Re: ברויך א ניגון שטימען מיט די ווערטער? המממ.. לאמיר פרובירן..
געפאוסט: מיטוואך מאי 22, 2024 11:47 pm
איז אזוי.. עטליכע האבן שוין זייער שיין גענטפערט דערויף, אבער איך וועל פרובירן צו מרחיב זיין אביסעלע..נקודות טובות האט געשריבן: ↑מיטוואך מאי 22, 2024 4:04 pm
@מאניש בנבנשתי קודם כל, ואני אבטח בך זעה איך נישט וואס איז ראנג מיט די ניגון. דוד המלך פריידט זיך מיט דעם אז ער פארזיכערט זיך אויפן אויבערשטען. ואני אבטח בך, דו ביסט אונזער טאטע דאך! ווען איך קום אריין צו א חתונה וואס מען זינגט דעם ניגון ערוועקט זיך אין מיר א געפיל פון שמחה אז איך האב א גרויסען באשעפער אויף וועמען זיך צו פארלאזן. סארי.
אויב דיין פראבלעם איז מיט די היינטיגע סטייל מוזיק זאג אזוי! אויף די ווערטער קומט א ניגון צו שפרינגען, נישט א ניגון דביקות! אויב איז דא א ניגון וואס שטימט נישט מיט די ווערטער איז עס די ניגון העי צמאה צמאה צמאה, צמאה לך נפשי. כמה כמה כמה כמה, כמה לך בשרי. טי רי ריי דיי ראדידידידאדאם ראדידידידאדאם ראדידידידאדאם... איך האב נאכנישט געטראפען א אינגעל שפרינגען און טאנצען אז ער איז דארשטיג, וויינען יא.
א ניגון איז צוזאמגעשטעלט פון צוויי זאכן, 1) תנועה. 2) ווערטער.
מ'קען זינגען א ניגון אן ווערטער אויך.. ס'דא אסאך לעבעדיגע ניגונים אן ווערטער וואס ברענגט דעם מענטש צו שמחה און ס'איז מעורר צו טאנצן.. ווידער איז דא אסאך ניגונים אן ווערטער וואס זענען מער שטייטע ניגונים וואס זענען מעורר צו תשובה ותיקון המעשים אדער געגועין.. ווידער איז דא ניגונים אן ווערטער וואס זענען נישט לכאן און נישט לכאן למשל מארטשעס, ס'האט נישט קיין ווערטער, ס'איז אבער נישט געגועין, און מ'טאנצט אויך נישט דערויף.. ווידער איז דא ניגונים אן ווערטער וואס זענען מעורר דעם מענטש צו זיין סתם צולאזט.. למשל וואס טרענד לעצטענס ביי חתונת אנצינדן אזא די זשעי סטייל דראמס, מ'זינגט נישט קיין ווערטער, סתם מ'שפרינגט ארויף און אראפ מיט די פינגער'ס אין די הייעך און מ'שרייט.. דאס איז נישט מעורר צו טאנצן אין א רינג, און אודאי נישט צו געגועין.. איז דעס מעורר צו שמחה? נאוי איידיע, נעווער טרייד איט..
היוצא לנו מזה, נגינה האט זייער אסאאאאאאאאאאאך קאטאגאריעס, יעדע קאטאגאריע דערציילט באמת א מעשה.. ווען איך זאל זינגען א ניגון פאר דיר אן ווערטער, וועסטו ביי א געוויסע פונקט קענען רילעיטן די ניגון מיט עפעס א פערזענליכע מעשה.. סאם האוי גייט דיין מח קאנעקטן די תנועות מיט עפעס פערזענליך און ס'גייט באמת האבן שייכות מיט די ניגון, גייסט פילן ווי די ניגון שפילט אפ די מעשה וואס איז פערזענליך מיט דיר, ווייל דעס איז באמת א ניגון, ס'דערציילט עפעס..
ווען איינער זינגט מתוך רגש וגעגועין, וועט ער נעמען אזא תנועה וואס ברענגט ארויס געגועין, און עס ארויפלייגן אויף ווערטער וואס שטימען מיט געגועין.. ווען איינער פילט ער וויל טאנצן, סתם טאנצן וידעו אדער סיי וועלעכע טאנץ ניגון, ערשטע טאנץ ניגונים.. דעס איז קלאסיק סטייל, אדער צומאל קען עס אריינגיין אין קאנטרי מיוזיק סטייל.. עכט שווער מיט די היימישע ניגונים ווי זיי אריינצולייגן ווייל אונז זעמער ב''ה אזוי שטארק דיפרענט פון די גאס, אז אונז האמיר באמת א עקסטערע קאטאגאריע..
