דער תהלים איד האט געשריבן: ↑זונטאג אוגוסט 18, 2024 6:46 pm
השקט לא יוכל. די פירער פון "טאון אוו מאנרא", סופערווייזער טאוני קארדאון און דעפיוטי סופערווייזער דארי האולל, דערקלערן א קאורט-מלחמה קעגן פארעסט שעטויס און קארלסבורג (חתן-כלה) דירות פראיעקטן.
שוין לאנגע חדשים וואס דער מאנרא טאון סופערווייזער קארדאון און זיינע טאון קאונסיללייט טיילן אויס צרות פאר'ן פארעסט-שעטויס פראיעקט פון ר' חיים נחום ווערצבערגער מיט א פאלשע טענה אז דער טייל פון פארעסט ראוד געהערט פאר זיי און זיי לאזן נישט דארט גראבן פאר אלע יוטיליטי'ס ווי וואסער, לעקטער, געז, דרעינעדזש, סוער אא"וו, און ווען די ווילעדזש האט אויפגעוויזן אז די ראוד געהערט נישט פאר'ן טאון נאר פאר די סטעיט DOT (א מעשה פאר זיך, אפשר שפעטער וועל איך שרייבן דערוועגן), האט די טאון אנגעהויבן לייגן פרעשור אויף די סטעיט אז זיי זאלן נישט געבן קיין פערמיט.
דעם "ליל תשעה באב" איז אבער דערקלערט געווארן א פרישע קריג דורכ'ן טאון, סיי קעגן דעם פארעסט שעטויס דעוועלאפמענט, און סיי קעגן די קארלסבורג דעוועלפאמענט מיט'ן רבין'ס חתן-כלה דירות.
צו פארשטיין איבער וואס די רעדע איז, וועל איך קודם מסביר זיין אז זייט מ'האט ב"ה דערגרייכט אז קרית יואל זאל זיך אפטיילן פונעם טאון, האבן די שכנים אונטער'ן אפמאך איינגעשטילט פון אלע דעמאלסדיגע אנטי-וואוקס העצערייען, און זיי האבן ב"ה מער נישט געהאט קיין דעה אריינצורעדן קעגן קרית יואל'ס פראיעקטן פון דירות, ראודס, אא"וו.
אבער עכ"ז האבן זיי נאך אלעמאל פרובירט דא-דארט וואו צו לאזן הערן אז זיי לעבן נאך... און ספעציעל אין די לעצטע יאר צוויי. דא האבן זיי ערפינדן אז ס'איז דא 2 דעוועלאפמענטס וואס "כאפן אן" זייערע גרעניצן, האבן זיי באשלאסן אז דא קענען זיי זיך אריינקוועטשן מיט עפעס בעלות, און אויסנוצן דעם "כל המיצר לישראל נעשה ראש" צו צייגן פאר זייער פאלק אז זיי שטערן די וואוקס פון קרית יואל.
זייער עיקר טענה וואו זיי כאפן זיך אן, איז אז די "טאון ראודס" גייען אנכאפן די 2 דעוועלאפמענטס, ממילא קענען זיי דאס נישט אדורכלאזן אזוי פשוט... ווי כאילו קיינער ווייסט נישט אז אלע גאסן וואו קרית יואל האט געבויט דעוועלאפמענטס זענען די ראודס נאר געווארן פארבעסערט און פארשענערט און פארברייטערט, ווי עיקערס ראוד, בעיקערטאון ראוד, פארעסט ראוד, אזוי אז קיינער קען נישט חושד זיין אז מ'איז דא צו פארנאכלעסיגן די ראודס נאר פארקערט.
צו קרית יואל'ס מזל זענען אלע ביז יעצטיגע פראיעקטן ביי די גרעניצן געווען קאנעקטעד מיט "קאונטי ראודס" וואס געהערט צו אראנדזש קאונטי, למשל שכונת ויואל משה, אדער די דירות יענע געגנט פון ר' יוזפא לאנדא, ר' אהרן וויינבערגער. ווידער די גרויסע פראיעקטן אויף עיקערס און אויף בעיקערטאון האבן נאר אנגערירט "ווילעדזש ראודס".
