א שופר של איל, א ווידער, וואס ווערט אנגערופן "כפוף" א געבויגענער שופר. איז אפשר ווען מיר בייגן אויף דעם שופר של איל כמנהגינו כמה מאות שנה לכל הפחות, הייסט עס שוין א שופר פשוט ווייל ס'איז שוין ווייניגער געבויגן ווי א שופר של יעל?

אדער אפשר רעדט מען דווקא פון א אינגן יעל, וועמען הארן גייט נאך כמעט נישט געבויגן?
א אינגער יעל.

נאך שווערער איז פארוואס אויב מ'זוכט א גלייכער שופר, האט מען נישט געקענט ניצן פון די חיה טהורה וואס הייסט "איָל" (נישט ווי מיר ניצן פון די בהמה "איִל" ממשפחת הכבשים)?
דער חיה "איל" - אינד. (כאיל תערוג על אפיקי מים).

https://kolshofar.co.il/shofar-types/

צווישן אנדערע, מאכן זיי שופרות פון דער דערמאנטער חיה, און זיי רופן עס אן "ראם" (לכאורה באזירט אויף 'עברית', למעשה זענען דא זייער אסאך שוועריגקייטן לגבי קובע זיין די פינקטליכע נעמען פון די חיות טהורות כידוע).

מען בויערט אויס א לאך אינעם דינעם חלק פונעם שופר וואס איז נאטירליך הערמעטיש פארשטאפט (מ'דארף אכטונג געבן נישט צו לעכערן דעם ווענטל און פסל'ען דעם שופר).

מ'פיצט און גלאנצט דעם שופר פונדרויסן.

א היינטיגע ווא"וו שופר, געמאכט לויט'ן אלטן נוסח (אויפגעבויגן דאס מערסטע מעגליך...).

טא וואס בלייבט? איינער קען אביסל העלפן דא?

המברך יתברך האט געשריבן: ↑מיטוואך סעפטעמבער 06, 2023 4:28 am NO IDEA. סענס מאכט עס, ווייל רוב הערנער קומען פון מאראקא. אבער ס'איז תקרובת עבודה זרה? האלטסט אז בד"ץ ווייסט נישט דערפון?

יתכן עס איז נישט בגדר אז דאס זאל אראפנעמען די כשרות השופר, אבער דאך איז עס בעסער צו האבן עפעס אנדערש, ווייסיך נישט די ריכטיגע מציאות פון עס

לאמיר זען וואס ס'וועט זיך אויסקאכן...

נאך פארצייטישע שופרות.
ס'פלעגט הייסן א שיינע זאך אויסצושניידן דעם ברייטן עפענונג פונעם שופר, לויט א ספעציעלן (מויער) דעזיין. (אויסער די מאלערייען אויפ'ן גאנצן שופר).

עס האט נישט קיין שייכות בעצם צום שמועס, אבער ס'איז אינטערעסאנט צו וויסן פון א מאדנעם סארט איל, וואס ווערט אנגערופן "יעקב'ס ווידער" (Jacob's Ram). דער אייגנארטיגקייט פון דעם ווידער איז אז ס'האט פיר הערנער אנשטאט די צוויי וואס די אנדערע ווידערן האבן. אבער די הערנער זענען אויך קלענער...

פרעג מיך נישט, ווער ס'האט זיי איינגערעדט אז יעקב אבינו האט בכלל געהאט עפעס מיט א ווידער, און אז ס'האט געהאט פיר הערנער (אפשר אקעגן די פיר אמהות? אדער ד' כוסות?).

אהא! איך ווייס שוין פארוואס. דער ספעציפישער שאף, איז געפלעקלט... עקודים נקודים וברודים...

קען איך עס נישט יעצט דורכטון, כ'בין נישט אינעם ריכטיג מקום דערפאר... אבער שכח @המברך יתברך פארן נעמען די מיה