פרייטאג פרשת ויחי
אום 8:30 איז דער רבי אריינגעקומען צו תפילת שחרית אין היכל הישיבה קטנה ח״ב בהנהלת הרה״ג ר׳ חיים הערש שפירא שליט״א אויף די חברון גאס.
נאכן דאווענען זענען אריין די תלמידי הישיבה וואס האבן זיך מקבל געווען צו לערנען שעות רציפות במשך די ימי השובבי״ם, די בחורים האבן איבערגעגעבן די קבלות פארן רבין און דער רבי האט אנגעוואונטשען.
אין די פארמיטאג שעות איז דער רבי געווען באזוכן אינעם נייעם ביהמ״ד דקהלתינו הק׳ אין בלומינג גראוו בגלילות קרית יואל, אינאיינעם מיט׳ן ראה"ק הרה"ח ר' מענדל שווימער הי"ו, דער דומ״ץ הביהמ״ד הרה״ג ר׳ שמואל לייטנער שליט״א, דער בונה ומקים פונעם שול הרה״ח ר׳ אברהם בער יאקאבאוויטש הי״ו סגן ראה״ק דקהלתינו הק׳ און וויליאמסבורג, און הנהלת קהלתינו הק׳.
דער רבי איז ארומגעגאנגען אינעם גאנצן ביהמ״ד וואס האלט שוין אין די לעצטע פאזעס פונעם אויפבוי. דער רבי האט באטראכט די מקוה טהרה און איבערגעגאנגען די כשרות און הדורים כפי תקנות רביה״ק זי״ע.
אויפן וועג ארויס האט דער רבי אנגעוואונטשען דער נדבן הביהמ״ד הרה״ח ר׳ אברהם בער יאקאבאוויטש הי״ו און הנהלת קהלתינו הק׳.
שב״ק פרשת ויחי בצה״ק אין קרית יואל
אום 5:05 איז דער רבי אריינגעקומען אין ביהמ״ד הגדול מעוטף בטליתו צו תפילת מנחה און צוגעגאנגען צום עמוד.
צו קבלת שבת איז צוגעגאנגען הרה״ג ר׳ יואל ברוין שליט״א דומ״ץ ביהמ״ד בית יעקב נחמי' דקהלתינו הק׳
נאכן דאווענען איז דער ציבור אדורך זאגן גוט שבת.
אום 9:40 איז דער רבי אריינגעקומען און ביהמ״ד הגדול צום טיש און אנגעהויבן שלום עליכם.
הגבהת הכוס צו קידוש הגה״צ אב״ד ור״מ שליט״א.
מיט די זמירות שבת האט דער רבי מכבד געווען
כל מקדש: הגה״צ אב״ד בעהוץ שליט״א
מנוחה ושמחה: הגה״צ אב״ד טאלטשאווא שליט״א.
דער רבי האט געזאגט תורה אויף די פסוקי הפרשה
קה אכסוף: הגה״צ אב״ד שארמאש שליט״א.
קה רבון עלם: הרה״ג ר׳ מרדכי דוד יוראוויטש שליט׳א מו״ץ בקהלתינו הק׳.
לקל אשר שבת: הרה״ג ר׳ משולם איסר ראטענבערג שליט״א מו״ץ בקהלתינו הק׳.
מיטן בענטשן האט דער רבי מכבד געווען הגה״צ דומ״ץ דקהלתינו שליט״א.
עס איז פארגעקומען די שלום זכור לבן הר״ר אהרן ברוך קאהן שליט״א, ולבן הרה״ח ר׳ יעקב לייב פריעדמאן הי״ו, דער רבי האט טועם געווען פון די בונדלעך און אנגעוואונטשען ברכת קדשו.
אז ביום השביעי: הרה״ח ר׳ חיים משה פערל הי״ו
נאך אז ביום השביעי איז דער גאנצע ציבור אדורך באקומען פירות פונעם רבין.
מען האט פארענדיגט ארום 12:30 און מען האט אהיים באגלייט דעם רבין לבית האכסניא.
יום שבת קודש
ארום 8:45 איז דער רבי אריינגעקומען אין ביהמ״ד הגדול צו חברת תהילים אינאיינעם מיט די הונדערטער תשב״ר, דער רבי האט מיטגעזאגט אפאר קאפיטלעך, דערנאך האט אויפגעטרעטן הר״ר יודא בעריש לויפער שליט״א מנהל חברת תהילים, און מקבל פנים געווען דעם רבין.
אום 9:30 איז דער רבי אריינגעקומען צו תפילת שחרית.
פסוקי דזמרה: הר״ר יצחק אהרן ווייס שליט״א.
דער רבי איז צוגעגאנגען צו שחרית.
