מאנטאג פרשת וארא
פארן דאווענען האט דער רבי געלייגט תפילין פאר הבחור הבר מצוה בן הרה״ח ר׳ אלימלך בנציון מארקאוויטש הי״ו פון קרית ייטב לב
אום 8:25 איז דער רבי אריינגעקומען צו תפילת שחרית אינעם בנין ישיבה קטנה החדש אויף טראנטאן סט. סניף הרה״ג ר׳ יואל שטעסל שליט״א, בעל תפילה איז געווען הב׳ יודא לייב בר״י ווייס ני״ו.
ביי קריאת התורה איז נתכבד געווארן
פתיחה: הרה״ג ר׳ זלמן וואלף שפיטצער שליט״א ר״מ בישיבה
כהן: נכד רבינו הרה׳ג ר׳ יואל גלאנץ שליט״א ר״מ בישיבה
לוי: הב׳ יודא לייב בר״י ווייס ני״ו
דער רבי האט עולה געווען שלישי
הגבה: חדב״ן הגה״צ ר׳ יצחק ראזענבערגער שליט״א ר״מ בישיבה
גלילה: הב׳ מרדכי ב״ר יעקב חיים הירש הי״ו
נאכן דאווענען איז די בר מצוה בחור אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו, אזוי אויך איז אריין די תלמידי הישיבה וואס האבן זיך מקבל געווען צו לערנען שעות רציפות במשך די ימי השובבי״ם, די בחורים האבן איבערגעגעבן די קבלות פארן רבין און דער רבי האט אנגעוואונטשען ברכת קדשו.
נאך א קורצע הפסקה איז דער רבי אריינגעקומען אין היכל הישיבה, ווי דער רבי האט געקלאפט א מזוזה ביים הויפט אריינגאנג, און אנגעוואונטשען פאר די מנהל ורמ״י הישבה.
מען האט געענדיגט ארום 10:30.
אין די פארמיטאג שעות איז דער רבי אנגעקומען אויף די וועכענטליכע באזוך אינעם בית האופה דקהלתינו הק׳.
אום 4:55 איז דער רבי אריינגעקומען צו תפילת מנחה בעל תפילה איז געווען הב׳ חיים זאפיר ני״ו.
אין די נאכמיטאג האט דער רבי זיך טעלעפאניש פארבינדן מיט מחותנו האדמו"ר מסקולען שליט"א לרפו"ש, וועלכער געפונט זיך אין שפיטאל אין אריזאנע דער רבי האט דורש געווען בשלומו, האדמו״ר מסקולען שליט״א האט זיך מזכיר געווען און דער רבי האט אנגעוואונטשן א רפואה שלימה.
זמני כניסה איז געווען פון 7:00 ביז 10:15 אויפדערנאכט.
אום 8:00 איז דער רבי אריינגעקומען צו תפילת מעריב בעל תפילה איז געווען הב׳ יעקב כ״ץ ני״ו.
נאכן געזעגענען איז דער רבי אנגעקומען קיין בארא פארק אין שטוב פון הרה״ח ר׳ געציל בר״ב בערגער הי״ו, ווי עס איז פארגעקומען א רייכן מסיבה לטובת מוסדותינו הק׳ יטב לב אין ירושלים עיה״ק, עס איז אויך אנוועזענד געווען הגה״צ אב״ד ירושלים - קרית יואל שליט״א און הגה״צ אב״ד סיגוט שליט״א,
עס האט אויפגעטרעטן מיטן דבר הנהלת המוסדות הרה״ח ר׳ מענדל וואלערשטיין הי״ו מנהל המוסדות,
דערנאך האט דער רבי משמיע געווען קורצע דברות קודש און ארויסגעברענגט די זכיה פון שטיצן מוסדות עטה״ק ובפרט מוסדות יטב לב וואס איז ע״ש פון רביה״ק זי״ע, דער רבי האט מסיים געווען מיט ברכות לרוב פאר די נדיבים בעם און אלע משתתפים,
דער רבי האט געטרינקען לחיים און אנגעוואונטשען ברכות קדשו.
״קול רנה וישועה באהלי צדיקים״
ארום 11:45 איז דער רבי אריינגעקומען אין ביהמ״ד ברך משה שע״י ביתו נאוה קודש צום מסיבת לחיים לרגל די לרגל די שידוך שליסן פון נכדתו הכלה בתש״ק שתחי׳ בת חדב"ן הגה"צ ר' יואל שמעון פריעדמאן שליט"א זוהן פון הרה״ג ר׳ ירמי טייטלבוים שליט״א דומ״ץ שאפראן עב"ג החתן בן הרה״ג ר' יואל טייטלבוים שליט"א אב״ד תפארת מרדכי א זון פון הגה"צ אב"ד בית אהרן שליט״א וחתן הגה״צ אב״ד פאיע וחבר הביד״ץ שליט״א
מען האט געזינגען ניגוני שמחה והודאה.
דערנאך האט מען געמאכט קבלת קנין, עדות זענען געווען הרה״ח ר׳ חיים אהרן פלאהר הע״ו משב״ק און הרה״ח יוסף אלי שלעזינגער הי״ו
דער רבי האט געטרינקען לחיים און אנגעוואונטשען פארן חתן, מחותנים, און פארן גאנצן ציבור,דער ציבור איז אדורך וואונטשען מזל טוב,
מען האט געענדיגט ארום 12:20.
+


~