א רייכע גאלרי פון מעמד כבוד התורה וחלוקת פרסים פאר מצטייני תלמידי "ישיבה קטנה מהרי״ט"
אין בני ברק
דאס דערהויבענעם מעמד איז פארגעקומען מיטוואך פרשת ניצבים וילך כ׳ אלול יומא דהילולא רבא פון הרה״ק רבי משה ארי׳ פריינד זצוקלל"ה גאב"ד ירושלים עיה"ק און ראש ישיבת יטב לב בירושלים, אין היכל הישיבה קטנה בהשתתפות די חשוב'ע הורי התלמידים און געטרייע צוות הישיבה, משגיחים, מנהלים און מגידי שיעור אין שפיץ פון מורינו הגה״צ ראש הישיבה שליט״א.
די בחורי חמד נ"י האבן זיך געשטעלט צו א פארהער בעל פה אויף גאנץ מסכת מכות וואס זיי האבן דורך געלערנט דעם זומער זמן מיט גרויס עיון ובקיאות. הרה״ג ר׳ אליעזר דוד שפירא שליט״א מחשובי רבני בני ברק האט פארהערט די בחורים עפנטליך ביים מעמד, ווי אלע בחורים ללא יוצא מן הכל האבן צום וואונדער פונעם בוחן און די עלטערן באוויזן בקיאות נפלאה בכל חלקי המסכתא רש"י תוספות, ראשונים ואחרונים. דער חשוב'ער בוחן און אלע וואס זענען געווען אנוועזנד ביים מעמד צוזאם מיטן ראש ישיבה שליט"א זענען ארויס פון התפעלות פון די בקיאות בלימוד און פון די הארוואניע וואס זיי האבן אריין געלייגט מיט ס"ד במשך דעם גאנצן זומער זמן, אויך האבן זיי אויסגעדרוק התפעלות פון די ערנסקייט, יראת שמים ומדות טובות וואס דערקענט זיך אויף די ריינע פנימ'ער פון די בחורים.
דערנאך איז פארגעקומען מעמד חלוקת פרסים דורך "קרן יד יקותיאל" נתייסד געווארן און ווערט געשטיצט דורך *הרבני הנגיד התורני רבי זלמן לייב וואלדמאן שליט״א ראה"ק* וואס איז שטענדיג דער ראש וראשון לכל דבר שבקדושה און האט זיך אונטערגענומען גלייך ביים עפענען די הייליגע ישיבה צו מעודד זיין די בחורים זיך פארהערן בעל פה אויף די גאנצע חומר הלימוד ביי יעדע ענדע זמן, דורך חלוקת פרסים. ווי רבי זלמן לייב שליט"א האט אויפגעטראטן מיט דברים היוצאים מן הלב אזש ס'האט באנומען אלע בחורים, דערנאך איז פארטיילט געווארן די פרסים פאר די בחורים.
דער מנהל הישיבה הרה״ג ר׳ מתתיהו שטיגל שליט״א וואס לייגט אריין כוחות עד אין לשער תורה ויראת שמים ומידות טובות, האט אויפגעטראטן מיט דברי חיזוק פאר די בחורי חמד בהודאה על העבר ובקשה על העתיד.
כ"ק מורינו הגה״צ ראש ישיבתינו שליט״א וואס עינו וליבו שם כל הימים, דאס ישיבה וואס ער באגלייט יום ולילה וכל הדברים הקשים יביאון אליו, האט אויפגעטראטן מיטן משא הערב בתוך הדברים האט דער ר"י ארויס געברענגט אז מ'זעהט די תוצאות פון די פלאג וואס די בחורים האבן אריינגעלייגט א גאנצן זמן, דער ר"י שליט"א האט כדרכו בקודש מחזק געווען און געבעטן מ'זאל ווייטער ממשיך זיין זיך אויפצופירן אזוי עס פאסט פאר א'מהרי"ט בחור' הן ביים לערנען הן ביים דאווענען ש"כל רואיהם יכירום כי הם זרע ברך ה'", דאן האט דער ר"י אנגעוואונטשן פאר די עוסקים במלאכת הקודש די צוות הישיבה און פאר אלע בחורים און פאר די עלטערן זאלן האבן אסאך נחת און מ'זאל זוכה זיין צו א כתיבה וחתימה טובה ברוחניות ובגשמיות א שנת גאולה וישועה, אמן.
אויך זענען געווען אנוועזנד ביים מעמד הרה״ג דומ"ץ קהילתינו שליט״א מיט אלע כלי קודש דישיבתנו הקדושה, הרה"ג רבי חיים משה לעווי שליט"א חבר הנהלת הישיבה ומרבני קהילתנו, הרה"ג רבי פנחס ברוך לעבאוויטש שליט"א משפיע בבית מדרשנו 'ברך משה' ומרבני קהילתנו.
צום ענדע פונעם מעמד האבן זיך די בחורים ארויס געלאזט מיט פלאם פייערדיגע ריקודים לכבוד התורה ולומדיה. שישו ושמחו בשמחת התורה.
"אשרי מי שבא לכאן ותלמודו בידו"
- unnamed (93).jpg (357.54 KiB) געזען געווארן 604 מאל
- unnamed (94).jpg (247.4 KiB) געזען געווארן 604 מאל
- unnamed (95).jpg (249.47 KiB) געזען געווארן 604 מאל
*קול רינה וישועה באהלי צדיקים*