ביי קריאת התורה זענען נתכבד געווארן
פתיחה: הרב מרדכי קאהן שליט״א פון מאנסי
כהן: הרה״ג ר׳ שבתי קאהן שליט״א מו״ץ בקהלתינו הק׳
לוי: הרה״ח ר׳ ישראל חיים קרויס הי״ו סגן ראה״ק דקהלתינו הק׳
שלישי: הגה״צ אב״ד ור״מ שליט״א
רביעי: הרה״ח ר׳ אלטר יחזקאל גליק הי״ן
חמישי: החתן ב״ר אליעזר לייב ווייס הי״ו
דער רבי האט עולה געווען שישי
שביעי: הרה״ח ר׳ יוסף פנחס סטרולאוויטש הי״ו חבר הנהלת מוסדותינו הק׳
הוספות: הרה״ח ר׳ מענדל עפשטיין הי״ו, הרה״ח ר׳ אליעזר לייב ווייס ני״ו, הר״ר אהרן ברוך קאהן שליט״א, הרה״ח ר׳ יעקב לייב פריעדמאן הי״ו, הרב יעקב בער טייטלבוים שליט״א נכד רבינו
אחרון חזק: הרה״ח ר׳ משה אלי עסטרייכער הי״ו מנכ״ל מוסדותינו הק׳
מפטיר: הרה״ח ר׳ מענדל שווימער הי״ו ראה״ק
הגבה: הרה״ח ר׳ יוסף שלמה גרינפעלד הי״ו
גלילה: הרה״ח ר׳ ישעי יעקב בירנבוים הי״ו
צו מוסף איז צוגעגאנגען נכד רבינו הרב חיים משה לאבין שליט״א רב ביהמ״ד בית כהנא.
פתיחה לאנעים זמירות: הרה״ח ר׳ ברוך אבראמאוויטש הי״ו פון בארא פארק.
מען האט פארענדיגט ארום 12:30
דער ציבור איז אדורך זאגן גוט שבת
דערנאך איז דער רבי אהיים לבית האכסני', און געפראוועט די בייטאג טיש אינאיינעם מיט די געסט, באולם שע״י בית האכסני'.
ביים טיש האט זיך אויך באטייליגט הגה״צ אב״ד טשאטה שליט״א
הגבהת הכוס: הרב מרדכי קאהן שליט״א פון מאנסי
במשכ'ן טיש האט דער רבי געזאגט עטליכע מאל תורה
ברוך השם: הרה״ח ר׳ שמואל דוד דייטש הי״ו
ברוך קל עליון: הרה״ח ר׳ חיים יושע הערמאן הי״ו
מיטן בענטשן האט דער רבי מכבד געווען הרה״ח ר׳ יחזקאל שווימער הי״ו
מנחה ושל״ס
אום 5:10 איז דער רבי אריינגעקומען צו תפילת מנחה בעל תפילה איז געווען הרה״ח ר׳ י'הוסף קרויס הי״ו
ביי קריאת התורה זענען נתכבד געווארן
פתיחה: הרה״ח ר׳ אביגדור נחום שלעזינגער הי״ו משמש
כהן: הר״ר שמעון שמואל שווארטץ שליט״א
לוי: הרב פרץ טובי דייטש שליט״א
שלישי: הרה״ח ר׳ וואלף לעפקאוויטש הי״ו
דער רבי איז געגאנגען הגבה
גלילה: הרה״ח ר׳ אברהם חיים גאלדמאן הי״ו
דער רבי האט זיך געוואשן צו של״ס און פארגעזינגען די זמירות
אודה: הרה״ח ר׳ מענדל שווימער הי״ו ראה״ק
שיר המעלות: הרה״ח ר׳ משה פריעדמאן הי״ו חבר הנהלת מוסדותינו הק׳
דער רבי האט געזאגט תורה
ידיד נפש: הרה״ח ר׳ אלטר יחזקאל גליק הי״ו שו״ב
דער רבי האט געבענטשט אויפן כוס און געזאגט די שבע ברכות פאר די חתנים
נאך א קורצע הפסקה איז דער רבי אריינגעקומען צו תפילת מעריב בעל תפילה איז געווען הרה״ח ר׳ משולם פייש פערלמוטער הי״ו
דערנאך האט דער רבי געמאכט הבדלה, נאך הבדלה איז דער ציבור אדורך זאגן א גוטע וואך, דערנאך האט מען ארויסבאגלייט דעם רבין בשירה ובזמרה.
מוצש״ק
אום 10:45 איז דער רבי אנגעקומען אין די זאלן פון עטרת מייזעלס ווי עס איז פארגעקומען די מעמד ׳עיני ולבי׳ לטובת מוסדותינו הק׳ פאר אלע תומכי מוסדותינו הק׳.
עס האט זיך אנגעהויבן מיט א לענגערע נגינה פרעזענטאציע מיט חרוזים דורך די תלמידי המוסדות.