אבער צומאל איז דא אפילו טאנץ ניגונים וואס זענען א קאטאגאריע פאר זיך, נעם למשל די ברוך הוא אלוקינו, אוי כרחמיו וכרוב חסדיו.. דעס איז א געמיש פון געגועין, ריקוד, והודאה אין איין ניגון.. אבער אויב דו וועסט קוקן אויף די תנועה, וועסטו זעהן ממש דאס זעלביגע.. נעם בלויז די תנועה אן די ווערטער און זינג עס, וועסטו זעהן עס האט די זעלבע געמיש פון געגועין ריקוד והודאה, דו וואלסט אליינס געקענט ארויפלייגן די ווערטער אפילו דו זאלסט ניטאמאל וויסן אז ס'קומט דערויף.. דעס מיינט צוזאמשטעלן גוט א ניגון.. עס זאל קלעבן איינס מיטן צווייטן..
הלכות צווייטע טאנץ..
עס האט דען הלכות? איי דאוינט נאוי.. די געדאנק פון צווייטע טאנץ איז בכלל נישט הודאה! נישט געגועין.. עס איז נעמען ריקוד נעקסט לעוועל.. מ'גייט האפקענען.. נישט סתם טאנצן נאר ס'זאל שטיינער'ן.. ווילסט עס רופן שמחה? קענסט אויב דו ווילסט.. אויב דעס מאכט דיר מער בשמחה ווי א פשוט'ע ערשטע טאנץ ניגון, דעמאלטס גאוי פאר איט.. אבער די ווערטער דארפן קלעבן מיט די קאטאגאריע, ווען איך זאל נעמען א צווייטע טאנץ ניגון און דיר נאר זינגען די תנועה דערפון, וואלסטו צוזאמגעשטעלט אליינס די ווערטער דערויף? טאמער נישט דעמאלטס קלעבט נישט די ניגון, מ'האט סתם געזוכט עפעס א פסוק און געגעבן א ריק אריין דעם אייבערשטען דערינען און אזוי סאם האוי פילט מען קאנעקטעד יעצט..
יעצט צוריק צו די ואני אבטח בך.. דעס קומט צו שפרינגען? ריעלי? דו ווייסט די עברי טייטש דערפון? טראכט אריין דערין, נעם אביסל התבוננות, נאר אביסל.. עס ברויך ארויפגיין אויף א ניגון ריקוד אבער מתוך געגועין.. אזא סטייל ווי ברוך הוא אלוקינו, אוי כרחמיו וכרוב חסדיו.. עס דארף דערציילן א מעשה ווי כאילו די מענטש קען האבן די שווערסטע נסיונות אין לעבן, מ'זעהט נישט דעם וועג ארויס, אבער עם כל זה ואני אבטח בך.. די ווערטער שרייען געגועין.. הודאה קומט ניטאמאל אריין דא, התעוררות זיכער נישט, אבער צולאזקייט? ואני אבטח בך מיינט איך בין יעצט הויעעעעעעעעעעעעעעעעעעעעעעעעעעעעעך??? ווען איך זאל דיר זינגען נאר די תנועה דערפון נישט די ווערטער, וואלסטו ארויפגעלייגט דערויף ואני אבטח בך? איך בין 100% אז נישט.. עס האט באמת נישט קיין שייכות די סטייל ניגון צו די ווערטער.. די תנועה איז מער א נצחון ונקמה געפיל ניגון, טראכט אריין דערינען וועסטו כאפן וואס איך זאג.. דעס קען גיין מיט ואנקמה נקם אחת משתי עיני פלישתים.. אזא געדאנק..
הקיצור, צו מאכן א סך הכל, איך האב גארנישט קעגן די תנועה, אדער קעגן די ווערטער, די צוויי אינאיינעם איז וואס מאכט א רושם אז דער מחבר איז געווען בשעת מעשה אונטער די איינדרוק פון אלקאהאל אדער עפעס העכער דערפון..