אבער די 2 דערמאנטע פראיעקטן כאפן יא אן "טאון ראודס". קארלסבורג ביי סעווען ספרינגס איז אינגאנצן קאנעקטעד צום טאון, כאטש מ'דארף נישט צורירן צו זייער שטח, אבער עס קומט זיך צוזאם און זיי קענען פרובירן צו זאגן אז זיי זענען באזארגט פאר זייער ראוד. און ביי פארעסט שעטויס איז עס באמת א ראוד וואס געהער פאר די סטעיט DOT, אבער דער טאון שרייט אז היות דער שטח פון איין חלק פונעם ראוד איז אונטערן טאון גרעניץ, האבן זיי דא א ווארט. (נישט אז זיי זענען אין די לעצטע 5 יאר אמאל נכשל געווארן צו שארן די שניי אויף דעם חלק ראוד... אבער יעצט ווילן זיי למפרע האבן בעלות)
עכ"פ צום ענין פון יעצט ערב תשעה באב.
די טאון "דעפיוטי סופערווייזער" דארי האולל (קארדאון האט איר געשטעלט אלס דעפיוטי סופערווייזער אונטער אים, נאך די לעצטע נאוועמבער וואלן) האט אנגעפירט א טאון מיטינג ערב תשעה באב פארנאכטס, וואס האט זיך געצויגן נאנט צו 3 שעה, וואו זי האט אונטער פארמאכטע טירן געהעצט קעגן קרית יואל'ס וואוקס ממש אויפ'ן אמאליגן שטייגער פון די יונייטעד מאנרא צייטן. ביים ענדע פון די מיטינג איז פארגעקומען א וואוט, וואו אלע (אויסער קארדאון אליינס וואס איז נישט דארט געווען) האבן געשטימט אז די טאון זאל עפענען 2 קאורט קעיסעס קעגן קרית יואל איבער די צוויי פראיעקטן.
1) א קלאגע קעגן די פארעסט שעטויס פראיעקט, אז מען האט געמוזט אויסווארטן אויף אלע שלעפערייען פונעם טאון אוו מאנרא בעפארן צורירן דעם ראוד ווייל ס'איז אין די גרעניצן פונעם טאון, און אגב דערקלערן זיי אז דער ראוד געהער צו זיי, כאטש די סטעיט האט שוין קלארגעשטעלט אנדערש.
2) א קלאגע קעגן די קארלסבורג חתן-כלה דירות פראיעקט פונעם רבי'ן (מהר"א), וואו מען האט אריינגעכאפט אויסצוהאקן ביימער, טראץ וואס מען האלט נאך אינמיט די "סיקרע" פראצעדור, כדי נישט צו פארפאסן די חדשים ווען די היינטיגע ענווייראמענטאלע געזעצן לאזן האקן ביימער. טענה'ט די טאון א נייע פרישע טענה - אלס שכן - אז מ'האט נישט געטארט אנהייבן ארבעטן אויף א פראיעקט וואס "גייט בעתיד" ווערן קאנעקטעד מיט טאון ראודס... נאר אויב זיי געבן פאראויס זייער פולסטע הסכמה.
די קאונסיל פרוי, דעפיוטי סופערווייזאר, האולל האט אונטערגעשריבן די ארדער פאר'ן טאון אטוירני אריינצוגעבן די 2 קלאגעס בקרוב.
ווי געשריבן אנהויב, די שנאה פון קארדאון און האולל קעגן קרית יואל איז נישט ניי, קארדאון איז ארגינעל געווארן אריינגעברענגט דורך "יונייטעד מאנרא", אבער נאך עטליכע יאר זיין היבש רואיג זייט די שלום-דיעל, זענען זיי לעצטנס שטארק צולאזט אויף יעדע ריר, זיי טרייען צו שטערן קרית יואל מיט די ווילעדזש באסעס, מיט יעדע קאונטי בודזשעט, מיט די שניי שארן, מיט די רוזשין קאנעקטער ראוד, און יעצט מיט די 2 פרישע קלאגעס. דער אויבערשטער זאל העלפן אלעס זאל שנעל און גרינג ווערן אויסגעפייט.
(ס'איז מעגליך אז די רייץ יעצט קומט טאקע פון האולל, נאך מער ווי איר באסס קארדאון, ווייל האולל לויפט דאך נאוועמבער צום סטעיט סענאט און זי וויל אפשר נוצן איר אנטי קרית יואל 'אויפטוען' אלס א מיטל צו שלעפן מער טאון וויילער צו איר זייט. אויך קארדאון וויל איר אריינזען אינעם סענאט, וועלנדיג האבן דארט איינעם פון זיין רעפובליקאנע פארטיי, ואכמ"ל)
[/