עס האט אויפגעטרעטן דער אדמיניסטראטאר הרה״ח ר׳ משה אלי עסטרייכער הי״ו און אויסגעריפן די פרייליכע בשורה אז הרה״ח ר׳ אלטר יחזקאל גליק הי״ו שו״ב, איז מנדב פרישע צוויי מיליאן דאללער לטובת מוסדותינו הק׳ און צוגאב וואס ר׳ יחזקאל הי״ו האט אפגעקויפט עטליכע זכותים אונעם בנין בית רחל החדש, זיך אויך באדאנקט פאר די עסקני וועד להקים וואס דורך זיי קען מען בויען פרישע בנינים אדירים פאר מוסדותינו הק׳, און ארויסגעברענט לשבח נדיבי לב ונגידי קהלתינו הק׳ וואס נאר דורך דעם קען די מוסדות אנגיין.
נאך דעם האט דער רבי משמיע געווען דברות קודש ומשא המעמד, דער רבי האט אנגעהויבן מיט דברי אגדה אויף די וואכעדיגע סדרה, דערנאך האט דער רבי ארומגערעדט א לענגערע צייט איבער די גרויסע הצלחה פון מוסדותינו הק' אין קרית יואל אין און ארויסגעברענגט די געוואלדיגע כוחות וואס די מרביצי תורה לייגן אריין אין די קינדער, און די גוטע גריסן וואס מען הערט צוריק.
דער רבי האט ממשיך געווען איבער די געוואלדיגע הצלחה וואס מען זעט ביי חינוך הבנות ווי די קינדער ווערן נתגדל אויפן העכסטן סטאנדארט,
דערנאך האט דער רבי ארויסגעברענגט די געוואלדיגע הרחבת גבולי הקדושה פון מוסדותינו הק' אין ק"י, און איבער די צוויי נייע בנינים וואס מען האט אנגעהויבן בויען פארן בית רחל און פאר די ת"ת, און דער רבי האט מעורר ומעודד געווען אנ"ש אז יעדער איינער דארף שפירן אז דאס איז זיין פראיעקט, און יעדער זאל האבן א חלק אין דעם כפי יכלתו, און דער רבי האט געוואונטשן די עסקנים מיט הצלחה אויף ווייטער.
דער רבי האט א לענגערע צייט ארומגערעדט בשבח פונעם חשובע נדבן הרה״ח ר׳ יחזקאל גליק הי״ו וואס האט שוין די זכיה דעם צווייטן מאל צו געבן דעם אסטראנאמישן סכות פון העכער צוויי מיליאן דאללער לטובת מוסדותינו הק׳ דער רבי האט ארויסגעברענגט דאס התקשרות פון ר׳ יחזקאל הי״ו צו רביה״ק זי״ע און ווי דאס ווערט ווייטער נמשך, און אויסגעפירט מיט ברכות לרוב פאר ר׳ יחזקאל און די בני המשפחה, און דער רבי האט צוגעענדיגט מיט דברי ברכה פאר די הנהלת המוסדות און פאר אלע משתתפים.
דערנאך האט דער רבי פארטיילט שיריים פאר די חברי הנהלת מוסדותינו הק׳ און אנגעוואונטשען.
הגה״צ אב״ד ור״מ שליט״א האט אויפגעטרעטן מיטן דבר המוסדות, דער רב שליט״א האט ארומגערעדט איבער די חיוב פון שטיצן די מוסדות, און ארומגערעדט איבער די הרחבת גבולי הקדושה פון מוסדותינו הק׳, און וואו עס וואקסט און בליעט בכמות ובאיכות.
דער רבי האט פארלאזט דעם זאל ארום 12:30,
אויפן וועג ארויס האט דער רבי זיך באדאנקט פאר די עסקנים וועלעכע האבן ארויסגעהאלפן למען הצלחת המעמד.
פון דארט איז דער רבי אריבער צום בנין הבית רחל החדש אינאיינעם מיט׳ן רב שליט"א און הרה"ח ר' משה אלי' עסטרייכער הי"ו אדמינסטראטער און אלע חברי וועד קרן הבנין.
דער רבי איז ארום אין אלע אפטיילונגען פונעם בנין אזוי אויך באטראכט די ניייע חתונה זאל פאר אנשי שלומינו תושבי קרית יואל, און זיך אויסגעדרוקט זיין געוואלדיגע התפעלות פונעם בנין האדיר וואס האלט שוין אין די לעצטע פאזעס פונעם אויפבוי ברוב פאר והדר, און אנגעוואונטשן פארן אדמינסטראטער און די חברי הנהלה.
ארום 1:00 האט דער רבי פארלאזט קרית יואל אויפן וועג אהיים לביתו נאוה קודש.
~
~
בצל התומר